Thrissur Live

തൃശൂര്‍ തൃശൂര്‍ കോര്‍പ്പറേഷന്‍ വൈദ്യുതി ബജറ്റും അവതരിപ്പിച്ചു.
321 കോടിയുടെ വരവും 307 കോടി രൂപയുടെ ചിലവും പ്രതീക്ഷിക്കുന്ന വൈദ്യുതി ബജറ്റാണ് ഡെപ്യൂട്ടി മേയര്‍ വര്‍ഗീസ് കണ്ടംകുളത്തി അവതരിപ്പിച്ചത്. 15 കോടി ചിലവില്‍ തൃശൂര്‍ കോര്‍പ്പറേഷനിലെ വൈദ്യുതി വിഭാഗത്തില്‍ ബഹുനില കെട്ടിടം പണിയാന്‍ ബജറ്റില്‍ നിര്‍ദ്ദേശമുണ്ട്. ചെറുകിട ജലവൈദ്യുതി പദ്ധതികള്‍ക്ക് 20 കോടി വകയിരുത്തി. 110 കെ.വി. സബ്‌സ്റ്റേഷന്‍, ക്വാര്‍ട്ടേഴ്‌സ് കെട്ടിടം, അംഗപരിമിതര്‍, സീനിയര്‍ സിറ്റിസണ്‍ എന്നിവര്‍ക്ക് പ്രത്യേക കാഷ് കൗണ്ടറുകള്‍, ഓണ്‍ലൈന്‍ പെയ്‌മെന്റ് സൗകര്യം, സ്വരാജ് റൗണ്ടിലും പ്രധാന ജംഗ്ഷനുകളിലും അണ്ടര്‍ഗ്രൗണ്ട് കേബിള്‍ പദ്ധതി എന്നിവയെല്ലാമാണ് വൈദ്യുതി ബജറ്റിലെ പ്രധാന പ്രഖ്യാപനങ്ങള്‍. ബജറ്റിന്മേലുള്ള ചര്‍ച്ച വ്യാഴാഴ്ച നടക്കും.
തൃശൂര്‍ മലീനികരണ നിയന്ത്രണ നിയമപ്രകാരം ഭാരത് സ്റ്റേജ്- ബി.എസ്. - 3 വാഹനങ്ങള്‍ ഏപ്രില്‍ ഒന്നുമുതല്‍ വില്‍ക്കുന്നതിനു നിരോധനം.
ഇനി ബി.എസ്. - 4 വാഹനങ്ങള്‍ മാത്രമേ വില്‍ക്കാനാകൂ. നിലവില്‍ സ്റ്റോക്കുള്ള ബി.എസ്. - 3 വാഹനങ്ങള്‍ വില്‍ക്കാന്‍ ഇളവ് അനുവദിക്കണമെന്ന ആവശ്യം സുപ്രീംകോടതി തള്ളി. വാഹന നിര്‍മ്മാതാക്കളും ഡീലര്‍മാരുമാണ് കോടതിയെ സമീപിച്ചത്. വാണിജ്യ താല്‍പര്യമല്ല , ജനങ്ങളുടെ ആരോഗ്യമാണ് പ്രധാനമെന്ന് കോടതി നിരീക്ഷിച്ചു. 8 ലക്ഷത്തോളം വാഹനങ്ങള്‍ സ്റ്റോക്കുണ്ടെന്നും ഇത് വിറ്റഴിക്കാന്‍ അനുവദിക്കണമെന്നുമാണ് ഹര്‍ജിക്കാര്‍ ആവശ്യപ്പെട്ടത്. സ്റ്റോക്കുള്ള വാഹനങ്ങള്‍ വിറ്റഴിക്കാന്‍ ഒരു വര്‍ഷമെങ്കിലും സമയം വേണ്ടിവരുമെന്നായിരുന്നു ഹര്‍ജിക്കാരുടെ വാദം.
അതിരപ്പിള്ളി അതിരപ്പിള്ളി കോടനാട് ടൂറിസം സര്‍ക്യൂട്ടിന്റെ വിശദ റിപ്പോര്‍ട്ട് ഇന്നസെന്റ് എം.പി കേന്ദ്ര സര്‍ക്കാരിന് കൈമാറി.
സംസ്ഥാന ടൂറിസം വകുപ്പിനു വേണ്ടി കണ്‍സള്‍ട്ടന്റായ ജിറ്റ് പാക്ക് തയ്യാറാക്കിയ റിപ്പോര്‍ട്ടിന്റെ അടിസ്ഥാനത്തില്‍ കേന്ദ്ര ടൂറിസം മന്ത്രി മഹേഷ് ശര്‍മ്മയുമായി പദ്ധതി നടത്തിപ്പിന്റെ വിശദാംശങ്ങള്‍ ഇന്നസെന്റ് ചര്‍ച്ച ചെയതു. കേന്ദ്ര പദ്ധതിയായ സ്വദേശ് ദര്‍ശനി'ല്‍ ഉള്‍പ്പെടുത്തി അടുത്ത സാമ്പത്തിക വര്‍ഷം തന്നെ പദ്ധതി ആരംഭിക്കണമെന്ന് എം.പി ആവശ്യപ്പെട്ടു. അതിരപ്പിള്ളിയില്‍ നിന്നാരംഭിച്ച് തുമ്പൂര്‍മുഴി, ഏഴാറ്റുമുഖം, മലയാറ്റൂര്‍, കാലടി, കാഞ്ഞൂര്‍, തിരുവൈരാണിക്കുളം, നാഗഞ്ചേരി മന, ഇരിങ്ങോള്‍, കല്ലില്‍ ക്ഷേത്രം എന്നിവിടങ്ങളിലൂടെ കോടനാട് അവസാനിക്കുന്നതാണ് ടൂറിസം സര്‍ക്യൂട്ട് പദ്ധതി.
തൃശൂര്‍ സൗജന്യ ഡയാലിസിസ് കേന്ദ്രത്തിനായി ലയണസ് ക്ലബിന്റെ ആഭിമുഖ്യത്തില്‍ സംഘടിപ്പിക്കുന്ന ഫെം ഫെസ്റ്റ് ഏപ്രില്‍ 1,2 തിയതികളില്‍ തൃശൂരില്‍ നടക്കുമെന്ന് സംഘാടകര്‍ അറിയിച്ചു.
മിഷന്‍ ക്വാര്‍ട്ടേഴ്‌സിലുള്ള ലയണ്‍സ് കമ്മ്യൂണിറ്റി ഹാളില്‍ നടക്കുന്ന പ്രദര്‍ശന വില്പനമേളയുടെ ഉദ്ഘാടനം ലയണസ് സോണ്‍ ചെയര്‍പേഴ്‌സണ്‍ സുഷമ നന്ദകുമാര്‍ നിര്‍വ്വഹിക്കും. ഫെസ്റ്റില്‍ അന്താരാഷ്ട്ര നിലവാരമുള്ള ട്രെന്‍ഡി ഡിസൈന്‍ ലേഡിസ് -കിഡ് വെയറുകള്‍, ഗൃഹാലങ്കാര വസ്തുക്കള്‍, ഹോംലി ഫുഡ് എന്നിവയുടെ വില്പനയും പ്രദര്‍ശനവും ഉണ്ടായിരിക്കും. രാവിലെ 9 മുതല്‍ രാത്രി 8 വരെയായിരിക്കും ഫെസ്റ്റ്. വാര്‍ത്താസമ്മേളനത്തില്‍ ലയണ്‍സ് ക്ലബ് പ്രസിഡന്റ് ജെയിംസ് വളപ്പില, ലയണസ് ക്ലബ് പ്രസിഡന്റ് ലീന ജെയിംസ്, സ്‌നേഹ പ്രതീഷ്, നിമ്മി റപ്പായി തുടങ്ങിയവര്‍ പങ്കെടുത്തു.
തൃശൂര്‍ കേരള കാര്‍ഷിക സര്‍വ്വകലാശാല റേഡിയോട്രേസര്‍ ലാബിന്റെ മേധാവി ഡോ.പി.സുരേഷ്‌കുമാര്‍ സൂക്ഷ്മ മൂലക ഗവേഷണത്തില്‍ മികച്ച ശാസത്രജ്ഞനുള്ള 2017 ലെ പുരസ്‌കാരത്തിന് അര്‍ഹനായി.
എണ്‍പത്തിയൊന്നായിരം രൂപയും വെള്ളിയില്‍ തീര്‍ത്ത ഫലകവും പ്രശ്‌സതി പത്രവും അടങ്ങുന്നതാണ് പുരസ്‌കാരം. ഇന്ത്യയിലെ സൂക്ഷ്മ മൂലക സാങ്കേതിക വിദഗ്ധ സമിതിയാണ് പുരസ്‌കാര ജേതാവിനെ തെരഞ്ഞെടുത്തത്.
തൃശൂര്‍ ജില്ലാ പഞ്ചായത്ത് ബജറ്റ് യോഗത്തില്‍ ഭരണ പ്രതിപക്ഷാംഗങ്ങള്‍ തമ്മില്‍ വാക്കേറ്റം.
ബജറ്റിനു ശേഷം നടന്ന ചര്‍ച്ചയിലാണ് പ്രതിഷേധവുമായി പ്രതിപക്ഷം രംഗത്തെത്തിയത്. മത്സ്യത്തൊഴിലാളികളെയും ജില്ലയിലെ കായിക വിദ്യാര്‍ത്ഥികളെയും അവഗണിച്ച ബജറ്റ് തീര്‍ത്തും നിരാശാ ജനകമാണെന്ന അഭിപ്രായവുമായി പ്രതിപക്ഷാംഗം ശോഭാ സുബിനാണ് ആദ്യം രംഗത്തെത്തിയത്. തുടര്‍ന്ന് ബജറ്റിന്റെ നിയമസാധുതയെ ചോദ്യം ചെയ്ത് പ്രതിപക്ഷ നേതാവ് വേണുഗോപാലമേനോനും എത്തി. ഇതോടെ ഭരണപക്ഷാംഗങ്ങള്‍ പ്രതിപക്ഷത്തിനെതിരെ രംഗത്തെത്തുകയും ചെയ്തു. മുന്‍വര്‍ഷത്തെ ബജറ്റ് പ്രാവര്‍ത്തികമാക്കാനാകാത്ത ഭരണസമിതിയുടെ ഈ ബജറ്റ് വെറുംകടലാസിലൊതുങ്ങുമെന്നും പ്രതിപക്ഷാംഗങ്ങള്‍ കുറ്റപ്പെടുത്തി. പിന്നീട് പ്രസിഡന്റ് ഷീല വിജയകുമാറിന്റെ ഇടപെടലിനെ തുടര്‍ന്നാണ് രംഗം ശാന്തമായത്.
തൃശൂര്‍ എസ്.എസ്.എല്‍.സി കണക്ക് പരീക്ഷ ചോദ്യ പേപ്പര്‍ ചോര്‍ന്നതില്‍ പ്രതിഷേധിച്ച് കെ.എസ്.യു പ്രവര്‍ത്തര്‍ തൃശൂരില്‍ വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥിനെ കരിങ്കൊടി കാണിച്ചു.
കാനാട്ടുകയിലെ വസതിയില്‍ നിന്ന് മന്ത്രി പുതുക്കാട്ടേക്ക് പോകുന്നതിനിടെയാണ് ബൈക്കിലെത്തിയ കെ.എസ്.യു പ്രവര്‍ത്തകര്‍ കരിങ്കൊടി കാട്ടിയത്.
മുണ്ടൂര്‍ കൈപ്പറമ്പില്‍ ഹൈവേയില്‍ പ്രവര്‍ത്തിക്കുന്ന ബിവറേജ് ഔട്ട്‌ലെറ്റ് മുണ്ടൂര്‍- വരടിയം റോഡിലെ ജെ.ജെ.ഓഡിറ്റോറിയത്തിലേക്ക് മാറ്റാനുള്ള ശ്രമം വീട്ടമ്മമാരുടെ നേതൃത്വത്തില്‍ നാട്ടുകാര്‍ തടഞ്ഞു.
ഇന്ന് രാവിലെയാണ് ബിവറേജസ് അധികൃതര്‍ ജെ.ജെ.ഓഡിറ്റോറിയത്തിലെത്തിയത്. ഇന്നലെ മുതല്‍ നാട്ടുകാര്‍ ഓഡിറ്റോറിയം പരിസരത്ത് പ്രതിഷേധം ആരംഭിച്ചിരുന്നു. നാട്ടുകാര്‍ തടഞ്ഞതിനെ തുടര്‍ന്ന് ബിവറേജസ് അധികൃതര്‍ക്ക് ഓഡിറ്റോറിയത്തിനുള്ളില്‍ പ്രവേശിക്കാനായില്ല. മദ്യത്തിന്റെ ലോഡും ഫര്‍ണീച്ചറും എത്തിച്ചിരുന്നെങ്കിലും നാട്ടുകാര്‍ ഓഡിറ്റോറിയത്തിലേക്ക് പ്രവേശിക്കാന്‍ അനുവദിച്ചില്ല. അനില്‍ അക്കര എം.എല്‍.എ, കൈപ്പറമ്പ് ഗ്രാമപഞ്ചായത്ത് പ്രസിഡന്റ് സി.ജെ.ആന്റോ, വിവിധ രാഷ്ട്രീയ കക്ഷിനേതാക്കള്‍, പ്രവര്‍ത്തകര്‍ തുടങ്ങിയവര്‍ സ്ഥലത്തെത്തിയിരുന്നു. പഞ്ചായത്തിന്റെ അനുമതിയില്ലാതെയാണ് ബിവറേജ് ഔട്ട്‌ലെറ്റ് ഓഡിറ്റോറിയത്തില്‍ ആരംഭിക്കാന്‍ തീരുമാനിച്ചത്. ബിവറേജസ് ഔട്ട്‌ലെറ്റ് തുറക്കുന്നതിനെതിരെ പഞ്ചായത്തധികൃതര്‍ കോടതിയെ സമീപിക്കും. നാട്ടുകാരുടേയും വിവിധ രാഷ്ട്രീയ കക്ഷികളുടേയും എതിര്‍പ്പിനെ തുടര്‍ന്ന് ബിവറേജസ് അധികൃതര്‍ മടങ്ങിപ്പോയി. പേരാമംഗലം സി.ഐ.-ബി.സന്തോഷിന്റെ നേതൃത്വത്തില്‍ വന്‍ പോലീസ് സന്നാഹം സ്ഥലത്തെത്തിയിരുന്നു. അടുത്തിടെ ആരംഭിച്ച ജെ.ജെ.ഓഡിറ്റോറിയത്തിന് കല്യാണങ്ങളും മറ്റു ചടങ്ങുകളും നടത്താന്‍ മാത്രമാണ് ലൈസന്‍സ് ലഭിച്ചിട്ടുള്ളത്.
കയ്പമംഗലം ദേശീയപാത-17ല്‍ രണ്ടിടത്തുണ്ടായ വാഹനാപകടങ്ങളില്‍ 19 പേര്‍ക്ക് പരിക്ക്.
ഇന്നലെ രാത്രി 11.30ന് മതിലകം പുന്നക്കബസാര്‍ പുളിഞ്ചോട്ടില്‍ ഭരണി ഭക്തര്‍ സഞ്ചരിച്ചിരുന്ന വാന്‍ ലോറിയിലും മരത്തിലും ഇടിച്ച് 15 പേര്‍ക്ക് പരിക്കേറ്റു. കോഴിക്കോട് കുന്നമംഗലത്ത് നിന്നു കൊടുങ്ങല്ലൂര്‍ ഭരണിക്ക് വന്ന് മടങ്ങിയവരാണ് അപകടത്തില്‍പ്പെട്ടത്. ടയര്‍ പഞ്ചറായതിനെ തുടര്‍ന്ന് നിയന്ത്രണം വിട്ട് എതിരെ വന്ന ലോറിയിലും മരത്തിലും ഇടിക്കുകയായിരുന്നു. പരിക്കേറ്റവരെ ആക്ട്‌സ്, ലൈഫ്ഗാര്‍ഡ് പ്രവര്‍ത്തകര്‍ ചേര്‍ന്ന് കൊടുങ്ങല്ലൂര്‍ മെഡികെയര്‍ ആശുപത്രിയില്‍ പ്രവേശിപ്പിച്ചു. ആരുടേയും പരിക്ക് ഗുരുതരമല്ല. ചെന്ത്രാപ്പിന്നിയില്‍ ഓട്ടോറിക്ഷയും ചരക്ക് ലോറിയും കൂട്ടിയിടിച്ച് ഓട്ടോയാത്രികരായ 4 പേര്‍ക്ക് പരിക്കേറ്റു. പെരിന്തല്‍മണ്ണ സ്വദേശികളായ കാഞ്ഞിരപ്പള്ളി കൃഷ്ണന്‍, പുത്തന്‍പുരക്കല്‍ ഹരിദാസന്‍, ഒഴുകുന്നത്ത് വിജയന്‍, പുത്തന്‍പുരക്കല്‍ അപ്പുക്കുട്ടന്‍ എന്നിവര്‍ക്കാണ് പരിക്കേറ്റത്. ഇവരെ ആക്ട്‌സ് പ്രവര്‍ത്തകര്‍ ഇരിങ്ങാലക്കുട സഹകരണ ആശുപത്രിയില്‍ പ്രവേശിപ്പിച്ചു.
തൃശൂര്‍ തൃശൂര്‍ ഗവണ്‍മെന്റ് മെഡിക്കല്‍ കോളേജിനാവശ്യമായ വൈദ്യുതി, സോളാര്‍ ഊര്‍ജം വഴി ഉല്‍പ്പാദിപ്പിക്കുന്നതിന്റെ ഭാഗമായുള്ള സര്‍വ്വേ നടപടികള്‍ക്ക് തുടക്കമായി.
പദ്ധതിയുടെ വിശദമായ രേഖ തയ്യാറാക്കുന്നതിനായി കെ.എസ്.ഇ.ബി എനര്‍ജി സേവിംഗ്‌സ് വകുപ്പിനെ ചുമതലപ്പെടുത്തിയതായി അനില്‍ അക്കര എം.എല്‍.എ അറിയിച്ചു. ഇത് സംബന്ധിച്ച പഠന റിപ്പോര്‍ട്ട് മെയ് അവസസാനത്തോടെ സര്‍ക്കാരിന് സമര്‍പ്പിക്കും . നിലവില്‍ മെഡിക്കല്‍ കോളേജില്‍ ഒരു ദിവസം 1,100 യൂണിറ്റ് വൈദ്യുതിയാണ് ആവശ്യമായി വരുന്നത്. 4 മെഗാവാട്ട് വൈദ്യുതി ഉല്‍പാദിപ്പിക്കാന്‍ കഴിയുന്ന സോളാര്‍ പാനലുകള്‍ സ്ഥാപിക്കാനാണ് ഉദ്ദേശിക്കുന്നത്. മെഡിക്കല്‍ കോളേജിലെ പുതിയ കെട്ടിടങ്ങള്‍ക്ക് മുകളിലായാണ് 25 കോടി രൂപ ചെലവില്‍ സോളാര്‍ പാനലുകള്‍ സ്ഥാപിക്കുന്നത്. സര്‍വ്വേ നടപടികള്‍ ഏപ്രില്‍ ആറിന് സമാപിക്കും.
തൃശൂര്‍ വിവിധ ആവശ്യങ്ങളുന്നയിച്ച് കേരള ഖാദി വര്‍ക്കേഴ്‌സ് കോണ്‍ഗ്രസിന്റെ ആഭിമുഖ്യത്തില്‍ കളക്‌ട്രേറ്റിനു മുന്നില്‍ ധര്‍ണ നടത്തി.
ഖാദി വ്യവസായത്തോടും തൊഴിലാളികളോടുമുള്ള സര്‍ക്കാരിന്റെ അവഗണന അവസാനിപ്പിക്കുക, മിനിമം കൂലി നിശ്ചയിക്കുക, കൂലി കുടിശിക, പെന്‍ഷന്‍ എന്നിവ വിതരണം ചെയ്യുക, ക്ഷേമനിധി ബോര്‍ഡ് രൂപീകരിക്കുക തുടങ്ങിയ ആവശ്യങ്ങളുന്നയിച്ചായിരുന്നു ഐ.എന്‍.ടി.യു.സി തൊഴിലാളികളുടെ ധര്‍ണ. സംഘടനാ വൈസ് പ്രസിഡന്റ് ജോസഫ് പെരുമ്പിള്ളി അധ്യക്ഷത വഹിച്ചു. ജില്ലാ സഹകരണ ബാങ്ക് പ്രസിഡന്റ് എം.കെ.അബ്ദുള്‍ സലാം, ഡി.സി.സി ജനറല്‍ സെക്രട്ടറി സി.ബി.ഗീത, എം.ടി.വത്സല തുടങ്ങിയവര്‍ സംസാരിച്ചു.
അന്തിക്കാട് വീട്ടമ്മയുടെ നാലര പവന്റെ മാല കവര്‍ന്ന സംഭവത്തില്‍ അയല്‍വാസിയായ വീട്ടമ്മ പിടിയില്‍.
മണലൂര്‍ പാലാഴി കല്ലുപാലം സ്വദേശിനി കൊണ്ടറപ്പശ്ശേരി വീട്ടില്‍ ഇരുപത്തിനാല് വയസ്സുള്ള മഞ്ജുവിനെയാണ് അന്തിക്കാട് എസ്.ഐ.-എസ്.ആര്‍.സനീഷിന്റെ നേതൃത്വത്തിലുള്ള പോലീസ് അറസ്റ്റു ചെയ്തത്. പാലാഴി കല്ലുപാലം സ്വദേശിനി പ്ലാവളപ്പില്‍ ഷിജുവിന്റെ ഭാര്യ നിഷയുടെ മാലയാണ് നഷ്ടപ്പെട്ടത് വീടിന്റെ വാതില്‍ ചാരിയിട്ട് നിഷ കുളിമുറിയില്‍ കയറിയ സമയത്ത് അലമാരയില്‍ ഊരിവെച്ചിരുന്ന മാല മഞ്ജു കവരുകയായിരുന്നു. സംഭവം അന്വേഷിക്കാന്‍ വന്ന പോലീസിനോട് പ്രദേശത്ത് നാടോടി സ്ത്രീകള്‍ എത്തിയിരുന്നതായി മഞ്ജു പറഞ്ഞിരുന്നു. മഞ്ജുവിനെ കൂടുതല്‍ ചോദ്യം ചെയ്തപ്പോഴാണ് മോഷണവിവരം പുറത്തായത്. മോഷ്ടിച്ച മാല മാറ്റി കാഞ്ഞാണിയിലെ ജല്ലറിയില്‍ നിന്ന് മഞ്ജു പുതിയ മാല വാങ്ങുകയും ചെയ്തിരുന്നു. മോഷണമുതല്‍ പോലീസ് കണ്ടെടുത്തു.
അന്തിക്കാട് മണലൂര്‍ ഗ്രാമപഞ്ചായത്തിന്റെ ബജറ്റ് അവതരിപ്പിച്ചു.
19 കോടി 96 ലക്ഷത്തി എണ്‍പതിനായിരം രൂപ വരവും 19 കോടി 46 ലക്ഷത്തി മുപ്പത്തൊന്നായിരം രൂപ ചിലവും 50 ലക്ഷത്തി നാല്‍പ്പത്തൊമ്പതിനായിരം രൂപ മിച്ചവും പ്രതീക്ഷിക്കുന്ന ബജറ്റ് പ്രസിഡന്റ് സീത ഗണേഷിന്റെ അദ്ധ്യക്ഷതയില്‍ വൈസ് പ്രസിഡന്റ് എം.കെ.സദാനന്ദനാണ് അവതരിപ്പിച്ചത്. കൃഷിക്കും മറ്റ് അനുബന്ധ പ്രവര്‍ത്തനങ്ങള്‍ക്കും 50 ലക്ഷം, കയര്‍ വ്യവസായത്തിന് രണ്ട് ലക്ഷം, നാളികേര സംഭരണവും വെളിച്ചെണ്ണ നിര്‍മ്മാണത്തിനുമായി ഒരു കോടി, പ്രാഥമികാരോഗ്യ കേന്ദ്രത്തില്‍ സൗരോര്‍ജ്ജത്തിനായി 15 ലക്ഷം, മൃഗസംരക്ഷണം ക്ഷീരവികസനത്തിനായി 25 ലക്ഷം തുടങ്ങിയവയാണ് പ്രധാന പദ്ധതികള്‍.ബജറ്റില്‍ രണ്ട് കോടി രൂപയാണ് ഉത്പാദന മേഖലയ്ക്കായി വകയിരുത്തിയിട്ടുള്ളത്. ബജറ്റ് അവതരണത്തിന് മുന്‍പ് കരട് ബജറ്റ് തന്നില്ലെന്നും ചര്‍ച്ച ചെയ്തില്ലെന്നും ആരോപിച്ച് കോണ്‍ഗ്രസ്സ് അംഗം പി.ടി.ജോണ്‍സണ്‍ പ്രതിഷേധം രേഖപ്പെടുത്തി
തൃശൂര്‍ തൃശൂര്‍ കോര്‍പറേഷന്‍ മാസ്റ്റര്‍ പ്ലാന്‍ പ്രസദ്ധീകരിക്കുന്നത് സംബന്ധിച്ച് ഏപ്രില്‍ മൂന്നിന് ചീഫ് ടൗണ്‍ പ്ലാനറുടെ നേതൃത്വത്തില്‍ ചര്‍ച്ച നടക്കും.
കോര്‍പറേഷന്‍ കൗണ്‍സില്‍ ഹാളില്‍ നടക്കുന്ന ചര്‍ച്ചയില്‍ പഞ്ചായത്ത് ഡയറക്ടര്‍, ജില്ലാ ടൗണ്‍പ്ലാനര്‍ എന്നിവര്‍ പങ്കെടുക്കും. തൃശൂര്‍ കോര്‍പറേഷന്‍ മാസറ്റര്‍ പ്ലാന്‍ പ്രസിദ്ധീകരിക്കണമെന്നാവശ്യപെട്ട് കൗണ്‍സിലര്‍ എ.പ്രസാദ് മേയര്‍ക്ക് നല്‍കിയ കത്തിന്റ അടിസ്ഥാനത്തിലാണ് ചര്‍ച്ച നടത്തുന്നത്.
പുന്നയൂര്‍ക്കുളം സപ്ലൈകോ മാവേലി സ്റ്റോറുകളില്‍ നിത്യോപയോഗ സാധനങ്ങള്‍ക്ക് വില വര്‍ദ്ധിപ്പിച്ചതില്‍ പ്രതിഷേധം.
വിവിധ പലവ്യഞ്ജനങ്ങള്‍ക്കു പൊതുവിപണിയേക്കാള്‍ വില കൂടുതലാണെന്ന് നാട്ടുകാര്‍ പരാതിപ്പെട്ടു. മണിക്കൂറുകളോളം ക്യൂ നിന്ന് ലഭിക്കുന്ന സാധനങ്ങള്‍ക്ക് ഗുണനിലവാരവും ഇല്ലെന്ന് പരാതിയുണ്ട്.
വടക്കാഞ്ചേരി വടക്കാഞ്ചേരി ബ്ലോക്ക് പഞ്ചായത്ത് പ്രസിഡന്റ് എസ്.ബസന്തലാലിന്റെ അധ്യക്ഷതയില്‍ ബജറ്റ് അവതരിപ്പിച്ചു.
58 കോടി 76 ലക്ഷത്തി പതിനൊന്നായിരം രൂപ വരവും അമ്പത്തി എട്ട് കോടി 66 ലക്ഷത്തി 70,000 രൂപ ചിലവും പ്രതീക്ഷിക്കുന്ന ബജറ്റാണ് അവതരിപ്പിച്ചത്. മണ്ണ്, ജല സംരക്ഷണത്തിന് 20 കോടി 19 ലക്ഷം, എരുമപ്പെട്ടി പ്രീ മെട്രിക് ഹോസ്റ്റലിനോട് ചേര്‍ന്ന് ഇന്‍ഡോര്‍ സ്റ്റേഡിയം നിര്‍മ്മിക്കുന്നതിന് 4 കോടി, എരുമപ്പെട്ടി സി.എച്ച്.സി.ക്ക് 10 കോടി 16 ലക്ഷം, വടക്കാഞ്ചേരി പുഴ, ഭാരതപ്പുഴ സംരക്ഷണത്തിനായി 27 കോടി രൂപ എന്നിവയാണ് പ്രധാന നിര്‍ദ്ദേശങ്ങള്‍. ബ്ലോക്ക് പഞ്ചായത്ത് വൈസ്പ്രസിഡന്റ് പി.പി.സുനിതയാണ് ബജറ്റ് അവതരിപ്പിച്ചത്.
അന്തിക്കാട് പോസിറ്റീവ് മൂവ്‌മെന്റ് ഓഫ് ഇന്ത്യാ പബ്ലിക് ചാരിറ്റബിള്‍ ട്രസ്റ്റിന്റെ നേതൃത്വത്തില്‍ അന്തിക്കാട് സര്‍ക്കാര്‍ പ്രാഥമിക ആരോഗ്യ കേന്ദ്രത്തിലും പുത്തന്‍പീടിക ചുമ്മാര്‍ ആയൂര്‍വ്വേദ ആശുപത്രിയിലും വാട്ടര്‍ ഡിസ്‌പെന്‍സര്‍ യൂണിറ്റുകളുടെ സമര്‍പ്പണം നടന്നു.
അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാര്‍ ഉദ്ഘാടനം നിര്‍വ്വഹിച്ചു. വൈസ് പ്രസിഡന്റ് ജ്യോതി രാമന്‍ അദ്ധ്യക്ഷത വഹിച്ചു. ജില്ലാ പഞ്ചായത്തംഗം സിജി മോഹന്‍ദാസ്, ബ്ലോക്ക് അംഗം മേനുജ പ്രതാപന്‍, മെമ്പര്‍ എ.വി.ശ്രീവത്സന്‍ തുടങ്ങിയവര്‍ പങ്കെടുത്തു.
തൃപ്രയാര്‍ നാട്ടിക ഗവണ്‍മെന്റ് ഫിഷറീസ് പട്ടികജാതി വിഭാഗം വിദ്യാര്‍ത്ഥികള്‍ക്ക് പഠനോപകരണങ്ങള്‍ വിതരണം ചെയ്തു.
ഒന്നുമുതല്‍ 7-ാം ക്ലാസ് വരെയുള്ള 45 കുട്ടികള്‍ക്കാണ് പഠനോപകരണങ്ങള്‍ വിതരണം ചെയ്തത്. നാട്ടിക ഗ്രാമപഞ്ചായത്ത് പ്രസിഡണ്ട് പി.വിനു വിതരണോദ്ഘാടനം നിര്‍വഹിച്ചു. ബിന്ദു പ്രദീപ് അധ്യക്ഷയായിരുന്നു. ലളിത മോഹന്‍ദാസ്, പി.എം.സിദ്ദിഖ്, കെ.വി.സുകുമാരന്‍ എന്നിവര്‍ സംസാരിച്ചു.
കുന്നംകുളം ചൊവ്വന്നൂര്‍ ബ്ലോക്ക് പഞ്ചായത്തിന്റെയും ജില്ലാ ശുചിത്വ മിഷന്റെയും സംയുക്താഭിമുഖ്യത്തില്‍ ദേശീയ സമ്പാദ്യ പദ്ധതി ഏജന്റുമാര്‍ക്കായി ഏകദിന പരിശീലന പരിപാടി സംഘടിപ്പിച്ചു.
ഗ്രീന്‍ പ്രോട്ടോകോള്‍, ശാസ്ത്രീയ മാലിന്യ പരിപാലനം എന്ന വിഷയത്തിലാണ് പരിശീലനം നടന്നത്. പഞ്ചായത്ത് ഹാളില്‍ നടന്ന പരിശീലന പരിപാടി ബ്ലോക്ക് പഞ്ചായത്ത് പ്രസിഡണ്ട് എ.വി.സുമതി ഉദ്ഘാടനം ചെയ്തു. ബി.ഡി.ഒ-രാമചന്ദ്രന്‍, ജനറല്‍ എക്സ്റ്റന്‍ഷന്‍ ഓഫീസര്‍ എം.ബൈജു തുടങ്ങിയവര്‍ സംസാരിച്ചു. മണ്ണുത്തി വികസന പരിശീലകേന്ദ്രം അദ്ധ്യാപകന്‍ എം.രേണുകുമാര്‍, ബ്ലോക്ക് പഞ്ചായത്ത് അംഗം സജിത്ത് തോമസ് എടക്കളത്തൂര്‍ എന്നിവര്‍ പരിശീലനത്തിന് നേതൃത്വം നല്‍കി.
കൊടകര സേവാഭാരതി കോടാലി യുണിറ്റും കടമ്പോട് ഗ്രാമസേവാസമിതിയും ചേര്‍ന്ന് നിര്‍ധന യുവതിയുടെ വിവാഹത്തിന് ധനസഹായം നല്കി.
കടമ്പോട് ഇരിങ്ങാമ്പുള്ളി സുലോചനയുടെ കുടുംബത്തിനാണ് സഹായം നല്‍കിയത്. ഇ.വി.സത്യന്‍ ധനസഹായം കൈമാറി. സേവാഭാരതി കോടാലി യൂണിറ്റ് പ്രസിഡന്റ് പി.ആര്‍.ചന്ദ്രന്‍ , ആര്‍.എസ്.എസ്. കൊടകര താലൂക്ക് സഹകാര്യവാഹക് എ. സുഭാഷ്, സേവാഭാരതി പ്രവര്‍ത്തകന്‍ പി.യു.ജയന്‍ എന്നിവര്‍ സന്നിഹിതരായിരുന്നു.
കടങ്ങോട് കടങ്ങോട് കിഴക്കുമുറി കൊട്ടിലപറമ്പില്‍ കൂട്ട ആത്മഹത്യ ശ്രമത്തത്തിനിടെ രക്ഷപെട്ട എട്ട് വയസ്‌കാരി വൈഷ്ണവിയുടെ വിദ്യഭ്യാസ ചെലവ് സര്‍ക്കാര്‍ വഹിക്കും.
ഇന്ന് ചേര്‍ന്ന മന്ത്രി സഭായോഗത്തിലാണ് മുഖ്യമന്ത്രി ഇക്കാര്യം അറിയച്ചത്. കഴിഞ്ഞ തിങ്കളാഴ്ചയാണ് സാമ്പത്തിക ബാധ്യതയെ തുടര്‍ന്ന് കൊട്ടിലപറമ്പില്‍ സുരേഷ് കുമാര്‍, ഭാര്യ ധന്യ, മക്കളായ വൈഗ, വൈശാഖി എന്നിവര്‍ മരിച്ചത്. ആത്മഹത്യാ ശ്രമത്തില്‍ നിന്ന് വൈഷ്ണവിയെ നാട്ടുകാര്‍ രക്ഷപ്പെടുത്തിയിരുന്നു. മന്ത്രി എ.സി മൊയ്തിനാണ് വൈഷ്ണവിയുടെ സംരക്ഷണം സംബന്ധിച്ച് മന്ത്രിസഭായോഗത്തിന്റെ ശ്രദ്ധയില്‍പെടുത്തിയത്. ഇതേതുടര്‍ന്നാണ് വൈഷ്ണവിയുടെ വിദ്യഭ്യാസ ചെലവ് സര്‍ക്കാര്‍ ഏറ്റെടുക്കാന്‍ തീരുമാനിച്ചത്.
എരുമപ്പെട്ടി കടബാധ്യത മൂലം ജീവനൊടുക്കിയ കടങ്ങോട് കൊട്ടിലിപറമ്പില്‍ സുരേഷ് കുമാറിന്റെ വീട്ടില്‍ മഹിളാ മോര്‍ച്ച സംസ്ഥാന സെക്രട്ടറി അഡ്വ. നിവേദിത സുബ്രഹ്മണ്യന്‍ സന്ദര്‍ശനം നടത്തി.
മരണത്തില്‍ നിന്നു രക്ഷപ്പെട്ട സുരേഷ് കുമാറിന്റെ മകള്‍ വൈഷ്ണവിയേയും ബന്ധുക്കളേയും അഡ്വ.നിവേദിത ആശ്വസിപ്പിച്ചു. സുരേഷ് കുമാറിന്റെ തറവാട്ടിലെത്തിയാണ് അനുശോചനം അറിയിച്ചത്. പ്രധാനമന്ത്രിയുടെ ബേട്ടി ബച്ചാവോ ബേട്ടി പഠാവോ പദ്ധതിയില്‍ കുട്ടിയെ ഉള്‍പ്പെടുത്തുമെന്ന് അവരറിയിച്ചു. ബി.ജെ.പി സംസ്ഥാന സമിതിയംഗം ഇ ചന്ദ്രന്‍ , ബി.ജെ.പി കടങ്ങോട് പഞ്ചായത്ത് കമ്മറ്റി പ്രസിഡന്റ് മുരളി ആദൂര്‍, സെക്രട്ടറി പി.വി.സദാനന്ദന്‍ തുടങ്ങിയവര്‍ സംസ്ഥാന സെക്രട്ടറിക്കൊപ്പമുണ്ടായിരുന്നു.
തൃശൂര്‍ ചോദ്യപേപ്പര്‍ ചോര്‍ന്നതിനെ തുടര്‍ന്ന് റദ്ദാക്കിയ എസ്.എസ്.എല്‍.സി. കണക്ക് പരീക്ഷ നാളെ വീണ്ടും നടത്തും.
നാളെ ഉച്ചയ്ക്ക് 1.45നാണ് പരീക്ഷ. പുതിയ സ്‌കീമില്‍ പരീക്ഷ എഴുതിയ വിദ്യാര്‍ത്ഥികളും ടി.എച്ച്.എസ്.എല്‍.സി വിദ്യാര്‍ത്ഥികളും ഈ പരീക്ഷ എഴുതണം. പഴയ സ്‌കീമില്‍ പരീക്ഷ എഴുതിയ വിദ്യാര്‍ത്ഥികള്‍ 30-ലെ പരീക്ഷയ്ക്ക് ഹാജരാകേണ്ടതില്ലെന്നും പരീക്ഷാ കമ്മീഷണര്‍ അറിയിച്ചു. 8,9 ക്ലാസുകളിലെ പരീക്ഷകള്‍ നാളെ രാവിലെ നടക്കും.
വടക്കാഞ്ചേരി കരുമത്രയില്‍ വഴിയാത്രക്കാരിയെ സ്‌കൂട്ടര്‍ ഇടിച്ച് എഞ്ചിനീയറിംഗ് വിദ്യാര്‍ത്ഥിനികള്‍ ഉള്‍പ്പെടെ 3 പേര്‍ക്ക് പരിക്ക്.
വിരുപ്പാക്ക പ്രതിഭ, പുളിക്കല്‍ വീട്ടില്‍ ഷഫ്‌ന, വഴിയാത്രക്കാരി കരുമത്ര ചിറ്റിലപ്പിള്ളി റോസ എന്നിവര്‍ക്കാണ് പരിക്കേറ്റത്. വിദ്യാര്‍ത്ഥിനികളെ തൃശൂര്‍ അശ്വിനി ആശുപത്രിയിലും റോസയെ ഗവണ്‍മെന്റ് മെഡിക്കല്‍ കോളേജിലും പ്രവേശിപ്പിച്ചു. വഴിയാത്രക്കാരി റോഡ് മുറിച്ച് കടക്കുന്നതിനിടെയാണ് അപകടം.
കൊടുങ്ങല്ലൂര്‍ മേത്തലയില്‍ ക്ഷേത്രത്തിലും ദേവാലയത്തിലും മോഷണം.
മേത്തല കടുക്കച്ചുവട് ശാസ്താംകോവില്‍ ക്ഷേത്രം, കുന്നംകുളം അമലമാത കപ്പേള എന്നിവിടങ്ങളിലാണ് ഇന്നലെ രാത്രിയില്‍ മോഷണം നടന്നത്. ക്ഷേത്രത്തിന് പുറത്ത് സ്ഥാപിച്ചിരുന്ന രണ്ട് ഭണ്ഡാരങ്ങളുടെയും താഴ് തകര്‍ത്താണ് മോഷണം നടത്തിയിട്ടുള്ളത്. മൂന്ന് മാസത്തിലൊരിക്കല്‍ തുറക്കുന്ന ഭണ്ഡാരം ഇക്കഴിഞ്ഞ ദിവസമാണ് തുറന്നത്. കോട്ടപ്പുറം സെന്റ് മൈക്കിള്‍സ് കത്തീഡ്രലിന് കീഴിലുള്ള അമല മാത കപ്പേളയിലെ ഓഫീസ് വാതില്‍ തകര്‍ത്ത് അകത്തു കയറിയ മോഷ്ടാവ് പള്ളിക്കകത്ത് സൂക്ഷിച്ചിരുന്ന രണ്ട് നേര്‍ച്ചപ്പെട്ടികളും കുത്തിത്തുറന്ന് പണം കവര്‍ന്നു. ശാസ്താംകോവിലിലെ ഭണ്ഡാരം കവര്‍ന്ന മോഷ്ടാവിന്റെ ദൃശ്യങ്ങള്‍ സി.സി.ടി.വി കാമറയില്‍ നിന്നു ലഭിച്ചിട്ടുണ്ട്. ശാസ്താംകോവില്‍ ട്രസ്റ്റ് വൈസ് പ്രസിഡന്റ് എം.എസ്.സുകുമാരന്റെ വീട്ടിലെ സി.സി.ടി.വി കാമറയിലാണ് മോഷ്ടാവിന്റെ ദൃശ്യങ്ങള്‍ പതിഞ്ഞിട്ടുള്ളത്. കൊടുങ്ങല്ലൂര്‍ പോലീസ് അന്വേഷണമാരംഭിച്ചു.
കൊടുങ്ങല്ലൂര്‍ കൊടുങ്ങല്ലൂരമ്മ തൃച്ചന്ദനമണിഞ്ഞു.
ശ്രീകുരുംബ ഭഗവതി ക്ഷേത്രത്തിലെ മീനഭരണി മഹോത്സവത്തിലെ ഏറ്റവും സുപ്രധാന ചടങ്ങായ അശ്വതി കാവുതീണ്ടല്‍ ഇന്ന് നടക്കും. ആയിരങ്ങള്‍ പങ്കെടുക്കുന്ന അശ്വതി കാവുതീണ്ടലിനായി കുരുംബക്കാവ് ഒരുങ്ങിക്കഴിഞ്ഞു. ദാരികവധത്തിനിടയില്‍ മുറിവേറ്റ ദേവിക്ക് നല്‍കുന്ന ചികിത്സയെന്ന് വിശ്വസിക്കുന്ന തൃച്ചന്ദനചാര്‍ത്ത് പൂജ ക്ഷേത്രത്തില്‍ ആരംഭിച്ചു. ഏഴരനാഴിക നീണ്ടു നില്‍ക്കുന്ന ശാക്തേയ വിധി പ്രകാരമുള്ള പൂജ പൂര്‍ത്തിയാകുന്നതോടെ കുരുംബക്കാവിനെ ആവേശക്കടലിലാഴ്ത്തുന്ന കാവുതീണ്ടല്‍ നടക്കും.
ചാലക്കുടി അതിരപ്പിള്ളിയില്‍ ചാലക്കുടിപ്പുഴയുടെ തീരത്ത് എക്‌സൈസ് ഉദ്യോഗസ്ഥര്‍ റെയ്ഡ് നടത്തി 50 ലിറ്റര്‍ വാഷ് പിടികൂടി.
ചാരായം നിര്‍മ്മിക്കാന്‍ തയ്യാറാക്കി വച്ചിരുന്ന വാഷാണ് കണ്ടെത്തി നശിപ്പിച്ചത്. വാറ്റ് ഉപകരണങ്ങളും പിടിച്ചെടുത്തു. രഹസ്യ വിവരം ലഭിച്ചതിന്റെ അടിസ്ഥാനത്തിലായിരുന്നു എക്‌സൈസുകാര്‍ പരിശോധനയ്‌ക്കെത്തിയത്. ഉദ്യോഗസ്ഥര്‍ എത്തുന്ന വിവരമറിഞ്ഞ് വ്യാജമദ്യം നിര്‍മ്മിച്ചവര്‍ ഓടിരക്ഷപ്പെട്ടു. എക്‌സൈസ് ഇന്‍സ്‌പെക്ടര്‍ വി.ആര്‍.രാജീവ്, അസിസ്റ്റന്റ് ഇന്‍സ്‌പെക്ടര്‍ ആര്‍.ശശിധരന്‍ നായര്‍ എന്നിവരുടെ നേതൃത്വത്തിലാണ് റെയ്ഡ് നടന്നത്.
തൃശൂര്‍ ശ്രീകേരളവര്‍മ്മ കോളേജില്‍ കാലിക്കറ്റ് യൂണിവേഴ്‌സിറ്റിയുടെ നി യമനാംഗീകാരവും അഞ്ചരവര്‍ഷമായി ശമ്പളവും ലഭിക്കാത്തതിനെതിരെ കോളേജില്‍ നിരാഹാര സമരം നടത്തുമെന്ന് ഫിലോസഫി ഡിപ്പാര്‍ട്ട്‌മെന്റിലെ അസിസ്റ്റന്റ് പ്രൊഫസര്‍ ഡോ.എസ്.മായ വാര്‍ത്താസമ്മേളനത്തില്‍ അറിയിച്ചു.
2011ല്‍ നടന്ന ഇന്റര്‍വ്യൂവിന്റെ അടിസ്ഥാനത്തില്‍ സെലക്ഷന്‍ ലിസ്റ്റില്‍ ഒന്നാമതായ തനിക്കെതിരെ നാലാമതും ആറാമതും വന്നവര്‍ കൊടുത്ത കേസിന്റെ അടിസ്ഥാനത്തിലാണ് നിയമനാംഗീകാരം നിരസിച്ചതെന്ന് അധ്യാപിക പറയുന്നു. എന്നാല്‍ 2016 ഡിസംബറിലെ ഹൈക്കോടതി വിധിയുടെ അടിസ്ഥാനത്തില്‍ ഒരു മാസത്തിനകം നിയമന അംഗീകാരം നല്‍കണമെന്ന് വിധി വന്നിട്ടും ഇതുവരെയും പാലിക്കപ്പെട്ടില്ലെന്നും ഇവര്‍ പറഞ്ഞു. ഇക്കാര്യം ആവശ്യപ്പെട്ട് നാളെ രാവിലെ മുതല്‍ 24 മണിക്കൂര്‍ കോളേജിനകത്ത് നിരാഹാരമിരിക്കുമെന്നും പ്രശ്‌നം പരിഹരിച്ചില്ലെങ്കില്‍ അനിശ്ചിതകാല നിരാഹാരമടക്കമുള്ള സമര നടപടികളുമായി മുന്നോട്ടു പോകുമെന്നും ഡോ.മായ പറഞ്ഞു.
ചേലക്കര കൊണ്ടാഴി ഗ്രാമപഞ്ചായത്തിലെ കുടിവെള്ള പ്രശ്‌നം പരിഹരിക്കുക, വര്‍ദ്ധിപ്പിച്ച കെട്ടിട നികുതി പിന്‍വലിക്കുക എന്നീ ആവശ്യങ്ങളുന്നയിച്ച് ഡി.വൈ.എഫ്.ഐ. കൊണ്ടാഴി മേഖല കമ്മിറ്റിയുടെ നേതൃത്വത്തില്‍ കൊണ്ടാഴി പഞ്ചായത്തില്‍ ഉപരോധ സമരം നടത്തി.
സി.പി.എം. ചേലക്കര ഏരിയ കമ്മിറ്റി അംഗം ടി.ഗോകുലന്‍ പ്രധിഷേധ പരിപാടി ഉദ്ഘാടനം ചെയ്തു. ഡി.വൈ.എഫ്.ഐ. ചേലക്കര ബ്ലോക്ക് കമ്മിറ്റി അംഗവും മേഖല പ്രസിഡന്റുമായ രതീഷ് അദ്ധ്യക്ഷത വഹിച്ചു. ചേലക്കര ബ്ലോക്ക് വൈസ് പ്രസിഡന്റും മേഖല സെക്രട്ടറിയുമായ ശ്യാം, സി.പി.എം. ലോക്കല്‍ സെക്രട്ടറി വി.എം.കൃഷ്ണകുമാര്‍, മനോജ് തുടങ്ങിയവര്‍ സംസാരിച്ചു. സമരം ചെയ്തവരെ പോലീസ് അറസ്റ്റ് ചെയ്തു നീക്കി.
എരുമപ്പെട്ടി ആര്‍.എസ്.എസ്. കുടക്കുഴി ശാഖയുടെ 50-ാം വാര്‍ഷികാഘോഷത്തിന്റെ ഭാഗമായി മാതൃസംഗമം സംഘടിപ്പിച്ചു.
മഹിള മോര്‍ച്ച സംസ്ഥാന സെക്രട്ടറി അഡ്വ. നിവേദിത സുബ്രഹ്മണ്യന്‍ സംഗമം ഉദ്ഘാടനം ചെയ്തു. ആര്‍.എസ്.എസ്. ജില്ല സഹ സംഘ ചാലക് കെ.എന്‍.ഗോപി അധ്യക്ഷനായി. ബി.ജെ.പി.സംസ്ഥാന സമിതിയംഗം ഇ.ചന്ദ്രന്‍, നേതാക്കളായ കെ.ജി.രവി, കെ.ആര്‍.രഞ്ജിത്ത് തുടങ്ങിയവര്‍ നേതൃത്വം നല്‍കി.
ചേലക്കര തിരുവില്വാമല വില്വാദ്രിനാഥ ക്ഷേത്രത്തില്‍ കൃഷ്ണനാല്‍ പ്രതിഷ്ഠ നടന്നു.
ക്ഷേത്ര മതില്‍ക്കെട്ടിനകത്തുണ്ടായിരുന്ന ഗുരുവായൂരപ്പനാല്‍ കഴിഞ്ഞ വര്‍ഷം നിലംപൊത്തിയിരുന്നു. പഴയ ആല്‍മരം നിന്നിരുന്ന സ്ഥാനത്തു തന്നെയാണ് താന്ത്രിക വിധി പ്രകാരം കൃഷ്ണനാല്‍ പ്രതിഷ്ഠിച്ചിരിക്കുന്നത്. ക്ഷേത്രം തന്ത്രി വിഷ്ണു ഭട്ടതിരിപ്പാട്, ഉണ്ണി ഭട്ടതിരിപ്പാട് എന്നിവര്‍ ചടങ്ങുകള്‍ക്ക് മുഖ്യകാര്‍മികത്വം വഹിച്ചു. ബ്രാഹ്മണരെ കാല്‍കഴുകിച്ചൂട്ടി ദാനസമര്‍പ്പണത്തോടെ ചടങ്ങുകള്‍ക്ക് സമാപനമായി.
പറപ്പൂക്കാവ് പറപ്പൂക്കാവ് പൂരമഹോത്സവം വെള്ളി, ശനി ദിവസങ്ങളില്‍ ആഘോഷിക്കുമെന്ന് ക്ഷേത്രം ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
ഉത്സവദിവസമായ വെള്ളിയാഴ്ച രാവിലെ 11.30ന് വിവിധ ദേശങ്ങളില്‍ നിന്നുള്ള കാവടികള്‍ ക്ഷേത്രസന്നിധിയില്‍ എത്തിച്ചേരും. വൈകീട്ട് 5നും പുലര്‍ച്ചെ 5നും നടക്കുന്ന കൂട്ടിയെഴുന്നെള്ളിപ്പില്‍ 18 ദേശങ്ങളില്‍ നിന്നുള്ള 42 ഗജവീരന്മാര്‍ അണിനിരക്കും. വൈകീട്ട് 5ന് നടക്കുന്ന കൂട്ടിയെഴുന്നെള്ളിപ്പില്‍ ചെണ്ടമേള വിദഗ്ധന്‍ വെള്ളിത്തിരുത്തി ഉണ്ണിനായരുടെ നേതൃത്വത്തില്‍ നൂറോളം കലാകാരന്‍മാരുടെ പാണ്ടിമേളവും പുലര്‍ച്ചെ പഞ്ചാരിമേളവും ഉണ്ടായിരിക്കും. വാര്‍ത്താസമ്മേളനത്തില്‍ ദേവസ്വം പ്രസിഡന്റ് എം.കെ.ഗോപിനാഥന്‍, സെക്രട്ടറി എ.കെ.ശശിധരന്‍, ട്രഷറര്‍ കെ.സുഗുണന്‍, സ്ഥിരം കമ്മിറ്റിയംഗം പി.കെ.പ്രഭാകരന്‍ തുടങ്ങിയവര്‍ പങ്കെടുത്തു.
ചാവക്കാട് കടപ്പുറം അഞ്ചങ്ങാടിയില്‍ വീട്ടു വളപ്പില്‍ നിന്ന് മുള്ളന്‍ പന്നിയെ പിടികൂടി.
പുതുവീട്ടില്‍ ചാലില്‍ ഷാഹുല്‍ ഹമീദിന്റെ വീട്ടുമുറ്റത്ത് നിന്നാണ് മുള്ളന്‍ പന്നിയെ പിടികൂടിയത്. വന്യജീവി സംരക്ഷകന്‍ സേവിയര്‍ എല്‍ത്തുരുത്തിന്റെ നേതൃത്വത്തില്‍ മുള്ളന്‍പന്നിയെ വലയില്‍ കുടുക്കുകയായിരുന്നു. ഫോറസ്റ്റ് അധികൃതരെത്തി മുള്ളന്‍പന്നിയെ കൊണ്ടുപോയി.
തൃശൂര്‍ തൃശൂര്‍ കോര്‍പ്പറേഷന്‍ ബജറ്റ് ഡെപ്യൂട്ടി മേയര്‍ വര്‍ഗീസ് കണ്ടംകുളത്തി അവതരിപ്പിച്ചു.
മാലിന്യസംസ്‌കരണത്തിന് 100 കോടി, ലാലൂര്‍ സ്‌പോര്‍ട്‌സ് കോംപ്ലക്‌സിന് 100 കോടി, ഭവന നിര്‍മ്മാണ പദ്ധതികള്‍ക്ക് 100 കോടി, ശക്തന്‍നഗര്‍ സമഗ്രവികസനത്തിന് 100 കോടി, കുടിവെള്ള പദ്ധതികള്‍ക്ക് 45 കോടി, ദാരിദ്ര്യ ലഘൂകരണത്തിന് 20 കോടി, കുരിയച്ചിറ ആധുനിക അറവുശാലയ്ക്ക് 20 കോടി, കോര്‍പ്പറേഷന്‍സ്റ്റേഡിയത്തിന് 3 കോടി, ബസ് സ്റ്റാന്റുകളുടെ നവീകരണത്തിന് 6 കോടി, ഹരിതകേരളം പദ്ധതിക്ക് 5 കോടി, ഷോപ്പിംഗ് കോംപ്ലക്‌സ് നിര്‍മ്മാണത്തിന് 10 കോടി എന്നിവയാണ് പ്രധാന പദ്ധതികള്‍. മാലിന്യസംസ്‌കരണത്തിന് ഗ്രീന്‍ പ്രോട്ടോകോള്‍ ഏര്‍പ്പെടുത്തും. കോര്‍പ്പറേഷന്‍ സേവനങ്ങള്‍ സോണല്‍ ഓഫീസുകള്‍ നവീകരിക്കും. ജംഗ്ഷന്‍വികസനം, കോര്‍പ്പറേഷന്‍ ഓഫീസില്‍ സി.സി.ടി.വി കാമറ എന്നിവയ്ക്ക് പ്രത്യേക പരിഗണന നല്‍കും.
തൃശൂര്‍ കെ.എസ്.യു തിരഞ്ഞെടുപ്പിനെ തുടര്‍ന്ന് ജില്ലയിലെ കോണ്‍ഗ്രസിലെ ഗ്രൂപ്പിനുള്ളില്‍ മുറുമുറുപ്പ് രൂക്ഷം. ജില്ലാ സഹകരണബാങ്ക് ഭരണസമിതിയുടെ അംഗങ്ങളുടെ നാമനിര്‍ദ്ദശത്തിലും അതൃപ്തി പുകയുന്നു.
കെ.എസ്.യു. തെരഞ്ഞെടുപ്പിനെ തുടര്‍ന്ന് ജില്ലയിലെ കോണ്‍ഗ്രസ് എ ഗ്രൂപ്പില്‍ ഇപ്പോഴും അസ്വാസ്ഥ്യമാണ് നിലനില്‍ക്കുന്നത്. ജില്ലാ സഹകരണബാങ്കിന്റെ പുതിയ ഭരണ സമിതി അംഗങ്ങളുടെ നാമനിര്‍ദ്ദശത്തില്‍ എ ഗ്രൂപ്പിലെ അബ്ദു റഹ്മാന്‍കുട്ടി വിഭാഗം തിരിച്ചടി നല്‍കിയിരിക്കുകയാണ്. എ ഗ്രൂപ്പ് നേതാവ് പി.എ. മാധവനുമായി ആലോചിക്കാതെ അബ്ദു റഹ്മാന്‍കുട്ടിയുടെ നേതൃത്വത്തില്‍ എ പക്ഷത്തിന്റെ പേരില്‍ ലിസ്റ്റ് നല്‍കിയാണ് തിരിച്ചടി നല്‍കിയത്. കെ.എസ്.യു തെരഞ്ഞെടുപ്പില്‍ അബ്ദു റഹ്മാന്‍കുട്ടിയോട് ആലോചിക്കാതെ എ ഗ്രൂപ്പിലെ ഒരു വിഭാഗം ഐ ഗ്രൂപ്പിലെ മിഥുന്‍മോഹനെ പിന്തുണച്ചതിലെ വിരോധമാണ് അബ്ദു റഹ്മാന്‍കുട്ടി വിഭാഗം ഇപ്പോള്‍ തീര്‍ത്തത്. നിലവിലെ ബാങ്ക് പ്രസിഡന്റ് അബ്ദുള്‍ സലാം എ ഗ്രൂപ്പ് നേതാവ് ഒ. അബ്ദു റഹ്മാന്‍കുട്ടി വിഭാഗത്തെ അനുകൂലിക്കുന്ന വ്യക്തിയാണ്. അതേസമയം ജില്ലാ സഹകരണ ബാങ്ക് വൈസ് പ്രസിന്റ് എ ഗ്രൂപ്പ്കാരനായ സി.ഐ സെബാസ്റ്റിയനാണ്. എ ഗ്രൂപ്പ് നേതാവ് പി.എ മാധവനെ അനുകൂലിക്കുന്ന സി.ഐ സെബാസ്റ്റ്യനുമായി ആലോചിക്കാതെ അബ്ദു റഹ്മാന്‍കുട്ടിവിഭാഗം പേര് നിര്‍ദ്ദശിച്ചതിനെതിരെ വിയോജനകുറിപ്പ് നല്‍കിയിട്ടുണ്ട്. നിലവില്‍ മൂന്ന് ഡയറക്ടര്‍ സ്ഥാനങ്ങളിലേക്ക് ഒഴിവ് വന്നതില്‍ ഐ വിഭാഗത്തിന് രണ്ട് സീറ്റും , എ ഗ്രൂപ്പിന് ഒരു സീറ്റുമാണുള്ളത്. മുന്‍ കൗണ്‍സിലര്‍ ബൈജു വര്‍ഗീസിന്റെ പേരാണ് പി.എ മാധവന്‍ പക്ഷം നിര്‍ദ്ദശിക്കാന്‍ തീരുമാനിച്ചിരുന്നത്. എന്നാല്‍ ഇത് വെട്ടിയാണ് എ ഗ്രൂപ്പിലെ മറുപക്ഷം നടത്തറ സര്‍വ്വീസ് സഹകരണ ബാങ്ക് ഡയറക്ടര്‍ മൃദുല രാമചന്ദ്രന്റെ പേര് നല്‍കിയത്. ഇതോടെ എ ഗ്രൂപ്പില്‍ ശീതസമരം തുടങ്ങി. എ ഗ്രൂപ്പിലെ സംസ്ഥാന നേതാക്കളെ ഇടപെടുവിപ്പിക്കാനാണ് ജില്ലാ നേതൃത്വം ശ്രമിക്കുന്നത്. ഐ വിഭാഗത്തിന്റെ നോമിനികളായി ചേലക്കരയില്‍ നിന്നുള്ള നിര്‍മ്മലയേയും, ചന്ദ്രിക ശിവദാസനെയുമാണ് നിര്‍ദ്ദേശിച്ചിരിക്കുന്നുത്.
പുഴയ്ക്കല്‍ പുഴയ്ക്കലിലെ സിഗ്നല്‍ ലൈറ്റിന്റെ അശാസ്ത്രിയത വീണ്ടും അപകടങ്ങള്‍ക്ക് വഴി വെയ്ക്കുന്നു.
ചൊവ്വാഴ്ച ഉച്ചയ്ക്ക് ബസും കാറും കൂട്ടിയിടിച്ചുണ്ടായ അപകടമാണ് ഒടുവിലത്തെ സംഭവം. പുഴയ്ക്കലിലെ സിഗ്നല്‍ ലൈറ്റിന്റെ അശാസ്ത്രീയത മൂലം അപകടങ്ങള്‍ക്ക് വഴിവെയ്ക്കുന്നതായും ഇവിടെ അപകടങ്ങള്‍ തുടര്‍ക്കഥയായി മാറിയതായും ടി.സി.വി നിരന്തരം റിപ്പോര്‍ട്ട് ചെയ്തിരുന്നു. എന്നാല്‍ അധികൃതര്‍ കണ്ണ് തുറക്കാത്തതാണ് അപകടങ്ങല്‍ വീണ്ടും ആവര്‍ത്തിക്കാന്‍ കാരണം. ശനി, ഞായര്‍ ദിവസങ്ങളിലും അവധി ദിവസങ്ങളിലും പുഴയ്ക്കലില്‍ ഗതാഗതകുരുക്ക് രൂക്ഷമാണ്. അപകടങ്ങള്‍ കൂടി ഉണ്ടാകുന്നതോടെ ഗതാഗതകുരുക്ക് കൂടുതല്‍ വര്‍ദ്ധിക്കാന്‍ കാരണമാകുകയാണ്.
പൂങ്കുന്നം പൂങ്കുന്നം പുഷ്പഗിരി ശ്രീ സീതാരാമ സ്വാമി ക്ഷേത്രത്തിലെ ശ്രീരാമ നവമിയോടനുബന്ധിച്ചുള്ള ബ്രഹ്മോത്സവത്തിന് കൊടിയേറി.
വിവിധ വൈദീക ചടങ്ങുകള്‍ക്ക് ശേഷം ക്ഷേത്രം തന്ത്രി മധുരൈ ഗോവിന്ദരാജ ഭട്ടാചാര്യരാണ് കൊടിയേറ്റം നിര്‍വ്വഹിച്ചത്. കോര്‍പ്പറേഷന്‍ കൗണ്‍സിലര്‍ സി. രാവുണ്ണി, കല്യാണ്‍ ജ്വല്ലറി സാരഥി ടി.എസ്. കല്യാണരാമന്‍, കല്യാണ്‍ സില്‍ക്ക്‌സ് സാരഥി ടി.എസ്. പട്ടാഭിരാമന്‍, ക്ഷേത്രം ട്രസ്റ്റി ടി.എസ്. രാമകൃഷ്ണന്‍, ക്ഷേത്രം ഭാരവാഹികളായ വിശ്വനാഥ അയ്യര്‍, ഡി. മൂര്‍ത്തി, ടി.എസ്. അനന്തരാമന്‍, ടി.എ. ബാലരാമന്‍ തുടങ്ങിയവര്‍ സന്നിഹിതരായിരുന്നു. ഏപ്രില്‍ 5നാണ് ശ്രീരാമനവമി. അന്നേദിവസം രാവിലെ മൂന്ന് ആനപ്പുറത്ത് പാഞ്ചാരിമേളത്തിന്റെ അകമ്പടിയോടെ ശീവേലി എഴുന്നെള്ളിപ്പും നടക്കും. വൈകീട്ട് 5.30ന് രഥോത്സവവും തുടര്‍ന്ന് മൂന്ന് ആനകളുടെ അകമ്പടിയോടെ എഴുന്നള്ളത്തും നടക്കും. ഏപ്രില്‍ 4 വരെ ദിവസവും വൈകീട്ട് കാഴ്ച ശീവേലിയും രാത്രി സ്വര്‍ണ്ണരഥത്തില്‍ ഗ്രാമപ്രദക്ഷിണവും ഉണ്ടാകും. ഏപ്രില്‍ 6ന് രാവിലെ ആറാട്ടും വൈകീട്ട് സീതാകല്യാണവും നടക്കും. ഏപ്രില്‍ 7ന് നടക്കുന്ന ആഞ്ജനേയോത്സവത്തോടെ 11 ദിവസം നീളുന്ന ബ്രഹ്മോത്സവത്തിന് സമാപനമാകും.
തൃശൂര്‍ നൂറു വര്‍ഷങ്ങള്‍ക്ക് മുമ്പ് സഹോദരന്‍ അയ്യപ്പന്റെ നേതൃത്വത്തില്‍ നടന്ന പന്തിഭോജനം ഇന്ന് നടത്തിയിരുന്നെങ്കില്‍ അദ്ദേഹത്തിന് കല്‍ബുര്‍ഗിയുടെ അവസ്ഥയാവും ഉണ്ടാവുകയെന്ന് സി.പി.എം പോളിറ്റ് ബ്യൂറോയംഗം എം.എ.ബേബി പറഞ്ഞു.
പന്തിഭോജനത്തിന്റെ നൂറാം വാര്‍ഷികത്തോടനുബന്ധിച്ച് കേരള ലളിത കലാ അക്കാദമി തൃശൂരില്‍ സംഘടിപ്പിച്ച ദശദിന ചിത്രകലാ ക്യാമ്പിന്റെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു ബേബി. രുചിക്കും അഭിരുചിക്കും രാഷ്ട്രീയമായ അര്‍ത്ഥധ്വനികളുള്ള സാഹചര്യമാണ് ഇന്നുള്ളത്. സാഹസികമായി പ്രതികരിക്കാനുള്ള സന്നദ്ധത സ്വന്തം ജീവിതത്തിലൂടെ കാട്ടാനുള്ള സാഹചര്യമാണിപ്പോള്‍ നിലനില്‍ക്കുന്നതെന്നും സഹോദരന്‍ അയപ്പന്‍ മലയാള ഭാഷയ്ക്ക് നല്‍കിയ സംഭാവനകളും അതു വഴി മലയാള ഭാഷയെ ആധുനീകരിക്കുന്നതിന് അദ്ദേഹം നല്‍കിയ പങ്കും ഇക്കാലത്ത് പരിശോധിക്കപ്പെടേണ്ടതാണെന്നും എം.എ.ബേബി കൂട്ടിച്ചേര്‍ത്തു. ലളിതകലാ അക്കാദമി ചെയര്‍മാന്‍ സത്യപാല്‍ അധ്യക്ഷത വഹിച്ചു. ഡോ. വള്ളിക്കാവ് മോഹന്‍ദാസ് മുഖ്യാതിഥിയായിരുന്നു. കവി ഡോ.സി.രാവുണ്ണി, ലളിത കലാ അക്കാദമി സെക്രട്ടറി പൊന്ന്യം ചന്ദ്രന്‍, കവിതാ ബാലകൃഷ്ണന്‍ തുടങ്ങിയവര്‍ സംസാരിച്ചു. തുടര്‍ന്ന് പാലക്കാട് കേളി കണ്യാര്‍ക്കളി സംഘം അവതരിപ്പിച്ച ' കണ്യാര്‍കളി പൊറാട്ടും അരങ്ങേറി.
തൃശൂര്‍ ഒരു കുട്ടിയും ഒരു വീട്ടിലും പീഡിപ്പിക്കപ്പെടുന്നില്ലെന്ന് ഉറപ്പുവരുത്തേണ്ടത് നമ്മുടെ കടമയാണെന്നും പല വീടുകളിലും കുട്ടികള്‍ക്കും സ്ത്രീകള്‍ക്കും നേരെ നടക്കുന്ന പീഡനം പുറത്തു പറയാന്‍ കഴിയാത്തതാണെന്നും കവി ആലങ്കോട് ലീലാകൃഷ്ണന്‍ പറഞ്ഞു.
നമ്മുടെ കുഞ്ഞുമക്കള്‍ക്കായ് ഒരു കാവല്‍ദിനം എന്ന പേരില്‍ തൃശൂര്‍ കോര്‍പ്പറേഷനു മുന്നില്‍ യുവകലാസാഹിതി ജില്ലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിച്ച 'സ്‌നേഹ സായാഹ്നം ഉദ്ഘാടനം ചെയ്തു സംസാരിക്കുകയായിരുന്നു ആലങ്കോട് ലീലാകൃഷ്ണന്‍. മുത്തച്ഛന്റെ അടുത്ത് പേരക്കുട്ടിക്ക് പോലും ഇരിക്കാന്‍ പറ്റാത്ത അവസ്ഥയാണിന്ന് നമ്മുടെ നാട്ടിലുള്ളത്. കുട്ടികളെ ഈ നാട്ടിലെ രാഷ്ട്രീയ പ്രസ്ഥാനങ്ങള്‍ക്കു പോലും വേണ്ടാതായിരിക്കുന്നു. നമ്മള്‍ ജീവിക്കുന്നതിനേക്കാള്‍ സന്തോഷത്തോടെയും ആഹ്ലാദത്തോടെയും കുട്ടികള്‍ക്ക് ജീവിക്കാന്‍ അവസരം ഉണ്ടാവണമെന്നും ലീലാകൃഷ്ണന്‍ പറഞ്ഞു. കവി ഡോ.വത്സലന്‍ വാതുശേരി അധ്യക്ഷത വഹിച്ചു. ചലച്ചിത്ര താരം ജയരാജ് വാര്യര്‍, പാര്‍വ്വതി പവനന്‍, ഷീബാ അമീര്‍, സി.പി.ഐ ജില്ലാ സെക്രട്ടറി കെ.കെ.വത്സരാജ് തുടങ്ങിയവര്‍ സംസാരിച്ചു.
തൃശൂര്‍ തൃശൂര്‍ കേരളവര്‍മ്മ കോളേജില്‍ ഇരു വിഭാഗങ്ങള്‍ തമ്മില്‍ നടന്ന സംഘര്‍ഷവുമായി ബന്ധപ്പെട്ട് പതിനഞ്ച് പേരെ തൃശൂര്‍ വെസ്റ്റ പോലീസ് ് അറസ്റ്റ് ചെയ്തു.
മുന്‍ കോളേജ് യൂണിയന്‍ ചെയര്‍മാന്‍ ഉള്‍പ്പടെ 15 എസ്.എഫ്.ഐ പ്രവര്‍ത്തകരെയാണ് വെസ്റ്റ് സി.ഐ - വി.കെ രാജുവിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. കേസിലെ മറ്റു പ്രതികളെ ഉടന്‍ പിടികൂടുമെന്ന് സി.ഐ അറിയിച്ചു. കഴിഞ്ഞ 20 നാണ് കോളേജ് കാമ്പസില്‍ സംഘര്‍ഷം നടന്നത്.
തൃശൂര്‍ ദേശീയപാത കുതിരാനില്‍ സ്വകാര്യ ബസും ടെമ്പോയും കൂട്ടിയിടിച്ച് ഒരു മണിക്കുറോളം ഗതാഗതം തടസപെട്ടു.
പാലക്കാട് നിന്ന് തൃശൂരിലേക്ക് വരികയായിരുന്ന ബസും, തൃശൂരില്‍ നിന്ന് പാലക്കാട് ഭാഗത്തേക്ക് പോവുകയായിരുന്ന ടെമ്പോയയുമാണ് കൂട്ടിയിടിച്ചത്. അപകടത്തില്‍ ഇരുവാഹനങ്ങളുടെയും മുന്‍ ഭാഗം തകര്‍ന്നു. ആര്‍ക്കും പരിക്കില്ല.
തൃശൂര്‍ കാസര്‍കോഡ് റിയാസ് മൗലവിയുടെ കൊലപാതകത്തില്‍ പ്രതിഷേധിച്ച് കേരള പ്രദേശ് കോണ്‍ഗ്രസ് കമ്മിറ്റി ന്യൂനപക്ഷ സെല്ലിന്റെ ആഭിമുഖ്യത്തില്‍ തൃശൂര്‍ കോര്‍പ്പറേഷന് മുന്നില്‍ ജില്ലാതല സായാഹ്ന ധര്‍ണ സംഘടിപ്പിച്ചു.
മുന്‍ മേയര്‍ ഐ.പി.പോള്‍ ഉദ്ഘാടനം ചെയ്തു. കെ.പി.സി.സി ന്യൂനപക്ഷ സെല്‍ സംസ്ഥാന ചെയര്‍മാന്‍ കെ.കെ.കൊച്ചുമുഹമ്മദ് അധ്യക്ഷത വഹിച്ചു. നൗഷാദ് ആറ്റുപറമ്പത്ത്, ഫറൂക്ക് കേച്ചേരി, ജോസ് തട്ടില്‍, എസ്.കെ.റസാക്ക് തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ ഹയര്‍സെക്കന്ററി വാര്‍ഷിക പരീക്ഷകള്‍ അവസാനിച്ചു.
അവധി ദിനങ്ങളിലേക്ക് പ്രവേശിച്ചതിന്റെ ആഹ്ലാദത്തില്‍ വിദ്യാര്‍ത്ഥികള്‍ പരസ്പരം നിറക്കൂട്ടുകള്‍ വാരി വിതറിയും വസ്ത്രങ്ങളില്‍ ആശംസാ വാചകങ്ങള്‍ എഴുതിച്ചേര്‍ത്തും പരീക്ഷയുടെ അവസാന ദിനം അവിസ്മരണീയമാക്കി. കൊടുങ്ങല്ലൂര്‍ മേഖലയിലെ ഒരു ഹയര്‍ സെക്കണ്ടറി സ്‌കൂളില്‍ പരീക്ഷയുടെ അവസാന ദിവസം മുട്ടയേറു നടന്നു. പേരെഴുതിയ കോഴിമുട്ടകള്‍ പരസ്പരം എറിഞ്ഞ് കുട്ടികളുടെ ആഘോഷം അതിരുകടന്നപ്പോള്‍ പോലീസ് ഇടപെട്ടു. എറിയാന്‍ ബാക്കി വെച്ച കോഴിമുട്ടകള്‍ പോലീസ കസ്റ്റഡിയിലെടുക്കുകയും ചെയ്തു.അതേസമയം പ്ലസ് വണ്‍ ജോഗ്രഫി പരീക്ഷ സംബന്ധിച്ച് നിലനില്‍ക്കുന്ന അനിശ്ചിതത്വം വിദ്യാര്‍ത്ഥികളെ ആശങ്കയിലാഴ്ത്തിയിട്ടുണ്ട്. വിവാദങ്ങളെ തുടര്‍ന്ന് വീണ്ടും നടത്തുന്ന എസ്.എസ്.എല്‍.സി കണക്ക് പരീക്ഷ ഈ മാസം 30ന് ഉച്ചയ്ക്കും മറ്റ് ക്ലാസുകളിലെ അവസാന പരീക്ഷകള്‍ 30ന് രാവിലേയും നടക്കും. ഇതോടെ ഈ അധ്യയന വര്‍ഷത്തിലെ സ്‌കൂള്‍ ദിനങ്ങള്‍ അവസാനിക്കും.
ചാവക്കാട് ശുദ്ധജലത്തിനും കൃഷിക്കും പാര്‍പ്പിടത്തിനും ആരോഗ്യപരിപാലനത്തിനും പ്രാമുഖ്യം നല്‍കി ചാവക്കാട് നഗരസഭാ ബജറ്റ്.
36 കോടി 46 ലക്ഷത്തി 14, 376 രൂപ വരവും 27 കോടി 36 ലക്ഷത്തി 89, 800 രൂപ ചെലവും 9 കോടി 9 ലക്ഷത്തി 24, 576 രൂപ മിച്ചവും പ്രതീക്ഷിക്കുന്ന ബജറ്റാണ് നഗരസഭാ ഉപാധ്യക്ഷ മഞ്ജുഷാ സുരേഷ് അവതരിപ്പിച്ചത്. കരുവന്നൂര്‍ ശുദ്ധജല പദ്ധതിക്കു വേണ്ടി ബാക്കിയുള്ള ഒരു കോടി 39 ലക്ഷം രൂപ നല്‍കാനും ബജറ്റില്‍ തുക വകയിരുത്തി. നേരത്തെ 19 ദശാംശം 5 കോടി രൂപ അടച്ചിരുന്നു. മഴക്കുഴികള്‍ നിര്‍മ്മിക്കാനും ശുദ്ധജലസ്രോതസുകള്‍ സംരക്ഷിക്കാനും 75 ശതമാനം സബ്‌സിഡിയോടെ സഹായം നല്‍കാനും ബജറ്റില്‍ തുക വകയിരുത്തിയിട്ടുണ്ട്. എല്ലാവര്‍ക്കും ഭവനം എന്ന പദ്ധതി വിപുലീകരിക്കും. ഹരിത കേരളം പദ്ധതിയില്‍ ഉള്‍പ്പെടുത്തി മത്തിക്കായല്‍ മുട്ടില്‍ പാടശേഖരത്തെ ബാക്കി സ്ഥലങ്ങളിലും നെല്‍കൃഷി നടപ്പാക്കും. താലൂക്ക് ആശുപത്രിയുടെ മാസ്റ്റര്‍ പ്ലാന്‍ പൂര്‍ത്തിയാക്കും. കിടപ്പിലായ രോഗികള്‍ക്ക് മൊബൈല്‍ മെഡിക്കല്‍ സംവിധാനങ്ങള്‍ ഏര്‍പ്പെടുത്തും. വയോജനങ്ങള്‍ക്ക് വാക്കിംഗ് സ്റ്റിക്കും കട്ടിലും നല്‍കും. സ്ത്രീകള്‍ക്ക് മാത്രമായി രാത്രികാലങ്ങളില്‍ താമസിക്കാന്‍ കഴിയുന്ന ഷീ സ്റ്റേ പദ്ധതി ഈ വര്‍ഷം ആരംഭിക്കാനും ബജറ്റില്‍ തുക വകയിരുത്തി. നഗരസഭാ ബസ് സ്റ്റാന്റില്‍ കാത്തിരിപ്പ് കേന്ദ്രത്തോട് ചേര്‍ന്ന് ഫീഡിംഗ് സെന്റര്‍ ആരംഭിക്കും. സ്ത്രീകളുടേയും വിദ്യാര്‍ത്ഥിനികളുടേയും യോഗ, കരാത്തെ കേന്ദ്രങ്ങള്‍ വിപുലീകരിക്കും. കളരി ക്ലാസുകള്‍ ആരംഭിക്കാനും പദ്ധതിയുണ്ട്. നഗരസഭാ ചെയര്‍മാന്‍ എന്‍.കെ.അക്ബര്‍ അധ്യക്ഷത വഹിച്ചു.
തൃപ്രയാര്‍ ആറാട്ടുപുഴ പൂരത്തിന് മുന്നോടിയായുള്ള പടിഞ്ഞാറെക്കരയിലെ ഗ്രാമപ്രദക്ഷിണത്തിന് തൃപ്രയാര്‍ തേവര്‍ക്ക് ആറാട്ട് നടത്താനുള്ള കുളങ്ങള്‍ ഒരുങ്ങി.
പടിഞ്ഞാറെക്കരയില്‍ ആറ് കുളങ്ങളിലാണ് തേവര്‍ ആറാട്ട് നടത്തുക.മകീര്യം പുറപ്പാട് ദിനമായ ഏപ്രില്‍ രണ്ടിന് ഉച്ചയ്ക്ക് ഒന്നരയ്ക്കും രണ്ടേകാലിനും മദ്ധ്യേയുള്ള കര്‍ക്കിടകം രാശിയിലാണ് തേവര്‍ എഴുന്നള്ളുക. പടിഞ്ഞാറെ നടയില്‍ എഴുന്നള്ളിപ്പിന് ശേഷം തേവര്‍ സേതുകുളത്തില്‍ ആദ്യം ആറാട്ട് നടത്തും. പുത്തന്‍കുളം, രാമന്‍കുളം, ബ്ലാഹയില്‍ കുളം, കുറുക്കന്‍ കുളം, കോതകുളം എന്നിവയാണ് തേവര്‍ക്ക് ആറാട്ടിനുള്ള മറ്റ് കുളങ്ങള്‍. ആറ് ദിവസങ്ങളിലായാണ് തൃപ്രയാര്‍ തേവര്‍ തട്ടകത്തെ തന്റെ പ്രജകളെ കാണുന്നതിനായി ഗ്രാമപ്രദക്ഷിണം നടത്തുക. ഓരോ ദിവസവും വിവിധ കുളങ്ങളില്‍ ഇറക്കിപൂജയും തുടര്‍ന്ന് ആറാട്ടും നടക്കും. ആറാട്ടുപുഴ പൂരം കഴിഞ്ഞ് ഉത്രം വിളക്ക് ദിനത്തില്‍ തിരിച്ചത്തുന്ന തേവര്‍ക്ക് സേതുകുളത്തില്‍ വീണ്ടും ആറാട്ട് നല്കും.
വട്ടപ്പിന്നി വട്ടപ്പിന്നിയില്‍ ബി.ജെ.പി പ്രവര്‍ത്തകന്റെ ബൈക്ക് കത്തി ച്ച സംഭവത്തിലെ പ്രതിയെ നെടുപുഴ പോലീസ് അറസ്റ്റ് ചെയ്തു.
വട്ടപ്പന്നി സ്വദേശി ആലംപറമ്പില്‍ ജിന്റപ്പന്‍ എന്ന് വിളിക്കുന്ന ജിതിനെയാണ് നെടുപുഴ എസ്.ഐ - സുരേഷ് കുമാര്‍ അറസ്റ്റ് ചെയതത്.
എരുമപ്പെട്ടി വേലൂരിന്റെ ഗ്രാമീണ ഉത്സവമായി മാറിയ ഗ്രാമകം-നാടകോത്സവം ഏപ്രില്‍ 7 മുതല്‍ 11 വരെ നടക്കുമെന്ന് സംഘാടകര്‍ അറിയിച്ചു.
ഇഫ് ക്രിയേഷന്‍സിന്റെ നേതൃത്വത്തില്‍ ജില്ലാ പഞ്ചായത്തിന്റെ സഹകരണത്തോടെയാണ് നാടകോത്സവം നടക്കുന്നത്. വേലൂര്‍ ഗവണ്‍മെന്റ് രാജ സര്‍ രാമവര്‍മ്മ ഹയര്‍ സെക്കന്ററി സ്‌കൂള്‍ ഗ്രൗണ്ടില്‍ നടക്കുന്ന നാടകോത്സവം ഏപ്രില്‍ 7 ന് പത്മശ്രീ കലാമണ്ഡലം ഗോപി ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ അധ്യക്ഷയാകും. തുടര്‍ന്ന് തിരുവനന്തപുരം അഭിനയയുടെ പാലങ്ങള്‍ എന്ന നാടകം അരങ്ങേറും. തുടര്‍ന്നുള്ള ദിവസങ്ങളില്‍ വൈക്കം മുഹമ്മദ് ബഷീറിന്റെ പ്രേമലേഖനം, ചില്ലറ സമരം, സത്യമേവ ജയതേ, ഒരു നസ്രാണി യുവാവും ഗൗളി ശാസത്രവും എന്നീ നാടകങ്ങള്‍ അരങ്ങേറുമെന്ന് സംഘാടകര്‍ പറഞ്ഞു. നാടകോത്സവത്തിന്റെ ഭാഗമായി കുട്ടികളുടെ അഭിനയ കളരി ഏപ്രില്‍ 5 മുതല്‍ 9 വരെ നടക്കും. പരിശീലന കളരി ജയരാജ് വാര്യര്‍ ഉദ്ഘാടനം ചെയ്യും. വാര്‍ത്താസമ്മേളനത്തില്‍ ഫെസ്റ്റിവല്‍ ഡയറക്ടര്‍ പ്രബലന്‍ വേലൂര്‍, ജനറല്‍ കണ്‍വീനര്‍ കെ.ജെ. പ്രശോഭ്, സംഘാടക സമിതി അംഗങ്ങളായ എന്‍.ബാബു., കെ.കെ വിജയന്‍ തുടങ്ങിയവര്‍ പങ്കെടുത്തു.
ഗുരുവായൂര്‍ ഗുരുവായൂര്‍ നഗരസഭയിലെ ആശ്രയ ഗുണഭോക്താക്കള്‍ക്ക് പലവ്യഞ്ജന കിറ്റുകള്‍ വിതരണം ചെയ്തു.
ക്ഷേമകാര്യസ്റ്റാന്‍ഡിംഗ് കമ്മിറ്റിയുടെ ആഭിമുഖ്യത്തില്‍ 111 കുടുബങ്ങള്‍ക്കാണ് കിറ്റുകള്‍ നല്‍കിയത്. ഒരു കുടുംബത്തിന് രണ്ടു മാസത്തേക്ക് ആവശ്യമായ നിത്യോപയോഗസാധനങ്ങളാണ് കിറ്റിലുള്ളത്. നഗരസഭ വൈസ്‌ചെയര്‍മാന്‍ കെ.പി. വിനോദ് വിതരണോദ്ഘാടനം നിര്‍വ്വഹിച്ചു. ക്ഷേമകാര്യസ്റ്റാന്‍ഡിംഗ് കമ്മിറ്റി ചെയര്‍മാന്‍ സുരേഷ് വാര്യര്‍ അധ്യക്ഷനായി. സി.ഡി.എസ്.ചെയര്‍പേഴ്‌സന്‍ ബിന്ദു കോറോട്ട്, ശാലിനി കണ്ണന്‍, കോമളം എടപ്പുള്ളി, ഷീജ ബാബു തുടങ്ങിയവര്‍ സംസാരിച്ചു. രണ്ടരലക്ഷം രൂപയോളമാണ് പദ്ധതിക്കായി ചിലവിട്ടത്.
ചേലക്കര ചേലക്കര ഗ്രാമപഞ്ചായത്ത് ജനകീയാസൂത്രണ പദ്ധതിയുടെ ഭാഗമായി പട്ടികജാതിയിലെ 43 ബിരുദ വിദ്യാര്‍ത്ഥികള്‍ക്ക് ലാപ്‌ടോപ്പുകള്‍ വിതരണം ചെയ്തു.
ഗ്രാമപഞ്ചായത്ത് പ്രസിഡന്റ് ആര്‍. ഉണ്ണികൃഷ്ണന്‍ വിതരണോദ്ഘാടനം നിര്‍വ്വഹിച്ചു. പട്ടികാതി യുവജന പദ്ധതിയുടെ ഭാഗമായി ഓട്ടോറിക്ഷയും, പട്ടികവര്‍ഗ കോളനികളിലെ പത്താം ക്ലാസ് വിദ്യാര്‍ത്ഥികള്‍ക്ക് സൈക്കിളും, ഗ്രാമപഞ്ചായത്തിലെ മുഴുവന്‍ അംഗനവാടികള്‍ക്ക് കസേരകളും വിതരണം ചെയ്തു. വൈസ് പ്രസിഡന്റ് ഗായത്രി ജയന്‍ അധ്യക്ഷയായിരുന്നു. സ്റ്റാന്റിംഗ് കമ്മിറ്റി അധ്യക്ഷരായ കെ.എസ്. ശ്രീകുമാര്‍, സൈനബ ഇക്ബാല്‍, ഗ്രാമപഞ്ചായത്ത് സെക്രട്ടറി ഷൈബ ഗോപാലന്‍ തുടങ്ങിയവര്‍ സംസാരിച്ചു.
പുന്നയൂര്‍ക്കുളം പുന്നയൂര്‍ ഗ്രാമ പഞ്ചായത്ത് ബജറ്റ് വെസ് പ്രസിഡന്റ് ആര്‍.പി. ബഷീര്‍ അവതരിപ്പിച്ചു.
17 കോടി 17 ലക്ഷത്തി 74,961 കോടി രൂപ വരവും 16 കോടി 76 ലക്ഷത്തി 78,000 കോടി ചെലവും, 40 ലക്ഷത്തി 96,961 രൂപ ചെലവും പ്രതീക്ഷിക്കുന്നതാണ് ബജറ്റ്. ഉല്‍പാദന മേഖലയിലെ റവന്യൂ ചെലവുകള്‍ക്കായി 3 കോടി 64 ലക്ഷത്തി 50,000 രൂപ, ശുദ്ധജല വിതരണത്തിനും സേവന മേഖലയുടെ വികസനത്തിനും 4 കോടി 61 ലക്ഷത്തി 50,000 രൂപയും ബജറ്റില്‍ വകയിരുത്തി. സമ്പൂര്‍ണ പാര്‍പ്പിടം, കുടിവെള്ള പദ്ധതികള്‍ എന്നിവയ്ക്ക് മുന്‍ഗണന നല്‍കിയാണ് ബജറ്റ് തയ്യാറാക്കിയിട്ടുളളത്. അതേസമയം കഴിഞ്ഞ തവണത്തെ ബജറ്റ് തിയ്യതി മാറ്റി അവതരിപ്പിക്കുകയായിരുന്നുവെന്നും ബജറ്റ് തീരദേശത്തെ അവഗണിച്ചെന്നും പ്രതിപക്ഷം ആരോപിച്ചു.
പുന്നയൂര്‍ക്കുളം വടക്കേക്കാട് പഞ്ചായത്ത് മാര്‍ക്കറ്റിലെ വില്‍പ്പന സ്റ്റാളുകള്‍ ലേലം ചെയ്യാതെ സ്വകാര്യ വ്യക്തിക്ക് വാടകയ്ക്ക് നല്‍കിയതിനെതിരെ പ്രതിഷേധവുമായി മത്സ്യ കച്ചവടക്കാര്‍ രംഗത്ത്.
നായരങ്ങാടി ഷോപ്പിംഗ് കോംപ്ലക്‌സിനോട് ചേര്‍്ന്ന് പ്രവര്‍ത്തിക്കുന്ന മത്സ്യ വില്‍പന സ്റ്റാളുകളാണ് ലേലം ചെയ്യാതെ സ്വകാര്യ വ്യക്തിക്ക് വാടകക്ക് നല്‍കിയത്. അമിത വാടക ഈടാക്കിയാണ് മറ്റു കച്ചവടക്കാര്‍ക്ക് സ്വകാര്യ വ്യക്തി സ്റ്റാളുകള്‍ നല്‍കുന്നതെന്നാണ് പരാതി. ഇതുകാരണം പുറത്തെ വിലയിലേക്കാള്‍ ഇരട്ടിവിലയിലാണ് മാര്‍ക്കറ്റില്‍ മത്സ്യവിപണനം നടത്തുന്നത്. മാര്‍ക്കറ്റിലെ സ്റ്റാളുകള്‍ ലേലം ചെയ്യണമെന്നവശ്യപ്പെട്ട് പഞ്ചായത്ത് സെക്രട്ടറിക്ക് അപേക്ഷ നല്‍കിയിട്ടുണ്ട്. ലേലം പുനസ്ഥാപിച്ച് കിട്ടാന്‍ ബന്ധപ്പെട്ടവര്‍ക്ക് പരാതി നല്‍കാനുള്ള തീരുമാനത്തിലാണ് മാര്‍ക്കറ്റിലെ മറ്റു മത്സ്യ കച്ചവകടക്കാര്‍.
മാള മാള പ്രസ് ഫോറം ഇരുപതാം വാര്‍ഷികം ഏപ്രില്‍ 2 ന് ആഘോഷിക്കും.
മാള വ്യാപാരഭവന്‍ ഹാളില്‍ ഉച്ചതിരിഞ്ഞ് മൂന്നിന് നടക്കുന്ന സമ്മേളനം മുതിര്‍ന്ന മാധ്യമപ്രവര്‍ത്തകന്‍ ഡോ. സെബാസ്റ്റിയന്‍ പോള്‍ ഉദ്ഘാടനം ചെയ്യുമെന്ന് ഭാരവാഹികള്‍ അറിയിച്ചു. അഡ്വ.വി.ആര്‍.സുനില്‍കുമാര്‍ എം.എല്‍.എ. മുഖ്യാതിഥിയാകും. വാര്‍ത്താസമ്മേളനത്തില്‍ പ്രസ് ഫോറം പ്രസിഡണ്ട് പി.കെ.അബ്ബാസ്, സെക്രട്ടറി ലിന്റീഷ് ആന്റോ, ട്രഷറര്‍ കെ.എം.ബാവ, പ്രോഗ്രാം കോ ഓര്‍ഡിനേറ്റര്‍ ഇ.പി.രാജീവ് എന്നിവര്‍ പങ്കെടുത്തു.
ചാവക്കാട് ചാവക്കാട് പോലീസിനും കടലോര ജാഗ്രത സമിതി അംഗങ്ങള്‍ക്കു വേണ്ടി 'കേരളവും സൈബര്‍ കുറ്റകൃത്യങ്ങളും എന്ന വിഷയത്തില്‍ ബോധവല്‍ക്കരണ ക്ലാസ് നടത്തി.
ചാവക്കാട് പ്രസ് ഫോറം പ്രസിഡന്റ് കെ.സി.ശിവദാസ് ക്ലാസെടുത്തു. ചാവക്കാട് എസ്.ഐ.- എം.കെ.രമേഷ് അധ്യക്ഷത വഹിച്ചു. എ.എസ്.ഐ-അനില്‍മാത്യു, കെ.വി.ശ്രീനിവാസന്‍, ടി.കെ.മുബാറക്, എന്നിവര്‍ സംസാരിച്ചു.
കൊടകര വേനല്‍മഴക്കൊപ്പം ശക്തമായി വീശാനിടയുള്ള കാറ്റിനെ ചെറുക്കാനുള്ളതിരക്കിലാണ് മലയോരത്തെ വാഴകര്‍ഷകര്‍. മുന്‍ വര്‍ഷങ്ങളെ അപേക്ഷിച്ച് ഇത്തവണ ചൂട് കൂടിയതിനാല്‍ ശക്തമായ ചുഴലിക്കാറ്റ് ഉണ്ടാകുമെന്നാണ് കര്‍ഷകരുടെ ഭയം.
നേന്ത്രവാഴകൃഷിക്ക് പേരുകേട്ട മറ്റത്തൂരില്‍ ഇത്തവണയും ലക്ഷണക്കണക്കിനു വാഴകള്‍ കൃഷി ചെയ്തിട്ടുണ്ട്. വാഴകളില്‍ കുല വരാറായ സമയത്ത് ചുഴലിക്കാറ്റ് വീശിയാല്‍ കനത്ത നാശമാണ് കര്‍ഷകര്‍ക്കുണ്ടാവുക. കാറ്റിനെ പ്രതിരോധിക്കാനായി മുളങ്കമ്പുപയോഗി്ച്ച് വാഴകള്‍ക്ക് താങ്ങുന്ന കൊടുക്കുന്ന തിരക്കിലാണ് കര്‍ഷകര്‍. മുളങ്കമ്പുകള്‍ വേണ്ടത്ര ലഭ്യമല്ലാത്തതിനാല്‍ തമിഴ് നാട്ടില്‍ നിന്ന് വരുന്ന കാറ്റാടിക്കമ്പുകളാണ് പലരും ഉപയോഗിക്കുന്നത്. കാറ്റാടി കമ്പ് ഒന്നിന് 80 രൂപയോളമാണ് വില. പ്ലാസ്റ്റിക് വള്ളികളുപയോഗിച്ച് വാഴകളെ പരസ്പരം ബന്ധിപ്പിച്ചു നിര്‍ത്തുന്ന രീതിയാണ് മലയോരത്തുള്ളത്. തോട്ടത്തിന്റെ അതിരില്‍ നില്‍ക്കുന്ന വാഴകള്‍ക്കു മാത്രം മുളങ്കമ്പുകളോ കാറ്റാടി കമ്പുകളോ കൊണ്ടുള്ള ഊന്നുകൊടുക്കും. ബാക്കിയുള്ള വാഴകളെ പ്ലാസ്റ്റിക് വള്ളികള്‍ കൊണ്ട് പരസ്പരം വലിച്ചു കെട്ടും. കഴിഞ്ഞ വര്‍ഷം നേന്ത്രക്കായക്ക് മികച്ച് വില കിട്ടിയതിനാല്‍ ഇത്തവണ കൂടുതല്‍ പേര്‍ വാഴകൃഷിയിലേക്ക തിരിഞ്ഞിട്ടുണ്ട്. ഈ വര്‍ഷവും മികച്ച വിലയാണ് കര്‍ഷകര്‍ പ്രതീക്ഷിക്കുന്നത്. ജൂണ്‍ -ജൂലയ് മാസത്തില്‍ വിളവെടുപ്പിന് വിളവെടുക്കാന്‍ പാകമാവുന്ന തരത്തിലാണ് മിക്കവരും നേന്ത്രവാഴകൃഷി നടത്തിയിട്ടുള്ളത്. ഓണവിപണി ലക്ഷ്യം വെച്ച് വാഴകൃഷി ചെയ്തവരും കുറവല്ല.മെയ് അവസാനത്തോടെ വാഴത്തോട്ടങ്ങളില്‍ വിളവെടുപ്പ് ആരംഭിക്കും. ആദ്യം വിളവെടുക്കുന്ന വാഴക്കുലകള്‍ക്ക് മികച്ച വില ലഭിക്കാറുണ്ട്. അതേ സമയം വര്‍ഷം ചെല്ലുംതോറും കൃഷിച്ചെലവ് വര്‍ധിച്ചുവരുന്നതായാി കര്‍ഷകര്‍ പറയുന്നു (ബൈറ്റ്) കിലോഗ്രാമിന് ശരാശരി 40 രൂപയെങ്കിലും വിലകിട്ടിയാലേ വാഴകൃഷി നിലനിര്‍ത്താനാകൂ എന്ന് കര്‍ഷകര്‍ പറയുന്നു. മറ്റത്തൂര്‍, കൊടകര, കോടശേരി, വരന്തരപ്പിള്ളി, പറപ്പൂക്കര പഞ്ചായത്തുകളിലായി ലക്ഷക്കണക്കിനു നേന്ത്രവാഴകളാണ് ഇത്തവണ കൃഷി ചെയ്തിരിക്കുന്നത്.
വടക്കാഞ്ചേരി ഉത്രാളിക്കാവ് ക്ഷേത്രത്തിലെ ശാന്തി കാരായ്മ അവകാശം നല്‍കാത്ത കൊച്ചിന്‍ ദേവസ്വം നടപടിയില്‍ പ്രതിഷേധം.
ശാന്തി സി.കെ.രാമയ്യര്‍ 65 വര്‍ഷത്തിലധികമായി ഉത്രാളിക്കാവ് ക്ഷേത്രത്തിലെ ശാന്തിക്കാരനാണ്. 30 വര്‍ഷത്തോളമായി ക്ഷേത്ര ശാന്തികളില്‍ സഹായിച്ച് വരുന്ന മകന്‍ ഗോപാലകൃഷ്ണന്റെ പേരിലേക്ക് കാരായ്മ അവകാശം മാറ്റിനല്‍കാന്‍ ദേവസ്വം ബോര്‍ഡില്‍ രാമയ്യര്‍ അപേക്ഷിച്ചിരുന്നു. എന്നാല്‍ നിയമപരമായ പ്രശ്‌നങ്ങള്‍ ഉന്നയിച്ച് ദേവസ്വം ബോര്‍ഡ് അപേക്ഷ തള്ളുകയായിരുന്നു. ജില്ലയിലെ 14 ക്ഷേത്രങ്ങളില്‍ കാരായ്മ അവകാശം നിലനില്‍ക്കെ, ഉത്രാളിക്കാവിനോടും തന്നോടും കൊച്ചിന്‍ ദേവസ്വം ബോര്‍ഡ് അധികൃതര്‍ വിവേചനം കാണിക്കുകയാണെന്ന് ഗോപാലകൃഷ്ണന്‍ പറയുന്നു. ഇതേ തുടര്‍ന്ന് നിയമനടപടികള്‍ക്ക് ഒരുങ്ങുകയാണ് ഗോപാലകൃഷ്ണന്‍.
തൃപ്രയാര്‍ തൃപ്രയാറില്‍ തലമുറകളായി ആരാധിച്ചു പോന്നിരുന്ന നാഗക്കാവ് സംരക്ഷിക്കാന്‍ ബി.ജെ.പിയുടെ നേതൃത്വത്തില്‍ നാട്ടുകാര്‍ മനുഷ്യച്ചങ്ങല തീര്‍ത്തു.
തൃപ്രയാര്‍ ബീച്ച് റോഡില്‍ പന്നിപുലത്ത് തറവാട്ടുപറമ്പിലെ നാഗക്കാവാണ് സ്ഥലം ഉടമ കഴിഞ്ഞ ദിവസം ജെ.സി.ബി ഉപയോഗിച്ച് തകര്‍ക്കാന്‍ ശ്രമം നടത്തിയത്. കാവിന്റെ ചിലഭാഗങ്ങള്‍ മുറിച്ചുമാറ്റുന്നത് സ്ത്രീകള്‍ ഉള്‍പ്പെടെയുള്ള നാട്ടുകാര്‍ തടഞ്ഞതോടെ സംഘം പിന്‍വാങ്ങുകയായിരുന്നു. വിവരമറിഞ്ഞ് ബി.ജെ.പി നാട്ടിക പഞ്ചായത്ത് കമ്മിറ്റി നാട്ടുകാര്‍ക്ക് പിന്തുണയുമായെത്തി. പരമ്പരാഗതമായി നിലനില്‍ക്കുന്ന നാഗക്കാവ് സംരക്ഷിക്കുമെന്ന് കാവിന് മുമ്പില്‍ മനുഷ്യച്ചങ്ങല തീര്‍ത്ത് നാട്ടുകാര്‍ പ്രതിജ്ഞയെടുത്തു. ബി.ജെ.പി നാട്ടിക പഞ്ചായത്ത് പ്രസിഡണ്ട് എ.കെ ചന്ദ്രശേഖരന്‍ പ്രതിജ്ഞ ചൊല്ലിക്കൊടുത്തു. അതേസമയം, പരിസ്ഥിതിക്ക് വിഘാതം സൃഷ്ടിക്കുന്നതിനാല്‍ കാവ് വെട്ടിനശിപ്പിക്കുന്നത് നിര്‍ത്തി വെയ്ക്കണമെന്നാവശ്യപ്പെട്ട് നാട്ടിക ഗ്രാമപഞ്ചായത്ത് സെക്രട്ടറി, സ്ഥലം ഉടമയ്ക്ക് നോട്ടീസ് നല്‍കി.
ഗുരുവായൂര്‍ ജീവകാരുണ്യ സംഘടനയായ സുവിതം ഫൗണ്ടേഷന്‍ ഗുരുവായൂര്‍ യൂണിറ്റ് സുവിത സംഗമത്തോടനുബന്ധിച്ച് നൂറോളം അമ്മമാര്‍ക്ക് പെന്‍ഷനും നിര്‍ദ്ധനരായവര്‍ക്ക് ചികിത്സാസഹായവും നല്‍കി.
പരിസ്ഥിതി സാമൂഹിക പ്രവര്‍ത്തകന്‍ ടി.സി.വിനോദ് ഉദ്ഘാടനം ചെയ്തു. സുവിതം യൂണിറ്റ് പ്രസിഡന്റ് എം.രാമന്‍കുട്ടി മേനോന്‍ അധ്യക്ഷത വഹിച്ചു. ജഗനാഥന്‍ നാരായണന്‍ പെന്‍ഷനും അനീഷ് മൂപ്പന്‍ ചികിത്സാധനസഹായവും വിതരണം ചെയ്തു. സായിസജ്ഞീവനി ട്രസ്റ്റ് ചെയര്‍മാന്‍ ഡോ.എ.ഹരിനാരായണന്‍ മുഖ്യാതിഥിയായിരുന്നു. സി.വി.ആന്റണി, കെ.പി.കരുണാകരന്‍, അനില്‍കുമാര്‍ കല്ലാറ്റ് തുടങ്ങിയവര്‍ സംസാരിച്ചു.
എരുമപ്പെട്ടി വേലൂര്‍ ഗ്രാമപഞ്ചായത്ത് 12, 14 വാര്‍ഡുകള്‍ക്കായുള്ള പുതിയ അംഗന്‍വാടി കെട്ടിടത്തിന്റെ നിര്‍മ്മാണോദ്ഘാടനം ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ നിര്‍വ്വഹിച്ചു.
ഗ്രാമപഞ്ചായത്ത് പ്രസിഡന്റ് ഷേര്‍ളി ദിലിപ്കുമാര്‍ അദ്ധ്യക്ഷയായി. ജില്ലാ പഞ്ചായത്ത് അംഗം കല്യാണി എസ്. നായര്‍, വേലൂര്‍ ഗ്രാമപഞ്ചായത്ത് വൈസ് പ്രസിഡന്റ് അബ്ദുള്‍ റഷീദ്, ബ്ലോക്ക് പഞ്ചായത്ത് അംഗം കുരിയാക്കോസ് ജോണ്‍, പഞ്ചായത്ത് അംഗങ്ങള്‍ തുടങ്ങിയവര്‍ സംസാരിച്ചു.
ചാവക്കാട് ഹൈവേ പോലീസ് വാഹനത്തിന് പുതിയ നിറം.
നീലയും വെള്ളയും നിറത്തോടു കൂടിയ വാഹനമാണ് ചാവക്കാട്ടെ നിരത്തില്‍ ഇറങ്ങിയത്. നിലവിലുണ്ടായിരുന്ന ചുവപ്പും വെള്ളയും നിറം മാറ്റിയാണ് രാത്രികാലങ്ങളില്‍ റിഫ്‌ളക്ട് ചെയ്യുന്ന രീതിയില്‍ പെയിന്റടിച്ച വാഹനം സജ്ജമാക്കിയത്. രാത്രി മറ്റ് വാഹനങ്ങള്‍ക്ക് എളുപ്പം കാണാന്‍ കഴിയുമെന്നത് പ്രത്യേകതയാണ്.
