കരനെല്‍ കൃഷിയുടെ വിത്ത് വിത ഉത്സവം നടന്നു

പാവറട്ടി: ഓണത്തിനൊരു പറ നെല്ല് പദ്ധതിയുടെ ഭാഗമായി വെങ്കിടങ്ങ് ഗ്രാമ പഞ്ചായത്ത് കൃഷിഭവന്റെ നേതൃത്വത്തില്‍ കരനെല്‍ കൃഷിയുടെ വിത്ത് വിത ഉത്സവം നടന്നു. കണ്ണോത്ത് ബോധി ഗ്രാമീണ വേദി പാട്ടത്തിനെടുത്ത ഒരേക്കര്‍ തരിശു നിലത്തിലാണ് വിത നടത്തിയിട്ടുള്ളത്. വെങ്കിടങ്ങ് ഗ്രാമ പഞ്ചായത്ത് പ്രസിഡണ്ട് രതി എം. ശങ്കര്‍ വിത്ത് വിതയ്ക്കല്‍ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് കെ.വി.മനോഹരന്‍ അധ്യക്ഷനായി. കൃഷി ഓഫീസര്‍ എം. കെ.അനിതകുമാരി, പഞ്ചായത്ത് വികസന സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ രത്‌നവല്ലി സുരേന്ദ്രന്‍, ക്ഷേമ കാര്യ സ്റ്റാന്‍ഡിങ്ങ് കമ്മിറ്റി ചെയര്‍മാന്‍ കെ.വി.വേലുകുട്ടി തുടങ്ങിയവര്‍ സംസാരിച്ചു. മൂപ്പു കുറഞ്ഞ അന്നപൂര്‍ണ വിത്ത് ഉപയോഗിച്ച് പൂര്‍ണമായും ജൈവ രീതിയിലാണ് കൃഷി ചെയ്യുന്നത്.

Rate this item
(0 votes)

Other Head Lines

Go to top