വൈശാഖിന് സഹായമെത്തി

അന്തിക്കാട്: കണ്ടശാംകടവ് പ്രൊഫസര്‍ ജോസഫ് മുണ്ടശേരി സ്മാരക സ്‌കൂള്‍ വിദ്യാര്‍ത്ഥി വൈശാഖിന് മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള സഹായമെത്തി.  ഗുരുവായൂരിലെ തെരുവ് വെളിച്ചത്തില്‍ രാത്രി തങ്ങി രാവിലെ കണ്ടശാംകടവ് സ്‌കൂളിലേക്ക് പഠിക്കാനെത്തിയിരുന്ന വൈശാഖിന്റേയും അമ്മയുടേയും ദുരിതം കഴിഞ്ഞ വര്‍ഷം ജൂണിലാണ് മാധ്യമങ്ങളിലൂടെ പുറലോകമറിഞ്ഞത്. ഇതേ തുടര്‍ന്ന് പ്രശ്‌നത്തില്‍ നേരിട്ട് ഇടപെട്ട മുഖ്യമന്ത്രി, വൈശാഖിന് സുരക്ഷിതമായ താമസ സൗകര്യമുറപ്പാക്കാന്‍ ജില്ലാ കളക്ടര്‍ക്ക് നിര്‍ദ്ദേശം നല്‍കിയിരുന്നു. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള സഹായധനമായ ഒരു ലക്ഷത്തി 85,500 രൂപയുടെ ചെക്ക് വൈശാഖിനും അമ്മ രാജേശ്വരിക്കും മുരളി പെരുന്നെല്ലി എം.എല്‍.എ നല്‍കി. പി.ടി.എ പ്രസിഡന്റ് വി.എന്‍. സുര്‍ജിത്ത് അധ്യക്ഷനായി. മണലൂര്‍ ഗ്രാമപ്പഞ്ചായത്ത് പ്രസിഡന്റ് സീത ഗണേഷ്, ബ്ലോക്ക് പഞ്ചായത്തംഗം സബിത പ്രസാദ്, ഗ്രാമപഞ്ചായത്തംഗം ജോയ്‌മോന്‍ പള്ളിക്കുന്നത്ത് തുടങ്ങിയവര്‍ സംസാരിച്ചു.

Rate this item
(0 votes)

Other Head Lines

Go to top