ചാവക്കാട് സമയപരിധി കഴിഞ്ഞുവെന്ന് പറഞ്ഞ് മൈക്കും ബോക്‌സും പിടിച്ചെടുത്ത് ഉടമകള്‍ക്കും തൊഴിലാളികള്‍ക്കുമെതിരെ കേസെടുക്കുന്നതിനു പകരം സംഘാടകര്‍ക്കെതിരെയാണ് കേസെടുക്കേണ്ടതെന്ന് ലൈറ്റ് ആന്റ് സൗണ്ട് വെല്‍ഫെയര്‍ അസോസിയേഷന്‍ ചാവക്കാട് മേഖലാ കണ്‍വെന്‍ഷന്‍ ആവശ്യപ്പെട്ടു.
പതിറ്റാണ്ടുകളായി മേഖലയില്‍ പ്രവര്‍ത്തിക്കുന്ന ലൈറ്റ് ആന്റ് സൗണ്ട് സ്ഥാപന ഉടമകളെ ആദരിച്ചു. ജില്ലാ പ്രസിഡന്റ് കെ.എ. ബഷീര്‍ ഉദ്ഘാടനം ചെയ്തു. മേഖലാ പ്രസിഡന്റ് ആന്റോ പാലയൂര്‍ അധ്യക്ഷനായി. രാജീവ് കുറുവിലങ്ങാട് മുഖ്യപ്രഭാഷണം നടത്തി. മേഖലാ സെക്രട്ടറി പി.സി.ഹൈദ്രോസ്, യു.ബി.ബൈജു, സി.വി.ലോറന്‍സ് എന്നിവര്‍ സംസാരിച്ചു.
ചാവക്കാട് ഒരുമനയൂര്‍ മൂന്നാം കല്ലില്‍ അജ്ഞാതവാഹനമിടിച്ച് മൂന്ന് വൈദ്യുതി പോസ്റ്റുകള്‍ നിലം പൊത്തി.
വൈദ്യുതി ബന്ധം വിച്ഛേദിച്ചതിനാല്‍ വന്‍ ദുരന്തം ഒഴിവായി. ചൊവ്വാഴ്ച പുലര്‍ച്ചെ മൂന്നോടെയാണ് സംഭവം. കെ.എസ്.ഇ.ബി അധികൃതരെത്തി പോസ്റ്റുകള്‍ മാറ്റിയതിനെ തുടര്‍ന്ന് മണിക്കൂറുകള്‍ക്ക് ശേഷം വൈദ്യുതി ബന്ധം പുനഃസ്ഥാപിച്ചു.
പാവറട്ടി പാവറട്ടി വെണ്മേനാട് എം. എ. എസ്. എം ഹയര്‍ സെക്കന്ററി സ്‌കൂളില്‍ പ്ലസ്ടു പരീക്ഷ സമാപിച്ചതിനെ തുടര്‍ന്ന് വിദ്യാര്‍ത്ഥികള്‍ നടത്തിയ ആഘോഷം അതിരു കടന്നു.
ആഘോഷത്തിനിടെ സ്‌കൂള്‍ ഗേറ്റിന് സമീപം വിദ്യാര്‍ത്ഥികളും, പുറത്ത് നിന്നുള്ളവരും പടക്കം പൊട്ടിച്ചത് സംഘര്‍ഷത്തിനിടയാക്കി. സംഭവുമായി ബന്ധപ്പെട്ട് രണ്ട് പേരെ പോലീസ് കസ്റ്റഡിയില്‍ എടുത്ത് വിട്ടയച്ചു.അതസമയം പോലീസ് മര്‍ദ്ദിച്ചുവെന്നാരോപിച്ച് വെണ്മേനാട് സ്വദേശി നാലകത്ത് ഇസ്മയില്‍ മുല്ലശ്ശേരി ബ്ലോക്കാശുപത്രിയില്‍ ചികില്‍സ തേടി. എന്നാല്‍ ആഘോഷം അതിരു കടന്നപ്പോള്‍ വിദ്യാര്‍ത്ഥികളെയും, പരിസരത്ത് ഉണ്ടായിരുന്നവരെയും പോലീസ് പിരിച്ച് വിടുകയും, ബഹളം ഉണ്ടാക്കിയ രണ്ട് പേരെ കസ്റ്ററ്റഡിയില്‍ എടുത്തശേഷം വിട്ടയക്കുകയുമായിരുന്നെന്ന് പാവറട്ടി പോലീസ് പറഞ്ഞു.
വടക്കാഞ്ചേരി തലപ്പിള്ളി താലൂക്കില്‍ പ്രസിദ്ധീകരിച്ച റേഷന്‍കാര്‍ഡ് മുന്‍ഗണനാ ലിസ്റ്റില്‍ ഉള്‍പ്പെട്ട അനര്‍ഹരെ കണ്ടെത്തുന്നതിന് പരിശോധന നടത്തി.
താലൂക്ക് സപ്ലൈ ഓഫീസര്‍ ടി. അയ്യപ്പദാസിന്റെ നേതൃത്വത്തില്‍ റേഷനിംഗ് ഇന്‍സ്‌പെക്ടര്‍മാരായ എ.ജയകൃഷ്ണന്‍, കെ.വി.വിനോഷ്, കെ.ശുഭ, ടി. ഷീജ എന്നിവര്‍ ചേര്‍ന്ന് പഴയന്നൂര്‍, ചേലക്കര മേഖലകളിലാണ് ചൊവ്വാഴ്ച പരിശോധന നടത്തിയത്. ഇരുപത്തഞ്ചോളം വീടുകള്‍ പരിശോധിച്ചതില്‍ 19 പേരും അനര്‍ഹരാണെന്ന് കണ്ടെത്തി. ഇവര്‍ക്കെതിരെ നടപടി സ്വീകരിക്കും. രണ്ടായിരം സ്‌ക്വയര്‍ ഫീറ്റിലധികം വീടുള്ളവരും സ്വന്തമായി രണ്ട് ടൂറിസ്റ്റ് ബസുകള്‍ ഉള്ളവരും മൂന്ന് ഏക്കറിലധികം ഭൂമിയുള്ളവരും മുന്‍ഗണനാ ലിസ്റ്റില്‍ ഉള്‍പ്പെട്ടിട്ടുള്ളതായി കണ്ടെത്തി. ഫെബ്രുവരിയില്‍ പ്രസിദ്ധീകരിച്ച അന്തിമ മുന്‍ഗണനാ പട്ടികയില്‍ നിന്ന് ഇതുവരെ 510 അനര്‍ഹരെ കണ്ടെത്തിയിട്ടുണ്ട്. മുന്‍ഗണനാ ലിസ്റ്റില്‍ നിന്നു സ്വയം ഒഴിവാക്കുന്നതിന് പത്ത് ദിവസത്തെ സമയംകൂടി നല്‍കുന്നതായും ഈ സമയത്തിനുള്ളില്‍ അനര്‍ഹരായ വ്യക്തികള്‍ സ്വയം ഒഴിഞ്ഞു പോവുകയാണെങ്കില്‍ അവര്‍ക്കെതിരെ നടപടി സ്വീകരിക്കില്ലെന്നും അധികൃതര്‍ അറിയിച്ചു.
കുന്നംകുളം കുന്നംകുളം ആനായ്ക്കലില്‍ സാമൂഹിക വിരുദ്ധര്‍ വീട് ആക്രമിച്ചു.
ആനായ്ക്കല്‍ പൊന്നരശ്ശേരി വീട്ടില്‍ ശശിധരന്റെ വീടിനു നേരെയാണ് ആക്രമണം ഉണ്ടായത്. ചൊവ്വാഴ്ച പുലര്‍ച്ചെ ഒന്നോടെയാണ് സംഭവം. ശബ്ദം കേട്ട് വീട്ടുകാര്‍ പുറത്തിറങ്ങി നോക്കിയെങ്കിലും ആരെയും കണ്ടില്ല. ആക്രമണത്തില്‍ വീടിനു മുന്‍വശത്തേയും വശങ്ങളിലേയും ജനല്‍ചില്ലുകള്‍ തകര്‍ന്നു. വീടിന്റെ മുന്‍വശത്തിരുന്ന രണ്ടു കസേരകളും ആക്രമികള്‍ തകര്‍ത്തു. ശശീധരനും ഭാര്യയും രണ്ടു മക്കളുമാണ് സംഭവസമയത്ത് വീട്ടിലുണ്ടായിരുന്നത്. സി.പി.എം ഏരിയ സെക്രട്ടറി ടി കെ വാസു ആക്രമണം നടന്ന വീട് സന്ദര്‍ശിച്ചു. കുറ്റവാളികള്‍ക്കെതിരെ പോലീസിന്റെ ഭാഗത്ത് നിന്ന് മാതൃകാപരമായ ശിക്ഷാ നടപടികള്‍ ഉണ്ടാകണമെന്നു വാസു ആവശ്യപ്പെട്ടു.
ഗുരുവായൂര്‍ ഗുരുവായൂര്‍ നഗരസഭയുടെ ജൈവവള വിതരണ പദ്ധതി നടപ്പാക്കുന്നത് വൈകിയ സംഭവത്തില്‍ ഗുരുവായൂര്‍, തൈക്കാട്, പൂക്കോട് കൃഷി ഓഫിസര്‍മാര്‍ക്കെതിരെ അന്വേഷണം നടത്തി നടപടിയെടുക്കാന്‍ കൗണ്‍സില്‍ സര്‍ക്കാരിനോട് ആവശ്യപ്പെട്ടു.
കൗണ്‍സിലിന്റെ അജണ്ടകളിലേക്ക് കടക്കും മുമ്പ് സി.പി.എമ്മിലെ കെ.വി. വിവിധാണ് വിഷയം ഉന്നയിച്ചത്. കൃഷി ഓഫിസര്‍മാരും ചില കൗണ്‍സിലര്‍മാരും ചേര്‍ന്ന് രാഷ്ട്രീയം കളിച്ചാണ് നഗരസഭയുടെ പദ്ധതി അട്ടിമറിച്ചതെന്നായിരുന്നു ആരോപണം. യു.ഡി.എഫ് കൗണ്‍സിലര്‍മാര്‍ ആരോപണത്തെ എതിര്‍ത്ത് രംഗത്തെത്തി. സ്വന്തം വീഴ്ച മറയ്ക്കാനാണ് ഉദ്യോഗസ്ഥര്‍ക്കെതിരെ ആരോപണം ഉന്നയിക്കുന്നതെന്ന് അവര്‍ പറഞ്ഞു. ഇതിനിടെ ഒരു കൃഷി ഓഫിസര്‍ കോണ്‍ഗ്രസ് നേതാക്കളോടൊപ്പം ചടങ്ങില്‍ പങ്കെടുക്കുന്ന ചിത്രം ഭരണപക്ഷം ഉയര്‍ത്തിക്കാട്ടിയത് ബഹളത്തിനിടയാക്കി. ഒടുവില്‍ ഉദ്യോഗസ്ഥര്‍ക്കെതിരെ അന്വേഷണം ആവശ്യപ്പെടാന്‍ യോഗം തീരുമാനിച്ചു. ചെയര്‍പേഴ്‌സണ്‍ പ്രൊഫ. പി.കെ. ശാന്തകുമാരി അധ്യക്ഷത വഹിച്ചു.
കുന്നംകുളം കുന്നംകുളം നഗരസഭ ബജറ്റ് ചര്‍ച്ചയില്‍ ഭരണ-പ്രതിപക്ഷ ബഹളം.
ഏറെ നേരം നീണ്ട ബഹളത്തിനൊടുവില്‍ ബജറ്റ് പാസാക്കിയതായി നഗരസഭ ചെയര്‍പേഴ്സണ്‍ സീതാ രവീന്ദ്രന്‍ പ്രഖ്യാപിച്ചു. കാലങ്ങളായി അവതരിപ്പിക്കുന്ന ബജറ്റ് പ്രഖ്യാപനങ്ങള്‍ ഇപ്പോഴും പൂര്‍ത്തിയാക്കാതെ കിടക്കുമ്പോള്‍ സംസ്ഥാന സര്‍ക്കാരിന്റെ ബ്ജറ്റ് ഫോട്ടോകോപ്പിയെടുത്തതാണ് ഇത്തവണത്തെ നഗരസഭയുടെ ബജറ്റെന്നു ആക്ഷേപിച്ചായിരുന്നു പ്രതിപക്ഷം ബഹളം വെച്ചത്. അതേസമയം കുന്നംകുളത്തെ എല്ലാ മേഖലകളിലും വികസനം ഉറപ്പാക്കുന്നതാണ് ബജറ്റെന്നും പ്രതിപക്ഷം രാഷ്ട്രീയ നാടകം കളിക്കുകയാണെന്നും ഭരണപക്ഷം വ്യക്തമാക്കി.
അന്തിക്കാട് വി.കെ.മോഹനന്‍ കാര്‍ഷിക സംസ്‌കൃതിയുടെ ഭാഗമായി വയല്‍ കര്‍ഷക കൂട്ടായ്മയ്ക്ക് തുടക്കമായി.
പടിയം വില്ലേജോഫീസ് പരിസരത്ത് നടന്ന ചടങ്ങില്‍ അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം. കിഷോര്‍കുമാര്‍ മരച്ചീനി കമ്പുകള്‍ നട്ടു കൊണ്ട് തൈ നടീല്‍ ഉദ്ഘാടനം ചെയ്തു. ചടങ്ങില്‍ സി.പി.ഐ ലോക്കല്‍ കമ്മിറ്റി സെക്രട്ടറി സി.കെ കൃഷ്ണകുമാര്‍ അദ്ധ്യക്ഷനായി. വയല്‍ കര്‍ഷക കൂട്ടായ്മയുടെ നേതൃത്വത്തില്‍ പടിയം വില്ലേജിന്റെ വിവിധ ഭാഗങ്ങളിലേക്ക് ജൈവപച്ചക്കറി കൃഷി വ്യാപിപ്പിക്കുമെന്ന് ഭാരവാഹികള്‍ പറഞ്ഞു.
ഗുരുവായൂര്‍ സ്ത്രീ സുരക്ഷിതയാണോ, ഉത്തരവാദിത്വം ആര്‍ക്ക് എന്ന വിഷയത്തെകുറിച്ച് ഗുരുവായൂര്‍ ശ്രീകൃഷ്ണ കോളേജ് മാതൃകം യൂണിറ്റിന്റെ ആഭിമുഖ്യത്തില്‍ സംവാദം സംഘടിപ്പിച്ചു.
ചൊവ്വന്നൂര്‍ ബ്ലോക്ക് പഞ്ചായത്ത് വൈസ് പ്രസിഡന്റ് ഉഷ പ്രഭുകുമാര്‍ ഉദ്ഘാടനം ചെയ്തു. മാതൃകം കണ്‍വീനര്‍ കെ.എസ്.പാര്‍വ്വതി അധ്യക്ഷയായിരുന്നു. ചരിത്രവിഭാഗം മേധാവി ഡോ.എം.വി.പ്രസാദ് സംവാദം നയിച്ചു. കോേളജ് വൈസ് ചെയര്‍പേഴ്‌സന്‍ ആലിയ, വി.സുചിത്ര, പണിങ്ങാത്ത് രാധിക മേനോന്‍ തുടങ്ങിയവര്‍ സംസാരിച്ചു.
ചെറുതുരുത്തി കേരള കലാമണ്ഡലത്തിലെ നിള നൃത്ത സംഗീത ഉത്സവത്തിന് കൂത്തമ്പലത്തില്‍ തിരിതെളിഞ്ഞു.
പത്മഭൂഷണ്‍ മടവൂര്‍ വാസുദേവന്‍ നായര്‍, പത്മശ്രീ കലാമണ്ഡലം ഗോപി, പത്മശ്രീ കലാമണ്ഡലം ശിവന്‍ നമ്പൂതിരി, പത്മശ്രീ കലാമണ്ഡലം ക്ഷേമാവതി തുടങ്ങിയവര്‍ ചേര്‍ന്നാണ് 4 ദിവസം നീളുന്ന നിള ഉത്സവത്തിന് തിരിതെളിയിച്ചത്. വള്ളത്തോള്‍ നഗര്‍ ഗ്രാമപഞ്ചായത്ത് പ്രസിഡന്റ് പി.പത്മജ, ഭരണസമിതി അംഗങ്ങളായ എന്‍.ആര്‍.ഗ്രാമ പ്രകാശ്, ടി.കെ.വാസു, വാസന്തി മേനോന്‍ തുടങ്ങിയവര്‍ ചടങ്ങില്‍ പങ്കെടുത്തു. തുടര്‍ന്ന് മോഹിനിയാട്ടം, ഗസല്‍ സന്ധ്യ എന്നിവ അരങ്ങേറി.
പുതുക്കാട് പുതുക്കാട് ഫൊറോനയുടെ നേതൃത്വത്തില്‍ നടത്തുന്ന കൃപാഭിഷേകം ബൈബിള്‍ കണ്‍വെന്‍ഷന് ഏപ്രില്‍ മൂന്നിന് തുടക്കമാകും.
ആമ്പല്ലൂര്‍ ജോര്‍ജ് ടൗണ്‍ മൈതാനത്ത് നടക്കുന്ന കണ്‍വെന്‍ഷന്‍ അതിരൂപത സഹായ മെത്രാന്‍ മാര്‍ റാഫേല്‍ തട്ടില്‍ ഉദ്ഘാടനം ചെയ്യും. അണക്കര മരിയന്‍ ധ്യാനകേന്ദ്രം ഡയറക്ടര്‍ ഫാ. ഡൊമനിക് വളന്മനാല്‍ കണ്‍വെന്‍ഷന് നേതൃത്വം നല്‍കും. ഇരിങ്ങാലക്കുട രൂപത മെത്രാന്‍ മാര്‍ പോളി കണ്ണൂക്കാടന്‍, എറണാകുളം അങ്കമാലി രൂപത മെത്രാന്‍ മാര്‍ ജോസ് പുത്തന്‍വീട്ടില്‍ എന്നിവര്‍ അനുഗ്രഹ പ്രഭാഷണം നടത്തും. വാര്‍ത്താസമ്മേളനത്തില്‍ ഫാ. പോള്‍സന്‍ പാലത്തിങ്കല്‍, ഫാ. ഡേവീസ് പുലിക്കോട്ടില്‍, ഫാ. സെബി പുത്തൂര്‍, ആന്റോ മഞ്ഞളി, ബിജു പുളിക്കന്‍ എന്നിവര്‍ അറിയിച്ചു.
ചെറുതുരുത്തി ക്ഷണിച്ചു വരുത്തി അപമാനിച്ചതായി പത്മശ്രീ കലാമണ്ഡലം ഗോപി.
കലാമണ്ഡലത്തില്‍ തുടങ്ങിയ നിള ദേശീയ നൃത്ത സംഗീതോത്സത്തിന്റെ ഉദ്ഘാടകനായി നിശ്ചയിച്ചിരുന്ന സാംസ്‌കാരിക വകുപ്പ് മന്ത്രി എ.കെ. ബാലന്‍ ചടങ്ങില്‍ എത്താത്തതിനെ തുടര്‍ന്നാണ് തിരിതെളിയിക്കാന്‍ തന്നോട് ആവശ്യപ്പെട്ടത്. പിന്നീട് വേദിയില്‍ സംസാരിക്കാന്‍ അനുവദിക്കാതെ തീര്‍ത്തും അവഗണിച്ചുവെന്ന് കലാമണ്ഡലം ഗോപി ആരോപിച്ചു. ഇത് കലാമണ്ഡലത്തിന്റെ സംസ്‌ക്കാരത്തിന് ചേരാത്തതാണെന്നും ഗോപി കൂട്ടിച്ചേര്‍ത്തു.
എരുമപ്പെട്ടി എരുമപ്പെട്ടി നെല്ലുവായില്‍ 12 വയസുകാരിയെ പീഡിപ്പിച്ചുവെന്ന പരാതിയില്‍ മധ്യവയസ്‌ക്കനെ പോലീസ് അറസ്റ്റ് ചെയ്തു.
നെല്ലുവായ് രായംമരക്കാര്‍ കള്ളിക്കാട്ട് അബ്ദുള്‍ റഹ്മാന്‍ എന്ന ശിവനെയാണ് എരുമപ്പെട്ടി പോലീസ് അറസ്റ്റ് ചെയ്തത്. പെണ്‍കുട്ടിയെ പീഡിപ്പിച്ചിരുന്ന ഇയാളുടെ പ്രായപൂര്‍ത്തിയാകാത്ത മകനേയും പോലീസ് കസ്റ്റഡിയിലെടുത്തിട്ടുണ്ട്. കുട്ടി പഠിച്ചിരുന്ന സ്‌കൂളില്‍ നടത്തിയ കൗണ്‍സിലിങ്ങിലാണ് അച്ഛനും മകനും ചേര്‍ന്ന് തന്നെ പീഡിപ്പിച്ചിരുന്നതായി കുട്ടി വെളിപ്പെടുത്തിയത്. മാതാപിതാക്കള്‍ വിവാഹ മോചനം നടത്തിയതിനെ തുടര്‍ന്ന് അമ്മയോടൊപ്പം എറണാകുളത്ത് കഴിയുകയാണ് പീഡനത്തിനിരയായ പെണ്‍കുട്ടി. നെല്ലുവായിലെ അച്ചന്റെ വീട്ടില്‍ അവധി ദിനങ്ങളില്‍ താമസിക്കാന്‍ വരുമ്പോഴാണ് അയല്‍വാസികളായ ഇവര്‍ പീഡിപ്പിച്ചിരുന്നതെന്ന് കുട്ടി പോലീസിന് നല്‍കിയ മൊഴിയില്‍ പറയുന്നു. തൃശൂര്‍ ജില്ലയിലെ ഘര്‍വാപസി പരിപാടിയില്‍ ആദ്യമായി ഹിന്ദുമതത്തിലേക്ക് മാറിയ കുടുംബമാണ് അബ്ദുറഹ്മാന്റേത്. തുടര്‍ന്നാണ് ശിവനെന്ന പേര് സ്വീകരിച്ചത്. പെണ്‍കുട്ടി പഠിക്കുന്ന എറണാകുളം സ്‌കൂളില്‍ നിന്നു ലഭിച്ച പരാതിയുടെ അടിസ്ഥാനത്തില്‍ എറണാകുളം പോലീസ് കേസ് രജിസ്റ്റര്‍ ചെയ്ത് എരുമപ്പെട്ടി പോലീസിന് കൈമാറുകയായിരുന്നു.
പട്ടിക്കാട് പട്ടിക്കാട് ശ്രീധര്‍മ്മശാസ്താ ക്ഷേത്രത്തിലെ ചുറ്റുമതില്‍ സമര്‍പ്പണവും നടപ്പുര സമര്‍പ്പണവും ഭക്തിനിര്‍ഭരമായി.
വ്യവസായ പ്രമുഖന്‍ പത്മശ്രീ അഡ്വ.സി.കെ.മേനോന്‍ നിര്‍മ്മിച്ച് നല്‍കിയ നടപ്പുര സമര്‍പ്പണം സി.കെ.മേനോന്റെ പത്‌നി ജയശ്രീ കെ.മേനോന്‍ നിര്‍വ്വഹിച്ചു. കൊച്ചിന്‍ ദേവസ്വം ബോര്‍ഡ് പ്രസിഡന്റ് ഡോ.എം.കെ.സുദര്‍ശന്‍ ചുറ്റുമതില്‍ സമര്‍പ്പണം നിര്‍വ്വഹിച്ചു. മോഹന്‍ദാസ് ചക്കോത്ത്, കെ.നന്ദകുമാര്‍, വി.കെ.വിശ്വനാഥന്‍, ഗോവിന്ദന്‍കുട്ടി നായര്‍, ടി.ബി.മഹേന്ദ്രന്‍ തുടങ്ങിയവര്‍ സംസാരിച്ചു. ക്ഷേത്രം പുനരുദ്ധാരണവുമായി ബന്ധപ്പെട്ട് പ്രവര്‍ത്തിക്കുന്ന വ്യക്തികളെ ആദരിക്കുന്ന ചടങ്ങും ഇതോടൊപ്പമുണ്ടായിരുന്നു
രാമവര്‍മ്മപുരം കേരള പോലീസില്‍ ആദ്യമായി തൃശൂര്‍ രാമവര്‍മ്മപുരം കെ.എ.പി. ഒന്നാം ബറ്റാലിയനില്‍ നിര്‍മ്മിച്ച ടെന്നീസ് ക്ലേ കോര്‍ട്ടില്‍ കളി ആരംഭിച്ചു.
പോലീസ് ട്രെയിനിംഗ് എ.ഡി.ജി.പി- കെ.പത്മകുമാര്‍ ടെന്നീസ് കോര്‍ട്ടിന്റെ ഉദ്ഘാടനം നിര്‍വ്വഹിച്ചു. കെ.എ.പി. ഒന്നാം ബറ്റാലിയന്‍ കമാന്‍ഡന്റ് വി.സുനില്‍കുമാര്‍ അധ്യക്ഷത വഹിച്ചു. തൃശൂര്‍ ടെന്നീസ് ഫ്രറ്റേണിറ്റി കോ-ഓര്‍ഡിനേറ്റര്‍ എ.പി.മനോഹരന്‍, ഫുട്‌ബോള്‍ താരം വിക്ടര്‍ മഞ്ഞില, കൗണ്‍സിലര്‍ സുരേഷ്‌കുമാര്‍, അസിസ്റ്റന്റ് കമാന്‍ഡന്റ് സി.കെ.പ്രകാശ്, സി.കെ.രാമചന്ദ്രന്‍, കെ.ഐ.മാര്‍ട്ടിന്‍, ജോസ് കെ.ഫ്രാന്‍സീസ്, ഗോപി തുടങ്ങിയവര്‍ സംസാരിച്ചു. ഉദ്ഘാടനത്തോടനുബന്ധിച്ച് ദേശീയ ടെന്നീസ് താരങ്ങളായ ബിമല്‍ ഥാപ്പ, ഗായത്രി ശങ്കര്‍ എന്നിവര്‍ പങ്കെടുത്ത പ്രദര്‍ശന മത്സരവും അരങ്ങേറി. തൃശൂര്‍ ടെന്നീസ് ഫ്രറ്റേണിറ്റിയുടെ സാങ്കേതിക സഹായത്തോടെ കെ.എ.പി. ഒന്നാം ബറ്റാലിയനിലെ സേനാംഗങ്ങളുടെ നേതൃത്വത്തിലാണ് ടെന്നീസ് ക്ലേ കോര്‍ട്ടിന്റെ നിര്‍മ്മാണം പൂര്‍ത്തിയായത്. ടെന്നീസ് എന്ന വിനോദം സാധാരണക്കാരിലേക്കെത്തിക്കുക എന്ന ലക്ഷ്യത്തോടെയാണ് ടെന്നീസ് ക്ലേ കോര്‍ട്ട് നിര്‍മ്മിച്ചിരിക്കുന്നത്.
തൃപ്രയാര്‍ ആംബുലന്‍സിന്റെ മാതൃകയിലാക്കിയ വാഹനങ്ങളും ഇതരസംസ്ഥാനങ്ങളില്‍ നിന്നുള്ള ചരക്ക് ലോറികളും കേരളത്തിലേക്കുള്ള കഞ്ചാവ് ലഹരി വസ്തുക്കളുടെ വിപണന മാര്‍ഗങ്ങളാകുന്നു.
പാലക്കാട് കോടതി പരിസരത്ത് നിന്ന് വലപ്പാട് പൊലീസ് പിടികൂടിയ ചാവക്കാട് അകലാട് മൂന്നേനി സ്വദേശി നെയ്യൂരാന്‍ ഷറഫു എന്ന അഷ്‌റഫില്‍ നിന്നാണ് ലഹരി മാഫിയാ സംഘത്തിന്റെ പുതിയ വിപണന തന്ത്രങ്ങളെകുറിച്ച് പൊലീസിന് വിവരം ലഭിക്കുന്നത്. കഞ്ചാവിനൊപ്പം മദ്യവും മറ്റ് ലഹരി വസ്തുക്കളും കേരളത്തിലെത്തിക്കാന്‍ ലഹരി മാഫിയാ സംഘം നൂതന മാര്‍ഗങ്ങള്‍ ഉപയോഗിക്കുന്നതായാണ് കണ്ടെത്തല്‍. വാടകക്കെടുത്ത വാഹനങ്ങളില്‍ കൃത്രിമ അറകള്‍ നിര്‍മ്മിച്ചും വാഹനങ്ങള്‍ ആംബുലന്‍സിന്റെ മാതൃകയില്‍ വ്യാജമായി നിര്‍മ്മി ച്ചുമാണ് ലഹരി മാഫിയാ സംഘം ഈരംഗത്ത് പിടിമുറുക്കിയിരിക്കുന്നത്. 2015ല്‍ 10 കിലോ കഞ്ചാവുമായി ഷൊര്‍ണൂര്‍ പൊലീസും, 2016ല്‍ 8 കിലോ കഞ്ചാവുമായി പാലക്കാട് ഹേമാംബിക പൊലീസും അഷ്‌റഫിനെ പിടികൂടിയിരുന്നു. ഇതര സംസ്ഥാനങ്ങളില്‍ നിന്ന് അരിയും സവാളയും കയറ്റി വരുന്ന ലോറികളാണ് ലഹരി വസ്തുക്കളുടെ വരവിന്റെ പ്രധാന മാര്‍ഗം .അരിയും, പച്ചക്കറികളും, വളവും കൊണ്ടുവരുന്ന ലോറികളില്‍ ചാക്കുകള്‍ക്കിടയില്‍ ഒളിപ്പിച്ചാണ് കഞ്ചാവ് കേരളത്തിലേക്ക് കടത്തുന്നത്.വളത്തിന്റെഗ രൂക്ഷഗന്ധം മൂലം കഞ്ചാവിന്റെ മണം തിരിച്ചറിയില്ലെന്നതാണ് ഈ മാര്‍ഗം ലഹരി മാഫിയാ സംഘം ഉപയോഗിക്കുവാന്‍ കാരണം. ചെക്ക് പോസ്റ്റിലെ പരിശോധനയ്‌ക്കൊപ്പം മറ്റ് പ്രധാന കേന്ദ്രങ്ങളിലെ തടസ്സങ്ങളും ഒഴിവാക്കാന്‍ വ്യാജമായി നിര്‍മ്മിച്ച ആംബുലന്‍സിലൂടെയുള്ള ലഹരി വസ്തുക്കളുടെ വിപണനത്തെയും ഇവര്‍ ആയുധമാക്കി. അറസ്റ്റിലായ നെയ്യൂരാന്‍ ഷറഫു എന്ന അഷ്‌റഫിന്റെ് സംഘത്തിലുള്ളവരില്‍ ഏറെപേരും ഇയാളുടെ കഞ്ചാവ് വിപണന രംഗത്തെ കൂട്ടാളികളാണ്.അതിനാല്‍ തന്നെ പിടികൂടാനെത്തുന്ന പൊലീസിനെ കുറിച്ച് നിമിഷങ്ങള്ക്ക്കം അഷ്‌റഫ് തിരിച്ചറിയുന്നതാണ് പൊലീസിനെ കുഴക്കിയിരുന്നത്.പൊലീസ് നീക്കത്തെ പരാജയപ്പെടുത്താന്‍ രാവും പകലുമായി പ്രത്യേക സംഘത്തെ തന്റെ് വീടിന് സമീപത്ത് നിരീക്ഷണത്തിനായി അഷ്‌റഫ് നിയോഗിച്ചിരുന്നു.എന്തെങ്കിലും സംശയം ഉണ്ടായാല്‍ സംഘാംഗങ്ങളെ അറിയിക്കുകയും തുടര്ന്ന്ം കൂട്ടമായെത്തി ഭീഷണിപ്പെടുത്തി തിരിച്ചയക്കുകയുമായിരുന്നു ഇവരുടെ തന്ത്രം . അകലാട് മേഖലയില്‍ ഓടിക്കൊണ്ടിരിക്കുന്ന ചരക്ക് ലോറികളില്‍ നിന്ന് കഞ്ചാവ് ഉള്‌പ്പെണടെയുള്ള മയക്കുമരുന്നുകളുടെ കെട്ടുകള്‍ റോഡരികിലേക്ക് എറിഞ്ഞുകൊടുക്കുകയാണ് മാഫിയാ സംഘത്തിന്റെക രീതി.വഴിയില്‍ കാത്തു നില്ക്കുാന്ന സംഘാംഗങ്ങള്‍ കഞ്ചാവ് ഉടന്‍ എടുത്തുമാറ്റുകയും സുരക്ഷിത സ്ഥലങ്ങളിലേക്ക് മാറ്റി വിപണനം നടത്തുകയും ചെയ്യും.അകലാട് മേഖലയില്‍ ഏക്കര്‍ കണക്കിന് വിസ്തൃതിയുള്ള രാമച്ചം പാടങ്ങളും കഞ്ചാവ് ലഹരി മാഫിയാ സംഘത്തിന്റെ് ഒളിസങ്കേതങ്ങളാണ്.രാമച്ചം പാടങ്ങളില്‍ കുഴിച്ചിടുന്ന കഞ്ചാവ് ആവശ്യക്കാര്ക്ക് അപ്പോഴപ്പോള്‍ വിതരണം ചെയ്യും. തീരദേശ മേഖലയില്‍ സജീവമായ കഞ്ചാവ് ലഹരി മാഫിയാ സംഘത്തിനെതിരെ ശക്തമായ നടപടികള്‍ തുടര്ന്നും സജീവമാക്കാനാണ് വലപ്പാട് പൊലീസിന്റെ തീരുമാനം.
ചേര്‍പ്പ് പ്രസിദ്ധമായ പെരുവനം പൂരത്തിനു പെരുവനം നടവഴി ഒരുങ്ങി. ഏപ്രില്‍ അഞ്ചിനാണ് പെരുവനം പൂരം. സന്ധ്യ മുതല്‍ പുലരും വരെ നീളുന്ന പൂരത്തിന് പതിനെട്ടു ക്ഷേത്രങ്ങളിലെ ദേവീ ദേവന്മാര്‍ പങ്കെടുക്കും.
ഏപ്രില്‍ 5ന് വൈകീട്ട് കടലാശ്ശേരി പിഷാരിക്കല്‍ ഭഗവതിയുടെ കയറ്റത്തോടെ പൂരത്തിന് തുടക്കമാകും. തുടര്ന്ന് പാഞ്ചാരിയുടെ ഈറ്റില്ലം എന്ന് വിശേഷിപ്പിക്കുന്ന പെരുവനം നടവഴിയില്‍ പദ്മശ്രീ പെരുവനം കുട്ടന്‍ മാരാരുടെ പാണ്ടിമേളത്തോടെ ആറാട്ടുപുഴ ശാസ്താവിന്റെ പ്രൗഢഗംഭീരമായ ഇറക്കം. ഒപ്പം തന്നെ ചാത്തക്കുടം ശാസ്താവും തൊട്ടിപ്പാള്‍ ഭാഗവതിയുമായി കയറ്റവും ഉണ്ടാകും. രാത്രി ഊരകം അമ്മത്തിരുവടി ചാത്തക്കുടം ശാസ്താവും ഒന്നിച്ചു കയറും. ചേര്‍പ്പ് ഭഗവതിയുടെ എഴുന്നള്ളിപ്പാണ് അവസാനം നടക്കുക. പടിഞ്ഞാറേ നടയില്‍ ചേര്പ്പ് ഭഗവതിക്ക് പഞ്ചവാദ്യമാണ് അകമ്പടിയാവുക. പെരുവനംമഹാദേവ ക്ഷേത്രത്തില്‍ പണ്‍് പൂയത്തിന്‍നാള്‍ നടന്നിരുന്ന ഉത്സവത്തിന്റെ വലിയ വിളക്കായിരുന്നു പെരുവനം പൂരം. കേരളത്തിലെ കൊമ്പനാനകളുടേയും നെറ്റിപ്പട്ടം, കോലം, കുട, ആലവട്ടം, വെഞ്ചാമരം, എന്നി ചമയങ്ങളുടേയും ചെണ്‍, കൊമ്പ്, കുഴല്‍, താളം, എന്നി വാദ്യങ്ങളുടേയും യോഗ്യത നിര്‍ണയിച്ചിരുന്നത് പെരുവനം നടവഴിയില്‍ അവയ്ക്ക് പ്രവേശനം ലഭിച്ചിട്ടുണ്ടോ എന്നതിനെ ആസ്പദമാക്കിയായിരുന്നു. പെരുവനം ക്ഷേത്രത്തിന്റെ പഴക്കം കൃത്യമായി നിര്‍ണ്ണയിക്കാന്‍ ഇതുവരെ ഒരു ചരിത്രകാരനും സാധിച്ചിട്ടില്ല. എ ഡി 9-ാം നൂറ്റാണ്ടില്‍ ഈ ക്ഷേത്രം നിലനിന്നിരുന്നു എന്നാണ് രേഖകളില്‍ കാണുന്നത്. പഞ്ചാരി മേളത്തിന്റെ ഈറ്റില്ലം എന്ന് പെരുവനത്തെ വിശേഷിപ്പിക്കുന്നു. പഞ്ചാരിമേളത്തിന്റെ ഉത്ഭവം പെരുവനം ക്ഷേത്ര നടവഴിയില്‍ ആയിരുന്നു എന്നതാണിതിനു കാരണം. 500 വര്‍ഷങ്ങള്‍ക്ക് മുന്‍പ് മഴമംഗലം നമ്പൂതിരിയും പണ്ടാരത്തില്‍ രാമന്‍ മാരാരും ചേര്‍ന്ന് പെരുവനം പൂരത്തില്‍ ഊരകത്തിന്റെം എഴുന്നള്ളിപ്പിന് കൊട്ടാന്‍ വേണ്ടി ചിട്ടപ്പെടുത്തിയതാണ് ഇന്ന് കാണുന്ന പഞ്ചാരിമേളം. കേരളത്തിന്റെ മുഖമുദ്രയായി മാറിയ നെറ്റിപട്ടം ആദ്യമായി നിര്‍മ്മിച്ചതും ഉപയോഗിച്ചതും പെരുവനം പൂരത്തിലായിരുന്നു. 140 വര്‍ഷങ്ങള്‍ക്ക് മുന്‍പ് കിരങ്ങാട്ട് മനയിലെ ശങ്കരന്‍ നമ്പൂതിരിപ്പാട് സ്വന്തം ക്ഷേത്രമായ ചേര്‍പ്പിന്റെ എഴുന്നള്ളിപ്പില്‍ നെറ്റിപട്ടങ്ങള്‍ ഉപയോഗിച്ചപ്പോള്‍ അന്നതൊരു വിസ്മയമായിരുന്നു. ശങ്കരന്‍ നമ്പൂതിരിപ്പാട് രൂപകല്‍പ്പന ചെയ്ത ചൂരല്‍പൊളി, നാഗപടം, വണ്ടോട് എന്നിങ്ങനെയുള്ള നെറ്റിപ്പട്ടങ്ങളാണ് ഇന്ന് കേരളത്തിലെ ഉത്സവങ്ങള്‍ക്ക് ഉപയോഗിക്കുന്നത്.
കയ്പമംഗലം കോണ്‍ഗ്രസ് കയ്പമംഗലം മണ്ഡലം കമ്മിറ്റിയുടെ ആഭിമുഖ്യത്തില്‍ കയ്പമംഗലം പഞ്ചായത്ത് ഓഫീസിലേക്ക് മാര്‍ച്ച് നടത്തി.
പഞ്ചായത്തില്‍ 70 ശതമാനത്തിലേറെ പദ്ധതി വിഹിതം ചിലവഴിച്ചില്ലെന്നാരോപിച്ചായിരുന്നു മാര്‍ച്ച്. കെ.പി.സി.സി എക്‌സിക്യൂട്ടീവ് അംഗം പി.എ.മുഹമ്മദാലി ഉദ്ഘാടനം ചെയ്തു. ബ്ലോക്ക് കോണ്‍ഗ്രസ് പ്രസിഡന്റ് സജയ് വയനപിള്ളി അധ്യക്ഷത വഹിച്ചു. ഡി.സി.സി ജനറല്‍ സെക്രട്ടറിമാരായ കെ.എഫ്.ഡൊമിനിക്, പി.എം.എ ജബ്ബാര്‍, അനിത ബാബു തുടങ്ങിയവര്‍ സംസാരിച്ചു.
കയ്പമംഗലം മതിലകം ഗ്രാമപഞ്ചായത്തിന്റെ ബജറ്റ് അവതരിപ്പിച്ചു.
ജലവിഭവ സംരക്ഷണം, മാലിന്യ സംസ്‌കരണം, കാര്‍ഷിക ഉല്പ്പാദന വര്‍ദ്ധനവിനുള്ള പ്രവര്‍ത്തനങ്ങള്‍ എന്നിവയ്ക്ക് ഊന്നല്‍ നല്‍കിയുള്ള ബജറ്റാണ് വൈസ് പ്രസിഡന്റ് ഷീന വിശ്വന്‍ അവതരിപ്പിച്ചത്. 52 കോടി 94 ലക്ഷത്തി 8,581 രൂപ വരവും 52 കോടി 66 ലക്ഷത്തി 32,335 രൂപ ചിലവും 27 ലക്ഷത്തി 76,196 രൂപ മിച്ചവും പ്രതീക്ഷിക്കുന്നതാണ് ബജറ്റ്. ബ്ലോക്ക് പഞ്ചായത്ത് പ്രസിഡന്റ് കെ.കെ.അബീദലി അധ്യക്ഷത വഹിച്ചു.
ഇരിങ്ങാലക്കുട സംസ്ഥാന സര്‍ക്കാരിന്റെ ക്ഷീരോത്പാദന സ്വയംപര്യാപ്തത പദ്ധതിയില്‍ വെള്ളാങ്കല്ലൂര്‍ പഞ്ചായത്തിനെ ഉള്‍പ്പെടുത്തിയതായി വി.ആര്‍.സുനില്‍കുമാര്‍ എം.എല്‍.എ ഇരിങ്ങാലക്കുടയില്‍ പറഞ്ഞു.
3 ദശാംശം 3,3 കോടി രൂപ ചെലവഴിച്ച് സംസ്ഥാനത്തെ 3 പഞ്ചായത്തുകളിലാണ് പദ്ധതി നടപ്പിലാക്കുന്നത്. 200 കര്‍ഷകര്‍ക്ക് പദ്ധതി പ്രകാരം 240 പശുക്കളേയും 55 കിടാരികളേയും നല്‍കും. 500 ലിറ്റര്‍ പാലുല്‍പ്പാദനം നടത്തുകയാണ് പദ്ധതിയുടെ ലക്ഷ്യം. കൂടാതെ കറവയന്ത്രം, തൊഴുത്ത് നിര്‍മ്മാണം, ആവശ്യാധിഷ്ഠിത ധനസഹായം എന്നിവ പദ്ധതിയില്‍ ഉള്‍പ്പെടുത്തിയിട്ടുണ്ട്. പദ്ധതിയുടെ ഉദ്ഘാടനം ഈ മാസം 30ന് വനം മൃഗസംരക്ഷണ വകുപ്പ് മന്ത്രി അഡ്വ.കെ.രാജു നിര്‍വ്വഹിക്കുമെന്ന് എം.എല്‍.എ അറിയിച്ചു. പഞ്ചായത്ത് വൈസ് പ്രസിഡന്റ് ഉണ്ണികൃഷ്ണന്‍ കുറ്റിപറമ്പില്‍, മിനി രവീന്ദ്രനാഥ്, വി.ജെ.റീന തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.
ചെറുതുരുത്തി ദേശമംഗലം ഗ്രാമപഞ്ചായത്തിന്റ ബജറ്റ് വൈസ് പ്രസിഡന്റ് കെ.എം.സലീം അവതരിപ്പിച്ചു.
കുടിവെള്ളം, യുവജനക്ഷേമം എന്നിവയ്ക്കു പുറമേ പഞ്ചായത്തിലെ എല്ലാ സര്‍ക്കാര്‍ ഓഫീസുകളും ഒരു കുടക്കീഴില്‍ കൊണ്ടുവരുന്ന മിനി സിവില്‍ ഓഫീസ്, ഒലിച്ചി ഡാം വിപുലീകരിച്ച് കുടിവെള്ളം, വൈദ്യുതി ഉത്പാദനം എന്നിവയ്ക്കാണ് ബജറ്റില്‍ മുന്‍ഗണന നല്‍കിയിരിക്കുന്നത്. പഞ്ചായത്ത് പ്രസിഡന്റ് എം.മഞ്ജുള അധ്യക്ഷത വഹിച്ചു.
കയ്പമംഗലം കയ്പമംഗലം ചളിങ്ങാട് മഹാവിഷ്ണു സുബ്രമണ്യസ്വാമി ക്ഷേത്രത്തിലെ ആറാട്ട് ഉത്സവത്തിന് ക്ഷേത്രം തന്ത്രി നാരായണന്‍കുട്ടി കൊടിയേറ്റി.
ക്ഷേത്രം ശാന്തി ബൈജു മുഖ്യകാര്‍മികത്വം വഹിച്ചു. ഏഴ് ദിവസം നീണ്ടു നില്‍ക്കുന്ന ഉത്സവ പരിപാടികള്‍ ഏപ്രില്‍ 2ന് സമാപിക്കും. ഇന്ന് മുതല്‍ ക്ഷേത്രത്തില്‍ വിശേഷാല്‍ പൂജകള്‍ ഉണ്ടായിരിക്കും. ഏപ്രില്‍ ഒന്നിന് രാത്രി 9ന് പള്ളിവേട്ട, 2ന് ഉച്ചയ്ക്ക് 12ന് കാവടിയാട്ടം, തുടര്‍ന്ന് പ്രസാദ ഊട്ട്, വൈകീട്ട് 4.30ന് രഥം എഴുന്നള്ളിപ്പ്, തുടര്‍ന്ന് പകല്‍പൂരം, വര്‍ണമഴ, 9.30ന് തായമ്പക, 10.30 മുതല്‍ കാവടിയാട്ടം എന്നിവയാണ് പ്രധാന പരിപാടികള്‍.
ഇരിങ്ങാലക്കുട ഇരിങ്ങാലക്കുട ചേംബര്‍ ഓഫ് മ്യൂസികിന്റെ നേതൃത്വത്തില്‍ ഏപ്രില്‍ 1, 2 തിയ്യതികളില്‍ സംഗീത ശില്‍പശാല സംഘടിപ്പിക്കുമെന്ന് ഭാരവാഹികള്‍ അറിയിച്ചു.
ഇരിങ്ങാലക്കുട ശ്രീ കൂടുല്‍മാണിക്യം ക്ഷേത്രത്തിനു സമീപമുള്ള വലിയ തമ്പുരാന്‍ കോവിലകത്താണ് സൗജന്യ ശില്‍പശാല നടത്തുന്നത്. സംഗീതജ്ഞന്‍ അജിത് നമ്പൂതിരി നേതൃത്വം നല്‍കും. ഇതോടനുബന്ധിച്ച് സംഗീത കച്ചേരിയും അരങ്ങേറും. ശ്രീവിദ്യാവര്‍മ്മ, പ്രതാപ് സിംഗ്, പ്രൊഫ.ജയറാം തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.
ചെറുതുരുത്തി ദേശമംഗലം ഗ്രാമ പഞ്ചായത്തിന്റെയും പ്രാഥമിക ആരോഗ്യ കേന്ദ്രത്തിന്റെയും ഒറ്റപ്പാലം വെല്‍ഫെയര്‍ ട്രസ്റ്റിന്റെയും നേതൃത്വത്തില്‍ സൗജന്യ കാന്‍സര്‍ പരിശോധന ക്യാമ്പ് നടത്തി.
പ്രാഥമിക ആരോഗ്യകേന്ദ്രം മെഡിക്കല്‍ ഓഫീസര്‍, ക്യാമ്പ് ഡോക്ടര്‍ എന്നിവരുടെ നേതൃത്വത്തിലാണ് പരിശോധനകള്‍ നടന്നത്.
കൊടുങ്ങല്ലൂര്‍ അഴീക്കോട് മുനമ്പം ഫെറിയില്‍ ഏപ്രില്‍ ഒന്ന് മുതല്‍ ജങ്കാര്‍ സര്‍വ്വീസ് തടസപ്പെടും.
ഫിറ്റ്‌നസ് പരിശോധനക്ക് മുന്നോടിയായി അറ്റകുറ്റപ്പണി നടത്തുന്നതിനായാണ് ജങ്കാര്‍ സര്‍വ്വീസ് നിര്‍ത്തിവെയ്ക്കുന്നത് . താല്‍ക്കാലിക ജെട്ടിയുടെ നിര്‍മ്മാണവും ഫെറി ചാലിലെ മണ്ണ് നീക്കലും പൂര്‍ത്തിയാകുന്ന മുറയ്ക്ക് താല്‍ക്കാലിക ബോട്ട് സര്‍വ്വീസ് ആരംഭിക്കും . ജില്ലാ പഞ്ചായത്തിന്റെ ഉടമസ്ഥതയിലുള്ള ജങ്കാറിന്റെ ഫിറ്റ്‌നസ് സര്‍ട്ടിഫിക്കറ്റ് കാലാവധി അവസാനിക്കുന്ന സാഹചര്യത്തിലാണ് പരിശോധനക്ക് മുന്‍പായുള്ള അറ്റകുറ്റപ്പണികള്‍ നടത്തുന്നത്. ഏതാനും മാസങ്ങള്‍ മുന്‍പ് ജങ്കാറിന്റെ ഫിറ്റ്‌നസ് സര്‍ട്ടിഫിക്കറ്റിന്റെ കാലാവധി കഴിഞ്ഞതിനെ തുടര്‍ന്ന് താല്‍ക്കാലികമായി സര്‍ട്ടിഫിക്കറ്റ് നല്‍കുകയായിരുന്നു. ജങ്കാര്‍ സര്‍വ്വീസ് നിര്‍ത്തിവെയ്ക്കുന്ന സാഹചര്യത്തില്‍ അഴീക്കോട് മുനമ്പം ഫെറിയില്‍ യാത്രാക്ലേശം ഉടലെടുക്കും.
ഇരിങ്ങാലക്കുട ഇരിങ്ങാലക്കുട ഠാണാ ചന്തക്കുന്ന് വികസനം അട്ടിമറിക്കുന്നതിന് ശ്രമം നടക്കുന്നതായി മുന്‍ ചീഫ് വിപ്പ് അഡ്വ.തോമസ് ഉണ്ണിയാടന്‍ ആരോപിച്ചു.
ഇരിങ്ങാലക്കുട ഠാണാ ചന്തക്കുന്ന് വികസനം ആവശ്യപ്പെട്ട് കേരള കോണ്‍ഗ്രസ് -എം ഇരിങ്ങാലക്കുടയില്‍ നടത്തിയ ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കേരള കോണ്‍ഗ്രസ് - എം. നിയോജകമണ്ഡലം പ്രസിഡന്റ് റോക്കി ആളൂക്കാരന്‍ അധ്യക്ഷനായിരുന്നു. ടി.കെ.വര്‍ഗീസ്, അഡ്വ.ഷൈനി ജോജോ, സിജോയ് തോമസ് തുടങ്ങിയവര്‍ സംസാരിച്ചു
ചേലക്കര ചേലക്കര ഗ്രാമപഞ്ചായത്ത് ബജറ്റ് വൈസ് പ്രസിഡന്റ് ഗായത്രി ജയന്‍ അവതരിപ്പിച്ചു.
പഞ്ചായത്ത് പ്രസിഡന്റ് ആര്‍.ഉണ്ണികൃഷ്ണന്‍ അധ്യക്ഷത വഹിച്ചു. അതേ സമയം ബജറ്റ് അവതരണ യോഗം പ്രതിപക്ഷം ബഹിഷ്‌കരിച്ചു. കൃഷി, കുടിവെള്ളം എന്നിവക്കായി വളരെ ചെറിയ തുക മാത്രമാണ് ബജറ്റില്‍ വകയിരുത്തിയിരിക്കുന്നതെന്നു പ്രതിപക്ഷം കുറ്റപ്പെടുത്തി.
തൃശൂര്‍ നിര്‍മ്മാണ മേഖലയിലെ തൊഴിലാളികളുടെ ന്യായമായ ആവശ്യങ്ങള്‍ ഉടന്‍ നടപ്പാക്കണമെന്ന് കേരള സ്റ്റേറ്റ് കെട്ടിട നിര്‍മ്മാണ തൊഴിലാളി യൂണിയന്‍ ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ ആവശ്യപ്പെട്ടു.
പെന്‍ഷന്‍ വര്‍ദ്ധനവ്, ഗ്രാറ്റുവിറ്റി, ഇന്‍ഷൂറന്‍സ്, ചികിത്സാ സഹായം, അസംസ്‌കൃത വസ്തുക്കളുടെ ലഭ്യത എന്നിങ്ങനെയുള്ള ആവശ്യങ്ങള്‍ സംബന്ധിച്ച നിവേദനം സര്‍ക്കാരിനും ക്ഷേമനിധി ബോര്‍ഡിനും സമര്‍പ്പിച്ചിട്ടുണ്ടെന്നും ഇക്കാര്യത്തില്‍ ഉചിതമായ തീരുമാനമെടുക്കണമെന്നും ഭാരവാഹികള്‍ ആവശ്യപ്പെട്ടു. വാര്‍ത്താസമ്മേളനത്തില്‍ പി.ടി.തോമസ്, നോബര്‍ട്ട് അടിമുറി, സണ്ണി ചെങ്ങമ്പള്ളി, രാജപ്പന്‍ നായര്‍, കെ.വി.ജോസ് എന്നിവര്‍ പങ്കെടുത്തു.
തൃശൂര്‍ ലയണ്‍സ് ക്ലബിന്റെ ആഭിമുഖ്യത്തില്‍ 'കരിയേഴ്‌സ് ഇന്‍ കൊമേഴ്‌സ്' എന്ന പേരില്‍ സെമിനാര്‍ നടത്തുമെന്ന് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
അക്കൗണ്ടിംഗ് മാനേജ്‌മെന്റ് പരിശീലന രംഗത്ത് പ്രവര്‍ത്തിക്കുന്ന വിദഗ്ധരുടെ നേതൃത്വത്തില്‍ ഏപ്രില്‍ എട്ടിനാണ് മിഷന്‍ ക്വാര്‍ട്ടേഴ്‌സ് ലയണ്‍സ് ഹാളില്‍ സെമിനാര്‍ സംഘടിപ്പിച്ചിട്ടുള്ളത്. മുന്‍കൂട്ടി രജിസ്റ്റര്‍ ചെയ്യുന്നവര്‍ക്കാണ് സെമിനാറില്‍ പങ്കെടുക്കാന്‍ അവസരം ലഭിക്കുകയെന്ന് സംഘാടകര്‍ പറഞ്ഞു. ജെയിംസ് വളപ്പില, പി.എം.ഹരിദാസ്, സി.പി.ഡേവീസ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
മാള മാള മെറ്റ്‌സ് എഞ്ചിനീയറിങ്ങ് കോളേജില്‍ വിദ്യാര്‍ത്ഥികളുടെ സത്യഗ്രഹ സമരം തുടരുന്നു.
വിവിധ വിദ്യാര്‍ത്ഥി യൂണിയന്‍ നേതാക്കളും സമരത്തിന് പിന്തുണ പ്രഖ്യാപിച്ച് എത്തിയിരുന്നു. പ്രിന്‍സിപ്പാള്‍ രാജിവെയ്ക്കുക, ലഹരി ഉപയോഗിച്ച് ജാതിപ്പേര് പറഞ്ഞ് വിദ്യാര്‍ത്ഥികളെ ആക്ഷേപിക്കുന്ന അദ്ധ്യാപകര്‍ക്കെതിരെ നടപടിയെടുക്കുക, വിദ്യാര്‍ത്ഥികള്‍ക്കു നേരെയുള്ള മാനേജ്‌മെന്റിന്റെ പ്രതികാര നടപടികളും പീഢനങ്ങളും അവസാനിപ്പിക്കുക എന്നീ ആവശ്യങ്ങള്‍ ഉന്നയിച്ചാണ് വിദ്യാര്‍ത്ഥി കള്‍ അനിശ്ചിതകാല സമരം പ്രഖ്യാപിച്ചിരിക്കുന്നത്.
പുതുക്കാട് നെന്‍മണിക്കര പഞ്ചായത്തിലെ ബജറ്റ് അവതരിപ്പിച്ചു.
12 കോടി 11 ലക്ഷത്തി 60,337 രൂപ വരവും 11 കോടി 21 ലക്ഷത്തി 31,263 രൂപ ചിലവും ഒരു കോടിയോളം രൂപ മിച്ചവുമുള്ള ബജറ്റാണ് വൈസ് പ്രസിഡന്റ് വി.ആര്‍.സുരേഷ് അവതരിപ്പിച്ചത്. കാര്‍ഷിക വികസന പദ്ധതികള്‍ക്കും മൃഗസംരക്ഷണത്തിനും മുപ്പത്തി രണ്ടര ലക്ഷവും, വിവിധ കുടിവെള്ള സ്രോതസ്സുകള്‍ക്കും അനുബന്ധ മേഖലകള്‍ക്കുമായി 50 ലക്ഷവും വകയിരുത്തിയിട്ടുണ്ട്. മാലിന്യ സംസ്‌കരണത്തിന് 20 ലക്ഷവും, കിണര്‍ റീചാര്‍ജിംഗ് നടത്തി ശുദ്ധജലം ലഭ്യമാക്കുന്നതിനും തൊഴിലുറപ്പ് പദ്ധതികള്‍ക്കുമായി രണ്ടര കോടിയോളം രൂപയും നീക്കിവച്ചിട്ടുണ്ട്. രാജ്യത്തിന് മാതൃകയായ പഞ്ചായത്തിന്റെ സൗഭാഗ്യവതി പദ്ധതിക്ക് 15 ലക്ഷം രൂപയും വകയിരുത്തി. പഞ്ചായത്ത് പ്രസിഡന്റ് ഷീല മനോഹരന്‍ അധ്യക്ഷത വഹിച്ചു.
കൊടകര കൊടകര ഗ്രാമപഞ്ചായത്തിലെ വിവിധ അംഗന്‍വാടികളിലെ കുട്ടികള്‍ക്ക് കളിപ്പാട്ടങ്ങള്‍ വിതരണം ചെയ്തു.
ഗ്രാമപഞ്ചായത്ത് പ്രസിഡന്റ് പി.ആര്‍.പ്രസാദന്‍ വിതരണോദ്ഘാടനം നിര്‍വ്വഹിച്ചു. വൈസ് പ്രസിഡന്റ് കെ.എസ്.സുധ അദ്ധ്യക്ഷത വഹിച്ചു. അംഗങ്ങളായ മിനി ദാസന്‍, വി.കെ.സുബ്രഹ്മണ്യന്‍, ഐ.സി.ഡി.എസ് സൂപ്പര്‍വൈസര്‍ റാണി എസ്.നായര്‍ എന്നിവര്‍ സംസാരിച്ചു.
കയ്പമംഗലം മതിലകം ഗ്രാമപഞ്ചായത്ത് ബജറ്റ് വൈസ് പ്രസിഡന്റ് സുവര്‍ണ ജയശങ്കര്‍ അവതരിപ്പിച്ചു.
14 കോടി 6 ലക്ഷത്തി 45,510 രൂപ വരവും 13 കോടി 39 ലക്ഷത്തി 84,058 രൂപ ചിലവും 66 ലക്ഷത്തി 61,452 രൂപ നീക്കിയിരിപ്പും പ്രതീക്ഷിക്കുന്നതാണ് ബജറ്റ്. പ്രസിഡന്റ് ഇ.ജി.സുരേന്ദ്രന്‍ അധ്യക്ഷത വഹിച്ചു.
അന്തിക്കാട് താന്ന്യം പഞ്ചായത്തിന്റെ ബജറ്റ് അവതരിപ്പിച്ചു.
19 കോടി 9 ലക്ഷത്തി 8,986 രൂപ വരവും 18 കോടി 23 ലക്ഷത്തി 26,000 രൂപ ചിലവും 85 ലക്ഷത്തി 82,986 രൂപ മിച്ചവും പ്രതീക്ഷിക്കുന്ന ബജറ്റ് വൈസ് പ്രസിഡന്റ് ശുഭ സുരേഷാണ് അവതരിപ്പിച്ചത്. ഗ്രാമീണ റോഡുകള്‍ക്ക് ഒരു കോടി, ലൈഫ് പദ്ധതിയില്‍ ഉള്‍പ്പെടുത്തി ഭൂമി വാങ്ങല്‍, ഭവന നിര്‍മ്മാണം എന്നിവക്ക് രണ്ട് കോടി, ആരോഗ്യം ശുചിത്വം എന്നിവക്ക് രണ്ട് കോടി എന്നിങ്ങനെ തുക ബജറ്റില്‍ വകയിരുത്തി. പ്രസിഡന്റ് സി.പി.ജോസ് അധ്യക്ഷത വഹിച്ചു.
തൃശൂര്‍ കേന്ദ്രസര്‍ക്കാരിന്റെ പുതിയ സാമ്പത്തിക നയം രാജ്യത്തിന് സമ്മാനിച്ചത് ആഭ്യന്തര സാമ്പത്തിക അടിയന്തിരാവസ്ഥയാണെന്ന് ഡി.സി.സി പ്രസിഡന്റ് ടി.എന്‍.പ്രതാപന്‍ പറഞ്ഞു.
ജില്ലാ ടാക്‌സി - ടൂറിസ്റ്റ് ടാക്‌സി ഡ്രൈവേഴ്‌സ് കോണ്‍ഗ്രസ് - ഐ.എന്‍.ടി.യു.സിയുടെ 31-ാമത് വാര്‍ഷിക സമ്മേളനം തൃശൂരില്‍ ഉദ്ഘാടനം ചെയ്തു സംസാരിക്കുകയായിരുന്നു പ്രതാപന്‍. ഉത്തര്‍പ്രദേശ് അടക്കമുള്ള സംസ്ഥാനങ്ങളിലും ഭരണം നേടിയതോടെ രാജ്യത്ത് എന്തും നടത്താമെന്ന രീതിയാണ് കേന്ദ്രസര്‍ക്കാരിന്റേതെന്നും പ്രതാപന്‍ കുറ്റപ്പെടുത്തി. സംഘടനാ പ്രസിഡന്റ് ടി.വി.ചന്ദ്രമോഹന്‍ അധ്യക്ഷത വഹിച്ചു. കൗണ്‍സിലര്‍മാരായ സി.ബി.ഗീത, ഐ.എന്‍.ടി.യു.സി ജില്ലാ പ്രസിഡന്റ് സുന്ദരന്‍ കുന്നത്തുള്ളി, ഡി.സി.സി ജനറല്‍ സെക്രട്ടറി ടി.കെ.പൊറിഞ്ചു, സംഘടനാ വൈസ് പ്രസിഡന്റ് പി.രാമന്‍ മേനോന്‍, എ.ടി.കൃഷ്ണകുമാര്‍ എന്നിവര്‍ പങ്കെടുത്തു. സമ്മേളനത്തിന് മുന്നോടിയായി നഗരത്തില്‍ പ്രവര്‍ത്തകര്‍ വാഹന ജാഥയും നടത്തി.
തൃശൂര്‍ ഭരണപക്ഷത്തായിരുന്നപ്പോഴും അതിരപ്പിള്ളി ജലവൈദ്യുതി പദ്ധതിക്കെതിരെയായിരുന്നു കോണ്‍ഗ്രസ് നിലപാടെന്ന് ഡി.സി.സി. പ്രസിഡന്റ് ടി.എന്‍.പ്രതാപന്‍ വാര്‍ത്താസമ്മേളനത്തില്‍ വ്യക്തമാക്കി.
സമവായത്തിലൂടെ മാത്രമേ പദ്ധതി നടപ്പാക്കൂ എന്ന വൈദ്യുതി മന്ത്രിയുടെ പ്രഖ്യാപനം പൊള്ളത്തരമാണ്. പ്രഖ്യാപനത്തിനു വിരുദ്ധമായി രഹസ്യമായും പരസ്യമായും പദ്ധതിയുമായി സര്‍ക്കാര്‍ മുന്നോട്ടു പോകുകയാണ്. ഇതിന്റെ ഭാഗമായാണ് പദ്ധതി പ്രദേശത്തെ ഭൂമി അളക്കുന്നതും മരങ്ങള്‍ മാര്‍ക്ക് ചെയ്യുന്നതും. പദ്ധതിക്കായി നിലവില്‍ യാതൊരുവിധ സമവായത്തിനും സാധ്യതയില്ല. കെ.എം.മാണിക്കും അദ്ദേഹത്തിന്റെ പാര്‍ട്ടിക്കും ഇക്കാര്യത്തില്‍ വ്യത്യസ്ത നിലപാട് സ്വീകരിക്കാന്‍ സ്വാതന്ത്ര്യമുണ്ട്. സൗരോര്‍ജ്ജ പദ്ധതികളിലൂടെ ഊര്‍ജ്ജ പ്രതിസന്ധിക്ക് പരിഹാരം കാണാനാണ് സര്‍ക്കാര്‍ ശ്രമിക്കേണ്ടത്. അതിരപ്പിള്ളി പദ്ധതിക്കെതിരെ 'ഇത് ഞങ്ങളുടെ ജീവന്‍, ജീവന്റെ ജീവന്‍' എന്ന പേരില്‍ ഈ വെള്ളിയാഴ്ച വാഴച്ചാല്‍ ആദിവാസി കോളനി പരിസരത്ത് ആദിവാസി കൂട്ടായ്മ സംഘടിപ്പിക്കും. ചലച്ചിത്രതാരം ശ്രീനിവാസന്‍ ഉദ്ഘാടനം ചെയ്യും. 14 ആദിവാസി ഊരുകളില്‍ നിന്നുള്ളവര്‍ കൂട്ടായ്മയില്‍ പങ്കെടുക്കുമെന്നും ടി.എന്‍.പ്രതാപന്‍ പറഞ്ഞു. ജോസ് വള്ളൂര്‍, അഡ്വ.ജോസഫ് ടാജറ്റ്, ബിജു പി.കാവുങ്ങല്‍, ജോസ് പാറയ്ക്ക എന്നിവരും വാര്‍ത്താസമ്മേളനത്തില്‍ പങ്കെടുത്തു.
പുതുക്കാട് പാലപ്പിള്ളി കുണ്ടായി മേഖലയില്‍ ഭീതി പരത്തി വീണ്ടും പുലിയിറങ്ങി മൂരിക്കുട്ടിയെ കൊന്നു.
ഒരാഴ്ചക്കിടെ മൂന്നാം തവണയാണ് മേഖലയില്‍ പുലിയിറങ്ങി പശുവിനെ പിടിക്കുന്നത്. ഇന്നലെ രാത്രിയായിരുന്നു സംഭവം. കഴിഞ്ഞ ഞായറാഴ്ചയും ബുധനാഴ്ചയും ഇവിടെ പുലിയിറങ്ങി പശുവിനെ കൊന്നിരുന്നു. തൊഴിലാളികള്‍ താമസിക്കുന്ന പാഡിക്കു സമീപത്തുനിന്നാണ് മൂരിക്കുട്ടിയെ പുലി പിടിച്ചു കൊണ്ടുപോയിട്ടുള്ളത്. അരിമ്പത്തോടി ജബ്ബാറിന്റെ മൂരിക്കുട്ടിയെയാണ് പുലിപിടിച്ചത്. തെങ്ങുംതറയില്‍ സതീശന്റെ പാഡിക്ക് മുറ്റത്ത് നിന്ന് പുലിയുടേതെന്ന് കരുതുന്ന കാല്പാടുകള്‍ കണ്ടെത്തിയിട്ടുണ്ട്. പാഡികള്‍ക്ക് സമീപത്ത് നിന്നാണ് വളര്‍ത്തു മൃഗങ്ങളെ പുലി പിടിച്ചു കൊണ്ടു പോകുന്നത്. ജനവാസ കേന്ദ്രത്തില്‍ പുലിയിറങ്ങുന്നത് പതിവായതോടെ നാട്ടുകാര്‍ ഭീതിയിലാണ്. മേഖലയില്‍ പുലിയെ പിടിക്കുന്നതിനുള്ള കൂട് സ്ഥാപിക്കണമെന്ന് നാട്ടുകാര്‍ ആവശ്യപ്പെട്ടു.
ഗുരുവായൂര്‍ വാഹനത്തിന് ഇഷ്ട നമ്പര്‍ ലഭിക്കാന്‍ യുവാവ് മുടക്കിയത് 3 ലക്ഷത്തി 90,000 രൂപ.
ചാവക്കാട് എടക്കഴിയൂര്‍ സ്വദേശി തെക്കുംപറമ്പത്ത് സലീമാണ് ഇന്നോവ കാറിന് ഇഷ്ട നമ്പറായ കെ.എല്‍. 46 ക്യൂ 999 എന്ന നമ്പര്‍ ലഭിക്കാന്‍ നാല് ലക്ഷം രൂപയോളം മുടക്കിയത്.
തൃശൂര്‍ ചേര്‍പ്പ് ഗവണ്‍മെന്റ് ഹയര്‍സെക്കന്ററി സ്‌കൂള്‍ എന്‍.എസ്.എസ്. യൂണിറ്റിന്റെ ആഭിമുഖ്യത്തിലൊരുക്കിയ 'എന്റെ ലഹരി' എന്ന ലഹരി വിരുദ്ധ ബോധവല്‍ക്കരണ ഡോക്യുമെന്ററിയുടെ പ്രദര്‍ശനോദ്ഘാടനം വ്യാഴാഴ്ച തൃശൂര്‍ ടൗണ്‍ഹാളില്‍ നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
കൃഷിമന്ത്രി വി.എസ്.സുനില്‍കുമാര്‍ പ്രദര്‍ശനോദ്ഘാടനം നിര്‍വ്വഹിക്കും. ജില്ലാ പഞ്ചായത്ത് പ്രസിഡന്റ് ഷീലാ വിജയകുമാര്‍ അധ്യക്ഷത വഹിക്കും. മാടമ്പ് കുഞ്ഞുകുട്ടന്‍, ഐ.എം.വിജയന്‍, വിദ്യാധരന്‍ മാസ്റ്റര്‍, പത്മശ്രീ പെരുവനം കുട്ടന്‍മാരാര്‍ എന്നിവരെ ചടങ്ങില്‍ ആദരിക്കും. എല്ലാ ജില്ലയിലെയും തെരഞ്ഞെടുത്ത സ്‌കൂളുകളില്‍ ചിത്രം പ്രദര്‍ശിപ്പിച്ച് ലഹരിക്കെതിരെ ബോധവല്‍ക്കരണ പ്രവര്‍ത്തനം നടത്തുമെന്ന് അണിയറ പ്രവര്‍ത്തകര്‍ അറിയിച്ചു. വി.എച്ച്.ഹുസൈന്‍, പി.ടി.ബൈജു, പ്രസന്നന്‍ വലിയങ്ങോട്, സുരേഷ് മച്ചാട് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ചേലക്കര പഴയന്നൂര്‍ ബ്ലോക്ക് പഞ്ചായത്തിന്റെ നേതൃത്വത്തില്‍ ഭിന്നശേഷിക്കാര്‍ക്ക് വാഹനങ്ങള്‍ വിതരണം ചെയ്തു.
ബ്ലോക്ക് പഞ്ചായത്ത് പ്രസിഡന്റ് വി. തങ്കമ്മ വിതരണോദ്ഘാടനം നിര്‍വഹിച്ചു. വൈസ് പ്രസിഡന്റ് എം.പത്മകുമാര്‍ അദ്ധ്യക്ഷനായിരുന്നു. 21 ലക്ഷം രൂപ ചെലവിലാണ് പദ്ധതി നടപ്പിലാക്കിയിരിക്കുന്നത്. ബ്ലോക്ക് പഞ്ചായത്ത് അംഗങ്ങളായ കെ. ആര്‍. സത്യന്‍, സുമിത്ര ഉണ്ണികൃഷ്ണന്‍, വി.എ.കുഷിദ് തുടങ്ങിയവര്‍ സംസാരിച്ചു.
കുന്നംകുളം കുന്നംകുളം ചിറ്റഞ്ഞൂര്‍ പാടശേഖരസമിതിയുടെ നേതൃത്വത്തില്‍ അഞ്ഞൂര്‍ കൃഷിഭവന്റെ സഹകരണത്തോടെ നടപ്പിലാക്കിയ ജൈവപച്ചക്കറി കൃഷിയുടെ വിളവെടുപ്പ് നടന്നു.
ചിറ്റഞ്ഞൂര്‍ പാടത്തു പന്ത്രണ്ടര ഏക്കര്‍ വരുന്ന സ്ഥലത്താണ് പച്ചക്കറികൃഷി ആരംഭിച്ചത്. കുന്നംകുളം നഗരസഭ ചെയര്‍മാന്‍ സീത രവീന്ദ്രന്‍ വിളവെടുപ്പ് ഉദ്ഘാടനം ചെയ്തു. നഗരസഭ സ്ഥിരം സമിതി അധ്യക്ഷന്മാരായ ഗീത ശശി, കെ.കെ.മുരളി, സുനിത ഗോപിനാഥ് തുടങ്ങിയവര്‍ പങ്കെടുത്തു.
കൊടുങ്ങല്ലൂര്‍ ട്യൂഷന്‍ ക്ലാസിനെത്തിയ നാലാം ക്ലാസുകാരിയെ പീഡിപ്പിക്കാന്‍ ശ്രമിച്ച 79-കാരന്‍ പിടിയില്‍.
കഴിഞ്ഞ ദിവസമായിരുന്നു സംഭവം. പെണ്‍കുട്ടിയില്‍ നിന്നു വിവരമറിഞ്ഞ വീട്ടുകാര്‍ പരാതി നല്‍കിയതിനെ തുടര്‍ന്ന് കൊടുങ്ങല്ലൂര്‍ പോലീസ് ഇയാളെ അറസ്റ്റ് ചെയ്യുകയായിരുന്നു
ചാവക്കാട് കടപ്പുറം തൊട്ടാപ്പ് ലൈറ്റ് ഹൗസിനടുത്ത് ഇന്നലെയുണ്ടായ വേലിയേറ്റത്തില്‍ പാര്‍ക്കില്‍ വെള്ളം കയറി.
പാര്‍ക്കിലെ ഇരിപ്പിടവും മറ്റും വെള്ളത്തിലായി. വേലിയേറ്റം ഉണ്ടാകുമെന്ന മുന്നറിയിപ്പിനെ തുടര്‍ന്ന് പരമ്പരാഗത മത്സ്യത്തൊഴിലാളികളുടെ ചെറുവഞ്ചികള്‍ സുരക്ഷിത സ്ഥാനങ്ങളിലേക്ക് നേരത്തെ മാറ്റിയിരുന്നു. ഇന്നലെ രാത്രയില്‍ അഞ്ചങ്ങാടി വളവിലും ശക്തമായ തിരയടിച്ച് വെള്ളം കടല്‍ഭിത്തിക്കപ്പുറമെത്തി.
തൃശൂര്‍ വിലക്കയറ്റം നിയന്ത്രിക്കുക, കുടിവെള്ളം എത്തിക്കുക തുടങ്ങിയ ആവശ്യങ്ങളുന്നയിച്ച് എസ്.ഡി.പി.ഐ. തൃശൂര്‍ നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ തൃശൂര്‍ താലൂക്ക് ഓഫീസിലേക്ക് മാര്‍ച്ച് നടത്തി.
പാറമേക്കാവ് ക്ഷേത്രത്തിന് സമീപത്ത് നിന്ന് ആരംഭിച്ച മാര്‍ച്ച് താലൂക്ക് ഓഫീസിനു മുന്നില്‍ പോലീസ് തടഞ്ഞു. തുടര്‍ന്ന് നടന്ന ധര്‍ണ എസ്.ഡി.പി.ഐ ജില്ലാ പ്രസിഡന്റ് പി.ആര്‍.സിയാദ് ഉദ്ഘാടനം ചെയ്തു. ജില്ലാ കമ്മിറ്റിയംഗം നാസര്‍ പരൂര്‍, മണ്ഡലം പ്രസിഡന്റ് റഷീദ് കാളത്തോട്, മണ്ഡലം വൈസ് പ്രസിഡന്റ് നാസര്‍ കൃഷ്ണാപുരം തുടങ്ങിയവര്‍ നേതൃത്വം നല്‍കി.
തൃശൂര്‍ ശ്രീകേരളവര്‍മ്മ കോളേജിലെ വിദ്യാര്‍ത്ഥി സംഘടനകള്‍തമ്മിലുള്ള അക്രമപരമ്പര അവസാനിപ്പിക്കാന്‍ പ്രിന്‍സിപ്പാളിന് കഴിയാതെ വരുമ്പോള്‍ ചുമതല നിറവേറ്റാന്‍ പോലീസ് മടിക്കേണ്ടതില്ലെന്ന് സംസ്ഥാന മനുഷ്യാവകാശ കമ്മീഷന്‍. അംഗം കെ.മോഹന്‍കുമാര്‍ ഉത്തരവില്‍ പറഞ്ഞു.
തൃശൂര്‍ ശ്രീ കേരളവര്‍മ്മ കോളേജിലും ഹോസ്റ്റലിലും തുടരെ നടക്കുന്ന വിദ്യാര്‍ത്ഥി സംഘട്ടനങ്ങള്‍ അവസാനിപ്പിക്കാന്‍ നടപടി സ്വീകരിക്കണമെന്നാവശ്യപ്പെട്ട്ഒരു രക്ഷകര്‍ത്താവ് സമര്‍പ്പിച്ച പരാതിയിലാണ് ഉത്തരവ്.സ്വയംഭരണ കോളേജിലെ പ്രന്‍സിപ്പാള്‍മാര്‍ക്ക് കൂടുതല്‍ ഉത്തരവാദിത്വങ്ങളുണ്ടെന്ന് കമ്മീഷന്‍ ഉത്തരവില്‍ പറഞ്ഞു. വിദ്യാര്‍ത്ഥികള്‍ക്ക് സംഘടനാ പ്രവര്‍ത്തനത്തിനുള്ള അവകാശം പരിമിതപ്പെടുത്തേണ്ടതില്ല. എന്നാല്‍ ലക്ഷ്മണ രേഖ കടക്കുന്നവര്‍ക്ക് കടുത്ത ശിക്ഷ ലഭിക്കുമെന്ന ധാരണ സൃഷ്ടിക്കപ്പെടണമെന്നും കമ്മീഷന്‍ ചൂണ്ടിക്കാട്ടി. രക്ഷകര്‍ത്താക്കളും അദ്ധ്യാപകരും പ്രിന്‍സിപ്പാളിന് പിന്തുണ നല്‍കണമെന്ന് കമ്മീഷന്‍ ആവശ്യപ്പെട്ടു. മാനേജ്‌മെന്റിന് താല്‍പര്യമുണ്ടെെങ്കില്‍ വിദ്യാര്‍ത്ഥി- യുവജന സംഘടനകളുടെയും അദ്ധ്യാപക സംഘടനകളുടെയും പോലീസിന്റെയും പ്രതിനിധികളെ ഉള്‍പ്പെടുത്തി കോളേജില്‍ സമാധാനം പുന:സ്ഥാപിക്കാന്‍ ഉന്നതതല സമിതിയെ നിയോഗിക്കാവുന്നതാണ്. സ്വയംഭരണം അരാജകാവസ്ഥയല്ലെന്ന് വിദ്യാര്‍ത്ഥികളും അദ്ധ്യാപകരും മനസിലാക്കണമെന്നും ഉത്തരവില്‍ പറയുന്നു. കുറ്റകൃത്യങ്ങള്‍ കണ്ടിട്ട് മിണ്ടാതിതിരിക്കുന്നത് സ്വയം കുറ്റവാളിയായി അംഗീകരിക്കുന്ന മാനസികാവസ്ഥയിലെത്തുന്നവരാണെന്ന് മോഹന്‍കുമാര്‍ നിരീക്ഷിച്ചു.കുറ്റവാളികളെ താലോലിക്കുന്നത് രാഷ്ട്രീയ ദര്‍ശനങ്ങള്‍ക്ക് ദീര്‍ഘകാല പ്രയോജനം ചെയ്യില്ല. സംഘടനാ പ്രവര്‍ത്തനം അക്രമത്തിലേക്ക് അധ:പതിക്കുമ്പോള്‍ ശക്തമായ നടപടികള്‍ ഉണ്ടാകണം. അദ്ധ്യാപക രക്ഷാകര്‍ത്തൃ പിന്തുണയോടെ കേരളവര്‍മ്മ കോളേജിന്റെ പെരുമ നിലനിര്‍ത്തണമെന്ന് കമ്മീഷന്‍ ആവശ്യപ്പെട്ടു. ക്രിമിനല്‍ കുറ്റങ്ങളില്‍ നിയമ നടപടികള്‍ സ്വീകരിക്കാന്‍ ജില്ലാ സംവിധാനം അമാന്തിക്കരുതെന്നും ഉത്തരവില്‍ പറയുന്നു.
തൃശൂര്‍ സാംസ്‌കാരികരംഗവും സാമൂഹിക രംഗവും ഇത്രമേല്‍ മലീമസമായ കാലത്ത് ജീവിക്കേണ്ടി വന്നതില്‍ ദുഃഖിക്കുന്നുവെന്ന് പ്രൊഫ. എം.കെ.സാനു പറഞ്ഞു.
തൃശൂര്‍ സാഹിത്യ അക്കാദമി ഹാളില്‍ ലോക നാടക ദിനാഘോഷത്തോടനുബന്ധിച്ച് രംഗചേതനയുടെ നാടക പുരസ്‌കാരം ഏറ്റു വാങ്ങിയ ശേഷം സംസാരിക്കുകയായിരുന്നു പ്രൊഫ.എം.കെ.സാനു. ദിനംപ്രതി മലീമസമായി കൊണ്ടിരിക്കുന്ന ഈ കാലം അറപ്പും വേദനയും ഒരുപോലെ സമ്മാനിക്കുകയാണ്. പഴയകാല നാടക പ്രവര്‍ത്തകര്‍ അവരുടെ ജീവരക്തം നല്‍കിയാണ് നാടക പ്രസ്ഥാനത്തിനായി നില കൊണ്ടത്. ശെയ്ത്താന്‍ ജോസഫും, ഓച്ചിറ വേലുക്കുട്ടിയുമെല്ലാം നാടകത്തിന് വേണ്ടി ജീവിതം നല്‍കി അവസാനകാലത്ത് ഏറെ പരാധീനതകള്‍ സഹിച്ചാണ് കടന്നു പോയത്. നാടകം കൊണ്ട് വ്യക്തിപരമായി യാതൊരു ലാഭവുമുണ്ടാക്കാത്ത ഇവരെ പോലുള്ളവര്‍ നാടകത്തിലൂടെ സമൂഹത്തിന്റെ അഴുക്കുകള്‍ തുടച്ചു നീക്കുകയായിരുന്നുവെന്ന് ഇന്ന് തിരിഞ്ഞു നോക്കുമ്പോള്‍ വിലയിരുത്താനാകും. മറ്റുള്ളവരുടെ വേദനയ്‌ക്കൊപ്പം കണ്ണീര്‍ തൂവുന്ന മനസുമായി ഇന്നത്തെ സമൂഹത്തെ നേര്‍വഴിക്ക് നയിക്കാന്‍ നാടകം തന്നെ രക്ഷകനായി വരണമെന്നാണ് തന്റെ പ്രാര്‍ത്ഥനയെന്നും പ്രൊഫ. സാനു പറഞ്ഞു. സാഹിത്യ അക്കാദമി പ്രസിഡന്റ് വൈശാഖനാണ് രംഗചേതന നാടക പുരസ്‌കാരം പ്രൊഫ.എം.കെ.സാനുവിന് സമര്‍പ്പിച്ചത്. പ്രൊഫ.എം.തോമസ് മാത്യു, പ്രൊഫ.പി.എന്‍.പ്രകാശ്, ടി.എം. എബ്രാഹം, സി.കെ.തോമസ്, കെ.വി.ഗണേഷ്, ഇ.ഡി.ഡേവീസ് എന്നിവര്‍ പങ്കെടുത്തു. സൂ സ്റ്റോറി എന്ന നാടകാവതരണവും ചടങ്ങിന്റെ ഭാഗമായി ഒരുക്കിയിരുന്നു.
തൃശൂര്‍ എസ്.എസ്.എല്‍.സി പരീക്ഷാ ചോദ്യപേപ്പര്‍ ക്രമക്കേടിന്റെ ഉത്തരവാദിത്വം ഏറ്റെടുത്ത് വിദ്യഭ്യാസ മന്ത്രി രാജിവെയ്ക്കണണെന്നാവശ്യപ്പെട്ട് കേരള സ്‌കൂള്‍ ടീച്ചേഴ്‌സ് അസോസിേയഷന്റെ നേതൃത്വത്തില്‍ പ്രതിഷേധ മാര്‍ച്ച് നടത്തി.
തൃശൂര്‍ പോസ്റ്റാഫീസിന് മുന്നില്‍ നടന്ന ധര്‍ണ മുന്‍ എം.എല്‍.എ ടി.വി ചന്ദ്രമോഹന്‍ ഉദ്ഘാടനം ചെയ്തു. യോഗത്തില്‍ ജില്ലാ പ്രസിഡന്റ് സി.എസ് അബ്ദുള്‍ റസാഖ്, എം.എം ജെയ്‌സണ്‍ തുടങ്ങിയവര്‍ നേതൃത്വം നല്‍കി.
തൃശൂര്‍ കോര്‍പ്പറേഷനില്‍ റിലയന്‍സില്‍ നിന്നു ഫീസും റോഡ് കുത്തിപ്പൊളിച്ചതിനു പിഴയും ഈടാക്കാനുളള ഫയല്‍ കാണാതായെന്ന് വ്യക്തമാക്കി സ്റ്റാന്‍ഡിംഗ് കമ്മിറ്റി ചെയര്‍മാന്‍ എം.പി.ശ്രീനിവാസന്‍ കുറിപ്പു നല്‍കി.
വിവിധ ഭാഗങ്ങളില്‍ റോഡു വെട്ടിപ്പൊളിച്ചത് കോര്‍പറേഷന്‍ ഉദ്യോഗസ്ഥര്‍ നല്‍കിയ നിര്‍ദേശങ്ങള്‍ക്കു വിരുദ്ധമാണെന്നു വ്യക്തമാക്കുന്നതാണ് കുറിപ്പ്. മൊത്തം 7 ദശാംശം 8,3 കോടി രൂപ റിലയന്‍സില്‍ നിന്ന് ഈടാക്കണമെന്നുമുളള ഫയലാണ് കാണാതായത്. അതേസമയം തുടര്‍നടപടികള്‍ നിര്‍ദേശിച്ച് വിവിധ ഉദ്യോഗസ്ഥര്‍ നല്‍കിയ കുറിപ്പുകളുള്‍പ്പെട്ട ഫയല്‍ കാണാതായതോ മുക്കിയതോ എന്ന സംശയവുമുണ്ട്. ഫയല്‍ രണ്ട് ആഴ്ച്ചക്കകം മേശപ്പുറത്തുവെയ്ക്കുമെന്ന് കോര്‍പറേഷന്‍ കൗണ്‍സില്‍ യോഗത്തില്‍ ഡെപ്യൂട്ടിമേയര്‍ ഉറപ്പുനല്‍കിയിരുന്നു. ഫയല്‍ എവിടെ പോയെന്നത് സംബന്ധിച്ച് അന്വേഷിക്കണമെന്നും ആവശ്യമുയര്‍ന്നു. കാലാവധി കഴിഞ്ഞ അനുമതി ഉയര്‍ത്തിക്കാട്ടിയാണ് റിലയന്‍സ് കേബിള്‍ കുഴിച്ചതെന്നു കണ്ടെത്തിയതായി കുറിപ്പില്‍ വ്യക്തമാക്കുന്നു. റിലയന്‍സ് ജോലിക്കാര്‍ അനധികൃതമായി റോഡ് വെട്ടിപ്പൊളിച്ചതിനെ തുടര്‍ന്ന് കുടിവെളള പൈപ്പുകള്‍ പലേടത്തും പൊട്ടിയിരുന്നു. ഇതേകുറിച്ചും കുറിപ്പില്‍ പരാമര്‍ശമുണ്ട്. എം.ജി റോഡില്‍ കേബിളിടാന്‍ റോഡ് വെട്ടിപ്പൊളിക്കുന്നതറിഞ്ഞ് കൗണ്‍സിലര്‍മാര്‍ എത്തി തടഞ്ഞതോടെയാണ് പുതിയ വിവാദം തലപൊക്കിയത്.
തൃശൂര്‍ കേരള സ്റ്റേറ്റ് ടെക്സ്റ്റയില്‍സ് കോര്‍പ്പറേഷന്‍ ചെയര്‍മാനായി നിയമിതനായ കേരള കോണ്‍ഗ്രസ് എസ്. - ജില്ലാ പ്രസിഡന്റ് സി.ആര്‍.വത്സന് കുരിയച്ചിറ പൗരസമിതിയുടെ ആഭിമുഖ്യത്തില്‍ പൗര സ്വകീരണം നല്‍കി.
കുരിയച്ചിറ കേരള ലൈബ്രറി അങ്കണത്തില്‍ നടന്ന സ്വീകരണ സമ്മേളനം മന്ത്രി അഡ്വ.വി.എസ്.സുനില്‍കുമാര്‍ ഉദ്ഘാടനം ചെയ്തു. പൗരസമിതി ചെയര്‍മാന്‍ എന്‍.ഡി.ഫ്രാന്‍സീസ് അധ്യക്ഷത വഹിച്ചു. മേയര്‍ അജിതാ ജയരാജന്‍ കൗണ്‍സിലര്‍മാരായ ജേക്കബ് പുലിക്കോട്ടില്‍, ഷോമി ഫ്രാന്‍സീസ്, ജോര്‍ജ് ചാണ്ടി, ഡി.സി.സി. വൈസ് പ്രസിഡന്റ് അഡ്വ.ജോസഫ് ടാജറ്റ്, കേരള കോണ്‍ഗ്രസ് -എസ്. സംസ്ഥാന സെക്രട്ടറി മാത്യൂസ് കോലഞ്ചേരി, പി.എസ്.ഗോപാലകൃഷ്ണന്‍, പോള്‍ കൊച്ചുവീട്ടില്‍, ചാര്‍ളി പന്തല്ലൂക്കാരന്‍, ഇ.എ.ജോസഫ് തുടങ്ങിയവര്‍ സംസാരിച്ചു.
തൃശൂര്‍ ഇന്ത്യന്‍ കോഫീ ഹൗസിനെ തകര്‍ക്കാനുള്ള സി.പി.എമ്മിന്റെയും ഇടതുപക്ഷ സര്‍ക്കാരിന്റെയും കുടിലതന്ത്രത്തെ എന്തുവിലകൊടുത്തും ചെറുത്തുതോല്‍പ്പിക്കണമെന്ന് മുസ്‌ലിംലീഗ് ജില്ലാ പ്രസിഡന്റ് സി.എച്ച് റഷീദ് ആവശ്യപ്പെട്ടു.
ഇന്ത്യന്‍ കോഫീ ഹൗസ് വര്‍ക്കേഴ്‌സ് എംപ്‌ളോയീസ് യൂണിയന്‍ നടത്തുന്ന സമരത്തിന് ഐക്യദാര്‍ഡ്യം പ്രഖ്യാപിച്ച് സമരപന്തലിലെത്തി സംസാരിക്കുകയായിരുന്നു അദ്ദേഹം. മുസ്‌ലിംലീഗ് ജില്ലാ സെക്രട്ടറി എം.എ റഷീദ്, പ്രവാസി ലീഗ് ജില്ലാ പ്രസിഡന്റ് സി.കെ അഷറഫലി, കര്‍ഷക സംഘം ജില്ലാ പ്രസിഡന്റ് സി. അബ്ദുട്ടി തുടങ്ങിയവരും ഐക്യദാര്‍ഡ്യ സമരത്തില്‍ പങ്കെടുത്തു.
എരുമപ്പെട്ടി വൈഷ്ണവിയെ തനിച്ചാക്കി സുരേഷ്‌കുമാറും കുടുംബവും കടവും ദാരിദ്ര്യവും ഇല്ലാത്ത ലോകത്തേക്ക് യാത്രയായി.
കടങ്ങോട് ഗ്രാമം കണ്ണീരണിഞ്ഞാണ് ഈ കുടുംബത്തിന് യാത്രാമൊഴി നല്‍കിയത്. സുരേഷ്‌കുമാര്‍, ഭാര്യ ധന്യ, മക്കളായ വൈഗ, വൈശാഖി എന്നിവരുടെ സംസ്‌കാരം രാത്രിയില്‍ ചെറുതുരുത്തി ശാന്തി തീരത്ത് നടത്തി. മകള്‍ വൈഷ്ണവി അച്ഛനും അമ്മയ്ക്കും അന്ത്യചുംബനം നല്‍കുന്ന കാഴ്ച കണ്ടു നിന്നവര്‍ക്ക് ഹൃദയഭേദകമായിരുന്നു. സങ്കടം പിടിച്ചു നിര്‍ത്താന്‍ കഴിയാതെ പലരും വാവിട്ട് കരഞ്ഞു. കടങ്ങോട് പാറപ്പുറം ഗവണ്‍മെന്റ് എല്‍.പി.സ്‌കൂളിലെ മൂന്നാം ക്ലാസ് വിദ്യാര്‍ത്ഥിയായ വൈഗയ്ക്കും ഒന്നാം ക്ലാസ് വിദ്യാര്‍ത്ഥിയായ വൈശാഖിക്കും സഹപാഠികളും കൂട്ടുകാരും അധ്യാപകരും അന്ത്യാഞ്ജലി അര്‍പ്പിക്കുന്ന കാഴ്ച ഗ്രാമനിവാസികളെ സങ്കടക്കടലിലാഴ്ത്തി. വീട്ടില്‍ പൊതുദര്‍ശനത്തിന് വെച്ച മൃതദേഹങ്ങളില്‍ അന്ത്യോപചാരം അര്‍പ്പിക്കാന്‍ നൂറ് കണക്കിന് പേരാണ് എത്തിയത്.
തൃശൂര്‍ എല്ലായിടത്തും വൈദ്യുതി എത്തിക്കാനാണ് സര്‍ക്കാരിന്റെ ശ്രമമെന്ന് കൃഷിമന്ത്രി അഡ്വ. വി.എസ്. സുനില്‍കുമാര്‍ പറഞ്ഞു.
ഒല്ലൂര്‍ നിയോജകമണ്ഡലം സമ്പൂര്‍ണ്ണ വൈദ്യുതീകരണ മണ്ഡലമായതിന്റെ പ്രഖ്യാപനം നടത്തറയില്‍ നിര്‍വ്വഹിച്ച ശേഷം സംസാരിക്കുകയായിരുന്നു അദ്ദേഹം. ജനങ്ങള്‍ക്ക് എല്ലാ അടിസ്ഥാന സൗകര്യങ്ങളും ലഭ്യമാക്കുക എന്നതാണ് സര്‍ക്കാരിന്റെ ലക്ഷ്യം. വീട്, വൈദ്യുതി, റോഡ്, കുടിവെള്ളം അടങ്ങിയ വികസന പ്രവര്‍ത്തനങ്ങള്‍ എല്ലാവരിലേയ്ക്കും എത്തിക്കുന്നതിനായി ജില്ലാ തലത്തില്‍ ബൃഹത്തായ പദ്ധതികള്‍ ആവിഷ്‌ക്കരിച്ചതായും മന്ത്രി കൂട്ടിച്ചേര്‍ത്തു. കെ.രാജന്‍ എം.എല്‍.എ. അധ്യക്ഷനായിരുന്നു. ഒല്ലൂക്കര ബ്ലോക്ക് പഞ്ചായത്ത് പ്രസിഡന്റ് ഐ.എസ്. ഉമാദേവി, പഞ്ചായത്ത് പ്രസിഡന്റുമാരായ പി.എസ്. വിനയന്‍, അഡ്വ. പി.ആര്‍. രജിത്ത്, മിനി ഉണ്ണികൃഷ്ണന്‍ തുടങ്ങിയവര്‍ സംസാരിച്ചു.
വടക്കാഞ്ചേരി വടക്കാഞ്ചേരി നഗരസഭ ബജറ്റ് കൗണ്‍സില്‍ യോഗം അംഗീകരിച്ചു.
107 കോടി 48 ലക്ഷത്തി 54,164 രൂപ വരവും 106 കോടി 65 ലക്ഷത്തി 84,5600 രൂപ ചെലവും 82 ലക്ഷത്തി 69,564 രൂപ മിച്ചവും പ്രതീക്ഷിക്കുന്ന ബജറ്റാണ് വൈസ് ചെയര്‍മാന്‍ അനൂപ്കിഷോര്‍ അവതരിപ്പിച്ചത്. സമ്പൂര്‍ണ്ണ ഭവന പദ്ധതിയില്‍ 659 വീടുകള്‍ക്കായി 20 കോടി രൂപയും തകര്‍ന്നുപോയ പരമ്പരാഗത തൊഴില്‍ മേഖലയായ കളിമണ്‍പാത്ര നിര്‍മ്മാണ വില്ലേജുകളുടെ പുരുജ്ജീവനത്തിനുള്ള ലൈഫ് പദ്ധതിയും നടപ്പാക്കും. പാര്‍ശ്വവത്കരിക്കപ്പെട്ടവര്‍ക്കായി വടക്കാഞ്ചേരിയിലും തൃശൂര്‍ ഗവണ്‍മെന്റ് മെഡിക്കല്‍ കോളേജിലും ഷെല്‍ട്ടര്‍ ഹോമുകള്‍ പണിയും. ഈ രണ്ടു പദ്ധതികള്‍ക്കുമായി ആറ് കോടി രൂപ വകയിരുത്തി. മുന്‍സിപ്പല്‍ ഓഫീസ് കെട്ടിടം പണിയുന്ന സ്ഥലത്തെപറ്റി അന്തിമ തീരുമാനമെടുത്ത് സംസ്ഥാന സര്‍ക്കാരിന്റെ 5 കോടി രൂപ ഉപയോഗിച്ച് കെട്ടിടം പണി പൂര്‍ത്തിയാക്കും. നഗരസഭയ്ക്ക് വരുമാനമുണ്ടാക്കുന്ന വിധത്തില്‍ ഷോപ്പിംഗ് കോംപ്ലക്‌സുകളുടെ നവീകരണ പ്രവൃത്തികള്‍ പൂര്‍ത്തിയാക്കും. സര്‍വ്വശുദ്ധി പദ്ധതിക്ക് 3 കോടി 59 ലക്ഷ രൂപയും കുടിവെള്ള പദ്ധതിക്ക് 3 കോടി രൂപയും, വടക്കാഞ്ചേരി പുഴ പദ്ധതിക്ക് 2 കോടി രൂപയും 164 റോഡുകളുടെ നിര്‍മ്മാണവും അറ്റകുറ്റപണിക്കുമായി 5 കോടി രൂപയും, വനിത ക്ഷേമ പരിപാടികള്‍ക്ക് 1 കോടി 15 ലക്ഷം രൂപയും 165 കുളങ്ങള്‍ക്ക് 4 കോടി 59 ലക്ഷം രൂപയും 2,000 കിണറുകളുടെ റീച്ചാര്‍ജ്ജിംഗിന് 60 ലക്ഷം രൂപയും ബജറ്റില്‍ നീക്കി വെച്ചു. വടക്കാഞ്ചേരി ബൈപ്പാസില്‍ വടക്കാഞ്ചേരി പാലം മുതല്‍ പള്ളിമണ്ണ പാലം വരെ റിവര്‍വാക്ക് ബൈ-സൈക്കിള്‍ പാത്ത്, സ്ഥിരം അപകട മേഖലകളായ കരുതക്കാട്, പാര്‍ളിക്കാട് ബൈപ്പാസ്, കുറാഞ്ചേരി വളവ് എന്നീ സ്ഥലങ്ങളെ അപകടരഹിത മേഖലയാക്കുന്നതിനും, പത്താഴക്കുണ്ട് ചെക്ക്ഡാം, കുളത്താഴം ചോല, തൂമാനം വെള്ളച്ചാട്ടം, ചാത്തന്‍ചിറ, പോട്ടറി വില്ലേജ്, പള്ളിമണ്ണ പൈതൃക സംരക്ഷണം, ചങ്ങാലിക്കോടന്‍ പൈതൃക സംരക്ഷണം എന്നിവയുടെ വിശദമായ പ്ലാന്‍ തയ്യാറാക്കുന്നതിന് നാറ്റ്പാകിന് 10 ലക്ഷം രൂപ വകയിരുത്തിയിട്ടുണ്ട്. പെരിങ്ങണ്ടൂര്‍ മെഡിക്കല്‍ കോളേജ് ജംഗ്ഷന്‍, മുണ്ടത്തിക്കോട്, ആര്യാംപാടം, കുറാഞ്ചേരി, അത്താണി, വടക്കാഞ്ചേരി, റെയില്‍വേ സ്റ്റേഷന്‍, വാഴാനി റോഡ്, ഓട്ടുപാറ സെന്റര്‍, കുമ്പളങ്ങാട് തുടങ്ങി 11 ജംഗ്ഷനുകളുടെ നവീകരണവും സൗന്ദര്യവത്കരണവും നടത്തും. നഗരസഭാ ചെയര്‍പേഴ്‌സണ്‍ ശിവപ്രിയ സന്തോഷ് അദ്ധ്യക്ഷത വഹിച്ചു.
തൃപ്രയാര്‍ വാടാനപ്പള്ളി ചിലങ്ക ബീച്ചിലെ വാടക വീട്ടില്‍ നിന്ന് പടിയിറങ്ങിയ വികലാംഗനായ നായരുശേരി സുജിത്തിനും കുടുംബത്തിനും തളിക്കുളം പുനരധിവാസ കോളനിയില്‍ ഗൃഹപ്രവേശം.
ടിസിവി വാര്ത്തളയെ തുടര്‍ന്ന് ഗീതാഗോപി എം.എല്‍.എ നടത്തിയ ഇടപെടലാണ് ഫയലുകള്‍ക്കിടയില്‍ കുടുങ്ങിയ സുനാമി വീട് ഒടുവില്‍ സുജിത്തിനെ തേടിയെത്തിയത്. 2013 സെപ്റ്റംബര്‍ ഏഴ് മുതല്‍ വീടിനായുള്ള സുജിത്തിന്റെ മൂന്നര വര്‍ഷം നീണ്ട കാത്തിരിപ്പിനാണ് തളിക്കുളത്തെ പുനരധിവാസ കോളനിയിലെ പുതിയ വീടിന്റെ ഗൃഹപ്രവേശത്തോടെ വിരാമമായത്. ഇക്കഴിഞ്ഞ ബുധനാഴ്ച ടിസിവി വാര്‍ത്തയിലൂടെയാണ് ലോട്ടറി വില്‍പനക്കാരന്‍ കൂടിയായ സുജിത്തിന്റെയും കുടുംബത്തിന്റെയും ദയനീയാവസ്ഥ ഗീതാഗോപി എംഎല്‍.എയുടെ ശ്രദ്ധയില്‍പ്പെട്ടത്. പിറ്റേന്ന് തന്നെ ഡെപ്യൂട്ടി കളക്ടര്‍ രാമചന്ദ്രനെ നേരില്‍ കണ്ട് എംഎല്‍എ. സുജിത്തിന് വീട് ഉടന്‍ അനുവദിക്കണമെന്ന് ആവശ്യപ്പെടുകയായിരുന്നു. എട്ട് മാസമായിരുന്നു അര്‍ഹതപ്പെട്ട വീടിനായി സുജിത്തും കുടുംബവും കളക്ടറേറ്റ് കയറിയിറങ്ങിയത്. എം.എല്‍.എ ഇടപ്പെട്ടതോടെ ഫയലുകള്‍ക്കിടയില്‍ കുടുങ്ങികിടന്ന സുജിത്തിന്റെ അപേക്ഷക്ക് ജീവന്‍ വെച്ചു. സുജിത്ത് ഇന്ന് രാവിലെ തന്നെ അമ്മ സുശീല, അച്ഛന്‍ സുബ്രഹ്മണ്യന്‍ എന്നിവര്‍ക്കൊപ്പം പുനരധിവാസ കോളനിയില്‍ എത്തിയിരുന്നു. വീട് ഏറ്റുവാങ്ങേണ്ട ദിവസമായതിനാല്‍ വില്പ്പനക്കുള്ള നൂറ് ലോട്ടറി ടിക്കറ്റുകളും അഞ്ച് രൂപ വീതം നഷ്ടം സഹിച്ചും രാവിലെ തന്നെ സുജിത്ത് വിറ്റഴിച്ചു. ഉച്ചയ്ക്ക് ഒന്നേകാലോടെ ഗീതാഗോപി എം.എല്‍.എ പുനരധിവാസ കോളനിയില്‍ എത്തി വീടിേെന്റ താക്കോല്‍ സുജിത്തിന് കൈമാറി. തളിക്കുളം, വാടാനപ്പള്ളി ഗ്രാമപഞ്ചായത്ത് പ്രസിഡണ്ടുമാരായ കെ.കെ.രജനി, ഷിജിത്ത് വടക്കുംചേരി, തളിക്കുളം പഞ്ചായത്ത് വൈസ് പ്രസിഡണ്ട് എം.കെ ബാബു, ചാവക്കാട് തഹസില്‍ദാര്‍ ജയകൃഷ്ണ ബാബു, ഇ.പി.കെ സുഭാഷിതന്‍ തുടങ്ങിയ തളിക്കുളം ഗ്രാമപഞ്ചായത്തിലെ ജനപ്രധിനിധികളും ഗൃഹപ്രവേശ ചടങ്ങില്‍ പങ്കെടുത്തു. ഗീതാഗോപി എം.എല്‍.എ.തന്നെ മുറി അടിച്ച ുവൃത്തിയാക്കാന്‍ മുന്‍െൈക എടുത്തത് ഏറെ അനുകരണീയമായി.സുജിത്തിനൊപ്പം ആലയില്‍ ചന്ദ്രമതി,ആലയില്‍ കനകദാസന്‍, ആലയില്‍ സരസ്വതി എന്നിവര്‍ക്കും പുനരധിവാസ കോളനിയിലെ തങ്ങളുടെ വീടുകളില്‍ ഗൃഹപ്രവേശം നടത്താനായി. ടിസിവി വാര്‍ത്തയാണ് സുജിത്തിന് വീടിനായി ഇടപെടാന്‍ തനിക്ക് പ്രേരണയായതെന്ന് എം.എല്‍.എയും, വീട് വാങ്ങി തരാന്‍ ഇടപെട്ട എല്ലാവര്‍ക്കും നന്ദിയുണ്ടെന്ന് സുജിത്തും അമ്മ സുശീലയും പറഞ്ഞു.
