വൃക്ക മാറ്റിവെക്കല്‍ ശസ്ത്രക്രിയയ്ക്ക് യുവാവ് സഹായം തേടുന്നു

അന്തിക്കാട്: വൃക്ക മാറ്റിവെക്കല്‍ ശസ്ത്രക്രിയയ്ക്ക് യുവാവ് സഹായം തേടുന്നു. അരിമ്പൂര്‍ പഞ്ചായത്തിലെ ഒമ്പതാം വാര്‍ഡ് മനക്കൊടി മുടത്തോളി സുരേന്ദ്രന്‍ മകന്‍ സജീവന്‍ ആണ് ഉദാരമതികളുടെ സഹായം തേടുന്നത്. മൂന്ന് വര്‍ഷമായി വൃക്കരോഗ ബാധിതനായ സജീവന്‍ എറണാകുളം അമൃത ആശുപത്രിയില്‍ ചികിത്സയിലാണ്. ആഴ്ചയില്‍ രണ്ട് തവണ ഡയാലിസിസ് നടത്തുന്ന സജീവന് വൃക്ക മാറ്റിവെക്കലിനും തുടര്‍ ചികിത്സയ്ക്കുമായി പതിനഞ്ച് ലക്ഷം രൂപ ചിലവ് വരും. പത്താം ക്ലാസില്‍ പഠിക്കുന്ന മകനും ഭാര്യയുമടങ്ങുന്ന നിര്‍ധന കുടുംബത്തിന് താങ്ങാവുന്നതിലുമപ്പുറമാണ് ചികിത്സാ ചിലവ്. ഭാര്യ വൃക്ക നല്‍കാന്‍ തയ്യാറാണെങ്കിലും ശസ്ത്രക്രിയക്കും തുടര്‍ ചികിത്സക്കും പണം കണ്ടെത്താന്‍ പറ്റാത്ത അവസ്ഥയിലാണ് കുടുംബം. അരിമ്പൂര്‍ ഗ്രാമപഞ്ചായത്ത് പ്രസിഡന്റ് സുജാത മോഹന്‍ദാസ് ചെയര്‍പേഴ്‌സണായി സജീവന്‍ ചികിത്സാ സഹായ സമിതി നാട്ടുകാര്‍ രൂപീകരിച്ചിട്ടുണ്ട്. ' സജീവന്‍ ചികിത്സാ സഹായ സമിതി, അക്കൗണ്ട് നമ്പര്‍: 800 10 888 009, തൃശൂര്‍ ജില്ലാ സഹകരണ ബാങ്ക് , അരിമ്പൂര്‍ ബ്രാഞ്ച്, മനക്കൊടി , എന്ന വിലാസത്തിലാണ് സഹായങ്ങള്‍ അയക്കേണ്ടത്.

Rate this item
(0 votes)

Other Head Lines

Go to top