അന്തിക്കാട് വര്‍ദ്ധിച്ചു വരുന്ന മോഷ്ടാക്കളുടെ ശല്യത്തിനെതിരെ പെരിങ്ങോട്ടുകര കിഴക്കുംമുറി എം.ജി. റോഡ് ആല്‍ഫ ക്ലബ്ബിന്റെ നേതൃത്വത്തില്‍ പ്രദേശവാസികളെ ഉള്‍പ്പെടുത്തി ''നമുക്കും ജാഗ്രത പാലിക്കാം'' എന്ന പേരില്‍ ബോധവത്ക്കരണ സെമിനാര്‍ നടത്തി.
പ്രദേശവാസി തട്ടില്‍ കുരുവിള ജെയിംസിന്റെ വസതിയില്‍് നടത്തിയ ബോധവത്കരണ ക്ലാസ്സ് അന്തിക്കാട് എസ്.ഐ - എസ്.ആര്‍. സനീഷ് ഉദ്ഘാടനം ചെയ്തു. ആല്‍ഫ ക്ലബ്ബ് പ്രസിഡന്റ് ആന്റോ തൊറയന്‍ അധ്യക്ഷത വഹിച്ചു. സ്‌പെഷല്‍ ബ്രാഞ്ച് പോലീസ് ഓഫീസര്‍ സാബു പടിയം മുഖ്യപ്രഭാഷണം നടത്തി. ഗ്രാമപഞ്ചായത്ത് അംഗം സുഭദ്ര രവി, മലയാളം സാംസ്‌ക്കാരിക വേദി പ്രസിഡന്റ് ജ്യോതിഷ് തണ്ടാശേരി, ജ്യോതിഷ് ജോസ് എന്നിവര്‍ സംസാരിച്ചു.
കയ്പമംഗലം പെരിഞ്ഞനത്ത് നാട്ടുകാരുടെ ചിരകാലാഭിലാഷമായ മൃഗാശുപത്രി ഉദ്ഘാടനത്തിനൊരുങ്ങി.
വാടകക്കെട്ടിടത്തില്‍ പ്രവര്‍ത്തിച്ചിരുന്ന മൃഗാശുപത്രി ഈ മാസം അവസാനത്തോടെ പുതിയ കെട്ടിടത്തിലേക്ക് മാറും. സംസ്ഥാന മൃഗ സംരക്ഷണ വകുപ്പ് അനുവദിച്ച 40 ലക്ഷം രൂപ ചെലവഴിച്ച് ഏകദേശം 2000 ചതുരശ്ര അടിയിലുള്ള കെട്ടിടമാണ് നിര്‍മ്മിച്ചിരിക്കുന്നത്. ക്ഷീര കര്‍ഷകന്‍ മാളിയേക്കല്‍ ജയകുമാര്‍ കമ്മ്യൂണിറ്റി ഹാളിന്റെ വടക്കുഭാഗത്ത് ആശുപത്രിക്കായി അഞ്ചു സെന്റ് സ്ഥലം സൗജന്യമായി നല്‍കിയിരുന്നു. ഈ മാസം 30ന് ഉച്ചക്ക് 12ന് മൃഗസംരക്ഷണ വകുപ്പ് മന്ത്രി കെ.രാജു മൃഗാശുപത്രിയുടെ ഉദ്ഘാടനം നിര്‍വ്വഹിക്കും.
പാവറട്ടി എളവള്ളി ഗ്രാമപഞ്ചായത്തിന്റെ ബജറ്റ് ഭരണസമിതി അംഗീകരിച്ചു.
12 ദശാംശം 5,1 കോടി രൂപ വരവും 12 ദശാംശം 3,9 കോടി രൂപ ചിലവും 12 ലക്ഷം രൂപ മിച്ചവും പ്രതീക്ഷിക്കുന്ന ബജറ്റാണ് വൈസ് പ്രസിഡണ്ട് ടി.സി. മോഹനന്‍ അവതരിപ്പിച്ചത്. ജലസ്രോതസില്‍ ഉപ്പുവെള്ളം കയറി പ്രതിസന്ധിയിലായ ജലനിധി കുടിവെള്ള പദ്ധതി വഴി ശുദ്ധജലം വിതരണം ചെയ്യാന്‍ കഴിയാത്തതിനാല്‍ ജലസംരക്ഷണ പദ്ധതിക്ക് പ്രഥമ പരിഗണന നല്‍കി രണ്ടര കോടി രൂപ ബജറ്റില്‍ ഉള്‍ക്കൊള്ളിച്ചിട്ടുണ്ട്. ഗ്രാമീണ റോഡുകളുടെയും പാലങ്ങളുടെയും അറ്റകുറ്റ പണികള്‍ക്ക് രണ്ടു കോടി രൂപയും സമ്പൂര്‍ണ്ണ ഭവന പദ്ധതിക്ക് ഒരു കോടി രൂപയും ചിറ്റാട്ടുകരയില്‍ റെയില്‍വേ ഹാള്‍ട് സ്‌റ്റേഷന്‍ നിര്‍മാണത്തിന് 75 ലക്ഷം രൂപയും ബജറ്റില്‍ ഉള്‍പ്പെടുത്തിയിട്ടുണ്ട്. എന്നാല്‍ ബജറ്റ് സമ്പൂര്‍ണ്ണമല്ലെന്നും എല്ലാ വിഭാഗങ്ങളെയും പരിഗണിച്ചിട്ടില്ലെന്നും പ്രതിപക്ഷം ആരോപിച്ചു.
പാവറട്ടി എളവള്ളി ഗ്രാമപഞ്ചായത്തില്‍ ബജറ്റ് അവതരണത്തിന് വൈസ് പ്രസിഡണ്ട് എത്തിയത് ആശുപത്രി കിടക്കയില്‍ നിന്ന്.
ബജറ്റ് അവതരണത്തിന് വൈസ് പ്രസിഡണ്ട് ടി.സി. മോഹനന്‍ വെള്ളിയാഴ്ചയോടെ ഒരുക്കങ്ങള്‍ പൂര്‍ത്തിയാക്കിയിരുന്നു. എന്നാല്‍ ശനിയാഴ്ച അതിരാവിലെ ശക്തമായ വയറുവേദനയെ തുടര്‍ന്ന് മോഹനനെ ചാവക്കാടുള്ള സ്വകാര്യ ആശുപത്രിയില്‍ പ്രവേശിപ്പിച്ചു. ഉടനെ ശസ്ത്രക്രിയ വേണമെന്ന് ഡോക്ടര്‍ ആവശ്യപ്പെട്ടെങ്കിലും ഹൃദ്രോഗത്തിനുള്ള മരുന്ന് കഴിക്കുന്നതിനാല്‍ രണ്ടു ദിവസം നീട്ടിവെയ്ക്കുകയായിരുന്നു. ഇതിനിടെ ഡോക്ടറുടെ പ്രത്യേക അനുമതിയോടെ ആശുപത്രി വാഹനത്തില്‍ ബജറ്റ് അവതരണത്തിനായി എത്തി. ബജറ്റ് ഭരണസമിതി പാസാക്കിയ ഉടന്‍ വൈസ് പ്രസിഡണ്ട് ആശുപത്രിയിലേക്ക് മടങ്ങിപ്പോകുകയും ചെയ്തു.
ഒല്ലൂര്‍ കോണ്‍ഗ്രസ് - ഐ ഒല്ലൂര്‍ മണ്ഡലം സമ്മേളനം മുന്‍ മന്ത്രി സി.എന്‍ ബാലകൃഷ്ണന്‍ ഉദ്ഘാടനം ചെയ്തു.
ഒല്ലൂര്‍ ടൗണ്‍ഹാളില്‍ നടന്ന സമ്മേളനത്തില്‍ ഡി.സി.സി പ്രിഡന്റ് ടി.എന്‍ പ്രതാപന്‍, മുന്‍ എം.എല്‍.എ മാരയ എം.പി വിന്‍സെന്റ് , പി.എ മാധവന്‍, കോണ്‍ഗ്രസ് ഒല്ലൂര്‍ ബ്ലോക്ക് പ്രസിഡന്റ് ജെയ്ജു സെബാസ്റ്റ്യന്‍ തുടങ്ങിയവര്‍ സംസാരിച്ചു.
കൊടകര മറ്റത്തൂര്‍ ഗ്രാമപഞ്ചായത്ത് ബജറ്റ് വൈസ് പ്രസിഡന്റ് ബീന നന്ദകുമാര്‍ അവതരിപ്പിച്ചു.
ഉല്‍പ്പാദനമേഖലയ്ക്ക് 2 കോടി 82 ലക്ഷത്തി 90,786 രൂപയും സേവന മേഖലക്ക് 4 കോടി 48 ലക്ഷത്തി 24,430 രൂപയും ബജറ്റില്‍ തുക നീക്കി വെച്ചിട്ടുണ്ട്. സര്‍ക്കാരിന്റെ ലൈഫ് പദ്ധതി പ്രകാരം ഭൂരഹിതരും ഭവനരഹിതരുമായവര്‍ക്ക് ഭൂമിയും വീടും നല്‍കുന്നതിന് ഒരു കോടി രൂപ വകയിരുത്തി. ആകെ 21 കോടി 30 ലക്ഷത്തി 24,686 രൂപ വരവും 20 കോടി 81 ലക്ഷത്തി 83,186 രൂപ ചെലവും 48 ലക്ഷത്തി 41,500 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് അവതരിപ്പിച്ചത്. പ്രസിഡന്റ് പി.സി.സുബ്രന്‍ അധ്യക്ഷത വഹിച്ചു. അതേസമയം ബജറ്റ് അവതരണ യോഗം യു.ഡി.എഫ്. അംഗങ്ങള്‍ ബഹിഷ്‌കരിച്ചു. കഴിഞ്ഞ സാമ്പത്തികവര്‍ഷം പഞ്ചായത്തിന്റെ ബജറ്റില്‍ വകയിരുത്തിയ തുകയില്‍ പകുതിപോലും ചിലവഴിക്കാന്‍ എല്‍.ഡി.എഫ് നേതൃത്വം നല്‍കുന്ന സ ഭരണസമിതിക്ക് കഴിഞ്ഞില്ലെന്നാരോപിച്ചായിരുന്നു ബഹിഷ്‌ക്കരണം. ഭരണനേതൃത്വത്തിന്റെ കെടുകാര്യസ്ഥതയാണ് പദ്ധതി തുക ഫലപ്രദമായി ചെലവിക്കാന്‍ കഴിയാതിരുന്നതിനു കാരണമെന്ന് പ്രതിപക്ഷനേതാവ് എ.കെ.പുഷ്പാകരന്‍ പറഞ്ഞു.
കൊടകര കൊടകര ഗ്രാമപഞ്ചായത്ത് ബജറ്റ് അവതരിപ്പി്ച്ചു.
24 കോടി 90 ലക്ഷത്തി 24,553 രൂപ വരവും 24 കോടി 37 ലക്ഷത്തി 94,000 രൂപ ചിലവും 52 ലക്ഷത്തി 30, 553 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് വൈസ് പ്രസിഡന്റ് കെ.എസ്.സുധ അവതരിപ്പിച്ചത്. മാലിന്യസംസ്‌കരണത്തിന് 42 ലക്ഷം രൂപയും ചെറുകിട കുടിവെള്ള പദ്ധതിക്ക് 65 ലക്ഷം രൂപയും ബജറ്റില്‍ തുക വക കൊള്ളിച്ചിട്ടുണ്ട്. പ്രസിഡന്റ് പി.ആര്‍.പ്രസാദന്‍ അധ്യക്ഷത വഹിച്ചു.
ഗുരുവായൂര്‍ പൈതൃകം ഗുരുവായൂരിന്റെ ആഭിമുഖ്യത്തില്‍ ഉപഭോക്തൃ നിയമ സെമിനാര്‍ സംഘടിപ്പിച്ചു.
ജില്ല ഉപഭോക്തൃ കോടതി പ്രസിഡന്റ് പി.കെ.ശശി ഉദ്ഘാടനം ചെയ്തു. പൈതൃകം പ്രസിഡന്റ് അഡ്വ.സി.രാജഗോപാല്‍ അധ്യക്ഷത വഹിച്ചു. 'കുടുംബഭദ്രത' എന്ന വിഷയത്തെകുറിച്ച് ഡോ. ശ്രീനാഥ് പ്രഭാഷണം നടത്തി. അഡ്വ. രവി ചങ്കത്ത്, മധു കെ.നായര്‍, ഡോ.കെ.ബി.പ്രഭാകരന്‍ തുടങ്ങിയവര്‍ സംസാരിച്ചു.
തൃശൂര്‍ ആരോഗ്യപാനീയങ്ങളായ ഏഴ് തരം നെല്ലിക്കാ ജ്യൂസുകള്‍ പുറത്തിറക്കിയതിന്റെ ഏഴാം വാര്‍ഷികം തൃശൂരില്‍ ആഘോഷിച്ചു.
ഓയിസ്‌ക ഇന്റര്‍നാഷണലിന്റേയും വനിതാ സംരംഭക യൂണിറ്റുകളുടേയും ആഭിമുഖ്യത്തില്‍ നടുവിലാല്‍ വുമണ്‍സ് ഫുഡ്‌കോര്‍ട്ടില്‍ നടന്ന വാര്‍ഷികാഘോഷം സിനിമാതാരം ജയരാജ് വാര്യര്‍ ഉദ്ഘാടനം ചെയ്തു. കെ.ടി.ഡി.സി. ഡയറക്ടര്‍ കൃഷ്ണകുമാര്‍ നായനാര്‍ മുഖ്യാതിഥിയായിരുന്നു. സെവന്‍ സിസ്റ്റേഴ്‌സ് എന്ന പേരില്‍ 7 വര്‍ഷം മുമ്പ് പുറത്തിറക്കിയ 7 തരം നെല്ലിക്കാ ജ്യൂസുകളുടെ ഉപജ്ഞാതാവും ഔഷധി പഞ്ചകര്‍മ്മ ആശുപത്രി സൂപ്രണ്ടുമായ ഡോ.കെ.എസ്.രജിതനെ ചടങ്ങില്‍ ആദരിച്ചു. കെ.പി.അജയകുമാര്‍, സിന്‍സി തുടങ്ങിയവര്‍ സംസാരിച്ചു
കൊടകര ഇന്നസെന്റ് എം.പി.യുടെ ഫണ്ടില്‍ നിന്നുള്ള അഞ്ച് ലക്ഷം രൂപ ചെലവഴിച്ച് കൊടകര പഞ്ചായത്തിലെ പേരാമ്പ്ര ജംഗ്ഷനില്‍ സ്ഥാപിച്ച ഹൈമാസ്റ്റ് ലൈറ്റ് മിഴി തുറന്നു.
ചടങ്ങില്‍ ഹൈമാസ്റ്റ് ലൈറ്റിന്റെ സ്വിച്ചോണ്‍ കര്‍മ്മം ഇന്നസെന്റ് എം.പി. നിര്‍വ്വഹിച്ചു. ബി.ഡി.ദേവസ്സി എം.എല്‍.എ അധ്യക്ഷനായിരുന്നു. കൊടകര ബ്ലോക്ക് പഞ്ചായത്ത് പ്രസിഡണ്ട് അമ്പിളി സോമന്‍, ഗ്രാമപഞ്ചായത്ത് പ്രസിഡണ്ട് പി.ആര്‍. പ്രസാദന്‍ തുടങ്ങിയവര്‍ പങ്കെടുത്തു.
ചെറുതുരുത്തി കേരള കലാമണ്ഡലം കാമ്പസിനകത്തെ ഉപയോഗ ശൂന്യമായി കിടന്നിരുന്ന കുളം എന്‍.എസ്.എസ്. വിദ്യാര്‍ത്ഥികള്‍ വൃത്തിയാക്കി.
ഏതു വേനല്‍ക്കാലത്തും വറ്റാത്ത കുളമാണിത്. കലാമണ്ഡലം എന്‍.എസ്.എസ്. കോര്‍ഡിനേറ്റര്‍ എസ്. ഗോപകുമാറിന്റെ നേതൃത്വത്തിലാണ് വിദ്യാര്‍ത്ഥികള്‍ ഒത്തുചേര്‍ന്നത്. യൂണിയന്‍ പ്രതിനിധികളായ കൃഷ്ണദാസ്, അക്ഷയ, അനുഷ പിള്ള, ശ്രുതി എന്നിവര്‍ ശുചീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി.
ചേലക്കര വിവിധ ആവശ്യങ്ങളുന്നയിച്ച് കോണ്‍ഗ്രസ് പഴയന്നൂര്‍ മണ്ഡലം കമ്മിറ്റിയുടെ നേതൃത്വത്തില്‍ പഞ്ചായത്തിലേക്ക് മാര്‍ച്ചും ധര്‍ണയും നടത്തി.
മണ്ഡലം പ്രസിഡന്റ് പി. കെ. മുരളീധരന്‍ പ്രതിഷേധ പരിപാടി ഉദ്ഘാടനം ചെയ്തു. ടി.കെ. അയ്യപ്പന്‍ അദ്ധ്യക്ഷനായിരുന്നു. തൊഴിലുറപ്പു കൂലിയുടെ കുടിശ്ശിക കൊടുത്ത് തീര്‍ക്കുക, യു.ഡി.എഫ്. സര്‍ക്കാര്‍ നിര്‍ത്തലാക്കിയ വീട്ടുകരം പിരിച്ചെടുക്കുന്നത് അവസാനിപ്പിക്കുക തുടങ്ങിയ ആവശ്യങ്ങളുന്നയിച്ചാണ് മാര്‍ച്ചും ധര്‍ണയും നടത്തിയത്. ടി. മുരുകന്‍, പി. കെ. മോഹന്‍ദാസ്, ബാലകൃഷ്ണന്‍നായര്‍ തുടങ്ങിയവര്‍ സംസാരിച്ചു.
ചെറുതുരുത്തി വള്ളത്തോള്‍ നഗര്‍ ഗ്രാമപഞ്ചായത്തിന്റെ ബജറ്റ് വൈസ് പ്രസിഡന്റ്എം.സുലൈമാന്‍ അവതരിപ്പിച്ചു.
കൃഷി, കുടിവെള്ളം, പൊതു റോഡുകള്‍ എന്നിവയ്ക്കാണ് ബജറ്റില്‍ മുന്‍ഗണന നല്‍കിയിരിക്കുന്നത്. 17 കോടി 61 ലക്ഷത്തിലധികം രൂപ വരവും 17 കോടി 50 ലക്ഷത്തിലധികം രൂപ ചിലവും 10 ലക്ഷത്തിലധികം രൂപ മിച്ചവും പ്രതീക്ഷിക്കുന്നതാണ് ബജറ്റ്. പഞ്ചായത്ത് പ്രസിഡന്റ് പി.പത്മജ അദ്ധ്യക്ഷത വഹിച്ചു.
പാവറട്ടി മുല്ലശേരി ബ്ലോക്ക് പഞ്ചായത്ത് ബജറ്റ് ഭരണസമിതി യോഗം അംഗീകരിച്ചു.
21 ദശാംശം 0,5 കോടി രൂപ വരവും 20 ദശാംശം 9, 7 കോടി രൂപ ചിലവും 7 ദശാംശം 9,6 ലക്ഷം രൂപ മിച്ചവും പ്രതീക്ഷിക്കുന്ന ബ്ജറ്റ് ആണ് വൈസ് പ്രസിഡണ്ട് വി.കെ രവീന്ദ്രന്‍ അവതരിപ്പിച്ചത്. ഭവനനിര്‍മ്മാണത്തിന് 2 ദശാംശം 7,0 കോടി രൂപയും ജലസംരക്ഷണത്തിനു 82 ദശാംശം 5 ലക്ഷം രൂപയും കാര്‍ഷിക മേഖലക്ക് 81 ലക്ഷം രൂപയും ബജറ്റില്‍ തുക ഉള്‍ക്കൊള്ളിച്ചിട്ടുണ്ട്. ബ്ലോക്ക് പഞ്ചായത്ത് പ്രസിഡണ്ട് ലതി വേണുഗോപാല്‍ യോഗത്തില്‍ അദ്ധ്യക്ഷത വഹിച്ചു.
ചേലക്കര തിരുവില്വാമല പാമ്പാടി റോഡില്‍ െ്രെപമറി ഹെല്‍ത്ത് സെന്ററിന് സമീപം ആല്‍മരം കടപുഴകി വീണ് സമീപത്തായി നിര്‍ത്തിയിട്ടിരുന്ന വാഹനങ്ങള്‍ക്ക് കേടുപാട് പറ്റി.
മരം വീണതിനെത്തുടര്‍ന്ന് ഗതാഗതം തടസപ്പെട്ടു. ആല്‍മരത്തിന് സമീപമുണ്ടായിരുന്ന ട്രാന്‍സ്‌ഫോര്‍മറിനും കേടുപാടുകള്‍ സംഭവിച്ചു. തുടര്‍ന്ന് ഫയര്‍ഫോഴ്‌സ് ഉദ്യോഗസ്ഥരും, പോലീസും, കെ.എസ്.ഇ.ബി. ജീവനക്കാരും സ്ഥലത്തെത്തി മരം മുറിച്ചു നീക്കി.
ചേലക്കര കാര്‍ഷിക വികസന കര്‍ഷക ക്ഷേമ വകുപ്പിന്റെ നേതൃത്വത്തില്‍ വിള ആരോഗ്യ പദ്ധതിയുടെ ഭാഗമായി പഴയന്നൂര്‍ കൃഷി ഭവനില്‍ ബ്ലോക്ക് തല വിള ആരോഗ്യ ക്ലിനിക് പ്രവര്‍ത്തനമാരംഭിച്ചു.
പഴയന്നൂര്‍ ഗ്രാമപഞ്ചായത് പ്രസിഡന്റ് ശോഭന രാജന്‍ ഉദ്ഘാടനം നിര്‍വഹിച്ചു. വൈസ് പ്രസിഡന്റ് കെ.പി.ശ്രീജയന്‍ അദ്ധ്യക്ഷനായിരുന്നു. കൃഷി ഡെപ്യൂട്ടി ഡയറക്ടര്‍ എല്‍. ജയശ്രീ പദ്ധതി വിശദീകരണം നടത്തി. കൃഷി ഓഫീസര്‍ ജോസഫ് ജോണ്‍, അസിസ്റ്റന്റ് സെക്രട്ടറി എ. എസ്. ജെയ് തുടങ്ങിയവര്‍ സംസാരിച്ചു.
തൃപ്രയാര്‍ വാടാനപ്പള്ളി ഗ്രാമപഞ്ചായത്ത് നാലാം വാര്ഡി്‌ലെ വീട്ടിലേക്ക് ബിവറേജ് ഔട്ട്‌ലെറ്റ് മാറ്റിസ്ഥാപിക്കാനുള്ള നീക്കം തടയണമെന്നാവശ്യപ്പെട്ട് ബി.ജെ.പിയുടെ നേതൃത്വത്തില്‍ നാട്ടുകാര്‍ രംഗത്ത്.
തൃത്തല്ലൂരിന് പടിഞ്ഞാറാണ് വാണിജ്യാവശ്യത്തിനുള്ള ലൈസന്‍സ് ഉപയോഗിച്ച് വീട് ഔട്ട്‌ലെറ്റാക്കാനുള്ള നീക്കം നടക്കുന്നത്. ജനവാസകേന്ദ്രത്തില്‍ ഔട്ട്‌ലെറ്റ് സ്ഥാപിക്കരുതെന്ന ആവശ്യവുമായി നാട്ടുകാര്‍ സംഘടിക്കുകയായിരുന്നു. ബിജെപി മണലൂര്‍ നിയോജക മണ്ഡലം വൈസ് പ്രസിഡണ്ട് കെ.എസ് ധനീഷ്, വാര്‍ഡംഗം റീന സുനില്‍കുമാര്‍ എന്നിവരുടെ നേതൃത്വത്തില്‍ നാട്ടുകാരില്‍ നിന്ന് ഒപ്പുശേഖരണം നടത്തി. തുടര്‍ന്ന് ഇതുസംബന്ധിച്ച നിവേദനം ബി.ജെ.പി. നേതാക്കളുടെ നേതൃത്വത്തില്‍ നാട്ടുകാര്‍ വാടാനപ്പള്ളി ഗ്രാമപഞ്ചായത്ത് സെക്രട്ടറി സി.എല്‍ ജോയിക്ക് സമര്‍പ്പിച്ചു.
അന്തിക്കാട് ചാഴൂര്‍ പഞ്ചായത്തിലെ പന്ത്രണ്ടാം വാര്‍ഡ് വാലി പ്രദേശത്ത് തൊഴിലുറപ്പ് തൊഴിലാളികളുടെ നേതൃത്വത്തില്‍ കുളം നിര്‍മ്മിച്ചു.
വേനല്‍ കടുത്തതോടെ പ്രദേശത്തെ കിണറുകളിലെല്ലാം ഉപ്പിന്റെ അംശം വന്നു തുടങ്ങിയതോടെ 67-കാരി പാര്‍വ്വതി ഉള്‍പ്പെടെ 13പേര്‍ ചേര്‍ന്നാണ് കയ്യും മെയ്യും മറന്ന് ഒരാഴ്ച കൊണ്ട് കുളം നിര്‍മ്മിച്ച് പ്രദേശത്തുകാര്‍ക്ക് വെള്ളം നല്‍കിയത്. വാലി പ്രദേശത്തെ മറ്റൊരു കുളത്തിലെ ചെളിയും ചണ്ടിയും നീക്കാനാണ് വാര്‍ഡംഗം ഷൈജി ഇവര്‍ക്ക് നിര്‍ദ്ദേശം നല്‍കിയിരുന്നത്. എന്നാല്‍ എത്ര വൃത്തിയാക്കിയിട്ടും തെളിനീര് ലഭിക്കാത്ത സാഹചര്യത്തില്‍ പുതിയ കുളം നിര്‍മ്മിക്കാന്‍ ഈ പെണ്‍കൂട്ടായ്മ ഒരുങ്ങുകയായിരുന്നു. കുളംകുഴിക്കാന്‍ പുതിയവീട്ടില്‍ അഷറഫ് സ്ഥലം നല്‍കിയതോടെ 104 രൂപ കൂലിയില്‍ കുളം നിര്‍മ്മിക്കാമെന്ന് പഞ്ചായത്തുമായി ഇവര്‍ കരാറും ഉണ്ടാക്കി. പെണ്‍കൂട്ടായ്മ നിര്‍മ്മിച്ച കുളത്തില്‍ വെള്ളം കണ്ടതോടെ പഞ്ചായത്ത് പ്രസിഡന്റ് സുജാത അരവിന്ദാക്ഷനും മറ്റ് ജനപ്രതിനിധികളും സ്ഥലം സന്ദര്‍ശിച്ച് ഇവര്‍ക്ക് ഒപ്പം സന്തോഷം പങ്കുവെച്ചു.
ചെറുതുരുത്തി കേരളകലാമണ്ഡലം കല്‍പിത സര്‍വകലാശാലയുടെ ആഭിമുഖ്യത്തില്‍ 'നിള ദേശീയ നൃത്ത സംഗീതോത്സവം'' ചൊവ്വാഴ്ച ആരംഭിക്കും.
ഈ വര്‍ഷത്തെ നിള ദേശീയ നൃത്ത സംഗീതോത്സവത്തോടനുബന്ധിച്ച് നടക്കുന്ന സമ്മേളനം സാംസ്‌കാരിക വകുപ്പ് മന്ത്രി എ.കെ. ബാലന്‍ ഉദ്ഘാടനം ചെയ്യും. തുടര്‍ന്നു ഡോ: സുനന്ദ നായരുടെ മോഹിനിയാട്ടം, ഉമ്പായിയുടെ ഗസല്‍ എന്നിവ നടക്കും. ഡോ.പാട്ടത്തില്‍ ധന്യ മേനോന്റെ നൃത്തശില്‍പ്പം, ദത്താതേയ്ര വെലങ്കര്‍ ഹിന്ദുസ്ഥാനി സംഗീതകച്ചേരി, ഊരാളി ബാന്റ് സംഗീതനിശ എന്നിവയും അരങ്ങേറും. സമാപന ദിവസമായ വെള്ളിയാഴ്ച ഷഹബാസ് അമന്റെ പാട്ടുകള്‍, മഹാഭാരതത്തിലെ മഞ്ഞുമൂടിയ മലകള്‍ നൃത്തശില്‍പ്പം, തുടര്‍ന്നു കരിന്തലകൂട്ടത്തിന്റെ നാടന്‍പാട്ട് എന്നിവ അരങ്ങേറും. മുന്‍വര്‍ഷങ്ങളില്‍ നിന്ന് വ്യത്യസ്തമായി രണ്ട് വേദികളിലായാണ് ഇത്തവണ പരിപാടികള്‍ നടക്കുന്നത്.
കൊടകര തേശേരി ചീക്കാമുണ്ടി ശ്രീ മഹാവിഷ്ണു ക്ഷേത്രത്തിലെ ഉത്സവം ഈ മാസം 29 മുതല്‍ ഏപ്രില്‍ 5വരെ നടക്കുമെന്ന് ഭാരവാഹികള്‍ കൊടകരയില്‍ അറിയിച്ചു.
30ന് ധര്‍മ്മദൈവസംഗമവും കൊടിയേറ്റവും നടക്കും. 31ന് രാവിലെ പൊങ്കാല , ഏപ്രില്‍ 1ന് സര്‍പ്പബലി എന്നിവയുണ്ടാകും. 2ന് രാവിലെ 9ന് വിഷ്ണുസഹസ്രനാമ സമൂഹ മന്ത്രാര്‍ച്ചനയ്ക്കു ശേഷം ഹരിതകേരളം പദ്ധതി ബി.ഡി.ദേവസി എം.എല്‍.എ. ഉദ്ഘാടനം ചെയ്യും. കല്യാണ്‍ സില്‍ക്‌സ് മാനേജിംഗ് ഡയറക്ടര്‍ ടി.എസ്.പട്ടാഭിരാമന്‍ പുരാണ മണ്ഡപ സമര്‍പ്പണം നിര്‍വ്വഹിക്കും. വയോധികരും വിധവകളുമായ 100 പേര്‍ക്ക് സാധുവൃദ്ധജന സഹായനിധിയില്‍ നിന്ന് മാസം തോറും നല്‍കിവരുന്ന ധനസഹായ വിതരണവും ഇതോടനുബന്ധിച്ചു നടക്കും. 5ന് ആറാട്ടോടെ ഉത്സവം കൊടിയിറങ്ങും. വാര്‍ത്താസമ്മേളനത്തില്‍ ക്ഷേത്രം പ്രസിഡന്റ് എന്‍.പി.ശിവന്‍, രക്ഷാധികാരി കെ.ഐ.പുരുഷോത്തമന്‍, സെക്രട്ടറി സി.കെ.സുകുമാരന്‍, വി.എ.ചന്ദ്രന്‍ നായര്‍, എന്‍.എസ്.സജയന്‍ എന്നിവര്‍ പങ്കെടുത്തു.
പുതുക്കാട് വരന്തരപ്പിള്ളി പഞ്ചായത്തിലെ രൂക്ഷമായ കുടിവെള്ള ക്ഷാമം അനുഭവിക്കുന്ന പ്രദേശങ്ങളില്‍ ടാങ്കര്‍ ലോറിയില്‍ വെള്ളമെത്തിച്ച് നല്‍കുമെന്ന് പഞ്ചായത്ത് പ്രസിഡന്റ് ഔസേഫ് ചെരടായി അറിയിച്ചു.
പഞ്ചായത്തില്‍ ചേര്‍ന്ന പ്രത്യേക യോഗത്തിലാണ് തീരുമാനം. തനത് ഫണ്ടില്‍ നിന്ന് അഞ്ച് ലക്ഷം രൂപ ഇതിനായി മാറ്റിവെച്ചതായും ഇതിനായുള്ള ടെണ്ടര്‍ നടപടികള്‍ പൂര്‍ത്തീകരിച്ച് ഒരാഴ്ചക്കുള്ളില്‍ വെള്ളം വിതരണം ചെയ്യുമെന്നും പ്രസിഡന്റ് അറിയിച്ചു.
ചെറുതുരുത്തി ദേശീയ ബധിര മൂക കായിക മത്സരത്തില്‍ പങ്കെടുക്കാന്‍ ചെറുതുരുത്തി സ്വദേശിയും.
ചെറുതുരുത്തി പള്ളത്ത് വീട്ടില്‍ കുഞ്ഞുമുഹമ്മദിന്റെ മകനായ ഷറഫുദ്ദീനാണ് കായികമേളയില്‍ പങ്കെടുക്കുന്നത്. ചൊവ്വാഴ്ച മുതല്‍ ഏപ്രില്‍ 1 വരെ ചെന്നൈ ജവഹര്‍ലാല്‍ നെഹ്‌റു സ്റ്റേഡിയത്തിലാണ് മത്സരങ്ങള്‍ നടക്കുന്നത്. ഷൊര്‍ണൂര്‍ ബധിരമൂക വിദ്യാലയത്തിലെ ഡി.ആര്‍.ഡി.എസ്. കോളേജിലെ അവസാന വര്‍ഷ വിദ്യാര്‍ത്ഥിയാണ് ഷറഫുദ്ദീന്‍. ഇരുപതിനായിരം മീറ്റര്‍ നടത്തം, പതിനായിരം മീറ്റര്‍ ഓട്ടം, അയ്യായിരം മീറ്റര്‍ ഓട്ടം, നാലായിരം ഗുണം നൂറ് മീറ്റര്‍ റിലേ എന്നി ഇനങ്ങളിലാണ് ഷറഫുദ്ദീന്‍ മത്സരിക്കുന്നത്.
തൃപ്രയാര്‍ നാട്ടിക ഗ്രാമപഞ്ചായത്ത് ബജറ്റ് അവതരിപ്പിച്ചു.
9 കോടി 38 ലക്ഷത്തി 71, 250 രൂപ വരവും, 9 കോടി 12 ലക്ഷത്തി 19000 രൂപ ചിലവും 26,52,250 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് വൈസ് പ്രസിഡണ്ട് കെ.എ ഷൗക്കത്തലി അവതരിപ്പിച്ചത്. ഗ്രാമപഞ്ചായത്ത് പ്രസിഡണ്ട് പി.വിനു അധ്യക്ഷയായിരുന്നു. ഭവന നിര്‍മ്മാണത്തിന് ഒരു കോടി രൂപയും, കൃഷി-മൃഗസംരക്ഷണ മേഖലയ്ക്ക് 16 ലക്ഷത്തി 50,000 രൂപയും ബജറ്റില്‍ വകയിരുത്തി. വിവിധ വാര്‍ഡുകളില്‍ റോഡുകളുടെ അറ്റക്കുറ്റപണിക്കായി 40 ലക്ഷം രൂപയും, മാലിന്യ സംസ്‌ക്കരണത്തിന് എട്ട് ലക്ഷം രൂപയും വകയിരുത്തിയിട്ടുണ്ട്.
പുന്നയൂര്‍ക്കുളം തൊഴിലിനും അടിസ്ഥാന സൗകര്യങ്ങളുടെ വികസനത്തിനും മുന്‍തൂക്കം നല്‍കി വടക്കേക്കാട് പഞ്ചായത്ത് ബജറ്റ്.
വൈസ് പ്രസിഡന്റ് എന്‍.എം.കെ. നബീല്‍ അവതരിപ്പിച്ച ബജറ്റില്‍ 13 ദശാംശം 5 കോടി രൂപ വരവും 10 ദശാംശം 1,1 കോടി രൂപ ചെലവും പ്രതീക്ഷിക്കുന്നതാണ് ബജറ്റ്. തൊഴിലുറപ്പ് പദ്ധതിക്ക് ഒന്നരകോടി, റോഡുകളുടേയും പാലങ്ങളുടേയും നിര്‍മ്മാണത്തിനും നവീകരണത്തിനുമായി ഒരു കോടി രൂപ, വൈദ്യുതിക്ക് 35 ലക്ഷം, ഉല്‍പാദന മേഖലയ്ക്ക് 7 ലക്ഷം, ശുദ്ധജല വിതരണത്തിന് ആറു ലക്ഷം എന്നിങ്ങനെയാണ് തുക വകയിരുത്തിയിട്ടുള്ളത്. പ്രസിഡന്റ് മറിയു മുസ്തഫ അദ്ധ്യക്ഷത വഹിച്ചു.
പുതുക്കാട് ആറ്റപ്പിള്ളി പാലത്തിന്റെ നിര്‍മ്മാണം വൈകിപ്പിക്കുന്ന അധികൃതരുടെ നടപടിക്കെതിരെ പുതുക്കാട് വികസന സമിതിയുടെ നേതൃത്വത്തില്‍ പ്രതിഷേധ സംഗമം നടത്തി.
അപ്രോച്ച് റോഡിന്റെ നിര്‍മ്മാണത്തിന്റെ പേരില്‍ ആറ്റപ്പിള്ളി പാലത്തിലൂടെയുള്ള ഗതാഗതം നിരോധിച്ചിട്ടും നിര്‍മ്മാണം ആരംഭിക്കാത്തതിലാണ് വികസന സമിതി പ്രതിഷേധ സംഗമം നടത്തിയത്. അധികൃതരുടെ അനാസ്ഥക്കെതിരെ ആറ്റപ്പിള്ളി പാലത്തിനുസമീപം നടത്തിയ പ്രതിഷേധ സംഗമം വികസന സമിതി പ്രസിഡന്റ് കെ.എല്‍. ജോസ് ഉദ്ഘാടനം ചെയ്തു. കോണ്‍ഗ്രസ് വാര്‍ഡ് പ്രസിഡന്റ് പി.എല്‍. ലോന അധ്യക്ഷനായിരുന്നു.
കൊടകര ശ്രീരാമനവമി മഹോത്സവത്തോടനുബന്ധിച്ച് ചേങ്കോട്ടുകോണം ശ്രീരാമദാസാശ്രമത്തിന്റെ ആഭിമുഖ്യത്തില്‍ ഈ മാസം 17 ന് കൊല്ലൂര്‍ മൂകാംബിക ക്ഷേത്രത്തില്‍ നിന്നു പുറപ്പെട്ട ശ്രീരാമരഥത്തിന് കൊടകര പൂനിലാര്‍ക്കാവ് ദേവീക്ഷേത്രത്തില്‍ സ്വീകരണം നല്കി്.
ദേവസ്വം ഭാരവാഹികളായ ഇ.രവീന്ദ്രന്‍, ഗോപി കരിംപറമ്പില്‍, ഹിന്ദു ഐക്യവേദി നേതാവ് എം.വി.മധുസൂദനന്‍ എന്നിവര്‍ നേതൃത്വം നല്കി .
പാവറട്ടി മുല്ലശേരി ഗ്രാമ പഞ്ചായത്തില്‍ പട്ടികജാതി വിദ്യാര്‍ത്ഥികള്‍ക്ക് ലാപ്‌ടോപ്, സൈക്കിള്‍, ഫര്‍ണിച്ചര്‍ എന്നിവ വിതരണം ചെയ്തു.
ഗ്രാമപഞ്ചായത്ത് പ്രസിഡണ്ട് എ.കെ ഹുസൈന്‍ വിതരണോദ്ഘാടനം നിര്‍വ്വഹിച്ചു. വൈസ് പ്രസിഡണ്ട് ചന്ദ്രകല മനോജ് അദ്ധ്യക്ഷയായിരുന്നു. ജനകീയാസൂത്രണ പദ്ധതിയില്‍ ഉള്‍പ്പെടുത്തി 12 ലക്ഷം രൂപ ചിലവഴിച്ചാണ് പദ്ധതി നടപ്പിലാക്കുന്നത്.
ഗുരുവായൂര്‍ ഗുരുവായൂര്‍ നഗരസഭ കൗണ്‍സില്‍ യോഗത്തില്‍ യു.ഡി.എഫ് അംഗങ്ങള്‍ ബജറ്റ് കീറിയെറിഞ്ഞു.
നഗരസഭയിലെ പ്രധാന വികസന പ്രശ്‌നങ്ങളൊന്നും ബജറ്റില്‍ ഉള്‍പ്പെടുത്തിയിട്ടില്ലെന്നാരോപിച്ചാണ് ബജറ്റ് കീറിയെറിഞ്ഞത്. വീണ്ടും ബജറ്റ് അവതരിപ്പിക്കണമെന്ന യു.ഡി.എഫ് അംഗങ്ങളുടെ ആവശ്യം ഭരണസമിതി നിരാകരിച്ചതിനെ തുടര്‍ന്ന് ബജറ്റ് ചര്‍ച്ചയില്‍ നിന്ന് യു.ഡി.എഫ് കൗണ്‍സിലര്‍മാര്‍ ഇറങ്ങിപ്പോയി. മൂന്ന് മണിക്കൂറോളം നീണ്ട ബജറ്റ് ചര്‍ച്ചക്കൊടുവിലാണ് ബജറ്റ് കീറിയെറിഞ്ഞതും ഇറങ്ങിപ്പോക്ക് നടത്തിയതും. ബജറ്റിനെ വിമര്‍ശിച്ച് സംസാരിച്ചുവെങ്കിലും ബി.ജെ.പി അംഗം ഇറങ്ങിപ്പോക്കില്‍ പങ്കെടുത്തില്ല. യു.ഡി.എഫ് അംഗങ്ങളുടെ ഇറങ്ങിപ്പോക്കിന് ശേഷം ബജറ്റ് എതിര്‍പ്പുകളില്ലാതെ പാസാക്കിയതായി ചെയര്‍പേഴ്‌സണ്‍ പ്രഖ്യാപിച്ചു. യോഗത്തില്‍ ചെയര്‍പേഴ്‌സണ്‍ പ്രൊഫ. പി.കെ. ശാന്തകുമാരി അധ്യക്ഷത വഹിച്ചു.
എരുമപ്പെട്ടി വരവൂര്‍ തിച്ചൂര്‍ പട്ടാമ്പി റോഡില്‍ റിലയന്‍സ് കേബിള്‍ ഇടുന്നതിനായി കീറിയ ചാലുകള്‍ ശരിയായ വിധത്തില്‍ മൂടാത്തത് അപകടങ്ങള്‍ക്ക് ഇടയാക്കുന്നു.
റോഡിന്റെ വശങ്ങളോട് ചേര്‍ന്നാണ് ചാലുകള്‍ നിര്‍മ്മിച്ചിട്ടുള്ളത്. ബസ് സ്‌റ്റോപ്പിനു സമീപത്തുകൂടി കടന്നു പോകുന്ന ചാലുകളാണ് യാത്രക്കാരെ ഏറെ ദുരിതത്തിലാക്കുന്നത്. നിരവധി തവണ പരാതിപ്പെട്ടിട്ടും റിലയന്‍സിന്റെ ഇത്തരം നിര്‍മ്മാണ പ്രവര്‍ത്തനങ്ങള്‍ അധികൃതര്‍ കണ്ടില്ലെന്ന് നടിക്കുന്നത് നാട്ടുകാര്‍ക്കിടയില്‍ പ്രതിഷേധത്തിനിടയാക്കുന്നുണ്ട്.
പാവറട്ടി ആക്രമിച്ചു മോഷണം നടത്തുന്ന തമിഴ്‌നാട് സ്വദേശിയെ പാവറട്ടി പോലീസ് അറസ്റ്റ് ചെയ്തു.
തേനി തിരുവള്ളൂര്‍ സ്വദേശി ബട്ടപ്പന്‍ എന്ന് അറിയപ്പെടുന്ന സുന്ദരനാണ് അറസ്റ്റിലായത്. പാവറട്ടി എസ് ഐ- അരുണ്‍ ഷാ യുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. ഗുരുവായൂര്‍, അന്തിക്കാട് പോലീസ് സ്‌റ്റേഷന്‍ പരിധികളിലും പ്രതി മോഷണം നടത്തിയിട്ടുണ്ട്
മാള മാള അരവിന്ദന്റെ സ്മരണയ്ക്കായി നാടകോത്സവം സംഘടിപ്പിക്കാന്‍ ഗ്രാമപഞ്ചായത്ത് ബജറ്റില്‍ പത്ത് ലക്ഷം രൂപ വകയിരുത്തി.
ഭവന നിര്‍മ്മാണ പദ്ധതിയ്ക്കായി 80 ലക്ഷം രൂപ വകയിരുത്തിയിട്ടുണ്ടെന്ന് മാള ഗ്രാമപഞ്ചായത്ത് പ്രസിഡന്റ് പി.കെ.സുകുമാരന്‍, വൈസ് പ്രസിഡന്റ് ബിന്ദു ബാബു എന്നിവര്‍ പറഞ്ഞു. സ്ത്രീകളുടേയും കുട്ടികളുടേയും ക്ഷേമത്തിനായി 17 ലക്ഷത്തി 25,000 രൂപ, പോഷകാഹാര പദ്ധതിക്ക് 25 ലക്ഷം, ശുചിത്വത്തിന് 25 ലക്ഷം, സാധാരണക്കാരുടെ ഉപജീവന പദ്ധതികള്‍ക്ക് 25 ലക്ഷം രൂപയും വകയിരുത്തിയിട്ടുണ്ട്. വിദ്യാഭ്യാസ മേഖലയിലെ വികസന പദ്ധതികള്‍ക്ക് മുപ്പത്തിയൊന്നര ലക്ഷം രൂപയും, കാര്‍ഷിക സംസ്‌കാരം സൃഷ്ടിക്കുന്നതിനായി 9 ദശാംശം 6 ലക്ഷം രൂപയും നീക്കി വെച്ചിട്ടുണ്ട്. വാര്‍ത്താസമ്മേളനത്തില്‍ രാധാ ഭാസ്‌കരന്‍, പി.എസ്.ശ്രീജിത്ത്, ബിജു ഉറുമീസ് എന്നിവരും പങ്കെടുത്തു.
കൊടകര കൊടുങ്ങല്ലൂര്‍ ചന്തപ്പുര - കോട്ടപ്പുറം ബൈപാസില്‍ എം.എല്‍.എ. ഫണ്ട് ഉപയോഗിച്ച് സ്ഥാപിച്ച ഹൈമാസ്റ്റ് ലൈറ്റിന്റെ ഉദ്ഘാടനം വി.ആര്‍. സുനില്‍കുമാര്‍ എം.എല്‍.എ. നിര്‍വ്വഹിച്ചു.
നഗരസഭാ ചെയര്‍മാന്‍ സി.സി. വിപിന്‍ചന്ദ്രന്‍ അധ്യക്ഷനായി.
വടക്കാഞ്ചേരി വാട്‌സ് അപ്പ് കൂട്ടായ്മയിലൂടെ സഹായം നല്‍കി ടൈംപാസ് വടക്കാഞ്ചേരി കൂട്ടായ്മ മാതൃകയായി.
ആര്യംപാടം സ്വദേശി അഭിനവ് കൃഷ്ണ എന്ന പത്ത് വയസുകാരനാണ് ഒരു വീല്‍ചെയറും മരുന്നുകളും വീട്ടിലേക്ക് ഒരു മാസത്തേക്കുള്ള നിത്യോപയോഗ സാധനങ്ങളും നല്‍കിയത്. അരുണ്‍, ജീവന്‍, ഷാജു തുടങ്ങിയവര്‍ നേതൃത്വം നല്‍കി.
കൊടുങ്ങല്ലൂര്‍ മീനഭരണി മഹോത്സവത്തിന്റെ ഭാഗമായി സേവാഭാരതിയുടെ ആഭിമുഖ്യത്തില്‍ വിവിധ ഹൈന്ദവ സംഘടനകളുടെ സഹകരണത്തോടെ നടത്തുന്ന അന്നദാന യജ്ഞം ആരംഭിച്ചു.
കൊച്ചിന്‍ ദേവസ്വം ബോര്‍ഡ് പ്രസിഡന്റ് ഡോ.എം.കെ.സുദര്‍ശനന്‍ ഉദ്ഘാടനം ചെയ്തു. വലിയ തമ്പുരാന്‍ രാമവര്‍മ്മരാജ, സംഘാടക സമിതി ചെയര്‍മാന്‍ രാമന്‍കുട്ടി നായര്‍ എന്നിവര്‍ ഭദ്രദീപം തെളിയിച്ചു. മേജര്‍ ജനറല്‍ ഡോ.പി.വിവേകാനന്ദന്‍ അധ്യക്ഷത വഹിച്ചു. ഭരണിയാഘോഷത്തിന്റെ ഭാഗമായി രണ്ട് ലക്ഷത്തിലധികം പേര്‍ക്ക് അന്നദാനവും നടത്തും.
കൊടുങ്ങല്ലൂര്‍ ബാങ്ക് അക്കൗണ്ടില്‍ നിന്ന് അഞ്ച് ദിവസത്തിനുള്ളില്‍ മുപ്പത്തിയാറ് തവണയായി ഉടമ അറിയാതെ പണം പിന്‍വലിച്ചതായി അക്കൗണ്ട് ഉടമ കൊടുങ്ങല്ലൂര്‍ പോലീസില്‍ പരാതി നല്‍കി.
മേത്തല വലിയപണിക്കന്‍തുരുത്ത് ചെമുണ്ടപറമ്പില്‍ അജേഷ് ആണ് കൊടുങ്ങല്ലൂര്‍ ഇന്‍ഡ് സിന്‍ഡ് ബാങ്കിന്റെ എ.ടി.എം ല്‍ നിന്ന് 60,207 രൂപ നഷ്ടപ്പെട്ടതായി പരാതി നല്‍കിയത്. വ്യാജ ഡെബിറ്റ് കാര്‍ഡ് ഉപയോഗിച്ച് മറ്റാരോ ആണ് പണം എടുത്തിരിക്കുന്നതെന്ന് ബാങ്ക് അധികൃതര്‍ അറിയിച്ചു.
എരുമപ്പെട്ടി കടങ്ങോട് കടബാധ്യത മൂലം നാലംഗ കുടുംബം ജീവനൊടുക്കിയ സംഭവത്തില്‍ മന്ത്രി എ.സി. മൊയ്തീന്‍ നടുക്കവും ദു:ഖവും രേഖപ്പെടുത്തി.
മരണത്തില്‍ നിന്നു നാട്ടുകാര്‍ രക്ഷപ്പെടുത്തിയ സുരേഷ്‌കുമാറിന്റെ മകള്‍ വൈഷണവിയുടെ സംരക്ഷണത്തിനാവശ്യമായ നടപടികള്‍ സര്‍ക്കാര്‍ സ്വീകരിക്കുമെന്നും സ്ഥലം എം.എല്‍.എ കൂടിയായ മന്ത്രി എ.സി. മൊയ്തീന്‍ ടി.സി.വിയെ അറിയിച്ചു. സംഭവത്തെ കുറിച്ച് അന്വേഷണം നടത്തി വേണ്ട നടപടികള്‍ ഉടന്‍ കൊളളുന്നതിന് ജില്ലാ കളക്ടര്‍, തഹസില്‍ദാര്‍, എസ്.പി എന്നിവര്‍ക്ക് സര്‍ക്കാര്‍ നിര്‍ദ്ദേശം നല്‍കിയിട്ടുണ്ട്. സംഭവത്തില്‍ കൊള്ളപ്പലിശ, ഭൂ മാഫിയ സംഘത്തിന്റെ പങ്കിനെ കുറിച്ച് ആരോപണം ഉയര്‍ന്ന സാഹചര്യത്തില്‍ ബന്ധുക്കളുടെ പരാതി ലഭിച്ചാല്‍ സമഗ്രമായ അന്വേഷണം നടത്താന്‍ പോലീസിന് നിര്‍ദേശം നല്‍കിയതായും മന്ത്രി അറിയിച്ചു.
തൃപ്രയാര്‍ ഏങ്ങണ്ടിയൂര്‍ എത്തായ്, പൊക്കുളങ്ങര, പൊക്കാഞ്ചേരി ബീച്ചുകളില്‍ അപ്രതീക്ഷിതമായ കടല്‍ക്ഷോഭത്തില്‍ ഒരു വീട് തകര്‍ന്നു.
പത്ത് വീടുകളില്‍ വെള്ളം കയറി. കഴിഞ്ഞ ദിവസം രാത്രി പത്തോടെയാണ് കടല്‍ക്ഷോഭം തുടങ്ങിയത്. എത്തായ് ബീച്ച് അഴിമുഖത്തിന് സമീപം കല്ലുങ്ങല്‍ മല്ലിക വാസുവിന്റെ വീടാണ് പൊടുന്നനെയുണ്ടായ കടല്‍ക്ഷോഭത്തില്‍ തകര്‍ന്നത്. ആഞ്ഞടിച്ച തിരമാലയ്‌ക്കൊപ്പം ഒഴുകിയെത്തിയ മണല്‍ വീടിനകവും പുറവും കൂമ്പാരമാക്കി. പാത്രങ്ങള്‍ ഉള്‍പ്പെടെ വീട്ടുപകരണങ്ങളെല്ലാം കടല്‍വെള്ളത്തില്‍ ഒഴുകിപോയി. താല്‍ക്കാലികമായുള്ള കടല്‍ഭിത്തിയും കവിഞ്ഞാണ് തിരമാലകള്‍ കരയിലേക്ക് അടിച്ചുകയറിയത്. സമീപമുള്ള കല്ലുങ്ങല്‍ ബാബുവിന്റെ വീടിനകം മുഴുവനും മണല്‍ നിറഞ്ഞ നിലയിലാണ്. രണ്ട് വീട്ടുകാരും ബന്ധുവീടുകളിലേക്ക് താല്‍ക്കാലികമായി താമസം മാറ്റി. .തിരയടിച്ച് വരുന്നതു കണ്ട് സുനാമിയെന്ന് കരുതി വീട്ടുകാരെല്ലാം പുറത്തേക്കോടുകയായിരുന്നു. വിവരമറിഞ്ഞ് ഏങ്ങണ്ടിയൂര്‍ ഗ്രാമപഞ്ചായത്ത് പ്രസിഡണ്ട് കെ.വി അശോകന്‍, വാടാനപ്പള്ളി പോലീസ് എന്നിവര്‍ സ്ഥലത്തെത്തിയിരുന്നു.
പുന്നയൂര്‍ ഹൃദയാഘാതം മൂലം ഫുജൈറയില്‍ മരിച്ച തെക്കേ പുന്നയൂര്‍ സ്വദേശി 26 വയസുള്ള ഫായിസിന്റെ മൃതദേഹം നാളെ നാട്ടിലെത്തിക്കും.
ഫുജൈറയിലെ ഇത്തിഹാദ് പത്രത്തിലെ ഫോട്ടോഗ്രാഫര്‍ ചെല്ലംപറമ്പില്‍ മൊയ്തുട്ടിയുടെ മകനായ ഫായിസ്, ഒരു സ്വകാര്യ സ്ഥാപനത്തില്‍ അക്കൗണ്ടന്റായി ജോലി ചെയ്യുകയായിരുന്നു.
കുട്ടനെല്ലൂര്‍ കുട്ടനെല്ലൂര്‍ ഗവണ്‍മെന്റ് കേളേജില്‍ വിദ്യാര്‍ത്ഥികള്‍ തമ്മില്‍ നടന്ന സംഘടനത്തില്‍ 8 പേര്‍ക്ക് പരിക്കേറ്റു.
ആറ് എ.ബി.വി.പി പ്രവര്‍ത്തകര്‍ക്കും, 2 എസ്.എഫ്.ഐ പ്രവര്‍ത്തകര്‍ക്കുമാണ് പരിക്കേറ്റത്. പരിക്കേറ്റവരെ തൃശൂര്‍ ജനറല്‍ ആശുപത്രിയില്‍ പ്രവേശിപ്പിച്ചു.
തൃശൂര്‍ തൃശൂര്‍ ദയ ആശുപത്രിയുടെ നേതൃത്വത്തില്‍ സ്‌പോര്‍ട്‌സ് ഡേയുടെ ഭാഗമായി കായികമത്സരങ്ങള്‍ സംഘടിപ്പിച്ചു.
ആശുപത്രിയിലെ ഡോക്ടര്‍മാരുടെയും, ജീവനക്കാരുടെയും നേതൃത്വത്തില്‍ ക്രിക്കറ്റ്, ഫുട്‌ബോള്‍, ബാഡ്മിന്റണ്‍, കാരംസ്, അതലറ്റിക്‌സ് മത്സരങ്ങള്‍ അരങ്ങേറി. തൃശൂര്‍ ഗവണ്‍മെന്റ് എന്‍ജിനീയറിംഗ് കോളേജ് ഗ്രൗണ്ടില്‍ നടന്ന മത്സരങ്ങള്‍ ദയ ആശുപത്രി മാനേജിംഗ് ഡയറക്ടര്‍ ഡോ.അബ്ദുള്‍ അസീസ് ഉദ്ഘാടനം ചെയ്തു.
എരുമപ്പെട്ടി കടങ്ങോട് ഗൃഹനാഥന്റേയും കുടുബാംഗങ്ങളുടേയും ജീവനെടുത്തത് അനധികൃത പണമിടപാടും റിയല്‍ എസ്‌റ്റേറ്റ് മാഫിയകളുടെ ഇടപെടലും ബാങ്കിന്റെ ജപ്തി ഭീഷണിയുമാണെന്ന് സൂചന.
ഉയര്‍ന്ന സാമ്പത്തിക നിലവാരത്തില്‍ കഴിഞ്ഞിരുന്ന സുരേഷ്‌കുമാറിനെ കടക്കെണിയിലാക്കിയത് സ്വകാര്യ കുറി നടത്തിപ്പായിരുന്നു. കെട്ടിട നിര്‍മ്മാണങ്ങളില്‍ ടൈല്‍ വിരിക്കുന്ന കരാറുകാരനായിരുന്ന സുരേഷ്‌കുമാറിന്റെ സാമ്പത്തിക വളര്‍ച്ച വളരെ പെട്ടന്നായിരുന്നു. കഠിനാധ്വാനിയും വിശ്വസ്തനുമായ സുരേഷ്‌കുമാറിനെ തൊഴിലേല്‍പ്പിക്കാന്‍ ദൂര സ്ഥലങ്ങളില്‍ നിന്ന് പോലും ആവശ്യക്കാര്‍ തേടിയെത്തിയിരുന്നു. ഇതിനിടയിലാണ് സ്വകാര്യ വിളിക്കുറി നടത്താന്‍ സുരേഷ് തീരുമാനിച്ചത് .തുടക്കത്തില്‍ നല്ല രീതിയില്‍ നടന്നിരുന്ന കുറി കുബേര നിയമം വന്നപ്പോള്‍ കുറി വിളിച്ചവര്‍ നിയമത്തിന്റെ മറവില്‍ തിരിച്ചടയ്ക്കാന്‍ തയ്യാറായില്ല. ഇതേ തുടര്‍ന്ന് കുറി പൊളിയുകയും പണം അടച്ചവര്‍ക്ക് തിരികെ നല്‍കാന്‍ കഴിയാതെ സുരേഷ് കുമാര്‍ പ്രതിസന്ധിയിലാവുകയും ചെയ്തു. കടബാധ്യത തീര്‍ക്കാന്‍ ബ്ലേഡ് മാഫിയ സംഘങ്ങളില്‍ നിന്ന് കൊള്ള പലിശയ്ക്ക് പണം വായ്പയെടുത്തത് സുരേഷ്‌കുമാറിനേയും കുടുംബത്തേയും കൂടുതല്‍ കുരുക്കിലാക്കി. 6 മാസം മുമ്പ് പണം ലഭിക്കാനുള്ളവര്‍ സുരേഷിന്റെ വീട്ടില്‍ കയറി ഭീഷണിപ്പെടുത്തുകയും കുത്തിയിരിപ്പ് നടത്തുകയും ചെയ്തു. നാട്ടുകാര്‍ ഇടപ്പെട്ട് പഞ്ചായത്ത് അംഗം സൗമ്യ സുരേഷിന്റെ മധ്യസ്ഥതയില്‍ ഒരു വര്‍ഷത്തിനുളളില്‍ പണം തിരികെ നല്‍കാമെന്ന് കരാറുണ്ടാക്കി അവധി വാങ്ങിയിരുന്നു .വീടും പറമ്പും വില്‍പ്പന നടത്തി കടങ്ങള്‍ വീട്ടാനായിരുന്നു സുരേഷ്‌കുമാര്‍ പദ്ധതിയിട്ടിരുന്നത്. സമ്മര്‍ദ്ധം ചെലുത്തി വീടും പറമ്പും കുറഞ്ഞ വിലയ്ക്ക് കൈക്കലാക്കാനുള്ള ഭൂമാഫിയ സംഘത്തിന്റെ ഗൂഡ ശ്രമവും ഇതിന് പുറകിലുണ്ടായിരുന്നുവെന്ന് നാട്ടുകാര്‍ ആരോപിക്കുന്നു. എന്നാല്‍ ഒരു കോടി രുപയോളം വിലമതിക്കുന്ന വസ്തുവകകള്‍ വളരെ കുറഞ്ഞ വിലയ്ക്കാണ് ചോദിച്ചിരുന്നതെന്ന് പറയുന്നു. ഇതിനിടയില്‍ കേന്ദ്ര സര്‍ക്കാരിന്റെ നോട്ട് നിരോധനവും വസ്തു കച്ചവടത്തിനെ പ്രതികൂലമായി ബാധിച്ചു. വീടും സ്ഥലവും വാങ്ങാനെത്തിയിരുന്ന ആവശ്യക്കാരേ ഭൂമാഫിയ സംഘം മുടക്കിയിരുന്നതായും നാട്ടുകാര്‍ പറയുന്നു. ഇതിനിടയിലാണ് വീട് പണയപ്പെടുത്തി വായ്പയെടുത്തിരുന്ന സഹകരണ ബാങ്ക് അധികൃതര്‍ ജപ്തി ഭീഷണിയുമായി സുരേഷ് കുമാറിന്റെ വീട്ടിലെത്തിയത്. വായ്പ തിരികെ അടച്ചില്ലെങ്കില്‍ വീടിന് മുകളില്‍ നോട്ടീസ് പതിക്കുമെന്ന് ഉദ്യോഗസ്ഥര്‍ ഭീഷണിപ്പെടുത്തിയിരുന്നതായി മരണത്തില്‍ നിന്നു രക്ഷപ്പെട്ട മകള്‍ വൈഷ്ണവി പറയുന്നു. വീടും സ്ഥലവും വില്‍പ്പന നടത്തി കടങ്ങള്‍ വീട്ടാനായിരുന്നു താന്‍ കരുതിയിരുന്നതെന്നും ഇതിന് കഴിയാത്തതിനാല്‍ ഞങ്ങള്‍ ജീവിതം അവസാനിപ്പിക്കുകയാണെന്നുമാണ് ആത്മഹത്യ കുറിപ്പില്‍ പറയുന്നത്. ഇനി വസ്തു വില്‍പ്പന നടത്തി കടങ്ങള്‍ വീട്ടണമെന്നാണ് കരുതുന്നതെന്നും അത്മഹത്യ കുറിപ്പില്‍ എഴുതിയിട്ടുണ്ട്. ഉയര്‍ന്ന സാമ്പത്തിക നിലവാരത്തില്‍ കഴിഞ്ഞിരുന്ന സുരേഷ്‌കുമാറും കുടുംബവും അവസാന നാളുകളില്‍ കടുത്ത ദാരിദ്ര്യത്തെയാണ് നേരിട്ടിരുന്നത്. ലോട്ടറി വിറ്റ് ഉപജീവനം നടത്തിയിരുന്ന സുരേഷിന് കുട്ടികളുടെ സ്‌കൂള്‍ വാഹന വാടക പോലും നല്‍കാന്‍ കഴിഞ്ഞിരുന്നില്ല. ദാരിദ്ര്യവും കടക്കാരുടെ ഭീഷണിയും കൊണ്ടുണ്ടായ മനപ്രയാസമാണ് സുരേഷ്‌കുമാറിന്റേയും കുടുംബത്തിന്റേയും ജീവനെടുത്തത്. ഇതിലേക്ക് നയിച്ചത് സ്വകാര്യ കുറി പോലുള്ള അനധികൃതമായി നടത്തിയിരുന്ന പണമിടപാടുകളാണ്.
എരുമപ്പെട്ടി ജീവിതത്തിനും മരണത്തിനുമിടയില്‍ വൈഷ്ണവി കഴിഞ്ഞത് നാല് മണിക്കൂര്‍. കടങ്ങോട് കുടുംബത്തിന്റെ കൂട്ടമരണത്തില്‍ നിന്നു 8 വയസുകാരി വൈഷ്ണവി രക്ഷപ്പെട്ടത് കിണറിലെ വൈദ്യുതി മോട്ടോറിന്റെ കയറില്‍ തൂങ്ങി.
'തന്നെ കിണറ്റിലെറിയരുത് അച്ഛാ'യെന്ന വൈഷ്ണവിയുടെ നിലവിളി സുരേഷ്‌കുമാറിന്റെ ഹൃദയത്തില്‍ തറച്ചെങ്കിലും ഭാര്യയേയും മക്കളേയും കടങ്ങളുടെ ലോകത്ത് തനിച്ചാക്കി പോകില്ലായെന്ന ഉറച്ച തീരുമാനത്തിലായിരുന്നു ആ പിതാവ്. ഓടി രക്ഷപ്പെടാന്‍ ശ്രമിച്ച തന്റെ പിഞ്ചോമനയെ പിടിച്ച് കിണറ്റിലേക്ക് എറിയുമ്പോള്‍ ആ പിതാവ് ഇങ്ങനെ പറഞ്ഞുവത്രെ. 'മോളെ അച്ഛന് ഇഷ്ടമില്ലാഞ്ഞിട്ടല്ല... അച്ഛന് വേറെ മാര്‍ഗമില്ല.. മോളെ തനിച്ചാക്കി പോകാന്‍ അച്ഛന് കഴിയില്ല..' ഇത് പറയുമ്പോള്‍ അച്ഛന്‍ കരഞ്ഞിരുന്നുവെന്ന് വൈഷ്ണവി പറഞ്ഞു. ലോട്ടറി വിറ്റ് വരുമ്പോള്‍ തന്റെ പൊന്നുമക്കള്‍ക്ക് എന്നും പലഹാര പൊതിയുമായാണ് സുരേഷ്‌കുമാര്‍ വീട്ടിലെത്തിയിരുന്നത്. ഞായറാഴ്ച രാത്രിയില്‍ ഐസ്‌ക്രീം കൊണ്ടുവന്ന് കുട്ടികള്‍ക്ക് കൊടുത്ത സുരേഷ്‌കുമാര്‍ ഇതോടൊപ്പം കുട്ടികള്‍ക്ക് ഉറക്ക ഗുളികകള്‍ കൂടി നല്‍കുകയായിരുന്നു. വിരയ്ക്കുള്ള ഗുളികകളാണെന്ന് പറഞ്ഞാണ് കുട്ടികളെ കൊണ്ട് ഗുളികകള്‍ കഴിപ്പിച്ചത്. വൈഷ്ണവി ഗുളിക കഴിക്കാന്‍ തയ്യാറാകാത്തതിനാല്‍ ഐസ്‌ക്രീമില്‍ പൊടിച്ച് നല്‍കുകയായിരുന്നു. വൈഷ്ണവി ഉടന്‍ തന്നെ ഛര്‍ദ്ദിച്ചതിനാല്‍ ഗുളികയുടെ മയക്കം കുട്ടിക്ക് ഉണ്ടായില്ല. ഇതിന് ശേഷം രാത്രി 12-ഓടെയാണ് സുരേഷ് കുട്ടികളെ കിണറ്റില്‍ എറിഞ്ഞത്. പാതി മയക്കത്തിലായ മറ്റുകുട്ടികളെ കിണറ്റില്‍ എറിയുന്നതും അമ്മ ചാടുന്നതും കണ്ട് ഭയന്ന് മൂന്ന് തവണ കുതറി വീടിന് ചുറ്റും ഓടിയ വൈഷ്ണവിയെ സുരേഷ്‌കുമാര്‍ പിടികൂടി കിണറ്റില്‍ എറിയുകയായിരുന്നു. വെള്ളത്തില്‍ മുങ്ങി പൊങ്ങിയ വൈഷ്ണവിക്ക് കിണറിലെ മോട്ടോര്‍ കെട്ടിയിരുന്ന കയറില്‍ പിടിത്തം കിട്ടുകയായിരുന്നു. ജീവനും മരണത്തിനുമിടയില്‍ കയറില്‍ തൂങ്ങി ഏകദേശം നാല് മണിക്കൂര്‍ സമയമാണ് വൈഷ്ണവി കിണറില്‍ കഴിഞ്ഞത്. പുലര്‍ച്ചെ നടക്കാന്‍ ഇറങ്ങിയ നാട്ടുകാര്‍ കിണറില്‍ നിന്നു വൈഷണവിയുടെ കരച്ചില്‍ കേട്ടെത്തിയാണ് കുട്ടിയെ രക്ഷപ്പെടുത്തിയത്. സ്വന്തം അച്ഛന്റേയും അമ്മയുടേയും കൂടപ്പിറപ്പുകളുടേയും മരണം കണ്‍മുന്നില്‍ കണ്ട നടുക്കത്തില്‍ നിന്ന് ഈ എട്ട് വയസുകാരി ഇപ്പോഴും മോചിതയായിട്ടില്ല. അനാഥയാകപ്പെട്ട ഈ പൊന്നോമനയെ ആശ്വസിപ്പിക്കാന്‍ വാക്കുകള്‍ കിട്ടാതെ കണ്ണുനീര്‍ പൊഴിക്കുകയാണ് ബന്ധുക്കളും നാട്ടുകാരും.
കൊടുങ്ങല്ലൂര്‍ പ്രായപൂര്‍ത്തിയാകാത്ത പെണ്‍കുട്ടിയുമൊത്ത് സംശയകരമായ സാഹചര്യത്തില്‍ കണ്ടെത്തിയതിനെ തുടര്‍ന്ന് പോലീസ് അറസ്റ്റ് ചെയ്ത് ജുവനൈല്‍ ഹോമില്‍ കഴിയുന്ന ആണ്‍കുട്ടി പോലീസ് കാവലില്‍ ഹയര്‍ സെക്കന്ററി പരീക്ഷയെഴുതി.
തൃശൂര്‍ ജുവനൈല്‍ ഹോമില്‍ നിന്നു രണ്ട് പോലീസുകാരുടെ കാവലില്‍ എത്തിയ പ്ലസ് ടു വിദ്യാര്‍ത്ഥി സ്‌കൂള്‍ ഓഫീസിലിരുന്ന് പരീക്ഷയെഴുതി മടങ്ങി. ബന്ധുക്കള്‍ കുട്ടിയെ കാണാന്‍ എത്തിയിരുന്നു. കഴിഞ്ഞ ദിവസം എറിയാട് പ്രദേശത്ത് വീട്ടുകാര്‍ ഇല്ലാതിരുന്ന സമയത്ത് ഒരു വീട്ടില്‍ സംശയകരമായ സാഹചര്യത്തില്‍ കണ്ടെത്തിയ ഒരു പെണ്‍കുട്ടിയെയും, മൂന്ന് യുവാക്കളെയും നാട്ടുകാര്‍ പിടികൂടി പോലീസിലേല്‍ പ്പിക്കുകയായിരുന്നു. സംഭവത്തിലുള്‍പ്പെട്ട രണ്ട് പേരെ കോടതി റിമാന്‍ഡ് ചെയ്യുകയും പ്രായപൂര്‍ത്തിയാകാത്ത വിദ്യാര്‍ത്ഥിയെ ജുവനൈല്‍ ഹോമിലേക്ക് അയക്കുകയുമായിരുന്നു
മാള മാള മെറ്റ്‌സ് എഞ്ചിനീയറിങ്ങ് കോളേജില്‍ വിദ്യാര്‍ത്ഥികളുടെ സത്യഗ്രഹ സമരം.
മാനേജ്‌മെന്റ് വിദ്യാര്‍ത്ഥികളോട് വഞ്ചന കാണിച്ചുവെന്നാരോപിച്ചാണ് സമരം നടത്തുന്നത്. യൂണിവേഴ്‌സിറ്റി അംഗീകരിക്കാത്ത കമ്പ്യൂട്ടര്‍ കോഴ്‌സ് വിദ്യാര്‍ത്ഥികളുടെ മേല്‍ അടിച്ചേല്‍പ്പിച്ച് പണം വാങ്ങിയെന്ന് വിദ്യാര്‍ത്ഥികള്‍ ആരോപിച്ചു. കോഴ്‌സ് ഉപകാരപ്രദമല്ലെങ്കില്‍ പൈസ തിരിച്ച് കൊടുക്കാമെന്ന് മാനേജ്‌മെന്റ് വാക്കാല്‍ പറഞ്ഞെങ്കിലും നടപ്പാക്കിയില്ല. പ്രിന്‍സിപ്പാള്‍ രാജിവെയ്ക്കുക, ലഹരി ഉപയോഗിച്ച് ജാതിപ്പേര് പറഞ്ഞ് വിദ്യാര്‍ത്ഥികളെ ആക്ഷേപിക്കുന്ന അദ്ധ്യാപകര്‍ക്കെതിരെ നടപടിയെടുക്കുക, വിദ്യാര്‍ത്ഥികള്‍ക്കു നേരെയുള്ള മാനേജ്‌മെന്റിന്റെ പ്രതികാരനടപടികളും പീഢനങ്ങളും അവസാനിപ്പിക്കുക എന്നീ ആവശ്യങ്ങള്‍ ഉന്നയിച്ചാണ് നിരാഹാര സമരം നടത്തുന്നത്. വി.ആര്‍.അജിത് സമരം ഉദ്ഘാടനം ചെയ്തു.
പുതുക്കാട് സ്ത്രീകള്‍ക്കും കുട്ടികള്‍ക്കും നേരെയുള്ള അതിക്രമങ്ങള്‍, തൊഴില്‍ സ്ഥലത്തെ പീഡനങ്ങള്‍ എന്നിവ സംബന്ധിച്ചു പോലീസ് ഉദ്യോഗസ്ഥര്‍ക്ക് സെമിനാര്‍ സംഘടിപ്പിച്ചു.
നന്തിക്കരയില്‍ നടന്ന സെമിനാറില്‍ തൃശൂര്‍ സബ്ബ് ജഡ്ജി മുജീബ് റഹ്മാന്‍ ക്ലാസെടുത്തു. ഇരിങ്ങാലക്കുട, പുതുക്കാട് സബ് ഡിവിഷനുകളിലെ പോലീസ് ഉദ്യോഗസ്ഥര്‍ സെമിനാറില്‍ പങ്കെടുത്തു. റൂറല്‍ വനിത സെല്‍ സി.ഐ- പ്രസന്ന, വരന്തരപ്പിളളി എസ്.ഐ-എം.ഡി.അന്ന, പുതുക്കാട് അഡീഷണല്‍ എസ്.ഐ- വി.എസ്.സന്തോഷ് എന്നിവര്‍ സംസാരിച്ചു.
കൊടകര കൊടകര ബ്ലോക്ക് പഞ്ചായത്തിന്റെ ബജറ്റ് അവതരിപ്പിച്ചു.
35 കോടി 79 ലക്ഷത്തി 10,000 രൂപ വരവും 35 കോടി 75 ലക്ഷത്തി 68,000 രൂപ ചിലവും 3 കോടി 42,000 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് വൈസ് പ്രസിഡന്റ് മോഹനന്‍ ചള്ളിയില്‍ അവതരിപ്പിച്ചത്. കേന്ദ്ര-സംസ്ഥാന ഫണ്ടുകളില്‍ നിന്നു അഞ്ചേകാല്‍ കോടി രൂപയാണ് ചെറുകിട ജലസേചന പദ്ധതികള്‍ നടപ്പിലാക്കി കൃഷി വികസനത്തിന് ചിലവഴിക്കാന്‍ ലക്ഷ്യമിടുന്നത്. ഉഴിഞ്ഞാല്‍പാടം, മാഞ്ഞാംകുഴി തടയണകളുടെ പ്രവര്‍ത്തനങ്ങള്‍ക്കായി ഒരു കോടി ഇരുപത് ലക്ഷം രൂപയും, തൊഴിലുറപ്പ് പദ്ധതിക്കായി 11 കോടി 62 ലക്ഷം രൂപയും ചിലവഴിക്കും. ഭവന നിര്‍മ്മാണത്തിന് മൂന്നര കോടിയും, മറ്റത്തൂര്‍ സാമൂഹികാരോഗ്യ കേന്ദ്രത്തില്‍ ചികിത്സാ ഉപകരണങ്ങള്‍ വാങ്ങുന്നതിന് 19 ലക്ഷവും സമ്പൂര്‍ണ്ണ ശുചിത്വ യജ്ഞത്തിന് 23 ലക്ഷവും, മാലിന്യ സംസ്‌കരണത്തിന് 60 ലക്ഷവും ബജറ്റില്‍ ഉള്‍കൊള്ളിച്ചിട്ടുണ്ട്. ബ്ലോക്ക് പ്രസിഡന്റ് അമ്പിളി സോമന്‍, ബ്ലോക്ക് പഞ്ചായത്തംഗങ്ങള്‍, ഉദ്യോഗസ്ഥര്‍ എന്നിവരും പങ്കെടുത്തു.
തൃശൂര്‍ പ്രിന്‍സിപ്പാളിനെ അപകീര്‍ത്തിപ്പെടുത്തുന്ന പോസ്റ്ററുകളും മറ്റും കോളേജ് ചുമരുകളിലും പ്രിന്‍സിപ്പാളിന്റെ വീടിനു മുന്നിലായി പ്രത്യക്ഷപ്പെട്ടിരുന്നു.
ഇതേ വിഷയത്തിന്റെ പേരില്‍ ഭീഷണിപ്പെടുത്തലുകളും ഉണ്ടാകുന്നുണ്ടെന്ന് പ്രിന്‍സിപ്പാള്‍ പറഞ്ഞു. വ്യക്തമായ തെളിവോടെ തന്നെയാണ് സംഘര്‍ഷത്തിന് കാരണക്കാരായ വിദ്യാര്‍ത്ഥികള്‍ക്കെതിരെ നടപടി കൈക്കൊണ്ടതെന്നും നിലപാടില്‍ നിന്ന് പിന്നോട്ടില്ലെന്നും പ്രിന്‍സിപ്പാള്‍ മാധ്യമങ്ങളോട് പറഞ്ഞു. ആവശ്യമെങ്കില്‍ പുറത്താക്കപ്പെട്ട വിദ്യാര്‍ത്ഥികള്‍ക്ക് യൂണിവേഴ്‌സിറ്റിയെ സമീപിച്ച് അപ്പീല്‍ നല്‍കാമെന്നും പ്രിന്‍സിപ്പാള്‍ അറിയിച്ചു.
തൃശൂര്‍ തൃശൂര്‍ ഗവണ്‍മെന്റ് ലോ കോളേജില്‍ പുറത്താക്കിയ വിദ്യാര്‍ത്ഥികളെ തിരിച്ചെടുക്കണമെന്നാവശ്യപ്പെട്ട് എസ്.എഫ്.ഐ നടത്തുന്ന നിരാഹാര സമരം ശക്തമാകുന്നു.
കെ.എസ്.യു. വിദ്യാര്‍ത്ഥികളെ ക്ലാസില്‍ കയറി മര്‍ദ്ദിച്ച എസ്.എഫ്.ഐ പ്രവര്‍ത്തകരായ 9 വിദ്യാര്‍ത്ഥികളെ പ്രിന്‍സിപ്പാള്‍ അന്വേഷണ വിധേയമായി സസ്‌പെന്റ് ചെയ്യുകയും മൂന്നു പേരെ കോളേജില്‍ നിന്നു പുറത്താക്കുകയും ചെയ്തിരുന്നു. പുറത്താക്കിയ വിദ്യാര്‍ത്ഥികളെ തിരിച്ചെടുക്കണമെന്നാവശ്യപ്പെട്ടാണ് എസ്.എഫ്.ഐ 6 ദിവസമായി കോളേജില്‍ നിരാഹാര സമരം നടത്തുന്നത്. നിരാഹാര സമരം നടത്തുന്ന എസ്.എഫ്.ഐ സംസ്ഥാന കമ്മിറ്റിയംഗം മനു പുതിയമഠത്തെ ആരോഗ്യനില വഷളായതിനെ തുടര്‍ന്ന് ആശുപത്രിയിലേക്ക് മാറ്റി. പകരം ജില്ലാ വൈസ് പ്രസിഡന്റ് സോന കരീം നിരാഹാര സമരം തുടങ്ങി.
പുതുക്കാട് വരന്തരപ്പിള്ളി പഞ്ചായത്തിലെ പള്ളിക്കുന്ന് വടാന്തോള്‍ പ്രദേശത്ത് കുടിവെള്ളം ലഭ്യമാക്കണമെന്നാവശ്യപ്പെട്ട് ഒറ്റയാള്‍ സമരം.
വടാന്തോള്‍ സ്വദേശി താക്കോല്‍ക്കാരന്‍ ഡേവീസാണ് കുടിവെള്ളത്തിനായി നിരാഹാര സമരവുമായി രംഗത്തെത്തിയത്. വടാന്തോളില്‍ വഴിയരികിലാണ് ഡേവീസ് സമരം നടത്തുന്നത്. വരന്തരപ്പിള്ളി പഞ്ചായത്തിലെ വടാന്തോള്‍ ഉള്‍പ്പെടെയുള്ള ഉയര്‍ന്ന പ്രദേശങ്ങളിലെ നൂറുകണക്കിന് കുടുംബങ്ങള്‍ കുടിവെള്ളമില്ലാതെ ദുരിതത്തിലാണ്. കിണറുകള്‍ വറ്റിയതോടെ പണം കൊടുത്താണ് ഇവിടെയുള്ളവര്‍ കുടിവെള്ളം എത്തിക്കുന്നത്. വാട്ടര്‍ അതോറിറ്റിയുടെ പൊതു ടാപ്പുകള്‍ ഉണ്ടെങ്കിലും ഒന്നിടവിട്ട ദിവസങ്ങളില്‍ കുറച്ച് നേരം മാത്രമാണ് വെള്ളം ലഭിക്കുന്നത്. രൂക്ഷമായ കുടിവെള്ള ക്ഷാമം നേരിടുന്ന പ്രദേശത്ത് കുടിവെള്ളം എത്തിക്കണമെന്നാണ് ഡേവീസിന്റ ആവശ്യം.
ചാലക്കുടി ചാലക്കുടി നഗരസഭയുടെ ബജറ്റ് വൈസ് ചെയര്‍മാന്‍ വിത്സന്‍ പാണാട്ടുപറമ്പില്‍ അവതരിപ്പിച്ചു.
69 കോടി 37 ലക്ഷത്തി 88,178 രൂപ വരവും 66 കോടി 79 ലക്ഷത്തി 12,000 രൂപ ചിലവും 2 കോടി 58 ലക്ഷത്തി 76,178 രൂപ നീക്കിയിരിപ്പും പ്രതീക്ഷിക്കുന്നതാണ് ബജറ്റ്. ചാലക്കുടിയിലെ ഏറ്റവും പ്രധാനപ്പെട്ട ജലസ്രോതസായ പോട്ടച്ചിറ ഏറ്റെടുത്ത് സംരക്ഷിക്കുന്നതിന് 5 കോടി രൂപയാണ് ബജറ്റില്‍ ഉള്‍ക്കൊള്ളിച്ചത്. പോട്ടച്ചിറയുടെ കൈവഴിയായ പറയന്‍തോടും ഇതോടൊപ്പം കെട്ടി സംരക്ഷിക്കും. അനാഥമായ കൂടപ്പുഴയിലെ ഫാസ് ഓഡിറ്റോറിയം ഏറ്റെടുത്ത് കലാ-സാംസ്‌കാരിക കേന്ദ്രമാക്കുവാന്‍ 50 ലക്ഷം രൂപ മാറ്റിവച്ചു. സംസ്ഥാന സര്‍ക്കാര്‍ ഹൈടെക് മോഡലാക്കുന്ന ചാലക്കുടി ഗവണ്‍മെന്റ് ഹൈസ്‌കൂളിന്റെ നിര്‍മ്മാണ പ്രവര്‍ത്തനങ്ങള്‍ക്ക് ഒരു കോടി രൂപയും കോസ്‌മോസ് ക്ലബ്ബിന് സമീപം അന്താരാഷ്ട്ര നിലവാരമുള്ള സ്‌റ്റേഡിയത്തിന് സ്ഥലം ഏറ്റെടുക്കുന്നതിന് 3 കോടി രൂപയും പോട്ടറീസ് കമ്പനി പ്രവര്‍ത്തിച്ചിരുന്ന സ്ഥലത്തെ പാര്‍ക്ക് നിര്‍മ്മാണത്തിന് 4 ദശാംശം 80 കോടി രൂപയും ബജറ്റില്‍ നീക്കിവച്ചിട്ടുണ്ട്. നഗരസഭ പരധിയിലുള്ള വൃക്ക രോഗികള്‍ക്ക് സര്‍ക്കാര്‍ ആശുപത്രിയില്‍ സൗജന്യമായി ഡയാലിസിസ് നടത്തുന്ന പദ്ധതിക്കായി 30 ലക്ഷം രൂപ നീക്കിവച്ചു. ചെയര്‍പേഴ്‌സണ്‍ ഉഷാ പരമേശ്വരന്‍ യോഗത്തില്‍ അധ്യക്ഷത വഹിച്ചു.
കയ്പമംഗലം എടത്തിരുത്തി ഗ്രാമപഞ്ചായത്തിന്റെ കന്നുകുട്ടി പരിപാലന പദ്ധതിയുടെ ഭാഗമായി ക്ഷീര കര്‍ഷകര്‍ക്ക് കാലിത്തീറ്റ വിതരണം ചെയ്തു.
ഗ്രാമപഞ്ചായത്ത് പ്രസിഡന്റ് ബൈന പ്രദീപ് വിതരണോദ്ഘാടനം നിര്‍വ്വഹിച്ചു. വികസന കാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഗീത മോഹന്‍ദാസ് അധ്യക്ഷത വഹിച്ചു. പഞ്ചായത്തംഗങ്ങളായ അമ്പിളി പ്രിന്‍സ്, നൗമി പ്രസാദ്, വെറ്ററിനറി സര്‍ജന്‍ എന്‍.കെ.സന്തോഷ് എന്നിവര്‍ സംസാരിച്ചു.
നെടുപുഴ നെടുപുഴ വട്ടപ്പിന്നിയില്‍ വീടിന് മുന്നില്‍ നിര്‍ത്തിയിട്ടിരുന്ന ബൈക്ക് കത്തി നശിച്ച നിലയില്‍ കണ്ടെത്തി.
മാമ്പിള്ളി റെനീഷിന്റെ ബൈക്കാണ് കത്തിയ നിലയില്‍ കണ്ടെത്തിയ്ത. നെടുപുഴ പോലീസ് കേസെടുത്തു.
തൃശൂര്‍ തൃശൂര്‍ കെ.എസ്.ആര്‍.ടി .സി സ്റ്റാന്റില്‍ സീറ്റിനെ ചൊല്ലിയുള്ള തര്‍ക്കത്തിനിടെ കണ്ടക്ടറെ മര്‍ദ്ദിച്ച യുവാവിനെ തൃശൂര്‍ ഈസ്റ്റ് പോലീസ് അറസ്റ്റ് ചെയ്തു.
മൂവാറ്റുപുഴ സ്വദേശി മനു ജോര്‍ജാണ് പിടിയിലായത്. ഇന്ന് പുലര്‍ച്ചെയായിരുന്നു സംഭവം. കോയമ്പത്തൂരിലേക്കുള്ള യാത്രക്കിടെയാണ് തൃശൂര്‍ ഡിപ്പോയിലെ കണ്ടക്ടര്‍ സജീവിനെ യുവാവ് മര്‍ദ്ദിച്ചത്.
ചാവക്കാട് എടക്കഴിയൂര്‍ വളയന്‍തോട് വീട്ടുവളപ്പില്‍ നിന്ന് മലമ്പാമ്പിനെ പിടികൂടി.
വളയന്‍തോട് എടക്കാട്ടു രവീന്ദ്രന്റെ വീട്ടുവളപ്പില്‍ നിന്നാണ് അയല്‍വാസികള്‍ പാമ്പിനെ പിടികൂടിയത് . വിവരമറിയിച്ചതിനെ തുടര്‍ന്ന് ഫോറസ്റ്റ് ഉദ്യോഗസ്ഥരെത്തി പാമ്പിനെ കൊണ്ടുപോയി.
കുന്നംകുളം കേരള കോണ്‍ഗ്രസ് -എം ജില്ലാ വൈസ് പ്രസിഡന്റും സംസ്ഥാന കമ്മിറ്റി അംഗവുമായ സി.പി.പോള്‍ നിര്യാതനായി.
65 വയസായിരുന്നു. ഹൃദയാഘാതംമൂലം കുന്നംകുളം സ്വകാര്യ ആശുപത്രിയിലായിരുന്നു അന്ത്യം. ചെറുവത്തൂര്‍ ഒല്ലൂക്കാരന്‍ പൊറിഞ്ചു മാസ്റ്റര്‍ മകനാണ് സി.പി.പോള്‍. പോളിന് അന്ത്യോപചാരം അര്‍പ്പിക്കാന്‍ രാഷ്ട്രീയ പ്രമുഖരടക്കം നിരവധി പേര്‍ എത്തി. കേരള കോണ്‍ഗ്രസ് -എം ചെയര്‍മാന്‍ കെ.എം.മാണി ഉള്‍പ്പടെയുള്ള നേതാക്കള്‍ ആശുപത്രിയിലെത്തി അന്ത്യോപചാരം അര്‍പ്പിച്ചു. വൈസ് ചെയര്‍മാന്‍ ജോസ് കെ.മാണി എം.പി, ജനറല്‍ സെക്രട്ടറിമാരായ അഡ്വ.ജോയ് എബ്രഹാം,അഡ്വ തോമസ് ഉണ്ണിയാടന്‍, ജില്ലാ പ്രസിഡണ്ട് എം.ടി.തോമസ്, സെബാസ്റ്റ്യന്‍ ചൂണ്ടല്‍, സി.വി.കുര്യാക്കോസ് തുടങ്ങിയവര്‍ ആശുപത്രിയില്‍ എത്തിയിരുന്നു.
തൃശൂര്‍ തൃശൂര്‍ താലൂക്കില്‍ റേഷന്‍ മൊത്ത വിതരണം സ്വകാര്യ വ്യക്തിക്ക് അനുവദിച്ച നടപടി നിയമ വിരുദ്ധമാണെന്ന് ഓള്‍ കേരള റീട്ടെയില്‍ റേഷന്‍ ഡീലേഴ്‌സ് അസോസിയേഷന്‍ ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ പറഞ്ഞു.
ഹൈക്കോടതിയുടേയും സുപ്രീംകോടതിയുടേയും ഉത്തരവിനെ മറികടന്നാണ് സ്വകാര്യ വ്യക്തിക്ക് അനുമതി നല്‍കി സര്‍ക്കാര്‍ ഉത്തരവിറക്കിയത്. സംസ്ഥാനത്ത് തൃശൂര്‍ ജില്ലയില്‍ മാത്രമാണ് ഇത്തരമൊരു പുതിയ നടപടിയുള്ളതെന്നും ഈ വിഷയം നിയമസഭയില്‍ ഉന്നയിക്കാന്‍ ജില്ലയിലെ ഒരു എം.എല്‍.എയും തയ്യാറായിട്ടില്ലെന്നും ഭാരവാഹികള്‍ കുറ്റപ്പെടുത്തി. വാര്‍ത്താസമ്മേളനത്തില്‍ എ.ജി.രാമാനുജന്‍, കെ.ജി.വത്സരാജ്, സി.പി.ജോയ്, ഇ.എം.ഷൈജു എന്നിവര്‍ പങ്കെടുത്തു.
തൃശൂര്‍ ഭാരതീയ ഡവലപ്പ്‌മെന്റ് പാര്‍ട്ടി ജില്ലാ സമ്മേളനം ഏപ്രില്‍ 2, 3 തിയ്യതികളില്‍ തൃശൂരില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
2ന് തെക്കേ ഗോപുരനടയില്‍ നടക്കുന്ന പൊതുസമ്മേളനത്തോടെ സമ്മേളനത്തിന് തുടക്കമാകും. സമ്മേളനത്തിനായി 51 അംഗ സ്വാഗത സംഘം രൂപീകരിച്ചതായി ഭാരവാഹികള്‍ പറഞ്ഞു. വാര്‍ത്താസമ്മേളനത്തില്‍ എം.എന്‍.കുട്ടി, സുകുമാരമേനോന്‍, മകരം ബാബു, എം.ആര്‍.കൊട്ടാരക്കര, ചിറ്റാര്‍ പ്രസന്നന്‍, എന്നിവര്‍ പങ്കെടുത്തു.
ഇരിങ്ങാലക്കുട ഇരിങ്ങാലക്കുട നഗരസഭ ബജറ്റ് ചര്‍ച്ച, പ്രതിപക്ഷമായ എല്‍.ഡി.എഫിന്റെ പ്രതിഷേധത്തെ തുടര്‍ന്ന് നടന്നില്ല.
പൊളിച്ചിട്ടിരിക്കുന്ന ചാത്തന്‍മാസ്റ്റര്‍ ഹാളിനോട് നഗരസഭ കാണിക്കുന്ന അവഗണനയില്‍ പ്രതിഷേധിച്ച് കൗണ്‍സില്‍ യോഗം ചേര്‍ന്ന ഉടനെ എല്‍.ഡി.എഫ്. അംഗങ്ങള്‍ പ്ലക്കാര്‍ഡുമായി നടത്തളത്തിലിറങ്ങി. എന്നാല്‍ ചര്‍ച്ചയ്ക്ക് ശേഷമേ ഇക്കാര്യത്തില്‍ തീരുമാനമെടുക്കാനാകൂവെന്ന് യോഗത്തില്‍ അധ്യക്ഷത വഹിച്ച ചെയര്‍പേഴ്‌സണ്‍ നിമ്യ ഷിജു പറഞ്ഞു. തുടര്‍ന്ന് ചെയര്‍പേഴ്‌സന്റെ ഡയസിനു മുന്നില്‍ ഭരണ-പ്രതിപക്ഷാംഗങ്ങള്‍ തമ്മില്‍ തര്‍ക്കവും വാക്കേറ്റവും നടന്നു. ഇതിനിടയില്‍ കൗണ്‍സിലറും ചാത്തന്‍ മാസ്റ്ററുടെ മകനുമായ പി.സി.മുരളീധരനെ യു.ഡി.എഫ്. കൗണ്‍സിലര്‍ സുജ സജീവ്കുമാര്‍ കയ്യേറ്റം ചെയ്യാന്‍ ശ്രമിച്ചെന്ന് എല്‍.ഡി.എഫ്. ആരോപിച്ചു. എന്നാല്‍ മുരളീധരന്‍ തന്നെ കയ്യേറ്റം ചെയ്തുവെന്ന് സുജയും ആരോപിച്ചു. ബഹളം രൂക്ഷമായതോടെ യോഗം നിര്‍ത്തി വെച്ചതായി ചെയര്‍പേഴ്‌സണ്‍ അറിയിച്ചു. കയ്യേറ്റം നടന്നുവെന്ന ആരോപണവുമായി ബന്ധപ്പെട്ട് മുരളീധരനും സുജയും ഇരിങ്ങാലക്കുട പോലീസില്‍ പരാതി നല്‍കി.
കുന്നംകുളം കളഞ്ഞുകിട്ടിയ രണ്ടുപവന്റെ കൈചെയിന്‍ ഉടമസ്ഥന് തിരിച്ചു നല്‍കി യുവാവ് മാതൃകയായി.
കുന്നംകുളം ചെമ്മണ്ണൂര്‍ സ്വദേശിയായ മാമ്പുള്ളി വീട്ടില്‍ ഷൈജിത്താണ് തനിക്കു ലഭിച്ച രണ്ടു പവന്റെ കൈചെയിന്‍ ഉടമസ്ഥന് തിരികെ നല്‍കിയത്. വരവൂര്‍ സ്വദേശിയായ ആവശ്ശേരി വീട്ടില്‍ നിഖിലിന്റേതായിരുന്നു കൈച്ചെയിന്‍. ഇന്നലെ കുന്നംകുളം ആനായ്ക്കലില്‍ വിവാഹ നിശ്ചയത്തിനെത്തിയപ്പോള്‍ ശ്രീനാരായണ ഹാളില്‍ വെച്ചാണ് കൈചെയിന്‍ നഷ്ടപ്പെട്ടത്. ഇതേ ചടങ്ങിനെത്തിയ ഷൈജിത്തിന് കൈചെയിന്‍ കിട്ടിയതിനെ തുടര്‍ന്ന് ഇന്നലെ തന്നെ കുന്നംകുളം പോലീസില്‍ ഏല്‍പ്പിച്ചിരുന്നു. ഇന്ന് രാവിലെ ആനായ്ക്കലിലെത്തി കൈചെയിന്‍ തെരയുന്നതിനിടയിലാണ് ആഭരണം പോലീസ് സ്റ്റേഷനിലേല്‍പ്പിച്ചെന്ന വിവരം നിഖില്‍ അറിയുന്നത്. തുടര്‍ന്ന് ഷൈജിത്തിനെയും സ്റ്റേഷനിലേക്ക് വിളിച്ചു വരുത്തി പോലീസുകാരുടെ സാന്നിധ്യത്തില്‍ നിഖിലിന് കൈചെയിന്‍ കൈമാറുകയായിരുന്നു.
തൃശൂര്‍ കെ.എസ്.ഇ.ബി കരാര്‍ തൊഴിലാളി ഫെഡറേഷന്‍ നടത്തുന്ന സംസ്ഥാന സമര പ്രചാരണ ജാഥ തൃശൂരിലെത്തി.
കോട്ടപ്പുറം വൈദ്യുതി ഭവനിലെത്തിയ സമര പ്രചാരണജാഥയ്ക്ക് ഫെഡറേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ സ്വീകരണം നല്‍കി. ജാഥാ ക്യാപ്റ്റനായ ഫെഡറേഷന്‍ ജനറല്‍ സെക്രട്ടറി ഇ.അബ്ദുള്‍ ലത്തീഫ്, വൈസ് ക്യാപ്റ്റന്‍ ജയ ജയഘോഷ്, ജാഥാ മാനേജര്‍ ആര്‍.പത്മകുമാര്‍, ഫെഡറേഷന്‍ ജില്ലാ പ്രസിഡന്റ് എം.ആര്‍.ജോസഫ്, സെക്രട്ടറി മനേഷ് തുടങ്ങിയവര്‍ സംസാരിച്ചു. തമിഴ്‌നാട് മാതൃകയില്‍ കെ.എസ്.ഇ.ബിയില്‍ കരാര്‍ തൊഴില്‍ സംരക്ഷ നിയമം കൊണ്ടു വരണമെന്നാവശ്യപ്പെട്ട് നടത്തുന്ന സമര പ്രചാരണ ജാഥ ഈ മാസം 31ന് തിരുവനന്തപുരം ചീഫ് എഞ്ചിനീയര്‍ ഓഫീസിന് മുന്നില്‍ സമാപിക്കും. ഏപ്രില്‍ 27, 28 തിയതികളില്‍ സെക്രട്ടറിയേറ്റ് പടിക്കല്‍ തൊഴിലാളികള്‍ 25 മണിക്കൂര്‍ കൂട്ട നിരാഹാര സത്യഗ്രഹവും നടത്തും.
പാമ്പാടി പാമ്പാടി നെഹ്‌റു കോളേജിലെ വിദ്യാര്‍ത്ഥി ജിഷ്ണു പ്രണോയിയുടെ ദുരൂഹ മരണവുമായി ബന്ധപ്പെട്ട് പ്രതികളുടെ സ്വത്തുക്കള്‍ കണ്ടുകെട്ടാന്‍ പോലീസ് നീക്കം തുടങ്ങി.
മുന്നാം പ്രതിയും വൈസ് പ്രിന്‍സിപ്പാളുമായ ശക്തിവേല്‍, നാലാം പ്രതി പ്രവീണ്‍ എന്നിവരുടെ സ്വത്തുക്കള്‍ കണ്ടുകെട്ടാനാണ് പ്രത്യേക അന്വേഷണ സംഘം നീക്കം ആരംഭിച്ചത്. അതിനിടെ ജിഷ്ണു പ്രണോയിയുടെ മാതാവ് മഹിജ ഡി.ജി.പി. യുടെ ഓഫീസിന് മുന്നില്‍ ആരംഭിക്കാനിരുന്ന നിരാഹാരസമരം താല്‍കാലികമായി മാറ്റി. പ്രതികളെ ഒരാഴ്ചക്കകം പിടികൂടാമെന്ന് ഡി.ജി.പി. അറിയിച്ചതിനെ തുടര്‍ന്നാണ് നിരാഹര സമരം മാറ്റിയത്. പ്രതികളെ ഉടന്‍ പിടികൂടിയില്ലെങ്കില്‍ ഏപ്രില്‍ 5 മുതല്‍ സമരം ആരംഭിക്കുമെന്ന് ജിഷ്ണുവിന്റെ മാതാപിതാക്കള്‍ അറിയിച്ചു. അതേസമയം ജിഷ്ണു കേസിലെ ഒന്നാം പ്രതിയും കോളേജ് ചെയര്‍മാനുമായ കൃഷ്ണദാസ്, രണ്ടാം പ്രതി സഞ്ജിത്ത് വിശ്വനാഥന്‍ എന്നിവര്‍ക്ക് ഹൈക്കോടതി മുന്‍കൂര്‍ ജാമ്യം നല്‍കിയതിനെതിരെ അന്വേഷണ സംഘം തിങ്കളാഴ്ച സുപ്രീം കോടതിയില്‍ ഹര്‍ജി നല്‍കും.
തൃശൂര്‍ ശ്രീരാമ നവമി മഹോത്സവത്തിന്റെ ഭാഗമായി കൊല്ലൂരില്‍ നിന്ന് കന്യാകുമാരി വരെ നടത്തുന്ന ശ്രീരാമനവമി രഥയാത്രയ്ക്ക് തൃശൂരില്‍ സ്വീകരണം നടത്തി.
പാറമേക്കാവ് ക്ഷേത്രത്തിന് മുന്നില്‍ എത്തിയ രഥയാത്രയ്ക്ക് പാറമേക്കാവ് ദേവസ്വം പ്രസിഡന്റ് സതീഷ് മേനോന്‍, ശ്രീരാമനവമി ആഘോഷ സമിതി അധ്യക്ഷന്‍ മോഹന്‍ മേനോന്‍, എം.പി. സുകുമാരന്‍, കോര്‍പ്പറേഷന്‍ കൗണ്‍സിലര്‍മാരായ കെ. മഹേഷ്, വി. രാവുണ്ണി, വിന്‍ഷി അരുണ്‍കുമാര്‍, ലളിതാംബിക, ഹിന്ദു ഐക്യവേദി ജില്ലാ സെക്രട്ടറി കേശവദാസ് തുടങ്ങിയവര്‍ സ്വീകരിച്ചു. തിങ്കളാഴ്ച ജില്ലയിലെ വിവിധ സ്ഥലങ്ങളില്‍ പര്യടനം നടത്തുന്ന രഥയാത്ര ഏപ്രില്‍ 3ന് ചെങ്കോട്ടുകോണം ശ്രീരാമദാസാശ്രമത്തില്‍ സമാപിക്കും. ഏപ്രില്‍ 4ന് ശ്രീരാമനവമി ആഘോഷവും ഹിന്ദുമഹാസമ്മേളനവും നടക്കും.
വലപ്പാട് ഫെയ്‌സ്ബുക്കിലൂടെ പ്രധാനമന്ത്രി നരേന്ദ്രമോദിയേയും, മാതാ അമൃതാനന്ദമയിയേയും അപകീര്‍ത്തിപ്പെടുത്തുന്ന തരത്തില്‍ പരാമര്‍ശം നടത്തിയ എ.എസ്.ഐ. യെ ജില്ലാ റൂറല്‍ എസ്.പി. അന്വേഷണ വിധേയമായി സസ്‌പെന്റ് ചെയ്തു.
വലപ്പാട് പോലീസ് സ്റ്റേഷനിലെ എ.എസ്.ഐ. - ആന്റോയെയാണ് റൂറല്‍ എസ്.പി. - എന്‍. വിജയകുമാര്‍ അന്വേഷണ വിധേയമായി സസ്‌പെന്റ് ചെയ്തത്. സ്‌പെഷല്‍ ബ്രാഞ്ചിന്റെ റിപ്പോര്‍ട്ടിനെ തുടര്‍ന്നാണ് സസ്‌പെന്‍ഷന്‍.
തൃശൂര്‍ ലാസ്യ അക്കാദമിയുടെ ആഭിമുഖ്യത്തില്‍ സംഗീത നാടക അക്കാദമി റീജണല്‍ തിയ്യറ്ററില്‍ ലാസ്യോത്സവം അരങ്ങേറി.
രണ്ടു ദിവസമായി സംഘടിപ്പിച്ച ലാസ്യോത്സവത്തില്‍ കലാമണ്ഡലം വീണാ വാര്യരുടെ മോഹിനിയാട്ടം അരങ്ങേറി. കേന്ദ്ര സംഗീത നാടക അക്കാദമിയുടെയും, ദേശീയ ഫിലിം സെന്‍സര്‍ ബോര്‍ഡിന്റെയും മുന്‍ അദ്ധ്യക്ഷ പത്മശ്രീ ലീലാ സാംസണും സംഘവും അവതരിപ്പിച്ച നദി എന്ന നൃത്താവതരണം ശ്രദ്ധേയമായി. ലാസ്യോത്സവത്തിന്റെ ആദ്യദിനം കലാമണ്ഡലം ഗോപിയുടെ കഥകളി അരങ്ങേറി.
കൊടുങ്ങല്ലൂര്‍ കൊടുങ്ങല്ലൂരിലെ എട്ട് കോടിരൂപയുടെ നിക്ഷേപ തട്ടിപ്പില്‍ ക്രൈംബ്രാഞ്ച് അന്വേക്ഷണം ആരംഭിച്ചു.
തട്ടിപ്പുമായി ബന്ധപ്പെട്ട പരാതിക്കാരില്‍ നിന്ന് ക്രൈംബ്രാഞ്ച് സാമ്പത്തിക വിഭാഗം ഡിവൈ.എസ്.പി. -ടി.പി.ഷംസിന്റെ നേതൃത്വത്തിലുളള അന്വേഷണ സംഘം തെളിവെടുപ്പ് നടത്തി.
തൃശൂര്‍ ലോക നാടകോത്സവത്തിന്റെ ഭാഗമായി തൃശൂര്‍ രംഗചേതനയുടെ ആഭിമുഖ്യത്തില്‍ പ്രഭാഷണവും നാടകാവതരണവും ഒരുക്കി.
അയ്യന്തോള്‍ സിവില്‍ലൈന്‍ പാര്‍ക്കില്‍ സംഘടിപ്പിച്ച ചടങ്ങില്‍ എന്‍.എന്‍. പിള്ളയുടെ 'ഞാന്‍ സ്വര്‍ഗത്തില്‍ അഥവാ ഒരു ഭയങ്കര നാടകം' എന്ന നാടകാവതരണവുമുണ്ടായിരുന്നു. പ്രേംകുമാര്‍ ശങ്കരന്‍ സംവിധാനം ചെയ്ത നാടകം രംഗചേതന ദളം - 13 സംഘമാണ് അരങ്ങിലെത്തിച്ചത്.
തൃശൂര്‍ കേരള പ്രവാസി സംഘം സംസ്ഥാന കമ്മിറ്റി യോഗം തൃശൂരില്‍ ചേര്‍ന്നു.
പ്രവാസി പെന്‍ഷന്‍ വര്‍ദ്ധിപ്പിച്ച ഇടതുപക്ഷ സര്‍ക്കാരിനെ സംഘം അഭിനന്ദിച്ചു. അതേസമയം ബജറ്റില്‍ ഔപചാരികമായി പെന്‍ഷന്‍ വര്‍ദ്ധനവ് പ്രഖ്യാപിച്ചിട്ടുണ്ടെങ്കിലും ഇതിന്റെ നിയമ നടപടികള്‍ അടിയന്തിരമായി പൂര്‍ത്തീകരിക്കണമെന്നും സംഘം സര്‍ക്കാരിനോട് ആവശ്യപ്പെട്ടു. രാമനിലയത്തില്‍ ചേര്‍ന്ന യോഗത്തില്‍ കേരള പ്രവാസി സംഘം വൈസ് പ്രസിഡന്റ് എം.സി. അബു അധ്യക്ഷത വഹിച്ചു. സംഘം സംസ്ഥാന ജനറല്‍ സെക്രട്ടറി കെ.വി. അബ്ദുള്‍ഖാദര്‍ എം.എല്‍.എ. യോഗത്തില്‍ റിപ്പോര്‍ട്ട് അവതരിപ്പിച്ചു.
നടത്തറ നടത്തറയില്‍ വീടിനുള്ളില്‍ കുടുങ്ങിയ നാലാം ക്ലാസ് വിദ്യാര്‍ത്ഥിയെ ഫയര്‍ഫോഴ്‌സ് രക്ഷപ്പെടുത്തി.
വീടിനകത്ത് കളിച്ച് കൊണ്ടിരുന്ന വിദ്യാര്‍ത്ഥി അബദ്ധത്തില്‍ മുറിയില്‍ കയറി വാതിലടയ്ക്കുകയായിരുന്നു. വാതില്‍ തുറക്കാനാകാതെ മുറിക്കകത്ത് കുടുങ്ങിയ കുട്ടി നിലവിളിച്ചതിനെ തുടര്‍ന്നാണ് വീട്ടുകാര്‍ സംഭവം അറിഞ്ഞത്. തുടര്‍ന്ന് തൃശൂരില്‍ നിന്നു ഫയര്‍ഫോഴ്‌സ് എത്തി വാതില്‍ തുറന്നാണ് കുട്ടിയെ പുറത്തെത്തിച്ചത്.
പുതുക്കാട് നെന്‍മണിക്കര പഞ്ചായത്തിലെ പുലക്കാട്ടുകരയില്‍ പ്രവര്‍ത്തിക്കുന്ന കാറ്ററിംഗ് സ്ഥാപനത്തിനും പശു ഫാമിനും അധികൃതര്‍ സ്‌റ്റോപ്പ് മെമ്മോ നല്‍കി.
നാട്ടുകാരുടെ പരാതിയെ തുടര്‍ന്നാണ് സ്‌റ്റോപ്പ് മെമ്മോ നല്‍കിയത്. പശു ഫാമില്‍ നിന്നുള്ള മാലിന്യങ്ങള്‍ പുറത്തേക്ക് ഒഴുക്കി വിടുന്നത് മൂലം സമീപത്തെ കിണറുകള്‍ മലിനപെട്ടിരുന്നു. വെള്ളം കുടിക്കാന്‍ കഴിയാതെ വന്നതോടെ നാട്ടുകാര്‍ പ്രതിഷേധവുമായി രംഗത്തെത്തുകയായിരുന്നു. പഞ്ചായത്തിന്റെയോ, ആരോഗ്യ വകുപ്പിന്റെയോ ലൈസന്‍സ് ഇല്ലാതെയാണ് ഫാം പ്രവര്‍ത്തിക്കുന്നതെന്ന് നാട്ടുകാര്‍ പറഞ്ഞു. ഫാമില്‍ നിന്നുള്ള ചാണകവും മൂത്രവും സമീപത്തെ പറമ്പുകളിലേക്കാണ് തള്ളിവിടുന്നത്. കിണറുകളില്‍ മാലിന്യം അലിഞ്ഞിറങ്ങിയതോടെ വെള്ളം കുടിക്കാന്‍ പറ്റാത്ത സ്ഥിതിയിലായെന്ന് സമീപവാസികള്‍ പറയുന്നു. മറ്റിടങ്ങളില്‍ നിന്നു വെള്ളം കൊണ്ടുവന്നാണ് ഇവര്‍ ഉപയോഗിക്കുന്നത്. ഫാമിനോട് ചേര്‍ന്ന് പ്രവര്‍ത്തിക്കുന്ന കാറ്ററിംഗ് സ്ഥാപനത്തില്‍ നിന്നു മാലിന്യങ്ങള്‍ സമീപത്തുള്ള മണലി പുഴയിലേക്ക് വലിച്ചെറിയുന്നതായും നാട്ടുകാര്‍ ആരോപിച്ചു. വൃത്തിഹീനമായ സാഹചര്യത്തിലാണ് സ്ഥാപനം പ്രവര്‍ത്തിക്കുന്നതെന്ന് ആരോഗ്യ വകുപ്പ് അധികൃതരുടെ പരിശോധനയില്‍ കണ്ടെത്തിയിരുന്നു. ഇതേ തുടര്‍ന്നാണ് അധികൃതര്‍ സ്‌റ്റോപ്പ് മെമ്മോ നല്‍കിയത്. വര്‍ഷങ്ങളായി പഞ്ചായത്തിന്റെ ലൈസന്‍സ് ഇല്ലാതെയാണ് കാറ്ററിംഗ് സ്ഥാപനം പ്രവര്‍ത്തിച്ചിരുന്നതെന്ന് പഞ്ചായത്ത് പ്രസിഡന്റ് ഷീല മനോഹരന്‍ അറിയിച്ചു.
അന്തിക്കാട് ശ്രീനാരായണ ധര്‍മ്മ പരിപാലന യോഗം മനക്കൊടി ശാഖയുടെ മന്ദിരത്തില്‍ ഗുദേവന്റെ പഞ്ചലോഹ വിഗ്രഹ പ്രതിഷ്ഠ നടത്തി.
ശിവഗിരി മഠത്തിലെ ഗുരുപ്രസാദ സ്വാമികളുടെ സാന്നിധ്യത്തില്‍ സലീഷ് തന്ത്രികള്‍ പ്രതിഷ്ഠാ ചടങ്ങുകള്‍ നിര്‍വ്വഹിച്ചു. പുരുഷോത്തമന്‍ മേനോത്തുപറമ്പില്‍ മണ്ഡപ സമര്‍പ്പണം നടത്തി. തുടര്‍ന്നു നടന്ന പൊതുയോഗം എസ്.എന്‍.ഡി.പി. പെരിങ്ങോട്ടുകര യൂണിയന്‍ സെക്രട്ടറി അഡ്വ.കെ.സി.സതീശന്‍ ഉദ്ഘാടനം ചെയ്തു. ശാഖാ പ്രസിഡന്റ് സുരേന്ദ്രന്‍ കരയാംപറമ്പില്‍ അദ്ധ്യക്ഷത വഹിച്ചു. എസ്.എന്‍.ഡി.പി. പെരിങ്ങോട്ടുകര യൂണിയന്‍ പ്രസിഡന്റ് സൂര്യപ്രമുഖന്‍, ശാഖ സെക്രട്ടറി അശോകന്‍ കുറുവത്ത്, കെ.കെ.സതീഷ് കുമാര്‍ തുടങ്ങിയവര്‍ സംസാരിച്ചു.
ചേര്‍പ്പ് ചേര്‍പ്പ് ചെറുവത്തേരി അഞ്ചാംകല്ലില്‍ റോഡ് മുറിച്ച് കടക്കുന്നതിനിടെ കാറിടിച്ച് പരിക്കേറ്റ് ചികിത്സയിലായിരുന്ന വൃദ്ധന്‍ മരിച്ചു.
ചെറുവത്തേരി സ്വദേശി വടക്കൂട്ട് വീട്ടില്‍ 77 വയസുള്ള ഗോപിനാഥനാണ് മരിച്ചത്. ശനിയാഴ്ചയായിരുന്നു അപകടം.
ചേര്‍പ്പ് ചേര്‍പ്പ് ഊരകം അമ്മത്തിരുവടി ക്ഷേത്രത്തിലെ നവീകരിച്ച ക്ഷേത്ര ഊട്ടുപുരയുടെ ഉദ്ഘാടനവും ശ്രീ വലിയാധീശ്വരി സുവര്‍ണ മുദ്ര സമര്‍പ്പണവും നടത്തി.
കൊച്ചിന്‍ ദേവസ്വം ബോര്‍ഡ് പ്രസിഡന്റ് ഡോ.എം.കെ.സുദര്‍ശന്‍ ഊട്ടുപുരയുടെ സമര്‍പ്പണം നിര്‍വ്വഹിച്ചു. ശ്രീ വലിയാധീശ്വരി സുവര്‍ണ മുദ്ര പദ്മശ്രീ അഡ്വ.സി.കെ മേനോന്റെ ഭാര്യ നല്‍കി. കൊച്ചിന്‍ ദേവസ്വം ബോര്‍ഡ് അംഗങ്ങളായ കെ.എന്‍ ഉണ്ണികൃഷ്ണന്‍, അഡ്വ. ടി.എന്‍ അരുണ്‍കുമാര്‍, അഡ്വ.എ.യു.രഘുരാമ പണിക്കര്‍ എന്നിവര്‍ പങ്കെടുത്തു. സ്‌പെഷല്‍ ദേവസ്വം കമ്മീഷണര്‍ ആര്‍.ഹരി, കൊച്ചിന്‍ ദേവസ്വം ബോര്‍ഡ് സെക്രട്ടറി വി.എ ഷീജ, ഊരകം ദേവസ്വം ഓഫീസര്‍ കെ.രാമകൃഷ്ണന്‍ തുടങ്ങിയവര്‍ സംസാരിച്ചു.
പുന്നയൂര്‍ക്കുളം പുന്നയൂര്‍ക്കുളം കിഴക്കെ ചെറായി സ്വാന്തനം ചാരിറ്റബിള്‍ സൊസൈറ്റിയുടെ ആഭിമുഖ്യത്തില്‍ കാന്‍സറും, പ്രതിരോധ മാര്‍ഗങ്ങളും എന്ന വിഷയത്തെ ആസ്പദമാക്കി ബോധവല്‍ക്കരണ പരിപാടി നടത്തി.
പുന്നയൂര്‍ക്കുളം പഞ്ചായത്ത് പ്രസിഡണ്ട് എ.ഡി ധനീപ് ഉദ്ഘാടനം ചെയ്തു. സാന്ത്വനം ചാരിറ്റബിള്‍ സൊസൈറ്റി പ്രസിഡണ്ട് റാഫി തോട്ടുങ്ങല്‍ അധ്യക്ഷത വഹിച്ചു. വടക്കേക്കാട് എസ്.ഐ- പി.കെ.മോഹിത് മുഖ്യാതിഥിയായിരുന്നു. റിട്ടേര്‍ഡ് പ്രൊഫ. ഡോ. പി.സി.സുധീരന്‍ ക്ലാസെടുത്തു. വന്നേരി ഹയര്‍ സെക്കണ്ടറി സ്‌കുള്‍ പ്രധാനാധ്യാപകന്‍ കുഞ്ഞിമോന്‍, വിളക്കേരി എ.എം.എല്‍.പി സ്‌കുള്‍ പ്രധാനാധ്യാപിക വി ഡി.റീന തുടങ്ങിയവര്‍ പങ്കെടുത്തു.
പുതുക്കാട് വരന്തരപ്പിള്ളി ചലനം ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബിന്റെയും കിഡ്‌നി ഫെഡറേഷന്‍ ഓഫ് ഇന്ത്യയുടെയും സംയുക്താഭിമുഖ്യത്തില്‍ വരന്തരപ്പിള്ളിയില്‍ സൗജന്യ വൃക്ക രോഗ നിര്‍ണയ ക്യാമ്പ് സംഘടിപ്പിച്ചു.
െ്രെകംബ്രാഞ്ച് ഡിവൈ.എസ്.പി - പി.ബി. പ്രശോഭ് ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് ഔസേഫ് ചെരടായി അധ്യക്ഷത വഹിച്ചു. ഗ്രാമ പഞ്ചായത്ത് വൈസ് പ്രസിഡന്റ് സുധിനി രാജീവ്, ബ്ലോക്ക് പഞ്ചായത്തംഗങ്ങളായ കലാപ്രിയ സുരേഷ്, ജോളി ചുക്കിരി എന്നിവര്‍ സംസാരിച്ചു.
ഗുരുവായൂര്‍ ഗുരുവായൂര്‍ പോലീസ് സ്റ്റേഷനിലെത്തുന്നവരെ വരവേല്‍ക്കുന്നത് മനോഹരമായ പൂവാടിയാണ്. വ്യത്യസ്ത ഇനങ്ങളില്‍പ്പെട്ട ഇരുനൂറോളം ചെടികളാണിവിടെ പൂത്തുലഞ്ഞ് സൗരഭ്യം പരത്തി നില്‍ക്കുന്നത്.
ഗുരുവായൂര്‍ പോലീസ് സ്റ്റേഷന് മുന്നില്‍ മനോഹരമായ പൂവാടിയൊരുക്കിയതിന് പിന്നിലെ കരങ്ങള്‍ സ്റ്റേഷന്‍ ഓഫിസറായ എസ്.ഐ-ബിജുവിന്റേതാണ്. ബിജുവിന്റെ സംരക്ഷണത്തിലും പരിപാലനത്തിലുമാണ് കണ്ടാണശേരിയിലെ സ്റ്റേഷന് മുന്നില്‍ പൂവാടി പൂത്തുലഞ്ഞ് നില്‍ക്കുന്നത്. സ്വന്തം വീട് പോലെ സ്റ്റേഷനും ഈ സ്റ്റേഷന്‍ ഓഫീസര്‍ പരിപാലിക്കുന്നു എന്നതിന്റെ പ്രത്യക്ഷ ഉദാഹരണം കൂടിയാണീ ഉദ്യാനം. പോലീസും പോലീസ് സ്റ്റേഷനും ജനങ്ങളുടെ പേടി സ്വപ്നങ്ങളായി നിലകൊള്ളേണ്ടതല്ലെന്നും അവ കൂടുതല്‍ ജനകീയമാകണണമെന്നുമുള്ള ബോധ്യത്തില്‍ നിന്നാണ് ഈ ഉദ്യാനത്തിന്റെ പിറവി. പ്രവേശന കാവാടത്തിന് ഇരു ഭാഗത്തും ഇരുനൂറിലേറെ പൂച്ചെടികളാണുള്ളത്. നാട്ടുപൂക്കളായ തെച്ചിക്കും ചെമ്പരത്തിക്കും പുറമെ വിദേശയിനങ്ങളായ ജര്‍ബറ, യൂഫോര്‍ബിയ തുടങ്ങീ പൂക്കളും സ്റ്റേഷന് അലങ്കാരം ചൊരിയുന്നു. കഴിഞ്ഞ രണ്ടു മാസത്തോളമായി സ്റ്റേഷനിലെത്തുന്നവര്‍ ഈ പൂക്കളുടെ മനോഹാരിത ആസ്വദിച്ച് നിന്നുപോകാറുണ്ട്. ഇവ നനയ്ക്കുന്നതും വളമിടുന്നതും എസ്.ഐ.-ബിജുതന്നെയാണ്. നിയമപാലനവും ഉദ്യാനപാലനവും ചേര്‍ത്തു കൊണ്ടുപോകാന്‍ ഈ യുവ പൊലീസ് ഓഫിസര്‍ക്ക് കഴിയുന്നുണ്ട്. രാവിലെ ആറോടെ ബിജു നേരെയത്തുന്നത് സ്റ്റേഷനിലെ ചെടികള്‍ക്ക് വെള്ളമൊഴിക്കാനാണ്. ഇതിന് വേണ്ട വളത്തിനും മറ്റു ചിലവുകളും വഹിക്കുന്നത് സ്വന്തം പോക്കറ്റിലെ പണംതന്നെയാണ്. നിയമപാലനത്തിനിടയില്‍ വീണ് കിട്ടുന്ന ഒഴിവു സമയങ്ങളില്‍ ഇദ്ദേഹം പി.എസ്.സി പരിശീലനം നല്‍കാറുണ്ട്. ഇതിന് പ്രതിഫലമായി അദ്ദേഹം സ്വീകരികരിക്കുന്നത് സ്റ്റേഷനെ മനോഹരമാക്കാനുള്ള ചെടികളാണ്. നേരത്തെ പഞ്ചായത്ത് ജീവനക്കാരനായി പ്രവര്‍ത്തിച്ചിരുന്ന ബിജു രണ്ട് വര്‍ഷം മുമ്പാണ് പൊലീസിന്റെ കാക്കിയണിഞ്ഞത്. മതിലകം സ്‌റ്റേഷനിലായിരുന്നു ആദ്യ നിയമന. അവിടെ നിന്നാണ് ഗുരുവായൂരിലേക്കെത്തിയത്. ബിജു പള്ളിമണ്‍ എന്ന പേരില്‍ നിരവധി പുസ്തകങ്ങളും ഇദ്ദേഹം എഴുതിയിട്ടുണ്ട്. എഴുത്തുകാരനും അധ്യാപകനും നിയമപാലകനുമൊക്കെ സമ്മേളിക്കുന്ന വ്യക്തിത്വത്തിനുടമായ ബിജുവിന്റെ മനസില്‍ വിരിഞ്ഞ ആശയമാണ് സ്റ്റേഷന് മുന്നില്‍ ഇപ്പോള്‍ പൂത്തുലഞ്ഞുനില്‍ക്കുന്ന ഉദ്യാനം. പരാതിയുമായി സ്റ്റേഷനിലെത്തുന്നവരുടെ മാനസിക പിരിമുറുക്കത്തിന് ഉദ്യാനം ഒരു പരിധിവരെ സഹായകമാവുമെന്നും അവരുടെ സംതൃപ്തിയാണ് തന്നെ സന്തോഷവാനാക്കുന്നതെന്നും ബിജു പറഞ്ഞു. (ബൈറ്റ്). ഒരിക്കലെങ്കിലും ഈ പൂവാടി സന്ദര്‍ശിച്ചവര്‍ ഇത് മാതൃകയാക്കാന്‍ ശ്രമിക്കുമെന്നുറപ്പാണ്. ഇതിന്റെ ചുവടുപിടിച്ച് ഗുരുവായൂര്‍ ടെമ്പിള്‍ സ്റ്റേഷനിലും ഇപ്പോള്‍ ചെടികള്‍ കിളിര്‍ത്ത് തുടങ്ങിയിട്ടുണ്ട്.
മാള ചരിത്രവും സംസ്‌കാരവും ഇഴചേര്‍ന്ന കരിങ്ങോള്‍ചിറയില്‍ ആശയും ആവേശവും പകര്‍ന്ന് കരിമീന്‍ ഫെസ്റ്റ് സംഘടിപ്പിച്ചു.
കരിങ്ങോള്‍ചിറ ജനകീയ കൂട്ടായ്മയുടെ നേതൃത്വത്തിലാണ് ഫെസ്റ്റ് സംഘടിപ്പിച്ചത്. ചിറയിലെ മത്സ്യ സമ്പത്ത് അപകടകരമായ നിലയില്‍ കുറഞ്ഞതിന്റെ പശ്ചാത്തലത്തില്‍് പുറത്ത് നിന്ന് കരിമീന്‍ വാങ്ങി കറിവെച്ച് കപ്പയും ചേര്‍ത്ത് സൗജന്യമായി വിതരണം ചെയ്തായിരുന്നു ഫെസ്റ്റ്. മത്സ്യ സമ്പത്ത് വീണ്ടെടുക്കുന്നതിനുള്ള നടപടി സ്വീകരിക്കാന്‍ അധികൃതരുടെ ഭാഗത്ത് നിന്ന് അനുകൂല നിലപാട് ഉണ്ടാകുന്നത് ലക്ഷ്യമിട്ടാണ് ഇത്തരത്തില്‍ ഫെസ്റ്റ് ഒരുക്കിയത്. പരമ്പരാഗത മത്സ്യബന്ധന രീതികളില്‍ നിന്ന് മാറി അടക്കംകൊല്ലി പോലുള്ള പുതിയ മാര്‍ഗം സ്വീകരിച്ചതോടെയാണ് മത്സ്യ സമ്പത്ത് അന്യമായത്. കരിമീന്‍ ഫെസ്റ്റ് കാണാനും ഫെസ്റ്റില്‍ വിതരണം ചെയ്ത കരിമീന്‍ കറിയും കപ്പയും കഴിയ്ക്കാനും നൂറുകണക്കിന് പേരാണ് ചിറയില്‍ എത്തിയത്. അഡ്വ.വി.ആര്‍.സുനില്‍കുമാര്‍ എം.എല്‍.എ. ഫെസ്റ്റ് ഉദ്ഘാടനം ചെയ്തു. അടക്കംകൊല്ലി മത്സ്യബന്ധന രീതി നിരോധിക്കുമെന്ന് ചടങ്ങില്‍ അധ്യക്ഷത വഹിച്ച പുത്തന്‍ചിറ ഗ്രാമപഞ്ചായത്ത് പ്രസിഡണ്ട് കെ.വി.സുജിത്ത്‌ലാല്‍ അറിയിച്ചു. ഗ്രാമപഞ്ചായത്ത് വൈസ് പ്രസിഡണ്ട് ബീന സുധാകരന്‍, വാര്‍ഡ് അംഗം പി.ഐ.നിസാര്‍, മാങ്കപ്പാടത്ത് സാലി സജീര്‍, യു.കെ.വേലായുധന്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ വാക്കുതര്‍ക്കത്തിനിടയിലുണ്ടായ സംഘട്ടനത്തില്‍ യുവാവിന് പരിക്കേറ്റു.
കൊടുങ്ങല്ലൂര്‍ ഉഴുവത്ത് കടവ് സ്വദേശി ആഷിക്കിനാണ് മര്‍ദ്ദനമേറ്റത്. പരിചയക്കാര്‍ തമ്മിലുണ്ടായ തര്‍ക്കം മര്‍ദ്ദനത്തില്‍ അവസാനിക്കുകയായിരുന്നു. ഇരുമ്പ് വടികൊണ്ടുള്ള അടിയേറ്റ ആഷിക്കിനെ കൊടുങ്ങല്ലൂര്‍ മെഡികെയര്‍ ആശുപത്രിയില്‍ പ്രവേശിപ്പിച്ചു
ഇരിങ്ങാലക്കുട ഇരിങ്ങാലക്കുട കാട്ടൂരിലുള്ള സ്വാശ്രയനിലയം, സേവാ ഭാരതി ഏറ്റെടുത്തു.
ആര്‍.എസ്.എസ്. സംസ്ഥാന സഹസേവാ പ്രമുഖ് സി.കെ.ചന്ദ്രന്‍ ചടങ്ങ് ഉദ്ഘാടനം ചെയ്തു. സ്വാശ്രയ നിലയം പ്രസിഡന്റ് എം.കെ.ഗോപന്‍, രേഖകള്‍ സേവാ ഭാരതിക്ക് കൈമാറി. സേവാ ഭാരതി ഇരിങ്ങാലക്കുട പ്രസിഡന്റ് പി.കെ.ഉണ്ണികൃഷ്ണന്‍ അധ്യക്ഷത വഹിച്ചു. പഞ്ചായത്തംഗം ധീരജ് തേറാട്ടില്‍, യു.എന്‍.ഹരിദാസ് തുടങ്ങിയവര്‍ സംസാരിച്ചു. മാനസികവും ശാരീരികവുമായ വെല്ലുവിളി നേരിടുന്ന കുട്ടികള്‍ക്കായി 20 വര്‍ഷത്തോളമായി കാട്ടൂരില്‍ പ്രവര്‍ത്തിക്കുന്ന സ്ഥാപനമാണ് സ്വാശ്രയ നിലയം.
ഗുരുവായൂര്‍ താരദമ്പതികളായ ദിലീപും, കാവ്യാമാധവനും ഗുരുവായൂര്‍ ക്ഷേത്രത്തില്‍ ദര്‍ശനം നടത്തി.
ഞായറാഴ്ച പുലര്‍ച്ചെ നിര്‍മ്മാല്യം തൊഴാനാണ് ഇരുവരും എത്തിയത്. ദിലീപിന്റെ മകള്‍ മീനാക്ഷിയും ഒപ്പമുണ്ടായിരുന്നു.
ചാവക്കാട് ജില്ലയിലെ മികച്ച അംഗന്‍വാടിക്കുള്ള അവാര്‍ഡ് ലഭിച്ച ചാവക്കാട് 107-ാം നമ്പര്‍ അംഗന്‍വാടിയിലെ അധ്യാപിക രുഗ്മണിയേയും ഹെല്‍പ്പര്‍ പ്രേമയേയും വാര്‍ഡ് കമ്മിറ്റിയുടെ നേതൃത്വത്തില്‍ അനുമോദിച്ചു.
കെ.വി.അബ്ദുള്‍ ഖാദര്‍ എം.എല്‍.എ അധ്യക്ഷത വഹിച്ചു. ഉപാധ്യക്ഷ മഞ്ജുഷ സുരേഷ്, സ്ഥിരം സമിതി അധ്യക്ഷരായ എ.എ. മഹേന്ദ്രന്‍, കെ.എച്ച്.സലാം എന്നിവര്‍ സംസാരിച്ചു.
ചേര്‍പ്പ് ചേര്‍പ്പ് ഗ്രാമപഞ്ചായത്തിന്റെ നേതൃത്വത്തില്‍ വിവിധ ക്ലബ്ബുകള്‍ക്ക് സ്‌പോര്‍ട്‌സ് കിറ്റുകള്‍ വിതരണം ചെയ്തു.
പഞ്ചായത്ത് പ്രസിഡന്റ് സി.കെ.വിനോദ് വിതരണോദ്ഘാടനം നിര്‍വ്വഹിച്ചു. വൈസ് പ്രസിഡന്റ് സുജിഷ കള്ളിയത്ത് അധ്യക്ഷത വഹിച്ചു. വിവിധ സ്റ്റാന്റിംഗ് കമ്മിറ്റി അധ്യക്ഷരായ വി.എ.ഹരിദാസ്, ഹസീന അക്ബര്‍, പഞ്ചായത്തംഗങ്ങള്‍ തുടങ്ങിയവര്‍ സംസാരിച്ചു. 2015-16 വര്‍ഷങ്ങളിലെ കേരളോത്സവ വിജയികള്‍ക്കുള്ള സമ്മാന വിതരണവും ഇതോടൊപ്പം നടന്നു.
പാവറട്ടി പാവറട്ടി സെന്റ് ജോസഫ് തീര്‍ത്ഥ കേന്ദ്രത്തില്‍ സെന്റ് വിന്‍സെന്റ് ഡി പോള്‍ സംഘടനയുടെ നേതൃത്വത്തില്‍ വയോജന സംഗമം നടത്തി.
തീര്‍ത്ഥ കേന്ദ്രവികാരി ഫാ.ജോസഫ് പൂവ്വത്തൂകാരന്‍ ഉദ്ഘാടനം ചെയ്തു. വയോജന സംഗമത്തില്‍ പങ്കെടുത്തവരില്‍ ഏറ്റവും പ്രായം ചെന്ന പൊറുത്തൂര്‍ പൗലോസ് ചടങ്ങില്‍ അധ്യക്ഷനായിരുന്നു. അതിരൂപതാ കരിസ്മാറ്റിക് മൂവ്‌മെന്റ് ഡയറക്ടര്‍ ഫാ സജീവ് ഇമ്മട്ടി മുഖ്യ പ്രഭാഷണം നടത്തി. ഫാ. റോജോ എലുവത്തിങ്കല്‍, ഫാ. ബെന്നി കൈപ്പുള്ളി പറമ്പന്‍, ട്രസ്റ്റി ടി.ടി ജോസ്, പ്രസിഡണ്ട് ജേക്കബ് കുണ്ടുകുളം എന്നിവര്‍ സംസാരിച്ചു. വൈസ് പ്രസിഡണ്ട് സി.ജെ ജോസഫ്, സെക്രട്ടറി ബെന്നിയാ ഡെല്ലി, ഓ.ജെ.ജസ്റ്റിന്‍ തുടങ്ങിയവര്‍ പങ്കെടുത്തു. സംഗമത്തില്‍ പങ്കെടുത്തവര്‍ക്കെല്ലാം സമ്മാനങ്ങളും വിതരണം ചെയ്തു.
പുതുക്കാട് കൊടകരയിലെ ബീവറേജസ് കോര്‍പ്പറേഷന്‍ വില്‍പന കേന്ദ്രം പോങ്കോത്രയിലേക്ക് മാറ്റുന്നതിനെതിരെ ജനകീയ മാര്‍ച്ച് നടത്തി.
ജനവാസ കേന്ദ്രത്തില്‍ മദ്യവില്പന കേന്ദ്രം വരുന്നതിനെതിരെ ആനന്ദപുരം പോങ്കോത്ര ജനകീയ സമിതിയുടെ നേതൃത്വത്തിലായിരുന്നു മാര്‍ച്ച്. പറപ്പൂക്കര, മുരിയാട് പഞ്ചായത്തുകളില്‍ നിന്നായി ആയിരത്തിലേറെ പേര്‍ പ്രകടനത്തില്‍ പങ്കെടുത്തു. തുടര്‍ന്നു നടന്ന യോഗം ജില്ലാ പഞ്ചായത്തംഗം ടി.ജി.ശങ്കരനാരായണന്‍ ഉദ്ഘാടനം ചെയ്തു. പറപ്പൂക്കര പഞ്ചായത്ത് പ്രസിഡന്റ് കാര്‍ത്തിക ജയന്‍ അധ്യക്ഷത വഹിച്ചു. ബ്ലോക്ക് പഞ്ചായത്തംഗങ്ങളായ നളിനി ബാലകൃഷ്ണന്‍, മനോഹരന്‍, അമ്പിളി സജീവന്‍ എന്നിവര്‍ സംസാരിച്ചു.
പുഴയ്ക്കല്‍ പുഴയ്ക്കല്‍ പാടത്ത് എം.എല്‍.എ. റോഡിനോട് ചേര്‍ന്നുള്ള പാലക്കുഴി കുളത്തിലെ കയ്യേറ്റം നാട്ടുകാരുടെ നേതൃത്വത്തില്‍ ഒഴിവാക്കി തോട് ശുചീകരിച്ചു.
കോലഴി പഞ്ചായത്തില്‍ ഉള്‍പ്പെടുന്ന പാലക്കുഴികുളം സ്വകാര്യ വ്യക്തി കയ്യേറിയിരുന്നു. പാലക്കുഴി ആക്ഷന്‍ കമ്മിറ്റിയുടെ നേതൃത്വത്തിലാണ് കയ്യേറ്റം ഒഴിവാക്കി തോട് വൃത്തിയാക്കിയത്. ആക്ഷന്‍ കമ്മിറ്റി ഭാരവാഹികളായ അഡ്വ. ദേവദാസ്, ഡേവീസ് കണ്ണനായ്ക്കല്‍, വാര്‍ഡ് പ്രതിനിധികളായ പി.ജി. ഉണ്ണികൃഷ്ന്‍, ആലീസ് എന്നിവര്‍ പങ്കെടുത്തു.
തൃശൂര്‍ ഈമാസം 30ന് നടത്താന്‍ നിശ്ചയിച്ചിരുന്ന മോട്ടോര്‍ വാഹന പണിമുടക്ക് 31ലേക്ക് മാറ്റി.
റദ്ദാക്കിയ എസ്.എസ്.എല്‍.സി. കണക്ക് പരീക്ഷ 30ന് നടത്താന്‍ നിശ്ചയിച്ചതിനെ തുടര്‍ന്നാണ് സംസ്ഥാന വ്യാപകമായി മോട്ടോര്‍ വാഹന തൊഴിലാളികള്‍ 30ന് നടത്താന്‍ നിശയിച്ചിരുന്ന പണിമുടക്ക് 31ലേക്ക് മാറ്റിയത്. ഏപ്രില്‍ 1 മുതല്‍ ഇന്‍ഷൂറന്‍സ് പ്രീമിയം 50 ശതമാനം വര്‍ധിപ്പിച്ച കേന്ദ്ര സര്‍ക്കാരിന്റെ നടപടിയില്‍ പ്രതിഷേധിച്ചാണ് പണിമുടക്ക്.
വിയ്യൂര്‍ വിയ്യൂര്‍ ജയിലില്‍ പോലീസ് സംഘം മിന്നല്‍ പരിശോധന നടത്തി.
ജയിലില്‍ തടവുകാര്‍ ലഹരി പദാര്‍ത്ഥങ്ങള്‍ ഉപയോഗിക്കുന്നതായും മൊബൈല്‍ ഫോണ്‍ ഉപയോഗിക്കുന്നതായുമുളള പരാതികളെ തുടര്‍ന്നാണ് റെയ്ഡ് നടത്തിയത്. ഗുരുവായൂര്‍ എ.സി.പി.-പി.ശിവദാസന്‍, മുകന്ദപുരം തഹസില്‍ദാര്‍ എന്നിവര്‍ റെയ്ഡിന് നേതൃത്വം നല്‍കി. രാവിലെ 8ന് ആരംഭിച്ച റെയ്ഡ് വൈകീട്ട് 4 വരെ തുടര്‍ന്നു. പരിശോധനയില്‍ ഒന്നും കണ്ടെത്താനിയില്ല. 2 സി.ഐമാര്‍, മൂന്ന് എസ്.ഐ മാര്‍ ഉള്‍പ്പെടെ അന്‍പതോളം പോലീസുകാര്‍ റെയ്ഡില്‍ പങ്കെടുത്തു. ജയിലിലെ സി.സി.ടി.വി. കാമറകള്‍ പലതും കേടായി കിടക്കുന്നതായി അന്വേഷണ സംഘം കണ്ടെത്തി. അതേസമയം ഡോഗ് സ്‌ക്വാഡിന്റെയോ ബോംബ് സ്‌ക്വാഡിന്റേയോ സഹായമില്ലാതെ പോലീസ് നടത്തിയ പരിശോധന വേണ്ടത്ര ഗുണം ചെയ്തില്ലെന്ന് ആക്ഷേപം ഉണ്ട്.
തൃപ്രയാര്‍ നാട്ടിക ചെമ്മാപ്പിള്ളി നാല് സെന്റ് കോളനിയില്‍ രാത്രിയില്‍ വീടിന്റെ വൈദ്യുതി ബന്ധം വിച്ഛേദിച്ച് സ്ത്രീകളുടെ മാല കവര്‍ന്ന സംഭവം പുതിയ വഴിത്തിരിവിലേക്ക്. മോഷണം പോയതായി പറയുന്ന പതിനൊന്നര പവന്റെ താലിമാല ഉള്‍പ്പെടെ വീട്ടില്‍ നിന്ന് പൊലീസ് കണ്ടെടുത്തു. പൊലീസ് പൂട്ടി സീല്‍ ചെയ്ത് പിന്നീട് തുറന്നു കൊടുത്ത കിടപ്പുമുറിയില്‍ നിന്ന് വീട്ടുകാര്‍ തന്നെയാണ് മോഷണം പോയ സ്വര്‍ണമാല പൊലീസിന് കൈമാറിയത്.
കഴിഞ്ഞ ദിവസം രാത്രി എഴേമുക്കാലോടെയാണ് നാട്ടിക ചെമ്മാപ്പിള്ളി നാല് സെന്റ് കോളനിയില്‍ അജ്ഞാതന്‍ സ്ത്രീകളെ ആക്രമിച്ച് പതിമൂന്നോളം പവന്റെ ആഭരണങ്ങള്‍ കവര്‍ന്നതായി പുറത്തറിയുന്നത്. നാല് സെന്റ് കോളനി സ്വദേശി പാടത്ത് വീട്ടില്‍ ഉമ്മറിന്റെ വീട്ടിലായിരുന്നു മോഷണം. ഉമ്മറിന്റെല മൂത്തമരുമകള്‍ നാഷിദ നിഷാദിന്റെ ഒന്നര പവന്‍, ഇളയ മരുമകള്‍ സജന നജീബിന്റെ ഒന്നര പവന്റെ താലിമാല ഉള്‍പ്പെടുന്ന പതിനൊന്നര പവന്റെവ മാല എന്നിവ മോഷണം പോയെന്നായിരുന്നു പരാതി. വിവരമറിഞ്ഞ് ഉടനതന്നെ വലപ്പാട് എസ്‌ഐ-മഹേഷ്‌കുമാര്‍ കണ്ടമ്പേത്തും സംഘവും, പിന്നാലെ മാധ്യമ പ്രവര്‍ത്തകരും സ്ഥലത്തെത്തി. ഉമ്മറും, മകന്‍ നിഷാദും രാത്രി എഴേമുക്കാലോടെ വീടിന് പുറത്തേക്കിറങ്ങിയതിന് പിന്നാലെ സംഭവം നടന്നതെന്നായിരുന്നു പരാതി. ഇളയ മരുമകള്‍ സജന കുട്ടിയെ കുളിപ്പിക്കാന്‍ പോകും മുമ്പ് തന്റെ പതിനൊന്നര പവന്റെ മാല കിടപ്പു മുറിക്കകത്തെ മേശക്ക് മുകളില്‍ വെച്ചു. ഇതിനിടെ വീടിന്റെ വൈദ്യുതി ബന്ധം വിച്ഛേദിക്കപ്പെട്ടു. വീട്ടില്‍ ഇടക്ക് ഫ്യൂസ് തകരാറിലാകുന്നതായും താന്‍ തന്നെയാണ് ഫ്യൂസ് ശരിയാക്കാറെന്നായിരുന്നു മൂത്ത മരുമകള്‍ പറഞ്ഞത്. വീടിന് പുറത്തെത്തിയപ്പോഴാണ് അടുത്ത വീടുകളില്‍ വൈദ്യുതി ഉള്ളതായി മനസിലാക്കുന്നത്. ഇതിനിടെ വരാന്തയില്‍ നിന്നിരുന്ന തന്റെ ഒന്നരപവന്റെ മാല അജ്ഞാതന്‍ പൊട്ടിച്ചെടുക്കുകയായിരുന്നുവെന്നും ഇവര്‍ പൊലീസിനോടും മാധ്യമ പ്രവര്‍ത്തകരോടും പറഞ്ഞിരുന്നു. പിന്നീട് വൈദ്യുതി ബന്ധം പുനസ്ഥാപിച്ചതിന് ശേഷമാണ് മുറിക്കകത്ത് സൂക്ഷിച്ചിരുന്ന പതിനൊന്നര പവനും നഷ്ടപ്പെട്ടതായി മനസിലാക്കിയതെന്നായിരുന്നു പരാതി. ഇതേ തുടര്‍ന്ന് പൊലീസിനൊപ്പം നാട്ടുകാരും രാത്രിയില്‍ തന്നെ സ്ഥലത്ത് തിരച്ചില്‍ നടത്താന്‍ എത്തിയിരുന്നു. സംഭവത്തിന്റെ തുടക്കത്തില്‍ തന്നെ പൊലീസ് സംശയമുണ്ടായതിനാല്‍ മണിക്കൂറോളം സമയമെടുത്ത് ഇവരില്‍ നിന്ന് മാറിമാറി മൊഴിശേഖരിച്ചു. തുടര്‍ന്ന് തൃശൂരില്‍ നിന്ന് വിരലടയാള വിദഗ്ധര്‍ തെളിവ് ശേഖരണം നടത്തിയതിന് പിന്നാലെയാണ് പുതിയ വഴിത്തിരിവുണ്ടായത്. കഴിഞ്ഞദിവസം രാത്രി പൊലീസ് പൂട്ടി സീല്‍ ചെയ്ത മുറി വിരലടയാള വിദഗ്ധര്‍ തെളിവ് ശേഖരിച്ചതിന് പിന്നാലെ തുറന്നിട്ടിരുന്നു. ഇതിനുശേഷം പുറത്തേക്കിറങ്ങിയ എസ്‌ഐ, വീട്ടുകാരോട് വിരലടയാള ശേഖരണത്തിനും, ആവശ്യമെങ്കില്‍ നുണപരിശോധനക്ക് സഹകരിക്കണമെന്നും അഭ്യര്‍ത്ഥിച്ചു. െതാട്ടുപിന്നാലെ കിടപ്പുമുറിയില്‍ നിന്ന് കാണാതായ പതിനൊന്നര പവന്റെ മാല കണ്ടുകിട്ടിയെന്ന് നാഷിദയുടെ ഭര്‍ത്താവ് നിഷാദ് പൊലീസിനെ അറിയിക്കുകയായിരുന്നു. നാഷിദയുടെ മോഷണം പോയ ഒന്നര പവന്റെ മാലയുടെ ഒരുഭാഗം മുറ്റമടിക്കുന്നതിനിടെ കണ്ടെടുത്തതായും ഇവര്‍ പൊലീസിനെ അറിയിച്ചു. സംഭവത്തില്‍ ശക്തമായ അന്വേഷണവുമായി മുന്നോട്ടു പോകുമെന്ന് എസ്‌ഐ -മഹേഷ്‌കുമാര്‍ കണ്ടമ്പേത്ത് പറഞ്ഞു. നിലവില്‍ വീട്ടുകാരെ ചുറ്റിപറ്റിയാണ് അന്വേഷണം പുരോഗമിക്കുന്നത്.
കൊടുങ്ങല്ലൂര്‍ കൊടുങ്ങല്ലൂര്‍ ലാറ്റിന്‍ കാത്തലിക് ഹിസ്റ്ററി അസോസിയേഷന്‍ പുറത്തിറക്കുന്ന 'ഡിവൈന്‍ സെഞ്ച്വറീസ്' ചരിത്ര ഡി.വി.ഡി. പ്രകാശനവും സംവിധായകന്‍ മോഹന്‍രൂപ് അനുസ്മരണവും തൃശൂരില്‍ നടന്നു.
തിരുഹൃദയ ലത്തീന്‍ പള്ളി ഹാളില്‍ നടന്ന അനുസ്മരണ ചടങ്ങ് സംവിധായകന്‍ സിബി മലയില്‍ ഉദ്ഘാടനം ചെയ്തു. സിനിമാതാരം മിത്ര കുര്യന്‍ ഡിവൈന്‍ സെഞ്ച്വറീസ് ചരിത്ര ഡി.വി.ഡി. പ്രകാശനം ചെയ്തു. സിനിമാതാരം ആദിത്യ ഏറ്റുവാങ്ങി. കോട്ടപ്പുറം രൂപതാ ബിഷപ്പായ ഡോ. ജോസഫ് കാരിക്കശേരി അധ്യക്ഷത വഹിച്ചു. ഫാ. റോക്കി കളത്തില്‍, ഫാ. ജോഷിമുട്ടിക്കല്‍, ഷാജി ജോര്‍ജ്ജ്, ഫാ. ജോബി കാട്ടാശേരി തുടങ്ങിയവര്‍ സംസാരിച്ചു.കേരള ക്രൈസ്തവ സഭയുടെയും മുസിരിസിന്റെയും ചരിത്രമുള്‍പ്പടെ ഡിവൈന്‍ സെഞ്ച്വറീസ് ഡോക്യുഫിക്ഷന്‍ സംവിധാനം ചെയ്തത് മോഹന്‍രൂപ് ആണ്. കൊടുങ്ങല്ലൂര്‍ ലാറ്റിന്‍ കാത്തലിക് ഹിസ്റ്ററി അസോസിയേഷനാണ് ഡി.വി.ഡി. നിര്‍മ്മിച്ചിരിക്കുന്നത്.
എല്‍ത്തുരുത്ത് എല്‍ത്തുരുത്ത് സെന്റ് മേരീസ് ആശ്രമ ഇടവക ദേവാലയത്തിലെ 150-ാം വര്‍ഷത്തിലേക്ക് കടന്ന 40 മണിക്കൂര്‍ ആരാധന സമാപിച്ചു.
സമാപനത്തോടനുബന്ധിച്ച് ഞായറാഴ്ച ഉച്ചതിരിഞ്ഞ് 3ന് നടന്ന ആഘോഷമായ ദിവ്യബലിക്ക് സി.എം.ഐ. പ്രിയോര്‍ ജനറാള്‍ ഡോ.ഫാ. പോള്‍ അച്ചാണ്ടി മുഖ്യ കാര്‍മ്മികനായി. തുടര്‍ന്ന് ബിഷപ്പ് മാര്‍ ജോസഫ് പാസ്റ്റര്‍ നീലങ്കാവിന്റെ നേതൃത്വത്തില്‍ എല്‍ത്തുത്ത് കപ്പേള ജംഗ്ഷനിലേക്ക് നടന്ന ദിവ്യകാരുണ്യ പ്രദക്ഷിണം ദേവാലയത്തിലെത്തി സമാപിച്ചു. തുടര്‍ന്ന് ദിവ്യകാരുണ്യ ആശീര്‍വാദവും ഉണ്ടായി. സമാപനത്തോടനുബന്ധിച്ച് വിശ്വാസികള്‍ക്കായി സ്‌നേഹ വിരുന്നും ഭക്തി ഗാനമേളയും സംഘടിപ്പിച്ചിരുന്നു. 1866ല്‍ വിശുദ്ധ ചാവറ കുര്യാക്കോസ് ഏലിയാസച്ചന്‍ സ്ഥാപിച്ച ആശ്രമ ദേവാലയത്തില്‍ 1868 മുതലാണ് 50 നോമ്പില്‍ 40 മണിക്കൂര്‍ ആരാധന ആരംഭിച്ചത്.
വടക്കാഞ്ചേരി വടക്കാഞ്ചേരി പീഡനക്കേസുമായി ബന്ധപ്പെട്ട് ഇരയുടെ മൊഴി പ്രത്യേക അന്വേഷണ സംഘം വീണ്ടും എടുത്തു.
എ.എസ്.പി.- ജി.പൂങ്കുഴലിയുടെ നേതൃത്വത്തില്‍ തൃശൂര്‍ പി.ഡബ്ല്യൂ.ഡി റസ്റ്റ് ഹൗസില്‍ വെച്ചാണ് പ്രത്യേക അന്വേഷണ സംഘം മൊഴിയെടുത്തത്. രാവിലെ 10.30ന് തുടങ്ങിയ മൊഴിയെടുക്കല്‍ ഉച്ചയ്ക്ക് ശേഷം തുടരുകയാണ്.
കുന്നംകുളം പെരുമ്പിലാവ് നായാടി കോളനിയിലെ പ്രദീപിനും കുടുംബത്തിനും ചോര്‍ന്നൊലിക്കാത്ത വീട്ടില്‍ ഇനി അന്തിയുറങ്ങാം.
കാഞ്ഞിരത്തിങ്കല്‍ ഫ്രണ്ട്‌സ് ക്ലബിന്റെ നന്മയില്‍ വീട്ടില്‍ വൈദ്യുതിയുമെത്തി. കാട്ടകാമ്പാല്‍ ഗ്രാമപഞ്ചായത്ത് കാഞ്ഞിരത്തിങ്കല്‍ 14-ാം വാര്‍ഡിലെ നായാടി കോളനിയിലെ പ്രദീപിന് പട്ടിക ജാതി വികസന വകുപ്പില്‍ നിന്ന് ലഭിച്ച മുന്നരലക്ഷം രൂപ ചിലവഴിച്ചാണ് പുതിയ വീട് നിര്‍മ്മിച്ചിട്ടുള്ളത്. പഴയ ഷീറ്റു മേഞ്ഞ ചോര്‍ന്നൊലിക്കുന്ന വീട്ടില്‍ ഭീതിയോടെയാണ് കുടുംബം കഴിഞ്ഞിരുന്നത.് വൈദ്യുതി പോലും ഇല്ലാതിരുന്ന വീട്ടില്‍ പ്രദീപും ഭാര്യയും മൂന്ന് കുട്ടികളും അടങ്ങുന്ന കുടുംബത്തിന്റെ ദുരവസ്ഥ മനസിലാക്കിയ വാര്‍ഡ് അംഗം അനിത മുരളിയും മുന്‍ വാര്‍ഡ് അംഗം എം.എ.അബ്ദുല്‍ റഷീദുമാണ് കുടുംബത്തിനായുള്ള ധന സഹായം ലഭ്യമാക്കാന്‍ പരിശ്രമിച്ചത്. വീട് നിര്‍മ്മാണം പൂര്‍ത്തിയായെങ്കിലും വൈദ്യുതികരിക്കുന്നതിനുള്ള തുക ലഭിച്ചിരുന്നില്ല. കുടുംബത്തിന്റെ ബുദ്ധിമുട്ട് തിരിച്ചറിഞ്ഞ കാഞ്ഞിരത്തിങ്കല്‍ ഗുഡ് ഫ്രണ്ട്‌സ് ഇലക്ട്രിക്കല്‍ പ്രവര്‍ത്തികള്‍ വീട് വൈദ്യുതീകരണവും പൂര്‍ത്തിയാക്കി. ഇതിന്റെ സ്വിച്ച് ഓണ്‍ കര്‍മം വാര്‍ഡ് മെമ്പര്‍ അനിത മുരളി നിര്‍വഹിച്ചു.
കൊടുങ്ങല്ലൂര്‍ തൊഴിലാളി ക്ഷേമനിധി പെന്‍ഷനേഴ്‌സ് അസോസിയേഷന്‍ ജില്ലാ കണ്‍വെന്‍ഷന്‍ കൊടുങ്ങല്ലൂരില്‍ നടന്നു.
എ.ഐ.സി.ടി.യു സംസ്ഥാന ജനറല്‍ സെക്രട്ടറി കെ.കെ.ചന്ദ്രന്‍ ഉദ്ഘാടനം ചെയ്തു. ടി.എ.ശങ്കര്‍ അധ്യക്ഷത വഹിച്ചു. പി.കെ.സായ്, വി.വി.രാജേന്ദ്രന്‍, എം.വി.കുഞ്ഞുകുഞ്ഞ് എന്നിവര്‍ സംസാരിച്ചു.
ചാലക്കുടി അക്വ പൊളിക്‌സ് കൃഷിയിലൂടെ ശ്രദ്ധേയനാവുകയാണ് ചാലക്കുടി കുറ്റിക്കാട് സ്വദേശി മേലേപ്പുഴ ഡെന്നീസ് എന്ന യുവാവ്.
വീടിനു ഓരംചേര്‍ന്നു വെറും മൂന്നുസെന്റ് സ്ഥലത്ത് മത്സ്യം വളത്തുകയും അനുബന്ധമായി പച്ചക്കറികൃഷി നടത്തുകയും ചെയ്യുകയാണ് ഈ മുപ്പത്തിരണ്ടുകാരന്‍. പുതിയ കൃഷി തുടങ്ങിയിട്ട് 6 മാസം തികയുന്നു. മത്സ്യങ്ങളെ വളര്‍ത്തുന്ന ടാങ്കിലെ വെള്ളത്തിലേക്ക് കൂടുതല്‍ ഓക്‌സിജന്‍ കടത്തിവിട്ട് ഇതേ വെള്ളം വീണ്ടും പച്ചക്കറി കൃഷിക്ക് ഉപയോഗിക്കുന്ന സംവിധാനമാണ് വീട്ടുമുറ്റത്തെ ലഘുപദ്ധതിയിലൂടെ നടപ്പാക്കുന്നത്. മത്സ്യങ്ങളുടെ ഉപയോഗത്തിന് ശേഷമുള്ള വെള്ളമായതിനാല്‍ വിവിധയിനം പച്ചക്കറിച്ചെടികള്‍ക്ക് മറ്റു വളങ്ങളുടെ ആവശ്യവുമില്ല. അഞ്ചു ലക്ഷം രൂപ ഇതിനുവേണ്ടി ചിലവാക്കിയിട്ടുണ്ട്. ആദ്യ മത്സ്യ വിളവെടുപ്പില്‍ മൂന്നര ലക്ഷത്തോളം രൂപ ലഭിക്കുമെന്ന് ഡെന്നീസ് പറഞ്ഞു. ഫിലോഫിയാണ് കുറ്റിക്കാട്ടെ ടാങ്കിലെ താരം. മൂവ്വായിരമാണ് ഇവയുടെ എണ്ണം. ആവോലി തുടങ്ങിയ മറ്റു മീനുകളും ടാങ്കിലുണ്ട്. ഡെന്നീസിന്റെ കൃഷിയിടം കാണാന്‍ ബി.ഡി. ദേവസ്സി എം.എല്‍.എ എത്തിയിരുന്നു.
പുന്നയൂര്‍ക്കുളം അണ്ടത്തോട് സബ് രജിസ്ട്രാര്‍ ഓഫീസില്‍ ജീവനക്കാരുടെ കുറവ് മൂലം ആധാരം രജിസ്‌ട്രേഷന് എത്തുന്നവര്‍ ദുരിതത്തിലായി.
റജിസ്ട്രാര്‍ ഉള്‍പ്പെടെ ഓഫീസില്‍ രണ്ടു പേരുടെ കുറവാണുള്ളത്. രണ്ട് ക്ലാര്‍ക്കുമാര്‍ മൂന്ന് മാസം മുന്‍പ് സ്ഥലം മാറിപ്പോയിരുന്നു. ചാവക്കാട്, കുന്നംകുളം എന്നിവിടങ്ങളില്‍ നിന്ന് ഓരോ ക്ലാര്‍ക്ക് മാരെ നിയമിച്ചിരുന്നെങ്കിലും കഴിഞ്ഞ ദിവസം ഇവരെ തിരിച്ചു വിളിച്ചു. ഇതോടെ ഓഫിസിന്റെ പ്രവര്‍ത്തനം താളം തെറ്റിയെന്ന് ജീവനക്കാര്‍ പറയുന്നു. രജിസ്‌ട്രേഷന്‍ നടത്തിയ ആധാരങ്ങള്‍ ആഴ്ചകള്‍ കഴിഞ്ഞിട്ടും ഇപ്പോള്‍ ഉടമകള്‍ക്ക് നല്‍കിയിട്ടില്ല. നാല് ദിവസം കൊണ്ട് ലഭിക്കേണ്ട കുടിക്കടം സര്‍ട്ടിഫിക്കറ്റിന് ഒരാഴ്ചയിലേറെയായി ഓഫിസ് കയറിയിറങ്ങുകയാണെന്ന് അപേക്ഷകര്‍ പറയുന്നു.
ചാലക്കുടി കൂടപ്പുഴ സെന്റ് ആന്റണീസ് കപ്പേളയില്‍ ഊട്ടുതിരുനാള്‍ ആ ഘോഷിച്ചു.
ഊട്ടുനേര്‍ച്ച വെഞ്ചിരിപ്പ്, ലദ്ദീഞ്ഞ്, നൊവേന എന്നിവ നടന്നു. കപ്പേള കമ്മറ്റി പ്രസിഡന്റ് അഡ്വ. ബിജു ചിറയത്ത്, സെക്രട്ടറി രഞ്ജിത്ത് മാത്യു, ട്രഷറര്‍ തോമസ് ആലേക്കാട്ടുകാരന്‍ എന്നിവര്‍ ചടങ്ങുകള്‍ക്ക് നേതൃത്വം നല്‍കി.
ചാലക്കുടി ചാലക്കുടി എസ്.എന്‍.ഡി.പി യൂണിയന്‍, എസ്.എന്‍.ജി ട്രസ്റ്റ് എന്നിവയുടെ സ്ഥാപക പ്രസിഡന്റ് കെ.ജി.ബാലന്റെ 15-ാം ചമര വാര്‍ഷികം ആചരിച്ചു.
എസ്.എന്‍.ഡി.പി യൂണിയന്റെ ആഭിമുഖ്യത്തില്‍ നടന്ന ചടങ്ങ് സെക്രട്ടറി കെ.എ.ഉണ്ണികൃഷ്ണന്‍ ഉദ്ഘാടനം ചെയ്തു. ട്രസ്റ്റ് പ്രസിഡന്റ് കെ.കെ.ബാലന്‍ അധ്യക്ഷത വഹിച്ചു. വൈസ് പ്രസിഡന്റ് ചന്ദ്രന്‍ കൊളത്താപ്പിള്ളി, എം.ജി.നടരാജന്‍ എന്നിവര്‍ സംസാരിച്ചു.
കൊടുങ്ങല്ലൂര്‍ മഹല്ലുകളുടെ വികസനത്തിനും ഒത്തൊരുമയ്ക്കും രൂപരേഖ തയ്യാറാക്കാന്‍ കൊടുങ്ങല്ലൂരില്‍ നടന്ന മഹല്ല് ശാക്തീകരണ സെമിനാര്‍ തീരുമാനിച്ചു.
ചേരമാന്‍ ജുമാമസ്ജിദ് മ്യൂസിയം ഹാളില്‍ നടന്ന സെമിനാര്‍ അഡ്വ.എസ്.മമ്മു ഉദ്ഘാടനം ചെയ്തു. മഹല്ല് പ്രസിഡന്റ് ഡോ.പി.എ.മുഹമ്മദ് സൈദ് അധ്യക്ഷത വഹിച്ചു. ഇമാം സൈഫുദ്ദീന്‍ അല്‍ഖാസിമി, സെക്രട്ടറി എസ്.എ.അബ്ദുള്‍ ഖയ്യും എന്നിവര്‍ സംസാരിച്ചു.
പുതുക്കാട് സ്‌കൂള്‍ പാചക തൊഴിലാളി സംഘടനയുടെ നേതൃത്വത്തില്‍ മന്ത്രി പ്രൊഫ.സി.രവീന്ദ്രനാഥിന്റെ പുതുക്കാട് ഓഫീസിലേക്ക് മാര്‍ച്ച് നടത്തി.
കഴിഞ്ഞ യു.ഡി.എഫ് സര്‍ക്കാര്‍ അനുവദിച്ച ആനുകൂല്യങ്ങള്‍ ലഭ്യമാക്കണമെന്നാവശ്യപ്പെട്ടായിരുന്നു മാര്‍ച്ച്. പുതുക്കാട് സെന്ററില്‍ നിന്നാരംഭിച്ച മാര്‍ച്ച്, മന്ത്രിയുടെ ഓഫീസിന് സമീപം പോലീസ് തടഞ്ഞു. തുടര്‍ന്ന് നടന്ന ധര്‍ണ്ണ സംഘടന സംസ്ഥാന കോര്‍ഡിനേറ്റര്‍ പ്രൊഫ. കുസുമം ജോസഫ് ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി ജി.ഷാനവാസ്, ടോമി മാത്യു, ഇ.കെ.ശ്രീനിവാസന്‍ എന്നിവര്‍ സംസാരിച്ചു.
തൃശൂര്‍ ദേശീയ രാഷ്ട്രീയ സാംസ്‌കാരിക സമിതിയായ ഭാരതീയ സേവാശ്രമത്തിന്റെ ആഭിമുഖ്യത്തില്‍ തൃശൂരില്‍ യോഗം ചേര്‍ന്നു.
കാശ്മീര്‍ പണ്ഡിറ്റുകളുടെ പുനരധിവാസത്തിനൊപ്പം തൃശൂര്‍ പൂര പ്രേമികളുടെ ആവശ്യങ്ങളും നടപ്പിലാക്കണമെന്നാവശ്യപ്പെട്ട് മുഖ്യമന്ത്രിക്കും പ്രധാനമന്ത്രിക്കും കത്ത് നല്‍കാന്‍ യോഗം തീരുമാനിച്ചു. പൂരപ്രേമി ദേശീയ അധ്യക്ഷന്‍ അനന്തസ്വാമി, സംസ്ഥാന അധ്യക്ഷന്‍ കൃഷ്ണയ്യര്‍, ജില്ലാ അധ്യക്ഷന്‍ സന്തോഷ് കുറുവത്ത് എന്നിവര്‍ സംസാരിച്ചു.
തൃശൂര്‍ ഈമാസം 30ന് നടത്താന്‍ നിശ്ചയിച്ചിരുന്ന മോട്ടോര്‍ വാഹന പണിമുടക്ക് 31ലേക്ക് മാറ്റി.
റദ്ദാക്കിയ എസ്.എസ്.എല്‍.സി. കണക്ക് പരീക്ഷ 30ന് നടത്താന്‍ നിശ്ചയിച്ചതിനെ തുടര്‍ന്നാണ് സംസ്ഥാന വ്യാപകമായി മോട്ടോര്‍ വാഹന തൊഴിലാളികള്‍ 30ന് നടത്താന്‍ നിശയിച്ചിരുന്ന പണിമുടക്ക് 31ലേക്ക് മാറ്റിയത്. ഏപ്രില്‍ 1 മുതല്‍ ഇന്‍ഷൂറന്‍സ് പ്രീമിയം 50 ശതമാനം വര്‍ധിപ്പിച്ച കേന്ദ്ര സര്‍ക്കാരിന്റെ നടപടിയില്‍ പ്രതിഷേധിച്ചാണ് പണിമുടക്ക്.
കാട്ടൂര്‍ കാട്ടൂര്‍ മാര്‍ക്കറ്റില്‍ കഴിഞ്ഞ ദിവസം ക്രിമിനലുകള്‍ തമ്മില്‍ ഏറ്റുമുട്ടി.
മൂന്നുപേര്‍ക്കു പരിക്കേറ്റു. ചളിങ്ങാട് സ്വദേശി റസാക്, കാട്ടൂര്‍ സ്വദേശികളായ മണിമോള്‍ എന്ന നികേഷ്, നാരായണന്‍ എന്നിവര്‍ക്കാണ് പരിക്കേറ്റത്. പരിക്കേറ്റ റസാഖിനെ തൃശൂര്‍ മെഡിക്കല്‍ കോളേജിലും മറ്റുള്ളവരെ ഇരിങ്ങാലക്കുട സ്വകാര്യ ആശുപത്രിയിലും പ്രവേശിപ്പിച്ചു. മുന്‍വൈരാഗ്യമാണ് ആക്രമണത്തിന് കാരണം. 2 സംഘങ്ങള്‍ക്കെതിരെയും കാട്ടൂര്‍ പോലീസ് കേസെടുത്തു.
പാവറട്ടി എസ്.എസ്.എല്‍ സി, പ്ലസ് ടു പരീക്ഷകളുടെ നടത്തിപ്പില്‍ സംസ്ഥാന സര്‍ക്കാര്‍ കാണിക്കുന്ന കെടുകാര്യസ്ഥത വിദ്യാര്‍ത്ഥികളുടെ ഭാവി നശിപ്പിക്കുമെന്ന് മുന്‍ ചീഫ് വിപ്പ് തോമസ് ഉണ്ണിയാടന്‍ പറഞ്ഞു.
കേരള സ്‌കൂള്‍ ടീച്ചേഴ്‌സ് ഫ്രണ്ട് ജില്ലാ സമ്മേളനം പാവറട്ടിയില്‍ ഉദ്ഘാടനം ചെയ്തു സംസാരിക്കുകയായിരുന്നു തോമസ് ഉണ്ണിയാടന്‍. ജില്ല പ്രസിഡണ്ട് പി.മേജോ അദ്ധ്യക്ഷനായിരുന്നു. കേരളാ കോണ്‍ഗ്രസ് ജില്ലാ പ്രസിഡണ്ട് എം.ടി.തോമസ്, സെബാസ്റ്റ്യന്‍ ചൂണ്ടല്‍, കെ.എ.മെറീന തുടങ്ങിയവര്‍ സംസാരിച്ചു.
എരുമപ്പെട്ടി വെള്ളറക്കാട് നിയന്ത്രണം വിട്ട കാറിടിച്ച് റോഡരികിലെ മതിലും ഗോവണിയും തകര്‍ന്നു.
വെള്ളറക്കാട് ദുബായ് റോഡിന് സമീപം ഇന്ന് പുലര്‍ച്ചെയാണ് അപകടം. ആദൂര്‍ സ്വദേശികള്‍ സഞ്ചരിച്ചിരുന്ന കാറാണ് അപകടത്തില്‍പെട്ടത്. നിയന്ത്രണം നഷ്ടപ്പെട്ട കാര്‍ ഇടിച്ച് കയറി ചൊവ്വല്ലൂര്‍ വില്‍സന്റെ കാര്‍ ഷെഡിന്റെ മതിലും വീടിന്റെ പുറത്ത് നിര്‍മ്മിച്ചിരിക്കുന്ന ഗോവണിയും തകരുകയായിരുന്നു. അപകടത്തില്‍ കാറിന്റെ മുന്‍വശം തകര്‍ന്നെങ്കിലും ആര്‍ക്കും കാര്യമായി പരിക്കേറ്റില്ല.
എരുമപ്പെട്ടി കടങ്ങോട് പഞ്ചായത്തിലെ പാഴിയോട്ടുമുറിയില്‍ കുന്നിടിച്ച് വന്‍തോതിലുള്ള മണ്ണെടുപ്പ് നടത്തുന്നു.
അധികൃതരുടെ ശ്രദ്ധയില്‍പ്പെട്ടിട്ടും നടപടിയെടുക്കുന്നില്ലെന്ന് ആക്ഷേപം ഉയര്‍ന്നിട്ടുണ്ട്. പഴിയോട്ടുമുറി തെക്ക്മുറി റോഡില്‍ ഖാദി വ്യവസായ കേന്ദ്രത്തിന് സമീപമാണ് അനധികൃതമായി കുന്നിടിച്ച് മണ്ണെടുപ്പ് നടത്തുന്നത്. അര്‍ദ്ധരാത്രി മുതല്‍ പുലര്‍ച്ചെ വരെ നടത്തുന്ന മണ്ണെടുപ്പിന് അധികൃതര്‍ കൂട്ട് നില്‍ക്കുകയാണെന്ന് നാട്ടൂകാര്‍ ആരോപിച്ചു. രാത്രിയില്‍ നിരവധി ടിപ്പര്‍ ലോറികള്‍ ഉപയോഗിച്ച് കടത്തുന്ന മണ്ണ്, പാടം നികത്താനാണ് ഉപയോഗിക്കുന്നതെന്നും ആരോപണമുണ്ട്. കടുത്ത ജലക്ഷാമം നേരിട്ട് കൊണ്ടിരിക്കുന്ന സാഹചര്യമായിട്ടും കടങ്ങോട് പഞ്ചായത്തിലെ വിവിധ പ്രദേശങ്ങളില്‍ വന്‍തോതിലുള്ള മണ്ണെടുപ്പ് തുടരുകയാണ്. ഇതിനെതിരെ അധികാരികള്‍ കണ്ണടയ്ക്കുന്നത് വ്യാപക പ്രതിഷേധത്തിന് ഇടയാക്കിയിട്ടുണ്ട്.
ചെറുതുരുത്തി കേരള കലാമണ്ഡലം കല്‍പിത സര്‍വകലാശാല എല്ലാവര്‍ഷവും നടത്തുന്ന നിള ദേശീയ നൃത്ത-സംഗീതോല്‍സവം ഈമാസം 28 മുതല്‍ 31 വരെ കലാമണ്ഡലത്തില്‍ നടക്കുമെന്ന് അധികൃതര്‍ ചെ റുതുരുത്തിയില്‍ അറിയിച്ചു.
28 നു വൈകുന്നേരം സാംസ്‌കാരിക വകുപ്പ് മന്ത്രി എ.കെ.ബാലന്‍ ഉദ്ഘാടനം ചെയ്യും. തുടര്‍ന്ന് ഡോ.സുനന്ദ നായരുടെ മോഹിനിയാട്ടം, ഉമ്പായിയുടെ ഗസല്‍ എന്നിവ നടക്കും. 29ന് പാട്ടത്തില്‍ ധന്യ മേനോന്റെ ഭാമകലാപം നൃത്തശില്പം, ദത്താത്രേയ വെലങ്കറുടെ ഹിന്ദുസ്ഥാനി സംഗീത കച്ചേരി, ഊരാളി ബാന്റിന്റെ സംഗീതനിശ എന്നിവ അരങ്ങേറും. ഇന്ത്യയിലെ എല്ലാ കലകളുടെയും രംഗാവതരണത്തിനുള്ള ഒരു സ്ഥിരം വേദിയായി നിള ഫെസ്റ്റിവലിനെ മാറ്റുന്നതിനാണു ഭരണസമിതി തീരുമാനിച്ചിട്ടുള്ളതെന്നും അധികൃതര്‍ അറിയിച്ചു. കലാമണ്ഡലം വൈസ്ചാന്‍സിലര്‍ ഡോ.എം.സി.ദിലീപ്കുമാര്‍, ഭരണസമിതി അംഗം എന്‍.ആര്‍.ഗ്രാമപ്രകാശ്, രജിസ്ട്രാര്‍ കെ.കെ.സുന്ദരേശന്‍, കൃഷ്ണകുമാര്‍ പൊതുവാള്‍ തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.
ചെറുതുരുത്തി കേരള കലാമണ്ഡലം കല്‍പിത സര്‍വകലാശാല എല്ലാവര്‍ഷവും നടത്തുന്ന നിള ദേശീയ നൃത്ത-സംഗീതോല്‍സവം ഈമാസം 28 മുതല്‍ 31 വരെ കലാമണ്ഡലത്തില്‍ നടക്കുമെന്ന് അധികൃതര്‍ ചെ റുതുരുത്തിയില്‍ അറിയിച്ചു.
28 നു വൈകുന്നേരം സാംസ്‌കാരിക വകുപ്പ് മന്ത്രി എ.കെ.ബാലന്‍ ഉദ്ഘാടനം ചെയ്യും. തുടര്‍ന്ന് ഡോ.സുനന്ദ നായരുടെ മോഹിനിയാട്ടം, ഉമ്പായിയുടെ ഗസല്‍ എന്നിവ നടക്കും. 29ന് പാട്ടത്തില്‍ ധന്യ മേനോന്റെ ഭാമകലാപം നൃത്തശില്പം, ദത്താത്രേയ വെലങ്കറുടെ ഹിന്ദുസ്ഥാനി സംഗീത കച്ചേരി, ഊരാളി ബാന്റിന്റെ സംഗീതനിശ എന്നിവ അരങ്ങേറും. ഇന്ത്യയിലെ എല്ലാ കലകളുടെയും രംഗാവതരണത്തിനുള്ള ഒരു സ്ഥിരം വേദിയായി നിള ഫെസ്റ്റിവലിനെ മാറ്റുന്നതിനാണു ഭരണസമിതി തീരുമാനിച്ചിട്ടുള്ളതെന്നും അധികൃതര്‍ അറിയിച്ചു. കലാമണ്ഡലം വൈസ്ചാന്‍സിലര്‍ ഡോ.എം.സി.ദിലീപ്കുമാര്‍, ഭരണസമിതി അംഗം എന്‍.ആര്‍.ഗ്രാമപ്രകാശ്, രജിസ്ട്രാര്‍ കെ.കെ.സുന്ദരേശന്‍, കൃഷ്ണകുമാര്‍ പൊതുവാള്‍ തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.
ചേലക്കര കാളപ്പാട്ടിന്റെ ഈരടികള്‍ക്കൊപ്പം ആനന്ദനൃത്തമാടിയും വാനിലേക്കുയര്‍ത്തിയിട്ട പൊയ്കാളകളെ എത്തിപിടിച്ചും ചേലക്കരയില്‍ ദേശക്കാര്‍ അന്തിമഹാകാളന്‍കാവില്‍ നടത്തിയ കാളകളി ആവേശമായി മാറി.
വിവിധ കാളപ്പാട്ടുകള്‍ പാടിക്കൊണ്ട് ക്ഷേത്രത്തിലെ ദേവനുമുന്നിലാണ് ദേശക്കാര്‍ ആര്‍ത്തുല്ലസിച്ചാടിയത്. തട്ടകദേശങ്ങളില്‍ നിന്നുള്ള കാളവേലകള്‍ ഓരോന്നായി കാവിലെത്തി അന്തിമാളനെ വണങ്ങിയപ്പോള്‍ ദേശക്കാരുടെ ഒരാണ്ടിന്റെ കാത്തിരിപ്പിനാണ് സാഫല്യമായത്. ദേശകാളകള്‍ക്ക് പുറമെ സാംബവ സമുദായക്കാരുടെയും, മറ്റു സംഘടനകളുടെയും നിരവധി കാളവേലകളും ക്ഷേത്രത്തിലെത്തിയിരുന്നു.
പാവറട്ടി പാടൂര്‍ പുളിപാണ്ടിയില്‍ കൃഷി ചെയ്ത പൊട്ടുവെള്ളരിയുടെ വിളവെടുപ്പ് നടത്തി.
വെങ്കിടങ്ങ് കൃഷിഭവന്റെ സഹകരണത്തോടെയാണ് ഒരേക്കര്‍ സ്ഥലത്ത് പൊട്ടുവെള്ളരി കൃഷി ആരംഭിച്ചത്. പുളിപാണ്ടിയില്‍ തരിശായി കിടന്നിരുന്ന സ്ഥലം പുത്തന്‍പുരയില്‍ എന്‍.പി അലിമോനും മകന്‍ നസറുദീനും ചേര്‍ന്ന് കൃഷിയോഗ്യമാക്കുകയായിരുന്നു. വെങ്കിടങ്ങ് ഗ്രാമ പഞ്ചായത്ത് പ്രസിഡണ്ട് രതി എം.ശങ്കര്‍ പൊട്ടുവെള്ളരിയുടെ വിളവെടുപ്പ് ഉത്ഘാടനം ചെയ്തു. വാര്‍ഡംഗം എ.അഷറഫ് തങ്ങള്‍ അദ്ധ്യക്ഷനായിരുന്നു.
ചാവക്കാട് ചാവക്കാട് ബേബിറോഡ് നന്മ ക്ലബ്ബിന്റെ ആഭിമുഖ്യത്തില്‍ ഡ്രോപ്‌സ് ഓഫ് നന്മ എന്ന പേരില്‍ കുടിവെള്ള വിതരണം ആരംഭിച്ചു.
ചാവക്കാട് മുനിസിപ്പാലിറ്റിയിലെ കുടിവെള്ള ക്ഷാമം നേരിടുന്ന പ്രദേശങ്ങളിലാണ് കുടിവെള്ള വിതരണം നടത്തുന്നത്. നഗരസഭാ ചെയര്‍മാന്‍ എന്‍.കെ അക്ബര്‍ ഉദ്ഘാടനം ചെയ്തു. പി.അസ്‌കര്‍ അധ്യക്ഷനായി. കെ.എച്ച് സലാം, എ.സി ആനന്ദന്‍, സീനത് കോയ എന്നിവര്‍ സംസാരിച്ചു
പൂമല കളഞ്ഞുകിട്ടിയ രണ്ടര പവന്റെ സ്വര്‍ണവും പണവും അടങ്ങിയ ബാഗ്, ഉടമയ്ക്ക് തിരികെ നല്‍കി യുവതി മാതൃകയായി.
പൂമല ഡാം കാണാനെത്തിയ മഞ്ചേരി സ്വദേശി സുലജയുടെ ബാഗാണ് മറന്നുവെച്ചത്. ബാഗ് ലഭിച്ച പൂമല ഡാം മാനേജര്‍ രഞ്ജിനി അനിലന്‍ ഇവര്‍ക്ക് തിരികെ നല്‍കുകയായിരുന്നു. പൂമലയില്‍ നടന്ന ചടങ്ങില്‍ സുലജയുടെ സഹോദരന്‍ മുഹമ്മദിന് രഞ്ജിനി ബാഗ് കൈമാറി.
പൂമല കളഞ്ഞുകിട്ടിയ രണ്ടര പവന്റെ സ്വര്‍ണവും പണവും അടങ്ങിയ ബാഗ്, ഉടമയ്ക്ക് തിരികെ നല്‍കി യുവതി മാതൃകയായി.
പൂമല ഡാം കാണാനെത്തിയ മഞ്ചേരി സ്വദേശി സുലജയുടെ ബാഗാണ് മറന്നുവെച്ചത്. ബാഗ് ലഭിച്ച പൂമല ഡാം മാനേജര്‍ രഞ്ജിനി അനിലന്‍ ഇവര്‍ക്ക് തിരികെ നല്‍കുകയായിരുന്നു. പൂമലയില്‍ നടന്ന ചടങ്ങില്‍ സുലജയുടെ സഹോദരന്‍ മുഹമ്മദിന് രഞ്ജിനി ബാഗ് കൈമാറി.
പാവറട്ടി പാവറട്ടി പബ്ലിക് ലൈബ്രറിയില്‍ ആരംഭിച്ച ഇ-വിജ്ഞാന കേന്ദ്രം മുരളി പെരുന്നെല്ലി എം.എല്‍.എ ഉദ്ഘാടനം ചെയ്തു.
വിദ്യാര്‍ത്ഥികള്‍ക്കാവശ്യമായ പ്രോജക്റ്റ് പഠന സഹായികള്‍, ഗവേഷണ വായനകള്‍, ഇന്റര്‍നെറ്റ് അധിഷ്ഠിത സേവനങ്ങള്‍ എന്നിവ വായനക്കാര്‍ക്കും പൊതുജനങ്ങള്‍ക്കും ലഭ്യമാക്കുമെന്ന് എം.എല്‍.എ പറഞ്ഞു. ല്രൈബറി പ്രസിഡന്റ് ഹംസ കണിയന്ത്ര അധ്യക്ഷത വഹിച്ചു. സെക്രട്ടറി എന്‍.ജെ.ജെയിംസ്, കെ.പി.ജോസഫ്, ആന്റോ, ലിജോ എന്നിവര്‍ സംസാരിച്ചു.
എരുമപ്പെട്ടി ആര്‍.എസ്.എസ്.കുടക്കുഴി ശാഖയുടെ 50-ാം വാര്‍ഷികത്തിന്റെ ഭാഗമായി സൗജന്യ വൈദ്യ പരിശോധന ക്യാമ്പ് സംഘടിപ്പിച്ചു.
ബി.ജെ.പി. സംസ്ഥാന കൗണ്‍സില്‍ അംഗം ഇ.ചന്ദ്രന്‍ ഉദ്ഘാടനം ചെയ്തു. കെ.ജി.രവി, കെ.ആര്‍.രഞ്ജിത്ത്, കെ.കെ.അഖിലേഷ് തുടങ്ങിയവര്‍ നേതൃത്വം നല്‍കി.
എരുമപ്പെട്ടി ആര്‍.എസ്.എസ്.കുടക്കുഴി ശാഖയുടെ 50-ാം വാര്‍ഷികത്തിന്റെ ഭാഗമായി സൗജന്യ വൈദ്യ പരിശോധന ക്യാമ്പ് സംഘടിപ്പിച്ചു.
ബി.ജെ.പി. സംസ്ഥാന കൗണ്‍സില്‍ അംഗം ഇ.ചന്ദ്രന്‍ ഉദ്ഘാടനം ചെയ്തു. കെ.ജി.രവി, കെ.ആര്‍.രഞ്ജിത്ത്, കെ.കെ.അഖിലേഷ് തുടങ്ങിയവര്‍ നേതൃത്വം നല്‍കി.
ചാവക്കാട് ചാവക്കാട് തീര മേഖലയില്‍ പണിയെടുക്കുന്ന തമിഴ് മല്‍സ്യത്തൊഴിലാളികള്‍ പാലയൂര്‍ മാര്‍ത്തോമാ അതിരൂപത തീര്‍ത്ഥകേന്ദ്രത്തിലേക്കു പദയാത്ര നടത്തി.
പാലയൂര്‍ മഹാതീര്‍ത്ഥാടനത്തോടനുബന്ധിച്ചു കടപ്പുറത്തുള്ള അതിരൂപത സാന്ത്വന തീരത്തു നിന്നാരംഭിച്ച പദയാത്ര അതിരൂപത സോഷ്യല്‍ ആക്ഷന്‍ ഡയറക്ടര്‍ ഫാ. തോമസ് പൂപ്പാടി ഉദ്ഘാടനം ചെയ്തു. തീര്‍ത്ഥാടകരെ റെക്ടര്‍ ഫാ ജോസ് പുന്നോലിപറമ്പില്‍, സഹവികാരി ഫാ. ജിന്റൊ കുറ്റിക്കാട് എന്നിവരുടെ നേതൃത്വത്തില്‍ സ്വീകരിച്ചു. കണ്‍വീനര്‍ മാത്യൂസ് ഒലക്കേങ്കില്‍, പി.കെ.ജോര്‍ജ്, ഷാജന്‍ എന്നിവര്‍ നേതൃത്വം നല്‍കി.
എരുമപ്പെട്ടി ആദ്യകാല കമ്മ്യൂണിറ്റ് നേതാക്കളായ സി.പി.ജോസ്, എം.പി.ഭട്ടതിരിപ്പാട് എന്നിവരെ സി.പി.ഐ. വേലൂര്‍ ലോക്കല്‍ കമ്മറ്റിയുടെ നേതൃത്വത്തില്‍ അനുസ്മരിച്ചു.
സി.എന്‍.ജയദേവന്‍ എം.പി. അനുസ്മരണ സമ്മേളനം ഉദ്ഘാടനം ചെയ്തു. സി.കെ.കുഞ്ഞിപൊറിഞ്ചു അധ്യക്ഷനായി. സി.പി.ഐ. ജില്ലാ സെക്രട്ടറി കെ.കെ.വത്സരാജ്, എന്‍.കെ.സുബ്രഹ്മണ്യന്‍, എം.ആര്‍.സതീശന്‍ തുടങ്ങിയവര്‍ സംസാരിച്ചു.
തൃശൂര്‍ എസ്.എസ്.എല്‍.സി കണക്ക് പരീക്ഷ റദ്ദാക്കി.
ഈ മാസം 30 ന് ഉച്ചയ്ക്ക് 1.30 ന് വീണ്ടും പരീക്ഷ നടത്തുമെന്ന് വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ് അറിയിച്ചു. ചോദ്യപേപ്പര്‍ ചോര്‍ത്തി നല്‍കിയതായി കണ്ടെത്തിയ സാഹചര്യത്തിലാണ് കണക്കു പരീക്ഷ റദ്ദാക്കിയത്. 30 ന് നടത്താനിരുന്ന മറ്റു ക്ലാസുകളിലെ പരീക്ഷകള്‍ 31-ലേക്ക് മാറ്റി. സമാന ചോദ്യപേപ്പര്‍ മലപ്പുറത്തെ സ്വകാര്യ സ്ഥാപനം പുറത്തിറക്കിയതിനെ തുടര്‍ന്നാണ് കണക്ക് പരീക്ഷ റദ്ദാക്കിയത്. സംഭവത്തില്‍ വകുപ്പുതല അന്വേഷണം നടത്താന്‍ ഉത്തരവായി. പൊതു വിദ്യഭ്യാസ സെക്രട്ടറിക്ക് അന്വേഷണ ചുമതല നല്‍കിയതായും വിദ്യാഭ്യാസ മന്ത്രി അറിയിച്ചു. കണക്കു പരീക്ഷയുടെ ചോദ്യപേപ്പര്‍ തയ്യാറക്കിയ അധ്യാപകന് മലപ്പുറത്തെ സ്വകാര്യ വിദ്യാഭ്യാസ സ്ഥാപനമായി ബന്ധമുണ്ടെന്ന് നേരത്തെ ആരോപണം ഉയര്‍ന്നിരുന്നു. മലപ്പുറത്തെ മലബാര്‍ എജ്യുക്കേഷന്‍ റിസര്‍ച്ച് ഇന്‍സ്റ്റിറ്റിയൂട്ട് എന്ന സ്വകാര്യ സ്ഥാപനം തയ്യാറാക്കിയ മോഡല്‍ പരീക്ഷാ ചോദ്യ പേപ്പറിലെ 13 ചോദ്യങ്ങള്‍ എസ്.എസ്.എല്‍.സി ചോദ്യ പേപ്പറില്‍ ഉള്‍പ്പെട്ടിരുന്നു. പരീക്ഷ കടുകട്ടിയായത് വിദ്യാര്‍ത്ഥികളെ വലയ്ക്കുകയും ചെയ്തിരുന്നു. ഹയര്‍സെക്കന്ററി പരീക്ഷയിലും ഇക്കുറി പരാതികളുയര്‍ന്നിരുന്നു. പ്ലസ് വണ്‍ കെമിസ്ട്രി, പ്ലസ്ടു മാത്‌സ്, ഇക്കണോമിക്‌സ് പരീക്ഷകള്‍ വിദ്യാര്‍ത്ഥികള്‍ക്ക് കടുകട്ടിയായിരുന്നു.
തൃശൂര്‍ വാട്ടര്‍ അതോറിറ്റിയുടെ നിരക്കിലേക്ക് കോര്‍പ്പറേഷന്‍ ജലവിതരണ നിരക്ക് ഉയര്‍ത്തി.
ഗാര്‍ഹികേതര ആവശ്യങ്ങള്‍ക്കുള്ള ജലവിതരണത്തിനാണ് നിരക്ക് ഉയര്‍ത്താന്‍ കോര്‍പ്പറേഷന്‍ കൗണ്‍സില്‍ യോഗം തീരുമാനിച്ചു. കോര്‍പ്പറേഷനില്‍ പഴയ മുനിസിപ്പല്‍ പ്രദേശത്തും, നഗര പരിധിയിലും രണ്ട് നിരക്ക് ഈടാക്കുന്നുവെന്ന ആക്ഷേപവും, നിരക്ക് ഉയര്‍ത്തണമെന്ന വാട്ടര്‍ അതോറിറ്റിയുടെ ആവശ്യവും പരിഗണിച്ചാണ് തീരുമാനം. വാട്ടര്‍ അതോറിറ്റിയുടെ നിരക്കിലേക്ക് കോര്‍പ്പറേഷന്‍ ജലവിതരണ നിരക്ക് ഏകീകരിക്കണമെന്ന് ഏറെ നാളത്തെ ആവശ്യമായിരുന്നു. നിരക്ക് വര്‍ധനവ് അംഗീകരിക്കാനാവില്ലെന്ന് പ്രതിപക്ഷത്തെ ജോണ്‍ ഡാനിയേല്‍ അറിയിച്ചു. ജലിവതരണ ചുമതലയുള്ള കോര്‍പ്പറേഷന്‍, വാട്ടര്‍ അതോറിറ്റിയില്‍ നിന്നു പൂര്‍ണ്ണ ചുമതല ഏറ്റെടുത്താല്‍ ഇത്ര ചിലവ് വരില്ലെന്ന അഭിപ്രായവും ഉയര്‍ന്നു. ഇതേ തുടര്‍ന്നായിരുന്നു ഗാര്‍ഹീകേതര കണക്ഷനുകളുടെ നിരക്ക് ഏകീകരണത്തിന് കൗണ്‍സില്‍ തീരുമാനമെടുത്തത്. 58 രൂപയാണ് നിലവിലെ നിരക്ക്. വര്‍ധനവ് എത്രയെന്നത് സംബന്ധിച്ച് തീരുമാനമെടുത്തിട്ടില്ല, ഗാര്‍ഹീകാവശ്യങ്ങള്‍ക്ക് പഴയ മുനിസിപ്പല്‍ പ്രദേശത്ത് 13 രൂപയും, കൂട്ടിച്ചേര്‍ക്കപ്പെട്ട പ്രദേശത്ത് 22 രൂപയുമാണ് ഇപ്പോഴത്തെ നിരക്ക്. പൈപ്പിടല്‍ തുടങ്ങി അറ്റക്കുറ്റപ്പണികള്‍ ഉള്‍പ്പെടെയുള്ളവയുടെ പൂര്‍ണ്ണ ചിലവ് കോര്‍പ്പറേഷന്‍ വഹിക്കും. ജലവിതരണത്തിനുള്ള അറ്റകുറ്റപ്പണി നിരക്ക് വര്‍ധിപ്പിച്ചാണ് വാട്ടര്‍ അതോറിറ്റി കോര്‍പ്പറേഷന് നോട്ടീസ് നല്‍കിയിരിക്കുന്നത്.
തൃശൂര്‍ അതിരപ്പിള്ളി പദ്ധതി നടപ്പിലാക്കാന്‍ ഒരു കാരണവശാലും അനുവദിക്കിലെന്ന് അനില്‍ അക്കര എം.എല്‍.എ.
കെ.പി.സി.സി ഗാന്ധി ഹരിത സമൃദ്ധിയുടെ ആഭിമുഖ്യത്തില്‍ തിരുവന്തപുരത്ത് നിന്ന് ആരംഭിച്ച അതിരപ്പിള്ളിയുടെ ആത്മാവിനൊപ്പം പഠനയാത്ര സമാപന സമ്മേളനത്തില്‍ പങ്കെടുത്ത് സംസാരിക്കുകയായിരുന്നു എം.എല്‍.എ. അതിരപ്പിള്ളി പദ്ധതിയുടെ പേരില്‍ വൈദ്യുതി വകുപ്പ് മന്ത്രി എം.എം മണിയെ ഉപയോഗിച്ച് മണി സമ്പാദനമാണ് മുഖ്യമന്ത്രി ലക്ഷ്യമിടുന്നതെങ്കില്‍ അത് നടപ്പിലാക്കാന്‍ സാധിക്കില്ലെന്നും എം.എല്‍.എ പറഞ്ഞു. പശ്ചിമഘട്ട സംരക്ഷണ സമിതി അധ്യക്ഷന്‍ ജോണ്‍ പെരുവന്താനം, ഡി.സി.സി സെക്രട്ടറിമാരായ എ. പ്രസാദ്, ജെയിംസ് പോള്‍ തുടങ്ങിയവര്‍ പങ്കെടുത്തു.
തൃശൂര്‍ തൃശൂര്‍ നെഹ്‌റു പാര്‍ക്കില്‍ സ്ത്രീകള്‍ക്കു മുന്നില്‍ നഗ്നത പ്രദര്‍ശിപ്പിച്ച യുവാവിനെ വനിതാ പോപലീസും പിങ്ക് പോലീസും ചേര്‍ന്ന് പിടികൂടി.
കോഴിക്കോട് സ്വകാര്യ ഓര്‍ഫനേജിലെ അന്തേവാസിയായിരുന്ന സഞ്ജുവാണ് അറസ്റ്റിലായത്. വനിതാ എസ്.ഐ. -ശ്രീദേവിയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
തൃശൂര്‍ സാഹിത്യകാരന്‍ പെരുമ്പടവം ശ്രീധരന്‍ രചിച്ച 'ഒരു സങ്കീര്‍ത്തനം പോലെ' എന്ന നോവലിനെ ആസ്പദമാക്കി ആവിഷ്‌ക്കരിച്ച 'ഇന്‍ റിട്ടേണ്‍-ജസ്റ്റ് എ ബുക്ക്' എന്ന ഡോക്യുഫീച്ചര്‍ തൃശൂരില്‍ പ്രദര്‍ശിപ്പിച്ചു.
സാഹിത്യ അക്കാദമി പ്രസിഡന്റ് വൈശാഖന്‍ പ്രദര്‍ശനം ഉദ്ഘാടനം ചെയ്തു. സംഘാടക സമിതി ചെയര്‍മാന്‍ പി.എസ്.ഇക്ബാല്‍ അധ്യക്ഷനായി. ഡോക്യുഫീച്ചറിന്റെ രചയിതാവ് പെരുമ്പടവം ശ്രീധരന്‍, തിരക്കഥാകൃത്ത് സക്കറിയ, സംവിധായിക ഷൈനി ജേക്കബ് ബെഞ്ചമിന്‍, നിര്‍മ്മാതാവ് ബേബി മാത്യു സോമതീരം എന്നിവരെ ആദരിച്ചു. സിനിമാ നിരൂപകന്‍ ഐ.ഷണ്‍മുഖദാസ്, സംവിധായകന്‍ പ്രേംലാല്‍, ഇ.ഡി.ഡേവിസ്, പി.ജെ.ആന്റണി തുടങ്ങിയവര്‍ സംസാരിച്ചു. 45 മിനിറ്റ് ദൈര്‍ഘ്യത്തില്‍ ദൃശ്യവല്‍ക്കരിച്ചിരിക്കുന്ന 'ഇന്‍ റിട്ടേണ്‍-ജസ്റ്റ് എ ബുക്കില്‍' പെരുമ്പടവം ശ്രീധരന്‍, സക്കറിയ എന്നിവരും കഥാപാത്രങ്ങളായി എത്തുന്നുണ്ട്.
തൃശൂര്‍ ഏപ്രില്‍ 15 നകം സാങ്കേതിക അനുമതി ലഭ്യമാക്കുന്ന പട്ടികജാതി കോര്‍പ്പസ് ഫണ്ട് പദ്ധതികള്‍ക്കു സ്പില്‍ ഓവര്‍ അനുമതി നല്‍കണമെന്ന് പി.കെ ബിജു എം.പി.
ഇത് സംബന്ധിച്ച് മുഖ്യമന്ത്രിക്കും, ധനകാര്യ വകുപ്പ് മന്ത്രിക്കും പരാതി നല്‍കി. കോര്‍പ്പസ് ഫണ്ടില്‍ ഉള്‍പ്പെടുത്തി പട്ടികജാതി വികസനവകുപ്പില്‍ നിന്നു തുക അനുവദിച്ച ഭൂരിഭാഗം പദ്ധതികള്‍ക്കും സാങ്കേതികാനുമതി ലഭ്യമാക്കുന്നതിനും ടെണ്ടര്‍ ചെയ്യുന്നതിനും ആവശ്യമായ നടപടികള്‍ നിര്‍വ്വഹണ ഉദ്യോഗസ്ഥര്‍ ഇതുവരെ പൂര്‍ത്തികരിച്ചിട്ടില്ലെന്നും എം.പി പരാതിയില്‍ ചൂണ്ടിക്കാട്ടി.
പഴയന്നൂര്‍ പഴയന്നൂരില്‍ ഉല്‍സവത്തിന് കൊണ്ടുവന്ന ആനകള്‍ക്കിടയിലൂടെ നടന്ന മധ്യവയസ്‌കനെ കൊമ്പന്‍ തുമ്പികൈകൊണ്ട് വലിച്ചിട്ടത് പരിഭ്രാന്തി പരത്തി.
മുന്ന് ഗജവീരന്‍മാരുടെ ഇടയിലൂടെ നടന്ന് പോവുകയായിരുന്ന മധ്യവയസ്‌കനെയാണ് മൂന്നാനകളുടെ നടുവില്‍ നിന്നിരുന്ന കുട്ടികൊമ്പന്‍ തുമ്പിക്കൈ കൊണ്ട് വലിച്ചിട്ടത്. ഉടന്‍ തന്നെ പാപ്പാന്‍മാര്‍ ഇടപെട്ട് ആനയെ അനുനയിപ്പിച്ചു. ആനയുടെ മുന്നില്‍ വെപ്രാളപെട്ട് വീണ് കിടന്ന മധ്യവയസകനെ മറ്റു ആളുകള്‍ വലിച്ച് എടുക്കയായിരുന്നു.
നെല്ലങ്കര നെല്ലങ്കരയില്‍ ജലസേചനവകുപ്പിന്റെ കുടിവെള്ളപൈപ്പില്‍ നിന്ന് ഭൂമിക്കടിയുലൂടെ സ്വകാര്യ വ്യക്തിയുടെ പറമ്പിലേക്ക് വെള്ളം ഊറ്റിയ സംഭവത്തില്‍ വിയ്യൂര്‍ പോലീസ് കേസെടുത്തു.
നെല്ലങ്കര ആലപ്പാട്ട് കോളനിയിലെ വ്യവസായി ടോണിക്കെതിരെ വാട്ടര്‍ അതോറിറ്റി അസിസ്റ്റന്റ് എക്‌സിക്യൂട്ടീവ് എന്‍ജീനിയര്‍ പി..എ ബെന്നിയുടെ പരാതിയിലാണ് കേസെടുത്തത്. സംഭവത്തിന് ശേഷം വീട്ടുടമ മുങ്ങിയതായി പോലീസ് പറഞ്ഞു. നെല്ലങ്കര ആലപ്പാട്ട് കോളനിയിലെ വീടുകളില്‍ കഴിഞ്ഞ ഡിസംബര്‍ മുതല്‍ കുടിവെള്ളം ലഭിച്ചിരുന്നില്ല. വാട്ടര്‍ കണക്ഷന്‍ എടുത്തിട്ടുള്ള വീട്ടുകാര്‍ നല്‍കിയ പരാതിയെ തുടര്‍ന്ന് നടത്തിയ അന്വേഷണത്തിലാണ് കഴിഞ്ഞ ദിവസം നാട്ടുകാര്‍ അനധികൃത വെള്ളമൂറ്റല്‍ കണ്ടെത്തിയത്.
കൊടുങ്ങല്ലൂര്‍ കൊടുങ്ങല്ലൂര്‍ ചേരമാന്‍ ജുമാ മസ്ജിദില്‍ ഒരു മണിക്കൂര്‍ നേരം വൈദ്യുത വിളക്കുകള്‍ അണച്ച് ലോക ഭൗമദിനാചരണത്തില്‍ പങ്കുചേര്‍ന്നു.
ശനിയാഴ്ച രാത്രിയിലെ ഇശാ നിസ്‌ക്കാരത്തിന്റെ അവസാന ഘട്ടത്തിലാണ് പള്ളിയിലെ മുഴുവന്‍ ലൈറ്റുകളും അണച്ചത്. ,തുടര്‍ന്ന് റാന്തലുകളുടെയും മെഴുകുതിരികളുടെയും വെളിച്ചത്തില്‍ നിസ്‌ക്കാരം പൂര്‍ത്തീകരിച്ചു. ഇമാം സൈഫുദ്ദീന്‍ അല്‍ ഖാസിമിയുടെ നേതൃത്വത്തില്‍ ഭൂമിക്ക് വേണ്ടിയുള്ള പ്രാര്‍ത്ഥനയും നടത്തി.
ഗുരുവായൂര്‍ കുടിവെള്ള പ്രശ്‌നത്തിന് പരിഹാരം കാണാന്‍ ഗുരുവായൂര്‍ നഗരസഭക്ക് 'ജലബജറ്റ്'. കുടിവെള്ള പ്രശ്‌നപരിഹാരങ്ങള്‍ക്ക് പ്രത്യേക ഊന്നല്‍ നല്‍കിയാണ് വൈസ് ചെയര്‍മാന്‍ കെ.പി. വിനോദ് ബജറ്റ് അവതരിപ്പിച്ചത്.
352 കോടി രൂപ വരവും 344 കോടി ചെലവും എട്ട് കോടി നീക്കിയിരുപ്പും പ്രതീക്ഷിക്കുന്ന ബജറ്റാണ് അവതരിപ്പിച്ചത്. ഗുരുവായൂര്‍ നഗരസഭ അഭിമുഖീകരിക്കുന്ന കുടിവെള്ള പ്രശ്‌നത്തിന് പരിഹാരം കാണാനാണ് ബജറ്റില്‍ ഏറെ ശ്രമം നടത്തിയിട്ടുള്ളത്. ലവണാംശം കുറവായ കായലില്‍ നിന്നു വെള്ളമെടുത്ത് ശുദ്ധീകരിച്ച് പ്രതിദിനം 10ലക്ഷം ലിറ്റര്‍ വെള്ളം ശുദ്ധീകരിക്കാനുള്ള പ്ലാന്റ് നിര്‍മിക്കാന്‍ നാല് കോടി രൂപ മാറ്റിവെച്ചിട്ടുണ്ട്. കരുവന്നൂര്‍ കുടിവെള്ള പദ്ധതി പൂര്‍ത്തീകരിക്കാന്‍ 50 ലക്ഷം രൂപയും വകയിരുത്തി. നഗരസഭ പ്രദേശത്തെ നൂറോളം കുളങ്ങളെയും തോടുകളെയും ബന്ധിപ്പിച്ച് സംരക്ഷിക്കാന്‍ 10 കോടി രൂപ നീക്കി വെച്ചിട്ടുണ്ട് . ഗുരുവായൂരില്‍ വിതരണം ചെയ്യുന്ന കുടി വെള്ളത്തിന്റെ ഗുണ നിലവാരം പരിശോധിക്കുന്നതിനായി 10ലക്ഷം രൂപ ചിലവില്‍ ലാബ് സ്ഥാപിക്കും. കിണര്‍ റീചാര്‍ജിങ്ങിനും പദ്ധതിയുണ്ട്. ജല ഓഡിറ്റിനായി അഞ്ച് ലക്ഷം മാറ്റിവെച്ചു. നഗരസഭക്ക് ജലനയം പ്രഖ്യാപിക്കുമെന്നും ബജറ്റില്‍ പറയുന്നു. മാലിന്യ സംസ്‌കരണം നടപ്പാക്കുന്ന വീടുകള്‍ക്ക് നികുതി ഇളവ് ഉള്‍പ്പെടെയുള്ള ആനുകൂല്യങ്ങള്‍ നല്‍കും. ഇത്തരം പദ്ധതി നടപ്പാക്കുന്ന റസിഡന്റ്‌സ് അസോസിയേഷനുകളെ ഹരിതം പുരസ്‌കാരം നല്‍കി ആദരിക്കും. മഴക്കാലത്തെ വെള്ളക്കെട്ട് ഒഴിവാക്കാന്‍ 13 ദശാംശം 85 കോടിയും ഗുരുവായൂര്‍ അഴുക്കുചാല്‍ പദ്ധതിയുടെ പ്ലാന്റ് നവീകരിക്കാനും പൈപ്പ് ലെറ്റുകള്‍ സ്ഥപിക്കുന്ന തിനും 14 ദശാംശം 5 കോടി രൂപയും ബജറ്റില്‍ ഉള്‍ക്കൊള്ളിച്ചിട്ടുണ്ട് . പ്രസാദം പദ്ധതിയില്‍ ഉള്‍പ്പെട്ട കിഴക്കെനടയിലെ നഗരസഭ ബസ് സ്റ്റാന്റ് ടെര്‍മിനലിനായി 5 കോടിയും നഗരസഭ പ്രദേശത്ത് ബസ് സ്റ്റോപ്പുകള്‍ നിര്‍മിക്കാന്‍ 50 ലക്ഷവും , കിഴക്കേ നടയില്‍ പില്‍ഗ്രിം പ്ലാസക്കായി 12കോടിയും , പടിഞ്ഞാറെ നട പില്‍ഗ്രിം പ്ലാസക്ക് 4 കോടിയും മഞ്ജുളാല്‍ സൗന്ദര്യവല്‍ക്കരണത്തിന് 3കോടി രൂപയും ബജറ്റില്‍ നീക്കിവെച്ചു. നഗരത്തിലെ വൈദ്യുതി പോസ്റ്റുകള്‍ മാറ്റി ഭൂഗര്‍ഭ കേബിള്‍ ഇടാന്‍ മൂന്ന് കോടി രൂപയും ബജറ്റില്‍ ഉള്‍പ്പെടുത്തി . നഗരസഭ ചെയര്‍പേഴ്‌സണ്‍ പ്രൊഫ.പി.കെ. ശാന്തകുമാരി അധ്യക്ഷത വഹിച്ചു. ബജറ്റ് ചര്‍ച്ച തിങ്കളാഴ്ച നടക്കും.
കൊടുങ്ങല്ലൂര്‍ സ്ത്രീ സുരക്ഷയ്ക്ക് കോണ്‍ഫിഡന്റ് വുമണ്‍ പദ്ധതിയുമായി കൊടുങ്ങല്ലൂര്‍ നഗരസഭാ ബജറ്റ് നഗരസഭാ വൈസ് ചെയര്‍പേഴ്‌സണ്‍ ഷീല രാജ്കമല്‍ അവതരിപ്പിച്ച ബജറ്റിന്റെ ഏറ്റവും വലിയ സവിശേഷതയാണ് സ്ത്രീ സുരക്ഷാ പദ്ധതി.
തൊഴിലിടങ്ങള്‍, വിദ്യാഭ്യാസ സ്ഥാപനങ്ങള്‍ തുടങ്ങിയ സ്ഥലങ്ങളില്‍ സ്ത്രീകള്‍ക്ക് നേരെയുണ്ടാകുന്ന അതിക്രമങ്ങള്‍ നേരിടാനായി ആയോധന കലയില്‍ പരിശീലനം നല്‍കുകയും , കുടുംബശ്രീ സംവിധാനം ഉപയോഗിച്ച് സ്ത്രീകള്‍ക്കും കൗമാരക്കാര്‍ക്കും ബോധവല്‍ക്കരണം നല്‍കുകയും ചെയ്യുകയാന്ന് കോണ്‍ഫിഡന്റ് വുമണ്‍ പദ്ധതിയുടെ പ്രധാന ലക്ഷ്യം. ജലസംരക്ഷണ പദ്ധതിയുടെ ഭാഗമായി ജലാശയങ്ങള്‍ മാലിന്യ മുക്തമാക്കി സംരക്ഷിക്കുന്ന പദ്ധതിക്കും ബജറ്റില്‍ മുന്‍ഗണന നല്‍കിയിട്ടുണ്ട്, കനോലി കനാല്‍, പൊതുതോടുകള്‍ ,കുളങ്ങള്‍ എന്നിവ സംരക്ഷിക്കുന്നതിനായി പ്ലാസ്റ്റിക് ക്യാരി ബാഗുകളുടെ ഉപയോഗം കുറയ്ക്കുന്നതിനായി വാര്‍ഡ്തലത്തില്‍ ബോധവല്‍ക്കരണം നടത്തും. നഗരസഭാ പരിധിയില്‍ എല്ലാവര്‍ക്കും വീട്, മാലിന്യ നിര്‍മ്മാര്‍ജ്ജന പദ്ധതി, ദളവാകുളം സൗന്ദര്യവല്‍ക്കരണം, മുനിസിപ്പല്‍ പാര്‍ക്ക് ആംഫി തിയേറ്റര്‍ മോഡലില്‍ നവീകരിക്കല്‍ എന്നിവക്ക് ബജറ്റില്‍ തുക വകയിരുത്തി. നഗരസഭാ ബസ് സ്റ്റാന്റിന്റെ രണ്ടാം ഘട്ട നവീകരണം, ബസ് സ്റ്റാപ്പില്‍ മെഡിക്കല്‍ ക്ലിനിക്ക്, പൊതു ജലസ്രോതസുകള്‍ കേന്ദ്രീകരിച്ച് ചെറുകിട കുടിവെള്ള പദ്ധതി, വിദ്യാര്‍ത്ഥികള്‍ക്ക് സൗജന്യ നീന്തല്‍ പരിശീലനം , പട്ടികജാതി ഉദ്യോഗാര്‍ത്ഥികള്‍ക്ക് വിദേശത്ത് പോകാന്‍ ധനസഹായം ,ലഹരി വിരുദ്ധ ബോധവല്‍ക്കരണം, വിദ്യാലയങ്ങളില്‍ സായാഹ്ന ക്ലാസുകള്‍ ,തുടങ്ങി വ്യത്യസ്തങ്ങളായ നിരവധി പദ്ധതികള്‍ ബജറ്റിലുണ്ട്. നൂറ്റി ഏഴ് കോടി പന്ത്രണ്ട് ലക്ഷത്തി അറുപത്തിനാല് ലക്ഷത്തി അഞ്ഞൂറ്റി തൊണ്ണൂറ്റി ആറ് രൂപ വരവും നൂറ്റി അഞ്ച് കോടി ഇരുപത്തി ഏഴ് ലക്ഷത്തി എണ്‍പത്തി മൂവ്വാരത്തി ഇരുന്നൂറ് രൂപ ചിലവും ഒരു കോടി എണ്‍പത്തിനാല് ലക്ഷത്തി എണ്‍പത്തി ഒന്നായിരത്തി മുന്നൂറ്റി തൊണ്ണൂറ്റി ആറ് രൂപ നീക്കിയിരിപ്പും പ്രതീക്ഷിക്കുന്നതാണഅ ബജറ്റ്. നഗരസഭാ ചെയര്‍മാന്‍ സി.സി. വിപിന്‍ ചന്ദ്രന്‍ ബജറ്റ് യോഗത്തില്‍ അദ്ധ്യക്ഷത വഹിച്ചു. ബജറ്റിന്‍മേലുള്ള ചര്‍ച്ച തിങ്കളാഴ്ച്ച നടക്കും
ചാലക്കുടി ചാലക്കുടി കുറ്റിക്കാട് കിഴക്കുംഭാഗം ജംഗ്ഷനിലെ കപ്പേളയുടെ രൂപക്കൂട് എറിഞ്ഞു തകര്‍ത്ത നിലയില്‍ കണ്ടെത്തി.
സെന്റ് ആന്റണീസ് ലത്തീന്‍ പള്ളിയോടനുബന്ധിച്ചുള്ള രൂപക്കൂടിന് നേരെയാണ് ആക്രമണം നടന്നത്. മുന്‍ഭാഗത്തെ ചില്ല് തകരുകയും രൂപത്തിന് സ്ഥാനഭ്രംശം സംഭവിക്കുകയും ചെയ്തു. കഴിഞ്ഞ ഒക്ടോബറിലും ഇത്തരത്തില്‍ രൂപകൂടിന് നേരെ ആക്രമണം നടന്നിരുന്നു. ചാലക്കുടി പോലീസ് സ്ഥലത്തെത്തി കേസെടുത്തു.
പുതുക്കാട് തൃക്കൂര്‍ പഞ്ചായത്തിലെ എല്‍.ഡി.എഫ് നേതൃത്വത്തിലുള്ള ഭരണ സമിതി ബി.പി.എല്‍ ലിസ്റ്റ് അംഗീകരിക്കാന്‍ ഗ്രാമസഭ വിളിച്ചു ചേര്‍ത്തില്ലെന്നാരോപിച്ചു കോണ്‍ഗ്രസ് നടത്തിയിരുന്ന ത്രിദിന പ്രതിഷേധ കൂട്ടായ്മ സമാപിച്ചു.
സമാപന സമ്മേളനം ഡിസിസി ജനറല്‍ സെക്രട്ടറി കല്ലൂര്‍ ബാബു ഉദ്ഘാടനം ചെയ്തു. മണ്ഡലം പ്രസിഡന്റ് സുനില്‍ മുളങ്ങാട്ടുകര, ജോസഫ് നമ്പാടന്‍ എന്നിവര്‍ സംസാരിച്ചു.
എരുമപ്പെട്ടി വേലൂര്‍ ഗ്രാമപഞ്ചായത്തിന്റെ ബജറ്റ് അവതരിപ്പിച്ചു.
പഞ്ചായത്ത് വൈസ് പ്രസിഡന്റ് അബ്ദുള്‍ റഷീദ ബജറ്റ് അവതരിപ്പിച്ചു. 16 കോടി 20 ലക്ഷത്തി 12 ,011 രൂപ വരവും 14 കോടി 21 ലക്ഷത്തി 54,000 രൂപ ചെലവും ഒരു കോടി 98,062 രൂപ നീക്കിയിരിപ്പും പ്രതീക്ഷിക്കുന്നതാണ് ബജറ്റ്. കൃഷി അനുബന്ധ മേഖലകള്‍, മൃഗ സംരക്ഷണം, ജലസേചനം തുടങ്ങിയ പദ്ധതികള്‍ക്കാണ് ബജറ്റില്‍ പ്രാധാന്യം നല്‍കിയിട്ടുള്ളത്. പഞ്ചായത്ത് പ്രസിഡന്റ് ഷേര്‍ളി ദിലീപ് കുമാര്‍ അധ്യക്ഷയായി. വിദ്യാര്‍ത്ഥികള്‍ക്കും കുടിവെള്ളത്തിനും വേണ്ടി പ്രധാന പദ്ധതികള്‍ ഒന്നും തന്നെ ഉള്‍പ്പെടുത്താത്ത നിരാശാജനകമായ ബജറ്റാണിതെന്ന് പ്രതിപക്ഷ നേതാവ് പി.കെ.ശ്യാംകുമാര്‍ പറഞ്ഞു. സര്‍ക്കാര്‍ ഏറ്റെടുത്ത കിരാലൂര്‍ സ്‌കൂളിന് ഫണ്ടുകളൊന്നും വകയിരുത്തിയിട്ടില്ലെന്നും പ്രതിപക്ഷ നേതാവ് പറഞ്ഞു
പുതുക്കാട് കൊടകര ബി.ആര്‍.സിയുടെ ആഭിമുഖ്യത്തില്‍ നിയോജക മണ്ഡലതല മികവുത്സവം പുതുക്കാട് സെന്റ് സേവ്യേഴ്‌സ് യുപി സ്‌കൂളില്‍ നടന്നു.
കൊടകര ബ്ലോക്ക് പഞ്ചായത്ത് പ്രസിഡന്റ് അമ്പിളി സോമന്‍ ഉദ്ഘാടനം ചെയ്തു. പുതുക്കാട് പഞ്ചായത്ത് പ്രസിഡന്റ് അമ്പിളി ശിവരാജന്‍ അധ്യക്ഷത വഹിച്ചു. ജില്ലാ പഞ്ചായത്തംഗം ജയന്തി സുരേന്ദ്രന്‍ മുഖ്യപ്രഭാഷണം നടത്തി. അളഗപ്പനഗര്‍ പഞ്ചായത്ത് പ്രസിഡന്റ് കെ.രാജേശ്വരി, കൊടകര ബിപിഒ-കെ.നന്ദകുമാര്‍, പ്രധാനാധ്യപിക സിസ്റ്റര്‍ സംഗീത തുടങ്ങിയവര്‍ സംസാരിച്ചു. തുടര്‍ന്ന് നടന്ന സാംസ്‌ക്കാരിക സമ്മേളനം ജില്ലാ പഞ്ചായത്തംഗം കെ.ജെ.ഡിക്‌സന്‍ ഉദ്ഘാടനം ചെയ്തു. പഞ്ചായത്തംഗം ജോളി ചുക്കിരി അധ്യക്ഷത വഹിച്ചു. കവിയും പരിസ്ഥിതി പ്രവര്‍ത്തകനുമായ വര്‍ഗീസാന്റണി, സ്‌കൂള്‍ മാനേജര്‍ സിസ്റ്റര്‍ ജോളി തെരേയത്ത്, കൊടകര ബി.ആര്‍.സി.ട്രെയ്‌നര്‍ എന്‍.കെ. തനൂജ തുടങ്ങിയവര്‍ സംസാരിച്ചു.
പാവറട്ടി പാവറട്ടി ഗ്രാമപഞ്ചായത്ത് ബജറ്റ് ഭരണസമിതി അംഗീകരിച്ചു.
14 ദശാംശം 98 കോടി രൂപ വരവും 14 ദശാംശം 42 കോടി രൂപ ചിലവും 56 ദശാംശം 4 ലക്ഷം രൂപ മിച്ചവും പ്രതീക്ഷിക്കുന്ന ബജറ്റ് ആണ് വൈസ് പ്രസിഡണ്ട് അവതരിപ്പിച്ചത്. എന്നാല്‍ ബജറ്റ് സമ്പൂര്‍ണ്ണമല്ലെന്ന് അരോപിച്ചു സി.പി.എം അംഗങ്ങള്‍ യോഗത്തില്‍ നിന്നും ഇറങ്ങിപ്പോയി. കുടിവെള്ള ക്ഷാമം പരിഹരിക്കുന്നതിന് പെരിങ്ങാട് പുഴയില്‍ തടയണ കെട്ടി മിനി ചെക്ക്ഡാം നിര്‍മിക്കുന്നതിന് ഒരു കോടി രൂപ ബജറ്റില്‍ വകയിരുത്തിയിട്ടുണ്ട്. പഞ്ചായത്ത് ഗ്രൗണ്ട് നവീകരിച്ചു ഗാലറി കെട്ടുന്നതിന് 50 ലക്ഷം രൂപയും, പഞ്ചായത്ത് റോഡുകളുടെ നവീകരണത്തിന് 70 ലക്ഷം രൂപയും ഭവന പുനരുദ്ധാരണത്തിന് 25 ലക്ഷം രൂപയും ബജറ്റില്‍ ഉള്‍ക്കൊള്ളിച്ചിട്ടുണ്ട്. പഞ്ചായത്ത് പ്രസിഡണ്ട് എന്‍.പി. കാദര്‍മോന്‍ യോഗത്തില്‍ അദ്ധ്യക്ഷനായിരുന്നു.
പാവറട്ടി പാവറട്ടി ഗ്രാമപഞ്ചായത്ത് ബജറ്റ് ഭരണസമിതി അംഗീകരിച്ചു.
14 ദശാംശം 98 കോടി രൂപ വരവും 14 ദശാംശം 42 കോടി രൂപ ചിലവും 56 ദശാംശം 4 ലക്ഷം രൂപ മിച്ചവും പ്രതീക്ഷിക്കുന്ന ബജറ്റ് ആണ് വൈസ് പ്രസിഡണ്ട് അവതരിപ്പിച്ചത്. എന്നാല്‍ ബജറ്റ് സമ്പൂര്‍ണ്ണമല്ലെന്ന് അരോപിച്ചു സി.പി.എം അംഗങ്ങള്‍ യോഗത്തില്‍ നിന്നും ഇറങ്ങിപ്പോയി. കുടിവെള്ള ക്ഷാമം പരിഹരിക്കുന്നതിന് പെരിങ്ങാട് പുഴയില്‍ തടയണ കെട്ടി മിനി ചെക്ക്ഡാം നിര്‍മിക്കുന്നതിന് ഒരു കോടി രൂപ ബജറ്റില്‍ വകയിരുത്തിയിട്ടുണ്ട്. പഞ്ചായത്ത് ഗ്രൗണ്ട് നവീകരിച്ചു ഗാലറി കെട്ടുന്നതിന് 50 ലക്ഷം രൂപയും, പഞ്ചായത്ത് റോഡുകളുടെ നവീകരണത്തിന് 70 ലക്ഷം രൂപയും ഭവന പുനരുദ്ധാരണത്തിന് 25 ലക്ഷം രൂപയും ബജറ്റില്‍ ഉള്‍ക്കൊള്ളിച്ചിട്ടുണ്ട്. പഞ്ചായത്ത് പ്രസിഡണ്ട് എന്‍.പി. കാദര്‍മോന്‍ യോഗത്തില്‍ അദ്ധ്യക്ഷനായിരുന്നു.
കുന്നംകുളം അക്കിക്കാവ്-കടങ്ങോട് റോഡിന്റെ ശോചനീയാവസ്ഥയില്‍ പ്രതിഷേധിച്ച് യുവമോര്‍ച്ച പ്രവര്‍ത്തകര്‍ യാത്രക്കാര്‍ക്ക് മരുന്നു വിതരണം ചെയ്തു.
യുവമോര്‍ച്ച കടവല്ലൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ നടത്തുന്ന റിലേ നിരാഹാര സമരത്തിന്റെ ഭാഗമായാണ് ശരീരവേദനക്കുള്ള കൊട്ടന്‍ചുക്കാദി തൈലം പ്രവര്‍ത്തകര്‍ നല്‍കിയത്.റോഡിലെ സ്ഥിരം ഡ്രൈവര്‍മാര്‍ക്കും യാത്രക്കാരുമായ നൂറോളം പേര്‍ക്കും തൈലം വിതരണം ചെയ്തു. യുവമോര്‍ച്ച കടവല്ലൂര്‍ പഞ്ചായത്ത് പ്രസിഡണ്ട് മൂര്‍ത്താട്ടില്‍ നികേഷ്, തൈല വിതരണത്തിന്റെ ഉദ്ഘാടനം നിര്‍വഹിച്ചു. കടവല്ലൂര്‍ പഞ്ചായത്ത് ബി.എം.എസ് കണ്‍വീനര്‍ സുനില്‍ കിഴക്കേക്കരഞ്ഞാലില്‍ അധ്യക്ഷനായി. സുബീഷ്, വിഷ്ണു, യദുകൃഷ്ണ തുടങ്ങിയവര്‍ നേതൃത്വം നല്‍കി.
ചെറുതുരുത്തി സംസ്ഥാന സര്‍ക്കാരിന്റെ കുടുംബ സഹായ പദ്ധതിയില്‍ ഉള്‍പ്പെടുത്തി വീട്ടമ്മയ്ക്ക് ധനസഹായം നല്‍കി.
ദേശമംഗലം വറവട്ടൂര്‍ കാളംകുന്നത്ത്പടി ആനന്ദത്തിനാണ് ഒരു ലക്ഷം രൂപയുടെ ധനസഹായം നല്‍കിയത്. ഒരു വര്‍ഷം മുമ്പ് മരത്തില്‍ നിന്ന് വീണ് ആനന്ദത്തിന്റെ ഭര്‍ത്താവ് ഉണ്ണികൃഷ്ണന്‍ മരിച്ചിരുന്നു. ആനന്ദവും അസുഖത്തെ തുടര്‍ന്ന് വിശ്രമത്തിലാണ്. ഉണ്ണികൃഷ്ണന്റെ അമ്മ, മൂന്ന് മക്കള്‍ എന്നിവരാണ് വീട്ടിലുള്ളത്. യു.ആര്‍.പ്രദീപ് എം.എല്‍.എ ധനസഹായം കൈമാറി. വടക്കാഞ്ചേരി തഹസില്‍ദാര്‍ ബ്രിജകുമാരി, ഡെപ്യൂട്ടി തഹസില്‍ദാര്‍ കെ.കെ.ഗംഗാധരന്‍, പഞ്ചായത്തംഗം കെ.ജി.സുരേഷ് ബാബു എന്നിവര്‍ പങ്കെടുത്തു.
ഇരിങ്ങാലക്കുട ബസ് യാത്രക്കിടെ സ്ത്രീയുടെ മാല പൊട്ടിക്കാന്‍ ശ്രമിച്ച തമിഴ്‌നാട് സ്വദേശിനിയെ പിടികൂടി പോലീസില്‍ ഏല്‍പ്പിച്ചു.
മധുര സ്വദേശിനി മാരിയമ്മയെയാണ് ഇരിങ്ങാലക്കുട പോലീസ് അറസ്റ്റ് ചെയ്തത്. സമാനമായ നിരവധി കേസുകളില്‍ മാരിയമ്മ പ്രതിയാണെന്ന് പോലീസ് പറഞ്ഞു.
പാവറട്ടി കേരള പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍ മുല്ലശേരി ഉപജില്ല കമ്മിറ്റിയുടെ ആഭിമുഖ്യത്തില്‍ യാത്രയയപ്പ് സമ്മേളനവും അവാര്‍ഡ് ദാനവും നടത്തി.
ഡി.സി.സി. സെക്രട്ടറി പി.കെ.രാജന്‍ ഉത്ഘാടനം ചെയ്തു. അസോസിയേഷന്‍ ഉപജില്ല പ്രസിഡണ്ട് എഡ്‌വിന്‍ പിന്റോ അദ്ധ്യക്ഷനായിരുന്നു. സര്‍വിസില്‍ നിന്നു വിരമിക്കുന്ന അദ്ധ്യാപകര്‍ക്കുള്ള യാത്രയയപ്പും എസ്.എസ്.എല്‍.സി പരീക്ഷയില്‍ മികച്ച വിജയം നേടിയ അദ്ധ്യാപകരുടെ മക്കള്‍ക്കുള്ള അവാര്‍ഡ് സമര്‍പ്പണവും നടന്നു. അജിത് പ്രസാദ്, ടി.യു.ജെയ്‌സണ്‍, ഡൊമിനിക് സാവിയോ തുടങ്ങിയവര്‍ സംസാരിച്ചു.
എരുമപ്പെട്ടി വേലൂരില്‍ ടിപ്പര്‍ ലോറി ഇടിച്ചു കയറി വീടിനോട് ചേര്‍ന്ന് നില്ക്കുന്ന കടയുടെ മുന്‍വശത്തെ മതിലും ഗ്രില്ലും പൂര്‍ണമായും തകര്‍ന്നു.
വേലൂര്‍ ആനപാലത്തിനു സമീപം കുന്നത്ത് വീട്ടില്‍ പ്രഭാനുവിന്റെ വീടിനോടു ചേര്‍ന്നുള്ള കടയിലേക്കാണ് കേച്ചേരി ഭാഗത്തു നിന്ന് അമിതവേഗത്തില്‍ വരികയായിരുന്ന ടിപ്പര്‍ലോറി നിയന്ത്രണം വിട്ട് ഇടിച്ചു കയറിയത്. അപകടത്തില്‍ ലോറി െ്രെഡവറും സഹായിയും നിസാര പരിക്കുകളോടെ രക്ഷപ്പെട്ടു. കടയിലും പരിസരത്തും ആളില്ലാതിരുന്നതിനാല്‍ വന്‍ ദുരന്തം ഒഴിവായി.
ചെറുതുരുത്തി ബി.ആര്‍.സി. പഴയന്നൂര്‍-ചേലക്കര മണ്ഡലതല മികവുത്സവം ചെറുതുരുത്തി എല്‍.പി. സ്‌കൂളില്‍ യു.ആര്‍.പ്രദീപ് എം.എല്‍.എ ഉദ്ഘാടനം ചെയ്തു.
വള്ളത്തോള്‍നഗര്‍ ഗ്രാമപഞ്ചായത്ത് പ്രസിഡന്റ് പി.പത്മജ അധ്യക്ഷത വഹിച്ചു. ബ്ലോക്ക്പഞ്ചായത്ത് വൈസ് പ്രസിഡന്റ് പി.പി.സുനിത, ചേലക്കര ഗ്രാമപഞ്ചായത്ത് പ്രസിഡന്റ് ആര്‍.ഉണ്ണികൃഷ്ണന്‍, വരവൂര്‍ ഗ്രാമപഞ്ചായത്ത് പ്രസിഡന്റ് കെ.കെ.ബാബു എന്നിവര്‍ പങ്കെടുത്തു. സെമിനാറുകളും, പഞ്ചായത്തുതല പ്രദര്‍ശനങ്ങളും നടന്നു
കുന്നംകുളം പുതുശേരി ഗാന്ധി ശതാബ്ദി വായനശാലയുടെയും എനര്‍ജി മാനേജ്മെന്റ് സെന്ററിന്റെയും അനര്‍ട്ടിന്റെയും സംയുക്താഭിമുഖ്യത്തില്‍ ഊര്‍ജ്ജ സംരക്ഷണ ബോധവല്‍ക്കരണ സെമിനാര്‍ സംഘടിപ്പിച്ചു.
പുതുശ്ശേരി സെന്റ് ഫ്രാന്‍സിസ് എല്‍.പി.സ്‌കൂളില്‍ നടന്ന സെമിനാറിന് തൃശൂര്‍ സബ് ജഡ്ജിയും ലീഗല്‍ സര്‍വീസ് അതോറിറ്റി സെക്രട്ടറിയുമായ മുജീബ് റഹ്മാന്‍ നേതൃത്വം നല്‍കി. വായനശാല പ്രസിഡണ്ട് സി.പി.ജോസ് അധ്യക്ഷത വഹിച്ചു. ഫാ.വിത്സണ്‍ കണിമംഗലത്തുകാരന്‍, ടി.ജോസ്പോള്‍, വത്സന്‍ പാറന്നൂര്‍ തുടങ്ങിയവര്‍ സംസാരിച്ചു.
പുതുക്കാട് നന്തിക്കര സര്‍ക്കാര്‍ വിദ്യാലയത്തില്‍ സംഘടിപ്പിച്ച ബാലോത്സവം സംസ്ഥാന അധ്യാപക അവാര്‍ഡ് ജേതാവ് എ.വൈ.മോഹന്‍ദാസ് ഉദ്ഘാടനം ചെയ്തു.
പറപ്പൂക്കര പഞ്ചായത്ത് പ്രസിഡന്റ് കാര്‍ത്തിക ജയന്‍ അധ്യക്ഷത വഹിച്ചു. ഫയര്‍ ആന്റ് സേഫ്റ്റി ജില്ലാ ഓഫീസര്‍ എ.എല്‍. ലാസര്‍ നീന്തല്‍ സാക്ഷരത സര്‍ട്ടിഫിക്കേറ്റ് വിതരണം ചെയ്തു. പ്രധാനാധ്യപകന്‍ കെ.രാജന്‍, ഒ.എസ്.എ പ്രസിഡന്റ് വി.ബി. നാരായണന്‍കുട്ടി, പി.ടി.എ.പ്രസിഡന്റ് എം.ആര്‍. ഭാസ്‌കരന്‍, തുടങ്ങിയവര്‍ സംസാരിച്ചു.
കയ്പമംഗലം മതിലകം ബി.ആര്‍.സിയുടെ ആഭിമുഖ്യത്തില്‍ കയ്പമംഗലം മണ്ഡലതല മികവുത്സവം സംഘടിപ്പിച്ചു.
പെരിഞ്ഞനം ഗവണ്‍മെന്റ് യു.പി സ്‌കൂളില്‍ നടന്ന മികവുത്സവം ഇ.ടി.ടൈസന്‍ എം.എല്‍.എ ഉദ്ഘാടനം ചെയ്തു. പെരിഞ്ഞനം ഗ്രാമപഞ്ചായത്ത് പ്രസിഡന്റ് കെ.കെ.സച്ചിത്ത് അധ്യക്ഷത വഹിച്ചു. മതിലകം ബി.പി.ഒ - ടി.എസ്.സജീവന്‍ ആമുഖ പ്രഭാഷണം നടത്തി. അധ്യാപക അവാര്‍ഡ് ജേതാക്കളായ എ.വൈ.മോഹന്‍ദാസ്, പി.കെ.ഭരതന്‍, സെറാഫിന്‍ പിന്‍ഹീറോ എന്നിവര്‍ സംസാരിച്ചു.
പുതുക്കാട് പുതുക്കാട് റെയില്‍വേ സ്‌റ്റേഷനില്‍ കൊടകര സഹൃദയ എഞ്ചിനീയറിങ്ങ് എന്‍.എസ്.എസ് യൂണിറ്റും ട്രെയിന്‍ പാസഞ്ചേഴ്‌സ് അസോസിയേഷനും സംയുക്തമായി പ്ലാസ്റ്റിക് കുപ്പികള്‍ ഉപയോഗിച്ച് ഹാങ്ങിങ്ങ് പൂന്തോട്ടം നിര്‍മ്മിച്ചു.
ട്രാക്കില്‍ നിന്ന് ശേഖരിച്ച മുന്നൂറോളം കുപ്പികളില്‍ മണ്ണ് നിറച്ച് സ്‌റ്റേഷനിലെ രണ്ടാം പ്ലാറ്റ് ഫോമിലാണ് ഉദ്യാനം നിര്‍മ്മിച്ചത്. എഴുപതോളം എന്‍.എസ്.എസ് വളന്റിയര്‍മാര്‍ നേതൃത്വം നല്‍കി. പരിപാടിയുടെ ഉദ്ഘാടനം പുതുക്കാട് പഞ്ചായത്ത് പ്രസിഡന്റ് അമ്പിളി ശിവരാജന്‍ നിര്‍വഹിച്ചു. ട്രെയിന്‍ പാസഞ്ചേഴ്‌സ് അസോസിയേഷന്‍ പ്രസിഡന്റ് സെബണ്‍ പല്ലന്‍ അധ്യക്ഷത വഹിച്ചു. പ്രൊഫ.ഡോ.വിമല്‍ കുമാര്‍, അസോസിയേഷന്‍ സെക്രട്ടറി അരുണ്‍ ലോഹിതാക്ഷന്‍, സഹൃദയ എന്‍എസ്എസ് പ്രോഗ്രാം ഓഫീസര്‍മാരായ പി.എച്ച്.ഹവിനാഷ്, വിദ്യ, അസോസിയേഷന്‍ ഭാരവാഹികളായ വി.വിജിന്‍ വേണു, വിജയകുമാര്‍ പുതുക്കാട്ടില്‍, സ്‌റ്റേഷന്‍ മാസ്റ്റര്‍ പി.ബി. ബാബു എന്നിവര്‍ നേതൃത്വം നല്‍കി.
പുതുക്കാട് നന്തിക്കര ശ്രീരാമകൃഷ്ണ വിദ്യാനികേതന്‍ സ്‌കൂളില്‍ നഴ്‌സറി കുട്ടികള്‍ക്കായി സംഘടിപ്പിച്ച കിങ്ങിണിക്കൂട്ടത്തിന്റെ ഉദ്ഘാടനം പറപ്പൂക്കര പഞ്ചായത്തംഗം വി.എസ്.വേണു നിര്‍വ്വഹിച്ചു.
സ്‌കൂള്‍ മാനേജര്‍ കെ.വിജയന്‍ ദീപം കൊളുത്തി. കൊടകര വിവേകാനന്ദ ട്രസ്റ്റ് ട്രഷറര്‍ കെ.എസ്. സുഗേഷ് അധ്യക്ഷത വഹിച്ചു. പ്രിന്‍സിപ്പാള്‍ കെ.ആര്‍.വിജയലക്ഷ്മി, ക്ഷേമസമിതി പ്രസിഡന്റ് കെ.ആര്‍ പ്രകാശന്‍, മാതൃസമിതി പ്രസിഡന്റ് സുനിത തിലകന്‍ തുടങ്ങിയവര്‍ സംസാരിച്ചു.
ഗുരുവായൂര്‍ ഗുരുവായൂര്‍ ക്ഷേത്രപരിസരത്ത് നഷ്ടപെട്ട ഏഴ് പവന്റെ മാല പോലീസുകാരുടെ ആത്മാര്‍ത്ഥതയില്‍ ഉടമയ്ക്ക് തിരികെ ലഭിച്ചു.
ചെന്നൈ സ്വദേശി സ്മിത രാജീവിനാണ് മാല തിരികെ ലഭിച്ചത്. കഴിഞ്ഞ വ്യാഴാഴ്ച ക്ഷേത്രത്തിലേക്ക് പ്രവേശിക്കുന്നതിനിടെ സ്‌കാനറില്‍ പരിശോധിക്കാനായി നല്‍കിയപ്പോള്‍ തുറന്ന് കിടന്നിരുന്ന ഇവരുടെ ഹാന്റ്ബാഗില്‍ നിന്ന് മാല തെറിച്ച് വീഴുകയായിരുന്നു. ബോംബ് സ്‌ക്വാഡിലെ സി.പി.ഒ-ആര്‍.സന്ദീപിന് ലഭിച്ച മാല, ഉടമയെ കണ്ടെത്താത്തതിനെ തുടര്‍ന്ന് ടെമ്പിള്‍ സ്റ്റേഷനില്‍ ഏല്‍പ്പിച്ചു. പോലീസിന് മാല ലഭിച്ചതറിഞ്ഞ് സ്മിത സ്റ്റേഷനിലെത്തി ഏറ്റുവാങ്ങി. എസ്.ഐ.-പി.എസ്.ബാലകൃഷ്ണന്‍, എ.എസ്.ഐ.- പി.വേണുഗോപാല്‍ എന്നിവരുടെ സാന്നിധ്യത്തിലാണ് മാല കൈമാറിയത്.
പുതുക്കാട് പുതുക്കാട് നിയോജക മണ്ഡലത്തില്‍ നിന്നു തെരെഞ്ഞെടുത്ത കോണ്‍ഗ്രസ് ബൂത്ത് പ്രസിഡന്റുമാര്‍ക്ക് സ്വീകരണം നല്‍കി.
അളഗപ്പനഗര്‍ പഞ്ചായത്ത് കമ്മ്യൂണിറ്റി ഹാളില്‍ നടന്ന സ്വീകരണ യോഗം ഡി.സി.സി പ്രസിഡന്റ് ടി.എന്‍.പ്രതാപന്‍ ഉദ്ഘാടനം ചെയ്തു. അളഗപ്പനഗര്‍ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് ഡേവീസ് അക്കര അധ്യക്ഷത വഹിച്ചു. മുന്‍ മന്ത്രി കെ.പി.വിശ്വനാഥന്‍, എം.പി.ഭാസ്‌കരന്‍ നായര്‍, ജോസഫ് ടാജറ്റ് എന്നിവര്‍ സംസാരിച്ചു.
പാവറട്ടി മണലൂര്‍ നിയോജകമണ്ഡലം മികവ് ഉത്സവം മുല്ലശേരിയില്‍ മുരളി പെരുനെല്ലി എം.എല്‍.എ ഉദ്ഘാടനം ചെയ്തു.
മുല്ലശ്ശേരി ബ്ലോക്ക് പ്രസിഡണ്ട് ലതി വേണുഗോപാല്‍ അദ്ധ്യക്ഷ യായിരുന്നു. ജില്ലാപഞ്ചായത്ത് സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ ജെന്നി ജോസഫ്, ബി.ആര്‍ സന്തോഷ്, എ.ഇ.ഒ-മണികണ്ഠലാല്‍ തുടങ്ങിയവര്‍ സംസാരിച്ചു.
മാള മാള തിരുമുക്കുളം ശ്രീദുര്‍ഗ്ഗ ഭഗവതി ക്ഷേത്രത്തിലെ ഉപദേശക സമിതിയുടേയും അഖിലഭാരത നാരായണീയ പ്രചാരണ സഭയുടേയും സഹകരണത്തോടെ സംഘടിപ്പിക്കുന്ന ശ്രീമദ് നാരായണീയ ത്രയാഹ സത്രത്തിന് തുടക്കമായി.
മേല്‍പ്പത്തൂരിന്റെ നാരായണീയം മൂന്ന് ദിവസങ്ങളിലായി മഥനം ചെയ്ത് ആത്മീയ ചടങ്ങുകളോടെ അവതരിപ്പിക്കും. സത്രത്തിലേക്കുള്ള കൊടിമര ഘോഷയാത്ര ഐരാണിക്കുളം മഹാദേവ ക്ഷേത്രത്തില്‍ നിന്നാരംഭിച്ച് സത്രവേദിയിലെത്തി. തുടര്‍ന്ന് യജ്ഞാചാര്യന്‍ ഗുരുവായൂര്‍ ക്ഷേത്രം മുന്‍ മേല്‍ശാന്തി മൂര്‍ക്കന്നൂര്‍ ശ്രീഹരി നമ്പൂതിരി സത്രത്തിന് തിരി തെളിയിച്ചു.
തൃപ്രയാര്‍ പൂജയിലൂടെ പഠനത്തില്‍ സമര്‍ത്ഥയാക്കാമെന്ന് തെറ്റിദ്ധരിപ്പിച്ച് തളിക്കുളം സ്വദേശിനിയായ പത്താം ക്ലാസ് വിദ്യാര്‍ത്ഥിനിയെ പീഡിപ്പിച്ച സംഭവത്തില്‍ കൊല്ലം സ്വദേശിയായ പൂജാരി ഒളിവില്‍.
കുട്ടിയേയും അമ്മയെയും ചക്കുളത്തുകാവില്‍ ലോഡ്ജില്‍ എത്തിക്കുകയും തുടര്‍ന്ന് പൂജ ചെയ്യാനാണെന്ന് കബളിപ്പിച്ച് കുട്ടിയെ പൂജാരി പീഡിപ്പിക്കുകയുമായിരുന്നു. സംഭവത്തിന് ശേഷം പൂജാരി പെണ്‍കുട്ടിയെ വീട്ടില്‍ വെച്ചും പീഡിപ്പിച്ചു. തളിക്കുളത്ത് അമ്മൂമ്മയോടൊപ്പം താമസിച്ചിരുന്ന പെണ്‍കുട്ടി താന്‍ പഠിക്കുന്ന സ്‌കൂള്‍ പ്രൊട്ടക്ഷന്‍ ഗ്രൂപ്പില്‍ നല്കിയ പരാതിയാണ് സംഭവം പുറത്തറിയാന്‍ ഇടവരുത്തിയത്. തുടര്‍ന്ന് പൂജാരിക്കെതിരെ വാടാനപ്പള്ളി പൊലീസില്‍ പരാതി നല്‍കുകയായിരുന്നു. സംഭവത്തില്‍ ചൈല്‍ഡ് ലൈന്‍ പ്രവര്‍ത്തകര്‍ കുട്ടിയില്‍ നിന്ന് മൊഴിയെടുത്തു. അമ്മയുമായുള്ള സൗഹൃദം മുതലെടുത്ത് പെണ്‍കുട്ടിയെ പീഡിപ്പിച്ച പൂജാരി, സംഭവത്തില്‍ പൊലീസ് കേസെടുത്തതോടെയാണ് ഒളിവില്‍ പോയത്. നാല് ദിവസം മുമ്പാണ് പരാതി നല്‍കിയതെങ്കിലും പൊലീസ് ഇനിയും അന്വേഷണം ആരംഭിച്ചിട്ടില്ല.
ചാവക്കാട് മാലിന്യ കൂമ്പാരമായി മാറിയ ചാവക്കാട് മത്തിക്കായലിനെ സംരക്ഷിക്കണമെന്നാവശ്യം ശക്തമായി.
ഒഴുക്ക് നിലച്ച കായലില്‍ കുളവാഴ കെട്ടി കിടിക്കുകയാണ്. മത്തിക്കായലിന്റെ സംരക്ഷണത്തിനായി ബ്ലാങ്ങാടില്‍ ജനകീയ സമിതി രൂപീകരിച്ചു. എം.കെ.ആരിഫ്, ആര്‍.വി.സുള്‍ഫിക്കര്‍, എം.എ.അനീഷ് എന്നിവര്‍ സംസാരിച്ചു. മത്തിക്കായലില്‍ മാലിന്യം തള്ളുന്നവര്‍ക്കെതിരെ നടപടിയെടുക്കണമെന്നാവശ്യപ്പെട്ട് ബ്ലാങ്ങാട് പി.വി.എം.എ.എല്‍.പി. സ്‌കൂള്‍ വിദ്യാര്‍ത്ഥികളും അധ്യാപകരും മുഖ്യമന്ത്രിക്ക് നിവേദനം നല്‍കി.
തൃപ്രയാര്‍ കോതകുളത്ത് ടിപ്പര്‍ ലോറിയും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു.
കോതകുളം ബീച്ച് സ്വദേശി കണക്കാട്ട് വീട്ടില്‍ അരവിന്ദന്റെ മകന്‍ 23 വയസുള്ള ഇവാന്‍ ഇളങ്കോ ആണ് മരിച്ചത്. ശനിയാഴ്ച വൈകീട്ട് ആറേമുക്കാലോടെ കോതകുളത്ത് നിന്ന് ബീച്ച് ഭാഗത്തേക്ക് ബൈക്കില്‍ വരുന്നതിനിടെ ഡിസ്‌ക്കോ സെന്ററില്‍ വെച്ച് എതിരെവന്ന ടിപ്പര്‍ ലോറി ബൈക്കില്‍ ഇടിക്കുകയായിരുന്നു. അപകടത്തില്‍ യുവാവിന്റെ തല തകര്‍ന്നിരുന്നു. യുവാവിനെ ഉടന്‍ തന്നെ വലപ്പാട് ഗവണ്‍മെന്റ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. കൊല്‍ക്കത്ത ഫൈന്‍ ആര്‍ട്‌സ് കോളേജില്‍ വിദ്യാര്‍ത്ഥിയായിരുന്ന ഇവാന്‍ ഇളങ്കോ മികച്ച ചിത്രകാരനുമായിരുന്നു.
തൃശൂര്‍ മലപ്പുറം ലോക്‌സഭാ ഉപതിരഞ്ഞെടുപ്പിലെ യു.ഡി.എഫ്. സ്ഥാനാര്‍ത്ഥി പി.കെ.കുഞ്ഞാലിക്കുട്ടിയുടെ അപൂര്‍ണമായ നാമനിര്‍ദ്ദേശ പത്രിക സ്വീകരിച്ച ജില്ലാ കളക്ടറുടെ നടപടി അധാര്‍മ്മികവും നിയമ വിരുദ്ധവുമാണെന്ന് ബി.ജെ.പി. സംസ്ഥാന ജനറല്‍ സെക്രട്ടറി കെ.സുരേന്ദ്രന്‍ പറഞ്ഞു.
തൃശൂരില്‍ ബി.ജെ.പി. ജില്ലാ ഓഫീസില്‍ നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. അറിഞ്ഞുകൊണ്ട് കളക്ടര്‍ നടത്തിയ നടപടി സുപ്രീംകോടതി വിധിയുടെ ലംഘനവും പെരുമാറ്റ ചട്ട വിരുദ്ധവുമാണ്. അതിനാല്‍ മലപ്പുറം ജില്ലാ കളക്ടര്‍ അമിത് മീണ രാജിവെയ്ക്കുകയോ, അല്ലെങ്കില്‍ കളക്ടറെ തല്‍സ്ഥാനത്തു നിന്ന് മാറ്റി നിര്‍ത്തുകയോ വേണമെന്ന് സുരേന്ദ്രന്‍ ആവശ്യപ്പെട്ടു. അനധികൃത സ്വത്ത് സമ്പാദനത്തില്‍ കുഞ്ഞാലിക്കുട്ടിക്കെതിരെ വിജിലന്‍സ് കേസ് നിലനില്‍ക്കുന്നതുകൊണ്ടാണ് അദ്ദേഹം നാമനിര്‍ദ്ദേശ പത്രികയില്‍ സ്വത്തു വിവരങ്ങള്‍ വെളിപെടുത്താത്തത്. ഇതിനെതിരെ ബി.ജെ.പി നിയമ നടപടി സ്വീകരിക്കും. മലപ്പുറത്ത് യു.ഡി.എഫിന് വേണ്ടിയാണ് എല്‍.ഡി.എഫ് മല്‍സരിക്കുന്നത്. അതിനാലാണ് ഇക്കാര്യത്തില്‍ എല്‍.ഡി.എഫ്. എതിര്‍ക്കാത്തതെന്നും കുഞ്ഞാലിക്കുട്ടിക്കു മുമ്പില്‍ അവര്‍ അടിയറവ് പറഞ്ഞിരിക്കുകയാണെന്നും സുരേന്ദ്രന്‍ കൂട്ടിച്ചേര്‍ത്തു.
തൃശൂര്‍ മലപ്പുറം ലോക്‌സഭാ ഉപതിരഞ്ഞെടുപ്പിലെ യു.ഡി.എഫ്. സ്ഥാനാര്‍ത്ഥി പി.കെ.കുഞ്ഞാലിക്കുട്ടിയുടെ അപൂര്‍ണമായ നാമനിര്‍ദ്ദേശ പത്രിക സ്വീകരിച്ച ജില്ലാ കളക്ടറുടെ നടപടി അധാര്‍മ്മികവും നിയമ വിരുദ്ധവുമാണെന്ന് ബി.ജെ.പി. സംസ്ഥാന ജനറല്‍ സെക്രട്ടറി കെ.സുരേന്ദ്രന്‍ പറഞ്ഞു.
തൃശൂരില്‍ ബി.ജെ.പി. ജില്ലാ ഓഫീസില്‍ നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. അറിഞ്ഞുകൊണ്ട് കളക്ടര്‍ നടത്തിയ നടപടി സുപ്രീംകോടതി വിധിയുടെ ലംഘനവും പെരുമാറ്റ ചട്ട വിരുദ്ധവുമാണ്. അതിനാല്‍ മലപ്പുറം ജില്ലാ കളക്ടര്‍ അമിത് മീണ രാജിവെയ്ക്കുകയോ, അല്ലെങ്കില്‍ കളക്ടറെ തല്‍സ്ഥാനത്തു നിന്ന് മാറ്റി നിര്‍ത്തുകയോ വേണമെന്ന് സുരേന്ദ്രന്‍ ആവശ്യപ്പെട്ടു. അനധികൃത സ്വത്ത് സമ്പാദനത്തില്‍ കുഞ്ഞാലിക്കുട്ടിക്കെതിരെ വിജിലന്‍സ് കേസ് നിലനില്‍ക്കുന്നതുകൊണ്ടാണ് അദ്ദേഹം നാമനിര്‍ദ്ദേശ പത്രികയില്‍ സ്വത്തു വിവരങ്ങള്‍ വെളിപെടുത്താത്തത്. ഇതിനെതിരെ ബി.ജെ.പി നിയമ നടപടി സ്വീകരിക്കും. മലപ്പുറത്ത് യു.ഡി.എഫിന് വേണ്ടിയാണ് എല്‍.ഡി.എഫ് മല്‍സരിക്കുന്നത്. അതിനാലാണ് ഇക്കാര്യത്തില്‍ എല്‍.ഡി.എഫ്. എതിര്‍ക്കാത്തതെന്നും കുഞ്ഞാലിക്കുട്ടിക്കു മുമ്പില്‍ അവര്‍ അടിയറവ് പറഞ്ഞിരിക്കുകയാണെന്നും സുരേന്ദ്രന്‍ കൂട്ടിച്ചേര്‍ത്തു.
തൃശൂര്‍ കെ.പി.സി.സി പ്രസിഡന്റിന്റെ താല്‍കാലിക ചുമതല എം.എം ഹസന് നല്‍കി.
ഹൈക്കമാന്റിന്റെ തീരുമാനം സംസ്ഥാന നേതൃത്വത്തെ അറിയിക്കുകയായിരുന്നു. കെ.പി.സി.സി പ്രസിഡന്റായിരുന്ന വി.എം സുധീരന്‍ രാജിവെച്ചതിനെ തുടര്‍ന്നാണ് എം.എം ഹസന് താല്‍കാലിക ചുമതല നല്‍കിയത്. .
തൃശൂര്‍ പൊതുവിദ്യാലയങ്ങളിലെ അദ്ധ്യാപകര്‍ സ്വന്തം മക്കളെ പൊതുവിദ്യാലയങ്ങളില്‍ അയക്കാന്‍ ശ്രദ്ധിക്കണമെന്ന് കൃഷി വകുപ്പുമന്ത്രി അഡ്വ.വി.എസ്.സുനില്‍കുമാര്‍.
സര്‍വ്വശിക്ഷാ അഭിയാന്റെ നേതൃത്വത്തില്‍ തൃശൂര്‍ ജില്ലാ മികവുത്സവം ഡയറ്റില്‍ ഉദ്ഘാടനം ചെയ്യുകയായിരുന്നു മന്ത്രി. അദ്ധ്യാപകര്‍ പൊതു വിദ്യഭ്യാസ സംരക്ഷണ യജ്ഞം ഏറ്റെടുക്കണമെന്നും മന്ത്രി പറഞ്ഞു. ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ അദ്ധ്യക്ഷത വഹിച്ചു.
തൃശൂര്‍ തൃശൂര്‍ എം.ടി.ഐ.യില്‍ നടന്നു വന്നിരുന്ന ദ്വിദിന സംസ്ഥാനതല പോളിടെക്‌നിക് കോളേജ് അക്കാദമി പ്രൊജക്ട് എക്‌സിബിഷന്‍ സമാപിച്ചു.
സമാപന സമ്മേളനം സാങ്കേതിക സര്‍വ്വകലാശാല ജോയിന്റ് ഡയറക്ടര്‍ എന്‍.ശാന്തകുമാര്‍ ഉദ്ഘാടനം ചെയ്തു. എം.ടി.ഐ. പ്രിന്‍സിപ്പാള്‍ സി.പി.ഉണ്ണികൃഷ്ണന്‍ അധ്യക്ഷത വഹിച്ചു. വിവിധ പോളിടെക്‌നിക് കോളേജ് പ്രിന്‍സിപ്പാള്‍മാരായ കെ.എസ്.പുരുഷന്‍, എം.രാമചന്ദ്രന്‍, ദിനചന്ദ്രന്‍, പി.ടി.എ വൈസ് പ്രസിഡന്റ് ജോയ് ജോണ്‍,. ജോയിന്റ് കണ്‍വീനര്‍ സോജന്‍ പി.ആന്റണി, ജനറല്‍ കണ്‍വീനര്‍ റെജി മോന്‍ അബ്രഹാം തുടങ്ങിയവര്‍ സംസാരിച്ചു.
ചെറുതുരുത്തി കേരളകലാമണ്ഡലം നിളാ കാമ്പസിനെ വിജ്ഞാനതീര്‍ത്ഥാടന കേന്ദ്രമാക്കി മാറ്റുമെന്ന് കലാമണ്ഡലം അധികൃതര്‍ ചെറുതുരുത്തിയില്‍ അറിയിച്ചു.
കലാമണ്ഡലത്തില്‍ 5 വര്‍ഷം കൊണ്ട് നടത്താനുദ്ദേശിക്കുന്ന വിവിധ വികസന പദ്ധതികളുടെ ഭാഗമായി ബിരുദ കോഴ്‌സുകള്‍ക്കും ബിരുദാനന്തര കോഴ്‌സുകള്‍ക്കുമായി പുതിയ കാമ്പസ് നിര്‍മ്മിക്കുന്നതിനാവശ്യമായ സ്ഥലം കണ്ടെത്തും. ഇതിനായി പുതിയ സമിതിയും രൂപീകരിച്ചു. ഇന്ത്യന്‍ കലകള്‍ പഠിക്കുന്നതിന് സ്റ്റഡി ഇന്ത്യഎന്ന പേരില്‍ പുതിയ പദ്ധതിയും രൂപവത്കരിച്ചതായി അധികൃതര്‍ പറഞ്ഞു. കലാമണ്ഡലം ജീവനക്കാരുടെ ക്ഷേമകാര്യ വിഷയങ്ങള്‍ അടിയന്തിരമായി പരിഹരിക്കും. വര്‍ഷാവര്‍ഷങ്ങളില്‍ വിപുലമായ ഒ.എന്‍.വി അനുസ്മരണം, നിളാ ദേശീയ നൃത്ത-സംഗീതോത്സവം എന്നിവയും നടത്തും. നിലവിലെ കാമ്പസില്‍ നിര്‍മ്മിച്ചിട്ടുള്ള കലാമ്യൂസിയം തുടര്‍ പ്രവര്‍ത്തനങ്ങള്‍ നടത്തുന്നതിന് പൊതുമരാമത്ത് വകുപ്പുമായി ചര്‍ച്ച ചെയ്ത് തീരുമാനിക്കുമെന്നും അധികൃതര്‍ അറിയിച്ചു. വൈസ് ചെയര്‍മാന്‍ ഡോ.എം.സി.ദിലീപ്കുമാര്‍, രജിസ്ട്രാര്‍ ഡോ.കെ.കെ.സുന്ദരേശന്‍, ഭരണസമിതി അംഗങ്ങളായ ഡോ.എന്‍.ആര്‍.ഗ്രാമപ്രകാശ്, ടി.കെ.വാസു എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ സര്‍വ്വീസ് സംഘടനകളുടെ അഭിപ്രായ സ്വാതന്ത്ര്യം നിരോധിക്കുവാനുള്ള സര്‍ക്കാര്‍ നീക്കം ഫാസിസമാണെന്ന് കേരള എന്‍.ജി.ഒ അസോസിയേഷന്‍ സംസ്ഥാന ജനറല്‍ സെക്രട്ടറി എന്‍.കെ.ബെന്നി പ്രസ്താവനയില്‍ പറഞ്ഞു.
ഇക്കാര്യത്തിലുള്ള സര്‍ക്കാര്‍ നിലപാടില്‍ ഭരണാനുകൂല സംഘടനകളുടെ അഭിപ്രായം അറിയുവാന്‍ താല്പര്യമുണ്ട്. അഭിപ്രായ സ്വതന്ത്ര്യം തടയുന്ന സര്‍ക്കാരിന്റെ ഇത്തരം കരിനിയമങ്ങള്‍ പിന്‍വലിക്കുവാന്‍ തയ്യാറാകണമെന്ന് എന്‍.കെ.ബെന്നി ആവശ്യപ്പെട്ടു.
തൃശൂര്‍ കേരള വികലാംഗ ക്ഷേമ സംഘടന സംസ്ഥാന പ്രസിഡന്റായി കാദര്‍ നാട്ടികയെ തെരഞ്ഞെടുത്തു.
സെക്രട്ടറിയായി ടി.പി.വിനോദ് ശങ്കറിനെയും, ട്രഷററായി ടി.പി സെയ്തലവിയെയും സി.എം.എസ് സ്‌കൂളില്‍ നടന്ന സംസ്ഥാന ജനറല്‍ ബോഡി യോഗം തെരഞ്ഞെടുത്തു. ഡോ.ത്രേസ്യ ഡയസാണ് രക്ഷാധികാരി.
മുണ്ടൂര്‍ മുണ്ടൂര്‍ പെട്രോള്‍ പമ്പിന് സമീപം കാര്‍ ഡിവൈഡറില്‍ തട്ടി നിയന്ത്രണം വിട്ട് എതിര്‍ദിശയിലേ റോഡിലേക്ക് തെറിച്ച് വീണു.
കുന്നംകുളത്ത് നിന്ന് തൃശൂരിലേക്ക് വരികയായിരുന്ന ചിയ്യാരം സ്വദേശി റിജോയും കുടുംബാംഗങ്ങളും സഞ്ചരിച്ചരുന്ന കാറാണ് അപകടത്തില്‍ പെട്ടത്. അപകടത്തില്‍ ആര്‍ക്കും പരിക്കില്ല.
കൊടകര കൊടകര പഞ്ചായത്തില്‍ ഒന്നേകാല്‍ കോടി രൂപ ചിലവില്‍ നവീകരണം പൂര്‍ത്തിയാക്കിയ ചെറുവത്തൂര്‍ചിറയുടെ സമര്‍പ്പണ ചടങ്ങ് നാടിന്റെ ഉത്സവമായി മാറി.
രണ്ടേക്കറോളം വിസ്തൃതിയില്‍ വെള്ളം നിറഞ്ഞുകിടക്കുന്ന ചിറക്ക് ചുറ്റും മണ്‍ചിരാതുകള്‍ തെളിയിച്ചും നാനാ വര്‍ണ്ണങ്ങളിലുള്ള വൈദ്യുത ദീപാലങ്കാരമൊരുക്കിയുമാണ് നാട്ടുകാര്‍ ചിറയുടെ സമര്‍പ്പണചടങ്ങ് ഉത്സവമാക്കി മാറ്റിയത്. കൃഷി മന്ത്രി വി.എസ്.സുനില്‍കുമാര്‍ പങ്കെടുത്ത ചടങ്ങിനായി സ്ത്രീകളും കുട്ടികളുമടക്കമുള്ള മുഴുവന്‍ ഗ്രാമവാസികളും എത്തിയിരുന്നു. സദസിലും ചിറക്കുചുറ്റും നിര്‍മ്മിച്ചിട്ടുള്ള പടവുകളിലുമിരുന്നാണ് നാട്ടുകാര്‍ ചടങ്ങുകള്‍ വീക്ഷിച്ചത്. കലാപരിപാടികളും ചെറിയ തോതിലുള്ള വെടിക്കെട്ടും ഒരുക്കിയിരുന്നു. നബാര്‍ഡിന്റെ സഹായത്തോടെ നവീകരി്ച്ച ചിറയിലെ വെള്ളം ഉപയോഗപ്പെടുത്തി എണ്ണൂറേക്കറിലധികം സ്ഥലത്തേക്ക് ജലസേചന സൗകര്യമെത്തിക്കാനാകും. പ്രദേശത്തെ നൂറുകണക്കിനു വീട്ടുകിണറുകളിലും കുളങ്ങളിലും ജലവിതാനം നിലനിര്‍ത്താനും ചിറ സഹായകമാകും. വൈകാതെ ചിറയ്ക്കു ചുറ്റുമുള്ള നടപ്പാത ടൈല്‍പാകി മോടിപിടിപ്പിക്കാനും ഹൈമാസ്റ്റ് വിളക്കുകള്‍ സ്ഥാപിക്കാനും നടപടിയെടുക്കുമെന്ന് ഗ്രാമപഞ്ചായത്ത് പ്രസിഡന്റ് പി.ആര്‍.പ്രസാദന്‍ ചിറ സമര്‍പ്പണ ചടങ്ങില്‍ പറഞ്ഞു.
ചാവക്കാട് ചാവക്കാട് ഹനീഫ വധക്കേസില്‍ പുതിയ ഉദ്യോഗസ്ഥ സംഘം അന്വേഷണം ആരംഭിച്ചു.
ക്രൈംബ്രാഞ്ച് എസ്.പി.-കെ.വി. സന്തോഷിന്റെ നേതൃത്വത്തിലുള്ള സംഘമാണ് അന്വേഷണം നടത്തുന്നത്. മുഖ്യസാക്ഷി ഫൈസലിന്റെ മൊഴിയെടുത്ത സംഘം തുടര്‍ന്ന് മറ്റ് സാക്ഷികളുടേയും മൊഴി രേഖപ്പെടുത്തി. ചാവക്കാട് ഗസ്റ്റ് ഹൗസിലാണ് സംഘം ക്യാമ്പ് ചെയ്യുന്നത്. 2015 ഓഗസ്റ്റ് ഏഴിനാണ് കോണ്‍ഗ്രസ് പ്രവര്‍ത്തകനായ ഹനീഫ സ്വന്തം വീട്ടുമുറ്റത്ത് കുത്തേറ്റ് മരിച്ചത്. ആദ്യം ലോക്കല്‍ പോലീസും പിന്നീട് ക്രൈംബ്രാഞ്ച് ഡിവൈ.എസ്.പി.യുടെ നേതൃത്വത്തിലുള്ള സംഘവും അന്വേഷണം നടത്തി പ്രതികളെ അറസ്റ്റ് ചെയ്തിരുന്നു. പിന്നീട് അന്വേഷണം തൃപ്തികരമല്ലെന്ന് പറഞ്ഞ് ഹനീഫയുടെ അമ്മ ഹൈക്കോടതിയെ സമീപിച്ചു. ക്രൈംബ്രാഞ്ച് എസ്.പി.യുടെ നേതൃത്വത്തില്‍ പുതിയ അന്വേഷണ സംഘം ചുമതല ഏറ്റെടുത്തിരുന്നു. എന്നാല്‍ അന്വേഷണ സംഘത്തെ മാറ്റിയാണ് ദിവസങ്ങള്‍ക്ക് മുന്‍പ് പുതിയ സംഘത്തെ നിയോഗിച്ചത്. എറണാകുളം നര്‍ക്കോട്ടിക് സെല്‍ ഡിവൈ.എസ്.പി.- സനല്‍കുമാര്‍, ക്രൈംബ്രാഞ്ച് സി.ഐ-വി.കെ.രാജു, മലപ്പുറം ക്രൈംബ്രാഞ്ച് എസ്.ഐ.-ശിവശങ്കരന്‍ എന്നിവരും അന്വേഷണ സംഘത്തിലുണ്ട്.
ചാവക്കാട് ചാവക്കാട് ഹനീഫ വധക്കേസില്‍ പുതിയ ഉദ്യോഗസ്ഥ സംഘം അന്വേഷണം ആരംഭിച്ചു.
ക്രൈംബ്രാഞ്ച് എസ്.പി.-കെ.വി. സന്തോഷിന്റെ നേതൃത്വത്തിലുള്ള സംഘമാണ് അന്വേഷണം നടത്തുന്നത്. മുഖ്യസാക്ഷി ഫൈസലിന്റെ മൊഴിയെടുത്ത സംഘം തുടര്‍ന്ന് മറ്റ് സാക്ഷികളുടേയും മൊഴി രേഖപ്പെടുത്തി. ചാവക്കാട് ഗസ്റ്റ് ഹൗസിലാണ് സംഘം ക്യാമ്പ് ചെയ്യുന്നത്. 2015 ഓഗസ്റ്റ് ഏഴിനാണ് കോണ്‍ഗ്രസ് പ്രവര്‍ത്തകനായ ഹനീഫ സ്വന്തം വീട്ടുമുറ്റത്ത് കുത്തേറ്റ് മരിച്ചത്. ആദ്യം ലോക്കല്‍ പോലീസും പിന്നീട് ക്രൈംബ്രാഞ്ച് ഡിവൈ.എസ്.പി.യുടെ നേതൃത്വത്തിലുള്ള സംഘവും അന്വേഷണം നടത്തി പ്രതികളെ അറസ്റ്റ് ചെയ്തിരുന്നു. പിന്നീട് അന്വേഷണം തൃപ്തികരമല്ലെന്ന് പറഞ്ഞ് ഹനീഫയുടെ അമ്മ ഹൈക്കോടതിയെ സമീപിച്ചു. ക്രൈംബ്രാഞ്ച് എസ്.പി.യുടെ നേതൃത്വത്തില്‍ പുതിയ അന്വേഷണ സംഘം ചുമതല ഏറ്റെടുത്തിരുന്നു. എന്നാല്‍ അന്വേഷണ സംഘത്തെ മാറ്റിയാണ് ദിവസങ്ങള്‍ക്ക് മുന്‍പ് പുതിയ സംഘത്തെ നിയോഗിച്ചത്. എറണാകുളം നര്‍ക്കോട്ടിക് സെല്‍ ഡിവൈ.എസ്.പി.- സനല്‍കുമാര്‍, ക്രൈംബ്രാഞ്ച് സി.ഐ-വി.കെ.രാജു, മലപ്പുറം ക്രൈംബ്രാഞ്ച് എസ്.ഐ.-ശിവശങ്കരന്‍ എന്നിവരും അന്വേഷണ സംഘത്തിലുണ്ട്.
മരിയാപുരം മരിയാപുരം മിനി എസ്റ്റേറ്റില്‍ ആസിഡ് മാലിന്യ പ്രശ്‌നം സൃഷ്ടിക്കുന്ന കമ്പനികള്‍ അടച്ച് പൂട്ടണമെന്നാവശ്യപ്പെട്ട് സമരം നടത്തിവന്ന സ്ത്രീകളെയും കുട്ടികളെയും ഒരു സംഘം ആക്രമിച്ചു.
ആക്രമണത്തില്‍ 5 സ്ത്രീകള്‍ക്കും 7 കുട്ടികള്‍ക്കും നിസാര പരിക്കേറ്റു. ഇവരെ തൃശൂര്‍ ജനറല്‍ ആശുപത്രിയില്‍ പ്രവേശിപ്പിച്ചു. ഇന്ന് രാവിലെയായിരുന്നു സംഭവം. പതിനഞ്ചോളം വരുന്ന സംഘമാണ് സമരപന്തലില്‍ അതിക്രമിച്ച് കയറി ആക്രമണം നടത്തിയത്. ഒല്ലൂര്‍ പോലീസില്‍ പരാതി നല്‍കി.
വടക്കാഞ്ചേരി വടക്കാഞ്ചേരി റെയില്‍വെ സ്റ്റേഷന് സമീപം പുളിഞ്ചോടില്‍ ടൈല്‍ കയറ്റി വന്ന ലോറി മറിഞ്ഞു ഡ്രൈവര്‍ക്ക് പരിക്കേറ്റു.
മുടിക്കോട് തറ്റേട്ട വീട്ടില്‍ ഗോപകുമാറിനാണ് പരിക്കേറ്റത്. ഇയാളെ വടക്കാഞ്ചേരി പോലീസ് തൃശൂര്‍ ഗവണ്‍മെന്റ് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇന്ന് രാവിലെയായിരുന്നു അപകടം. തൃശൂരില്‍ നിന്നു വടക്കാഞ്ചേരിയിലേക്ക് ടൈലുമായി വന്നിരുന്ന ലോറിയാണ് നിയന്ത്രണം വിട്ട് ചാലിലേക്ക് മറിഞ്ഞത്. ലോറിയില്‍ കുടുങ്ങിയ ഡ്രൈവറെ നാട്ടുകാരും സമീപത്തെ വര്‍ക്‌ഷോപ്പ് ജീവനക്കാരും ചേര്‍ന്ന് രക്ഷപ്പെടുത്തി.
കയ്പമംഗലം കയ്പമംഗലം -12ല്‍ ഗൃഹനാഥനെ വീടിനുള്ളില്‍ മരിച്ച നിലയില്‍ കണ്ടെത്തി.
കാട്ടൂക്കാരന്‍ ഫ്രാന്‍സിസാണ് മരിച്ചത്. വീട്ടില്‍ തനിച്ചായിരുന്ന ഫ്രാന്‍സിസിനെ പുറത്ത് കാണാത്തതിനെ തുടര്‍ന്ന് അയല്‍വാസികള്‍ വീട്ടുകാരെ വിളിച്ചു വരുത്തി വാതില്‍ പൊളിച്ച് അകത്ത് കടന്നപ്പോഴാണ് മരിച്ചു കിടക്കുന്നത് കണ്ടത്. മതിലകം പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു.
മനക്കൊടി മനക്കൊടിയില്‍ കൊയ്ത്തുല്‍സവത്തിനിടെ തൊഴിലുറപ്പ് തൊഴിലാളിയായ സ്ത്രീ കുഴഞ്ഞുവീണ് മരിച്ചു.
മനക്കൊടി ഏരോത്ത് ക്ഷേത്രത്തിന് സമീപം താമസിക്കുന്ന 68 വയസുള്ള ശാന്തയാണ് മരിച്ചത്. കുഴഞ്ഞു വീണയുടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
കൊടുങ്ങല്ലൂര്‍ കൊടുങ്ങല്ലൂരില്‍ പ്രായപൂര്‍ത്തിയാകാത്ത പ്ലസ്ടു വിദ്യാര്‍ത്ഥിനിയെ പീഡിപ്പിച്ച സംഭവത്തില്‍ രണ്ടു പ്രതികളെ കോടതി റിമാന്റ് ചെയ്തു.
ഒന്നാം പ്രതി കാവില്‍കടവ് സ്വദേശി പയ്യപ്പിള്ളി വീട്ടില്‍ 18 വയസുള്ള രാഹുല്‍, രണ്ടാം പ്രതി എറിയാട് സ്വദേശി കാഞ്ഞിരപറമ്പില്‍ 18 വയസുള്ള വൃജിന്‍ എന്നിവരെയാണ് തൃശൂര്‍ അഡീഷണല്‍ ജില്ലാ സെഷന്‍സ് കോടതി റിമാന്റ് ചെയ്തത്. കേസിലെ മൂന്നാം പ്രതി പ്രായപൂര്‍ത്തിയാകാത്ത പ്ലസ്ടു വിദ്യാര്‍ത്ഥിയാണ്. വൈദ്യ പരിശോധനയില്‍ പെണ്‍കുട്ടി പീഡനത്തിന് വിധേയയായിട്ടുണ്ടെന്ന് വ്യക്തമായതായി സ്‌പെഷല്‍ പബ്ലിക് പ്രോസിക്യൂട്ടര്‍ പയസ് മാത്യു പറഞ്ഞു. വ്യാഴാഴ്ച ഉച്ചതിരിഞ്ഞ് മൂന്നരയോടെയാണ് എറിയാടുള്ള വീട്ടില്‍ നിന്ന് നാട്ടുകാര്‍ ചേര്‍ന്ന് പോലീസിനെ വിളിച്ചു വരുത്തി പെണ്‍കുട്ടിയേയും പ്രതികളേയും പിടികൂടിയത്. വീട്ടുടമസ്ഥന്‍ സ്ഥലത്തില്ലാതിരുന്ന സമയത്ത് ഉച്ചയ്ക്ക് ഒന്നരയോടെ കാറില്‍ പെണ്‍കുട്ടിയുമായി പ്രതികള്‍ എത്തുകയായിരുന്നു. സംശയം തോന്നിയ നാട്ടുകാരും ചില പഞ്ചായത്ത് അംഗങ്ങളും ചേര്‍ന്ന് വീട്ടിലെത്തിയതോടെയാണ് സംഭവം പുറത്തായത്. പിന്നീട് ഇവര്‍ പോലീസില്‍ അറിയിക്കുകയായിരുന്നു.
തൃശൂര്‍ സ്വകാര്യബസില്‍ യാത്രക്കാരികളുടെ മാല മോഷ്ടിച്ച രണ്ട് തമിഴ് സ്ത്രീകളെ ഷാഡോ പോലീസ് അറസ്റ്റ് ചെയ്തു.
കോയമ്പത്തൂര്‍ സ്വദേശിനികളായ ശെല്‍വി, ശാന്തി എന്നിവരാണ് അറസ്റ്റിലായത്. ഈസ്റ്റ് എസ്.ഐ.- മോഹന്‍കുമാറിന്റെ നേതൃത്വത്തിലുള്ള ഷാഡോ പോലീസ് സംഘമാണ് മാലമോഷ്ടാക്കളായ സ്ത്രീകളെ പിടികൂടിയത്.
തൃശൂര്‍ തൃശൂര്‍ ശക്തന്‍ തമ്പുരാന്‍ കോളേജിന് വീണ്ടും റാങ്കിന്റെ സുവര്‍ണ തിളക്കം.
കാലിക്കറ്റ് യൂണിവേഴ്‌സിറ്റി എം.എസ്‌സി മാത്തമാറ്റിക്‌സ് പരീക്ഷയില്‍ കോളേജിലെ കെ.വി.മഞ്ജു രണ്ടാം റാങ്ക് നേടി. കുളമ്പില്‍ വിജയന്റെയും ശ്രീമതിയുടേയും മകളാണ് മഞ്ജു. 2003 മുതല്‍ തുടര്‍ച്ചയായി ശക്തന്‍തമ്പുരാന്‍ കോളേജിലെ വിദ്യാര്‍ത്ഥിനികളാണ് കാലിക്കറ്റ് യൂണിവേഴ്‌സിറ്റിയുടെ എം.എസ്‌സി മാത്തമാറ്റിക്‌സ് റാങ്കുകള്‍ കരസ്ഥമാക്കുന്നത്.
കുന്നംകുളം കുന്നംകുളം നിയോജകമണ്ഡലത്തെ സമ്പൂര്‍ണ വൈദ്യതീകരണ മണ്ഡലമായി പ്രഖ്യാപിച്ചു.
ഇതോടനുബന്ധിച്ച് നഗരത്തില്‍ വിളംബരഘോഷയാത്ര നടന്നു. തുടര്‍ന്ന് ചടങ്ങില്‍ ജില്ലാ പഞ്ചായത്ത് പ്രസിഡണ്ട് ഷീല വിജയകുമാര്‍ സമ്പൂര്‍ണ വൈദ്യതീകരണ പ്രഖ്യാപനം നടത്തി. കുന്നംകുളം നഗരസഭാ ചെയര്‍പേഴ്സണ്‍ സീത രവീന്ദ്രന്‍ അധ്യക്ഷയായിരുന്നു. ജില്ലാ പഞ്ചായത്ത് അംഗങ്ങളായ എം.പത്മിനി, കല്യാണി എസ്.നായര്‍, കെ.ജയശങ്കര്‍, വടക്കാഞ്ചേരി ബ്ലോക്ക് പഞ്ചായത്ത് പ്രസിഡണ്ട് എസ് .ബസന്ത്ലാല്‍, ചൊവ്വന്നൂര്‍ ബ്ലോക്ക് പഞ്ചായത്ത് പ്രസിഡണ്ട് എ.വി.സുമതി, വിവിധ രാഷ്ട്രീയ കക്ഷി നേതാക്കള്‍ തുടങ്ങിയവര്‍ പങ്കെടുത്തു.
കയ്പമംഗലം സംസ്ഥാന പൗള്‍ട്രി വികസന കോര്‍പറേഷന്‍ നടപ്പിലാക്കുന്ന 'കുഞ്ഞ് കൈകളില്‍ കോഴിക്കുഞ്ഞ്' എന്ന പദ്ധതിക്ക് മതിലകം സെന്റ് ജോസഫ് ഹയര്‍സെക്കന്ററി സ്‌കൂളില്‍ തുടക്കമായി.
ഇ.ടി.ടൈസന്‍ എം.എല്‍.എ ഉദ്ഘാടനം ചെയ്തു. ചെയര്‍്‌പേഴ്‌സണ്‍ ജെ.ചിഞ്ചു റാണി അധ്യക്ഷത വഹിച്ചു. മാനേജിംഗ് ഡയറക്ടര്‍ ഡോ.വിനോദ് ജോണ്‍ പദ്ധതി വിശദീകരണം നടത്തി. മതിലകം ബ്ലോക്ക് പഞ്ചായത്ത് പ്രസിഡന്റ് കെ.കെ.അബീദലി, കോഴിത്തീറ്റ, മരുന്ന് എന്നിവയുടെ വിതരണോദ്ഘാടനം നിര്‍വഹിച്ചു. മതിലകം ഗ്രാമപഞ്ചായത്ത് പ്രസിഡന്റ് ഇ.ജി.സുരേന്ദ്രന്‍, ജില്ല പഞ്ചായത്തംഗം നൗഷാദ് കൈതവളപ്പില്‍, ഗ്രാമപഞ്ചായത്ത് വൈസ് പ്രസിഡന്റ് സുവര്‍്ണ്ണ ജയശങ്കര്‍ എന്നിവര്‍ സംസാരിച്ചു.
അന്തിക്കാട് വ്യാപാരി വ്യവസായി ഏകോപന സമിതി ചെമ്മാപ്പിളളി യൂണിറ്റ് സമ്മേളനം നടന്നു.
ജില്ലാ ജനറല്‍ സെക്രട്ടറി എന്‍.ആര്‍.വിനോദ് കുമാര്‍ ഉദ്ഘാടനം ചെയ്തു. യൂണിറ്റ് പ്രസിഡന്റ് കെ.ആര്‍.മോഹന്‍ അദ്ധ്യക്ഷത വഹിച്ചു. ജില്ലാ പ്രസിഡന്റ് ഷമീര്‍ മുതിര്‍ന്ന വ്യാപാരികളെ ആദരിച്ചു.
പുന്നയൂര്‍ക്കുളം അന്താരാഷ്ട്ര ജലദിനത്തിന്റെ ഭാഗമായി വടക്കേകാട് റെയ്ഞ്ച് സുന്നി ബാലവേദി ജലദിന കാമ്പയിന്‍ സംഘടിപ്പിച്ചു.
പ്രസിഡന്റ് പി.ടി. കുഞ്ഞിമുഹമ്മദ് മുസ്ലിയാര്‍ ഉദ്ഘാടനം ചെയ്തു. ആര്‍.പി.അലി അക്ബര്‍ ഇംദാദി അധ്യക്ഷത വഹിച്ചു. ചമ്മന്നൂര്‍ മഹല്ല് പ്രസിഡന്റ് അറക്കല്‍ ഗഫൂര്‍ കലാപ്രതിഭകളെ ആദരിച്ചു. വടക്കേകാട് റെയ്ഞ്ച് ഇസ്ലാമിക് കലാമേളയില്‍ വിജയിച്ച പ്രതിഭകളെ ആദരിച്ചു.
അന്തിക്കാട് സര്‍വ്വശിക്ഷാ അഭിയാന്റെ നേതൃത്വത്തില്‍ നാട്ടിക നിയോജക മണ്ഡലം മികവ് ഉത്സവം സംഘടിപ്പിച്ചു.
പെരിങ്ങോട്ടുകര സെറാഫിക് ഹൈസ്‌കൂളില്‍ നടന്ന മികവ് ഉത്സവം അന്തിക്കാട് ബ്ലോക്ക് പഞ്ചായത്ത് പ്രസിഡന്റ് പി.സി.ശ്രീദേവി ഉദ്ഘാടനം ചെയ്തു. അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാര്‍ അദ്ധ്യക്ഷത വഹിച്ചു. ജില്ലാ പഞ്ചായത്ത് അംഗം സിജി മോഹന്‍ദാസ്, താന്ന്യം ഗ്രാമപഞ്ചായത്ത് വൈസ് പ്രസിഡന്റ് ശുഭ സുരേഷ്, അന്തിക്കാട് പഞ്ചായത്തംഗം എ.ബി.ബാബു തുടങ്ങിയവര്‍ സംസാരിച്ചു.
മാള പൊയ്യ ഗ്രാമ പഞ്ചായത്തിലെ മൂന്നാം വാര്‍ഡില്‍ ജലനിധി പദ്ധതിയുടെ ഗുണഭോക്തൃ പൊതുയോഗത്തില്‍ ഭാരവാഹി തിരഞ്ഞെടുപ്പുമായി ബന്ധപ്പെട്ട സംഘര്‍ഷത്തില്‍ വനിതാ മെമ്പര്‍ക്ക് പരിക്ക്.
യു.ഡി.എഫ്.പ്രതിനിധിയായ വാര്‍ഡ് മെമ്പര്‍ റംല നൗഷാദിനാണ് പരിക്കേറ്റത്. ഇവരെ ആദ്യം മാള സര്‍ക്കാര്‍ ആശുപത്രിയില്‍ പ്രവേശിപ്പിച്ചെങ്കിലും നെഞ്ച്‌വേദനയെ തുടര്‍ന്ന് കൊടുങ്ങല്ലൂര്‍ താലൂക്ക് ആശുപത്രിയിലേക്ക് മാറ്റി. എതിര്‍പക്ഷത്ത് നിന്നുള്ള രണ്ട് പേരും പരിക്കേറ്റ് മാള സര്‍ക്കാര്‍ ആശുപത്രിയില്‍ ചികിത്സയിലുണ്ട്. എല്‍.ഡി.എഫ്. പ്രവര്‍ത്തകരായ ജോണി, രാഹുല്‍ എന്നിവരാണ് ആശുപത്രിയിലുള്ളത്.
എരുമപ്പെട്ടി കടങ്ങോട് ഗ്രാമപഞ്ചായത്തിലെ വെള്ളറക്കാട് - ആദൂര്‍ റോഡ് പുനര്‍നിര്‍മ്മാണം നടത്തണമെന്ന ആവശ്യം ശക്തമാകുന്നു.
വര്‍ഷങ്ങളായി തകര്‍ന്ന് കിടക്കുന്ന റോഡിലൂടെയുള്ള യാത്ര ദുരിതപൂര്‍ണ്ണമായിരിക്കുകയാണ്. റോഡിലെ ടാറും മെറ്റലും മുഴുവനായും അടര്‍ന്ന് കുണ്ടും കുഴികളും രൂപപ്പെട്ട അവസ്ഥയാണുള്ളത്. തകര്‍ന്ന് കിടക്കുന്ന റോഡിലൂടെയുള്ള കാല്‍നടയാത്ര പോലും ദുഃസഹമായിരിക്കുകയാണ്. റോഡിന്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ട് നിരവധി തവണ നാട്ടുകാര്‍ പഞ്ചായത്തില്‍ പരാതിപ്പെട്ടെങ്കിലും അധികൃതര്‍ യാതൊരു നടപടിയുമെടുത്തില്ലെന്ന് ആക്ഷേപമുണ്ട്. നിലവിലുള്ള റോഡുകളുടെ ദുരവസ്ഥ പരിഹരിക്കുന്നതിനോ റീ ടാറിംഗ് നടത്തുന്നതിനോ അധികൃതര്‍ തയ്യാറാകാത്തതില്‍ പ്രതിഷേധമേറിയിട്ടുണ്ട്.
തൃശൂര്‍ പി.എസ്.സി പരീക്ഷകള്‍ മാതൃഭാഷയിലാക്കുക, മാതൃഭാഷാ വകാശം സംരക്ഷിക്കു എന്നീ ആവശ്യങ്ങളുന്നയിച്ച് മലയാള ഐക്യവേദിയുടെ ആഭിമുഖ്യത്തില്‍ ജില്ലാ പി.എസ്.സി ഓഫീസിനു മുന്നില്‍ ധര്‍ണ നടത്തി.
മലയാള ഐക്യവേദി സംസ്ഥാന കണ്‍വീനര്‍ പി.അരവിന്ദ് ഉദ്ഘാടനം ചെയ്തു. ജില്ലാ സമിതി ചെയര്‍മാന്‍ വി.കെ.സന്തോഷ് അധ്യക്ഷനായിരുന്നു. ഐ.ഷണ്‍മുഖദാസ്, ഡോ.കാവുമ്പായി ബാലകൃഷ്ണന്‍, ടി.കെ.വാസു, എന്‍.ഡി.വേണു, ബള്‍ക്കീസ് ബാനു, പി.കെ.സംഗീത, ഡോ.എം.എന്‍.വിനയകുമാര്‍ തുടങ്ങിയവര്‍ സംസാരിച്ചു.
തൃശൂര്‍ പങ്കാളിത്ത പെന്‍ഷന്‍ പദ്ധതി പിന്‍വലിക്കുക, ശമ്പള പരിഷ്‌കരണ കുടിശിക ഒറ്റത്തവണയായി നല്‍കുക, പെന്‍ഷന്‍ പ്രായം 66 ആയി ഉയര്‍ത്തുക തുടങ്ങിയ ആവശ്യങ്ങള്‍ ഉന്നയിച്ച ഫെഡറേഷന്‍ ഓഫ് എംപ്ലോയീസ് ആന്റ് ടീച്ചേഴ്‌സ് ഓര്‍ഗനൈസേഷന്റെ ആഭിമുഖ്യത്തില്‍ കളക്‌ട്രേറ്റിന് മുന്നില്‍ ധര്‍ണ നടത്തി.
എം.എസ്.ഗോവിന്ദന്‍കുട്ടി അധ്യക്ഷത വഹിച്ചു. എന്‍.ജി.ഒ. സംഘ് സംസ്ഥാന ട്രഷറര്‍ എം.ആര്‍ അജിത്കുമാര്‍ ഉദ്ഘാടനം ചെയ്തു. കെ.എം.രാജിവ്, എന്‍.എ.അനില്‍കുമാര്‍, എ.സി.കൃഷ്ണന്‍, അഡ്വ.രവികുമാര്‍ ഉപ്പത്ത്, എം.രാധാകൃഷ്ണന്‍, സി.വി.രാജീവന്‍ തുടങ്ങിയവര്‍ സംസാരിച്ചു.
തൃശൂര്‍ എന്‍.സി.പി ന്യൂനപക്ഷ സെല്‍ ജില്ലാ കമ്മിറ്റിയുടെ ആഭിമുഖ്യത്തില്‍ ന്യൂനപക്ഷാവകാശങ്ങളും മതേതരത്വവും എന്ന വിഷയത്തില്‍ തൃശൂരില്‍ സെമിനാര്‍ സംഘടിപ്പിച്ചു.
എം.ഐ.സി. ജുമാമസ്ജിദ് ഖത്തീബ് ഓണമ്പിള്ളി മുഹമ്മദ് ഫൈസി ഉദ്ഘാടനം ചെയ്തു. എന്‍.സി.പി. സംസ്ഥാന വൈസ് പ്രസിഡന്റ് പി.കെ.രാജന്‍ അധ്യക്ഷത വഹിച്ചു. പി.ഐ.ലാസര്‍ മുഖ്യപ്രഭാഷണം നടത്തി. ന്യൂനപക്ഷ സെല്‍ ജില്ലാ ചെയര്‍മാന്‍ എ.ടി.പോള്‍സണ്‍, എന്‍.സി.പി. ജില്ലാ പ്രസിഡന്റ് എ.വി.വല്ലഭന്‍ തുടങ്ങിയവര്‍ സംസാരിച്ചു.
പാവറട്ടി മുല്ലശേരി ഗ്രാമപഞ്ചായത്ത് ബജറ്റ് ഭരണസമിതി അംഗീകരിച്ചു.
ഭൂരഹിത-ഭവനരഹിത പഞ്ചായത്ത് എന്നവ ലക്ഷ്യം കൈവരിക്കുന്നതിന് ഒരു കോടി രൂപ ബജറ്റില്‍ വകയിരുത്തി. തരിശുരഹിത ഗ്രാമം, പ്ലാസ്റ്റിക് രഹിത പഞ്ചായത്ത്, യുവതി യുവാക്കള്‍ക്കായി ആര്‍ട്‌സ് ആന്‍ഡ് സ്‌പോര്‍ട്‌സ് അക്കാദമി, ഊരകം ഇടിയഞ്ചിറ കനാല്‍ കേന്ദ്രീകരിച്ചു ടൂറിസം പദ്ധതി തുടങ്ങി നിരവധി വികസനപദ്ധതികള്‍ ബജറ്റില്‍ ഉള്‍ക്കൊള്ളിച്ചിട്ടുണ്ട്. ഗ്രാമപഞ്ചായത്ത് പ്രസിഡണ്ട് എ.കെ ഹുസൈന്‍ യോഗത്തില്‍ അദ്ധ്യക്ഷനായിരുന്നു.
ചേര്‍പ്പ് കരുവന്നൂര്‍ ജനകീയ വേദിയുടെ ആഭിമുഖ്യത്തില്‍ സൗജന്യ കരള്‍ വീക്ക നിര്‍ണയ ക്യാമ്പ് സംഘടിപ്പിച്ചു.
കരുവന്നൂര്‍ സെന്ററില്‍ നടന്ന ചടങ്ങ് ചേര്‍പ്പ് സി.ഐ.- മനോജ് കുമാര്‍ ഉദ്ഘാടനം ചെയ്തു. ജനകീയ ആരോഗ്യ വേദി ജില്ല കണ്‍വീനര്‍ സുധീര്‍ ഊരകം അധ്യക്ഷനായിരുന്നു. സംസ്ഥാന കണ്‍വീനര്‍ ടി.എ മുജീബ് റഹ്മാന്‍, പി.ഡി.പി ജില്ല പ്രസിഡന്റ് മജീദ് ചേര്‍പ്പ്, സി.പി.എം ചേര്‍പ്പ് ലോക്കല്‍ സെക്രട്ടറി മധു തുടങ്ങിയവര്‍ സംസാരിച്ചു.
കുന്നംകുളം പ്രൈവറ്റ് സ്‌കൂള്‍ സ്‌പ്യെലിസ്റ്റ് ടീച്ചേഴ്‌സ് യൂണിയന്‍ തൃശൂര്‍ റവന്യു ജില്ലാ യാത്രയയപ്പ് സമ്മേളനം കുന്നംകുളത്ത് നടന്നു.
സിനിമാതാരം ശിവജി ഗുരുവായൂര്‍ ഉദ്ഘാടനം ചെയ്തു. യൂണിയന്‍ മുന്‍ സംസ്ഥാന പ്രസിഡണ്ട് സി.ടി.ജെയിംസ് മുഖ്യപ്രഭാഷണം നടത്തി. റവന്യു ജില്ല പ്രസിഡണ്ട് പി.എസ്.മിനി അധ്യക്ഷത വഹിച്ചു. യൂണിയന്‍ സംസ്ഥാന ജനറല്‍ സെക്രട്ടറി എം ജയകൃഷ്ണന്‍, വിരമിക്കുന്ന അധ്യാപകര്‍ക്ക് ഉപഹാരങ്ങള്‍ വിതരണം ചെയ്തു. ഷാജു എം.തോമസ്, കെ.ജെ.വിന്‍സെന്റ് തുടങ്ങിയവര്‍ സംസാരിച്ചു.
തൃശൂര്‍ തൃശൂരില്‍ നടന്ന ജനതാദള്‍-എസ്. ജില്ലാ നേതൃയോഗത്തില്‍ പാര്‍ട്ടിയിലെ ഇരുവിഭാഗങ്ങള്‍ തമ്മില്‍ തര്‍ക്കം.
ഇതേ തുടര്‍ന്ന് യോഗം തടസപ്പെട്ടു. ജില്ലാ പ്രസിഡന്റ് പി.ടി.അഷറഫിന്റെ അധ്യക്ഷതയില്‍ ചേര്‍ന്ന യോഗത്തിലേക്ക് മുന്‍ ജില്ലാ പ്രസിഡന്റ് സി.പി.റോയ,് സംസ്ഥാന എക്‌സിക്യൂട്ടീവ് അംഗം ജോയ് പൈനാടത്ത് എന്നിവയുടെ നേതൃത്വത്തിലുള്ള പ്രവര്‍ത്തകര്‍ മുദ്രാവാക്യം വിളിച്ച് എത്തുകയായിരുന്നു. ജില്ലാ കമ്മിറ്റിയിലേക്ക് ഏകപക്ഷീയമായി ഭാരവാഹികളെ തെരഞ്ഞെടുത്തുവെന്നും ഇതിനുള്ള നടപടികള്‍ പാലിച്ചില്ലെന്നും ആരോപിച്ചായിരുന്നു തര്‍ക്കം. പാര്‍ട്ടി സംസ്ഥാന സെക്രട്ടറി മുരുകദാസ് യോഗത്തിനെത്തിയിരുന്നു.
പൂങ്കുന്നം കെ.കരുണാകരന്റെ പത്‌നി കല്യാണിക്കുട്ടിയമ്മയുടെ ചരമദിനത്തില്‍ പൂങ്കുന്നം മുരളി മന്ദിരത്തില്‍ അനുസ്മരണം നടന്നു
കല്യാണിക്കുട്ടിയമ്മയുടെ സ്മൃതി മണ്ഡപത്തിനു മുന്നില്‍ ഭദ്രദീപം തെളിയിച്ച് പുഷ്പാര്‍ച്ചന നടത്തി. മകളും കെ.പി.സി.സി. ജനറല്‍ സെക്രട്ടറിയുമായ പത്മജ വേണുഗോപാലന്‍, മുന്‍ സ്പീക്കര്‍ തേറമ്പില്‍ രാമകൃഷ്ണന്‍, ഡി.സി.സി. പ്രസിഡന്റ് ടി.എന്‍.പ്രതാപന്‍, മുന്‍ എം.എല്‍.എ -ടി.വി.ചന്ദ്രമോഹന്‍, യു.ഡി.എഫ് ജില്ലാ ചെയര്‍മാന്‍ ജോസഫ് ചാലിശേരി, കോണ്‍ഗ്രസ് നേതാക്കളായ സി.എന്‍.ഗോവിന്ദന്‍കുട്ടി, ജോസ് കാട്ടൂക്കാരന്‍, എം.പി.ഭാസ്‌കരന്‍ നയാര്‍ തുടങ്ങി നിരവധി പേര്‍ പങ്കെടുത്തു.
പുതുക്കാട് കല്ലൂര്‍ മുട്ടിത്തടി കയ്യാലപ്പടിയില്‍ കാട്ടുപ്പന്നികള്‍ ഇറങ്ങി വ്യാപകമായി കൃഷി നശിപ്പിച്ചു.
കോവാത്ത് മോഹനന്റെ കൃഷിയിടത്തിലാണ് കാട്ടുപ്പന്നിക്കൂട്ടം ഇറങ്ങി കൃഷി നശിപ്പിച്ചത്. 200-ഓളം നേന്ത്ര വാഴകളും, കപ്പ കൃഷിയുമാണ് നശിപ്പിച്ചത്.
ചൊ വ്വൂര്‍ വീട് കയറി ആക്രമണം നടത്തിയ കേസില്‍ ഗുണ്ടാസംഘാംഗത്തെ പോലീസ് അറസ്റ്റ് ചെയ്തു.
ചൊ വ്വൂര്‍ സ്വദേശി ആലുക്കല്‍ വീട്ടില്‍ ബിനോയെയാണ് നെടുപുഴ എസ്.ഐ- സതീഷ്‌കുമാറിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
അന്തിക്കാട് വിദ്യാര്‍ത്ഥിയെ വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തി.
അരിമ്പൂര്‍ മനക്കൊടി മുടവങ്ങാട്ടില്‍ നന്ദകുമാറിന്റെ മകന്‍ പതിനേഴു വയസ്സുള്ള അരുണ്‍ നന്ദകുമാറാണ് മരിച്ചത്. ഇന്നലെ രാത്രി പതിനൊന്നോടെയാണ് സംഭവം. വലപ്പാട് മായ കോളേജിലെ വിദ്യാര്‍ത്ഥിയാണ് അരുണ്‍. അന്തിക്കാട് പോലീസ് മേല്‍നടപടികള്‍ സ്വീകരിച്ചു
ചേലക്കര പ്രസിദ്ധമായ ചേലക്കര അന്തിമഹാകാളന്‍കാവ് വേലയ്ക്ക് ഭക്തിനിര്‍ഭരമായ തുടക്കം.
അന്തിമഹാകാളന്‍കാവില്‍ പുലര്‍ച്ചെ മുതല്‍ തന്നെ അന്തിമാളനെ വണങ്ങാന്‍ വന്‍ ഭക്തജന തിരക്കാണ് അനുഭവപ്പെട്ടത്. ഇത്തവണ വടക്കുംകൂര്‍ വേലയായതിനാല്‍ കടുകശ്ശേരി മഹാവിഷ്ണു ക്ഷേത്രത്തില്‍ രാവിലെ കാളി- ദാരിക സംവാദവും പോര്‍വിളിയും നടന്നു. പങ്ങാരപ്പിള്ളി, ചേലക്കര, വെങ്ങാനെല്ലൂര്‍, തോന്നൂര്‍ക്കര, കുറുമല എന്നീ അഞ്ച് ദേശങ്ങളാണ് വേലനടത്തിപ്പിന്റെ പ്രധാന പങ്കാളികള്‍. വെടിക്കെട്ട് ഇല്ലാതെയാണ് ഇത്തവണത്തെ വേല ആഘോഷിക്കുന്നത്. വെടിക്കെട്ടിന് പകരമായി ഓരോ ദേശങ്ങളും 101 കതിനകള്‍ പൊട്ടിച്ചു ആചാര തനിമ നിലനിര്‍ത്തും. വൈകീട്ടോടെ വിവിധ ദേശവേലക്കമ്മറ്റികളുടെ വേലകള്‍ അന്തിമഹാകാളന്‍കാവില്‍ എത്തും. ദേശവേലകള്‍ക്കു പുറമേ വിവിധ വേലക്കമ്മറ്റികളുടേയും സാംബവ സമുദായക്കാരുടേയും നിരവധി വേലകള്‍ കാളപ്പാട്ടുംപാടി കെട്ടുകാളകളുമായി കാവിലെത്തും. തിന്മയുടെ പ്രതീകമായ ദാരികനെ നിഗ്രഹിക്കുന്ന പ്രതീകാത്മക കാളി-ദാരികവധം ചടങ്ങ് നാളെ രാവിലെ ക്ഷേത്രത്തിന് സമീപത്തായി നടക്കും. തുടര്‍ന്ന് ക്ഷേത്രാങ്കണത്തില്‍ നടക്കുന്ന കാളകളിയോടെ വേലക്കു സമാപനമാകും.
തൃശൂര്‍ പ്രഥമ പ്രൊഫ.പി.വി.അപ്പു മാസ്റ്റര്‍ സ്മൃതി പുരസ്‌കാരത്തിന് ഡോ. ബി. ഇക്ബാല്‍ അര്‍ഹനായി.
പതിനായിരത്തിയൊന്ന് രൂപയും പ്രശ്‌സതി പത്രവും അടങ്ങുന്ന പുരസ്‌കാരം ഏപ്രില്‍ അവസാനവാരം കയ്പമംഗംലം പ്രൊഫ. പി.വി.അപ്പുമാരാര്‍ വായനശാലയില്‍ നടക്കുന്ന ചടങ്ങില്‍ സമ്മാനിക്കും. ബാലചന്ദ്രന്‍ വടക്കേടത്ത്, കെ. ബി. അനില്‍കുമാര്‍, കെ.കെ ശേഖരന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
എരുമപ്പെട്ടി ആക്ട്‌സ് പ്രവര്‍ത്തകര്‍ക്കൊരു സഹായ ഹസ്തവുമായി പന്നിത്തടം ചിറമനേങ്ങാട് കോണ്‍കോര്‍ഡ് സ്‌കൂള്‍.
ജീവകാരുണ്യ പ്രവര്‍ത്തനങ്ങളുടെ ഭാഗമായി സ്‌കൂളിലെ വിവിധ ക്ലബ്ബുകളുടെ നേതൃത്വത്തില്‍ ഒറ്റ ദിവസം കൊണ്ട് സമാഹരിച്ച തുകയാണ് കേച്ചേരി ബ്രാഞ്ച് ആക്ട്‌സ് പ്രവര്‍ത്തകര്‍ക്ക് നല്‍കിയത്. സ്‌കൂള്‍ മാനേജര്‍ ആര്‍.എം.ബഷീര്‍, ആക്ട്‌സ് കേച്ചേരി ബ്രാഞ്ച് പ്രസിഡന്റ് പി.മാധവന് തുക കൈമാറി. പ്രിന്‍സിപ്പാള്‍ ബീന ഉണ്ണി, ആക്ട്‌സ് ട്രഷറര്‍ മുസ്തഫ, എം.എം.ഷംസുദ്ദീന്‍, എം.എച്ച്.ഹംസ തുടങ്ങിയവര്‍ സംസാരിച്ചു. സ്‌കൂളിലെ വിവിധ കാരുണ്യ ക്ലബ്ബുകളെ ആദരിച്ചു.
തൃശൂര്‍ തൃശൂര്‍ സേക്രഡ് ഹാര്‍ട്ട് കോണ്‍വെന്റ് എല്‍.പി.സ്‌കൂളിലെ സ്‌കൂള്‍ വാര്‍ഷികം കില ഡയറക്ടര്‍ ഡോ.പി.പി.ബാലന്‍ ഉദ്ഘാടനം ചെയ്തു.
വിജിലന്‍സ് ഡിവൈ.എസ്.പി-എ.രാമചന്ദ്രന്‍ അധ്യക്ഷത വഹിച്ചു. ഫാ.ജോസ് കോനിക്കര മുഖ്യപ്രഭാഷണം നടത്തി. സ്‌കൂള്‍ പ്രധാനാധ്യാപിക സിസ്റ്റര്‍ ഗീതിമരിയ, പി.ടി.എ പ്രസിഡന്റ് സി.എഫ്.ജോഫി, സിസ്റ്റര്‍ മേരി ജസ്‌ലിന്‍, അനില്‍ തുമ്പയില്‍ തുടങ്ങിയവര്‍ സംസാരിച്ചു. വിദ്യാര്‍ത്ഥികള്‍ അവതരിപ്പിച്ച വിവിധ കലാപരിപാടികളും അരങ്ങേറി.
എരുമപ്പെട്ടി മുള്ളന്‍പന്നി കുറുകെ ചാടിയതിനെ തുടര്‍ന്ന് നിയന്ത്രണം വിട്ട ബൈക്കില്‍ നിന്ന് വീണ് മധ്യവയസ്‌കന് പരിക്കേറ്റു.
കടങ്ങോട് മില്ല് കുറുമ്പൂര്‍ അശോകനാണ് പരിക്കേറ്റത്. ഇന്നലെ രാത്രി ഒമ്പതോടെ എരുമപ്പെട്ടി പവര്‍ ഹൗസിന് സമീപത്തായിരുന്നു അപകടം. വീട്ടിലേക്ക് പോവുകയായിരുന്ന അശോകന്റെ ബൈക്കിന് മുന്നിലേക്ക് തൊട്ടടുത്ത പറമ്പില്‍ നിന്നു മുള്ളന്‍ പന്നി ചാടുകയായിരുന്നു. തുടര്‍ന്ന് നിയന്ത്രണം വിട്ട ബൈക്കില്‍നിന്ന് അശോകന്‍ റോഡിലേക്ക് വീണു. തോളെല്ലിന് പരിക്കേറ്റ അശോകനെ എരുമപ്പെട്ടി ആക്ട്‌സ് പ്രവര്‍ത്തകര്‍ കുന്നംകുളം റോയല്‍ ആശുപത്രിയില്‍ പ്രവേശിപ്പിച്ചു.
പൊയ്യ പൊയ്യ ഗ്രാമ പഞ്ചായത്തിലെ മൂന്നാം വാര്‍ഡില്‍ ജലനിധി പദ്ധതിയുടെ ഗുണഭോക്തൃ പൊതുയോഗത്തില്‍ ഭാരവാഹി തിരഞ്ഞെടുപ്പുമായി ബന്ധപ്പെട്ട സംഘര്‍ഷത്തില്‍ വനിതാ മെമ്പര്‍ക്ക് പരിക്ക്.
യു.ഡി.എഫ്.പ്രതിനിധിയായ വാര്‍ഡ് മെമ്പര്‍ റംല നൗഷാദിനാണ് പരിക്കേറ്റത്. ഇവരെ ആദ്യം മാള സര്‍ക്കാര്‍ ആശുപത്രിയില്‍ പ്രവേശിപ്പിച്ചെങ്കിലും നെഞ്ച്‌വേദനയെ തുടര്‍ന്ന് കൊടുങ്ങല്ലൂര്‍ താലൂക്ക് ആശുപത്രിയിലേക്ക് മാറ്റി. എതിര്‍പക്ഷത്ത് നിന്നുള്ള രണ്ട് പേരും പരിക്കേറ്റ് മാള സര്‍ക്കാര്‍ ആശുപത്രിയില്‍ ചികിത്സയിലുണ്ട്. എല്‍.ഡി.എഫ്. പ്രവര്‍ത്തകരായ ജോണി, രാഹുല്‍ എന്നിവരാണ് ആശുപത്രിയിലുള്ളത്.
എരുമപ്പെട്ടി വെള്ളറക്കാട് കൊല്ലംപടിയില്‍ ടിപ്പര്‍ലോറി ബൈക്കിലിടിച്ച് വിദ്യാര്‍ത്ഥികള്‍ക്ക് പരിക്കേറ്റു.
സ്‌കൂള്‍ സമയ നിയന്ത്രണം പാലിക്കാതെ ഓടിച്ചുവന്നിരുന്ന ടിപ്പര്‍ ലോറി ഇടിച്ചാണ് അപകടമുണ്ടായത്. ഇന്ന് രാവിലെ ഒമ്പതോടെയായിരുന്നു അപകടം. ക്രഷറുകളില്‍ നിന്നു കരിങ്കല്‍ പൊടി കയറ്റി വന്നിരുന്ന ടിപ്പര്‍ ലോറി പോലീസിന്റെ ശ്രദ്ധയില്‍ പെടാതിരിക്കാന്‍ കൊല്ലംപടിയിലെ ഇടവഴിയിലൂടെയാണ് വന്നിരുന്നത്. കുന്നംകുളത്ത് നിന്നു വരികയായിരുന്ന വിദ്യാര്‍ത്ഥികള്‍ സഞ്ചരിച്ചിരുന്ന ബൈക്കില്‍ അശ്രദ്ധയോടെ കയറിവന്ന ടിപ്പര്‍ ലോറി ഇടിക്കുകയായിരുന്നു. പ്രദേശത്തെ പ്രധാന റോഡുകളിലെല്ലാം പോലീസ് പരിശോധന നടക്കുന്നതിനാലാണ് ലോറി ഡ്രൈവര്‍മാര്‍ ഊടുവഴികള്‍ തിരഞ്ഞെടുക്കുന്നത്. അപകടത്തില്‍ പരിക്കേറ്റ രണ്ട് വിദ്യാര്‍ത്ഥികളെ കുന്ദംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
തൃശൂര്‍ കേരള സ്റ്റേറ്റ് പോലീസ് പെന്‍ഷനേഴ്‌സ് വെല്‍ഫെയല്‍ അസോസിയേഷന്‍ മൂന്നാം തൃശൂര്‍ ജില്ല സമ്മേളനം നാളെ രാവിലെ 10ന് അരണാട്ടുകര ടാഗോര്‍ സെന്റിനറി ഹാളില്‍ നടക്കും.
മന്ത്രി അഡ്വ.വി.എസ്.സുനില്‍കുമാര്‍ സമ്മേളനം ഉദ്ഘാടനം ചെയ്യും.
ചേലക്കര പഴയന്നൂര്‍ ഭഗവതി ക്ഷേത്രത്തിലെ ക്ഷേത്രോത്സവത്തിന്റെ ഭാഗമായി ആറാട്ട് നടന്നു.
പള്ളിയുണര്‍ത്തല്‍, കാഴ്ച ശീവേലി എന്നിവക്ക് ശേഷം കിഴക്കേച്ചിറയില്‍ നടന്ന ആറാട്ടിന് സാക്ഷ്യം വഹിക്കാന്‍ വിവിധ സ്ഥലങ്ങളില്‍ നിന്നായി നിരവധി ഭക്തജനങ്ങളെത്തിയിരുന്നു. ആറാട്ടിനു ശേഷം ഭക്തരും നീരാട്ട് നടത്തി. തുടര്‍ന്ന് പറ വെപ്പ്, 21 പ്രദക്ഷിണം, കൊടിയിറക്കം, കലശമാടല്‍ പ്രസാദ കഞ്ഞി വിതരണം തുടങ്ങിയവം ഉണ്ടായി. ദേവീ പ്രസാദമായ അഞ്ജനം സ്ത്രീ-പുരുഷ ഭേദമില്ലാതെ കണ്ണിലെഴുതിയ ശേഷം ക്ഷേത്ര മതില്‍ക്കെട്ടിനകത്ത് ഭക്തര്‍ മഞ്ഞള്‍ നീരാട്ടും നടത്തി.
ചേലക്കര വെടിക്കെട്ടിനും, കാളവേലക്കും പ്രസിദ്ധമായ ചേലക്കര അന്തിമഹാകാളന്‍ കാവ് വേല നാളെ ആഘോഷിക്കും.
ആനയില്ലാത്ത ആഘോഷത്തിന് മാറ്റ് കൂട്ടുന്നത് കാളവേലകളാണ്. ക്ഷേത്രത്തിന് സമീപത്തെ ഏക്കറോളം വരുന്ന വിശാലമായ പാടങ്ങളിലാണ് അഞ്ച് ദേശങ്ങളുടെയും മത്സര വെടിക്കെട്ടുകള്‍ അരങ്ങേറിയിരുന്നത്. എന്നാല്‍ വെടിക്കെട്ട് ഇല്ലാതെയാണ് ഇത്തവണത്തെ വേലയാഘോഷം. പകരമായി നൂറ്റി ഒന്ന് കതിനവെടി വീതം പൊട്ടിച്ച് ഓരോ ദേശവും ആചാരത്തനിമ നിലനിര്‍ത്തും. വേലയ്ക്ക് പൊയ്കാളകളേന്തി ദേശക്കാരുടെ കാളപ്പാട്ടുംപാടികൊണ്ടുള്ള വരവും, അടുത്ത ദിവസത്തെ കാളകളിയും, തിന്മയുടെ പ്രതീകമായ ദാരികനെ നിഗ്രഹിക്കുന്ന പ്രതീകാത്മക കാളിദാരിക-വധം ചടങ്ങും അന്തിമഹാകാളന്‍ വേലയുടെ മുഖ്യ സവിശേഷതകളാണ്. പങ്ങാരപ്പിള്ളി, ചേലക്കര, വെങ്ങാനെല്ലൂര്‍, തോന്നൂര്‍ക്കര, കുറുമല എന്നീ അഞ്ച് ദേശങ്ങളാണ് വേലനടത്തിപ്പിന്റെ മുഖ്യപങ്കാളികള്‍.
ചേലക്കര പഴയന്നൂര്‍ ബ്ലോക്ക് പഞ്ചായത്തിന്റെയും ചേലക്കര സാമൂഹികാരോഗ്യ കേന്ദ്രത്തിന്റെയും സംയുക്താഭിമുഖ്യത്തില്‍ ലോക ക്ഷയരോഗ ദിനാചരണവും ലഹരി നിര്‍മ്മാര്‍ജ്ജന ബോധവല്‍ക്കരണ ക്ലാസും സംഘടിപ്പിച്ചു.
ബ്ലോക്ക് പഞ്ചായത്ത് വൈസ് പ്രസിഡന്റ് എം. പത്മകുമാര്‍ ഉദ്ഘാടനം ചെയ്തു. ചേലക്കര സാമൂഹികാരോഗ്യ കേന്ദ്രത്തില്‍ നടത്തിയ പരിപാടിയില്‍ ബ്ലോക്ക് പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ കെ.ആര്‍.സത്യന്‍ അദ്ധ്യക്ഷനായിരുന്നു. സാമൂഹികാരോഗ്യ കേന്ദ്രം സൂപ്രണ്ട് ഡോ. കെ.കെ.ഗൗതമന്‍, ഡോ. ഗിരീഷ് തുടങ്ങിയവര്‍ സെമിനാറില്‍ ക്ലാസെടുത്തു. ബ്ലോക്ക് പഞ്ചായത്ത് അംഗങ്ങളായ സുമിത്ര ഉണ്ണികൃഷ്ണന്‍, വത്സല തുടങ്ങിയവര്‍ പങ്കെടുത്തു.
തൃശൂര്‍ തൃശൂര്‍ വ്യാകുലമാതാ ബസലിക്കയുടെ കീഴിലുള്ള ഹെല്‍ത്ത് കെയര്‍ സൊസൈറ്റിയുടെ നേതൃത്വത്തില്‍ ഞായറാഴ്ച സൗജന്യ നേത്രപരിശോധന ക്യാമ്പ് നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ബസലിക്ക മാതാ നികേതന്‍ ഹാളില്‍ രാവിലെ 9 മുതല്‍ ഉച്ചയ്ക്ക് 12.30 വരെയാണ് നേത്രപരിശോധനാ ക്യാമ്പ്. വാര്‍ത്താസമ്മേളനത്തില്‍ ഡോ.ജോസ്‌പോള്‍ ചാണ്ടി, ഫാ.ജോര്‍ജ് എടക്കളത്തൂര്‍, പ്രൊഫ.സി.പി.ഡേവീസ്, ജോസ് ആലപ്പാട് എന്നിവര്‍ പങ്കെടുത്തു.
പാവറട്ടി തൃശൂര്‍ പാഡി ഫാര്‍മേഴ്‌സ് പ്രൊഡ്യൂസര്‍ കമ്പനിയുടേയും വെങ്കിടങ്ങിലെ കോള്‍പടവ് സഹകരണ സംഘത്തിന്റേയും ആഭിമുഖ്യത്തില്‍ ന്യായവില അരിക്കട തുടങ്ങി.
ഏനാമാവ് കിഴക്കേ കരിമ്പാടം കോള്‍പടവ് കമ്മിറ്റി ഓഫീസില്‍ ആരംഭിച്ച അരിക്കട വെങ്കിടങ്ങ് ഗ്രാമപഞ്ചായത്ത് പ്രസിഡന്റ് രതി എം.ശങ്കര്‍ ഉദ്ഘാടനം ചെയ്തു. പാഡി ഫാര്‍മേഴ്‌സ് പ്രൊഡ്യൂസര്‍ കമ്പനി ചെയര്‍മാന്‍ എം.വി.രാജേന്ദ്രന്‍ അധ്യക്ഷനായിരുന്നു. വാര്‍ഡംഗം രത്‌നവല്ലി സുരേന്ദ്രന്‍, കോള്‍പടവ് കമ്മിറ്റി ഭാരവാഹികളായ പി.പരമേശ്വരന്‍, ടി.എസ്.രാമകൃഷ്ണന്‍ എന്നിവര്‍ സംസാരിച്ചു.
എരുമപ്പെട്ടി കടങ്ങോട് ഗ്രാമപഞ്ചായത്തിലെ 16-ാം വാര്‍ഡില്‍ അനധികൃത കെട്ടിട നിര്‍മ്മാണ പ്രവര്‍ത്തനങ്ങള്‍ കടങ്ങോട് മണ്ഡലം കോണ്‍ഗ്രസ് കമ്മറ്റിയുടെ നേതൃത്വത്തില്‍ തടഞ്ഞു.
മരത്തംകോട് പഴുന്നാന റോഡില്‍ സ്വകാര്യ വ്യക്തി നിര്‍മ്മിക്കുന്ന കെട്ടിടത്തിന്റെ നിര്‍മ്മാണ പ്രവര്‍ത്തനങ്ങളാണ് മണ്ഡലം കോണ്‍ഗ്രസ് കമ്മറ്റിയുടേയും പഞ്ചായത്ത് പ്രതിപക്ഷാംഗങ്ങളുടേയും നേതൃത്വത്തില്‍ തടഞ്ഞത്. അനധികൃതമായി നിര്‍മ്മിക്കുന്ന കെട്ടിടത്തിന് പഞ്ചായത്ത് സെക്രട്ടറി നിരോധന ഉത്തരവ് നല്‍കിയിട്ടും വാര്‍ഡ് അംഗങ്ങളുടേയും സി.പി.എം പഞ്ചായത്ത് ഭരണസമിതിയുടേയും ഒത്താശയോടെയാണ് കെട്ടിടം പണി നടക്കുന്നതെന്ന് മണ്ഡലം കോണ്‍ഗ്രസ് കമ്മറ്റി ആരോപിച്ചു. മരത്തംകോട് സെന്ററില്‍ നിന്നാരംഭിച്ച പ്രതിഷേധ മാര്‍ച്ചും ധര്‍ണ്ണയും ഡി.സി.സി ജനറല്‍ സെക്രട്ടറി വി.കെ.രഘുസ്വാമി ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്റ് ഒ.എസ്.വാസുദേവന്‍ അധ്യക്ഷനായി. ഡി.സി.സി ജനറല്‍ സെക്രട്ടറിമാരായ സി.ഐ.ഇട്ടിമാത്യു, ടി.കെ.ശിവശങ്കരന്‍, ജില്ലാപഞ്ചായത്തംഗം കല്ല്യാണി എസ്.നായര്‍ തുടങ്ങിയവര്‍ നേതൃത്വം നല്‍കി.
തൃശൂര്‍ കേരളസഭയുടെയും മുസ്‌രിസിന്റെയും ചരിത്രം ഉള്‍ക്കൊള്ളുന്ന വീഡിയോ - ഡി.വി.ഡി. പ്രകാശനം തൃശൂരില്‍ നടക്കുമെന്ന് ഭാരവാഹികള്‍ അറിയിച്ചു.
കൊടുങ്ങല്ലൂര്‍ ലിറ്റില്‍ കാത്തലിക് ഹിസ്റ്ററി അസോസിയേഷനാണ് വീഡിയോ നിര്‍മ്മിച്ചിട്ടുള്ളത്. തൃശൂര്‍ തിരുഹൃദയ ലത്തീന്‍ പള്ളിയില്‍ നടക്കുന്ന സമ്മേളനം സി.എന്‍.ജയദേവന്‍ എം.പി.ഉദ്ഘാടനം ചെയ്യും. ഡി.വി.ഡി പ്രകാശനം ചലച്ചിത്രതാരം മിത്ര കുര്യന്‍ നിര്‍വ്വഹിക്കും. വാര്‍ത്താസമ്മേളനത്തില്‍ ഫാ.റോക്കി റോബി കളത്തില്‍ ഫാ.ജോബി കാട്ടാശേരി, ഫാ.ലിബിന്‍ വലിയവീട്ടില്‍, ടി.ജെ. ബ്രിസ്റ്റോ എന്നിവര്‍ പങ്കെടുത്തു.
തൃപ്രയാര്‍ വലപ്പാട്, വാടാനപ്പള്ളി പൊലീസിന്റെയും കടലോര ജാഗ്രതാ സമിതിയുടെയും സംയുക്താഭിമുഖ്യത്തില്‍ മത്സ്യത്തൊഴിലാളി കള്‍ക്കായി പഠന പരിശീലനക്ലാസ് സംഘടിപ്പിച്ചു.
തൃശൂര്‍ സ്‌പെഷല്‍ ബ്രാഞ്ച് ഡിവൈ.എസ്.പി -കെ.എ.സുരേഷ്ബാബു ഉദ്ഘാടനം ചെയ്തു. വലപ്പാട് സി.ഐ -സി.ആര്‍ സന്തോഷ് അധ്യക്ഷനായിരുന്നു. വലപ്പാട്, വാടാനപ്പള്ളി എസ്.ഐ.മാരായ മഹേഷ് കണ്ടമ്പേത്ത്, ഡി.ശ്രീജിത്ത് എന്നിവര്‍ സംസാരിച്ചു. വിവിധ വിഷയങ്ങളില്‍ ഫിഷറീസ് അസിസ്റ്റന്റ് ഡയറക്ടര്‍ കെ.ജി.രാമദാസ്, അഴീക്കോട് കോസ്റ്റല്‍ സിഐ- പി.ആര്‍.ബിജോയ് എന്നിവര്‍ ക്ലാസെടുത്തു. ഫയര്‍ഫോഴ്‌സിന്റെ പ്രവര്‍ത്തനത്തെ കുറിച്ച് ഫയര്‍ ആന്റ് റസ്‌ക്യൂ ഇരിങ്ങാലക്കുട യൂണിറ്റിലെ ഉദ്യോഗസ്ഥരും ക്ലാസെടുത്തു.
തൃശൂര്‍ കേരള സ്‌കൂള്‍ ടീച്ചേഴ്‌സ് ഫ്രണ്ട്-എം. ജില്ലാ സമ്മേളനം നാളെ പാവറട്ടിയില്‍ നടക്കുമെന്ന് സംഘാടകര്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
പാവറട്ടി ഫെബിന്‍സ് ഹാളില്‍ നടക്കുന്ന സമ്മേളനം മുന്‍ ചീഫ് വിപ്പ് തോമസ് ഉണ്ണിയാടന്‍ ഉദ്ഘാടനം ചെയ്യും. വാര്‍ത്താസമ്മേളനത്തില്‍ കെ.എസ്.ടി.എഫ്. ജില്ലാ പ്രസിഡന്റ് മേജോ, ബാബു എം.ഫ്രാന്‍സീസ്, ഷെഫിന്‍ എന്നിവര്‍ പങ്കെടുത്തു.
തൃശൂര്‍ ക്ഷയരോഗ നിര്‍മ്മാര്‍ജ്ജനത്തിനു വേണ്ടിയുള്ള പ്രവര്‍ത്തനങ്ങളാണ് ഉടനടി ആരംഭിക്കേണ്ടതെന്ന് കൃഷിവകുപ്പു മന്ത്രി അഡ്വ.വി.എസ്.സുനില്‍കുമാര്‍ എം.എല്‍.എ. പറഞ്ഞു.
ലോക ക്ഷയരോഗദിനാചരണത്തിന്റെ ജില്ലാതല ഉദ്ഘാടനം തൃശൂരില്‍ നിര്‍വ്വഹിക്കുകയായിരുന്നു അദ്ദേഹം. ജനങ്ങളെ രോഗപ്രതിരോധശേഷിയുള്ളവരാക്കി മാറ്റണമെന്നും രോഗങ്ങളില്‍ നിന്ന് മുക്തി നേടുന്നതിനുള്ള പ്രവര്‍ത്തനങ്ങളാണ് നടത്തേണ്ടതെന്നും മന്ത്രി കൂട്ടിച്ചേര്‍ത്തു. ജില്ലാ പഞ്ചായത്ത് പ്രസിഡന്റ് ഷീലാ വിജയകുമാര്‍ അധ്യക്ഷയായിരുന്നു. മേയര്‍ അജിതാ ജയരാജന്‍ സമ്മാന ദാനം നിര്‍വ്വഹിച്ചു. ജില്ലാ അസിസ്റ്റന്റ് കളക്ടര്‍ കൃഷ്ണതേജ, ജില്ലാ മെഡിക്കല്‍ ഓഫീസര്‍ ഡോ.കെ.സുഹിത, ജില്ലാ പഞ്ചായത്ത് ആരോഗ്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ മഞ്ജുളാ അരുണന്‍, ജില്ലാ പഞ്ചായത്തംഗം അഡ്വ.കെ.ആര്‍.സുമേഷ്, ജില്ലാ ക്ഷയരോഗ ഓഫീസര്‍ ഡോ.പി.കെ.ശ്രീജ എന്നിവര്‍ സംസാരിച്ചു. പൊതുയോഗത്തിന് മുന്നോടിയായി നഗരത്തില്‍ നടന്ന ക്ഷയരോഗ ദിന സന്ദേശറാലിയില്‍ നിരവധി പേര്‍ പങ്കെടുത്തു.
ഇരിങ്ങാലക്കുട ഇരിങ്ങാലക്കുട ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ നേതൃത്വ ക്യാമ്പും ബൂത്ത് പ്രസിഡന്റുമാര്‍ക്ക് സ്വീകരണവും നല്‍കി.
ഡി.സി.സി പ്രസിഡന്റ് ടി.എന്‍.പ്രതാപന്‍ ഉദ്ഘാടനം ചെയ്തു. മണ്ഡലം പ്രസിഡന്റ് ടി.വി.ചാര്‍ളി അധ്യക്ഷനായിരുന്നു. യു.ഡി.എഫ് ജില്ലാ ചെയര്‍മാന്‍ ജോസഫ് ചാലിശേരി, മുന്‍ എം.എല്‍.എ ടി.വി.ചന്ദ്രമോഹന്‍, ഡി.സി.സി സെക്രട്ടറിമാരായ ആന്റോ പെരുമ്പിള്ളി, കെ.കെ.ശോഭനന്‍, നഗരസഭാ ചെയര്‍പേഴ്‌സണ്‍ നിമ്യഷിജു തുടങ്ങിയവര്‍ സംസാരിച്ചു.
കുന്നംകുളം കക്കാട് മഹാഗണപതി ക്ഷേത്രത്തില്‍ എട്ടു ദിവസം നീണ്ടുനില്‍ക്കുന്ന യജുര്‍വ്വേദ ലക്ഷാര്‍ച്ചനയ്ക്കു തുടക്കമായി.
എല്ലാ ദിവസവും രാവിലെ ആറു മുതല്‍ പതിനൊന്നുവരെയും വൈകീട്ട് നാലര മുതല്‍ ഏഴര വരെയുമാണ് ലക്ഷാര്‍ച്ചന യജ്ഞം നടത്തുന്നത്. പ്രത്യേകം അര്‍പ്പിച്ചു ചൈതന്യപൂരിതമാക്കിയ കലശം ഓരോ ദിവസവും ഉച്ചയ്ക്കും വൈകീട്ടും മൂലബിംബത്തില്‍ അഭിഷേകം ചെയ്യുന്നതോടെ ഒരു ദിവസത്തെ യജ്ഞം അവസാനിക്കും. ക്ഷേത്രം തന്ത്രിമാരായ തെക്കേടത്ത് ശശീധരന്‍ നമ്പൂതിരി, അണ്ടലാടി പരമേശ്വരന്‍ നമ്പൂതിരി, ആമലൂര്‍ നാരായണന്‍ നമ്പൂതിരി, കൈമുക്ക് വൈദീകന്‍ ശ്രീധരന്‍ നമ്പൂതിരി, പന്തല്‍ വൈദീകന്‍ ദാമോദരന്‍ നമ്പൂതിരി, താനിയില്‍ മതിയത്ത് രാമന്‍ നമ്പൂതിരി എന്നിവരുടെ കാര്‍മികത്വത്തിലാണ് യജ്ഞം നടക്കുന്നത്. ഈമാസം 31 നു യജ്ഞം സമാപിക്കും. ക്ഷേത്ര സംരക്ഷണ സമിതി പ്രസിഡണ്ട് കെ.കെ.സുബിദാസ്, സെക്രട്ടറി സുനീഷ് അയിനിപ്പുള്ളി, ട്രഷറര്‍ ഭാസ്‌ക്കര കുറുപ്പ് തുടങ്ങിയവര്‍ നേതൃത്വം നല്‍കി.
തൃപ്രയാര്‍ വലപ്പാട് കരയാമുട്ടം ധര്‍മ്മവിലാസം നോര്‍ത്ത് എല്‍.പി. സ്‌കൂളിന്റെ ശതാബ്ദി ആഘോഷങ്ങളുടെ സമാപന സമ്മേളനം നാളെ നടക്കുമെന്ന് സംഘാടകസമിതി ഭാരവാഹികള്‍ അറിയിച്ചു.
രാവിലെ 9ന് കോതകുളം ബീച്ചില്‍ നിന്ന് സ്‌കൂളിലേക്ക് ഘോഷയാത്ര നടക്കും. യാത്രയയപ്പ് സമ്മേളനം ഗീതാഗോപി എം.എല്‍.എ ഉദ്ഘാടനം ചെയ്യും. വൈകീട്ട് നാലിന് നടക്കുന്ന ശതാബ്ദി സമാപന സമ്മേളനം മന്ത്രി വി.എസ്.സുനില്‍കുമാര്‍ ഉദ്ഘാടനം ചെയ്യുമെന്നും അധികൃതര്‍ അറിയിച്ചു. പ്രധാനാധ്യാപിക വി.യു.ഗീത, അഡ്വ.ടി.എ.സുനില്‍കുമാര്‍, വി.ആര്‍.ജഗദീശന്‍, കെ.കെ.സുകുമാരന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
കുന്നംകുളം വയര്‍മെന്‍ ദിനാചരണത്തിന്റെ ഭാഗമായി കേരള ഇലക്ട്രിക്കല്‍ വയര്‍മെന്‍ ആന്റ് സൂപ്പര്‍വൈസേഴ്‌സ് അസോസിയേഷന്‍ കുന്നംകുളം മേഖല കമ്മിറ്റിയുടെ നേതൃത്വത്തില്‍ വിശദീകരണയോഗം സംഘടിപ്പിച്ചു.
ദിനാചരണത്തിന്റെ ഭാഗമായി നഗരം ചുറ്റി പ്രകടനം നടത്തി. തുടര്‍ന്ന് നടന്ന വിശദീകരണയോഗം അസോസിയേഷന്‍ ജില്ല ഓര്‍ഗനൈസിംഗ് സെക്രട്ടറി ടി.എല്‍.ജോയ് ഉദ്ഘാടനം ചെയ്തു. കുന്നംകുളം യൂണിറ്റ് പ്രസിഡണ്ട് ഇ.എല്‍ ജെയിംസ്, സെക്രട്ടറി എവേണുഗോപാലന്‍, ഷാജു തരകന്‍ തുടങ്ങിയവര്‍ സംസാരിച്ചു.
മാള മാള ബ്ലോക്ക് പഞ്ചായത്തിന്റെ ബജറ്റ് വൈസ് പ്രസിഡണ്ട് ജയാ ചന്ദ്രന്‍ അവതരിപ്പിച്ചു.
9 ലക്ഷത്തി 82,000 രൂപ നീക്കിയിരിപ്പുള്ള ബജറ്റാണ് അവതരിപ്പിച്ചത്. പാര്‍പ്പിട പദ്ധതിയ്ക്കായി 116 വീടുകള്‍ക്ക് വിവിധ വിഹിതങ്ങള്‍ ഉള്‍പ്പെടുത്തി ഒരു കോടി അറുപത്തെട്ട് ലക്ഷം രൂപ വകയിരുത്തി. ഉല്‍പ്പാദന മേഖലയ്ക്ക് 26 ലക്ഷത്തി 13,000 രൂപയും പശ്ചാത്തല സേവന മേഖലയ്ക്ക് 70 ലക്ഷത്തി 78,250 രൂപയും വനിതാ ഘടക പദ്ധതിക്ക് 25 ലക്ഷത്തി 17,000 രൂപയും പട്ടികജാതി വിഭാഗത്തിന് ഒരു കോടി 22 ലക്ഷത്തി 53,000 രൂപയും നീക്കിവെച്ചിട്ടുണ്ട്. ബ്ലോക്ക് പഞ്ചായത്ത് പ്രസിഡണ്ട് വര്‍ഗീസ് കാച്ചപ്പിള്ളി അധ്യക്ഷത വഹിച്ചു.
കൊടകര ദേശീയപാതയില്‍ കൊളത്തൂര്‍ സെന്ററിനു സമീപം റോഡിന്റെ അരിക് ഉയര്‍ന്നു നില്‍ക്കുന്നത് അപകടത്തിനിടയാക്കുന്നു.
റോഡിന്റെ അരികുവശം ഭൂനിരപ്പില്‍ നിന്ന് മുക്കാലടിയോളം ഉയര്‍ന്നു നില്‍ക്കുന്നത് കാല്‍നടക്കാര്‍ക്കും ഇരുചക്രവാഹനയാത്രക്കാര്‍ക്കും അപകടക്കെണിയൊരുക്കുകയാണ്. മറ്റ് വാഹനങ്ങള്‍ മറികടക്കുമ്പോള്‍ ഇടതുവശത്തേക്ക് ഒതുക്കുന്ന വാഹനങ്ങള്‍ റോഡിന്റെ ഉയര വ്യത്യാസം മൂലം നിയന്ത്രണം വിട്ട് മറിയാന്‍ കാരണമാകുന്നുണ്ട്.
ഇരിങ്ങാലക്കുട ജില്ലാ ശുചിത്വമിഷന്റേയും ഇരിങ്ങാലക്കുട ബ്ലോക്ക് പഞ്ചായത്തിന്റേയും നേതൃത്വത്തില്‍ എ.ഡി.എസ്., സി.ഡി.എസ്., ആശാവര്‍ക്കര്‍മാര്‍ക്കായി പരിശീലന പരിപാടി സംഘടിപ്പിച്ചു.
ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് വി.എ.മനോജ്കുമാര്‍ ഉദ്ഘാടനം ചെയ്തു. വൈസ് പ്രസിഡന്റ് നളിനി ബാലകൃഷ്ണന്‍ അധ്യക്ഷയായിരുന്നു. തോമസ് തത്തമ്പിള്ളി, മല്ലിക ചാത്തുകുട്ടി എന്നിവര്‍ സംസാരിച്ചു. ഇ.എ.ഇബ്രാഹിം, ശ്രീധരന്‍ തുടങ്ങിയവര്‍ ക്ലാസിന് നേതൃത്വം നല്‍കി.
കയ്പമംഗലം ദേശിയപാത- 17 കോതപറമ്പ് മുതല്‍ ചെന്ത്രാപ്പിന്നി പതിനേഴാംകല്ല് വരെയുള്ള ഭാഗത്തെ അപകട വിമുക്തമാക്കുന്ന പദ്ധതികള്‍ നടപ്പിലാക്കുന്നതിനായി മതിലകം പോലീസ് ഹൈവേ സുരക്ഷാ ജാഗ്രതാ സമിതിയുടെ നേതൃത്വത്തില്‍ യോഗം ചേര്‍ന്നു.
പദ്ധതിയുടെ ആദ്യഘട്ടം എന്ന നിലയില്‍ സ്ഥിരം അപകട മേഖലകളായ വാസുദേവ വിലാസം വളവിലും, ആല, അഞ്ചാം പരത്തി, എസ്.എന്‍.പുരം എന്നീ ഭാഗങ്ങളിലും റിഫ്‌ളക്ടിംഗ് സ്റ്റഡുകളും, സോളാര്‍ ബ്ലിംഗര്‍ ലൈറ്റുകളും സ്ഥാപിക്കാന്‍ തീരുമാനിച്ചു. യാത്രക്കാര്‍ക്ക് തടസമാകുന്ന വിധത്തിലുള്ള പരസ്യ ബോര്‍ഡുകളും കമാനങ്ങളും നീക്കം ചെയ്യും. അനധികൃത വാഹന പാര്‍ക്കിംഗുകള്‍ നിരോധിക്കാനും യോഗത്തില്‍ തീരുമാനമായി. മതിലകം എസ്.ഐ -കെ.എസ്.സുശാന്ത് അധ്യക്ഷത വഹിച്ചു. എ.എസ്.ഐ -സേവ്യര്‍, സി.പി.ഒ -സിയാദ്, കോ-ഓഡിനേറ്റര്‍ ഷെമീര്‍ എളേടത്ത്, ദേശിയപാത അതോറിറ്റി ഉദ്യോഗസ്ഥര്‍, സുരക്ഷാസമിതി അംഗങ്ങള്‍ എന്നിവര്‍ യോഗത്തില്‍ പങ്കെടുത്തു.
മാള അന്നമനട ഗ്രാമപഞ്ചായത്തില്‍ ലോക ക്ഷയരോഗ ദിനാചരണവും വനിതാ ശാക്തീകരണ സെമിനാറും സംഘടിപ്പിച്ചു.
മാമ്പ്ര പ്രാഥമികാരോഗ്യ കേന്ദ്രത്തിന്റെ നേതൃത്വത്തിലാണ് ക്ഷയരോഗ ദിനാചരണം നടത്തിയത്. വനിതാ ജാഗ്രതാ സമിതിയുടെ നേതൃത്വത്തില്‍ നടന്ന ശാക്തീകരണ സെമിനാറില്‍ സ്ത്രീ സുരക്ഷയെ സംബന്ധിച്ച് ക്ലാസെടുത്തു. അന്നമനട ഗ്രാമപഞ്ചായത്ത് പ്രസിഡണ്ട് ടെസി ടൈറ്റസ് ഉദ്ഘാടനം ചെയ്തു. പി.ഒ.പൗലോസ് അധ്യക്ഷത വഹിച്ചു. കെ.കെ.രവി നമ്പൂതിരി, സി.കെ.തിലകന്‍,ശ്യാമള അയ്യപ്പന്‍കുട്ടി എന്നിവര്‍ സംസാരിച്ചു.
തൃശൂര്‍ ദേശീയപാത കുതിരാനിലെ തുരങ്ക നിര്‍മ്മാണം പുനരാരംഭിച്ചു.
ഏതാനും ദിവസങ്ങളായി തുടര്‍ന്ന അനിശ്ചിതത്വത്തിനൊടുവിലാണ് പീച്ചി പോലിസിന്റെ നേതൃത്വത്തില്‍ സമരസമിതി അംഗങ്ങളും, കരാര്‍ കമ്പനി പ്രതിനിധികളുമായി നടത്തിയ ചര്‍ച്ചയെ തുടര്‍ന്ന് തുരങ്ക നിര്‍മ്മാണം പുനരാംഭിക്കാന്‍ ധാരണയായത്. ഇതേതുടര്‍ന്ന് വ്യാഴാഴച വൈകുന്നേരത്തോടെ തുരങ്ക നിര്‍മ്മാണം പുനരാരംഭിച്ചു. പീച്ചി എസ്.ഐ - കെ.എ ബാബുവുമായി നടത്തിയ ചര്‍ച്ചയെ തുടര്‍ന്ന് ദേശീയപാതയിലെ തുരങ്ക നിര്‍മ്മാണ പ്രവൃത്തികള്‍ നിരീക്ഷിക്കാന്‍ സമരസമിതിയിലെ രണ്ട് പേരെ നിയോഗിക്കാന്‍ തീരുമാനിച്ചു. ഇവര്‍ക്കുള്ള വേതനം കരാര്‍ കമ്പനി നല്‍കാന്‍ ധാരണയായി. തുരങ്കനിര്‍മ്മാണവുമായി ബന്ധപ്പെട്ട് സ്ഥലം വിട്ടുനല്‍കിയവര്‍ക്കും, നാശനഷ്ടം സംഭവിച്ചവര്‍ക്കും ഏപ്രില്‍ 10നകം നഷ്ടപരിഹാര തുക വിതരണം ചെയ്യാന്‍ ധാരണയായി. സമരവുമായി ബന്ധപ്പെട്ട കേസുകള്‍ പിന്‍വലിക്കാനും ചര്‍ച്ചയില്‍ തീരുമാനമായി. തുരങ്കനിര്‍മ്മാണം പുനരാരംഭിക്കുന്നതുമായി ബന്ധപ്പെട്ട് കഴിഞ്ഞ ദിവസം സമരസമിതി പ്രവര്‍ത്തകരുമായി എ.ഡി.എം ചര്‍ച്ച നടത്തിയരുന്നു.
പുന്നയൂര്‍ക്കുളം വടക്കേക്കാട് പഞ്ചായത്തിലെ അഞ്ഞൂരിലുള്ള വാട്ടര്‍ ടാങ്കും പൊതു കിണറും അനാഥാവസ്ഥയില്‍.
സ്വകാര്യ വ്യക്തി അഞ്ഞൂര്‍ സെന്ററില്‍ സൗജന്യമായി നല്‍കിയ സ്ഥലത്താണ് പൊതു കിണറും, വാട്ടര്‍ ടാങ്കും നില്‍ക്കുന്നത്. ഇവിടെ നിന്ന് ഞമനേങ്ങാട് കരുവാന്‍ പറമ്പ് കോളനി, ചക്കിത്തറ കോളനി, തുടങ്ങി നിരവധി സ്ഥലങ്ങളിലേക്ക് വെള്ളം എത്തിച്ചിരുന്നു. വെള്ളം വിതരണം മുടങ്ങിയിട്ട് വര്‍ഷങ്ങളായിട്ടും പരിഹാരം കാണാന്‍ ബന്ധപ്പെട്ട ഉദ്യോഗസ്ഥരോ, ഭരണ സമിതിയോ മുന്‍കൈ എടുക്കാത്തതില്‍ ജനങ്ങള്‍ക്കിടയില്‍ പരക്കെ പ്രതിക്ഷേധമുണ്ട്. ഓരോ വര്‍ഷവും അറ്റകുറ്റ പണിക്കെന്ന പേരില്‍ ഫണ്ട് വകയിരുത്തുന്നുണ്ടെങ്കിലും കുടിവെള്ള വിതരണം മാത്രം നടക്കുന്നില്ല. മുന്‍കാലങ്ങളില്‍ പഞ്ചായത്ത് നേരിട്ടായിരുന്നു പദ്ധതി നടപ്പിലാക്കിയിരുന്നത്. തുടര്‍ന്ന് വന്ന മലേഷ്യന്‍ കുടിവെള്ള പദ്ധതിക്കായി ഇതില്‍ ടാങ്കും പൈപ്പുകളും വാട്ടര്‍ അതോറിറ്റിക്ക് നല്‍കുകയായിരുന്നു. എന്നാല്‍ വാട്ടര്‍ അതോറിറ്റിയും വേണ്ട വിധത്തില്‍ വെള്ളം എത്തിക്കാത്തത് ജനങ്ങളെ ദുരിതത്തിലാക്കി. പഞ്ചായത്തില്‍ നേരിടുന്ന കുടിവെള്ള ക്ഷാമം അടിയന്തിരമായി പരിഹരിക്കണമെന്നാണ് പ്രദേശവാസികളുടെ ആവശ്യം.
തൃശൂര്‍ കേരള ലളിതകലാ അക്കാദമി തൃശൂരില്‍ സംഘടിപ്പിച്ചിട്ടുള്ള പന്തിഭോജനത്തിന്റെ ശതാബ്ദിയാഘോഷങ്ങളുടെ ഭാഗമായുള്ള കലാ - സാംസ്‌കാരിക പരിപാടികള്‍ റീജണല്‍ തിയേറ്ററില്‍ തുടരുന്നു.
മൂന്നു ദിവസമായി നടക്കുന്ന പ്രഭാഷണ പരമ്പരയില്‍ ഇന്നലെ ഏഴാച്ചേരി രാമചന്ദ്രന്‍ പ്രഭാഷണം നടത്തി. തുടര്‍ന്ന് വി.ടി.മുരളി അവതരിപ്പിച്ച 'ചരിത്രമെഴുതിയ ഹൃദയങ്ങള്‍' എന്ന പ്രത്യേക സംഗീത പരിപാടിയും അരങ്ങേറി. കലാ- സാംസ്‌കാരിക പരിപാടിയുടെ അഞ്ചാം ദിനമായ ഇന്ന് വൈകീട്ട് കെ.കെ.എന്‍.കുറുപ്പ്, പാര്‍വ്വതി പവനന്‍ എന്നിവരുടെ പ്രഭാഷണവും തുടര്‍ന്ന് 'ഉല്‍കൃഷ്ട കലാസൃഷ്ടി എന്ന നാടകവും അരങ്ങേറും.
വടക്കാഞ്ചേരി വിദ്യാര്‍ത്ഥിയെ മര്‍ദ്ദിച്ചുവെന്ന കേസിലെ പ്രതികളായ നെഹ്‌റുകോളേജ് ചെയര്‍മാന്‍ പി. കൃഷ്ണദാസ്, ഗോവിന്ദന്‍കുട്ടി, വത്സകുമാര്‍ എന്നിവരെ വടക്കാഞ്ചേരി മജിസ്‌ട്രേറ്റ് കോടതിയില്‍ ഹാജരാക്കി.
കസ്റ്റഡിയില്‍ ആവശ്യപ്പെട്ട് പോലീസ് അപേക്ഷ നല്‍കിയതിനെ തുടര്‍ന്നാണ് പ്രതികളെ ഹാജരാക്കിയത്. എന്നാല്‍, ഹൈക്കോടതി വിധി വന്നതോടെ വടക്കാഞ്ചേരി കോടതി തുടര്‍നടപടികള്‍ എടുക്കാതെ പ്രതികളെ തിരികെ വിയ്യൂര്‍ ജയിലിലേക്ക് അയച്ചു. ഹൈക്കോടതിയുടെ റിപ്പോര്‍ട്ട് ലഭിക്കുന്നതോടെ പ്രതികളെ മോചിപ്പിക്കും.
തൃപ്രയാര്‍ തലചായ്ക്കാന്‍ ഇടത്തിനായി വാടാനപ്പള്ളി ചിലങ്ക ബീച്ചിലെ നായരുശേരി സുജിത്തിന് കളക്ടറേറ്റിന് മുമ്പില്‍ ഇനി നിരാഹാര സമരം നടത്തേണ്ട. തളിക്കുളം സുനാമി പുനരധിവാസ കോളനിയിലെ വീടുകളിലൊന്ന് രണ്ട് ദിവസത്തിനകം സുജിത്തിന് കൈമാറുമെന്ന് ഡെപ്യൂട്ടി കളക്ടര്‍ രാമചന്ദ്രന്‍ അറിയിച്ചു. വീടിനായുള്ള അപേക്ഷയില്‍ 4 വര്‍ഷമായിട്ടും ഉദ്യോഗസ്ഥര്‍ തീരുമാനം എടുക്കുന്നില്ലെന്ന ടി.സി.വി വാര്‍ത്ത ശ്രദ്ധയില്‍പ്പെട്ട ഗീതാഗോപി എം.എല്‍.എയുടെ ഇടപെടലാണ് സുജിത്തിനും കുടുംബത്തിനും തുണയായത്.
4 വര്‍ഷത്തെ കാത്തിരിപ്പിനൊടുവിലാണ് വാടാനപ്പള്ളി ചിലങ്ക ബീച്ച് സ്വദേശിയായ നായരുശേരി സുജിത്തിന് സ്വന്തമായൊരു വീടെന്ന സ്വപ്നം സഫലമാകുന്നത്. ജന്മനാ വികലാംഗനും അവിവാഹിതനുമായ സുജിത്ത്, അച്ഛന്‍ സുബ്രഹ്മണ്യന്‍, അമ്മ സുശീല, അച്ഛമ്മ ജാനകി എന്നിവര്‍്‌ക്കൊപ്പമാണ് വാടാനപ്പള്ളി ചിലങ്ക ബീച്ചിന് സമീപം താമസിക്കുന്നത്. സുജിത്തിന്റെ ദുരിതം തിരിച്ചറിഞ്ഞ് തളിക്കുളം പുനരധിവാസ കോളനി സ്വദേശിയായ ബൈജുവിന്റെ സഹായത്തോടെ വാടാനപ്പള്ളി പഞ്ചായത്ത് സെക്രട്ടറിക്ക് 2013 സെപ്റ്റംബര്‍ ഏഴിന് അപേക്ഷ നല്കി്. അന്നുതന്നെ ജില്ലാ കളക്ടര്‍ ഇതുസംബന്ധിച്ച റിപ്പോര്‍ട്ട് ആവശ്യപ്പെട്ടെങ്കിലും പഞ്ചായത്ത് സെക്രട്ടറിയും, കൃഷി ഓഫീസറും, ഫിഷറീസ് ഡ്യെൂട്ടി ഡയറക്ടറും 4 വര്‍ഷം വൈകി കഴിഞ്ഞ നാലിനാണ് റിപ്പോര്‍്ട്ട് കൈമാറിയത്. വീട് സംബന്ധിച്ച റിപ്പോര്‍ട്ട് കിട്ടിയില്ലെന്ന് കളക്ടറുടെ ഓഫീസില്‍ നിന്ന് അറിയിപ്പ് എത്തിയതോടെ റിപ്പോര്‍്ട്ട് കൈമാറിയതായുള്ള രേഖയും സുജിത്ത് നല്‍കി. നട്ടെല്ലിന് പരിക്കുണ്ടെങ്കിലും സുജിത്തിനായി അമ്മ സുശീലയാണ് ഓഫീസുകള്‍ കയറിയിറങ്ങിയത്. ഏറ്റവും ഒടുവില്‍ താനും കുടുംബവും കഴിഞ്ഞ 11 മാസമായി വാടകക്ക് കഴിയുന്ന വീട് ഒരാഴ്ചക്കകം ഒഴിയണമെന്ന വീട്ടുടമയുടെ മുന്നറിയിപ്പാണ് സുജിത്തിനെ വെട്ടിലാക്കിയത്. ഇതോടെ തളിക്കുളത്തെ പുനരധിവാസ കോളനിയിലെ വീടിനായി തിങ്കളാഴ്ച മുതല്‍ കളക്ടറേറ്റിന് മുമ്പില്‍ നിരാഹാര സമരം നടത്താന്‍ സുജിത്ത് തീരുമാനിച്ചു. ഇതുസംബന്ധിച്ച ടി.സി.വി വാര്‍ത്ത ശ്രദ്ധയില്‍പ്പെട്ടതോടെ പ്രശ്‌നത്തില്‍ ഇടപെടാന്‍ ഗീതാഗോപി എം.എല്‍.എ തീരുമാനിക്കുകയായിരുന്നു. വ്യാഴാഴ്ച രാവിലെ കളക്ടറേറ്റിലെത്തിയ എം.എല്‍.എ തളിക്കുളം പുനരധിവാസ കോളനിയില്‍ ഒഴിവുള്ള 12 വീടുകളിലൊന്ന് സുജിത്തിന് നല്‍കണമെന്ന അഭ്യര്‍ത്ഥന ഡെപ്യൂട്ടി കളക്ടര്‍ രാമചന്ദ്രന് കൈമാറി. ജില്ലാ കളക്ടര്‍ തിരുവനന്തപുരത്താണെങ്കിലും സുജിത്തിന്റെ അവശതയും ഗീതാഗോപി എം.എല്‍.എയുടെ അഭ്യര്‍ത്ഥനയും പരിഗണിച്ച് രണ്ട് ദിവസത്തിനകം വീട് കൈമാറുമെന്ന് ഡെപ്യൂട്ടി കളക്ടര്‍ രാമചന്ദ്രന്‍ ടി.സി.വിയോട് പറഞ്ഞു. അടുത്ത ദിവസം സുജിത്തിന് വീടിന്റെ താക്കോല്‍ കൈമാറുമെന്ന് എം.എല്‍.എ പറഞ്ഞു. ടി.സി.വി വാര്‍ത്തയിലൂടെ എം.എല്‍.എ ഇടപെട്ടതിലും ഒരു ദിവസത്തിനകം വീട് അനുവദിച്ചതിലുമുള്ള സന്തോഷത്തിലാണ് സുജിത്തും കുടുംബവും.
പുതുക്കാട് പുതുക്കാട് റെയില്‍വേ സ്റ്റേഷനു സമീപം മധ്യവയസ്‌കനെ ട്രെയിന്‍ തട്ടി മരിച്ച നിലയില്‍ കണ്ടെത്തി
പുതുക്കാട് വടക്കേ തൊറവ് തെക്കൂട്ട് 54 വയസ്സുള്ള രാധാകൃഷ്ണന്‍ ആണ് മരിച്ചത്. വ്യാഴാഴ്ച്ച ഉച്ചയോടെയായിരുന്നു സംഭവം. പുതുക്കാട് പോലീസെത്തി മേല്‍നടപടികള്‍ സ്വീകരിച്ചു. മൃതദേഹം പുതുക്കാട് താലൂക്ക് ആശുപത്രിയിലേക്ക് മാറ്റി.
തൃശൂര്‍ കെ.എസ്.ആര്‍.ടി.സി തൊഴിലാളികള്‍ സംഭാവനയായി വാങ്ങി നല്‍കിയ തിരുവനന്തപുരം-പാലക്കാട് സൂപ്പര്‍ ഫാസ്റ്റ് ബസ് സര്‍വ്വീസ് തുടങ്ങി.
കെ.എസ്.ആര്‍.ടി.ഇ.എ-സി.ഐ.ടി.യുവിന്റെ നേതൃത്വത്തില്‍ ബസിന് തൃശൂര്‍ സ്റ്റാന്റില്‍ സ്വീകരണം നല്‍കി. 'സേവ് കെ.എസ്.ആര്‍.ടി.സി' കാമ്പയിന്റെ ഭാഗമായി തൊഴിലാളികള്‍ വാങ്ങി നല്‍കിയ ബസ്, തിരുവനന്തപുരത്ത് നടന്ന ചടങ്ങില്‍ മുഖ്യമന്ത്രി പിണറായി വിജയനാണ് ഏറ്റുവാങ്ങി കെ.എസ്.ആര്‍.ടി.സി അധികൃതര്‍ക്ക് കൈമാറിയത്. തൃശൂരില്‍ നടന്ന സ്വീകരണ ചടങ്ങിന് അസോസിയേഷന്‍ ജില്ലാ പ്രസിഡന്റ് പി.വിജയകുമാര്‍, യൂണിറ്റ് സെക്രട്ടറി കെ.പ്രസന്നന്‍, എ.എസ്.ജയരാജന്‍ എന്നിവര്‍ നേതൃത്വം നല്‍കി.
തൃശൂര്‍ ജയില്‍പുള്ളികള്‍ക്കുള്ള ശിക്ഷാ ഇളവിനായി സര്‍ക്കാര്‍ നല്‍കിയ പട്ടികയില്‍ ടി.പി.ചന്ദ്രശേഖരന്‍ വധക്കേസ് പ്രതികള്‍ ഉള്‍പ്പെടെയുള്ള കൊടും കുറ്റവാളികള്‍.
വിവരാവകാശ നിയമ പ്രകാരം ജയില്‍ വകുപ്പില്‍ നിന്നു ലഭിച്ച മറുപടിയിലാണ് ഇക്കാര്യം വ്യക്തമായത്. ടി.പി.കേസിലെ 11 പ്രതികളായ കൊടി സുനി, കെ.സി.രാമചന്ദ്രന്‍, കുഞ്ഞനന്തന്‍, സിജിത്ത്, റഫീക്ക്, അനൂപ്, മനോജ്കുമാര്‍, രജീഷ് മുഹമ്മദ് ഷാഫി, ഷിനോജ് എന്നിവരുടെ പേരുകള്‍ പട്ടികയില്‍ ഉണ്ടായിരുന്നു. കല്ലുവാതുക്കല്‍ കേസിലെ മണിച്ചന്‍, ഗുണ്ടാനേതാവ് ഓംപ്രകാശ്, കാരണവര്‍ വധക്കേസ് പ്രതി ഷെറിന്‍ എന്നിവരുടെ പേരും പട്ടികയില്‍ ഉണ്ടായിരുന്നു. തടവുകാരില്‍ സല്‍സ്വഭാവികളെന്നു കാട്ടി 2262 പേരുടെ പട്ടികയാണു ജയില്‍ എ.ഡി.ജി.പി അനില്‍കാന്ത് കഴിഞ്ഞ നവംബറില്‍ ശിക്ഷാ ഇളവിന് പരിഗണിക്കാന്‍ ആഭ്യന്തരവകുപ്പിന് കൈമാറിയത്. സുപ്രീംകോടതി മാനദണ്ഡപ്രകാരം ഇവരില്‍ നിന്നു യോഗ്യരായവരെ തെരഞ്ഞെടുക്കാന്‍ സര്‍ക്കാര്‍ മൂന്നംഗ ഉപസമിതിയേയും നിയോഗിച്ചു. എന്നാല്‍ തടവുകാരെ സംബന്ധിച്ച കോടതിവിധികള്‍ പരിശോധിക്കാതെയും രാഷ്ട്രീയ സമര്‍ദ്ദത്തിന് വഴങ്ങിയുമാണ് സമിതി 1850 പേരുടെ അന്തിമ പട്ടിക നല്‍കിയത്.
ചെറുതുരുത്തി നാട്യാചാര്യന്മാരായ കലാമണ്ഡലം രാമന്‍കുട്ടി നായര്‍, കലാമണ്ഡലം പദ്മനാഭന്‍ നായര്‍ എന്നിവരെ കലാമണ്ഡലത്തില്‍ അനുസ്മരിച്ചു.
കൂത്തമ്പലത്തില്‍ നടന്ന അനുസ്മരണ സമ്മേളനം പദ്മശ്രീ കലാമണ്ഡലം ഗോപി ഉദ്ഘാടനം ചെയ്തു. ഭരണസമിതി അംഗം എന്‍.ആര്‍.ഗ്രാമപ്രകാശ് അധ്യക്ഷത വഹിച്ചു. വെള്ളിനേഴി രാമന്‍കുട്ടി, കലാമണ്ഡലം കുട്ടന്‍, കലാമണ്ഡലം വാസുദേവന്‍, കലാമണ്ഡലം എം.പി.എസ്. നമ്പൂതിരി എന്നിവര്‍ പങ്കെടുത്തു.
ചാലക്കുടി കെ.പി.സി.സിയുടെ പോഷക സംഘടനയായ ഗാന്ധിഹരിത സമൃദ്ധിയുടെ ആഭിമുഖ്യത്തില്‍ തിരുവനന്തപുരത്തു നിന്ന് ആരംഭിച്ച 'അതിരപ്പിള്ളിയുടെ ആത്മാവിനൊപ്പം' പഠനയാത്ര വെള്ളിയാഴ്ച വാഴച്ചാലിലെത്തുമെന്ന് ജില്ലാകമ്മറ്റി ഭാരവാഹികള്‍ അറിയിച്ചു.
ഉച്ചതിരിഞ്ഞ് 3ന് ചാലക്കുടിയില്‍ യാത്രയ്ക്ക് സ്വീകരണം നല്‍കും. തുടര്‍ന്ന് അതിരപ്പിള്ളിയില്‍ നടക്കുന്ന സ്വീകരണത്തില്‍ ഡി.സി.സി പ്രസിഡന്റ് ടി.എന്‍.പ്രതാപന്‍, യു.ഡി.എഫ് ചെയര്‍മാന്‍ ജോസഫ് ചാലിശ്ശേരി എന്നിവര്‍ പങ്കെടുക്കും. പിന്നീട് വാഴച്ചാല്‍ ആദിവാസി കോളനിയിലെത്തി യാത്ര സമാപിക്കും. രാത്രി 10വരെ കാടിന്റെ മക്കള്‍ക്ക് കാവല്‍ എന്ന ചടങ്ങും ഉണ്ടായിരിക്കും. നാടന്‍പാട്ടുകള്‍, കാവ്യാലാപനം എന്നിയും നടക്കും. അതിരപ്പിള്ളി പദ്ധതിക്കെതിരെയുള്ള പ്രക്ഷോഭവും യാത്രയുടെ ലക്ഷ്യമാണെന്ന് ഭാരവാഹികള്‍ പറഞ്ഞു. യു.ഡി.എഫ് നിയോജക മണ്ഡലം ചെയര്‍മാന്‍ എബി ജോര്‍ജ്ജ്, ഡി.സി.സി.ജനറല്‍ സെക്രട്ടറി ജെയിംസ് കെ.പോള്‍, കോണ്‍ഗ്രസ് അതിരപ്പിള്ളി മണ്ഡലം പ്രസിഡന്റ് ജോസ് പാറക്ക എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ചെറുതുരുത്തി ഭൂചലനത്തില്‍ നാശനഷ്ടങ്ങള്‍ സംഭവിച്ച വീടുകളില്‍ യു.ആര്‍.പ്രദീപ്എം.എല്‍.എ സന്ദര്‍ശനം നടത്തി.
പള്ളം യത്തീംഖാനയ്ക്ക് സമീപം ചോഴിയാംകുന്നത്ത് വീട്ടില്‍ മുഹമ്മദിന്റെ വീട്ടിലും, പള്ളം കുന്നുംപുറത്ത് വീട്ടില്‍ അബ്ദുള്‍റഹ്മാന്റെ വീട്ടിലുമാണ് എം.എല്‍.എ സന്ദര്‍ശനം നടത്തിയത്. എം.എല്‍.എ യോടൊപ്പം വില്ലേജ് ഓഫീസര്‍ അജീഷും ഉണ്ടായിരുന്നു. ഇവരുടെ വീടുകളില്‍ വലീയ രീതിയിലുള്ള വിള്ളലുകളാണ് സംഭവിച്ചിരിക്കുന്നത്. വീട്ടുകാരോട് മാറി താമസിക്കാന്‍ ഊദ്യോഗസ്ഥര്‍ ആവശ്യപ്പെട്ടു. ഈ വിവരങ്ങള്‍ കളക്ടറുടെ ശ്രദ്ധയില്‍പ്പെടുത്തി ഉടനെതന്നെ ഇവര്‍ക്ക് വേണ്ട സഹായങ്ങള്‍ ലഭിക്കാനുള്ള നടപടികള്‍ കൈകൊള്ളുമെന്ന് എം.എല്‍.എ. പറഞ്ഞു.
വടക്കാഞ്ചേരി പാര്‍ളിക്കാട് നടരാജഗിരി ബാലസുബ്രഹ്മണ്യസ്വാമി ക്ഷേത്രത്തിലെ പ്രതിഷ്ഠാദിന മഹോത്സവം വര്‍ണാഭമായി.
തലപ്പിള്ളി എസ്.എന്‍.ഡി.പി യൂണിയന്റെയും, പ്രാദേശിക കാവടി ആഘോഷ കമ്മിറ്റികളുടേയും സംയുക്താഭിമുഖ്യത്തിലാണ് ആഘോഷം. ക്ഷേത്രത്തില്‍ ഭഗവാന്റെ പിറന്നാള്‍ സദ്യയും നടന്നു.
തൃശൂര്‍ പ്രസാധന രംഗത്തെ പെണ്‍കുട്ടായ്മയായ സമതയുടെ ആഭിമുഖ്യത്തില്‍ ഭഗവത് സിങ്ങ്, രാജ്ഗുരു, സുഖ്‌ദേവ് അനുസ്മരണവും ചരിത്ര ചിത്രപ്രദര്‍ശനവും തൃശൂരില്‍ സംഘടിപ്പിച്ചു.
തെക്കേഗോപുരനടയില്‍ നടന്ന ചരിത്ര ചിത്രപ്രദര്‍ശനം- 'രണസ്മരണയില്‍' ചരിത്ര സംബന്ധിയായ നിരവധി ചിത്രങ്ങള്‍ പ്രദര്‍ശിപ്പിച്ചു. പ്രൊഫ.ഇ.രാജന്‍ അനുസ്മരണ ചടങ്ങ് ഉദ്ഘാടനം ചെയ്തു. സമത മാനേജിങ്ങ്ട്രസ്റ്റി പ്രൊഫ.ടി.എ.ഉഷാകുമാരി നേതൃത്വം നല്‍കി.
ഇരിങ്ങാലക്കുട വീട്ടിലേക്ക് വാഹനം കൊണ്ടുപോകാന്‍ അനുവദിക്കണമെന്ന് ആവശ്യപ്പെട്ട് ഓട്ടോ തൊഴിലാളിയുടെ നിരാഹാര സമരം.
കാറളം പഞ്ചായത്തിലെ 11-ാം വാര്‍ഡിലെ ഹരിപുരം സ്വദേശിയും ഓട്ടോ തൊഴിലാളിയുമായ വന്‍പറമ്പില്‍ സജിമോന്‍ ആണ് വീടിനുമുന്നില്‍ നിരാഹാരം നടത്തുന്നത്. ആധാരപ്രകാരം വാഹനം കടത്താന്‍ അവകാശമുണ്ടെങ്കിലും സമീപത്തുള്ള ബന്ധുക്കള്‍ ഈ വഴി തടസപ്പെടുത്തുന്നതായി സജിമോന്‍ ആരോപിക്കുന്നു. പ്രായമായ മാതാപിതാക്കളെ ആശുപത്രിയില്‍ കൊണ്ടുപോകാന്‍ വരെ സാധിക്കുന്നില്ലെന്നും തന്നെ ബന്ധുക്കള്‍ മാനസികമായി പീഡിപ്പിക്കുകയാണെന്നും സജിമോന്‍ പറഞ്ഞു.
കയ്പമംഗലം സ്ത്രീകള്‍ക്കും കുട്ടികള്‍ക്കും എതിരെയുള്ള അതിക്രമങ്ങളില്‍ പ്രതിഷേധിച്ച് പെരിഞ്ഞനം സ്ത്രീ ബാല-ബാലിക സംരക്ഷണ സമിതിയുടെ ആഭിമുഖ്യത്തില്‍ വായ് മൂടിക്കെട്ടി പ്രകടനം നടത്തി.
പെരിഞ്ഞനത്ത് നിന്നാരംഭിച്ച പ്രകടനം മൂന്നുപീടികയില്‍ സമാപിച്ചു. കവിത സജീവന്‍, സിന്ധു അജയ്‌ഘോഷ്, സിലി സുനി, എന്നിവര്‍ നേതൃത്വം നല്‍കി.
തൃശൂര്‍ പ്രശ്‌സ്ത സാഹിത്യകാരന്‍ പെരുമ്പടവം ശ്രീധരന്‍ രചിച്ച ഒരു സങ്കീര്‍ത്തനം പോലെ എന്ന കൃതിയെ ആസ്പദമാക്കി ആവിഷ്‌കരിച്ച ഡോക്യുമെന്ററി പ്രദര്‍ശനം ശനിയാഴ്ച നടക്കുമെന്ന് സംഘാടകര്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
സാഹിത്യഅക്കാദമയില്‍ നടക്കുന്ന പ്രദര്‍ശനത്തിന്റെ ഉദ്ഘാടനം സാഹിത്യ അക്കാദമി പ്രസിഡന്റ് വൈശാഖന്‍ നിര്‍വ്വഹിക്കും. പി.എസ് ഇക്ബാല്‍, എന്‍,രാജന്‍, പി.ജെ ആന്റണി, പി.സി.രവി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
കയ്പമംഗലം എടത്തിരുത്തി ഗ്രാമപഞ്ചായത്തിന്റെ ബജറ്റ് അവതരിപ്പിച്ചു.
14 കോടി 17 ലക്ഷത്തി 28,924 രൂപ വരവും, 13 കോടി 94 ലക്ഷത്തി 67,700 രൂപ ചിലവും 22 ലക്ഷത്തി 61,224 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് വൈസ് പ്രസിഡന്റ് എ.വി.സതീഷ് അവതരിപ്പിച്ചത്. സമ്പൂര്‍ണ പാര്‍പ്പിട പദ്ധതിക്കും കൃഷി മൃഗസംരക്ഷണ മേഖലയ്ക്കും വിദ്യാഭ്യാസ മേഖലയ്ക്കും ബജറ്റില്‍ ഊന്നല്‍ നല്കിയിട്ടുണ്ട്. യോഗത്തില്‍ പഞ്ചായത്ത് പ്രസിഡന്റ് ബൈന പ്രദീപ് അധ്യക്ഷത വഹിച്ചു.
തൃശൂര്‍ തൃശൂര്‍ മഹാരാജ പോളിടെക്‌നിക് ഇന്‍സ്റ്റിറ്റിയൂട്ടിന്റെ എഴുപത്തിയഞ്ചാം വാര്‍ഷികത്തോടുനുബന്ധിച്ച് ടെക്‌നിക് ഫെസ്റ്റിവല്‍ നടത്തുമെന്ന് സംഘടകാര്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
24, 25 തിയ്യതികളില്‍ നടക്കുന്ന ഫെസ്റ്റിവലിന്റ ഉദ്ഘാടനം മന്ത്രി വി.എസ്.സുനില്‍കുമാര്‍ നിര്‍വഹിക്കും. ജനറല്‍ കണ്‍വീനര്‍ റെജിമോന്‍ എബ്രാഹം, സ്റ്റുഡന്റ് കണ്‍വീനര്‍ വിമല്‍ പോള്‍, പ്രിന്‍സിപ്പാള്‍ സി.പി ഉണ്ണികൃഷ്ണന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ഇരിങ്ങാലക്കുട പടിയൂര്‍ പൊതുകുളത്തില്‍ മീനുകള്‍ വ്യാപകമായി ചത്തുപൊന്തി.
എച്ച്.ഡി.പി സമാജം ക്ഷേത്രത്തിനു സമീപമുള്ള പൊതുകുളത്തിലാണ് ഇന്ന് രാവിലെ മീനുകള്‍ ചത്തു പൊന്തിയത്. കുളത്തില്‍ മീന്‍ പിടിക്കുന്നതിനായി വിഷം കലക്കിയതാണെന്നാണ് ആരോപണം. രൂക്ഷമായ ജലക്ഷാമം അനുഭവപ്പെടുന്ന പഞ്ചായത്തില്‍ പ്രദേശവാസികള്‍ ഈ കുളത്തിലെ ജലം ഉപയോഗിച്ചിരുന്നു. മീന്‍ ചത്ത് പൊന്തിയതോടെ ജലം ഉപയോഗിക്കാന്‍ കഴിയാത്ത അവസ്ഥയിലാണ്. കുറ്റക്കാര്‍ക്കെതിരെ ജാമ്യമില്ലാത്ത വകുപ്പ് പ്രകാരം കേസെടുക്കണമെന്ന് ഗ്രാമപഞ്ചായത്തംഗം ബിനോയ് ആവശ്യപ്പെട്ടു.
ഇരിങ്ങാലക്കുട ഇരിങ്ങാലക്കുട നഗരസഭ ബജറ്റ് അവതരിപ്പിച്ചു.
കാര്‍ഷികം, കുടിവെള്ളം, വിദ്യാഭ്യാസം ആരോഗ്യം എന്നിവയ്ക്ക് പ്രാധാന്യം നല്‍കിയാണ് ബജറ്റ് അവതരിപ്പിച്ചിട്ടുള്ളത്. നെല്‍കൃഷിക്കും ജലസേചനത്തിനും 42 ലക്ഷം രൂപയും ഇറിഗേഷന്‍ പദ്ധതിക്കു 35 ലക്ഷം രൂപയും കൊയ്ത്തുമെതി യന്ത്രം വാങ്ങുന്നതിന് 5 ലക്ഷം രൂപയും അനുവദിച്ചു. ചെറുകിട, ശുദ്ധജല വിതരണ പദ്ധതിക്കായി 25 ലക്ഷം രൂപ ബജറ്റില്‍ വകയിരുത്തി. കൂടാതെ കുടിവെള്ള പദ്ധതിക്കായി 50 ലക്ഷം രൂപ വേറെയും വകയിരുത്തിയിട്ടുണ്ട്. 62 കോടി 54 ലക്ഷത്തി 34,021 രൂപയുടെ വരവും 36 കോടി 75 ലക്ഷത്തി 34, 126 രൂപ ചിലവും 25 കോടി 78 ലക്ഷത്തി 99,895 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് വൈസ് ചെയര്‍പേഴ്‌സണ്‍ രാജേശ്വരി ശിവരാമന്‍ നായര്‍ അവതരിപ്പിച്ചത്. ചെയര്‍പേഴ്‌സണ്‍ നിമ്യഷിജു അധ്യക്ഷത വഹിച്ചു. ബജറ്റിന്മേലുള്ള ചര്‍ച്ച ഈ മാസം 27ന് നടക്കും.
ഇരിങ്ങാലക്കുട കാട്ടൂരില്‍ സമഗ്ര കുടിവെള്ള പദ്ധതിയുടെ ഭാഗമായി വീട്ടിലേക്ക് എടുക്കുന്ന പൈപ്പ് ലൈനുകള്‍ വ്യാപകമായി പൊട്ടുന്നതായി പരാതി.
റോഡിനു കുറുകെ സ്ഥാപിക്കുന്ന പൈപ്പ് ലൈനുകള്‍ താഴ്ത്തി സ്ഥാപിക്കാത്തതാണ് ഇവ പൊട്ടാന്‍ കാരണം. ഒന്നര അടിയെങ്കിലും താഴ്ത്തി സ്ഥാപിക്കേണ്ട പൈപ്പ് പല സ്ഥലങ്ങളിലും അര അടിയില്‍ പോലും താഴ്ത്താതെയാണ് സ്ഥാപിക്കുന്നത്. ഇതു മൂലം റോഡില്‍ നിര്‍മ്മാണ പ്രവര്‍ത്തനങ്ങള്‍ നടത്തുമ്പോള്‍ പൈപ്പ് ലൈനുകള്‍ വ്യാപകമായി പൊട്ടുകയാണെന്നും കുടിവെള്ളം പാഴാകുകയാണെന്നും നാട്ടുകാര്‍ പറഞ്ഞു. പൈപ്പുകള്‍ താഴ്ത്തി സ്ഥാപിക്കാത്തതിനെതിരെ ഇരിങ്ങാലക്കുട ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ വി.എം.കമറുദ്ദീന്റെ നേതൃത്വത്തില്‍ നാട്ടുകാര്‍ പ്രതിഷേധവുമായി രംഗത്തെത്തി.
ചാവക്കാട് രൂക്ഷമായ വരള്‍ച്ചയില്‍ കുടിവെള്ളത്തിനായി നെട്ടോട്ടമോടുന്ന ഒരുമനയൂരിലെ പാവപ്പെട്ട വീട്ടുകാര്‍ക്ക് ദാഹജലവുമായി ഇസ്ലാമിക് ഹൈസ്‌കൂള്‍ വിഭാഗം'വിദ്യാര്‍ത്ഥികള്‍ രംഗത്ത്.
7, 8 വാര്‍ഡുകളിലെ ഏതാനും കുടുംബങ്ങള്‍ക്കാണ് കുട്ടികള്‍ കനിവിന്റെ തെളിനീരുമായി സമൂഹത്തിന് മാതൃക കാട്ടിയത്. കുട്ടികള്‍ക്ക് മാര്‍ഗ നിര്‍ദ്ദേശങ്ങളുമായി മാനേജര്‍ വി.കെ.അബ്ദുള്ള മോന്‍, വാര്‍ഡംഗം പി.പി.മൊയ്‌നുദ്ദീന്‍, പി.ടി.എ പ്രസിഡന്റ് ഹാരിഫ് ഒരുമനയൂര്‍ തുടങ്ങിയവര്‍ കൂടെയുണ്ടായിരുന്നു.
തൃശൂര്‍ ഇന്ത്യന്‍ കോഫീ ഹൗസ് ഭരണസമിതി പിരിച്ചുവിട്ട നടപടിയില്‍ പ്രതിഷേധിച്ച് തൃശൂരിലെ ഭരണസമിതി ആസ്ഥാനത്ത് നടത്തുന്ന സമരത്തിന് പിന്തുണയുമായി കേരള കോണ്‍ഗ്രസ് - എം. സംസ്ഥാന ജനറല്‍ സെക്രട്ടറിയും മുന്‍ ചീഫ് വിപ്പുമായ അഡ്വ.തോമസ് ഉണ്ണിയാടന്‍ തൊഴിലാളികളെ സന്ദര്‍ശിച്ചു.
ഭരണസമിതി ഭാരവാഹികളുമായും തൊഴിലാളികളുമായും സംസാരിച്ച തോമസ് ഉണ്ണിയാടന്‍ തൊഴിലാളികളുടെ കൂട്ടായ്മയ്ക്ക് ഐക്യദാര്‍ഢ്യം പ്രഖ്യാപിച്ചാണ് മടങ്ങിയത്. 57 വര്‍ഷക്കാലം തൊഴിലാളി മുതലാളിയായും മുതലാളി തൊഴിലാളിയായും പ്രവര്‍ത്തിക്കുന്ന ഇന്ത്യന്‍ കോഫി ഹൗസിന്റെ സഹകരണസംഘം വളഞ്ഞവഴിയിലൂടെ പിടിച്ചെടുക്കാനുള്ള സര്‍ക്കാരിന്റെ നിലപാട് തൊഴിലാളി വിരുദ്ധമാണെന്നും എ.കെ.ജിയെ പോലുള്ള വലിയ നേതാക്കളെ അപമാനിക്കലാണെന്നും തോമസ് ഉണ്ണിയാടന്‍ പറഞ്ഞു. കേരള കോണ്‍ഗ്രസ് - എം. സംസ്ഥാന സെക്രട്ടേറിയറ്റംഗം സി.വി.കുരിയാക്കോസ്, ജില്ലാ സെക്രട്ടറി ഇട്യേച്ചന്‍ തരകന്‍ എന്നിവരും അദ്ദേഹത്തോടൊപ്പമുണ്ടായിരുന്നു.
തൃശൂര്‍ അയോദ്ധ്യയില്‍ രാമക്ഷേത്രം പണിയുമെന്ന് ശ്രീരാമസേന ദേശീയ അദ്ധ്യക്ഷന്‍ പ്രമോദ് മുത്തലിക് പറഞ്ഞു.
തൃശൂരില്‍ വാര്‍ത്ത സമ്മേളനത്തില്‍ സംസാരിക്കുകയായിരുന്നു അദ്ദേഹം. ക്ഷേത്ര നിര്‍മ്മാണത്തിന് സാധന സാമഗ്രികള്‍ ശേഖരിക്കുന്നതിനുള്ള രാമക്ഷേത്ര നിര്‍മ്മാണ്‍യാത്ര ശ്രീരാമസേന സംഘടിപ്പിക്കുമെന്നും അദ്ദേഹം പറഞ്ഞു. സുപ്രീം കോടതി ഉത്തരവ് അനുകൂലമായി വന്നാല്‍ മൂന്ന് മാസത്തിനകം രാമക്ഷേത്ര നിര്‍മ്മാണം ആരംഭിക്കാനാകും. ഒക്‌ടോബറില്‍ രാമശ്വരത്ത് നിന്നാരംഭിക്കുന്ന രാമക്ഷേത്ര നിര്‍മ്മാണ്‍യാത്ര കേരളം- കര്‍ണ്ണാടക എന്നീ സംസ്ഥാനങ്ങള്‍ വഴിയാണ് സഞ്ചരിക്കുക. സദാചാരത്തിന്റെ പേരില്‍ മറൈന്‍ ഡ്രൈവില്‍ ശിവസേന പ്രവര്‍ത്തകര്‍ യുവതിയുവാക്കളെ മര്‍ദ്ദിച്ചതിനെ ന്യായീകരിക്കുന്നില്ല. അതേസമയം പോലീസ് പരാജയപെടുമ്പോഴാണ് സദാചരം നിലനില്‍ക്കണമെന്ന് ആഗ്രഹിക്കുന്നവര്‍ രംഗത്ത് വരുന്നതെന്നും പ്രമോദ് മുത്തലിക് പറഞ്ഞു. രാഹുല്‍ ഈശ്വര്‍, ബിജു മണികണ്ഠന്‍, ഡോ. ഹരിനാരായണന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ചേലക്കര വിവിധ ആവശ്യങ്ങളുന്നയിച്ച് സി.പി.എം. കൊണ്ടാഴി പഞ്ചായത്ത് കമ്മിറ്റിയുടെ നേതൃത്വത്തില്‍ പഞ്ചായത്തിലേക്ക് മാര്‍ച്ചും ധര്‍ണയും നടത്തി.
കുടിവെള്ളക്ഷാമം പരിഹരിക്കുക, വര്‍ദ്ധിപ്പിച്ച വീട്ടുനികുതി പിന്‍വലിക്കുക, കൊണ്ടാഴി പഞ്ചായത്തിന്റെ ദുര്‍ഭരണം അവസാനിപ്പിക്കുക എന്നീ ആവശ്യങ്ങളുന്നയിച്ചായിരുന്നു സമരം. സി.പി.എം. ചേലക്കര ഏരിയ സെക്രട്ടറി പി.എ.ബാബു ഉദ്ഘാടനം ചെയ്തു. ലോക്കല്‍ കമ്മിറ്റി സെക്രട്ടറി കൃഷ്ണകുമാര്‍ അദ്ധ്യക്ഷത വഹിച്ചു. ടി.ഗോകുലന്‍, എം.പി.ഗോപി, സേതുമാധവന്‍ തുടങ്ങിയവര്‍ സംസാരിച്ചു.
തൃശൂര്‍ കേരള സീനിയര്‍ സിറ്റിസണ്‍ ഫോറത്തിന്റെ ജില്ലാ സമ്മേളനം ശനിയാഴ്ച തൃശൂരില്‍ നടക്കുമെന്ന് സംഘാടകര്‍ തൃശൂരില്‍ വാര്‍ത്ത സമ്മേളനത്തില്‍ അറിയിച്ചു.
കില ഓഡിറ്റോറിയത്തില്‍ നടക്കുന്ന സമ്മേളനം മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. സീനിയര്‍ സിറ്റിസണ്‍ ഫോറം പ്രസിഡന്റ് കെ. ഗോവിന്ദകുട്ടി മേനോന്‍, സെക്രട്ടറി സുരഭില രമണന്‍, എം. കെ സുകുമാരന്‍ നായര്‍ എന്നിവര്‍ വാര്‍ത്താസമേമളനത്തില്‍ പങ്കെടുത്തു.
ചേലക്കര സമ്പൂര്‍ണ വൈദ്യുതീകരണം നടപ്പിലാക്കുന്നതിന്റെ ഭാഗമായി ചേലക്കര ഗ്രാമപഞ്ചായത്തിലെ 82 പേര്‍ക്ക് 5000 രൂപ വീതം അനുവദിച്ചു.
ഗ്രാമപഞ്ചായത്ത് ഹാളില്‍ ചേര്‍ന്ന യോഗം പ്രസിഡന്റ് ആര്‍. ഉണ്ണികൃഷ്ണന്‍ ഉദ്ഘാടനം ചെയ്തു. പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്മാരായ കെ.എസ്.ശ്രീകുമാര്‍, പി.എ. അച്ചന്‍കുഞ്ഞ്, സൈനബ ഇഖ്ബാല്‍ തുടങ്ങിയവര്‍ സംസാരിച്ചു.
തൃശൂര്‍ കേരള സാഹിത്യ അക്കാദമിയുടെയും, വെസ്റ്റ് കൊരട്ടി ജഞാനോദയം വായനാശലയുടെയും സഹകരണത്തോടെ ജനപങ്കാളിത്ത പോര്‍ട്ടല്‍ സംഘടിപ്പിക്കുമെന്ന് സംഘാടകര്‍ തൃശൂരില്‍ വാര്‍ത്താ സമ്മേളനത്തില്‍ അറിയിച്ചു.
മൂഴിക്കുളം ശാലയില്‍ 24,25,26 തിയ്യതികളില്‍ നടക്കുന്ന പോര്‍ട്ടലിന്റെ ഉദ്ഘാടനം ഡോ. സി.പി സായ്‌നാഥ് ഉദ്ഘാടനം ചെയ്യും. സാഹിത്യ അക്കാദമി സെക്രട്ടറി ഡോ. കെ.പി മോഹനന്‍, പികെ ശിവദാസ്, എം.ജി ശ്രീചിത്രന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ ജയില്‍പുള്ളികള്‍ക്കുള്ള ശിക്ഷാ ഇളവിനായി സര്‍ക്കാര്‍ നല്‍കിയ പട്ടികയില്‍ ടി.പി.ചന്ദ്രശേഖരന്‍ വധക്കേസ് പ്രതികള്‍ ഉള്‍പ്പെടെയുള്ള കൊടും കുറ്റവാളികള്‍.
വിവരാവകാശ നിയമ പ്രകാരം ജയില്‍ വകുപ്പില്‍ നിന്നു ലഭിച്ച മറുപടിയിലാണ് ഇക്കാര്യം വ്യക്തമായത്. ടി.പി.കേസിലെ 11 പ്രതികളായ കൊടി സുനി, കെ.സി.രാമചന്ദ്രന്‍, കുഞ്ഞനന്തന്‍, സിജിത്ത്, റഫീക്ക്, അനൂപ്, മനോജ്കുമാര്‍, രജീഷ് മുഹമ്മദ് ഷാഫി, ഷിനോജ് എന്നിവരുടെ പേരുകള്‍ പട്ടികയില്‍ ഉണ്ടായിരുന്നു. കല്ലുവാതുക്കല്‍ കേസിലെ മണിച്ചന്‍, ഗുണ്ടാനേതാവ് ഓംപ്രകാശ്, കാരണവര്‍ വധക്കേസ് പ്രതി ഷെറിന്‍ എന്നിവരുടെ പേരും പട്ടികയില്‍ ഉണ്ടായിരുന്നു. തടവുകാരില്‍ സല്‍സ്വഭാവികളെന്നു കാട്ടി 2262 പേരുടെ പട്ടികയാണു ജയില്‍ എ.ഡി.ജി.പി അനില്‍കാന്ത് കഴിഞ്ഞ നവംബറില്‍ ശിക്ഷാ ഇളവിന് പരിഗണിക്കാന്‍ ആഭ്യന്തരവകുപ്പിന് കൈമാറിയത്. സുപ്രീംകോടതി മാനദണ്ഡപ്രകാരം ഇവരില്‍ നിന്നു യോഗ്യരായവരെ തെരഞ്ഞെടുക്കാന്‍ സര്‍ക്കാര്‍ മൂന്നംഗ ഉപസമിതിയേയും നിയോഗിച്ചു. എന്നാല്‍ തടവുകാരെ സംബന്ധിച്ച കോടതിവിധികള്‍ പരിശോധിക്കാതെയും രാഷ്ട്രീയ സമര്‍ദ്ദത്തിന് വഴങ്ങിയുമാണ് സമിതി 1850 പേരുടെ അന്തിമ പട്ടിക നല്‍കിയത്.
കൊടുങ്ങല്ലൂര്‍ ബാലസാഹിത്യകാരന്‍ രാജന്‍ കോട്ടപ്പുറം നിര്യാതനായി.
62 വയസായിരുന്നു. കോട്ടപ്പുറം കീഴ്ത്തുള്ളി കളരിക്കല്‍ നാരായണന്‍ ആശാന്റെ മകനാണ്. വാണിജ്യനികുതി ഓഫീസറായിരുന്നു. കുട്ടികളും കുടുംബാന്തരീക്ഷവും, നെറ്റിപ്പട്ടം, ആനത്തൊപ്പി, വെഞ്ചാമരം, ദൂരക്കാഴ്ച്ച, തുമ്പിമോള്‍ടെ അമ്മ, ഇത്തിരി മുല്ലാ കഥകള്‍, മഹാന്‍മാരുടെ കുട്ടിക്കാലം, നമുക്കും നന്നായി പ്രസംഗിക്കാം, ഗുരു ഗോപാലകൃഷ്ണന്‍ എന്നിവയാണ് പ്രധാന കൃതികള്‍. കുസൃതി പൂക്കള്‍, മൃണാളം എന്നീ ടെലിഫിലിമുകള്‍ക്ക് തിരക്കഥ എഴുതി. ഇടപ്പള്ളി സര്‍ഗ്ഗ ബാലസാഹിത്യ അവാര്‍ഡ്, അപ്പന്‍ തമ്പുരാന്‍ പുരസ്‌ക്കാരം, എം.ടി. ജൂസ കവിതാ പുരസ്‌ക്കാരം, സമന്വയ യു.എ.ഇ പുരസ്‌ക്കാരം എന്നിവ നേടിയിട്ടുണ്ട്. കൊടുങ്ങല്ലൂരിന്റെ സാമൂഹിക സാംസ്‌ക്കാരിക രംഗങ്ങളില്‍ സജീവ സാന്നിധ്യമായിരുന്നു
പാവറട്ടി എളവള്ളി ഗ്രാമപഞ്ചായത്തിന്റെയും സാക്ഷരത തുടര്‍ വിദ്യാകേന്ദ്രങ്ങളുടെയും ആഭിമുഖ്യത്തില്‍ ജലസംരക്ഷണ പ്രവര്‍ത്തനങ്ങളുടെ ഭാഗമായി കോഴിത്തോടിലെ കുളവാഴയും ചണ്ടിയും നീക്കി വൃത്തിയാക്കി.
പൂവത്തൂര്‍, കാക്കശ്ശേരി മേഖലയിലെ നിരവധി വീടുകളിലെ കിണറുകള്‍ ജലസമൃദ്ധമാക്കുന്നതില്‍ കോഴിത്തോട് നിര്‍ണ്ണായക പങ്കാണ് വഹിക്കുന്നത്. കോഴിത്തോടിന്റെ കരയില്‍ ചേര്‍ന്ന യോഗം എളവള്ളി ഗ്രാമപഞ്ചായത്ത് പ്രസിഡണ്ട് യു.കെ. ലതിക ഉദ്ഘാടനം ചെയ്തു. വൈസ് പ്രസിഡണ്ട് ടി.സി.മോഹനന്‍ അദ്ധ്യക്ഷനായിരുന്നു. പഞ്ചായത്ത് സെക്രട്ടറി പ്രേമരാജന്‍ ജലസംരക്ഷണ പ്രതിജ്ഞ ചൊല്ലിക്കൊടുത്തു. തൊഴിലുറപ്പ് തൊഴിലാളികളുടെ സഹായത്തോടെ കോഴിത്തോടിലെ ചണ്ടിയും മാലിന്യങ്ങളും നീക്കംചെയ്തു. ആലിസ് പോള്‍, തുളസി രാമചന്ദ്രന്‍, സി.എഫ്.രാജന്‍ തുടങ്ങിയവര്‍ സംസാരിച്ചു
എരുമപ്പെട്ടി കടങ്ങോട് ഗ്രാമപഞ്ചായത്ത് വെള്ളത്തേരിയില്‍ നിര്‍മ്മാണം പൂര്‍ത്തിയാക്കിയ നീണ്ടൂര്‍ ആദൂര്‍ പാടം റോഡിന്റെ ഉദ്ഘാടനം പഞ്ചായത്ത് പ്രസിസിഡന്റ് രമണി രാജന്‍ നിര്‍വ്വഹിച്ചു.
വാര്‍ഡംഗം ജലീല്‍ ആദൂര്‍ അധ്യക്ഷനായി. ബ്ലോക്ക് പഞ്ചായത്തംഗം എ.എ.മുഹമ്മദ്കുട്ടി, പഞ്ചായത്തംഗം കെ.കെ.മണി തുടങ്ങിയവര്‍ പങ്കെടുത്തു. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി 5 ലക്ഷം രൂപ ചെലവഴിച്ചാണ് ആദൂര്‍ റോഡ് കോണ്‍ക്രീറ്റ് ചെയ്തത്.
പാവറട്ടി ചിറ്റാട്ടുകര എളവള്ളി ക്ഷീര സഹകരണ സംഘം പ്രസിഡണ്ടായി പി.വി.വിന്‍സെന്റിനേയും വൈസ് പ്രസിഡണ്ടായി എം.കെ. ബാലനെയും തെരഞ്ഞെടുത്തു.
യു.ഡി.എഫ് അംഗങ്ങളായിട്ടാണ് ഇരുവരും ഭരണസമിതിയിലേക്ക് തെരഞ്ഞെടുക്കപ്പെട്ടത്. യു.ഡി.എഫിന് അഞ്ചു അംഗങ്ങളും എല്‍.ഡി.എഫിന് നാല് അംഗങ്ങളുമാണ് ഭരണസമിതിയിലുള്ളത്.
കൊടുങ്ങല്ലൂര്‍ കടലേറ്റമുണ്ടായ അഴീക്കോട് മുനയ്ക്കല്‍ പ്രദേശം ജില്ലാ കളക്ടര്‍ ഡോ.എ. കൗശിഗന്‍ സന്ദര്‍ശിച്ചു.
മുനയ്ക്കലില്‍ ഇരുപത് മീറ്റര്‍ പ്രദേശത്ത് പുതിയതായി കടല്‍ഭിത്തി നിര്‍മ്മിക്കാന്‍ നടപടി സ്വീകരിക്കുമെന്ന് കളക്ടര്‍ പറഞ്ഞു. സുനാമി കോളനിയിലും പരിസരത്തും കടല്‍ വെള്ളം കയറിയ ജലസ്രോതസുകളും സെപ്റ്റിക് ടാങ്കുകളും ഗ്രാമ പഞ്ചായത്തിന്റെ സഹകരണത്തോടെ ശുചീകരിക്കും. പ്രദേശത്ത് ഇനിയും പട്ടയം ലഭിക്കാത്ത കുടുംബങ്ങള്‍ക്ക് പട്ടയം നല്‍കുന്നതിനാവശ്യമായ നടപടി സ്വീകരിക്കുമെന്നും കളക്ടര്‍ അറിയിച്ചു. കളക്ടര്‍ക്ക് മുന്നില്‍ തീരദേശവാസികള്‍ നിരവധി പരാതികള്‍ ഉന്നയിച്ചു. ന്യായമായ പ്രശ്‌നങ്ങള്‍ പരിഹരിക്കാന്‍ ശ്രമിക്കുമെന്ന് കളക്ടര്‍ പറഞ്ഞു. ഇ.ടി.ടൈസണ്‍ എം.എല്‍.എ., ജില്ലാ പഞ്ചായത്തംഗം കെ.എ.നൗഷാദ്, ഗ്രാമപഞ്ചായത്ത് പ്രസിഡന്റ് പ്രസാദിനി മോഹനന്‍, വൈസ് പ്രസിഡന്റ് പി.എം.അബ്ദുള്ള, പഞ്ചായത്തംഗങ്ങള്‍, ഉദ്യോഗസ്ഥര്‍, പൊതുപ്രവര്‍ത്തകര്‍ തുടങ്ങിയവര്‍ കളക്ടര്‍ക്കൊപ്പം ഉണ്ടായിരുന്നു
തൃശൂര്‍ ഇന്ത്യന്‍ കോഫീ ഹൗസ് ഭരണസമിതി പിരിച്ചുവിട്ട നടപടിയില്‍ പ്രതിഷേധിച്ച് തൃശൂരിലെ ഭരണസമിതി ആസ്ഥാനത്ത് തൊഴിലാളികള്‍ നടത്തുന്ന സമരത്തിന് പിന്തുണയുമായി കേരള കോണ്‍ഗ്രസ് - എം. സംസ്ഥാന ജനറല്‍ സെക്രട്ടറിയും മുന്‍ ചീഫ് വിപ്പുമായ അഡ്വ.തോമസ് ഉണ്ണിയാടന്‍ തൊഴിലാളികളെ സന്ദര്‍ശിച്ചു.
ഭരണസമിതി ഭാരവാഹികളുമായും തൊഴിലാളികളുമായും സംസാരിച്ച തോമസ് ഉണ്ണിയാടന്‍ തൊഴിലാളികളുടെ കൂട്ടായ്മയ്ക്ക് ഐക്യദാര്‍ഢ്യം പ്രഖ്യാപിച്ചാണ് മടങ്ങിയത്. കേരള കോണ്‍ഗ്രസ് - എം. ജില്ലാ ജനറല്‍ സെക്രട്ടറി സി.വി.കുരിയാക്കോസും തൊഴിലാളി സമരത്തിന് പിന്തുണയുമായി എത്തിയിരുന്നു.
ചേലക്കര വിവിധ ആവശ്യങ്ങളുന്നയിച്ച് സി.പി.എം. കൊണ്ടാഴി പഞ്ചായത്ത് കമ്മിറ്റിയുടെ നേതൃത്വത്തില്‍ പഞ്ചായത്തിലേക്ക് മാര്‍ച്ചും ധര്‍ണയും നടത്തി.
കുടിവെള്ളക്ഷാമം പരിഹരിക്കുക, വര്‍ദ്ധിപ്പിച്ച വീട്ടുനികുതി പിന്‍വലിക്കുക കൊണ്ടാഴി പഞ്ചായത്തിന്റെ ദുര്‍ഭരണം അവസാനിപ്പിക്കുക എന്നീ ആവശ്യങ്ങളുന്നയിച്ചായിരുന്നു സമരം.സി.പി.എം. ചേലക്കര ഏരിയ സെക്രട്ടറി പി.എ.ബാബു ഉദ്ഘാടനം ചെയ്തു. ലോക്കല്‍ കമ്മിറ്റി സെക്രട്ടറി കൃഷ്ണകുമാര്‍ അദ്ധ്യക്ഷത വഹിച്ചു. ടി.ഗോകുലന്‍, എം.പി.ഗോപി, സേതുമാധവന്‍ തുടങ്ങിയവര്‍ സംസാരിച്ചു.
ഇരിങ്ങാലക്കുട പടിയൂര്‍ പൊതുകുളത്തില്‍ മീനുകള്‍ വ്യാപകമായി ചത്തുപൊന്തി. സാമൂഹികവിരുദ്ധര്‍ വിഷം കലക്കിയതാണെന്ന് സംശയം.
എച്ച്.ഡി.പി സമാജം ക്ഷേത്രത്തിനു സമീപമുള്ള പൊതുകുളത്തിലാണ് ഇന്ന് രാവിലെ മീനുകള്‍ വ്യാപകമായി ചത്തു പൊന്തിയത്. കുളത്തില്‍ മീന്‍ പിടിക്കുന്നതിനായി വിഷം കലക്കിയതെന്നാണ് ആരോപണം. രൂക്ഷമായ ജലക്ഷാമം അനുഭവപ്പെടുന്ന പഞ്ചായത്തില്‍ പ്രദേശവാസികള്‍ ഈ കുളത്തിലെ ജലം ഉപയോഗിച്ചിരുന്നു. മീന്‍ ചത്ത് പൊന്തിയതോടെ ജലം ഉപയോഗിക്കാന്‍ കഴിയാത്ത അവസ്ഥയിലാണ്. കുറ്റക്കാര്‍ക്കെതിരെ ജാമ്യമില്ലാത്ത വകുപ്പ് പ്രകാരം കേസെടുക്കണമെന്ന് ഗ്രാമപഞ്ചായത്തംഗം ബിനോയ് ആവശ്യപ്പെട്ടു.
ഇരിങ്ങാലക്കുട വീട്ടിലേക്ക് വാഹനം കൊണ്ടുപോകാന്‍ അനുവദിക്കണമെന്ന് ആവശ്യപ്പെട്ട് ഓട്ടോ തൊഴിലാളികളുടെ നിരാഹാര സമരം.
കാറളം പഞ്ചായത്തിലെ 11-ാം വാര്‍ഡിലെ ഹരിപുരം സ്വദേശിയും ഓട്ടോ തൊഴിലാളിയുമായ വന്‍പറമ്പില്‍ സജിമോന്‍ ആണ് വീടിനുമുന്നില്‍ നിരാഹാരം നടത്തുന്നത്. ആധാരപ്രകാരം വാഹനം കടത്താന്‍ അവകാശമുണ്ടെങ്കിലും സമീപത്തുള്ള ബന്ധുക്കള്‍ ഈ വഴി തടസപ്പെടുത്തുന്നതായി സജിമോന്‍ ആരോപിക്കുന്നു. പ്രായമായ മാതാപിതാക്കളെ ആശുപത്രിയില്‍ കൊണ്ടുപോകാന്‍ വരെ സാധിക്കുന്നില്ലെന്നും തന്നെ ബന്ധുക്കള്‍ മാനസികമായി പീഡിപ്പിക്കുന്നതായും തനിക്കെതിരെ പോലീസിന് കള്ള പരാതി നല്‍കുന്നതായും സജിമോന്‍ പറഞ്ഞു.
കൈപ്പറമ്പ് കൈപ്പറമ്പ് സെന്ററില്‍ ടിപ്പര്‍ ലോറിയിലിടിച്ച കാര്‍ നിയന്ത്രണം വിട്ട് കടവരാന്തയിലേക്ക് ഇടിച്ചു കയറി.
അമല ആശുപത്രിയിലെ ഡോക്ടര്‍ ജയന്ത് മാത്യു സഞ്ചരിച്ചിരുന്നകാറിന് പുറകിലാണ് ടിപ്പറിടിച്ചത്. അപകടത്തില്‍ ആര്‍ക്കും പരിക്കില്ല.
തൃശൂര്‍ തൃശൂര്‍ കെ.എസ്.ആര്‍.ടി.സി സ്റ്റാന്റിന് സമീപം ഭിന്നലിംഗക്കാരുടെ ആക്രമണത്തില്‍ മധ്യവയസ്‌കയക്ക് പരിക്കേറ്റു.
മേരിയെന്ന സ്ത്രീക്കാണ് പരിക്കേറ്റത്. ചൊവ്വാഴ്ച രാത്രിയാണ് ഭിന്നംലിംഗക്കാരും, മേരിയും തമ്മില്‍ തര്‍ക്കം നടന്നത്. തലയ്ക്ക് പരിക്കേറ്റ മധ്യവയസ്‌കയെ തൃശൂര്‍ ജനറല്‍ ആശുപത്രിയില്‍ പ്രവേശിപ്പിച്ചു. ഈസ്റ്റ് പോലീസ് കേസെടുത്തു.
തൃശൂര്‍ തൃശൂര്‍ മാനസികാരോഗ്യ ആശുപത്രിയില്‍ രണ്ട് പോലീസുകാര്‍ക്ക് മര്‍ദ്ദനമേറ്റു.
എ.ആര്‍ ക്യാമ്പിലെ പോലീസുകാരായ അഖില്‍, ജോബി ഫ്രാന്‍സിസ് എന്നിവര്‍ക്കാണ് പരിക്കേറ്റത്. മാനസികാരോഗ്യ ആശുപത്രിയില്‍ നിന്ന് രക്ഷപ്പെടാന്‍ ശ്രമിച്ച അന്തേവാസിയാണ് ഡ്യൂട്ടിയില്‍ ഉണ്ടായിരുന്ന പോലീസുകാരെ ആക്രമിച്ചത്. ആക്രമണത്തില്‍ പരിക്കേറ്റ പോലീസുകാര്‍ ജനറല്‍ ആശുപത്രിയില്‍ ചികില്‍സ തേടി.
കൊടകര കൊടകര പഞ്ചായത്തിലെ ഏറ്റവും വലിയ ജലസ്രോതസായ ചെറുവത്തൂര്‍ ചിറക്ക് ശാപമോക്ഷമായി. ചെളിയും പുല്ലും നിറഞ്ഞ് നാശോന്മുഖമായി കിടന്ന കുളം ഒന്നേകാല്‍ രൂപ ചെലവിലാണ് നവീകരിച്ചത്. ചിറ വെള്ളിയാഴ്ച വൈകീട്ട് കൃഷി മന്ത്രി വി.എസ്. സുനില്കു്മാര്‍ നാടിന് സമര്‍പ്പിക്കും.
കൊടകര പഞ്ചായത്തിലെ മൂന്ന് വാര്ഡുപകളിലെ നൂറുകണക്കിനു കുടുംബങ്ങള്‍ക്ക് കുടിവെള്ള ലഭ്യതയും ഏക്കര്‍ക്കണക്കിന് പ്രദേശത്തേക്ക് ജലസേചനസൗകര്യവും ഉറപ്പാക്കുന്നതിനായാണ് നബാര്‍ഡിന്റെ സഹായത്തോടെ ചെറുവത്തൂര്‍ ചിറ പുനരുദ്ധരിച്ചത്. കേരള ലാന്റ് ഡെവലപ്‌മെന്റ് കോര്‍പ്പേറേഷനായിരുന്നു നിര്‍മ്മാണ ചുമതല. ഒന്നരയേക്കറിലധികം വിസ്തൃതിയിലുള്ള കുളം ചെളിനീക്കി ആഴം കൂട്ടി നവീകരിക്കുകയും ചുറ്റും കരിങ്കല്‍കെട്ടി സംരക്ഷിക്കുകയും ചെയ്തിട്ടുണ്ട്. രണ്ടറ്റത്തും നടുവിലുമായി പടവുകള്‍, ചിറക്കുചുറ്റം നടപ്പാത, ഗ്യാലറി എന്നിവ നിര്‍്മ്മിച്ച് ചിറ മോടിപിടിപ്പിക്കുകയും ചെയ്തു. 13 അടി താഴ്ചയുള്ള ചിറയില്‍ 10 അടിയോളം ജലവിതാനം സ്ഥിരമായി നിലനിര്‍ത്തുന്ന വിധത്തിലാണ് പുനര്‍നിര്‍മ്മാണം നടത്തിയിട്ടുള്ളത്. വേനല്‍മാസങ്ങളില്‍ ചാലക്കുടി വലതുകര കനാലില്‍ നിന്ന് ചെറുവത്തൂര്‍ ചിറയിലേക്ക് വെള്ളമെത്തിച്ചാണ് ജലവിതാനം ക്രമീകരിക്കുന്നത്. ചിറയെ ആശ്രയിച്ച് ചെറുകിട കുടിവെള്ള പദ്ധതിയും ലിഫ്റ്റ് ഇറിഗേഷനുമുണ്ട്. മേഖലയിലെ വീട്ടുകിണറുകളിലും കുളങ്ങളിലും ജലലഭ്യത ഉറപ്പാക്കുന്നത് ചിറയിലെ ജലശേഖരത്തെ ആശ്രയിച്ചാണ്. സ്ലൂയിസുകള്‍ വഴി കൃഷിയിടങ്ങളിലേക്ക് ജലസേചനത്തിനുള്ള സൗകര്യവും ഒരുക്കിയിട്ടുണ്ട്. മഴക്കാലത്ത് ചിറയില്‍ നിറയുന്ന അധികജലവും സ്ലൂയിസുകള്‍ വഴി സമീപത്തെ തോട്ടിലേക്ക് ഒഴുക്കി വിടും. വേനല്‍ക്കാലത്ത് ചെറുവത്തൂര്‍ ചിറയില്‍ സംഭരിക്കപ്പെടുന്ന വെള്ളം മനക്കുളങ്ങര തോട്ടിലൂടെ തുറന്നുവിട്ട് മനക്കുളങ്ങര പാടം, കാരൂര്‍പാുടം എന്നിവിടങ്ങളിലെ നെല്‍കൃഷിക്ക് പ്രയോജനപ്പെടുത്താനാകും. വെള്ളിയാഴ്ച വൈകുന്നേരം നടക്കുന്ന ചിറയുടെ സമര്‍പ്പണ ചടങ്ങ് ഗ്രാമത്തിന്റെ ഉത്സവമാക്കി മാറ്റാനുള്ള തയ്യാറെടുപ്പിലാണ് നാട്ടുകാര്‍.
എരുമപ്പെട്ടി ലോകജല ദിനത്തില്‍ എരുമപ്പെട്ടി പഞ്ചായത്ത് 5-ാം വാര്‍ഡിലെ മുണ്ടന്‍കോട് കോളനി നിവാസികളും വാര്‍ഡ് മെമ്പറും കുടിവെള്ളത്തിനായി പഞ്ചായത്തിന് മുന്നില്‍ കുത്തിയിരിപ്പ് സമരം നടത്തി.
വാര്‍ഡിലെ നൂറോളം കുടുംബങ്ങളാണ് കുടിവെള്ളക്ഷാമം നേരിടുന്നത്. വാര്‍ഡില്‍ നിലവിലുള്ള കുഴല്‍ കിണര്‍ വറ്റിയിട്ട് രണ്ടാഴ്ചയിലധികമായെന്നും ഇതേ കുറിച്ച് പഞ്ചായത്തില്‍ നിരവധി തവണ പരാതിപ്പെട്ടിട്ടും അധികൃതര്‍ നടപടികളൊന്നും സ്വീകരിക്കുന്നില്ലെന്നും വാര്‍ഡ് അംഗം പ്രസീദ ശശിധരന്‍ പറഞ്ഞു. നിത്യോപയോഗത്തിനായി പണം കൊടുത്ത് വെള്ളം ഇറക്കേണ്ട അവസ്ഥയിലാണ് കൂലിപണിക്കാരായ തങ്ങളെന്നും, കുടിവെള്ളത്തിനായി ദിവസവും കിലോമീറ്ററുകള്‍ സഞ്ചരിക്കേണ്ട അവസ്ഥയാണുള്ളതെന്നും കോളനി നിവാസികള്‍ പറഞ്ഞു. വാര്‍ഡിലെ രൂക്ഷമായ കുടിവെള്ള ക്ഷാമം പരിഹരിക്കാന്‍ വാട്ടര്‍ ടാങ്കറുകള്‍ വഴി വെള്ളം എത്തിക്കാനുള്ള സൗകര്യം ഒരുക്കിത്തരണമെന്ന് പഞ്ചായത്തില്‍ പരാതിപ്പെട്ടിട്ടും ഭരണസമിതി നടപടിയെടുക്കാത്തതില്‍ പ്രതിഷേധിച്ചാണ് കോളനി നിവാസികള്‍ കുത്തിയിരിപ്പ് സമരം നടത്തിയത്. വാര്‍ഡില്‍ അടിയന്തിരമായി വെള്ളം എത്തിച്ചില്ലെങ്കില്‍ കൂടുതല്‍ സമരപരിപാടികള്‍ ആസൂത്രണം ചെയ്യുമെന്നും വാര്‍ഡ് അംഗം പ്രസീദ ശശിധരന്‍ പറഞ്ഞു. കുത്തിയിരിപ്പു സമരത്തിന് പി.സി.ധര്‍മ്മേഷ്, ടി.കെ സുധീഷ്, തങ്ക തുടങ്ങിയവര്‍ നേതൃത്വം നല്‍കി.
ഇരിങ്ങാലക്കുട ഒന്‍പത് വര്‍ഷം മുമ്പ് സമ്പൂര്‍ണ വൈദ്യുതീകൃത മണ്ഡലമായി പ്രഖ്യാപിച്ച ഇരിങ്ങാലക്കുട നിയോജക മണ്ഡലത്തെ വീണ്ടും സമ്പൂര്‍ണ വൈദ്യുതീകൃത മണ്ഡലമായി പ്രഖ്യാപിച്ചത് അനൗചിത്യവും ജനങ്ങളെ കബളിപ്പിക്കലുമാണെന്ന് മുന്‍ ചീഫ് വിപ്പും എം.എല്‍.എയുമായ തോമസ് ഉണ്ണിയാടന്‍ പറഞ്ഞു.
കേരളം സമ്പൂര്‍ണ വൈദ്യുതീകൃത സംസ്ഥാനം എന്ന ലക്ഷ്യത്തിലേക്ക് നീങ്ങുമ്പോള്‍ 9 വര്‍ഷം മുന്‍പേ ഈ നേട്ടം കൈവരിച്ച ഇരിങ്ങാലക്കുട ഇന്ത്യയിലെ ആദ്യത്തെ സമ്പൂര്‍ണ വൈദ്യുതീകൃത നിയോജക മണ്ഡലമായി മാറിയിരുന്നു. 2007 സെപ്റ്റംബര്‍ 29 ന് അന്നത്തെ വൈദ്യുതി വകുപ്പ് മന്ത്രി എ.കെ.ബാലനാണ് പ്രഖ്യാപനം നടത്തിയത്. അതു വരെ വൈദ്യുതി എത്താതിരുന്ന മുഴുവന്‍ വീടുകളിലും വൈദ്യുതി എത്തിച്ചാണ് ഇരിങ്ങാലക്കുട നിയോജകമണ്ഡലം ഈ ലക്ഷ്യത്തിലെത്തിയത്. ഇതിനായി തന്റെ എം.എല്‍.എ ഫണ്ടില്‍ നിന്ന് 1 കോടി 30 ലക്ഷം രൂപയാണ് ചിലവഴിച്ചത്. കെ.എസ്.ഇ.ബി. യുടെ ഔദ്യോഗിക രേഖകളില്‍ ഇതു രേഖപ്പെടുത്തിയിട്ടുള്ളതാണെന്നും ഉണ്ണിയാടന്‍ പറഞ്ഞു.
ചെറുതുരുത്തി ദേശമംഗലം മേഖലയിലും മറ്റും ഉണ്ടായ ഭൂചലനത്തില്‍ നാശനഷ്ടങ്ങള്‍ സംഭവിച്ചവര്‍ക്ക് ധനസഹായം ഉടന്‍ ലഭിക്കുന്നതിനു വേണ്ട എല്ലാ നടപടികളും കൈ കൊണ്ടിട്ടുണ്ടെന്ന് യു.ആര്‍. പ്രദീപ് എം.എല്‍.എ. അറിയിച്ചു.
നാശനഷ്ടങ്ങള്‍ സംഭവിച്ച വീടുകള്‍ സന്ദര്‍ശിച്ച് വില്ലേജ് ഓഫീസര്‍, തഹസില്‍ദാര്‍, കളക്ടര്‍, ഡെപ്യൂട്ടി കളക്ടര്‍ എന്നിവര്‍ക്ക് വിവരങ്ങള്‍ കൈമാറിയിട്ടുണ്ടെന്നും എം.എല്‍.എ പറഞ്ഞു.
പാവറട്ടി ജലസ്രോതസുകളുടെ സംരക്ഷണത്തിനും നവീകരണത്തിനും പ്രാധാന്യം നല്‍കുന്ന 'ജലംഅമൃതം' പദ്ധതിയുമായി വെങ്കിടങ്ങ് ഗ്രാമ പഞ്ചായത്തില്‍ ലോക ജലദിനം ആചരിച്ചു.
വെങ്കിടങ്ങ് ഗ്രാമപഞ്ചായത്തിന്റെയും ലൈബ്രറി ഹാള്‍ തുടര്‍വിദ്യാ കേന്ദ്രത്തിന്റെയും ആഭിമുഖ്യത്തിലാണ് ജനകീയ ജല സംരക്ഷണ പദ്ധതികള്‍ക്ക് തുടക്കം കുറിച്ചിട്ടുള്ളത്. ഏനാമാവ് മുപ്പട്ടിത്തറയില്‍ നടന്ന ജലദിനാചരണം വെങ്കിടങ്ങ് പഞ്ചായത്ത് പ്രസിഡണ്ട് രതി എം. ശങ്കര്‍ ഉദ്ഘാടനം ചെയ്തു. വാര്‍ഡംഗം ശോഭന മുരളി അദ്ധ്യക്ഷയായിരുന്നു. സാക്ഷരത പ്രേരക് ബിജോയ് പെരുമാട്ടില്‍ ജലസംരക്ഷണ മാര്‍ഗങ്ങളെ കുറിച്ച് ക്ലാസെടുത്തു. വികസന സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ രത്‌നവല്ലി സുരേന്ദ്രന്‍ ജലസംരക്ഷണ പ്രതിജ്ഞ ചൊല്ലിക്കൊടുത്തു. ക്ഷേമകാര്യ സ്റ്റാന്‍ഡിങ്ങ് കമ്മിറ്റി ചെയര്‍മാന്‍ കെ.വി വേലുക്കുട്ടി, സി.ഡി.എസ് അംഗം കെ. ഷെമിജ തുടങ്ങിയവര്‍ സംസാരിച്ചു.
പുതുക്കാട് പാലപ്പിള്ളി കുണ്ടായിയില്‍ വീണ്ടും പുലിയിറങ്ങി മൂരിക്കുട്ടിയെ കൊന്നു.
കുണ്ടായി നെടുംപാറയില്‍ സണ്ണിയുടെ മൂരിക്കുട്ടിയെയാണ് പുലി കൊന്നത്. തോട്ടം തൊഴിലാളികള്‍ താമസിക്കുന്ന പാഡിക്ക് സമീപത്താണ് പുലിയിറങ്ങിയത്. വരന്തരപ്പിള്ളി പഞ്ചായത്ത് അധികൃതരും വനപാലകരും സ്ഥലത്തെത്തിയിരുന്നു. വെറ്ററിനറി ഡോ.ദേവിയുടെ നേതൃത്വത്തില്‍ പോസ്റ്റ്‌മോര്‍ട്ടം നടത്തി. മൂന്ന് ദിവസത്തിനിടെ രണ്ടാം തവണയാണ് പ്രദേശത്ത് പുലിയിറങ്ങുന്നത്. കഴിഞ്ഞ തവണയും പുലിയിറങ്ങി പശുവിനെ കൊന്നിരുന്നു. പാഡികള്‍ക്ക് സമീപത്ത് നിന്നാണ് വളര്‍ത്തു മൃഗങ്ങളെ പുലി പിടിച്ചു കൊണ്ടു പോകുന്നത്. ജനവാസ കേന്ദ്രത്തില്‍ പുലിയിറങ്ങുന്നത് പതിവായതോടെ നാട്ടുകാര്‍ ഭീതിയിലാണ്.
എരുമപ്പെട്ടി എരുമപ്പെട്ടി പഞ്ചായത്തിലെ മുണ്ടന്‍കോട് കോളനി നിവാസികളുടെ കുടിവെള്ളക്ഷാമം പരിഹരിക്കുന്നതിനായി ഈ സാമ്പത്തിക വര്‍ഷത്തെ പദ്ധതിയില്‍ ഉള്‍പ്പെടുത്തി പുതിയ കുഴല്‍കിണര്‍ അടിക്കുന്നതിന് 2 ലക്ഷം രൂപ വകയിരുത്തിയിട്ടുണ്ടെന്ന് ഗ്രാമപഞ്ചായത്ത് പ്രസിഡന്റ് മീനശലമോന്‍ പറഞ്ഞു.
രൂക്ഷമായ കുടിവെള്ള ക്ഷാമം നേരിടുന്ന പ്രദേശങ്ങളില്‍ ടാങ്കര്‍ ലോറികളില്‍ വെള്ളം എത്തിക്കും. പുതിയ കുഴല്‍ കിണര്‍ നിര്‍മ്മിക്കുന്നതിനായുള്ള ഫണ്ട് ഭൂജലവകുപ്പില്‍ അടച്ചിട്ടുള്ളതാണെന്നും ഭൂജലവകുപ്പ് രണ്ടാഴ്ചക്കുള്ളില്‍ സര്‍വ്വേ നടത്തി കിണര്‍നിര്‍മ്മാണം ആരംഭിക്കുമെന്നും പ്രസിഡന്റ് അറിയിച്ചു.
കൊടുങ്ങല്ലൂര്‍ കൊടുങ്ങല്ലൂര്‍ സ്‌റ്റേഷനിലെ രണ്ട് ജീപ്പുകളും തകരാറിലായത് പോലീസിനെ വലച്ചു.
ബാറ്ററി തകരാറിനെ തുടര്‍ന്ന് കുറച്ച് ദിവസമായി ഒരു ജീപ്പ് സ്റ്റേഷനില്‍ കിടപ്പാണ്. ഇതിനിടയിലാണ് ആകെയുള്ള ജീപ്പും പണിമുടക്കിയത്. ഇതോടെ പോലീസിന്റെ പ്രവര്‍ത്തനം തന്നെ തടസപ്പെടുന്ന അവസ്ഥയായി. ബുധനാഴ്ച രാവിലെ മറ്റൊരു വാഹനം സംഘടിപ്പിച്ച് അത്യാവശ്യ കാര്യങ്ങള്‍ നിര്‍വ്വഹിച്ചു ,വൈകുന്നേരമായപ്പോഴേക്കും ഒരു ജീപ്പ് ഓടിത്തുടങ്ങിയെങ്കിലും മറ്റൊന്ന് കട്ടപ്പുറത്ത് തന്നെയാണ്.
കുന്നംകുളം കക്കാട് ശ്രീ മഹാഗണപതി ക്ഷേത്രത്തിലെ യജുര്‍വേദ ലക്ഷാര്‍ച്ചനയും, ഉത്സവവും ഈ മാസം 24 മുതല്‍ ഏപ്രില്‍ 10 വരെ ആഘോഷിക്കുമെന്ന് ഭാരവാഹികള്‍ കുന്നംകുളത്ത് അറിയിച്ചു.
രാവിലെ 6 മുതല്‍ 11 വരേയും, വൈകീട്ട് 4.30 മുതല്‍ 7.30 വരേയുമാണ് യജ്ഞം. 8 ദിവസങ്ങളിലായി നടക്കുന്ന ലക്ഷാര്‍ച്ചന ഈ മാസം 31 ന് അവസാനിക്കും. 31ന് വൈകീട്ട് ആരംഭിക്കുന്ന ചടങ്ങുകള്‍ ഏപ്രില്‍ 3 ന് സമാപിക്കും. തുര്‍ന്ന് ക്ഷേത്രോത്സവത്തിന് കൊടി ഉയരും, ഏപ്രില്‍ 9 ന് പള്ളിവേട്ടയും, 10 ന് ചിറളയം ക്ഷേത്രകുളത്തില്‍ ആറാട്ടും നടക്കും. ഉത്സവ ദിവസങ്ങളില്‍ വൈകീട്ട് കലാപരിപാടികളും അരങ്ങേറും. ക്ഷേത്ര സമിതി ഭാരവാഹികളായ സുബിദാസ്, സുനീഷ് അയിനിപ്പുള്ളി, മണികണ്ഠന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ചെറുതുരുത്തി ദേശമംഗലം ഗ്രാമപഞ്ചായത്തില്‍ ആരംഭിച്ച സഹകരണ അരിക്കട യു.ആര്‍.പ്രദീപ് എം.എല്‍.എ. ഉദ്ഘാടനം ചെയ്തു.
ബംഗാളില്‍ നിന്ന് ഇറക്കുമതി ചെയ്യുന്ന അരിയാണ് വിതരണം ചെയ്യുന്നത്. ഒരു കാര്‍ഡില്‍ 25 രൂപ നിരക്കില്‍ ആഴ്ച്ച തോറും 5 കിലോ അരിയാണ് ഈ പദ്ധതിയിലൂടെ നല്‍കുന്നത്. പഞ്ചായത്ത് അംഗങ്ങളായ കെ.ജയരാജ്, പി.എന്‍.സുധ, സുരേഷ് ബാബു എന്നിവര്‍ പങ്കെടുത്തു.
പുതുക്കാട് ഹെഡ് ലോഡ് ആന്റ് ജനറല്‍ വര്‍ക്കേഴ്‌സ് യൂണിയന്‍ - സി.ഐ.ടി.യു. ഒല്ലൂര്‍ ഏരിയ സമ്മേളനം കല്ലൂരില്‍ നടന്നു.
യൂണിയന്‍ ജില്ലാ പ്രസിഡന്റ് കെ.കെ.രാമചന്ദ്രന്‍ ഉദ്ഘാടനം ചെയ്തു. ഏരിയ പ്രസിഡന്റ് പി.ജി.ഷാജി അധ്യക്ഷത വഹിച്ചു. കെ.ആര്‍. രവി, എ.എം.സുകുമാരന്‍, കെ.ജെ.ടോമി എന്നിവര്‍ സംസാരിച്ചു.
കുന്നംകുളം ലോക ജലദിനത്തില്‍ കുന്നംകുളം താലൂക്ക് ആശുപത്രിയില്‍ ജീവ കാരുണ്യപ്രവര്‍ത്തകരുടെ നേതൃത്വത്തില്‍ കുടിവെളള വിതരണ യൂണിറ്റ് സ്ഥാപിച്ചു.
തൃശൂര്‍ ആസ്ഥാനമായി പ്രവര്‍ത്തിക്കുന്ന പോസിറ്റീവ് മൂവ്‌മെന്റ് ഓഫ് ഇന്ത്യ പബ്ലിക്ക് ചാരിറ്റബിള്‍ ട്രസ്റ്റിന്റെ നേതൃത്വത്തി ലായിരുന്നു പരിപാടി. നിത്യേന ആയിരക്കണക്കിന് രോഗികളെത്തുന്ന ആശുപത്രിയില്‍ തണുത്തതും, ചൂടുള്ളതുമായ കുടിവെളളം സദാസമയം ലഭ്യമാകും. നഗരസഭ ചെയര്‍പേഴ്‌സണ്‍ സീതാ രവീന്ദ്രന്‍ ഉദ്ഘാടനം നിര്‍വ്വഹിച്ചു. ആരോഗ്യസ്ഥിരം സമതി അധ്യക്ഷ സുമ ഗംഗാധരന്‍ അധ്യക്ഷയായിരുന്നു, നഗരസഭ വൈസ് ചെയര്‍മാന്‍ പി.എം സുരേഷ്, ആശുപത്രി സൂപ്രണ്ട് ഡോ. താജ്‌പോള്‍ പനയ്ക്കല്‍, കൗണ്‍സിലര്‍ കെ.എ.അസീസ് തുടങ്ങിയവര്‍ പങ്കെടുത്തു.
തൃപ്രയാര്‍ നാട്ടിക ശ്രീ വൈലി ദുര്‍ഗാദേവി ക്ഷേത്രോത്സവം ഈ മാസം 29ന് ആഘോഷിക്കുമെന്ന് കമ്മിറ്റി ഭാരവാഹികള്‍ അറിയിച്ചു.
വ്യാഴാഴ്ച രാവിലെ 9ന് നടക്കുന്ന ചടങ്ങില്‍ ക്ഷേത്രം തന്ത്രി പഴങ്ങാപറമ്പ് കൃഷ്ണന്‍ നമ്പൂതിരി കൊടിയേറ്റം നിര്‍വഹിക്കും. തുടര്‍ന്ന് പൊങ്കാല മഹോത്സവവും, പൊങ്കാല നിവേദ്യം സമര്‍പ്പണവും നടക്കും. തുടര്‍ന്നുള്ള ദിവസങ്ങളില്‍ വിശേഷാല്‍ പൂജകള്‍ ഉണ്ടാകും. ഉത്സവദിനമായ 29ന് രാവിലെ ഒന്‍പതരയ്ക്ക് ശീവേലിയും, കലശാഭിഷേകവും തുടര്‍ന്ന് പ്രസാദ ഊട്ട് വിതരണവും നടക്കും. കാവടിയാട്ടം, തെയ്യം എന്നിവയോടെയുള്ള പകല്‍പൂരങ്ങള്‍ക്ക് ശേഷം ഉച്ചതിരിഞ്ഞ് 3ന് മൂന്നാനകളോടെ കൂട്ടിയെഴുന്നള്ളിപ്പ് നടക്കും. ലാല്‍ ഊണുങ്ങല്‍, എന്‍.കെ ഉണ്ണികൃഷ്ണന്‍, സുകുമാരന്‍ പൂക്കാട്ട്, പി.വി മനോജ്കുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
കൊടകര കാരുണ്യ പ്രവര്‍ത്തനങ്ങള്‍ നടത്തുന്ന ദി ഹോപ്പ് ഫേസ്ബുക്ക് കൂട്ടായ്മയുടെ ആഭിമുഖ്യത്തില്‍ കിഡ്‌നിരോഗി പ്രത്യാശസംഗമം സംഘടിപ്പിച്ചു.
കൊടകരയിലെ ഇമ്മാനുവേല്‍ കൃപ അഗതിമന്ദിരത്തില്‍ നടന്ന സംഗമം കിഡ്‌നി ഫെഡറേഷന്‍ ഡയറക്ടര്‍ അഡ്വ.എ.ഡി.ബെന്നി ഉദ്ഘാടനം ചെയ്തു. ദി ഹോപ്പ് പ്രസിഡന്റ് ബെര്‍ളി സെബാസ്റ്റ്യന്‍ അധ്യക്ഷനായിരുന്നു. കൊടകര ഫൊറോന വികാരി ഫാ.ഡോ.ജോണ്‍സന്‍ ജി.ആലപ്പാട്ട് മുഖ്യപ്രഭാഷണം നടത്തി. കിഡ്‌നി ദാനം ചെയ്ത ഫാ.ഡോ.വര്‍ഗീസ് പെരേപ്പാടന്‍, ദി ഹോപ്പ് സെക്രട്ടറി സന്തോഷ് പല്ലിശേരി, ട്രഷറര്‍ ബിജു തൃശൂര്‍ എന്നിവര്‍ സംസാരിച്ചു.
എരുമപ്പെട്ടി വേലൂരില്‍ പാടശേഖരത്തിലേക്ക് സെപ്റ്റിക് മാലിന്യം തള്ളിയ നിലയില്‍ കണ്ടെത്തി.
വേലൂര്‍ കടവന ഇറക്കത്തിലെ കൊയ്ത്തു കഴിഞ്ഞ പാടശേഖരത്തിലാണ് വന്‍തോതില്‍ മാലിന്യം നിക്ഷേപിച്ചിരിക്കുന്നത്. മേഖലയില്‍ അറവു മാലിന്യങ്ങളടക്കം നിക്ഷേപിക്കുന്നത് പതിവായിരിക്കുകയാണ്. ഇതിന് മുന്‍പ് രണ്ടു തവണ പാടശേഖരത്തില്‍ സെപ്റ്റിക് മാലിന്യം നിക്ഷേപിച്ചിരുന്നു. ഇതിനാല്‍ 'രൂക്ഷമായ ദുര്‍ഗന്ധത്താല്‍ ഇതുവഴിയുള്ള യാത്ര ദു:സഹമായിരിക്കുകയാണ്. പാടശേഖരത്തില്‍ മാലിന്യം നിക്ഷേപിക്കുന്നതിനാല്‍ പരിസര പ്രദേശത്തുള്ളവര്‍ കടുത്ത ആരോഗ്യ പ്രശ്‌നമാണ് അഭിമുഖീകരിക്കുന്നത്. അധികാരികള്‍ ഇടപ്പെട്ട് മാലിന്യ നിക്ഷേപത്തിന് അറുതി വരുത്തണമെന്ന് പരിസരവാസികള്‍ ആവശ്യപ്പെട്ടു. വേലൂര്‍ ഗ്രാമപഞ്ചായത്ത് ക്ഷേമകാര്യ സ്റ്റാന്റിംഗ് കമ്മറ്റി ചെയര്‍മാര്‍ ടി.ആര്‍.ഷോബി സ്ഥലം സന്ദര്‍ശിച്ചു. എരുമപ്പെട്ടി പോലീസില്‍ പരാതി നല്‍കി.
തൃപ്രയാര്‍ നാട്ടിക ഗ്രാമപഞ്ചായത്തില്‍ പട്ടികജാതി വിഭാഗത്തില്‍പ്പെട്ട 10 പ്രൊഫഷണല്‍ വിദ്യാര്‍ഥികള്‍ക്ക് ലാപ്‌ടോപുകള്‍ വിതരണം ചെയ്തു.
ഗ്രാമപഞ്ചായത്ത് പ്രസിഡണ്ട് പി.വിനു വിതരണോദ്ഘാടനം നിര്‍വഹിച്ചു. ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ എന്‍.കെ ഉദയകുമാര്‍ അധ്യക്ഷനായിരുന്നു. ബിന്ദു പ്രദീപ്,ഇന്ദിര ജനാര്‍ദ്ദനന്‍, പി.എം.സിദ്ദിഖ് എന്നിവര്‍ സംസാരിച്ചു.
പാവറട്ടി മണലൂര്‍ നിയോജക മണ്ഡലത്തിലെ കോണ്‍ഗ്രസ് ബൂത്ത് പ്രസിഡണ്ടുമാര്‍ക്ക് സ്വീകരണം നല്‍കി.
പത്തു മണ്ഡലം കമ്മിറ്റികളില്‍ നിന്നുള്ള 186 ബൂത്ത് പ്രസിഡണ്ട് മാര്‍ക്കാണ് സ്വീകരണം നല്‍കിയത്. പാവറട്ടിയില്‍ ചേര്‍ന്ന സ്വീകരണ സമ്മേളനം ജില്ലാ കോണ്‍ഗ്രസ് കമ്മിറ്റി പ്രസിഡണ്ട് ടി.എന്‍. പ്രതാപന്‍ ഉദ്ഘാടനം ചെയ്തു. പാവറട്ടി ബ്ലോക്ക് കോണ്‍ഗ്രസ് കമ്മിറ്റി പ്രസിഡണ്ട് എ.ടി സ്റ്റീഫന്‍ അദ്ധ്യക്ഷനായിരുന്നു. മുന്‍ എം.എല്‍.എ. -ടി.വി.ചന്ദ്രമോഹന്‍, കോണ്‍ഗ്രസ് നേതാക്കളായ ജോസ് വള്ളൂര്‍ , വി.വേണുഗോപാല്‍ തുടങ്ങിയവര്‍ സംസാരിച്ചു.
ചെറുതുരുത്തി ദേശമംഗലം ഗ്രാമപഞ്ചായത്തില്‍ പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് സൈക്കിള്‍, പഠനസാമഗ്രികള്‍ എന്നിവ വിതരണം ചെയ്തു.
ഗ്രാമപഞ്ചായത്തു പ്രസിഡന്റ് എം.മഞ്ജുള വിതരണോദ്ഘാടനം നിര്‍വഹിച്ചു. വൈസ്പ്രസിഡന്റ് കെ.എം.സലിം അധ്യക്ഷത വഹിച്ചു. 66 വിദ്യാര്‍ത്ഥികള്‍ക്ക് സൈക്കിളുകളും 106 വിദ്യാര്‍ത്ഥികള്‍ക്ക് പഠനസാമഗ്രികളും ആണ് ആദ്യഘട്ടത്തില്‍ വിതരണം ചെയ്തത്. പഞ്ചായത്തു സ്ഥിരം സമിതി അംഗങ്ങളായ പി.എസ്.ലക്ഷ്മണന്‍, അജിത കൃഷ്ണന്‍കുട്ടി, പി.എന്‍.സുധ പഞ്ചായത്ത് അംഗങ്ങള്‍ സെക്രട്ടറി എം.എസ്.അംബിക തുടങ്ങിയവര്‍ പങ്കെടുത്തു.
അന്തിക്കാട് കുടിവെള്ള ക്ഷാമം രൂക്ഷമായ താന്ന്യം പഞ്ചായത്തിലെ ചെമ്മാപ്പിളളി സെന്ററില്‍ കുടിവെള്ളം പാഴാകുന്നു.
ഇരുപത് ദിവസം പിന്നിട്ടിട്ടും പഞ്ചായത്തംഗം വാട്ടര്‍ അതോററ്റിക്ക് പരാതി നല്‍കിയിട്ടും യാതൊരു നടപടിയും ഉണ്ടായിട്ടില്ലെന്ന് വ്യാപാരി കെ.ആര്‍.മോഹനന്‍ പറഞ്ഞു. കുടിക്കാന്‍ കുടിവെള്ളത്തിനായി ജനങ്ങള്‍ പരക്കം പായുമ്പോഴാണ് വാട്ടര്‍ അതോറിറ്റിയുടെ അനാസ്ഥമൂലം ദിവസങ്ങളോളമായി ശുദ്ധജലം പൈപ്പ് പൊട്ടി പാഴാകുന്നത്.
തൃപ്രയാര്‍ എടമുട്ടത്ത് സ്‌റ്റോപ്പ് മെമ്മോ നല്കി് അടപ്പിച്ച ബിവറേജ് ഔട്ട്‌ലെറ്റ് ആരോഗ്യ വകുപ്പിന്റെ ലൈസന്‍സില്ലാതെയാണ് തുറന്നതെന്ന് വലപ്പാട് ഗ്രാമപഞ്ചായത്ത് പ്രസിഡണ്ട് ഇ.കെ തോമസ് പറഞ്ഞു.
വീടിനുള്ള അനുമതിയുണ്ടായിരുന്ന കെട്ടിടത്തിന് ബിവറേജ് അധികൃതര്‍ നല്‍കിയ അപേക്ഷയിന്മേല്‍ വാണിജ്യാ വശ്യത്തിനുള്ള ലൈസന്‍സ് മാറ്റി നല്‍കുകയാണ് ചെയ്തത്. ജനവാസകേന്ദ്രത്തില്‍ ഔട്ട്‌ലെറ്റ് പ്രവര്‍്ത്തിക്കുന്നതില്‍ തനിക്ക് എതിര്‍പ്പാണുള്ളത്. എന്നാല്‍ ഭരണസമിതിയുടെ എതിര്‍പ്പും മറികടന്ന് പഞ്ചായത്ത് ഡെപ്യൂട്ടി ഡയറക്ടര്‍ വാണിജ്യാവശ്യത്തിനുള്ള ലൈസന്‍സ് നല്‍കാന്‍ പഞ്ചായത്ത് സെക്രട്ടറിക്ക് നിര്‍ദ്ദേശം നല്‍കുകയായിരുന്നു. പഞ്ചായത്ത് ഭരണസമിതിയെയും പ്രസിഡണ്ടിനെയും ധിക്കരിച്ച സെക്രട്ടറിക്കെതിരെ നടപടി വേണമോയെന്ന് ഉടന്‍ തീരുമാനിക്കുമെന്ന് ഇ.കെ തോമസ് പറഞ്ഞു. അതേസമയം ഔട്ട്‌ലെറ്റ് തുറന്നതില്‍ ബുധനാഴ്ച നടന്ന പഞ്ചായത്ത് ഭരണസമിതി യോഗത്തില്‍ പ്രതിപക്ഷാംഗങ്ങള്‍ പ്രതിഷേധിച്ചു. ബഹളത്തെ തുടര്ന്ന് ബന്ധപ്പെട്ട വിഷയം അജണ്ടയാക്കി ഉടന്‍ യോഗം വിളിച്ച് ചേര്‍ക്കാമെന്ന് പഞ്ചായത്ത് പ്രസിഡണ്ട് ഉറപ്പ് നല്‍കുകയായിരുന്നു.
പുതുക്കാട് കാലങ്ങളായി ഉപയോഗശൂന്യമായി കിടന്ന പുതുക്കാട് പൂണിശേരി കുളത്തിന് പുതുജീവന്‍ നല്‍കി തൃക്കൂര്‍ ഗ്രാമപഞ്ചായത്തില്‍ ജലദിനം ആഘോഷിച്ചു.
അമ്പത് വര്‍ഷത്തിലേറെയായി ഉപയോഗശൂന്യമായി കിടന്നിരുന്ന കുളം നവീകരിക്കുന്നതിനായുള്ള നാട്ടുകാരുടെ ആവശ്യത്തിന് ഏറെ പഴക്കമുണ്ട്. രൂക്ഷമായ ജലക്ഷാമം അനുഭവിക്കുന്ന മേഖലയില്‍ കുളം വീണ്ടെടുക്കണമെന്ന ആവശ്യം ശക്തമായതോടെയാണ് കുളം നവീകരിക്കുന്നതിനുള്ള തുക അനുവദിച്ചത്. തൊഴിലുറപ്പ് പദ്ധതിയില്‍ ഉള്‍പ്പെടുത്തി രണ്ടേകാല്‍ ലക്ഷം രൂപ ചിലവിലാണ് കുളം നവീകരിക്കുന്നത്. പഞ്ചായത്ത് പ്രസിഡന്റ് പ്രേമകുട്ടന്‍ പദ്ധതിയുടെ ഉദ്ഘാടനം നിര്‍വ്വഹിച്ചു. ബ്ലോക്ക് പഞ്ചായത്തംഗം പ്രിബനന്‍ ചുണ്ടേലപറമ്പില്‍, പഞ്ചായത്ത് അംഗങ്ങളായ സുന്ദരി മോഹന്‍ദാസ്, സൈമണ്‍ നമ്പാടന്‍ എന്നിവര്‍ പങ്കെടുത്തു.
കയ്പമംഗലം കയ്പമംഗലം ഗ്രാമപഞ്ചായത്ത് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ആഭിമുഖ്യത്തില്‍ ലോക ജല ദിനാചരണം നടത്തി.
ഗ്രാമപഞ്ചായത്ത് പ്രസിഡന്റ് ടി.വി.സുരേഷ് ഉദ്ഘാടനം ചെയ്തു. വൈസ് പ്രസിഡന്റ് ഖദീജ പുതിയവീട്ടില്‍ അധ്യക്ഷത വഹിച്ചു. വിവിധ സ്റ്റാന്റിംഗ് കമ്മിറ്റി അധ്യക്ഷരായ ജിസ്‌നി ഷാജി, എന്‍.എസ്.പ്രണവ്, അഖില വേണി എന്നിവര്‍ സംസാരിച്ചു. അഞ്ചാം വാര്‍ഡിലെ തൊഴിലുറപ്പ് തൊഴിലാളികളുടെ നേതൃത്വത്തില്‍ നിര്‍മ്മിച്ച കുളം കയര്‍ ഭൂവസ്ത്രം വിരിച്ച് സംരക്ഷിക്കുന്നതിന്റെ ഉദ്ഘാടനവും നടത്തി.
പുതുക്കാട് വിലക്കയറ്റത്തിനെതിരെ ജാഗ്രതാ വേദിയുടെ നേതൃത്വത്തില്‍ പള്ളിക്കുന്നില്‍ പ്രതിഷേധ ചന്ത സംഘടിപ്പിച്ചു.
മുന്‍ എം.എല്‍.എ എം.കെ.പോള്‍സന്‍ ഉദ്ഘാടനം ചെയ്തു. കെ.കെ.ജോസ് അധ്യക്ഷനായിരുന്നു. വരന്തരപ്പിള്ളി പഞ്ചായത്ത് പ്രസിഡന്റ് ഔസേഫ് ചെരടായി, പഞ്ചായത്തംഗം ജിജി ജസ്റ്റിന്‍, പി.ഡി. ലോനപ്പന്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ ജലസ്രോതസുകള്‍ മലിനമാകുകയും കുടിവെള്ള ക്ഷാമം രൂക്ഷമാകുകയും ചെയ്തതോടെ, തീരമേഖലയില്‍ ശുദ്ധജലത്തിന് കുപ്പിവെള്ളം ആശ്രയം.
ശുദ്ധജല ക്ഷാമം അനുഭവപ്പെടുന്ന മേത്തല,എറിയാട്, എടവിലങ്ങ്, എസ്.എന്‍ പുരം തുടങ്ങിയ പ്രദേശങ്ങളില്‍ പല വീടുകളിലും ഇപ്പോള്‍ കുപ്പിവെള്ളം അവശ്യ വസ്തുവാണ് . ഇരുപത് ലിറ്റര്‍ വെള്ളം കൊള്ളുന്ന വലിയ കുപ്പിയിലാണ് വീടുകളില്‍ വെള്ളമെത്തിക്കുന്നത്. രണ്ട് ദിവസത്തിലൊരിക്കല്‍ എന്നപ്പോലെ ഇവിടങ്ങളില്‍ കുപ്പിവെള്ള വണ്ടികള്‍ വന്നു പോകുന്നുണ്ട്. കടലിനോടും, പുഴയോടും ചേര്‍ന്നു കിടക്കുന്ന പ്രദേശങ്ങളില്‍ ശുദ്ധജല സ്രോതസുകളില്‍ ഉപ്പിന്റെ അളവ് ഏറി വരികയാണ്. മുന്‍ കാലങ്ങളില്‍ യഥേഷ്ടം ശുദ്ധജലം ലഭിച്ചിരുന്ന കിണറുകള്‍ ചിലത് വറ്റി വരളുകയോ ,ഉപ്പ് കയറുകയോ ചെയ്ത നിലയിലാണിപ്പോള്‍. നാട്ടുകാര്‍ പ്രധാനമായും ആശ്രയിക്കുന്ന വാട്ടര്‍ അതോറിറ്റിയുടെ ജല വിതരണം കാര്യക്ഷമമല്ലെന്ന പരാതി വ്യാപകമാണ്.
തൃപ്രയാര്‍ ഏങ്ങണ്ടിയൂര്‍ ഗ്രാമപഞ്ചായത്തിലെ രണ്ടാം വാര്‍ഡില്‍ കുടിവെള്ള ക്ഷാമം പരിഹരിക്കാന്‍ പഞ്ചായത്ത് അംഗത്തിന്റെ് നേതൃത്വത്തില്‍ ലോക ജല ദിനത്തില്‍ പുതിയ കര്‍മ്മപദ്ധതി ആവിഷ്‌കരിച്ചു.
രണ്ടാം വാര്‍ഡംഗം ഇര്‍ഷാദ് കെ.ചേറ്റുവയാണ് തന്റെ ഓണറേറിയം ഉള്‍പ്പെടുത്തിയുള്ള പദ്ധതിക്ക് രൂപം നല്കിയത്. ചേറ്റുവ പടന്ന ചെലോട് തോടിലെ മാലിന്യം നീക്കി ശുദ്ധജലം സംഭരിക്കുകയാണ് ആദ്യഘട്ടം. മാലിന്യം നീക്കിയതിന് ശേഷം ഇടക്കെട്ടുകള്‍ തീര്‍ത്താണ് ശുദ്ധജലം സംഭരിക്കുക. കൂടുതല്‍ ശുദ്ധജല ക്ഷാമം നേരിടുന്ന വാര്‍്ഡി്‌ലെ മറ്റ് പ്രദേശങ്ങളില്‍ കിണറുകള്‍ നിര്‍മ്മിക്കുകയാണ് അടുത്തഘട്ടം. ഏങ്ങണ്ടിയൂര്‍ ഗ്രാമപഞ്ചായത്ത്, തൊഴിലുറപ്പ് തൊഴിലാളികള്‍, ജല സംരക്ഷണ സമിതി പ്രവര്‍ത്തകര്‍, സന്നദ്ധ സംഘടനകള്‍, ക്ലബ്ബുകള്‍, പ്രവാസികള്‍ എന്നിവരുടെ സഹകരണത്തോടെയാണ് പദ്ധതി നടപ്പിലാക്കുകയെന്നും പഞ്ചായത്ത് അംഗം അറിയിച്ചു.
പാവറട്ടി എളവള്ളിയില്‍ മല്‍സ്യ കൃഷി വിളവെടുപ്പ് ഗ്രാമോത്സവമായി.
മല്‍സ്യ സമൃദ്ധി പദ്ധതി പ്രകാരം എളവള്ളി പണ്ടറക്കാട് ഉള്ള സ്വകാര്യ ജലാശയത്തിലാണ് മല്‍സ്യകൃഷി ചെയ്തിരുന്നത്. എളവള്ളി ഐനിക്കുളങ്ങരെ പ്രേമന്‍ ഭാര്യ ഉഷയാണ് ഒന്നര ഏക്കര്‍ വിസ്തൃതിയിലുള്ള കുളത്തില്‍ വിജയകരമായി മല്‍സ്യ കൃഷി നടപ്പിലാക്കിയത്. മുല്ലശ്ശേരി ബ്ലോക്ക് പ്രസിഡണ്ട് ലതി വേണുഗോപാല്‍ ഉദ്ഘാടനം ചെയ്തു. എളവള്ളി ഗ്രാമ പഞ്ചായത്ത് പ്രസിഡണ്ട് യു.കെ.ലതിക അദ്ധ്യക്ഷയായിരുന്നു. ജില്ലാപഞ്ചായത്ത് സ്ഥിരം സമിതി അദ്ധ്യക്ഷ ജെന്നി ജോസഫ് മുഖ്യാതിഥിയായി. പഞ്ചായത്ത് വൈസ് പ്രസിഡണ്ട് ടി.സി മോഹനന്‍ മല്‍സ്യ കര്‍ഷകര്‍ക്കുള്ള സബ്‌സഡി തുക കൈമാറി. അക്വാകള്‍ച്ചര്‍ കോര്‍ഡിനേറ്റര്‍ സരസ്വതി അജയന്‍ ജനപ്രതിനിധികളായ ലീല പരമേശ്വരന്‍, ആലിസ് പോള്‍ തുടങ്ങിയവര്‍ സംസാരിച്ചു.
കുന്നംകുളം കുടിവെള്ളമൂറ്റലിനെതിരെ കുന്നംകുളം നഗരസഭ ശക്തമായ നടപടിയെടുത്തപ്പോള്‍ കുന്നംകുളത്ത് ദുരിതത്തിലായ ട്രോപ്പിക്കല്‍ ഹെല്‍ത്ത് ഫൗണ്ടേഷനിലേക്ക് ജീവകാരുണ്യപ്രവര്‍ത്തകരുടെ നേതൃത്വത്തില്‍ ജലമെത്തിച്ചു.
ജലക്ഷാമം രൂക്ഷമായതോടെ പ്രത്യേക പരിഗണന അര്‍ഹിക്കുന്ന കുട്ടികള്‍ പഠിക്കുന്ന സ്ഥാപനം വെള്ളമില്ലാതെ നെട്ടോട്ടമോടുകയായിരുന്നു. പണം കൊടുത്താലും വെള്ളം കിട്ടാത്ത അവസ്ഥയെ തുടര്‍ന്ന് സ്ഥാപനം ഏറെ ബുദ്ധിമുട്ടി. നഗരത്തിലെ സ്വകാര്യ ജല വില്‍പനക്കാരില്‍ നിന്നാണ് ഇവിടെ വെള്ളം ലഭിച്ചിരുന്നത്. ജലദിനത്തിലും വെള്ളമില്ലാതിരുന്ന കുട്ടികളുടെ ദുരിതം കണ്ടാണ് ജസ്റ്റിസ് ഫോര്‍ യു - വിന്റെ നേതൃത്വത്തില്‍ സ്ഥാപനത്തിലേക്ക് ജലം വിതരണം ചെയ്തത്. പ്രവര്‍ത്തകരുടെ വീടുകളില്‍ നിന്നു ജലം ശേഖരിച്ചായിരുന്നു വിതരണം. ഇത്തരം സ്ഥാപനങ്ങളില്‍ ജലമെത്തിക്കേണ്ട ഉത്തരവാദിത്വം തദ്ദേശ സ്ഥാപനങ്ങള്‍ ഏറ്റെടുക്കാന്‍ തയ്യാറാകണമെന്ന് ജസ്റ്റിസ് ഫോര്‍ യു പ്രസിഡന്റ് എം.ഡി.രാജീവ് ആവശ്യപെട്ടു.
കുന്നംകുളം ഫുട്‌ബോള്‍ ഫ്രണ്ട്‌സ് പഴഞ്ഞിയുടെ 34-ാമത് സെവന്‍സ് ഫുട്‌ബോള്‍ ടൂര്‍ണമെന്റ് ഏപ്രില്‍ 2 മുതല്‍ പഴഞ്ഞി സ്‌കൂള്‍ ഗ്രൗണ്ടില്‍ ആരംഭിക്കുമെന്ന് ഭാരവാഹികള്‍ കുന്നംകുളത്ത് അറിയിച്ചു.
രാത്രി 8 മുതല്‍ ഫ്‌ളഡ്‌ലിറ്റ് സ്റ്റേഡിയത്തില്‍ നടക്കുന്ന മത്സരത്തില്‍ കേരളത്തിലെ പ്രശസ്തരായ താരങ്ങളും ടീമുകളും പങ്കെടുക്കും. ഏപ്രില്‍ 2 ന് നടക്കുന്ന ചടങ്ങില്‍ മന്ത്രി എ.സി.മൊയ്തീന്‍ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ അധ്യക്ഷയാകും. ക്ലബ്ബ് ഭാരവാഹികളായ സാബു അയിനൂര്‍, വിത്സണ്‍, ബാബു പള്ളിക്കര എന്നിവര്‍ വാര്‍ത്താസമ്മേളനത്തില്‍പങ്കെടുത്തു.
കുന്നംകുളം പെരുമ്പിലാവ്, ചാലിശ്ശേരി, തൃത്താല മേഖലയില്‍ അനുഭവപ്പെട്ട ഭൂമികുലുക്കം ഗൈല്‍ പൈപ്പ് ലൈന്‍ സംബന്ധിച്ച ജനങ്ങളുടെ ആശങ്ക വര്‍ധിപ്പിക്കുന്നു.
ഭൂകമ്പ സാധ്യതാ മേഖലയായി കണക്കാക്കുന്ന സ്ഥലങ്ങളിലൂടെയാണ് ഇപ്പോള്‍ നിര്‍മാണ പ്രവര്‍ത്തനങ്ങള്‍ നടക്കുന്നത്. ഭൂചലനത്തില്‍ പല വീടുകളുടെയും ചുമരുകള്‍ക്ക് വിള്ളലുണ്ടായിട്ടുണ്ട്. അതീവ സുരക്ഷിതമായി സ്ഥാപിക്കേണ്ട ഗ്യാസ് പൈപ്പ് ലൈന്‍ സ്ഥാപിക്കുന്ന ഈ പ്രദേശങ്ങള്‍ ഭൂചലന സാധ്യത പ്രദേശങ്ങളാണെന്ന് നേരത്തെ തന്നെ ഗെയില്‍ അധികൃതരെ നാട്ടുകാരും ആക്ഷന്‍ കൗണ്‍സിലുകളും ധരിപ്പിച്ചിരുന്നു. എന്നാല്‍ ഇതു സംബന്ധമായി ഒരു ശാസ്ത്രീയ പഠനം നടത്താന്‍ ഗെയില്‍ അധികൃതര്‍ തയ്യാറായിട്ടില്ല. തൃത്താലയിലെ നിര്‍ദ്ദിഷ്ട സ്റ്റേഷന്‍ പരിധിയിലും ഭൂചലനം അനുഭവപ്പെട്ടിരുന്നു. ജനവാസ കേന്ദ്രങ്ങളിലൂടെയുള്ള പൈപ്പ് ലൈന്‍ മേഖലയില്‍ കടുത്ത ദുരന്തത്തിന് വഴി വെച്ചേക്കുമോയെന്നാണ് പ്രദേശവാസികളുടെആശങ്ക.
ഇരിങ്ങാലക്കുട തായ്‌ലന്റിലെ ബാങ്കോക്കില്‍ നടന്ന രണ്ടാമത് മൊയ് തായ് മാര്‍ഷല്‍ ആര്‍ട്‌സ് ഗെയിംസ് ആന്‍ഡ് ഫെസ്റ്റിവലില്‍ കരൂപ്പടന്ന സ്വദേശിക്ക് വെള്ളിമെഡല്‍.
കരൂപ്പടന്ന അറക്കല്‍ വീട്ടില്‍ മുഹമ്മദ് നജീബിന്റെ മകന്‍ മുഹമ്മദ് ഷുഹൈബാണ് അന്താരാഷ്ട്ര തലത്തില്‍ ഇന്ത്യന്‍ കൊടി പാറിച്ചത്. 53 രാജ്യങ്ങളില്‍ നിന്നുള്ള മത്സരാര്‍ത്ഥികള്‍ ഫെസ്റ്റിവലില്‍ പങ്കെടുത്തു. 75 കിലോ വിഭാഗം മത്സരത്തിലാണ് വെള്ളിമെഡല്‍ ലഭിച്ചത്. ഫൈനലില്‍ ഇറ്റലി, ബ്രസീല്‍ എന്നീ രാജ്യങ്ങളില്‍ നിന്നുള്ളവരെ പരാജയപ്പെടുത്തിയ ഷുഹൈബ് ഫ്രാന്‍സില്‍ നിന്നുള്ള മത്സരാര്‍ത്ഥിയോട് രണ്ട് പോയന്റ് വ്യത്യാസത്തിലാണ് പരാജയപ്പെട്ടത്.
കൊടുങ്ങല്ലൂര്‍ ഹരിയാന എം.എല്‍.എയും ഇന്ത്യന്‍ നാഷണല്‍ ലോക്ദള്‍ ദേശീയ ജനറല്‍ സെക്രട്ടറിയുമായ അഡ്വ.സക്കീര്‍ ഹുസൈന്‍ കൊടുങ്ങല്ലൂര്‍ ചേരമാന്‍ ജുമാ മസ്ജിദ് സന്ദര്‍ശിച്ചു.
മസ്ജിദിനകത്തെ പുരാതന ഭാഗങ്ങള്‍ വീക്ഷിച്ച അദ്ദേഹം പ്രാര്‍ത്ഥന നടത്തിയ ശേഷമാണ് മടങ്ങിയത്. ചേരമാന്‍ മഹല്ല് പ്രസിഡന്റ് ഡോ: പി.എ.മുഹമ്മദ് സെയ്ത്, സെക്രട്ടറി എസ്.എ അബ്ദുള്‍ കയ്യും, വൈസ് പ്രസിഡന്റ് യു.എ. സെയ്തുമുഹമ്മദ്, എന്നിവര്‍ ചേര്‍ന്ന് സ്വീകരിച്ചു
ഇരിങ്ങാലക്കുട ഇരിങ്ങാലക്കുടയില്‍ നിന്ന് ആരംഭിക്കുന്ന ഷണ്മുഖം കനാല്‍ മലിനമാക്കുന്നതിന് കെ.എസ്.ഇ കമ്പനി കാരണമാകുന്നുവെന്ന് നഗരസഭാ കൗണ്‍സില്‍ യോഗത്തില്‍ പ്രതിപക്ഷം.
മൂന്ന് മാസത്തിനുള്ളില്‍ ഷണ്മുഖം കനാലിലെ മാലിന്യം നീക്കം ചെയ്ത് വ്യത്തിയാക്കി സംരക്ഷിക്കണമെന്ന് ഓംബുഡ്‌സ്മാന്‍ ഉത്തരവിട്ടിരുന്നു. ബുധനാഴ്ച നടന്ന കൗണ്‍സില്‍ യോഗത്തില്‍ ഇക്കാര്യം അജണ്ടയില്‍ ഉള്‍പ്പെടുത്തി ചര്‍ച്ചയ്ക്ക് വന്നപ്പോഴാണ് പ്രതിപക്ഷാംഗങ്ങള്‍ ഒന്നടങ്കം കെ.എസ്.ഇ. ക്കെതിരെ രംഗത്തെത്തിയത്. കെ.എസ്.ഇ യുടെ രണ്ട് െ്രെഡനേജ് ഷണ്മുഖം കനാലിലേയ്ക്ക് തുറന്നുവെച്ചിരിക്കുകയാണെന്ന് വാര്‍ഡ് കൗണ്‍്‌സിലര്‍ കൂടിയായ എം.സി രമണന്‍ ആരോപിച്ചു. ലൈസന്‍സില്ലാത്തതിനാല്‍ ഏപ്രില്‍ ഒന്നു മുതല്‍ എം.സി.പി കണ്‍വെന്‍ഷന്‍ സെന്റര്‍ അടച്ചിടാന്‍ ചെയര്‍പേഴ്‌സന്‍ നടപടിയെടുക്കണമെന്ന് എല്‍.ഡി.എഫ് ആവശ്യപ്പെട്ടു.
അന്തിക്കാട് ജലസാക്ഷരത സമിതി മണലൂര്‍ ഗ്രാമപഞ്ചായത്തിന്റെ നേതൃത്വത്തില്‍ ലോക ജലദിനാചരണത്തിന്റെ ഭാഗമായി മണലൂര്‍ നിയോജക മണ്ഡലത്തില്‍ നടപ്പിലാക്കുന്ന മഴപ്പൊലിമ കിണര്‍ റീചാര്‍ജ്ജിങ്ങ് പദ്ധതിയുടെ ഉദ്ഘാടനം കണ്ടശാംകടവില്‍ നടന്നു.
മുരളി പെരുനെല്ലി എം.എല്‍.എ. ഉദ്ഘാടനം ചെയ്തു. മണലൂര്‍ ഗ്രാമപഞ്ചായത്ത് പ്രസിഡന്റ് സീതാഗണേഷ് അദ്ധ്യക്ഷത വഹിച്ചു.
പാവറട്ടി പാവറട്ടിയില്‍ മൂന്ന് വീടുകളില്‍ മോഷണ ശ്രമം.
സംശയാസ്പദമായ സാഹചര്യത്തില്‍ കണ്ടെത്തിയ ഒരു യുവാവിനെ നാട്ടുകാര്‍ പിടികൂടി പോലീസില്‍ ഏല്‍പ്പിച്ചു. മറ്റൊരു യുവാവ് ഓടി രക്ഷപ്പെട്ടു. ബുധനാഴ്ച പുലര്‍ച്ചെ മൂന്നരയോടെയാണ് മരതയൂര്‍, കാളാനി മേഖലയിലെ വീടുകളില്‍ മോഷണശ്രമം നടന്നത്. വീട്ടുകാര്‍ ഉണരുകയും നിലവിളിക്കുകയും ചെയ്തതോടെ മോഷ്ട്ടാക്കള്‍ ഇരുളില്‍ മറഞ്ഞു. പിന്നീട് കാളാനിയില്‍ തന്നെ പൊടിയാട രാജന്റെ വീട്ടിലാണ് മോഷണശ്രമം നടന്നത്. രാജന്റെ ഭാര്യ വിജയ ഹോട്ടല്‍ ജോലിക്കു പോകുന്നതിനായി നേരത്തെ ഉണര്‍ന്ന് പുറത്തിറങ്ങി പല്ലുതേക്കുന്നതിനിടെ പുറകിലൂടെ എത്തിയ മോഷ്ടാക്കളിലൊരാള്‍ സ്റ്റീല്‍ പൈപ്പ് കൊണ്ട് തലക്കടിക്കാന്‍ ശ്രമിച്ചു. വീടിനു മുറ്റത്ത് കെട്ടിയിരുന്ന അഴയില്‍ തടഞ്ഞതിനാല്‍ അടിയേറ്റില്ല. ഇവര്‍ നിലവിളിച്ചപ്പോള്‍ വീടിനകത്തുണ്ടായിരുന്ന ഭര്‍ത്താവും മകനും പുറത്തെത്തിയതോടെ മോഷ്ടാക്കള്‍ ഓടിപ്പോയി. എന്നാല്‍ വിജയയുടെ മകന്‍ രഞ്ജിത്തും അയല്‍വാസികളും മോഷ്ടാക്കളുടെ പിന്നാലെ ഓടുകയായിരുന്നു. പിടികൂടുമെന്നായപ്പോള്‍ മോഷ്ടാക്കളിലൊരാള്‍ കാളാനി പുഴയില്‍ ചാടി. ഒപ്പം നാട്ടുകാരും പുഴയില്‍ ചാടുകയും ഒരാളെ പിടികൂടുകയും ചെയ്തു. ഇതിനിടെ മോഷ്ടാക്കളില്‍ മറ്റെയാള്‍ നാട്ടുകാരുടെ കണ്ണുവെട്ടിച്ചു രക്ഷപ്പെട്ടു. യുവാവിനെ നാട്ടുകാര്‍ പാവറട്ടി പോലീസിന് കൈമാറി.
എരുമപ്പെട്ടി ഇ.എം.എസ് - എ.കെ.ജി ദിനാചരണത്തോടനുബന്ധിച്ച് സി.പി. എം വടക്കാഞ്ചേരി ഏരിയാ കമ്മറ്റിയുടെ നേതൃത്വത്തില്‍ ബഹുജന റാലിയും പൊതുസമ്മേളനവും സംഘടിപ്പിച്ചു.
പഴവൂര്‍ സെന്ററില്‍ നിന്നാരംഭിച്ച ബഹുജന റാലിയില്‍ നിരവധി പ്രവര്‍ത്തകര്‍ അണിനിരന്നു. തുടര്‍ന്ന് നടന്ന പൊതുസമ്മേളനം സി.പി.എം കേന്ദ്ര കമ്മറ്റിയംഗം എം.സി ജോസഫൈന്‍ ഉദ്ഘാടനം ചെയ്തു. ഏരിയ കമ്മറ്റി സെക്രട്ടറി പി.എന്‍.സുരേന്ദ്രന്‍ അധ്യക്ഷനായി.
പുതുക്കാട് പുലക്കാട്ടുകര ഷട്ടര്‍ പാലത്തിന് സമീപം മണ്‍ചിറ തോട്ടില്‍ വ്യാപകമായി സെപ്റ്റിക് മാലിന്യം തള്ളിയ നിലയില്‍ കണ്ടെത്തി.
മണലി പുഴയിലേക്കെത്തുന്ന തോട്ടിലാണ് മാലിന്യം തള്ളിയിരിക്കുന്നത്. ആളൊഴിഞ്ഞ പരിസരത്ത് രാത്രികാലങ്ങളിലാണ് മാലിന്യം തള്ളുന്നത്.പുലക്കാട്ടുകര ഷട്ടര്‍ തുറന്നിരുന്നതിനാല്‍ തോട്ടില്‍ വെള്ളം നിറഞ്ഞ നിലയിലാണ്. രൂക്ഷമായ ദുര്‍ഗന്ധം പരന്നതോടെ പരിശോധന നടത്തിയ തൊഴിലാളികളാണ് തോട്ടില്‍ മാലിന്യം തള്ളിയത് കണ്ടെത്തിയത്. വിവരമറിഞ്ഞ് തൃക്കൂര്‍ പഞ്ചായത്ത് അധികൃതരും പോലീസും സ്ഥലത്തെത്തി. ആരോഗ്യ വകുപ്പിന്റെ നേതൃത്വത്തില്‍ ബ്ലീച്ചിങ്ങ് പൗഡറിട്ട് ശുചീകരണ പ്രവര്‍ത്തനങ്ങള്‍ നടത്തി. പ്രദേശത്ത് രാത്രി സമയത്ത് പട്രോളിങ്ങ് ശക്തമാക്കുമെന്ന് പുതുക്കാട് പോലീസ് അറിയിച്ചു.
പാവറട്ടി എളവള്ളി ഗ്രാമ പഞ്ചായത്തിലെ കോക്കൂരില്‍ പുലിയെ കണ്ടതായി നാട്ടുകാര്‍.
ചൊവ്വാഴ്ച രാത്രിയും ബുധനാഴ്ച രാവിലെയുമായി ് പലയിടങ്ങളില്‍ പുലിയെ കണ്ടതായി നാട്ടുകാര്‍ പറയുന്നു. എളവള്ളി മണിച്ചാലിനു സമീപം സ്വകാര്യ വ്യക്തിയുടെ ഒഴിഞ്ഞ പറമ്പിലും കെ.എല്‍. ഡി. സി. ബണ്ടിലും പുലിയെ കണ്ടതായി വാര്‍ത്ത പരന്നതോടെ നാട്ടുകാര്‍ തടിച്ചു കൂടി. ബുധനാഴ്ച രാവിലെ മണിച്ചാലിനു സമീപം മാനിക്കത്ത് ശ്രീനിവാസന്‍ ഭാര്യ നളിനിയാണ് അടുത്തുള്ള പറമ്പില്‍ പുലിയെ കണ്ടതായി പറഞ്ഞത്. പാവറട്ടി പോലീസും സ്ഥലത്തെത്തി. പോലീസ് വിവരം അറിയിച്ചതിനെ തുടര്‍ന്ന് വനം വകുപ്പ് അധികൃതരും സ്ഥലത്തെത്തി പുലിയെ കണ്ടതായി പറയുന്ന സ്ഥലത്ത് കൂട്ടിയിട്ട മണ്ണില്‍ പുലിയുടേതെന്നു കരുതുന്ന കാല്‍പാടുകള്‍ പരിശോധിച്ചു. കാല്‍പാടുകള്‍ കാട്ടുപൂച്ചയാണെന്ന് പരിശോധനയില്‍ വ്യക്തമായതോടെയാണ് നാട്ടുകാരുടെ ഭയം മാറിയത്.
പുന്നയൂര്‍ക്കുളം ലോക ജലദിനത്തോടനുബന്ധിച്ച് വടക്കേക്ക്ാട് പഞ്ചായത്തിലെ 6 -ാം വാര്‍ഡിലെ ജനകീയ വികസന സമിതി ബോധവല്‍ക്കരണ ക്ലാസ് നടത്തി.
വാര്‍ഡംഗം സിന്ധു മനോജ് ഉദ്ഘാടനം ചെയ്തു. വികസന സമിതി ചെയര്‍മാന്‍ പ്രേം രാജ് അധ്യക്ഷനായിരുന്നു. ഗ്രാമശ്രീ കോ ഓര്‍ഡിനേറ്റര്‍ ഹരീന്ദ്ര വര്‍മ്മ ബോധവല്‍ക്കരണ ക്ലാസെടുത്തു.
ഇരിങ്ങാലക്കുട കിണര്‍ വൃത്തിയാക്കുന്നതിനിടയില്‍ കിണറ്റില്‍ വീണ് പരിക്കേറ്റ തൊഴിലാളിയെ ഫയര്‍ ഫോഴ്‌സെത്തി രക്ഷപെട്ടുത്തി.
കടുപ്പശ്ശേരി സ്വദേശി കൊളങ്ങര വീട്ടീല്‍ സുബ്രനെയാണ് രക്ഷപെട്ടുത്തിയത്. സ്വകാര്യ വ്യക്തിയുടെ കിണര്‍ വൃത്തിയാക്കിയ ശേഷം കയറുന്നതിനിടയില്‍ കാല്‍ വഴുതി കിണറ്റിലേക്ക് വിഴുകയായിരുന്നു. വിഴ്ചയില്‍ സുബ്രന്റ കാല്‍ ഒടിയുകയും ചെയ്തു പിന്നീട് ഇരിഞ്ഞാലക്കുടയില്‍ നിന്നെത്തിയ ഫയര്‍ഫോഴ്‌സ് ഇയാളെ രക്ഷിച്ച് ചാലക്കുടിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ചാലക്കുടി കുറ്റിച്ചിറ പാലം ജംഗ്ഷനില്‍ അനധികൃതമായി മദ്യവില്‍പ്പന നടത്തിയ യുവാവിനെ ചാലക്കുടി എക്‌സൈസ് അസിസ്റ്റന്റ് ഇന്‍സ്‌പെക്ടര്‍ ആര്‍. ശശിധരന്‍ നായരും സംഘവും ചേര്‍ന്ന് അറസ്റ്റ് ചെയ്തു.
കുറ്റിച്ചിറ മേക്കാട്ടു പറമ്പില്‍ ഷൈജുവാണ് അറസ്റ്റിലായത്. ഒന്നര ലിറ്റര്‍ മദ്യവും 400 രൂപയും ഇയാളില്‍ നിന്നും പടിച്ചെടുത്തു.
തൃശൂര്‍ ലക്കിടി നെഹ്‌റു ലോ കോളേജിലെ വിദ്യാര്‍ത്ഥി ഷഹീര്‍ ഷൗക്കത്തലിക്ക് മര്‍ദ്ദനമേറ്റ കേസില്‍ വികാരത്തിനടിമപ്പെട്ട് വിധി പറയാന്‍ കഴിയില്ലെന്ന് ഹൈക്കോടതി.
കേസുമായി ബന്ധപ്പെട്ട് ലഭിച്ച പുതിയ തെളിവുകളില്‍ പോലീസ് എന്തു നടപടി സ്വീകരിച്ചെന്ന് കോടതി ആരാഞ്ഞു. നെഹ്‌റു ഗ്രൂപ്പ് ചെയര്‍മാന്‍ പി.കൃഷ്ണദാസിനെ അറസ്റ്റ് ചെയ്യാനുണ്ടായ സാഹചര്യമെന്തെന്ന് കോടതി വീണ്ടും ചോദിച്ചു. അതേ സമയം ലക്കിടി കോളേജ് വിദ്യാര്‍ത്ഥിക്ക് മര്‍ദ്ദനമേറ്റ കേസില്‍ ആദ്യഘട്ടത്തില്‍ വീഴ്ച പറ്റിയെന്ന് സര്‍ക്കാര്‍ ഹൈക്കോടതിയെ അറിയിച്ചു. എഫ്.ഐ.ആറില്‍ വന്ന വീഴ്ച പരിഹരിക്കാന്‍ പിന്നീട് ആവശ്യമായ തിരുത്തലുകള്‍ വരുത്തിയെന്ന് പോലീസ് കോടതിയെ അറിയിച്ചു.
തൃശൂര്‍ ലക്കിടി ലോ കോളേജ് വിദ്യാര്‍ഥിയെ മര്‍ദിച്ച കേസില്‍ എഫ്. ഐ.ആര്‍ തയ്യാറാക്കിയതിലെ പോലീസ് വീഴ്ചയെക്കുറിച്ച് വകുപ്പ്തല അന്വേഷണം ആരംഭിച്ചു.
തൃശൂര്‍ റൂറല്‍ എസ്. പി - എന്‍. വിജയകുമാര്‍ പഴയന്നൂര്‍ എസ്. ഐ.യോട് വിശദീകരണം തേടി. നെഹ്‌റു ഗ്രൂപ്പ് ചെയര്‍മാന്‍ പി. കൃഷ്ണദാസ് അടക്കമുള്ളവരെ പ്രതിയാക്കി എഫ്.ഐ. ആര്‍ തയ്യാറാക്കിയപ്പോള്‍ ജാമ്യം ലഭിക്കുന്ന മൂന്ന് വകുപ്പുകള്‍ മാത്രമാണ് ചുമത്തിയിരുന്നത്. പരാതിക്കാരന്റെ മൊഴിയില്‍ തന്നെ ജാമ്യമില്ലാത്ത വകുപ്പ് ചുമത്താനുള്ള തെളിവുണ്ടെന്നിരിക്കെ ജാമ്യമുള്ള വകുപ്പ് മാത്രം ചുമത്തിയത് വീഴ്ചയാണെന്നാണ് വിലയിരുത്തല്‍. പഴയന്നൂരിലെ എ.എസ്.ഐ - ജ്ഞാനശേഖരനാണ് എഫ്.ഐ.ആര്‍.തയ്യാറാക്കിയത്. ജിഷ്ണു കേസിന്റെ ആദ്യഘട്ട അന്വേഷണം അട്ടിമറിച്ചതും ഇതെ എ.എസ്.ഐ യാണെന്ന് ജിഷ്ണുവിന്റെ അമ്മ മുഖ്യമന്ത്രിക്ക് നല്‍കിയ പരാതിയില്‍ ആരോപിച്ചിരുന്നു.
ചേലക്കര ചേലക്കരയില്‍ വര്‍ക്ക്‌ഷോപ്പ് തൊഴിലാളിക്ക് സൂര്യതാപമേറ്റു.
ഒറ്റപ്പാലം മനിശേരി സ്വദേശി പനഞ്ചിക്കല്‍പറമ്പ് വീട്ടില്‍ ഷിജുവിനാണ് സൂര്യാഘാതമേറ്റത്. ചേലക്കരയിലെ ദിവ്യ ഡീസല്‍ സര്‍വ്വീസ് വര്‍ക്ക്‌ഷോപ്പിലെ മെക്കാനിക്കാണ് ഷിജു. പൊള്ളലേറ്റ ഷിജു ചേലക്കര ഗവണ്‍മെന്റ് ആശുപത്രിയില്‍ ചികിത്സതേടി.
കൊടകര നെല്ലായി ആലത്തൂരില്‍ അയല്‍വാസിയെ വെട്ടിപ്പരിക്കേല്‍പ്പിച്ച കേസില്‍ പ്രതിയെ കൊടകര പോലീസ് അറസ്റ്റു ചെയ്തു.
ആലത്തൂര്‍ ഖാദി പരിസരത്ത് കോച്ചേരി വീട്ടില്‍ കുമാരനാണ് അറസ്റ്റിലായത്. തിങ്കളാഴ്ച രാത്രിയിലാണ് കേസിനാസ്പദമായ സംഭവം. അയല്‍വാസിയായ പുളിയിലപ്പറമ്പില്‍ രാഗേഷിനെയാണ് വാക്കുതര്‍ക്കത്തെ തുടര്‍ന്ന് ഇയാള്‍ വെട്ടിപരിക്കേല്‍പ്പിച്ചത്. തലയ്ക്ക് ആഴത്തില്‍ മുറിവേറ്റ രാഗേഷ് തൃശൂര്‍ ജൂബിലി മിഷന്‍ ആശുപത്രിയില്‍ ചികിത്സയിലാണ്. കുമാരനെതിരെ വധശ്രമത്തിന് കേസെടുത്താണ് അറസ്റ്റു ചെയ്തതെന്ന് പോലിസ് പറഞ്ഞു.
തൃശൂര്‍ ഇന്ത്യന്‍ കോഫീ ഹൗസിന്റെ തൃശൂരിലെ ഹെഡ് ഓഫീസ് ഉപരോധിക്കുന്ന ജീവനക്കാര്‍ വിവിധ ആവശ്യങ്ങള്‍ ഉന്നയിച്ച് നഗരത്തില്‍ പ്രകടനം നടത്തി.
കോഫീഹൗസ് ഭരണ സമിതിയെ അന്യായമായി പിരിച്ചുവിട്ട സര്‍ക്കാര്‍ നടപടി പിന്‍വലിക്കുക, പൂട്ടിക്കിടന്ന ഹെഡ് ഓഫീസിന്റെ പൂട്ട് പൊളിച്ച് അകത്ത് കടന്ന് സംഘത്തിന്റെ മിനിറ്റ്‌സ് ബുക്കും കാഷ് ബുക്കും എടുത്ത ജില്ലാ വ്യവസായകേന്ദ്രം സീനിയര്‍ കോ-ഓപ്പറേറ്റീവ് ഇന്‍സ്‌പെക്ടര്‍ എസ്. ബിന്ദുവിനെ അറസ്റ്റ് ചെയ്യുക, രേഖകള്‍ മോഷ്ടിച്ച സി.ഐ.ടി.യു.കാര്‍ക്കെതിരെ നടപടി എടുക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു പ്രകടനം. തെക്കേഗോപുരനടയില്‍ നിന്നാരംഭിച്ച പ്രകടനം നഗരം ചുറ്റി കോര്‍പ്പറേഷന് മുന്നില്‍ സമാപിച്ചു.
തൃശൂര്‍ ജില്ലാ മെഡിക്കല്‍ ഓഫീസിന്റേയും ആരോഗ്യ കേരളത്തിന്റേയും സംയുക്താഭിമുഖ്യത്തില്‍ ഫ്‌ളാഷ് മോബ് സംഘടിപ്പിച്ചു.
ബോധവല്‍ക്കരണ പരിപാടിയുടെ ഭാഗമായി നിത്യജീവിതത്തില്‍ വ്യായാമത്തിനുള്ള പ്രാധാന്യം എന്ന വിഷയത്തെ ആസ്പദമാക്കി ജില്ലയിലെ 5 ഇടങ്ങളിലാണ് ഫ്‌ളാഷ് മോബ് സംഘടിപ്പിച്ചത്. ഗവണ്‍മെന്റ് നേഴ്‌സിങ്ങ് സ്‌കൂള്‍, അശ്വനി നേഴ്‌സിങ്ങ് കോളേജ്, ജൂബിലി മിഷന്‍ നേഴ്‌സിങ്ങ് കോളേജ്, വെസ്റ്റ് ഫോര്‍ട്ട് നേഴ്‌സിങ്ങ് കോളേജ്, എസ്.എന്‍.നേഴ്‌സിങ്ങ് കോളേജ് എന്നിവിടങ്ങളിലെ വിദ്യാര്‍ത്ഥികളാണ് ഫ്‌ളാഷ് മോബ് അവതരിപ്പിച്ചത്. തൃശൂര്‍ തെക്കേഗോപുരനട, നടുവിലാല്‍, പടിഞ്ഞാറെ കോട്ട, കിഴക്കേകോട്ട, നാട്ടിക എന്നിവിടങ്ങളിലായിരുന്നു പരിപാടി.
തൃശൂര്‍ കേരള സ്റ്റേറ്റ് സര്‍വ്വീസ് പെന്‍ഷനേഴ്‌സ് യൂണിയന്‍ ജില്ലാ രജതജൂബിലി സമ്മേളനത്തോടനുബന്ധിച്ച് തൃശൂരില്‍ വിളംബര ഘോഷയാത്ര സംഘടിപ്പിച്ചു.
സി.എം.എസ്. പരിസരത്ത് നിന്നാരംഭിച്ച വിളംബര ഘോഷയാത്ര നഗരം ചുറ്റി തെക്കേ ഗോപുരനടയില്‍ സമാപിച്ചു. ജില്ലാ പ്രസിഡന്റ് സി.ഡി.ലോനപ്പന്‍, സംസ്ഥാന സെക്രട്ടറി വി.വി.പരമേശ്വരന്‍, ജില്ലാ സെക്രട്ടറി കെ.ആര്‍.പ്രഭാശങ്കര്‍ എന്നിവര്‍ നേതൃത്വം നല്‍കി. വ്യാഴം, വെള്ളി ദിവസങ്ങളില്‍ തൃശൂര്‍ എം.ജി. റോഡിലുള്ള ശ്രീശങ്കര ഹാളില്‍ രജതജൂബിലി സമ്മേളനവും നടക്കും.
തൃശൂര്‍ സി.പി.ഐ മുന്‍ സെക്രട്ടറിയും തൃശൂര്‍ എം.പി.യുമായിരുന്ന സി.കെ.ചന്ദ്രപ്പന്റെ അഞ്ചാമത് ചരമവാര്‍ഷിക ദിനാചരണം അഖിലേന്ത്യാ കിസാന്‍ സഭ ജില്ലാ കൗണ്‍സിലിന്റെ ആഭിമുഖ്യത്തില്‍ തൃശൂരില്‍ സംഘടിപ്പിച്ചു.
സംസ്ഥാന സെക്രട്ടറി വി. ചാമുണ്ണി ഉദ്ഘാടനം ചെയ്തു. ജില്ലാ പ്രസിഡന്റ് കെ.വി. വസന്ത്കുമാര്‍ അധ്യക്ഷത വഹിച്ചു. സി.പി.ഐ. ജില്ലാ സെക്രട്ടറി കെ.കെ. വത്സരാജ്, ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍, കിസാന്‍ സഭ സംസ്ഥാന വൈസ് പ്രസിഡന്റ് അനിത രാധാകൃഷ്ണന്‍, സി.സി. മുകുന്ദന്‍, എന്‍.കെ. സുബ്രഹ്മണ്യന്‍ എന്നിവര്‍ സംസാരിച്ചു.
തൃശൂര്‍ സി.പി.ഐ മുന്‍ സെക്രട്ടറിയും തൃശൂര്‍ എം.പി.യുമായിരുന്ന സി.കെ.ചന്ദ്രപ്പന്റെ അഞ്ചാമത് ചരമവാര്‍ഷിക ദിനാചരണം അഖിലേന്ത്യാ കിസാന്‍ സഭ ജില്ലാ കൗണ്‍സിലിന്റെ ആഭിമുഖ്യത്തില്‍ തൃശൂരില്‍ സംഘടിപ്പിച്ചു.
സംസ്ഥാന സെക്രട്ടറി വി. ചാമുണ്ണി ഉദ്ഘാടനം ചെയ്തു. ജില്ലാ പ്രസിഡന്റ് കെ.വി. വസന്ത്കുമാര്‍ അധ്യക്ഷത വഹിച്ചു. സി.പി.ഐ. ജില്ലാ സെക്രട്ടറി കെ.കെ. വത്സരാജ്, ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍, കിസാന്‍ സഭ സംസ്ഥാന വൈസ് പ്രസിഡന്റ് അനിത രാധാകൃഷ്ണന്‍, സി.സി. മുകുന്ദന്‍, എന്‍.കെ. സുബ്രഹ്മണ്യന്‍ എന്നിവര്‍ സംസാരിച്ചു.
അന്തിക്കാട് അന്തിക്കാട് ഗ്രാമപഞ്ചായത്തിന്റെ വാര്‍ഷിക ബജറ്റ് അവതരിപ്പിച്ചു.
ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാറിന്റെ അദ്ധ്യക്ഷതയില്‍ വൈസ് പ്രസിഡന്റ് ജ്യോതിരാമനാണ് ബജറ്റ് അവതരിപ്പിച്ചത്. രൂക്ഷമായ വരള്‍ച്ചയെ മുന്നില്‍ കണ്ട് കുടിവെള്ള സ്രോതസ്സുകള്‍ക്കും അനുബന്ധ നിര്‍മ്മിതികള്‍ക്കുമായി എണ്‍പത് ലക്ഷം രൂപ നീക്കി വെച്ചു. ഭവന നിര്‍മ്മാണത്തിന് 80 ലക്ഷം, കമ്മ്യൂണിറ്റി ഹാള്‍ നിര്‍മ്മാണത്തിന് ഒരു കോടി, ദാരിദ്ര്യ ലഘൂകരണത്തിന് ഒരു കോടി 80ലക്ഷം, സാമൂഹികപെന്‍ഷന്‍ വിതരണത്തിന് രണ്ട് കോടി എന്നിങ്ങനെ ബജറ്റില്‍ തുക വകയിരുത്തി. 11 കോടി 29 ലക്ഷത്തി 38,481 രൂപ വരവും, 11 കോടി 14 ലക്ഷത്തി 25,000 രൂപ ചിലവും 14 ലക്ഷത്തി 63,481 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് അവതരിപ്പിച്ചത്. പതിമൂന്നാം പഞ്ചവത്സര പദ്ധതിയുടെ ഭാഗമായി അന്തിക്കാട് ഗ്രാമപഞ്ചായത്തിന്റെ ആസൂത്രണ വികസന സമിതിയില്‍ കോണ്‍ഗ്രസ്സ് പ്രതിനിധികളെ ചേര്‍ക്കാത്തതില്‍ പ്രതിഷേധിച്ച് കോണ്‍ഗ്രസ് അംഗങ്ങളായ ഷാജു മാളിയേക്കല്‍, ശാന്താ സോളമന്‍ എന്നിവര്‍ പ്രതിഷേധം രേഖപ്പെടുത്തി ബജറ്റ് അവതരണ യോഗത്തില്‍ നിന്ന് ഇറങ്ങിപ്പോയി.
മാള പുത്തന്‍ചിറ ഗ്രാമപഞ്ചായത്തിലെ ശാന്തിനഗറില്‍ മൊബൈല്‍ ടവര്‍ നിര്‍മ്മാണത്തിന് നല്‍കിയിരുന്ന അനുമതി പഞ്ചായത്ത് കമ്മറ്റി റദ്ദാക്കി.
മൊബൈല്‍ ടവര്‍ നിര്‍മ്മാണത്തിനെതിരെ നാട്ടുകാര്‍ പ്രതിഷേധവുമായി രംഗത്ത് വന്നതിനെ തുര്‍ന്നാണ് നേരത്തെ നല്‍കിയിരുന്ന അനുമതി പഞ്ചായത്ത് കമ്മറ്റി റദ്ദാക്കിയത്. ഈ വിഷയവുമായി ബന്ധപ്പെട്ട് സ്ഥലത്ത് ക്രമസമാധാന പ്രശ്‌നങ്ങള്‍ക്ക് സാധ്യതയുണ്ടെന്ന് പൊലീസ് റിപ്പോര്‍ട്ട് ഉണ്ടായിരുന്നു. ഇക്കാര്യം കൂടി കണക്കിലെടുത്താണ് അടിയന്തിര കമ്മറ്റി ചേര്‍ന്ന് തീരുമാനമെടുത്തത്. കൂടാതെ ടവര്‍ നിര്‍മ്മാണത്തിനായി സമര്‍പ്പിച്ച പ്ലാനില്‍ കാണിച്ചിട്ടുള്ള വിവരങ്ങള്‍ തെറ്റാണെന്നും അനുമതി റദ്ദാക്കാനുള്ള കാരണമായി പഞ്ചായത്ത് രേഖാമൂലം അറിയിച്ചു. ടവര്‍ സ്ഥാപിക്കുന്നതിനായി ബുധനാഴ്ച അടിത്തറ കോണ്‍ക്രീറ്റ് ചെയ്യാന്‍ ശ്രമിക്കുന്നതിനിടയിലാണ് പഞ്ചായത്ത് തീരുമാനം ഉണ്ടായത്. പഞ്ചായത്ത് തീരുമാനം രേഖാമുലം നല്‍കിയതോടെ നിര്‍മാണ പ്രവര്‍ത്തനങ്ങള്‍ നിര്‍ത്തിവെച്ചു. പ്രശ്‌നസാധ്യത കണക്കിലെടുത്ത് സ്ഥലത്ത് വന്‍ പൊലീസ് സന്നാഹം ഉണ്ടായിരുന്നു.
എരുമപ്പെട്ടി എരുമപ്പെട്ടി ഗ്രാമപഞ്ചായത്തിന്റെ ബജറ്റ് അവതരിപ്പിച്ചു.
14 കോടി 67 ലക്ഷത്തി 12, 686 രൂപ വരവും 14 കോടി 54 ലക്ഷത്തി 25,800 രൂപ ചെലവും 12 ലക്ഷത്തി 86,886 രൂപ നീക്കിയിരിപ്പുമുള്ള മിച്ച ബജറ്റാണ് ഗ്രാമപഞ്ചായത്ത് വൈസ് പ്രസിഡന്റ് കെ.ഗോവിന്ദന്‍ കുട്ടി അവതരിപ്പിച്ചത്. കുടിവെള്ള ഭദ്രത ഉറപ്പ് വരുത്തന്നതിന് ഓപ്പണ്‍കിണര്‍ ഇല്ലാത്ത മുഴുവന്‍ കുടുംബങ്ങള്‍ക്ക് കിണര്‍ കുഴിക്കുന്നതിനും റീചാര്‍ജ്ജ് ചെയ്യുന്നതിനും ആവശ്യമായ കുടിവെള്ള പദ്ധതികള്‍ നടപ്പിലാക്കുന്നതിനാണ് ബജറ്റില്‍ കൂടുതല്‍ ഊന്നല്‍ നല്‍കിയിരിക്കുന്നത്. യോഗത്തില്‍ പ്രസിഡന്റ് മീനാ ശലമോന്‍ അധ്യക്ഷയായി.
ചേലക്കര പഴയന്നൂര്‍ ബ്ലോക്ക് പഞ്ചായത്തിന്റെ ആഭിമുഖ്യത്തില്‍ ദേശീയ സമ്പാദ്യ ഏജന്റുമാര്‍ക്കായി മാലിന്യ സംസ്‌കരണവുമായി ബന്ധപ്പെട്ട് പരിശീലന പരിപാടി സംഘടിപ്പിച്ചു.
ബ്ലോക്ക് പഞ്ചായത്ത് പ്രസിഡന്റ് വി.വി.തങ്കമ്മ ഉദ്ഘാടനം ചെയ്തു. വൈസ് പ്രസിഡന്റ് എം.പത്മകുമാര്‍ അദ്ധ്യക്ഷനായിരുന്നു. റിട്ടയേര്‍ഡ് ബി.ഡി.ഒ. -കുമാരന്‍ ക്ലാസ് നയിച്ചു. ജൂനിയര്‍ ബി.ഡി.ഒ.- ഉണ്ണി, ജിയോ തുടങ്ങിയവര്‍ സംസാരിച്ചു.
തൃശൂര്‍ വടക്കാഞ്ചേരി നിയമസഭാ നിയോജക മണ്ഡലത്തെ സമ്പൂര്‍ണ വൈദ്യുതീകരണ മണ്ഡലമായി ശനിയാഴ്ച മന്ത്രി എ.സി.മൊയ്തീന്‍ പ്രഖ്യാപിക്കുമെന്ന് അനില്‍ അക്കര എം.എല്‍.എ അറിയിച്ചു.
നിയോജക മണ്ഡലത്തിലെ 63 കുടുംബങ്ങള്‍ക്ക് വൈദ്യുതി നല്‍കിയാണ് പദ്ധതി പൂര്‍ത്തീകരിച്ചിട്ടുള്ളത്.
അന്തിക്കാട് ചെമ്മാപ്പിള്ളി ശ്രീരാമന്‍ചിറയില്‍ ജലം ശേഖരിച്ച് കുടിവെള്ള ക്ഷാമത്തിന് പരിഹാരം കാണണമെന്ന് ആവശ്യപ്പെട്ട് ലോക ജലദിനത്തില്‍ ഉപവാസം നടത്തി.
ശ്രീരാമന്‍ചിറ ജലവിനിയോഗ ജനകീയ സമിതിയുടെ നേതൃത്വത്തില്‍ ചെമ്മാപ്പിളളി സെന്ററില്‍ നടന്ന ഉപവാസ സമരം പ്രകൃതിസംരക്ഷണ വേദി സംസ്ഥാന കണ്‍വീനര്‍ പി.സുധാകരന്‍ ഉദ്ഘാടനം ചെയ്തു. കെ.വി.കുട്ടന്‍ അദ്ധ്യക്ഷത വഹിച്ചു. ജല തരംഗം പത്രാധിപന്‍ ഗോപാലകൃഷ്ണമൂര്‍ത്തി , സമിതി പ്രസിഡന്റ് ഇ.പി.ഹരീഷ്, ജനറല്‍ സെക്രട്ടറി കെ.ആര്‍.മോഹനന്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ സംസ്ഥാനത്താദ്യമായി കാല്‍മുട്ട് മാറ്റിവെയ്ക്കല്‍ ശസ്ത്രക്രിയ നടത്തിയ താലൂക്ക് ഗവണ്‍മെന്റ് ആശുപത്രിയെന്ന പേര് കൊടുങ്ങല്ലൂര്‍ താലൂക്ക് ഗവണ്‍മെന്റ് ആശുപത്രിക്ക് സ്വന്തം.
എല്ല് രോഗ വിദഗ്ദ്ധനായ ഡോ.തോമസ് മാമന്റെ നേതൃത്വത്തില്‍ ഡോ.. പ്രവീണ്‍, ഡോ.നിശാന്ത് ബഷീര്‍ എന്നിവരടങ്ങിയ സംഘമാണ് കാല്‍മുട്ട് മാറ്റിവെയ്ക്കല്‍ ശസ്ത്രക്രിയ വിജയകരമായി നടത്തിയത്. എടവിലങ്ങ് കാരമുളങ്ങത്ത് മുഹമ്മദിന്റെ ഭാര്യ 60കാരി മറിയുമ്മയുടെ ഇടതുകാല്‍ മുട്ടാണ് മാറ്റിവെച്ചത്. സ്വകാര്യ ആശുപത്രികളില്‍ ലക്ഷങ്ങള്‍ ചിലവ് വരുന്ന ശസ്ത്രക്രിയക്ക് താലൂക്ക് ഗവണ്‍മെന്റ് ആശുപത്രിയില്‍ അനുബന്ധ സാമഗ്രികളുടെ വില ഉള്‍പ്പടെ നാല്‍പ്പത്തി അയ്യായിരം രൂപമാത്രമാണ് ചിലവ് വന്നത്.
കാഞ്ഞാണി കാഞ്ഞാണിയില്‍ നാലാം ക്ലാസുകാരിയായ വിദ്യാര്‍ത്ഥിനിയെ പീഡിപ്പിച്ച കേസില്‍ അറസ്റ്റിലായ പ്രതിയെ തൃശൂര്‍ പോക്‌സോ കോടതി റിമാന്റ് ചെയ്തു
മണലൂര്‍ ആനക്കാട് സ്വദേശി ചിറ്റിലേടത്ത് വീട്ടില്‍ സതീഷ്‌കുമാറിനെയാണ് ജില്ലാ പോക്‌സോ കോടതി ജഡ്ജി നിക്‌സണ്‍ എം.ജോസഫ് റിമാന്റ് ചെയ്തത്. 2014-ലാണ് കേസിനാസ്പദമായ സംഭവം. മൊബൈല്‍ ഫോണില്‍ അശ്ലീല ദൃശ്യങ്ങള്‍ കാണിച്ച് ഇയാള്‍ നാലാംക്ലാസുകാരിയായ വിദ്യാര്‍ത്ഥിനിയെ ലൈംഗിക പീഡനത്തിനിരയാക്കുകയായിരുന്നു. ഇപ്പോള്‍ ഏഴാം ക്ലാസിലായ വിദ്യാര്‍ത്ഥിനി കഴിഞ്ഞദിവസം സ്‌കൂളിലെ കൗണ്‍സിലിംഗിന് വിധേയയായപ്പോഴാണ് പീഡന വിവരം പുറത്തറിഞ്ഞത്. തുടര്‍ന്ന് അന്തിക്കാട് പോലീസ് സ്റ്റേഷനില്‍ ബന്ധുക്കള്‍ നല്‍കിയ പരാതിയുടെ അടിസ്ഥാനത്തില്‍ ചേര്‍പ്പ് സി.ഐ-പി.കെ.മനോജ്കുമാറാണ് പ്രതിയെ പിടികൂടിയത്. പെണ്‍കുട്ടി ലൈംഗികമായും മാനസികമായും പീഡിപ്പിക്കപ്പെട്ടിട്ടുണ്ടെന്ന് വിശദമായ വൈദ്യ പരിശോധനയില്‍ തെളിഞ്ഞു. പ്രതിയില്‍ നിന്ന് അശ്ലീല ദൃശ്യങ്ങള്‍ അടങ്ങിയ മൊബൈല്‍ ഫോണും പോലീസ് കസ്റ്റഡിയിലെടുത്തു. ഈ കേസില്‍ സഹജന്‍ എന്നയാള്‍ നേരത്തെ പിടിയിലായിരുന്നു. ഇയാളും റിമാന്റിലാണ്. പ്രോസിക്യൂഷനുവേണ്ടി സ്‌പെഷല്‍ പബ്ലിക് പ്രോസിക്യൂട്ടര്‍ അഡ്വ.പയസ് മാത്യു കോടതിയില്‍ ഹാജരായി.
പീച്ചി പീച്ചിയിലെ വന്യമൃഗങ്ങളുടെ ദൃശ്യം പുറത്തുവിട്ടത് വനംവകുപ്പിലെ ഉന്നത ഉദ്യോഗസ്ഥര്‍. ദൃശ്യങ്ങള്‍ മറ്റാരോ ചോര്‍ത്തിയതായി പ്രചരിപ്പിച്ച് തടിതപ്പാന്‍ ഉദ്യോഗസ്ഥന്റെ ശ്രമം.
പീച്ചി കാട്ടില്‍ 8 കാമറകളാണ് വനംവകുപ്പ് സ്ഥാപിച്ചിരുന്നത്. പീച്ചി ഡാമില്‍ നിന്ന് കാടിന്റെ 5 കിലോമീറ്റര്‍ ഉള്ളിലായി വള്ളിക്കായം എന്ന സ്ഥലത്തും അമ്പതേക്ര എന്ന സ്ഥലത്തും. വള്ളിക്കായത്ത് സ്ഥാപിച്ച കാമറയിലാണ് കടുവ, കരടി, പുലി, മാന്‍, മ്ലാവ്, കാട്ടുപന്നി എന്നിവയുടെ ചിത്രങ്ങള്‍ ലഭിച്ചത്. അമ്പതേക്രയിലെ കാമറയില്‍ നിന്ന് ആനയുടേയും കാട്ടുപന്നിയുടേയും ചിത്രങ്ങളും ലഭിച്ചു. ഒരു റോഡിന്റെ വീതിയില്‍ ഇരു ഭാഗത്തുമായി മരങ്ങളിലാണ് കാമറ സ്ഥാപിച്ചത്. കഴിഞ്ഞ ഞായറാഴ്ചയാണ് വനംവകുപ്പിലെ ജീവനക്കാര്‍ കാട്ടില്‍ നിന്ന് കാമറ തിരിച്ചെടുത്തത്. കാമറയില്‍ വന്യമൃഗങ്ങളുടെ ദൃശ്യങ്ങള്‍ പതിഞ്ഞിട്ടുണ്ട് എന്നറിഞ്ഞതോടെ വനംവകുപ്പിലെ ഉന്നത ഉദ്യോഗസ്ഥന്‍ ഈ ദൃശ്യങ്ങളുടെ മെമ്മറി കാര്‍ഡ് വാങ്ങി സൂക്ഷിക്കുകയായിരുന്നു. തിങ്കളാഴ്ച ഈ ഉദ്യോഗസ്ഥന്‍ തന്നെയാണ് ദൃശ്യങ്ങള്‍ പുറത്തുവിട്ടത്. ചിത്രങ്ങള്‍ പ്രചരിച്ചതോടെ ഉന്നതങ്ങളില്‍ നിന്ന് ചോദ്യമെത്തി. ഇതോടെ ദൃശ്യങ്ങള്‍ വനംവകുപ്പിനും മുമ്പേ ആരോ പ്രചരിപ്പിച്ചതായി ഇദ്ദേഹം പഴിചാരുകയാണുണ്ടായത്. അതിപ്പിള്ളിയിലും ചിമ്മിണിയിലും കാടുകളില്‍ നിന്ന് നേരത്തെ വന്യമൃഗങ്ങളുടെ ചിത്രങ്ങള്‍ കാമറയില്‍ പതിഞ്ഞിരുന്നു. പീച്ചിയിലെ ദൃശ്യങ്ങള്‍ ചിലര്‍ക്ക് കൈമാറി മേനി നടിക്കാന്‍ ശ്രമിച്ച ഉദ്യോഗസ്ഥന്‍ ഉന്നത വൃത്തങ്ങളില്‍ നിന്ന് ചോദ്യങ്ങള്‍ വന്നതോടെ താനറിഞ്ഞില്ലെന്ന് കൈകഴുകാന്‍ ശ്രമിക്കുകയായിരുന്നു. ഇതേസമയം തങ്ങളെ പ്രതികൂട്ടിലാക്കുമോ എന്ന ഭയത്തിലാണ് പീച്ചിയില്‍ ജോലി ചെയ്യുന്ന താഴെ തട്ടിലുള്ള വനംവകുപ്പ് ജീവനക്കാര്‍.
പുതുക്കാട് നന്തിക്കര, നെല്ലായി മേഖലകളില്‍ വ്യാപകമായി നേന്ത്രവാഴക്കുലകള്‍ മോഷണം പോയതായി പരാതി.
ഒരാഴ്ചക്കിടെ മൂന്ന് വാഴത്തോട്ടങ്ങളില്‍ നിന്നായി 150-ഓളം നേന്ത്രക്കുലകളാണ് മോഷണം പോയത്. കുറുമാലി അടിപ്പാതക്ക് സമീപം പാട്ടത്തിന് കൃഷി ചെയ്യുന്ന മുത്രത്തിക്കര സ്വദേശി മൂത്തേരി ദാസന്റെ നാല്‍പത് വാഴക്കുലകള്‍ മോഷണം പോയിട്ടുണ്ട്. തോട്ടത്തില്‍ നിന്നു മുറിച്ചെടുത്ത കുലകള്‍ സമീപത്തുള്ള റോഡില്‍ എത്തിച്ച് വാഹനത്തില്‍ കയറ്റിയാണ് കൊണ്ടു പോയത്. വഴിയോരത്ത് വാഴ തണ്ടുകളും ചെറിയ കായകളും ഉപേക്ഷിച്ച നിലയില്‍ കണ്ടെത്തി. രണ്ട് ദിവസം മുന്‍പ് നന്തിക്കര പെട്രോള്‍ പമ്പിന് സമീപം കാരേഴത്ത് മനോജിന്റെ കൃഷിയിടത്തിലെ 22 എണ്ണവും, നെല്ലായി ഇറിഗേഷന്‍ കനാലിന് സമീപം മുത്രത്തിക്കര കൊടിയന്‍ സുരേന്ദ്രന്റെ തോട്ടത്തിലെ നൂറോളം നേന്ത്രക്കുലകളും മോഷണം പോയിരുന്നു. പത്ത് ദിവസത്തിനുള്ളില്‍ വിളവെടുക്കാന്‍ നിര്‍ത്തിയ പതിനഞ്ച് കിലോ വീതം തൂക്കമുള്ള നേന്ത്രക്കുലകളാണ് മോഷണം പോയത്. കിലോഗ്രാമിന് നാല്‍പത് രൂപയോളം വില ലഭിക്കുന്ന സാഹചര്യത്തില്‍ നേന്ത്രക്കുലകള്‍ മോഷണം പോയതോടെ കര്‍ഷകര്‍ ദുരിതത്തിലായിരിക്കുകയാണ്. കര്‍ഷകരുടെ പരാതിയെ തുടര്‍ന്ന് പുതുക്കാട് പോലീസ് കേസെടുത്ത് അന്വേഷണം ആരംഭിച്ചു.
തൃപ്രയാര്‍ എടമുട്ടത്ത് വീണ്ടും പ്രവര്‍ത്തനം ആരംഭിച്ച ബിവറേജ് ഔട്ട്‌ലെറ്റിനെതിരെ ബിവറേജ് വിരുദ്ധ ജനകീയ മുന്നണിയുടെ നേതൃത്വത്തില്‍ വലപ്പാട് ഗ്രാമപഞ്ചായത്ത് ഓഫീസിലേക്ക് മാര്‍ച്ചും, ധര്‍ണയും നടത്തി.
ഔട്ട്‌ലെറ്റ് ജനവാസമില്ലാത്ത ഭാഗത്തേക്ക് മാറ്റിസ്ഥാപിക്കണമെന്നാവശ്യപ്പെട്ടായിരുന്നു ധര്‍ണ. വലപ്പാട് ചന്തപ്പടിയില്‍ നിന്നാരംഭിച്ച മാര്‍ച്ച് ഗ്രാമപഞ്ചായത്ത് ഓഫീസിന് മുന്‍പി്ല്‍ സമാപിച്ചു. തുടര്‍ന്ന് നടന്ന ധര്‍ണ ഡി.സി.സി ജനറല്‍ സെക്രട്ടറി അനില്‍ പുളിക്കല്‍ ഉദ്ഘാടനം ചെയ്തു. പി.എം.ശരത്കുമാര്‍ അധ്യക്ഷനായിരുന്നു. വാര്‍ഡംഗം ലെന്നി ഹരിദാസ്, മദ്യവിരുദ്ധസമിതി പഴുവില്‍ ഫൊറോന പ്രസിഡണ്ട് ജോസ് ആലപ്പാട്ട്, ഷിജു തയ്യില്‍ എന്നിവര്‍ സംസാരിച്ചു.
അന്തിക്കാട് ലോക ജലദിനത്തില്‍ ക്ഷേത്രക്കുളം സംരക്ഷിക്കാന്‍ ജനപ്രതിനിധികളും ക്ഷേത്ര സംരക്ഷണ സമിതി പ്രവര്‍ത്തകരും നാട്ടുകാരും അണിചേര്‍ന്നു.
അന്തിക്കാട് കാര്‍ത്യായനി ക്ഷേത്രക്കുളം സംരക്ഷിച്ചു നിലനിര്‍ത്താന്‍ വേണ്ടിയാണ് ഒരു ഗ്രാമം ഒന്നാകെ ഒത്തുചേര്‍ന്നത്. കടുത്ത വേനലില്‍ പോലും ജലസമൃദ്ധിയുള്ള ഈ കുളം നാല് ഏക്കര്‍ വിസ്തൃതിയിലാണ് നിലകൊള്ളുന്നത്. കുളം മലിനമാക്കാതെ എല്ലാകാലത്തും പ്രദേശവാസികള്‍ക്ക് ഉപയോഗിക്കാവുന്ന തരത്തില്‍ സംരക്ഷിച്ചു നിലനിര്‍ത്തുമെന്ന് ഒത്തുകൂടിയവര്‍ പ്രതിജ്ഞയെടുത്തു. അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാര്‍ ജലദിനാചരണം ഉദ്ഘാടനം ചെയ്തു. ഗ്രാമ പഞ്ചായത്ത് അംഗം എ.വി.ശ്രീവത്സന്‍ പ്രതിജ്ഞാ വാചകം ചൊല്ലി കൊടുത്തു. ഗ്രാമ പഞ്ചായത്ത് വൈസ് പ്രസിഡന്റ് ജ്യോതി രാമന്‍, അന്തിക്കാട് ദേവസ്വം ഓഫീസര്‍ അനില്‍ ആറാട്ടുപുഴ, ജനപ്രതിനിധികള്‍, വിവിധ രാഷ്ട്രീയ സംഘടനാ പ്രവര്‍ത്തകര്‍ എന്നിവര്‍ പങ്കെടുത്തു.
അന്തിക്കാട് അന്തിക്കാട് ഗ്രാമപഞ്ചായത്തിന്റെ വാര്‍ഷിക ബജറ്റ് അവതരിപ്പിച്ചു.
ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാറിന്റെ അദ്ധ്യക്ഷതയില്‍ വൈസ് പ്രസിഡന്റ് ജ്യോതിരാമനാണ് ബജറ്റ് അവതരിപ്പിച്ചത്. രൂക്ഷമായ വരള്‍ച്ചയെ മുന്നില്‍ കണ്ട് കുടിവെള്ള സ്രോതസ്സുകള്‍ക്കും അനുബന്ധ നിര്‍മ്മിതികള്‍ക്കുമായി എണ്‍പത് ലക്ഷം രൂപ നീക്കി വെച്ചു. ഭവന നിര്‍മ്മാണത്തിന് 80 ലക്ഷം, കമ്മ്യൂണിറ്റി ഹാള്‍ നിര്‍മ്മാണത്തിന് ഒരു കോടി, ദാരിദ്ര്യ ലഘൂകരണത്തിന് ഒരു കോടി 80ലക്ഷം, സാമൂഹികപെന്‍ഷന്‍ വിതരണത്തിന് രണ്ട് കോടി എന്നിങ്ങനെ ബജറ്റില്‍ തുക വകയിരുത്തി. 11 കോടി 29 ലക്ഷത്തി 38,481 രൂപ വരവും, 11 കോടി 14 ലക്ഷത്തി 25,000 രൂപ ചിലവും 14 ലക്ഷത്തി 63,481 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് അവതരിപ്പിച്ചത്. പതിമൂന്നാം പഞ്ചവത്സര പദ്ധതിയുടെ ഭാഗമായി അന്തിക്കാട് ഗ്രാമപഞ്ചായത്തിന്റെ ആസൂത്രണ വികസന സമിതിയില്‍ കോണ്‍ഗ്രസ്സ് പ്രതിനിധികളെ ചേര്‍ക്കാത്തതില്‍ പ്രതിഷേധിച്ച് കോണ്‍ഗ്രസ് അംഗങ്ങളായ ഷാജു മാളിയേക്കല്‍, ശാന്താ സോളമന്‍ എന്നിവര്‍ പ്രതിഷേധം രേഖപ്പെടുത്തി ബജറ്റ് അവതരണ യോഗത്തില്‍ നിന്ന് ഇറങ്ങിപ്പോയി.
ഇരിങ്ങാലക്കുട പൂമംഗലം പഞ്ചായത്ത് ഷോപ്പിംഗ് കോംപ്ലക്‌സ് നിര്‍മ്മാണം ബി.ജെ.പി പ്രവര്‍ത്തകര്‍ തടഞ്ഞു.
പൂമംഗലം ഒന്നാം വാര്‍ഡിലെ പുഞ്ചപാടത്ത് കരിങ്കല്‍ ഭിത്തി കെട്ടാനുള്ള പഞ്ചായത്തിന്റെ ശ്രമമാണ് പ്രവര്‍ത്തകര്‍ തടഞ്ഞത്. തണ്ണീര്‍ത്തടങ്ങളും വയലുകളും നികത്താനുള്ള ശ്രമമാണ് പഞ്ചായത്ത് നടത്തുന്നതെന്ന് ബി.ജെ.പി ആരോപിച്ചു. പാടത്തേക്ക് പോകാനുള്ള ബണ്ട് റോഡ് ഇല്ലാതാക്കാനുള്ള ശ്രമമാണ് നടക്കുന്നതെന്നും പ്രവര്‍ത്തകര്‍ കുറ്റപ്പെടുത്തി. ബി.ജെ.പി പ്രവര്‍ത്തകരായ സുഭാഷ് മാടത്തിങ്കല്‍, എന്‍.ജി.സേതുമാധവന്‍, സിബി കുന്നുമാക്കല്‍ തുടങ്ങിയവര്‍ നേതൃത്വം നല്‍കി.
മാള പുത്തന്‍ചിറ ഗ്രാമപഞ്ചായത്തിലെ ശാന്തിനഗറില്‍ മൊബൈല്‍ ടവര്‍ നിര്‍മ്മാണത്തിന് നല്‍കിയിരുന്ന അനുമതി പഞ്ചായത്ത് കമ്മറ്റി റദ്ദാക്കി.
മൊബൈല്‍ ടവര്‍ നിര്‍മ്മാണത്തിനെതിരെ നാട്ടുകാര്‍ പ്രതിഷേധവുമായി രംഗത്ത് വന്നതിനെ തുര്‍ന്നാണ് നേരത്തെ നല്‍കിയിരുന്ന അനുമതി പഞ്ചായത്ത് കമ്മറ്റി റദ്ദാക്കിയത്. ഈ വിഷയവുമായി ബന്ധപ്പെട്ട് സ്ഥലത്ത് ക്രമസമാധാന പ്രശ്‌നങ്ങള്‍ക്ക് സാധ്യതയുണ്ടെന്ന് പൊലീസ് റിപ്പോര്‍ട്ട് ഉണ്ടായിരുന്നു. ഇക്കാര്യം കൂടി കണക്കിലെടുത്താണ് അടിയന്തിര കമ്മറ്റി ചേര്‍ന്ന് തീരുമാനമെടുത്തത്. കൂടാതെ ടവര്‍ നിര്‍മ്മാണത്തിനായി സമര്‍പ്പിച്ച പ്ലാനില്‍ കാണിച്ചിട്ടുള്ള വിവരങ്ങള്‍ തെറ്റാണെന്നും അനുമതി റദ്ദാക്കാനുള്ള കാരണമായി പഞ്ചായത്ത് രേഖാമൂലം അറിയിച്ചു. ടവര്‍ സ്ഥാപിക്കുന്നതിനായി ബുധനാഴ്ച അടിത്തറ കോണ്‍ക്രീറ്റ് ചെയ്യാന്‍ ശ്രമിക്കുന്നതിനിടയിലാണ് പഞ്ചായത്ത് തീരുമാനം ഉണ്ടായത്. പഞ്ചായത്ത് തീരുമാനം രേഖാമുലം നല്‍കിയതോടെ നിര്‍മാണ പ്രവര്‍ത്തനങ്ങള്‍ നിര്‍ത്തിവെച്ചു. പ്രശ്‌നസാധ്യത കണക്കിലെടുത്ത് സ്ഥലത്ത് വന്‍ പൊലീസ് സന്നാഹം ഉണ്ടായിരുന്നു.
എരുമപ്പെട്ടി എരുമപ്പെട്ടി ഗ്രാമപഞ്ചായത്തിന്റെ ബജറ്റ് അവതരിപ്പിച്ചു
14 കോടി 67 ലക്ഷത്തി 12, 686 രൂപ വരവും 14 കോടി 54 ലക്ഷത്തി 25,800 രൂപ ചെലവും 12 ലക്ഷത്തി 86,886 രൂപ നീക്കിയിരിപ്പുമുള്ള മിച്ച ബജറ്റാണ് ഗ്രാമപഞ്ചായത്ത് വൈസ് പ്രസിഡന്റ് കെ.ഗോവിന്ദന്‍ കുട്ടി അവതരിപ്പിച്ചത്. കുടിവെള്ള ഭദ്രത ഉറപ്പ് വരുത്തന്നതിന് ഓപ്പണ്‍കിണര്‍ ഇല്ലാത്ത മുഴുവന്‍ കുടുംബങ്ങള്‍ക്ക് കിണര്‍ കുഴിക്കുന്നതിനും റീചാര്‍ജ്ജ് ചെയ്യുന്നതിനും ആവശ്യമായ കുടിവെള്ള പദ്ധതികള്‍ നടപ്പിലാക്കുന്നതിനാണ് ബജറ്റില്‍ കൂടുതല്‍ ഊന്നല്‍ നല്‍കിയിരിക്കുന്നത്. യോഗത്തില്‍ പ്രസിഡന്റ് മീനാ ശലമോന്‍ അധ്യക്ഷയായി.
കൊടുങ്ങല്ലൂര്‍ ഇന്ന് ഗള്‍ഫിലേക്ക് പോകാനിരുന്നയാള്‍ മദ്യലഹരിയില്‍ വീടാക്രമിച്ചു.
നാട്ടുകാര്‍ പിടികൂടി കെട്ടിയിട്ടയാളെ പോലീസ് കസ്റ്റഡിയിലെടുത്തു. മതിലകം പുതിയകാവ് സ്വദേശി ഷെമീര്‍ ആണ് ഗള്‍ഫില്‍ പോകുന്നതിന് പകരം പോലീസ് സ്‌റ്റേഷനിലെത്തിയത്. ഇന്നലെ അര്‍ദ്ധരാത്രിയോടെയായിരുന്നു സംഭവം. മദ്യലഹരിയില്‍ ഷെമീര്‍ കൊടുങ്ങല്ലൂര്‍ ചന്തപ്പുര കരിശാംകുളത്തിന് സമീപമുള്ള സത്യന്‍ എന്നയാളുടെ വീടിനു നേരെ ആക്രമണം നടത്തുകയായിരുന്നു. തല കൊണ്ടിടിച്ച് ഇയാള്‍ വീടിന്റെ ജനല്‍ചില്ലുകള്‍ തകര്‍ത്തു. വീട്ടുടമയും അയല്‍വാസികളും ചേര്‍ന്ന് ഇയാളെ കെട്ടിയിട്ട് പോലീസില്‍ അറിയിക്കുകയായിരുന്നു. തലയ്ക്ക് പരിക്കേറ്റ ഷമീറിനെ കൊടുങ്ങല്ലൂര്‍ താലൂക്ക് ആശുപത്രിയില്‍ പ്രഥമ ശുശ്രുഷ നല്‍കിയ ശേഷം തൃശൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.വീടാക്രമിച്ചതിന് ഷെമീറിനെതിരെയും , ഇയാളെ മര്‍ദിച്ചതിന് കണ്ടാലറിയാവുന്ന അഞ്ച് പേര്‍ക്കെതിരെയും പോലീസ് കേസെടുത്തു.
ചേലക്കര പഴയന്നൂര്‍ ബ്ലോക്ക് പഞ്ചായത്തിന്റെ ആഭിമുഖ്യത്തില്‍ ദേശീയ സമ്പാദ്യ ഏജന്റുമാര്‍ക്കായി മാലിന്യ സംസ്‌കരണവുമായി ബന്ധപ്പെട്ട് പരിശീലന പരിപാടി സംഘടിപ്പിച്ചു.
ബ്ലോക്ക് പഞ്ചായത്ത് പ്രസിഡന്റ് വി.വി.തങ്കമ്മ ഉദ്ഘാടനം ചെയ്തു. വൈസ് പ്രസിഡന്റ് എം.പത്മകുമാര്‍ അദ്ധ്യക്ഷനായിരുന്നു. റിട്ടയേര്‍ഡ് ബി.ഡി.ഒ. -കുമാരന്‍ ക്ലാസ് നയിച്ചു. ജൂനിയര്‍ ബി.ഡി.ഒ.- ഉണ്ണി, ജിയോ തുടങ്ങിയവര്‍ സംസാരിച്ചു.
വടക്കാഞ്ചേരി വടക്കാഞ്ചേരി നിയമസഭാ നിയോജക മണ്ഡലത്തെ സമ്പൂര്‍ണ വൈദ്യുതീകരണ മണ്ഡലമായി ശനിയാഴ്ച മന്ത്രി എ.സി.മൊയ്തീന്‍ പ്രഖ്യാപിക്കുമെന്ന് അനില്‍ അക്കര എം.എല്‍.എ അറിയിച്ചു.
നിയോജക മണ്ഡലത്തിലെ 63 കുടുംബങ്ങള്‍ക്ക് വൈദ്യുതി നല്‍കിയാണ് പദ്ധതി പൂര്‍ത്തീകരിച്ചിട്ടുള്ളത്.
എരുമപ്പെട്ടി കുന്നംകുളം-വടക്കാഞ്ചേരി റോഡില്‍ എരുമപ്പെട്ടി പോലീസ് സ്‌റ്റേഷന്‍, സ്‌കൂള്‍ എന്നിവയ്ക്ക് മുന്നിലുള്ള ഹമ്പ് വാഹന യാത്രക്കാര്‍ക്ക് അപകട ഭീഷണിയുയര്‍ത്തുന്നു.
ഹമ്പില്‍ അടയാളമിടാത്തതും സൂചനാബോര്‍ഡുകള്‍ സ്ഥാപിക്കാത്തതുമാണ് അപകടങ്ങള്‍ക്ക് ഇടയാക്കുന്നത്. ജില്ലയില്‍ ഏറ്റവും കൂടുതല്‍ വിദ്യാര്‍ത്ഥികള്‍ പഠിക്കുന്ന എരുമപ്പെട്ടി ഗവണ്‍മെന്റ് ഹയര്‍ സെക്കന്ററി സ്‌കൂളിലെ കുട്ടികളുടെ സുരക്ഷയ്ക്ക് വേണ്ടിയാണ് റോഡില്‍ രണ്ട് ഹമ്പുകള്‍ നിര്‍മ്മിച്ചിട്ടുള്ളത്. നാട്ടുകാരും, ഓട്ടോറിക്ഷ തൊഴിലാളികളും പോലീസും ഹമ്പില്‍ അടയാളങ്ങള്‍ രേഖപ്പെടുത്തിയിരുന്നെങ്കിലും ഇത് മാഞ്ഞു പോയതാണ് അപകടങ്ങള്‍ക്ക് ഇടയാക്കുന്നത്. ആലത്തൂര്‍-ഗുരുവായൂര്‍ സംസ്ഥാനപാത കൂടിയായ ഈ റോഡിലൂടെ നിരവധി വാഹനങ്ങളാണ് ഇടതടവില്ലാതെ സഞ്ചരിക്കുന്നത്. സ്ഥല പരിചയമില്ലാത്തവര്‍ ഓടിക്കുന്ന വാഹനങ്ങള്‍ ഹമ്പില്‍ ചാടി യാത്രക്കാര്‍ക്ക് പരിക്കേല്‍ക്കുന്നത് പതിവായിരിക്കുകയാണ്. കഴിഞ്ഞ ദിവസം ദമ്പതികള്‍ സഞ്ചരിച്ചിരുന്ന കാറ് ഹമ്പില്‍ ചാടി മുന്‍സീറ്റിലിരുന്നിരുന്ന യുവതിയുടെ തല ഗ്ലാസിലിടിച്ച് പരിക്കേറ്റിരുന്നു. ഹമ്പില്‍ ചാടി നിയന്ത്രണം നഷ്ടപ്പെടുന്ന ബൈക്കുകള്‍ മറിഞ്ഞ് യാത്രക്കാര്‍ക്ക് പരിക്കേല്‍ക്കുന്നതും നിത്യ സംഭവമാണ്. ഹമ്പില്‍ സ്ഥിരമായി നിലനില്‍ക്കുന്ന വിധത്തില്‍ അടയാളങ്ങളും സൂചനാ ബോര്‍ഡുകളും സ്ഥാപിക്കണമെന്ന് നാട്ടുകാര്‍ വര്‍ഷങ്ങളായി ആവശ്യപ്പെടുന്നുണ്ടെങ്കിലും പൊതുമരാമത്ത് വകുപ്പ് അധികൃതര്‍ ഇത് ചെവികൊള്ളുന്നില്ലെന്ന് ആക്ഷേപമുണ്ട്.
കൊടകര കൊടിയ വേനലിലും തെളിനീരിന്റെ അക്ഷയ ഖനിയായി കൊടകരയില്‍ ഒരു കിണര്‍. കൊടകര കുഭാരത്തെരുവില്‍ തെളിനീരിന്റെ നിറസമൃദ്ധിയുള്ള ഈ കിണര്‍ നാല്‍പ്പതോളം കുടുംബങ്ങള്‍ക്കാണ് ദാഹജലം നല്‍കുന്നത്.
കൊടകര കുംഭാര ത്തെരുവിലെ ആറ് പതിറ്റാണ്ടിലേറെ പഴക്കമുള്ള ഈ പൊതുകിണര്‍ ഇതുവരെ വറ്റിയിട്ടില്ല. 13 കോല്‍ താഴ്ചയുള്ള കിണറില്‍ എത്ര കടുത്ത വേനലിലും ആറടിയിലേറെ വെള്ളമുണ്ടാകും. പരമ്പരാഗത മണ്‍പാത്ര നിര്‍മ്മാണ തൊഴിലാളികളായ കുംഭാരസമുദായക്കാര്‍ തിങ്ങിപാര്‍ക്കുന്ന പ്രദേശത്ത് വേനലായാല്‍ കടുത്ത ജലക്ഷാമമാണ്. ഈ പൊതുകിണറും വാട്ടര്‍ അതോറിറ്റിയുടെ കുടിവെള്ള ടാപ്പുകളുമാണ് ഇവിടത്തെ കുടുംബങ്ങള്‍ക്കാശ്രയം. പൊതുടാപ്പിലെ വെള്ളം വീട്ടാവശ്യങ്ങള്‍ക്ക് ഉപയോഗിക്കുമ്പോള്‍ പൊതുകിണറില്‍ നിന്ന് കോരിയെടുക്കുന്ന വെള്ളമാണ് മിക്ക കുടംുബങ്ങളും കുടിക്കാനുപയോഗിക്കുന്നത്. ഉയര്‍ന്ന പ്രദേശമായിട്ടുകൂടി എത്ര കോരിയെടുത്താലും ജലനിരപ്പ് ഒട്ടും താഴാത്ത കിണര്‍ നാട്ടുകാര്‍ക്ക് വിസ്മയമാണ്. രണ്ട് വര്‍ഷം മുമ്പുള്ള വേനലില്‍ കിണര്‍ വൃത്തിയാക്കുന്നതിനായി മോട്ടോര്‍ ഉപയോഗിച്ച് വെള്ളം വറ്റിക്കാന്‍ ശ്രമം നടത്തി. എന്നാല്‍ മണിക്കൂറുകളോളം മോട്ടോര്‍ അടിച്ചിട്ടും കിണറിലെ ജലനിരപ്പ് കാര്യമായി താഴ്ന്നില്ല. ഒടുവില്‍ ചേറെടുത്ത് കിണര്‍ വൃത്തിയാക്കാനുള്ള നീക്കം ഉപേക്ഷിക്കേണ്ടി വന്നു. വറ്റാത്ത ജലസമൃദ്ധിയുണ്ടെങ്കിലും കിണറ്റില്‍ നിന്ന് വെള്ളം കോരി കുടങ്ങളില്‍ നിറച്ച് ചുമന്നുകൊണ്ടുപോകേണ്ട ഗതികേടിലാണ് ഇവിടുത്തുകാര്‍. ഇവരുടെ ദുരിതം പരിഹരിക്കുന്നതിന് കുഭാരകോളനിയില്‍ ജലവിതരണ പദ്ധതി സ്ഥാപിക്കാന്‍ പ്രാരംഭപ്രവര്‍ത്തനങ്ങള്‍ നടന്നെങ്കിലും പൂര്‍ത്തിയായില്ല. കോളനിക്കുള്ളില്‍ ജലസംഭരണി സ്ഥാപിക്കാന്‍ നിര്‍മ്മിച്ച കോണ്‍ക്രീറ്റ് കാലുകള്‍ നോക്കുകുത്തിയായി നില്‍ക്കുകയാണ്. പൊതുകിണറില്‍ നിന്ന് വെള്ളം പമ്പ് ചെയ്ത് കോളനിയില്‍ സ്ഥാപിക്കുന്ന ആറായിരം ലിറ്റര്‍ ശേഷിയുള്ള സംഭരണിയിലെത്തിച്ച് വിതരണം ചെയ്യാനായിരുന്നു പദ്ധതി തയ്യാറാക്കിയത്. എന്നാല്‍ പദ്ധതി പാതിവഴിയില്‍ സ്തംഭിച്ചതോടെ കുടങ്ങളില്‍ വെള്ളം നിറച്ച് ചുമന്നുകൊണ്ടുപോകേണ്ട ഗതികേട് കുംഭാരത്തെരുവിലുള്ളവര്‍ തുടരുകയാണിപ്പോഴും.
അന്തിക്കാട് ചെമ്മാപ്പിള്ളി ശ്രീരാമന്‍ചിറയില്‍ ജലം ശേഖരിച്ച് കുടിവെള്ള ക്ഷാമത്തിന് പരിഹാരം കാണണമെന്ന് ആവശ്യപ്പെട്ട് ലോക ജലദിനത്തില്‍ ഉപവാസം നടത്തി.
ശ്രീരാമന്‍ചിറ ജലവിനിയോഗ ജനകീയ സമിതിയുടെ നേതൃത്വത്തില്‍ ചെമ്മാപ്പിളളി സെന്ററില്‍ നടന്ന ഉപവാസ സമരം പ്രകൃതിസംരക്ഷണ വേദി സംസ്ഥാന കണ്‍വീനര്‍ പി.സുധാകരന്‍ ഉദ്ഘാടനം ചെയ്തു. കെ.വി.കുട്ടന്‍ അദ്ധ്യക്ഷത വഹിച്ചു. ജല തരംഗം പത്രാധിപന്‍ ഗോപാലകൃഷ്ണമൂര്‍ത്തി , സമിതി പ്രസിഡന്റ് ഇ.പി.ഹരീഷ്, ജനറല്‍ സെക്രട്ടറി കെ.ആര്‍.മോഹനന്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ സംസ്ഥാനത്താദ്യമായി കാല്‍മുട്ട് മാറ്റിവെയ്ക്കല്‍ ശസ്ത്രക്രിയ നടത്തിയ താലൂക്ക് ഗവണ്‍മെന്റ് ആശുപത്രിയെന്ന പേര് കൊടുങ്ങല്ലൂര്‍ താലൂക്ക് ഗവണ്‍മെന്റ് ആശുപത്രിക്ക് സ്വന്തം.
എല്ല് രോഗ വിദഗ്ദ്ധനായ ഡോ.തോമസ് മാമന്റെ നേതൃത്വത്തില്‍ ഡോ.. പ്രവീണ്‍, ഡോ.നിശാന്ത് ബഷീര്‍ എന്നിവരടങ്ങിയ സംഘമാണ് കാല്‍മുട്ട് മാറ്റിവെയ്ക്കല്‍ ശസ്ത്രക്രിയ വിജയകരമായി നടത്തിയത്. എടവിലങ്ങ് കാരമുളങ്ങത്ത് മുഹമ്മദിന്റെ ഭാര്യ 60കാരി മറിയുമ്മയുടെ ഇടതുകാല്‍ മുട്ടാണ് മാറ്റിവെച്ചത്. സ്വകാര്യ ആശുപത്രികളില്‍ ലക്ഷങ്ങള്‍ ചിലവ് വരുന്ന ശസ്ത്രക്രിയക്ക് താലൂക്ക് ഗവണ്‍മെന്റ് ആശുപത്രിയില്‍ അനുബന്ധ സാമഗ്രികളുടെ വില ഉള്‍പ്പടെ നാല്‍പ്പത്തി അയ്യായിരം രൂപമാത്രമാണ് ചിലവ് വന്നത്.
ചേലക്കര ചേലക്കര അന്തിമഹാകാളന്‍കാവില്‍ ക്ഷേത്രോപദേശക സമിതിയുടെ നേതൃത്വത്തില്‍ നിര്‍മ്മിച്ച നടപ്പുരയുടെ സമര്‍പ്പണം സ്‌പെഷല്‍ ദേവസ്വം കമ്മീഷണര്‍ ആര്‍.ഹരി നിര്‍വ്വഹിച്ചു.
യു. രാമചന്ദ്രന്‍ നായര്‍ അദ്ധ്യക്ഷനായി. അസിസ്റ്റന്റ് കമ്മീഷണര്‍ പി. ഡി. ശോഭ, ദേവസ്വം ഓഫീസര്‍ മനോജ് കുമാര്‍, മുന്‍ ദേവസ്വം ഓഫീസര്‍ ബാബു രാജ് തുടങ്ങിയവര്‍ സംസാരിച്ചു.
എരുമപ്പെട്ടി എയ്യാലിലെ നോട്ട്ബുക്ക് നിര്‍മ്മാണകേന്ദ്രം തീവെച്ച് നശിപ്പിക്കാന്‍ ശ്രമിച്ചതായി പരാതി.
എയ്യാല്‍ ക്ഷേത്രത്തിന് സമീപം രാമാട്ട് കേശവന്റെ വീടിനോട് ചേര്‍ന്നുള്ള ബുക്ക് നിര്‍മ്മാണകേന്ദ്രമാണ് ഇന്നലെ രാത്രിയില്‍ തീ വെയ്ക്കാന്‍ ശ്രമം നടത്തിയത്. സ്ഥാപനത്തിനടുത്ത് കൂട്ടിയിട്ടിരിക്കുന്ന കടലാസ് പെട്ടികള്‍ക്ക് തീ വെയ്ക്കുകയായിരുന്നെന്ന് പറയുന്നു. സംഭവം വീട്ടുകാരുടെ ശ്രദ്ധയില്‍പെട്ടതിനെ തുടര്‍ന്ന് തീ പടരുമ്പോഴേക്കും അണയ്ക്കാന്‍ കഴിഞ്ഞതിനാല്‍ വന്‍ ദുരന്തം ഒഴിവായി.
തൃപ്രയാര്‍ സുനാമി വീടിനായി മതിയായ രേഖകള്‍ സമര്പ്പി ച്ചിട്ടും അനുകൂല റിപ്പോര്ട്ട് ഉണ്ടായിട്ടും വികലാംഗനായ യുവാവിനെ നട്ടംതിരിച്ച് ഉദ്യോഗസ്ഥര്‍. വാടകവീട്ടില്‍ നിന്ന് ഒഴിഞ്ഞുമാറണമെന്ന വീട്ടുടമയുടെ ആവശ്യത്തെതുടര്‍ന്ന് പെരുവഴിയിലേക്കിറങ്ങേണ്ട ഗതികേടിലാണ് വാടാനപ്പള്ളി സ്വദേശി നായരുശ്ശേരി സുജിത്തും കുടുംബവും.
വാടാനപ്പള്ളി ചിലങ്ക ബീച്ച് ആലുങ്ങല്‍ ക്ഷേത്രത്തിന് സമീപം കഴിഞ്ഞ പതിനൊന്ന് മാസമായി വാടക വീട്ടില്‍ കഴിയുകയാണ് അവിവാഹിതനായ സുജിത്തും കുടുംബവും. പാരമ്പര്യമായി ബാര്‍ബറായിരുന്ന അച്ഛന്‍ സുബ്രഹ്മണ്യന്‍, അമ്മ സുശീല, അച്ഛമ്മ ജാനകി എന്നിവരാണ് വീട്ടില്‍ താമസിക്കുന്നത്. കൂലിപ്പണിയെടുത്ത് കുടുംബത്തിന് താങ്ങായിരുന്ന അമ്മ സുശീലക്ക് നട്ടെല്ലിന് ഗുരുതരമായി പരിക്കേറ്റതിനാല്‍ ചികിത്സയിലാണ്. സ്വന്തമായുണ്ടായിരുന്ന നാല്‌സെന്റ് സ്ഥലവും കൂരയും മകളുടെ വിവാഹത്തിനായി 8 വര്‍ഷം മുമ്പ് സുബ്രഹ്മണ്യന് വില്‍ക്കേ ണ്ടിവന്നു. ഇതോടെ വികലാംഗനായ മകന്‍ സുജിത്തിലായി കുടുംബത്തിന്റെന ഏക പ്രതീക്ഷ. സുഹൃത്തുക്കള്‍ വാങ്ങികൊടുത്ത മുച്ചക്രസൈക്കിളില്‍ ലോട്ടറി വിലപ്പനക്കാരനായി സുജിത്ത് തൊഴില്‍ കണ്ടെത്തി. ഇതിനിടെ ഒട്ടേറെ സ്ഥലങ്ങളിലായി വാടകവീടുകളില്‍ സുജിത്തും കുടുംബവും മാറിമാറി താമസിച്ചു. 2013 സെപ്റ്റംബര്‍ ഏഴിനാണ് തളിക്കുളത്തുള്ള സുനാമി വീടിനായി വാടാനപ്പള്ളി പഞ്ചായത്ത് സെക്രട്ടറിക്ക് സുജിത്ത് അപേക്ഷ നല്‍കുന്നത്. ഇതുസംബന്ധിച്ച റിപ്പോര്‍ട്ട് ഉടന്‍ നല്കാിന്‍ അന്നുതന്നെ ചാവക്കാട് തഹസില്‍ദാര്‍, വാടാനപ്പള്ളി പഞ്ചായത്ത് സെക്രട്ടറി,ഫിഷറീസ് ഡപ്പ്യൂട്ടി ഡയറക്ടര്‍ എന്നിവര്‍ക്ക് അന്നത്തെ ജില്ലാ കളക്ടര്‍ നിര്‌ദ്ദേ ശം നല്കി. എന്നാല്‍ നാലുവര്‍ഷം വൈകി ഈ മാസം 4ന് പഞ്ചായത്ത് സെക്രട്ടറി,കൃഷി ഓഫീസര്‍,ഫിഷറീസ് ഇന്‌സ്‌പെിക്ടര്‍ എന്നിവര്‍ ജില്ലാ കളക്ടര്‍ക്ക് സംയുക്ത റിപ്പോര്‍ട്ട് സമര്‍പ്പിച്ചു. സുജിത്തിന് സുനാമി വീടിനുള്ള അര്‍ഹത ഉണ്ടെന്നായിരുന്നു റിപ്പോര്‍ട്ട്. എന്നാല്‍ റിപ്പോര്‍ട്ട് കിട്ടിയിട്ടില്ലെന്നായിരുന്നു കളക്ടറെറ്റില്‍ നിന്ന് സുജിത്തിന് അറിയിപ്പ് ലഭിച്ചത്. തുടര്‍ന്ന് അമ്മ സുശീല ഇതുസംബന്ധിച്ച രേഖകളുമായി കളക്ടറെ നേരില്‍ കണ്ടു. എം.എസ് ജയ ജില്ലാ കളക്ടര്‍ ആയിരിക്കെ അപേക്ഷ നല്‍കിയവര്‍ക്ക് പോലും ഇതിനിടെ സുനാമി വീട് ലഭിച്ചു. 44 സുനാമി വീടുകളില്‍ 26 എണ്ണത്തില്‍ മാത്രമാണ് താമസമുള്ളത്. ഇതില്‍ ചില വീട്ടുക്കാര്‍ വീട് പൂട്ടി മറ്റിടങ്ങളിലാണ് താമസിക്കുന്നത്. വീടിനായി മുരളി പെരുന്നെല്ലി എം.എല്‍.എ. സാക്ഷ്യപ്പെടുത്തിയ കത്തും പിന്നീട് കളക്ടര്‍ക്ക് സുജിത്ത് നല്‍കിയെങ്കിലും ഫലമുണ്ടായില്ല. ഇതിനിടെ ഒരാഴ്ചക്കകം വീട് ഒഴിഞ്ഞുകൊടുക്കണമെന്ന വീട്ടുടമയുടെ സമയപരിധിയും കഴിഞ്ഞിരിക്കുകയാണ്. സുനാമി വീടുകള്‍ പതിനെട്ടെണ്ണം ബാക്കി ഉണ്ടായിട്ടും സുജിത്തിനും കുടുംബത്തിനും വീട് നിഷേധിക്കുകയാണ് ഉദ്യോഗസ്ഥര്‍ ചെയ്യുന്നതെന്ന് ആക്ഷേപമുണ്ട്. .അര്‍ഹതയില്ലാത്ത ഒട്ടേറെപേര്‍ സുനാമി വീട് സ്വന്തമാക്കിയിട്ടും ഇഴഞ്ഞുജീവിക്കുന്ന സുജിത്തിനും രോഗികളായ രക്ഷിതാക്കള്‍ക്കും വീടെന്ന ലക്ഷ്യം നേടാനായിട്ടില്ല. വീടിനകത്ത് നിന്ന് ഇഴഞ്ഞിറങ്ങുന്ന മകനെ അമ്മ ലോട്ടറി വില്പ്പിനക്ക് അയക്കുന്നതും,വൈകീട്ട് വീട്ടിലേക്ക് എടുത്തുകയറ്റുന്നതും ഏവര്ക്കും നൊമ്പരമുണ്ടാക്കുന്ന കാഴ്ചയാണ്.താല്ക്കാ ലികമായെങ്കിലും സുനാമി വീട് അനുവദിച്ചില്ലെങ്കില്‍ കളക്ടറേറ്റിന് മുന്‍പില്‍ തിങ്കളാഴ്ച മുതല്‍ നിരാഹാരസമരം നടത്താനുള്ള തീരുമാനത്തിലാണ് സുജിത്തും കുടുംബവും.
ഇരിങ്ങാലക്കുട സമഗ്രകുടിവെള്ള പദ്ധതി നടപ്പിലാക്കാത്തതില്‍ പ്രതിഷേധിച്ച് ബി.ജെ.പി പടിയൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ 36 മണിക്കൂര്‍ ദിനരാത്ര സമരം ആരംഭിച്ചു.
എടതിരിഞ്ഞിയില്‍ നടക്കുന്ന സമരം ബി.ജെ.പി ജില്ലാ പ്രസിഡന്റ് എ.നാഗേഷ് ഉദ്ഘാടനം ചെയ്തു. ബി.ജെ.പി പഞ്ചായത്ത് പ്രസിഡന്റ് അനൂപ് മാമ്പ്ര അധ്യക്ഷനായിരുന്നു. സന്തോഷ് ചെറാക്കുളം, ടി.എസ്.സുനില്‍കുമാര്‍, ബിനോയ് കോലാന്ത്ര തുടങ്ങിയവര്‍ സംസാരിച്ചു.
ഇരിങ്ങാലക്കുട ഇരിങ്ങാലക്കുട നിയോജകമണ്ഡലത്തിന്റെ സമ്പൂര്‍ണ വൈദ്യുതീകരണ പ്രഖ്യാപനം നടന്നു.
എം.എല്‍.എ. ഫണ്ടില്‍ നിന്ന് 25 ലക്ഷം രൂപയും കെ.എസ്.ഇ.ബി തനത് ഫണ്ടില്‍ നിന്ന് 31ദശാംശം 4 ലക്ഷം രൂപയും ചെലവഴിച്ചാണ് നിയോജകമണ്ഡലത്തിലെ 614 കുടുംബങ്ങള്‍ക്ക് വൈദ്യുതി എത്തിച്ചത്. സമ്പൂര്‍ണ വൈദ്യുതീകരണ പ്രഖ്യാപനം പ്രൊഫ.കെ.യു.അരുണന്‍ എം.എല്‍.എ നിര്‍വ്വഹിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് വി.എ.മനോജ് കുമാര്‍ അധ്യക്ഷനായിരുന്നു. ജില്ലാ പഞ്ചായത്ത് അംഗങ്ങളായ ടി.ജി.ശങ്കരനാരായണന്‍, എം.കെ.ഉദയപ്രകാശ്, കെ.എസ്.ഇ.ബി എക്‌സിക്യൂട്ടീവ് എഞ്ചീനിയര്‍ എം.നാരായണന്‍ തുടങ്ങിയവര്‍ സംസാരിച്ചു.
വടക്കാഞ്ചേരി വടക്കാഞ്ചേരി നഗരസഭയില്‍ പ്രവര്‍ത്തിക്കുന്ന ബീവറേജ് ഔട്ട്‌ലെറ്റ് പുതുരുത്തിയിലേക്ക് മാറ്റുന്നതിനെതിരെ നഗരസഭ പ്രതിപക്ഷ കൗണ്‍സിലര്‍മാര്‍ എക്‌സൈസ് ഓഫീസിന് മുന്നില്‍ ധര്‍ണ നടത്തി.
മുന്‍ എം.എല്‍.എ പി.എ.മാധവന്‍ ഉദ്ഘാടനം ചെയ്തു. കൗണ്‍സിലര്‍ കെ.അജിത്ത്കുമാര്‍ അധ്യക്ഷത വഹിച്ചു. എസ്.എ.എ.ആസാദ്, സിന്ധു സുബ്രഹ്മണ്യന്‍ , ബ്ലോക്ക് കോണ്‍ഗ്രസ് പ്രസിഡന്റ് ജിജോ കുര്യന്‍ എന്നിവര്‍ സംസാരിച്ചു.
തൃശൂര്‍ വാഹന ഇന്‍ഷൂറന്‍സ് 37 ശതമാനം വര്‍ദ്ധിപ്പിക്കുവാനുള്ള നീക്കത്തിനെതിരെ തൃശൂര്‍ ജില്ലാ പ്രൈവറ്റ് ബസ് ഓപ്പറേറ്റേഴ്‌സ് അസോസിയേഷന്‍ പ്രതിഷേധ ധര്‍ണ നടത്തി.
തൃശൂര്‍ സ്വരൗജ് റൗണ്ടിലെ ന്യൂ ഇന്ത്യ അഷൂറന്‍സ് കമ്പനിക്കു സമീപം സംഘടിപ്പിച്ച ധര്‍ണ അസോസിയേഷന്‍ ജില്ലാ പ്രസിഡന്റ് എം.എസ്.പ്രേംകുമാര്‍ ഉദ്ഘാടനം ചെയ്തു. ജനറല്‍ സെക്രട്ടറി ആന്റോ ഫ്രാന്‍സീസ് അധ്യക്ഷത വഹിച്ചു. പുതിയ ഇന്‍ഷൂറന്‍സ് നിരക്കനുസരിച്ച് ഒരു ബസിന് 18,000 രൂപയുടെ വര്‍ദ്ധനവാണ് നിലവില്‍ വരിക. കേന്ദ്രസര്‍ക്കാര്‍ ഇടപെട്ട് ഇന്‍ഷൂറന്‍സ് തുക വര്‍ദ്ധനവ് പിന്‍വലിക്കണമെന്നാവശ്യപ്പെട്ടാണ് ധര്‍ണ സംഘടിപ്പിച്ചത്.
വടക്കാഞ്ചേരി മൃഗസംരക്ഷണ വകുപ്പിന്റെ ആഭിമുഖ്യത്തില്‍ പട്ടികജാതി വിഭാഗങ്ങള്‍ക്ക് ആടുകളെ നല്‍കുന്ന പദ്ധതിയുടെ വടക്കാഞ്ചേരി നഗരസഭാതല ഉദ്ഘാടനം ഓട്ടുപാറ മൃഗാശുപത്രിയില്‍ നടന്നു.
നഗരസഭ വികസന സ്റ്റാന്റിംഗ് കമ്മിറ്റി ചെയര്‍മാന്‍ എം.ആര്‍.സോമനാരായണന്‍ ഉദ്ഘാടനം ചെയ്തു. കൗണ്‍സിലര്‍മാരായ ലൈല നസീര്‍, ഷാനവാസ്, ഡോ.ജോ കുരിയാക്കോസ് എന്നിവര്‍ സംസാരിച്ചു.
മുളങ്കുന്നത്തുകാവ് മുളങ്കുന്നത്തുകാവ് ഓവര്‍ ബ്രിഡ്ജിന് സമീപം റെയില്‍വേ ട്രാക്കിനടുത്ത് നില്‍ക്കുകയായിരുന്ന മൂന്ന് പേരില്‍ ഒരാള്‍ ട്രെയിന്‍ തട്ടി മരിച്ചു.
രണ്ട് പേര്‍ക്ക് പരിക്കേറ്റു. ഇന്നലെ രാത്രിപത്തരയോടെയാണ് സംഭവം. തമിഴ്‌നാട് സ്വദേശികളായ മൂന്ന് പേര്‍ റെയില്‍വേ ട്രാക്കിന് സമീപം നില്‍ക്കുന്നതിനിടെയാണ് ട്രെയിന്‍ തട്ടിയത്. അതിവേഗത്തില്‍ പോയിരുന്ന ട്രെയിനിന്റെ കാറ്റിന്റെ ശക്തിയില്‍ റെയില്‍വേട്രാക്കിന് സമീപത്തെ കുഴിയിലേക്ക് വീണാണ് രണ്ട് പേര്‍ക്ക് പരിക്കേറ്റത്. പരിക്കേറ്റവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മരിച്ചായളെ തിരിച്ചറിഞ്ഞിട്ടില്ല.
ചെറുതുരുത്തി ചെറുതുരുത്തി കൊച്ചിന്‍ പാലത്തിനു സമീപം മധ്യവയസ്‌കനെ മരിച്ചനിലയില്‍ കണ്ടെത്തി.
ചെറുതുരുത്തി സ്വദേശി ഒറവന്‍ പാടത്ത് വീട്ടില്‍ 54 വയസുള്ള സുരേന്ദ്രന്‍ ആണ് മരിച്ചത്.
പുതുക്കാട് വരാക്കര കാളക്കല്ലില്‍ പാര്‍ക്ക് ചെയ്തിരുന്ന ബസിന്റെ ചില്ല് കല്ലെറിഞ്ഞ് തകര്‍ത്തു.
ഇന്നലെ രാത്രി 11 -ഓടെയായിരുന്നു സംഭവം. തൃശൂര്‍-പാലപ്പിള്ളി റൂട്ടിലോടുന്ന സീനമോള്‍ ബസിന്റെ മുന്‍വശത്തെ ചില്ലാണ് കല്ലെറിഞ്ഞ് തകര്‍ത്തത്. സ്വകാര്യ വ്യക്തിയുടെ സ്ഥലത്ത് പാര്‍ക്ക് ചെയ്തിരുന്ന ബസിനു നേരെ ബൈക്കിലെത്തിയ രണ്ട് പേരാണ് കല്ലെറിഞ്ഞതെന്ന് നാട്ടുകാര്‍ പറഞ്ഞു. ശബ്ദം കേട്ട് സ്ഥലത്തെത്തിയവരെ കണ്ട് കല്ലെറിഞ്ഞവര്‍ ബൈക്കില്‍ രക്ഷപ്പെടുകയായിരുന്നു. ഇതേ റൂട്ടില്‍ സര്‍വീസ് നടത്തുന്ന മറ്റൊരു ബസ് സമയക്രമം പാലിക്കാതെ ഓടുന്നതുമായി ബന്ധപ്പെട്ട് സീനമോള്‍ ബസിന്റെ ഉടമ ഹൈക്കോടതിയെ സമീപിച്ചിരുന്നു. ഇതിലുള്ള വൈരാഗ്യമാണ് സംഭവത്തിന് പിന്നിലെന്ന് കരുതുന്നു. വരന്തരപ്പിള്ളി പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
കയ്പമംഗലം വിലക്കയറ്റത്തിലും സ്ത്രീകള്‍ക്കെതിരെയുള്ള അതിക്രമങ്ങളിലും പ്രതിഷേധിച്ച് കോണ്‍ഗ്രസ് എടത്തിരുത്തി മണ്ഡലം കമ്മിറ്റിയുടെ ആഭിമുഖ്യത്തില്‍ ധര്‍ണ നടത്തി.
ഡി.സി.സി സെക്രട്ടറി കെ.അജിത്ത്കുമാര്‍ ധര്‍ണ ഉദ്ഘാടനം ചെയ്തു. മണ്ഡലം പ്രസിഡന്റ് ടി.കെ.പ്രകാശന്‍ അധ്യക്ഷത വഹിച്ചു. സലിം പോക്കാക്കില്ലത്ത്, എം.യു.ഉമറുല്‍ ഫാറൂഖ്, കെ.കെ.രാജേന്ദ്രന്‍ എന്നിവര്‍ സംസാരിച്ചു.
കടങ്ങോട് കടങ്ങോട് പഞ്ചായത്ത് പ്രവാസി അസോസിയേഷന്‍ ഏര്‍പ്പെടുത്തിയ 'കടങ്ങോട് പഞ്ചായത്ത് പ്രവാസി അവാര്‍ഡ് പൊതുപ്രവര്‍ത്തകന്‍ കരീം പന്നിത്തടത്തിന് സമ്മാനിക്കുമെന്ന് ഭാരവാഹികള്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു
ഏപ്രിലില്‍ യു.എ.ഇ.യില്‍ നടക്കുന്ന പ്രവാസി സംഗമത്തില്‍ നാല്‍പതിനായിരം രൂപയും ശില്പവും പ്രശസ്തി പത്രവുമടങ്ങുന്ന അവാര്‍ഡ് നല്‍കും. പ്രവാസി അസോസിയേഷന്‍ പ്രസിഡന്റ് വി.കെ.മജീദ്, സെക്രട്ടറി ഷംസുദ്ദീന്‍ കോട്ട, ടി.ആര്‍.രഞ്ജു, പി.എസ്.ഉണ്ണികൃഷ്ണന്‍, ഷിഹാസ് അഹമ്മദ് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.
പുതുക്കാട് പുതുക്കാട് മണ്ഡലത്തിലെ പ്രധാനപെട്ട റോഡുകളിലൊന്നായ മണ്ണംപേട്ട പാലപ്പിള്ളി റോഡ് അവഗണനയില്‍. ഏറെ തിരക്കേറിയ റോഡ് വീതികൂട്ടി ടാറിംഗ് നടത്തണമെന്ന ആവശ്യമാണ് വര്‍ഷങ്ങളായി അവഗണിക്കപെടുന്നത്.
മണ്ണംപേട്ട പാലപ്പിള്ളി റോഡിന്റെ ആമ്പല്ലൂര്‍ മുതല്‍ മണ്ണംപേട്ട വരെയുള്ള ഭാഗത്തിന്റെ വികസനത്തിനായി നാല് കോടി രൂപയും, പാലപ്പിള്ളി മുതല്‍ ചിമ്മിനി ഡാം വരെയുള്ള റോഡിന് 20 കോടി രൂപയും അനുവദിച്ചിരുന്നു. എന്നാല്‍ ഈ റോഡില്‍ ഉള്‍പ്പെടുന്ന മണ്ണംപേട്ട മുതല്‍ പാലപ്പിള്ളി വരെയുള്ള പന്ത്രണ്ട് കിലോമീറ്ററോളം വരുന്ന റോഡിനാണ് ഫണ്ട് അനുവദിക്കാത്തത്. 25 കിലോമീറ്റര്‍ ദൂരമുള്ള റോഡില്‍ ആമ്പല്ലൂര്‍ മുതല്‍ പാലപ്പിള്ളി വരെയുള്ള ഭാഗത്താണ് വാഹന തിരക്കും ജനത്തിരക്കും കൂടുതലുള്ളത്. റോഡിന്റെ ഇരുവശങ്ങളിലുമായി പതിനൊന്ന് സ്‌കൂളുകളും ആരാധനാലയങ്ങളും, വനംവകുപ്പിന്റെ കെ.എഫ്.ആര്‍.ഐ. യും ആശുപത്രിയും പ്രവര്‍ത്തിക്കുന്നുണ്ട്. എന്നാല്‍ രണ്ടായിരത്തില്‍ താഴെ ജനസംഖ്യയുള്ള പാലപ്പിള്ളിചിമ്മിനി പ്രദേശങ്ങളിലൂടെയുള്ള റോഡിന് 20 കോടി രൂപ ബജറ്റില്‍ നീക്കിവച്ചതാണ് നാട്ടുകാരുടെ പ്രതിഷേധത്തിന് ഇടവരുത്തിയത്. മണ്ണംപേട്ട മുതല്‍ പാലപ്പിള്ളി വരെയുള്ള റോഡ് പൊട്ടി പൊളിഞ്ഞ് കിടക്കുകയാണ്. കൂടാതെ റോഡിന്റെ പ്രധാന ജംഗ്ഷനുകളുടെ വികസനം നടക്കാത്തതുമൂലം പലയിടത്തും രൂക്ഷമായ ഗതാഗതകുരുക്കാണ് അനുഭവ്വെടുന്നത്. മലയോര മേഖലയിലെ പ്രധാന സെന്ററായ വരന്തരപ്പിള്ളിയില്‍ അമ്പത് കൊല്ലത്തിന് മുന്‍പുള്ള അതേ ഗതാഗത സൗകര്യങ്ങളാണ് ഇപ്പോഴും നിലനില്ക്കുയന്നത്. റോഡിന്റെ അപര്യാപ്തതയും കൈയേറ്റവും മൂലം വരന്തരപ്പിള്ളി സെന്ററില്‍ ഗതാഗത കുരുക്ക് പതിവാണ്. മണ്ണംപേട്ട - പാലപ്പിള്ളി റോഡിലെ കയ്യേറ്റങ്ങള്‍ പൊളിച്ച് വീതി കൂട്ടി വാഹന സഞ്ചാരം സുഗമമാക്കണമെന്നാണ് നാട്ടുകാരുടെ ആവശ്യം.
ചാലക്കുടി മലക്കപ്പാറ പെരുമ്പാറയിലെ പട്ടികവര്‍ഗ കമ്മ്യൂണിറ്റി ഹാള്‍ അനാഥാവസ്ഥയില്‍.
22 ലക്ഷം രൂപ ചെലവില്‍ നിര്‍മ്മിച്ച കെട്ടിടം അനുബന്ധ സൗകര്യങ്ങളില്ലാതെ വെറുതെ കിടക്കാന്‍ തുടങ്ങിയിട്ട് 5 വര്‍ഷമായി. പി.ആര്‍. രാജന്‍ എം.പിയുടെ പ്രാദേശിക വികസന ഫണ്ട് ഉപയോഗിച്ച് കെട്ടിടം നിര്‍മ്മിക്കുമ്പോള്‍ എത്രയും വേഗം പൂര്‍ണ്ണ തോതിലാക്കുമെന്ന് അന്നത്തെ പഞ്ചായത്ത് ഭരണ സമിതി ഉറപ്പുനല്‍കിയിരുന്നു. എന്നാല്‍ വാക്ക് പാഴായപ്പോള്‍ കമ്മ്യൂണിറ്റി ഹാളിന് നഷ്ടപ്പെട്ടത് പ്രാഥമിക സൗകര്യവും കൂടിയാണ്. ഹാളില്‍ ഇതുവരെയും വൈദ്യുതീകരണ സംവിധാനം ഏര്‍പ്പെടുത്തിയിട്ടില്ല. പൈപ്പും ടാപ്പും ഇല്ലാത്തതിനാല്‍ കെട്ടിടത്തിനായെടുത്ത കുടിവെള്ള കണക്ഷനും പ്രയോജനപ്പെടുത്താനാകുന്നില്ല. ജില്ലാ പഞ്ചായത്തിന്റെ ഫണ്ട് ഉപയോഗിച്ച് വാട്ടര്‍ ടാങ്ക് നിര്‍മ്മിച്ചിട്ടുണ്ട്. കാടിന്റെ മക്കളുടെ സാമൂഹിക വികസനത്തിനായി നിര്‍മ്മിച്ച കമ്മ്യൂണിറ്റി ഹാള്‍ നോക്കാനാളില്ലാത്ത സ്ഥിതിയാണ്.
ചാവക്കാട് ചാവക്കാട് ഹനീഫ വധക്കേസ് പുതിയ സംഘം അന്വേഷണം തുടങ്ങി.
തിരുവനന്തപുരം ക്രൈംബ്രാഞ്ച് എസ്.പി - കെ.വി സന്തോഷിന്റെ നേതൃത്വത്തിലുള്ള സംഘമാണ് അന്വേഷണം തുടങ്ങിയത്. സി.ഐ മാരായ വി.കെ രാജു, സനല്‍ കുമാര്‍ എന്നിവരുടെ നേതൃത്വത്തിലുള്ള സംഘമാണ് അന്വേഷിക്കുന്നത്. കൊലപ്പെട്ട ഹനീഫയുടെ ഭാര്യ നല്‍കിയ പരാതിയുടെ അടിസ്ഥാനത്തിലാണ് പുതിയ സംഘത്തിന്റെ അന്വേഷണം. കേസ് ഏറ്റെടുത്ത പുതിയ അന്വേഷണ സംഘം പരാതിക്കാരില്‍ നിന്ന് മൊഴിയെടുത്തു. സംഭവസ്ഥലം പരിശോധിക്കുകയും ചെയ്തു. 2015 ഓഗസ്റ്റ് 7 നാണ് ഹനീഫ കൊല്ലപ്പെട്ടത്.
തൃശൂര്‍ സി.എ.വിദ്യാര്‍ത്ഥിയായിരുന്ന മിഷേലിന്റെ മരണത്തില്‍ അനുശോചിച്ച് സി.എ. വിദ്യാര്‍ത്ഥികളുടെ നേതൃത്വത്തില്‍ തൃശൂരില്‍ റാലി സംഘടിപ്പിച്ചു.
വിദ്യാര്‍ത്ഥി കോര്‍ണറില്‍ നിന്ന് ആരംഭിച്ച റാലി നഗരം ചുറ്റി തെക്കേ ഗോപുരനടയില്‍ സമാപിച്ചു. തുടര്‍ന്ന് നടന്ന കൂട്ടായ്മയില്‍ സീനിയര്‍ ചാര്‍ട്ടേര്‍ഡ് അക്കൗണ്ടന്റ് സി.എ.വേണുഗോപാല മേനോന്‍, നന്ദകിഷോര്‍, പ്രമോദ് വാര്യര്‍, അതുല്‍വാര്യര്‍ എന്നിവര്‍ സംസാരിച്ചു. തുടര്‍ന്ന് വിദ്യാര്‍ത്ഥികളുടെ നേതൃത്വത്തില്‍ ദീപം തെളിയിച്ചു. മിഷേലിന്റെ ഛായാചിത്രത്തിനു മുന്നില്‍ പുഷ്പാര്‍ച്ചനയും നടത്തി.
നെടുപുഴ ബസുകളില്‍ യാത്രക്കാരികളായ സ്ത്രീകളുടെ ആഭരണവും പണവും മോഷ്ടിക്കുന്ന തമിഴ് സ്ത്രീയെ നെടുപുഴ പോലീസ് അറസ്റ്റ് ചെയ്തു.
മധുര സ്വദേശിനി പൂമാലിയെന്ന് വിളിക്കുന്ന വിജയയെയാണ് എസ്.ഐ -സതീഷ് കുമാരന്റെ നേതൃത്വത്തിലുള്ള സംഘം അറസ്റ്റ് ചെയ്തത്. ചിയ്യാരം ക്രിസ്റ്റഫര്‍ നഗറില്‍ നിന്നാണ് ഇവര്‍ പിടിയലായത്. പോലീസിന് ലഭിച്ച രഹസ്യ വിവരത്തെ തുടര്‍ന്ന് ഇവരെ പിന്‍തുടര്‍ന്ന് പിടികൂടുകയായിരുന്നു. വരന്തരപ്പിള്ളി റൂട്ടിലോടുന്ന ബസിലെ യാത്രക്കാരിയുടെ പണമടങ്ങിയ പേഴ്‌സ് മോഷ്ടിച്ച ശേഷം ഇവര്‍ ക്രിസ്റ്റഫ് നഗറില്‍ നിന്ന് ഓട്ടോറിക്ഷയില്‍ കയറി സ്ഥലം വിട്ടു. സ്ഥിരമായി ബസുകളില്‍ കയറി മോഷണം നടത്തുന്ന തമിഴ് സ്ത്രീയെ തിരിച്ചറിഞ്ഞ യുവാവാണ് പോലീസില്‍ വിവരം അറിയിച്ചത്. പോലീസ് പിടികൂടിയ ശേഷം തമിഴ് സ്ത്രീയുടെ പക്കലുണ്ടായിരുന്ന പേഴ്‌സില്‍ നിന്നു ലഭിച്ച ഫോണ്‍ നമ്പറില്‍ വിളിച്ചപ്പോഴാണ് തന്റെ പേഴ്‌സ് മോഷണം പോയ കാര്യം സ്ത്രീ അറിഞ്ഞത്.
മുക്കാട്ടുകര മുക്കാട്ടുകരയില്‍ പാടത്ത് മലമ്പാമ്പിനെ കണ്ടെത്തിയ സ്ഥലത്ത് പോത്തിന്‍കുട്ടിയെ ചത്ത നിലയില്‍ കണ്ടെത്തി.
ഇതേ തുടര്‍ന്ന് പ്രദേശവാസികള്‍ക്കിടയില്‍ ആശങ്ക ഉയര്‍ന്നിട്ടുണ്ട്. വനംവകുപ്പ് ഉദ്യോഗസ്ഥര്‍ സ്ഥലത്ത് ബുധനാഴ്ച പരിശോധന നടത്തും.
ചേലക്കര എ.ഐ.വൈ.എഫ് കൊണ്ടാഴി പഞ്ചായത്ത് കമ്മിറ്റിയുടെ നേതൃത്വത്തില്‍ കൊണ്ടാഴി-മായന്നൂര്‍ വില്ലേജ് ഓഫീസ് ഉപരോധിച്ചു.
കൊണ്ടാഴി ഗ്രാമപഞ്ചായത്തിലെ വരള്‍ച്ചാബാധിത പ്രദേശങ്ങളില്‍ കിയോസ്‌ക് സ്ഥാപിക്കുവാനുള്ള നടപടികള്‍ വൈകുന്നതില്‍ പ്രതിഷേധിച്ചായിരുന്നു സമരം. ഉപരോധത്തെ തുടര്‍ന്ന് വില്ലേജ് ഓഫീസറും, തഹസില്‍ദാറും തമ്മില്‍ ചര്‍ച്ച നടത്തി. കിയോസ്‌ക് സ്ഥാപിക്കുവാനുള്ള ടെണ്ടര്‍ വിളിച്ചിട്ടുണ്ടെന്നും, മറ്റു നടപടികള്‍ എത്രയും വേഗം കൈകൊള്ളുമെന്നുമുള്ള ഉദ്യോഗസ്ഥരുടെ ഉറപ്പിന്റെ അടിസ്ഥാനത്തില്‍ പ്രവര്‍ത്തകര്‍ പിന്നീട് ഉപരോധം അവസാനിപ്പിച്ചു. പഞ്ചായത്തിലെ കേരകക്കുന്ന്, വാഴാട്, ഒന്നാംകല്ല്, മായന്നൂര്‍ ഉള്‍പ്രദേശം എന്നിവിടങ്ങളിലാണ് 10,000 ലിറ്ററിന്റെ കിയോസ്‌ക് സ്ഥാപിക്കുന്നത്. എ.ഐ.വൈ.എഫ് ചേലക്കര മണ്ഡലം സെക്രട്ടറി കെ.എസ്. ദിനേഷ്, വൈസ് പ്രസിഡന്റ് പി.ആര്‍. കൃഷ്ണകുമാര്‍, കൊണ്ടാഴി പഞ്ചായത്ത് കമ്മിറ്റി സെക്രട്ടറി ജെയ്‌സണ്‍ മത്തായി, പ്രസിഡന്റ് ടി.എസ്. സുമേഷ് തുടങ്ങിയവര്‍ ഉപരോധത്തിന് നേതൃത്വം നല്‍കി.
തൃപ്രയാര്‍ എങ്ങണ്ടിയൂരില്‍ ഗൃഹനാഥന്‍ വീടിനുള്ളില്‍ ജീവനൊടുക്കിയത് കടബാധ്യതയെ തുടര്‍ന്നുള്ള ബാങ്കിന്റെ ജപ്തി നടപടി ഭയന്നാണെന്ന് ആരോപണം.
ഏങ്ങണ്ടിയൂര്‍ ചന്തപ്പടി സ്വദേശി പാട്ടത്തിപറമ്പില്‍ ശിവശങ്കരനാണ് കഴിഞ്ഞ ദിവസം ജീവനൊടുക്കിയത്. പെയിന്റിംഗ് തൊഴിലാളിയായ ഇയാള്‍ മകളുടെ വിവാഹാവശ്യത്തിനായി ജില്ലാ സഹകരണ ബാങ്കില്‍ നിന്ന് പത്ത് ലക്ഷത്തോളം രൂപ വായ്പ എടുത്തിരുന്നു. പലിശ അടച്ചുവരുന്നതിനിടെ കഴിഞ്ഞവര്‍ഷം സെപ്റ്റംബര്‍ 29ന് പന്ത്രണ്ട് ലക്ഷത്തി തൊണ്ണൂറ്റി ഒമ്പതിനായിരത്തി എണ്ണൂറ്റി അമ്പത്തെട്ട് രൂപ രണ്ട് മാസത്തിനകം അടയ്ക്കണമെന്ന ബാങ്കിന്റെ ഡിമാന്റ് നോട്ടീസ് ശിവശങ്കരന് ലഭിച്ചിരുന്നു. ഇതിനിടെ വിദേശത്തുള്ള മകന് ശമ്പളം ലഭിക്കാത്തതിനാല്‍ കൂടുതല്‍ പ്രതിസന്ധിയിലുമായി. ഇക്കഴിഞ്ഞ പതിനാറിന് വ്യാഴാഴ്ച ശിവശങ്കരന്റെ പേരിലുള്ള സ്ഥലവും മറ്റും കൈവശപ്പെടുത്തിയതായുള്ള ബാങ്കിന്റെ നോട്ടീസും ലഭിച്ചു. ബാങ്കില്‍ പലിശ അടയ്ക്കാന്‍ പലരില്‍ നിന്നുമായി ശിവശങ്കരന്‍ പലിശക്കും കടം എടുത്തിരുന്നു.
അന്തിക്കാട് കള്ളന്‍മാരെ പിടികൂടാന്‍ ഉറക്കമൊഴിച്ച് പോലീസും നാട്ടുകാരും.
താന്ന്യം പ്രദേശത്തെ വിവിധ ഭാഗങ്ങളിലാണ് കഴിഞ്ഞ ദിവസം രാത്രിയില്‍ മോഷ്ടാക്കളുടെ ശല്യം ഉണ്ടായത്. പെരിക്കോട്ടുകര ശിപായി മുക്ക് പരിസരത്ത് രാത്രി എട്ടരയോടെയും തൃപ്രയാര്‍ കിഴക്കേ പൈന്നൂര്‍ പ്രദേശത്ത് പുലര്‍ച്ചെ രണ്ടരയോടെയുമാണ് മോഷ്ടാക്കളെ കണ്ടത്. പെരിങ്ങോട്ടുകരയില്‍ സത്രീകള്‍ മാത്രം താമസിക്കുന്ന വീട്ടിലാണ് സംഭവം. പൈനൂരില്‍ വീട്ടുകാര്‍ മോഷ്ടാവിനെ കണ്ടു. ബര്‍മൂഡ ധരിച്ച് കണ്ണിന് അടിയില്‍ വെളുത്ത ചായം വരച്ചാണ് മോഷ്ടാക്കള്‍ വന്നത് എന്ന് വീട്ടുകാര്‍ പറഞ്ഞു. പോലീസും നാട്ടുകാരും മോഷ്ടാക്കളെ പിടികൂടാന്‍ സജീവമായി രംഗത്ത് ഉണ്ട്. പഞ്ചായത്തിലെ പല പ്രദേശത്തും വിജനമായ പാടങ്ങളും കുറ്റിക്കാടുകളും ഉള്ളതിനാല്‍ മോഷ്ടാക്കള്‍ക്ക് ഒളിച്ചിരിക്കാന്‍ പറ്റിയ അന്തരീക്ഷമാണ് ഉള്ളത്. കഴിഞ്ഞ ദിവസങ്ങളില്‍ പഴുവില്‍ ഗോകുലം സ്‌കൂള്‍ പരിസരം, കരുവാന്‍ വളവ് എന്നിവിടങ്ങളിലും മോഷ്ടാക്കളുടെ ശല്യം ഉണ്ടായി. പോലീസിന്റെ രാത്രികാല പട്രോളിങ്ങ് നാട്ടുകാരുടെ സഹായത്തോടെ സജീവമാക്കിയിട്ടുണ്ട്.
പുന്നയൂര്‍കുളം വടക്കേകാട്, പുന്നയൂര്‍ പഞ്ചായത്തുകളെ ബന്ധിപ്പിക്കുന്ന ആലാപാലം അണ്ടിക്കോട്ട്കടവ് റോഡ് ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ ഉദ്ഘാടനം ചെയ്തു.
പുന്നയൂര്‍ പഞ്ചായത്ത് വൈസ് പ്രസിഡണ്ട് ആര്‍.പി. ബഷീര്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡണ്ട് ഉമ്മര്‍ മുക്കണ്ടത്ത് മുഖ്യാതിഥി ആയിരുന്നു. വടക്കേക്കാട് പഞ്ചായത്ത് പ്രസിഡണ്ട് മറിയും മുസ്തഫ മുഖ്യ പ്രഭാഷണം നടത്തി.
പാവറട്ടി മുല്ലശേരി പഞ്ചായത്തില്‍ ജനകീയാസൂത്രണ പദ്ധതിയിലുള്‍പ്പെ ടുത്തി കോഴിക്കുഞ്ഞുങ്ങളെ വിതരണം ചെയ്തു.
ഗ്രാമസഭ വഴി തിരഞ്ഞെടുത്ത 150 ഗുണഭോക്താക്കള്‍ക്കാണ് കോഴിക്കുഞ്ഞുങ്ങളെ വിതരണം ചെയ്തത്. പഞ്ചായത്ത് പ്രസിഡന്റ് എ.കെ.ഹുസൈന്‍ വിതരണോദ്ഘാടനം നിര്‍വ്വഹിച്ചു. പഞ്ചായത്ത് വൈസ് പ്രസിഡന്റ് ചന്ദ്രകല മനോജ് അദ്ധ്യക്ഷയായിരുന്നു. പഞ്ചായത്തംഗങ്ങളായ ക്ലമന്റ് ഫ്രാന്‍സിസ്, ശ്രീദേവി ജയരാജ്, ബബിത ലിജോ എന്നിവര്‍ സംസാരിച്ചു.
ഇരിങ്ങാലക്കുട ഇരിങ്ങാലക്കുട അറവുശാലയ്ക്കു സമീപം ടവര്‍ സ്ഥാപിക്കാന്‍ റിലയന്‍സിന് അനുമതി നല്‍കിയ ഉദ്യോഗസ്ഥര്‍ക്കെതിരെ പ്രതിഷേധം ശക്തമാകുന്നു.
വിഷയം ചര്‍ച്ച ചെയ്യാന്‍ ചേര്‍ന്ന അടിയന്തിര കൗണ്‍സിലില്‍ ഭരണപക്ഷവും പ്രതിപക്ഷവും ഉദ്യോഗസ്ഥര്‍ക്കെതിരെ രൂക്ഷവിമര്‍ശനമാണ് ഉന്നയിച്ചത്. സാധാരണക്കാര്‍ക്ക് നഗരസഭയില്‍ ആവശ്യങ്ങള്‍ക്കായി നിരവധി തവണ കയറിയിറങ്ങേണ്ടി വരുമ്പോള്‍ റിലയന്‍സിനു വേണ്ടി അസാമാന്യവേഗത്തിലാണ് ഫയല്‍നീക്കമുണ്ടായതെന്ന് ഇവര്‍ ആരോപിച്ചു. ചെയര്‍പേഴ്‌സന്റെ വാര്‍ഡില്‍ തന്നെ ടവര്‍ സ്ഥാപിക്കാന്‍ അനുമതി നല്‍കിയപ്പോള്‍ ഒരു വാക്കു പോലും ഉദ്യോഗസ്ഥര്‍ പറഞ്ഞില്ലെന്ന് ചെയര്‍പേഴ്‌സണ്‍ നിമ്യ ഷിജു യോഗത്തെ അറിയിച്ചു. ഉദ്യോഗസ്ഥര്‍ക്കെതിരെ മെമ്മോ നല്‍കണമെന്നാവശ്യം ചെയര്‍പേഴ്‌സണ്‍ യോഗത്തില്‍ ഉന്നയിച്ചു.
ചാലക്കുടി വര്‍ദ്ധിച്ചുവരുന്ന പട്ടികജാതി പീഡനങ്ങള്‍ക്ക് അറുതിവരുത്തുന്നതിന് സര്‍ക്കാര്‍ ഇടപെടണമെന്ന് ആവശ്യപ്പെട്ട് അലൈന്‍സ് ഓഫ് ദളിത് ഓര്‍ഗനൈസേഷന്റെ നേതൃത്തില്‍ ചാലക്കുടിയില്‍ പ്രതിഷേധ സായാഹ്ന സദസ് സംഘടിപ്പിച്ചു.
സംസ്ഥാന പട്ടിക ജാതി ഉപദേശക സമിതിയംഗം എം.എ. ഗോപി ഉദ്ഘാടനം ചെയ്തു. പ്രസിഡന്റ് കുമാരന്‍ പോത്തിക്കര ചടങ്ങില്‍ അധ്യക്ഷത വഹിച്ചു. ജനറല്‍ സെക്രട്ടറി സുകുമാരന്‍ പാലപ്പിള്ളി, രക്ഷാധികാരി അഡ്വ. പി.കെ. പ്രദീപ്കുമാര്‍, ആദി ദ്രാവിഡ പറയസഭ സംസ്ഥാന ജനറല്‍ സെക്രട്ടറി എം.എം. ബിജു തുടങ്ങിയവര്‍ സംസാരിച്ചു.
ചാവക്കാട് ചാവക്കാട് നഗരസഭ പി.എം.എ.വൈ. പദ്ധതിയില്‍പെട്ട ഗുണഭോക്താക്കളുടെ സംഗമം നഗരസഭാധ്യക്ഷന്‍ എന്‍.കെ.അക്ബര്‍ ഉദ്ഘാടനം ചെയ്തു.
ഉപാധ്യക്ഷ മഞ്ജുഷ സുരേഷ് അധ്യക്ഷത വഹിച്ചു. നഗരസഭയില്‍ 755 പേരാണ് പദ്ധതിയില്‍ ഗുണഭോക്താക്കളായിട്ടുള്ളത്. ദേശസാല്‍കൃത ബാങ്കുകള്‍ മുഖേനയാണ് പദ്ധതി നടപ്പാക്കുന്നത്. ഏപ്രില്‍ ആദ്യവാരം മുതല്‍ വായ്പ നല്‍കി തുടങ്ങും.
കുന്നംകുളം കുന്നംകുളം നിയോജകമണ്ഡലം സമ്പൂര്‍ണ വൈദ്യുതീകരണ പ്രഖ്യാപനം വെള്ളിയാഴ്ച രാവിലെ 10ന് നടത്തും
സംഘാടക സമതി രൂപീകരണ യോഗത്തില്‍ ചെയര്‍പഴ്‌സണ്‍ സീതാ രവീന്ദ്രന്‍ അധ്യക്ഷത വഹിച്ചു. മന്ത്രി എ.സി.മൊയ്തീന്റെ പ്രതിനിധിയായി പങ്കെടുത്ത സി.പി.എം ഏരിയാ സെക്രട്ടറി ടി.കെ.വാസു ആമുഖ പ്രഭാഷണം നടത്തി. വിവിധ പഞ്ചായത്ത് പ്രസിഡന്റുമാരായ സതീശന്‍, സദാനന്ദന്‍, ഓമന ബാബു, യു പി ശോഭന തുടങ്ങിയവര്‍ പങ്കെടുത്തു.
മാള കാല്‍പന്ത് കളിയോടൊപ്പം കാരുണ്യം എന്ന സന്ദേശവുമായി സംഘടിപ്പിക്കുന്ന പൂപ്പത്തി ഗ്രാമത്തിന്റെ ഉത്സവമായ സോയൂസ് സ്റ്റാര്‍ സോക്കര്‍ ഫെസ്റ്റ് ഏപ്രില്‍ രണ്ടിന് തുടങ്ങും.
കലാകായിക സാംസ്‌കാരിക മേളയായി മാറുന്ന സോക്കര്‍ ഫെസ്റ്റിനുള്ള ഒരുക്കങ്ങള്‍ അവസാന ഘട്ടത്തിലേക്ക് കടന്നതായി സംഘാടക സമിതി ഭാരവാഹികള്‍ അറിയിച്ചു.ഏപ്രില്‍ ഒന്‍പത് വരെ ഫ്‌ളഡ് ലിറ്റ് മൈതാനിയില്‍ നടക്കുന്ന സോക്കര്‍ ഫെസ്റ്റില്‍ കേരളത്തിലെ പ്രമുഖ ടീമുകള്‍ പങ്കെടുക്കും. രാത്രി നടക്കുന്ന ഫുട്‌ബോള്‍ കളിക്ക് മുന്നോടിയായി എല്ലാ ദിവസവും നിരവധി കലാപരിപാടികള്‍ നടക്കും. ജീവകാരുണ്യ പ്രവര്‍ത്തനങ്ങള്‍ക്ക് പ്രാമുഖ്യം നല്‍കിയാണ് സോയൂസ് സ്റ്റാര്‍ സോക്കര്‍ ഫെസ്റ്റ് സംഘടിപ്പിക്കുന്നത്. വാര്‍ത്താസമ്മേളനത്തില്‍ എം.പി.മുഹമ്മദ് റാഫി, വിനോദ് മണപ്പുറത്ത്, പി.എം.രാധാകൃഷ്ണന്‍, ജോര്‍ജ് മണവാളന്‍, സണ്ണി ജോസഫ് എന്നിവര്‍ പങ്കെടുത്തു.
പാവറട്ടി എളവള്ളി ഗ്രാമപഞ്ചായത്തില്‍ പട്ടികജാതി വിദ്യാര്‍ത്ഥികള്‍ക്ക് ലാപ്‌ടോപും സൈക്കിളും വിതരണം ചെയ്തു.
ജനകീയാസൂത്രണ പദ്ധതിയിലുള്‍പ്പെടുത്തി ഏഴര ലക്ഷം രൂപ ചിലവഴിച്ചാണ് പദ്ധതി നടപ്പിലാക്കിയത്. മുരളി പെരുനെല്ലി എം എല്‍.എ.വിതരണോദ്ഘാടനം നിര്‍വ്വഹിച്ചു. എളവള്ളി ഗ്രാമ പഞ്ചായത്ത് പ്രസിഡണ്ട് യു.കെ ലതിക അദ്ധ്യക്ഷയായിരുന്നു. മുല്ലശ്ശേരി ബ്ലോക്ക് പഞ്ചായത്ത് പ്രസിഡണ്ട് ലതി വേണുഗോപാല്‍, ജില്ലാ പഞ്ചായത്ത് വികസന സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ ജെന്നി ജോസഫ് തുടങ്ങിയവര്‍ സംസാരിച്ചു.
മാള ലോകജലദിനം വിരുന്നെത്തുമ്പോള്‍ നാടെങ്ങും കുടിവെള്ളത്തിനായുള്ള നെട്ടോട്ടത്തിലാണ്. എന്നാല്‍ കടുത്ത കുടിവെള്ളക്ഷാമം നേരിടുന്ന മാളയ്ക്കടുത്തുള്ള പൂപ്പത്തി ഗ്രാമത്തിലെ ഏരിമ്മല്‍ രാമന്റെ മകന്‍ അനില്‍കുമാറിനും കുടുംബത്തിനും വരള്‍ച്ചയൊന്നും ബാധിക്കുന്നില്ല.
കഴിഞ്ഞ 10 വര്‍ഷത്തോളമായി സ്വന്തമായി രൂപപ്പെടുത്തിയ ഒരു ജലനയം തന്നെയാണ് ഈ ദമ്പതികള്‍ പിന്തുടരുന്നത്. എല്ലാവരും പുരയിടത്തില്‍ വീഴുന്ന വെള്ളം പുറത്തേക്ക് ഒഴുക്കിക്കളയാന്‍ വ്യഗ്രത കാണിക്കുമ്പോള്‍ ഈ ദമ്പതികള്‍ വ്യത്യസ്തരാവുകയാണ്. ജല സംരക്ഷണത്തിനായി ഇവര്‍ വ്യത്യസ്തങ്ങളായ രീതികളാണ് സ്വീകരിച്ചിരിക്കുന്നത്. കാംകോ മാള കമ്പനിയില്‍ മെക്കാനിക്കായ അനില്‍കുമാറും ചാമക്കാല സര്‍ക്കാര്‍ ഹയര്‍സെക്കന്ററി സ്‌കൂളിലെ പ്ലസ്ടു കോമേഴ്‌സ് വിഭാഗം അധ്യാപികയായ സ്മിതയും ഒരേ മനസോടെയാണ് ജല സംരക്ഷണം ഉറപ്പാക്കുന്നത്. വീടിന്റെ മുകളില്‍ വീഴുന്ന ഒരു തുള്ളി വെള്ളം പോലും പാഴാക്കാതെ പൈപ്പ് ഉപയോഗിച്ച് കിണറിലേക്ക് എത്തിക്കും. കിണറിനടുത്ത് ശുദ്ധീകരണ സംവിധാനവും ഒരുക്കിയിട്ടുണ്ട്. അനില്‍കുമാര്‍ സ്വന്തമായി വികസിപ്പിച്ചെടുത്ത ശുദ്ധീകരണസംവിധാനമാണ് ഉപയോഗിച്ചിരിക്കുന്നത്. കൂടാതെ പുരയിടത്തിന് ചുറ്റും മതില്‍ കെട്ടിയിരിക്കുന്നത് സംരക്ഷണത്തിനായല്ല, ഈ മതില്‍ ജലസംരക്ഷണത്തിനുള്ള സംവിധാനത്തിന്റെ ഭാഗമാണ്. മഴവെള്ളം പുറത്തേക്ക് ഒഴുകിപ്പോകാതെ പുരയിടത്തില്‍ നിലനിര്‍ത്തി ഭൂമിയിലേക്ക് അരിച്ചിറങ്ങാനാണിത്. വീട്ടിലെ അടുക്കളയില്‍ സോപ്പ് ഉപയോഗിക്കാതെ പാത്രം കഴുകുന്ന വെള്ളം സംഭരിച്ച് പുരയിടത്തിലെ പച്ചക്കറി ചെടികള്‍ നനയ്ക്കാന്‍ ഉപയോഗിക്കും. ഇത്തരത്തില്‍ ഒരു ദിവസം 50 മുതല്‍ 75 ലിറ്റര്‍ വെള്ളമാണ് പച്ചക്കറി കൃഷിയ്ക്കായി പ്രയോജനപ്പെടുത്തുക. വെള്ളം പാഴാക്കാതെ ഉപയോഗിക്കുന്നതിനാല്‍ ഈ കടുത്ത വേനലിലും ഇവരുടെ ആകെയുള്ള പുരയിടത്തില്‍ പച്ചക്കറികള്‍ സമൃദ്ധമാണ്. ഒരു സ്ഥലവും പാഴാക്കാതെ വിവിധ ഇനം കൃഷി ചെയ്യുന്നതിനാല്‍ വീട്ടാവശ്യത്തിനുള്ള പച്ചക്കറി പുറത്ത് നിന്ന് വാങ്ങേണ്ടി വരുന്നില്ല. വീടിന്റെ മുകളില്‍ പന്തലിട്ട് ഫാഷന്‍ ഫ്രൂട്ടും കൃഷി ചെയ്തിട്ടുണ്ട്. സമീപപ്രദേശത്ത് കുടിക്കാനും വീട്ടാവശ്യത്തിനും വെള്ളം പണം കൊടുത്ത് വാങ്ങുന്ന സാഹചര്യത്തിലാണ് സ്വന്തമായി ഒരു ജലനയം തന്നെ പ്രാവര്‍ത്തികമാക്കി ഈ ജലദിനത്തില്‍ സംസ്ഥാനത്തിന് തന്നെ വേറിട്ട മാതൃകയായ അനില്‍കുമാറും ഭാര്യ സ്മിതയും ജലസംരക്ഷണ സന്ദേശവാഹകരാകുന്നത്.
കൊടുങ്ങല്ലൂര്‍ കടലേറ്റത്തില്‍ കേടുവന്ന കുളിമുറി ഇടിഞ്ഞു വീണ് ഗൃഹനാഥന് പരിക്കേറ്റു.
എടവിലങ്ങ് കാര കുഞ്ഞുമാക്കാംപുരക്കല്‍ പുരുഷോത്തമനാണ് പരിക്കേറ്റത്. ഇയാളെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച ഉച്ചതിരിഞ്ഞ് മൂന്ന് മണിയോടെ ആയിരുന്നു സംഭവം. കഴിഞ്ഞ ദിവസം കടലേറ്റത്തെ തുടര്‍ന്ന് കേടുപറ്റിയ കുളിമുറിയില്‍ കുളിക്കാന്‍ കയറിയപ്പോഴായിരുന്നു അപകടം
എരുമപ്പെട്ടി തലപ്പിള്ളി താലൂക്കിലെ വിവിധ പ്രദേശങ്ങളില്‍ അനുഭവപ്പെട്ട ഭൂചലനത്തില്‍ ജനങ്ങള്‍ പരിഭ്രാന്തരാകേണ്ടതില്ലെന്ന് വ്യവസായ വകുപ്പ് മന്ത്രി എ.സി.മൊയ്തീന്‍ അറിയിച്ചു.
വീടുകള്‍ക്കും മറ്റും നാശനഷ്ടം സംഭവിച്ചവരുണ്ടെങ്കില്‍ അതിന്റെ വിവരങ്ങള്‍ ശേഖരിക്കാനും ധനസഹായം നല്‍കുന്നതുള്‍പ്പടെയുള്ള നടപടികള്‍ സ്വീകരിക്കാനും ജില്ലാ കളക്ടര്‍, എ.ഡി.എം എന്നിവര്‍ക്ക് മന്ത്രി നിര്‍ദ്ദേശം നല്‍കി. ആവശ്യമെങ്കില്‍ ദ്രുത കര്‍മ്മസേനയെ സജ്ജമാക്കാനും എ.സി.മൊയ്തീന്‍ നിര്‍ദ്ദേശിച്ചു.
ചാലക്കുടി പഞ്ചായത്ത് സെക്രട്ടറിയെ തടഞ്ഞുവച്ച യു.ഡി.എഫ് അംഗങ്ങളെ പൊലീസ് അറസ്റ്റ് ചെയ്തതില്‍ പ്രതിഷേധം.
ജനപ്രതിനിധികളെ നിരുപാധികം വിട്ടയയ്ക്കുന്നതു വരെ കോണ്‍ഗ്രസ് പ്രവര്‍ത്തകര്‍ പൊലീസ് സ്‌റ്റേഷന് മുന്നില്‍ പ്രതിഷേധിച്ചു. പരിസ്ഥിതി മലിനീകരണത്തിന്റെ പേരില്‍ ചിറങ്ങരയിലെ റെഡിമിക്‌സ് കമ്പനിക്ക് പഞ്ചായത്ത് സെക്രട്ടറി നേരത്തെ സ്‌റ്റോപ്പ് മെമ്മോ നല്‍കിയിരുന്നു. എന്നാല്‍ കമ്പനിയുടെ ലൈസന്‍സ് റദ്ദാക്കണമെന്ന് ആവശ്യപ്പെട്ട് ചൊവ്വാഴ്ച വൈകീട്ട് പ്രതിപക്ഷം സെക്രട്ടറിയെ ഓഫീസില്‍ തടഞ്ഞു വയ്ക്കുകയായിരുന്നു. പിന്നീട് കൊരട്ടി പൊലീസെത്തി ജനപ്രതിനിധികളെ കസ്റ്റഡിയിലെടുത്തു. ഇതേ തുടര്‍ന്നാണ് മുന്‍ എം.എല്‍.എ -ടി.യു. രാധാകൃഷ്ണന്റെ നേതൃത്വത്തില്‍ കോണ്‍ഗ്രസ് നേതാക്കളും പ്രവര്‍ത്തകരും പ്രതിഷേധമായി പോലീസ് സ്‌റ്റേഷനിലെത്തിയത്.
ചാവക്കാട് പാലയൂര്‍ മാര്‍തോമ അതിരൂപത തീര്‍ത്ഥകേന്ദ്രത്തില്‍ മാര്‍ തോമ വിശ്വാസ ചൊവ്വാഴ്ച ആചരണം ആരംഭിച്ചു.
തളിയക്കുളത്തില്‍ നടന്ന കൂട്ടായ്മയില്‍ അതിരൂപത കരിസ്മാറ്റിക് ഡയറക്ടര്‍ ഫാ. സജീവ് ഇമ്മട്ടി ചൊവ്വാഴ്ച ആചരണം ഉദ്ഘാടനം ചെയ്തു. തുടര്‍ന്ന് വചനപ്രഘോഷണം, കൗണ്‍സിലിങ്ങ്, ആരാധന, അനുഭവസാക്ഷ്യങ്ങള്‍, തുടങ്ങിയവയും ഉണ്ടായി. തീര്‍ത്ഥകേന്ദ്രം റെക്ടര്‍ ഫാ ജോസ് പുന്നോലി പറമ്പില്‍ അദ്ധ്യക്ഷത വഹിച്ചു. ഫാ. ജോസ് പുലിക്കോട്ടില്‍, ഫാ ജിന്റൊ കുറ്റിക്കാട്ട്, സാബു വര്‍ഗ്ഗീസ് എന്നിവര്‍ സംസാരിച്ചു.
തൃപ്രായര്‍ ശതാബ്ദിയിലേക്ക് കടക്കുന്ന നാട്ടിക ചേര്‍ക്കര ഈസ്റ്റ് യു.പി സ്‌കൂളില്‍ പൂര്‍വ്വവിദ്യാര്‍ത്ഥി സംഘടനയ്ക്ക് രൂപം നല്കുമെന്ന് സംഘാടക കമ്മിറ്റി ഭാരവാഹികള്‍ അറിയിച്ചു.
ശനിയാഴ്ച രാവിലെ പത്തിന് സ്‌കൂളില്‍ നടക്കുന്ന യോഗത്തില്‍ പൂര്‍വ്വവിദ്യാര്‍ത്ഥി സംഘടനയ്ക്ക് രൂപം നല്കും. എ.കെ ജനാര്‍ദ്ദനന്‍, പ്രധാനാധ്യാപിക പി.ആര്‍ സ്‌നേഹലത, പി.ടി.എ പ്രസിഡണ്ട് കെ.വി.സജീവ്, പി.വി പ്രഭാതചന്ദ്രന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
എരുമപ്പെട്ടി എരുമപ്പെട്ടി പഞ്ചായത്തിലെ വിവിധ സെന്ററുകളില്‍ സ്ഥാപിച്ച മിനി ഹൈമാസ്റ്റ് ലൈറ്റുകളുടെ സ്വിച്ച് ഓണ്‍ പ്രസിഡന്റ് മീനാ ശലമോന്‍ നിര്‍വ്വഹിച്ചു.
വേള്‍ഡ് ബാങ്ക് വിഹിതമായ 13ലക്ഷത്തി 58,000 രൂപ ചിലവഴിച്ച് പഞ്ചായത്തില്‍ 15 പ്രധാന സെന്ററുകളിലാണ് ഹൈമാസ്റ്റ് ലൈറ്റുകള്‍ സ്ഥാപിച്ചിരിക്കുന്നത്. കടങ്ങോട് റോഡ് ജംഗ്ഷനില്‍ നടന്ന ഉദ്ഘാടന ചടങ്ങില്‍ വൈസ് പ്രസിഡന്റ് കെ.ഗോവിന്ദന്‍കുട്ടി, പഞ്ചായത്ത് അംഗം അനിത വിന്‍സെന്റ്, പഞ്ചായത്ത് സെക്രട്ടറി ടി.പി.കുരിയന്‍ തുടങ്ങിയവര്‍ പങ്കെടുത്തു.
ചേര്‍പ്പ് ഇ.എം.എസ് ..-എ.കെ.ജി അനുസ്മരണ ദിനത്തിന്റെ ഭാഗമായി സി.പി.എം ചേര്‍പ്പ് ഏരിയ കമ്മിറ്റിയുടെ ആഭിമുഖ്യത്തില്‍ പൊതുസമ്മേളനം നടത്തി.
കോടന്നൂര്‍ സെന്ററില്‍ നടത്തിയ സമ്മേളനം സഹകരണ മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. സി.പി.എം ചേര്‍പ്പ് ഏരിയ കമ്മിറ്റി സെക്രട്ടറി പി.ആര്‍.വര്‍ഗീസ് അധ്യക്ഷനായിരുന്നു. ജില്ല സെക്രട്ടേറിയറ്റംഗം പി.കെ ഷാജന്‍ പങ്കെടുത്തു.
കേച്ചേരി കേച്ചേരി ലയണ്‍സ് ക്ലബിന്റെ ആഭിമുഖ്യത്തില്‍ പുറ്റേക്കര പബ്ലിക് റോഡിനോട് ചേര്‍ന്ന് മരം നട്ട് വനദിനം ആചരിച്ചു
ക്ലബ് പ്രസിഡന്റ് അഡ്വ.സി.ടി.ജോഫി വനദിനാചരണം ഉദ്ഘാടനം ചെയ്തു. സെക്രട്ടറി ഷാബു തോമസ്, ലയണ്‍സ് ഭാരവാഹികളായ ഫ്രാന്‍സീസ് വാഴപ്പിള്ളി, രാജേഷ് നീലങ്കാവില്‍ എന്നിവര്‍ സംസാരിച്ചു.
അന്തിക്കാട് അന്തിക്കാട് സ്‌റ്റേഷന്‍ പരിധിയില്‍ പന്ത്രണ്ട് വയസുകാരിയെ പീഡിപ്പിച്ച സംഭവത്തില്‍ ഒരാള്‍ കൂടി അറസ്റ്റില്‍.
കാഞ്ഞാണി ചിറ്റേടത്ത് സതീഷിനെയാണ് ചേര്‍പ്പ് സി.ഐ. -മനോജ് കുമാര്‍ അന്തിക്കാട് എസ്.ഐ.-എസ്.ആര്‍.സനീഷ് എന്നിവരുടെ നേതൃത്വത്തില്‍ അറസ്റ്റ് ചെയ്തത്. ഇതേ സംഭവത്തില്‍ 47കാരനെ നേരത്തെ പോലീസ് അറസ്റ്റ് ചെയ്ത് കോടതിയില്‍ ഹാജരാക്കിയിരുന്നു. ഇയാള്‍ ഇപ്പോള്‍ റിമാന്റിലാണ്. പെണ്‍കുട്ടിയില്‍ നിന്ന് വിശദമായി പോലീസ് മൊഴി രേഖപ്പെടുത്തിയപ്പോഴാണ് പീഡനത്തില്‍ സതീഷും ഉള്‍പ്പെട്ടിട്ടുണ്ടെന്ന് മനസ്സിലാക്കിയത്. സതീഷിനെതിരെ പോക്‌സോ ഉള്‍പ്പെടെയുള്ള വകുപ്പുകള്‍ ചുമത്തിയാണ് കേസെടുത്തിട്ടുള്ളത്. പ്രതിയെ ബുധനാഴ്ച കോടതിയില്‍ ഹാജരാക്കും.
കുന്നംകുളം പെരുമ്പിലാവ് പ്രിയദര്‍ശിനിയിലെ പി.ആര്‍.സൂപ്പര്‍മാര്‍ക്കറ്റില്‍ സാധനങ്ങള്‍ വാങ്ങാനെന്ന വ്യാജേനെ എത്തിയ യുവാക്കള്‍ ജീവനക്കാരിയുടെ ഒരു പവന്റെ മാല പൊട്ടിച്ചെടുത്തു.
ചൊവ്വാഴ്ച വൈകീട്ട് അഞ്ചരയോടെയായിരുന്നു സംഭവം. കൊരട്ടിക്കര സ്വദേശിനിയായ അനു അനീഷ് എന്ന ജീവനക്കാരി മാത്രമാണ് സൂപ്പര്‍മാര്‍ക്കറ്റിലുണ്ടായിരുന്നത്. ബൈക്കിലെത്തിയ രണ്ടുപേര്‍ കടയില്‍ നി്ന്ന് ഒരു കുപ്പി വെള്ളം വാങ്ങി പുറത്തു പോയി, പിന്നീട് ഇതിലൊരാള്‍ തിരിച്ചെത്തി ശീതള പാനിയ ബോട്ടില്‍ വാങ്ങി പുറത്തിറങ്ങിയശേഷം തിരിച്ചുവന്നു ബോട്ടില്‍ മാറ്റാന്‍ ആവശ്യപെട്ടു, ജീവനക്കാരി കുപ്പി മാറ്റുന്നതിനിടയില്‍ മാല പൊട്ടിച്ചെടുക്കുകയും തുടര്‍ന്ന് ബൈക്കില്‍ കയറി രക്ഷപ്പെടുകയുമായിരുന്നു. ഇരുവരും മുഖം ടവ്വല്‍ കൊണ്ട് കെട്ടിയിരുന്നതായി പറയുന്നു. വലിക്കുന്നതിനിടയില്‍ മാല പൊട്ടിയതിനാല്‍ ഒരു ഭാഗമാണ് നഷ്ടപെട്ടത്. മോഷ്ടാക്കളുടെ ചിത്രം സ്ഥാപനത്തില്‍ സ്ഥാപിച്ച സി.സി.ടി.വിയില്‍ പതിഞ്ഞിട്ടുണ്ട്. സ്ഥാപന ഉടമ കുന്നംകുളം പൊലീസില്‍ പരാതി നല്‍കി.
തൃശൂര്‍ ഇന്ത്യന്‍ കോഫി ഹൗസ് തൊഴിലാളികളുടെ സംരക്ഷകരായി ജില്ലാ കോണ്‍ഗ്രസ് കമ്മിറ്റി ഉണ്ടാകുമെന്ന് പ്രസിഡന്റ് ടി.എന്‍. പ്രതാപന്‍ വ്യക്തമാക്കി.
തൊഴിലാളികള്‍ക്കുവേണ്ടി എ.കെ.ജി. യാണ് ഇന്ത്യന്‍ കോഫീ ഹൗസ് ഉണ്ടാക്കിയത്. എ.കെ.ജി.യുടെ ചരമദിനം ആചരിക്കുന്ന സന്ദര്‍ഭത്തില്‍ അദ്ദേഹത്തിന്റെ സ്വപ്നങ്ങള്‍ക്ക് നേരെ കത്തിവെയ്ക്കുന്ന സമീപനം സ്വീകരിക്കുന്നത് എ.കെ.ജി.യോട് കാണിക്കുന്ന ക്രൂരതയാണ്. ഇതില്‍ നിന്നു സി.പി.എമ്മും സി.ഐ.ടിയുവും പിന്മാറണമെന്നു പ്രതാപന്‍ ആവശ്യപ്പെട്ടു.
തൃശൂര്‍ ദേശീയപാത കുതിരാന്‍ നിര്‍മ്മാണ പ്രവര്‍ത്തനങ്ങള്‍ തടഞ്ഞതുമായി ബന്ധപ്പെട്ട് സമരസമിതി അംഗങ്ങളുമായി എ.ഡി.എം ചര്‍ച്ച നടത്തി.
രണ്ടാഴ്ചക്കകം ദേശീയപാത നിര്‍മ്മാണ പ്രവര്‍ത്തനങ്ങളുമായി സ്ഥലം വിട്ടു നല്‍കിയവര്‍ക്ക് നഷ്ടപരിഹാര തുക വിതരണം ചെയ്യാനാകുമെന്ന് സമരസമിതി അംഗങ്ങളെ എ.ഡി.എം അറിയിച്ചു. ഇതുമായി ബന്ധപ്പെട്ട് ഹൈക്കോടതിയില്‍ അഡ്വക്കറ്റ് ജനറലില്‍ നിന്ന് നിയമോപദേശം തേടും. തുരങ്കനിര്‍മ്മാണവുമായി ബന്ധപ്പെട്ട് ഹൈക്കോടതി ഉത്തരവിന് വിപരീതമായി പാറപൊട്ടിക്കുന്നുവെന്ന സമരസമിതിയുടെ ആരോപണത്തെ തുടര്‍ന്ന കരാറുകാരെ നേരിട്ട് വിളിപ്പിച്ച് മാര്‍ഗനിര്‍ദ്ദേശം നല്‍കുമെന്നും എ.ഡി.എം അറിയിച്ചു.
തൃശൂര്‍ അവിസ്മരണീയങ്ങളായ നിരവധി ഗാനങ്ങള്‍ രചിച്ച് മലയാള ചലച്ചിത്ര ഗാന ശാഖയെ സമ്പുഷ്ടമാക്കിയ യൂസഫലി കേച്ചേരിയുടെ ഓര്‍മ്മകള്‍ക്ക് 2 വയസ്.
1934 ല്‍ കേച്ചേരിയിലെ ചീമ്പയില്‍ അഹമ്മദിന്റെയും ഏലംകുളം നജ്മകുട്ടിയുടേയും മകനായി ജനിച്ച യൂസഫലി കേച്ചേരിക്ക് കുട്ടിക്കാലത്തു തന്നെ അറബിയിലും സംസ്‌കൃതത്തിലും ഖുര്‍ആനിലും രാമായണത്തിലും പ്രാവീണ്യമുണ്ടായിരുന്നു. സ്‌കൂള്‍ വിദ്യാഭ്യാസത്തിനു ശേഷം തൃശൂര്‍ ശ്രീ കേരള വര്‍മ്മ കോളേജില്‍ നിന്ന് ധനതത്വ ശാസ്ത്രത്തില്‍ ബിരുദവും എറണാകുളം ലോ കോളേജില്‍ നിന്ന് നിയമബിരുദവും നേടി. പിന്നീട് വക്കീലായി എന്റോള്‍ ചെയ്‌തെങ്കിലും സാഹിത്യ ലോകമാണ് തനിക്ക് വഴങ്ങുന്നതെന്ന് അദ്ദേഹം തിരിച്ചറിയുകയായിരുന്നു. യാഥാസ്ഥിതിക മുസ്ലീം കുടുംബത്തിലായിരുന്നു ജനനമെങ്കിലും കേച്ചേരിപുഴയോരത്തെ ജീവിതവും സംസ്‌കാരവുമാണ് യൂസഫലിയിലെ കവിയെ വളര്‍ത്തിയെടുത്തത്. പാലത്തിങ്കല്‍ ഭഗവതി ക്ഷേത്ര പരിസരത്തെ ജീവിതവും പ്രശസ്ത സംസ്‌കൃത പണ്ഡിതന്‍ കെ.പി.നാരായണ പിഷാരടിയുടെ കീഴിലുള്ള സംസ്‌കൃത പഠനവും അദ്ദേഹത്തിന്റെ ജന്മസിദ്ധമായ കവി പ്രതിഭയെ ഉദ്ദീപിപ്പിക്കുകയായിരുന്നു. 1962ല്‍ മൂടുപടം എന്ന ചലച്ചിത്രത്തിനു വേണ്ടിയാണ് യൂസഫലി ആദ്യമായി തൂലിക ചലിപ്പിച്ചതെങ്കിലും സിന്ദുരചെപ്പിലെ ഓമലാളെ കണ്ടു ഞാന്‍ എന്നു തുടങ്ങുന്ന ഗാനത്തിലൂടെയാണ് ചലച്ചിത്രഗാന രംഗത്ത് അദ്ദേഹം പ്രശസ്തനാകുന്നത്. വയലാറിന്റെയും പി.ഭാസ്‌കരന്റെയും ഒ.എന്‍.വിയുടേയും അസാനിധ്യം എണ്‍പതുകളിലുണ്ടായപ്പോള്‍ കാവ്യ സൗരഭ്യമുള്ള ഗാനങ്ങളുമായി യൂസഫലി സജീവമാകുകയായിരുന്നു. ധ്വനി, സര്‍ഗം, ഗസല്‍ തുടങ്ങിയ ചിത്രങ്ങളില്‍ അദ്ദേഹമെഴുതിയ ഗാനങ്ങള്‍ ഒന്നിനൊന്ന് മികച്ചതായി. സംസ്‌കൃതത്തിലുള്ള അവഗാഹമാണ് യൂസഫലിയെ ഈ രംഗത്ത് വേറിട്ടു നിര്‍ത്തിയത്. മഴയിലെ ഗേഹം ഹരിനാമധേയം എന്ന സംസ്‌കൃത ഗാനത്തിന് അദ്ദേഹത്തിന് 2000ലെ ദേശീയ പുരസ്‌കാരം ലഭിച്ചിട്ടുണ്ട്. മുസ്ലീം സംസ്‌കാരത്തിന്റെ മനോഹരമായ അടയാളങ്ങള്‍ അദ്ദേഹത്തിന്റെ ഗാനങ്ങളില്‍ തെളിഞ്ഞു നിന്നിരുന്നു. പതിനാലാം രാവുദിച്ചത്, കല്ലായി പുഴയൊരു മണവാട്ടി എന്നീ ഗാനങ്ങള്‍ ഇതിനുദാഹരണങ്ങളാണ്. ഒട്ടേറെ കൃഷ്ണഭക്തിഗാനങ്ങളും യൂസഫലിയുടെ തൂലിക തുമ്പില്‍ നിന്നും പിറന്നൂവീണിട്ടുണ്ട്. അദ്ദേഹത്തിന്റെ കൃഷ്ണകവിതകള്‍ പൂര്‍വസൂരികളും സമകാലികരുമായ ഏത് ഭക്തകവിയുടേയും രചനകളോടൊപ്പവും തോള്‍ ചേര്‍ന്ന് നില്‍ക്കാന്‍ കെല്‍പ്പുള്ളവയായിരുന്നു. ജാനകിജാനെ, കൃഷ്ണകൃപാസാഗരം തുടങ്ങിയ പ്രൗഢരചനകളും ആ വിരല്‍തുമ്പുകളില്‍ ലളിതമായി വഴങ്ങി. 150-ഓളം ചലച്ചിത്രഗാനങ്ങളും 200-ഓളം ചലച്ചിത്രേതര ഗാനങ്ങളും രചിച്ചിട്ടുള്ള അദ്ദേഹം 3 ചിത്രങ്ങളുടെ സംവിധാനവും നിര്‍വഹിച്ചിട്ടുണ്ട്.
തൃശൂര്‍ രംഗചേതനയുടെ ആഭിമുഖ്യത്തില്‍ സംഘടിപ്പിക്കുന്ന ലോക നാടകക്ലാസിക്കുകള്‍ എന്ന പ്രഭാഷണ പരമ്പരയിലെ 52-ാമത് പ്രഭാഷണം തൃശൂരില്‍ നടന്നു.
മഹാകവി ഭാസന്റെ നാടകങ്ങള്‍ എന്ന വിഷയത്തില്‍ നാടക പ്രവര്‍ത്തകന്‍ പ്രൊഫ.ജി.ദിലീപന്‍ പ്രഭാഷണം നടത്തി. സാഹിത്യ അക്കാദമി വൈലോപ്പിള്ളി ഹാളില്‍ നടന്ന ചടങ്ങില്‍ പ്രൊഫ. പി.എന്‍. പ്രകാശ് അദ്ധ്യക്ഷത വഹിച്ചു. കെ.വി.ഗണേഷ്, ഇ.ടി.വര്‍ഗീസ് തുടങ്ങിയവര്‍ പങ്കെടുത്തു. പ്രഭാഷണ പരമ്പര നാളെ സമാപിക്കും. ഡോ. വയലാ വാസുദേവന്‍പിള്ള ട്രസ്റ്റുമായി സഹകരിച്ചാണ് പ്രഭാഷണപരമ്പര സംഘടിപ്പിച്ചത്.
കയ്പമംഗലം കയ്പമംഗലം ഗവണ്‍മെന്റ് ഫിഷറീസ് സ്‌കൂളിന്റെ ഒരു വര്‍ഷം നീണ്ട് നില്ക്കുന്ന ശതാബ്ദി ആഘോഷങ്ങള്‍ക്ക് തുടക്കമായി.
സംസ്ഥാന തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. ഇ.ടി.ടൈസന്‍ എം.എല്‍.എ അധ്യക്ഷത വഹിച്ചു. കയ്പമംഗലം ഗ്രാമപഞ്ചായത്ത് പ്രസിഡന്റ് ടി.വി.സുരേഷ് ബാബു, പെരിഞ്ഞനം ഗ്രാമപഞ്ചായത്ത് പ്രസിഡന്റ് കെ.കെ.സച്ചിത്ത്, പി.ടി.എ പ്രസിഡന്റ് ബി.എസ്.ശക്തീധരന്‍, പ്രധാനാധ്യാപകന്‍ ഇന്‍ചാര്‍ജ് എം.ഡി.സന്തോഷ് എന്നിവര്‍ സംസാരിച്ചു. ഹയര്‍സെക്കന്ററി വിഭാഗം പ്രിന്‍സിപ്പാള്‍ ഒ.എ.ഫമിത, വി.എച്ച്.എസ്.ഇ വിഭാഗം പ്രിന്‍്‌സിപ്പാള്‍ പി.എസ്.ജയശ്രീ, എല്‍.പി.വിഭാഗം പ്രധാനാധ്യാപിക എ.കെ.റഹ്മാബി എന്നിവര്‍ പങ്കെടുത്തു.
അന്തിക്കാട് തൃപ്രയാര്‍ തേവര്‍, പഴുവില്‍ പാലത്തിലൂടെ സഞ്ചരിച്ച് ആറാട്ടുപുഴ പൂരത്തില്‍ പങ്കെടുക്കുമെന്നും ഭക്തര്‍ക്ക് ഇക്കാര്യത്തില്‍ ആശങ്ക വേണ്ടെന്നും ഗീതാഗോപി എം.എല്‍.എ. പറഞ്ഞു.
പഴുവിലില്‍ പുതിയ പാലത്തിന്റെ നിര്‍മ്മാണം നടക്കുന്നതിനാല്‍ പഴയപാലത്തിലൂടെയുള്ള ഗതാഗതം തടഞ്ഞ് ബാരിക്കേഡുകള്‍ സ്ഥാപിച്ച സാഹചര്യത്തിലാണ് ദേവസ്വം ജീവനക്കാരും ഭക്തരും എം.എല്‍.എയെ കണ്ട് വിവരം ധരിപ്പിച്ചത്. എന്നാല്‍ തൃപ്രയാര്‍ തേവര്‍ക്ക് കടന്നുപോകാന്‍ പഴുവില്‍ പാലത്തിലെ ബാരിക്കേഡ് ഈ ദിവസങ്ങളില്‍ മാറ്റിസ്ഥാപിക്കാന്‍ വേണ്ട അനുമതി നല്‍കണമെന്ന് ജില്ലാകളക്ടറോട് ആവശ്യപ്പെട്ടിട്ടുണ്ടെന്നും അതിന് വേണ്ട നടപടികള്‍ കളക്ടറുടെ ഭാഗത്ത് നിന്ന് ഉണ്ടാകുമെന്നും തേവരുടെ പരമ്പരാഗത യാത്രക്ക് യാതൊരു തടസ്സവും നേരിടില്ലെന്നും എം.എല്‍.എ അറിയിച്ചു.
പുതുക്കാട് വരാക്കര ചുക്കിരിക്കുന്നില്‍ ഇടതുകര കനാലിന് കുറുകെയുള്ള പാലം അപകടാവസ്ഥയില്‍.
അറുപത് വര്‍ഷത്തോളം പഴക്കമുള്ള പാലത്തിന്റെ അടിഭാഗത്തുള്ള കോണ്‍ക്രീറ്റ് അടര്‍ന്ന് വീണ നിലയിലാണ്. പാലത്തിനുള്ളിലെ കമ്പികള്‍ തുരുമ്പെടുത്ത് പുറത്ത് വന്നിരിക്കുകയാണ്. കാലപഴക്കം എത്തിയ പാലം അറ്റകുറ്റപണികള്‍ നടത്താന്‍ പോലും ഇറിഗേഷന്‍ അധികൃതര്‍ തയ്യാറാകുന്നില്ലെന്ന ആക്ഷേപമുണ്ട്. നാട്ടുകാര്‍ നിരവധി തവണ പരാതിപ്പെട്ടിട്ടും അധികൃതര്‍ യാതൊരു നടപടിയും ഇതുവരെ സ്വീകരിച്ചിട്ടില്ല. സ്‌കൂള്‍ വാഹനങ്ങള്‍ ഉള്‍പ്പെടെ നിരവധി വാഹനങ്ങളാണ് ദിനംപ്രതി പാലത്തിലൂടെ കടന്നുപോകുന്നത്. ടിപ്പര്‍ലോറികളും മറ്റ് ഭാരവാഹനങ്ങളും കടന്നു പോകുന്നതും പാലത്തിന്റെ അപകടാവസ്ഥക്ക് കാരണമാകുന്നുണ്ട്. കനാലില്‍ ഇപ്പോള്‍ വെള്ളമില്ലാത്തതിനാല്‍ അടിയന്തരമായി പാലം നിര്‍മ്മിക്കണമെന്നാണ് നാട്ടുകാരുടെ ആവശ്യം.
കൊടകര ഒന്നേകാല്‍ കോടി രൂപ ചെലവഴിച്ച് കൊടകര ഗ്രാമപഞ്ചായത്തിലെ 12-ാം വാര്‍ഡില്‍ നബാര്‍ഡ് സഹായത്തോടെ നവീകരിച്ച ചെറുവത്തൂര്‍ചിറയുടെ സമര്‍പ്പണം വെള്ളിയാഴ്ച നടക്കുമെന്ന് ഗ്രാമപഞ്ചായത്ത് പ്രസിഡന്റ് പി.ആര്‍.പ്രസാദന്‍ കൊടകരയില്‍ അറിയിച്ചു.
വൈകുന്നേരം 5ന് ചിറ പരിസരത്ത് നടക്കുന്ന ചടങ്ങില്‍ കൃഷി മന്ത്രി വി.എസ്.സുനില്‍കുമാര്‍ ഉദ്ഘാടനം നിര്‍വഹിക്കും. ബി.ഡി.ദേവസി എം.എല്‍.എ. അധ്യക്ഷത വഹിക്കും. പഞ്ചായത്ത് സ്റ്റാന്റിംഗ് കമ്മിറ്റി ചെയര്‍പേഴ്‌സന്‍ വിലാസിനി ശശി, അംഗം അല്‍ഫോണ്‍സ തോമസ് എന്നിവരും വാര്‍ത്താസമ്മേളനത്തില്‍ പങ്കെടുത്തു.
അന്തിക്കാട് തൃപ്രയാര്‍ ഗവണ്‍മെന്റ് ആശുപത്രിയുടെ പുതിയ കെട്ടിടത്തിന്റെ നിര്‍മ്മാണ പ്രവൃത്തികള്‍ അവസാന ഘട്ടത്തിലേക്ക്.
ഏപ്രില്‍ അവസാനത്തോടെ ആശുപത്രിയുടെ പ്രവര്‍ത്തനം ഈ കെട്ടിടത്തിലേയ്ക്ക് മാറ്റാന്‍ സാധിക്കുമെന്ന് ഗീതഗോപി എം.എല്‍.എ. പറഞ്ഞു. വളരെ ശോചനീയാവസ്ഥയിലായിരുന്ന ആശുപത്രിക്ക് പുതിയ കെട്ടിടം നിര്‍മ്മിക്കാന്‍ എം.എല്‍.എ.യുടെ ആസ്തി വികസന ഫണ്ടില്‍ നിന്ന് രണ്ട് കോടി രൂപയാണ് അനുവദിച്ചത്.
അന്തിക്കാട് മേള പ്രവേശനത്തിന്റെ അമ്പതാം വര്‍ഷവും മേളപ്രമാണത്തിന്റെ മുപ്പത്തി അഞ്ചാം വര്‍ഷവും ആഘോഷിക്കുന്ന പത്മശ്രീ പെരുവനം കുട്ടന്‍മാരാരെ അന്തിക്കാട് വടക്കേക്കര ശ്രീ മഹാവിഷ്ണു ക്ഷേത്ര ഉപദേശക സമിതിയുടെ നേതൃത്വത്തില്‍ ആദരിച്ചു.
ക്ഷേത്രം തന്ത്രി പഴങ്ങാപറമ്പ് നന്ദന്‍ നമ്പൂതിരി പൊന്നാടയണിയിച്ചു. കൃഷ്ണവിഗ്രഹവും അദ്ദേഹത്തിന് സമ്മാനമായി നല്‍കി. അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാര്‍, ക്ഷേത്രം ഉപദേശക സമതി പ്രസിഡന്റ് അന്തിക്കാട് പത്മനാഭന്‍, സെക്രട്ടറി എ.വി.രാമചന്ദ്രന്‍ എന്നിവര്‍ ചടങ്ങില്‍ പങ്കെടുത്തു
കുന്നംകുളം ചൊവ്വന്നൂര്‍ ബ്ലോക്ക് പഞ്ചായത്തിന്റെ ബജറ്റ് അവതരിപ്പിച്ചു.
45 കോടി 74 ലക്ഷത്തി 97 ആയിരത്തി 97 രൂപ വരവും, 45 കോടി 74 ലക്ഷത്തി 77 ആയിരത്തി 797 രൂപ ചിലവും, 19,300 രൂപ നീക്കിയിരിപ്പും പ്രതീക്ഷിക്കുന്ന ബജറ്റ് വൈസ് പ്രസിഡന്റ് ഉഷ പ്രഭുകുമാറാണ് അവതരിപ്പിച്ചത്. പഴഞ്ഞി ഹെല്‍ത്ത് സെന്ററിന്റെ പശ്ചാത്തല വികസനത്തിന് സമ്പൂര്‍ണ്ണ മാസ്റ്റര്‍ പ്ലാന്‍ തയ്യാറാക്കാന്‍ ബജറ്റില്‍ നിര്‍ദ്ദേശമുണ്ട്. പാര്‍പ്പിട സൗകര്യങ്ങള്‍ ഒരുക്കുന്നതിനു ഒരു കോടിയില്‍പരം രൂപ വകയിരുത്തി. പ്രസിഡണ്ട് എ.വി.സുമതി അധ്യക്ഷത വഹിച്ചു.
ചാവക്കാട് ചാവക്കാട് താലൂക്ക് ആശുപത്രിയിലേക്ക് എം.എല്‍.എ ഫണ്ടില്‍ നിന്ന് അനുവദിച്ച ഓട്ടോമാറ്റിക് കെമിക്കല്‍ അനലൈസറിന്റെയും ഓപ്പറേറ്റിങ്ങ് മൈക്രോസ്‌കോപ്പിന്റെയും വിതരണോദ്ഘാടനം നടന്നു.
കെ.വി.അബ്ദുള്‍ഖാദര്‍ എം.എല്‍.എ ഉദ്ഘാടനം ചെയ്തു. നഗരസഭാധ്യക്ഷന്‍ എന്‍.കെ.അക്ബര്‍ അധ്യക്ഷത വഹിച്ചു. ഉപാധ്യക്ഷ മഞ്ജുഷ സുരേഷ്, ഡോ.എ.എ.മിനിമോള്‍, എ.എ.മഹേന്ദ്രന്‍ എന്നിവര്‍ സംസാരിച്ചു.
ചാവക്കാട് മാനസിക വൈകല്യം, ഓട്ടിസം, സെറിബ്രല്‍ പാള്‍സി തുടങ്ങി വിവിധ വൈകല്യങ്ങള്‍ക്കടിമപ്പെട്ട കുട്ടികളുടെ രക്ഷിതാക്കള്‍ക്ക് ചാവക്കാട് ബോധവല്‍ക്കരണ ക്ലാസ് നടത്തി.
ഇത്തരം കുട്ടികളെ മാനസിക സംഘര്‍ഷം ഒഴിവാക്കി സമൂഹത്തിന്റെ മുഖ്യധാരയിലേക്കെത്തിക്കാനാണ് ക്ലാസ് സംഘടിപ്പിച്ചത്. ചാവക്കാട് ബ്ലോക്ക് പഞ്ചായത്ത് വൈസ് പ്രസിഡന്റ് സുബൈദ വെളുത്തേടത്ത് ഉദ്ഘാടനം ചെയ്തു. ഐ.സി.ഡി.എസ് പ്രൊജക്ട് ഓഫീസര്‍ ശോഭ അധ്യക്ഷത വഹിച്ചു. ഐ.സി.ഡി.എസ് സൂപ്പര്‍വൈസര്‍മാരായ സുബിത, ആരതി, ശാന്ത എന്നിവര്‍ സംസാരിച്ചു. ഡോ.കെ.എസ്.ശാഗിന, അജു വര്‍ഗീസ് എന്നിവര്‍ ക്ലാസെടുത്തു.
കയ്പമംഗലം ദേശിയപാത-17ല്‍ അപകട മരണങ്ങള്‍ പെരുകുന്നു. ഈ വര്‍ഷം ആരംഭിച്ചതിന് ശേഷം 7 പേരുടെ ജീവനാണ് ദേശിയപാതയില്‍ പൊലിഞ്ഞത്.
കഴിഞ്ഞ ഡിസംബറില്‍ മാത്രം 6 അപകട മരണങ്ങള്‍ ദേശീയപാത-17ല്‍ റിപ്പോര്‍ട്ട് ചെയ്തിരുന്നു. എടമുട്ടം പാലപ്പെട്ടി മുതല്‍ കോതപറമ്പ് വരെയുള്ള മതിലകം പോലീസ് സ്‌റ്റേഷന്‍ പരിധിയിലാണ് ഇത്രയും അപകടങ്ങള്‍ നടന്നത്. ഇന്ന് രാവിലെയാണ് പാല്‍ വില്പ്പനക്കാരന്‍ ലോറിക്കടിയില്‍പ്പെട്ട് മരിച്ചത്. ഈ മാസം തന്നെ എസ്.എന്‍.പുരം അഞ്ചാംപരുത്തിയില്‍ കാറും ബൈക്കും കൂട്ടിയിടിച്ച് യുവാവ് മരിച്ചിരുന്നു. കയ്പമംഗലത്ത് ഓട്ടോറിക്ഷയും കെ.എസ്.ആര്‍.ടി.സി ബസ്സും കൂട്ടിയിടിച്ച് ഓട്ടോ െ്രെഡവര്‍ മരിച്ചത് രണ്ടാഴ്ച മുമ്പാണ്. പുതിയകാവില്‍ തിരുവന്തപുരം സ്വദേശി വാഹനാപകടത്തില്‍ മരിച്ചതും, കയ്പമംഗലത്ത് ബൈക്കുകള്‍ കൂട്ടിയിടിച്ച് യുവാവ് മരിച്ചതും, പ്രഭാത സവാരിക്കിടെ മധ്യവയസ്‌ക്കന്‍ കാറിടിച്ച് മരിച്ചതും കഴിഞ്ഞ മാസമായിരുന്നു. ദേശീയപാത-17ല്‍ രാത്രികാല അപകടങ്ങളും ഏറിയിരിക്കുകയാണിപ്പോള്‍. രാത്രി അപകടങ്ങള്‍ ഉണ്ടാക്കുന്ന വാഹനങ്ങളില്‍ ഭൂരിപക്ഷവും ദൂരെ സ്ഥലങ്ങളില്‍ നിന്നുള്ളവയാണ്. െ്രെഡവിംങ്ങിനിടയിലെ ഉറക്കം, അമിത വേഗം, മദ്യപിച്ചു വാഹനമോടിക്കല്‍, അശ്രദ്ധ തുടങ്ങിയ കാരണങ്ങളാലാണ് കൂടുതലായും അപകടങ്ങള്‍ ഉണ്ടാകുന്നത്. അപകടങ്ങള്‍ കുറയ്ക്കുന്നതിനായി മതിലകം പോലീസിന്റെ.യും ദേശിയപാത ജാഗ്രതാ സമിതിയുടെയും നേതൃത്വത്തില്‍ ശ്രമം ആരംഭിച്ചിട്ടുണ്ട്. ഇതിന്റെ ഭാഗമായി രാത്രി 12 മുതല്‍ പുലര്‍ച്ചെ 5 വരെ വാഹന െ്രെഡവര്‍മാര്‍ക്ക് ചുക്ക് കാപ്പി വിതരണവും നടത്തുന്നുണ്ട്.
കയ്പമംഗലം കയ്പമംഗലം ഗവണ്‍മെന്റ് ഫിഷറീസ് സ്‌കൂളിന്റെ ഒരു വര്‍ഷം നീണ്ട് നില്ക്കുന്ന ശതാബ്ദി ആഘോഷങ്ങള്‍ക്ക് തുടക്കമായി.
സംസ്ഥാന തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. ഇ.ടി.ടൈസന്‍ എം.എല്‍.എ അധ്യക്ഷത വഹിച്ചു. കയ്പമംഗലം ഗ്രാമപഞ്ചായത്ത് പ്രസിഡന്റ് ടി.വി.സുരേഷ് ബാബു, പെരിഞ്ഞനം ഗ്രാമപഞ്ചായത്ത് പ്രസിഡന്റ് കെ.കെ.സച്ചിത്ത്, പി.ടി.എ പ്രസിഡന്റ് ബി.എസ്.ശക്തീധരന്‍, പ്രധാനാധ്യാപകന്‍ ഇന്‍ചാര്‍ജ് എം.ഡി.സന്തോഷ് എന്നിവര്‍ സംസാരിച്ചു. ഹയര്‍സെക്കന്ററി വിഭാഗം പ്രിന്‍സിപ്പാള്‍ ഒ.എ.ഫമിത, വി.എച്ച്.എസ്.ഇ വിഭാഗം പ്രിന്‍്‌സിപ്പാള്‍ പി.എസ്.ജയശ്രീ, എല്‍.പി.വിഭാഗം പ്രധാനാധ്യാപിക എ.കെ.റഹ്മാബി എന്നിവര്‍ പങ്കെടുത്തു.
അന്തിക്കാട് തൃപ്രയാര്‍ തേവര്‍, പഴുവില്‍ പാലത്തിലൂടെ സഞ്ചരിച്ച് ആറാട്ടുപുഴ പൂരത്തില്‍ പങ്കെടുക്കുമെന്നും ഭക്തര്‍ക്ക് ഇക്കാര്യത്തില്‍ ആശങ്ക വേണ്ടെന്നും ഗീതാഗോപി എം.എല്‍.എ. പറഞ്ഞു.
പഴുവിലില്‍ പുതിയ പാലത്തിന്റെ നിര്‍മ്മാണം നടക്കുന്നതിനാല്‍ പഴയപാലത്തിലൂടെയുള്ള ഗതാഗതം തടഞ്ഞ് ബാരിക്കേഡുകള്‍ സ്ഥാപിച്ച സാഹചര്യത്തിലാണ് ദേവസ്വം ജീവനക്കാരും ഭക്തരും എം.എല്‍.എയെ കണ്ട് വിവരം ധരിപ്പിച്ചത്. എന്നാല്‍ തൃപ്രയാര്‍ തേവര്‍ക്ക് കടന്നുപോകാന്‍ പഴുവില്‍ പാലത്തിലെ ബാരിക്കേഡ് ഈ ദിവസങ്ങളില്‍ മാറ്റിസ്ഥാപിക്കാന്‍ വേണ്ട അനുമതി നല്‍കണമെന്ന് ജില്ലാകളക്ടറോട് ആവശ്യപ്പെട്ടിട്ടുണ്ടെന്നും അതിന് വേണ്ട നടപടികള്‍ കളക്ടറുടെ ഭാഗത്ത് നിന്ന് ഉണ്ടാകുമെന്നും തേവരുടെ പരമ്പരാഗത യാത്രക്ക് യാതൊരു തടസ്സവും നേരിടില്ലെന്നും എം.എല്‍.എ അറിയിച്ചു.
വാടാനപ്പള്ളി തളിക്കുളത്ത് മതപരിവര്‍ത്തനം നടത്താന്‍ ശ്രമിച്ചെന്നാരോപിച്ച് ആലപ്പുഴ സ്വദേശിയായ പെന്തക്കോസ്ത് സഭാംഗത്തെ നാട്ടുകാര്‍ തടഞ്ഞുവെച്ചു.
ആലപ്പുഴ മുട്ടം സ്വദേശി കാര്‍ത്തികേയനെയാണ് നാട്ടുകാര്‍ തടഞ്ഞുവെച്ചത്. ഇന്ന് രാവിലെ പത്തോടെ തളിക്കുളം ത്രിവേണിയിലാണ് സംഭവം. വീടുകള്‍ തോറും കയറിയിറങ്ങുന്ന ഇയാള്‍ മതപരിവര്‍്ത്തനം നടത്താന്‍ ശ്രമിക്കുകയാണെന്നായിരുന്നു നാട്ടുകാരുടെ ആരോപണം. ത്രിവേണിയില്‍ വെച്ച് ഇയാളെ തടഞ്ഞുവെച്ച നാട്ടുകാര്‍ വാടാനപ്പള്ളി പൊലീസില്‍ വിവരം അറിയിക്കുകയായിരുന്നു. തുടര്‍ന്ന് എസ്.ഐ-ഡി.ശ്രീജിത്തും സംഘവും സ്ഥലത്തെത്തി കാര്‍്ത്തികേയനെ സ്‌റ്റേഷനിലെത്തിച്ചു. ഇതിനിടെ പൊലീസ് ഇയാളുടെ ഭാര്യയെ ഫോണില്‍ വിവരം അറിയിക്കുകയും ചെയ്തു. കുറെ ദിവസങ്ങളായി കറങ്ങിനടക്കുന്ന അദ്ദേഹത്തെ നാട്ടിലേക്ക് ബസ് കയറ്റിവിടണമെന്നായിരുന്നു ഭാര്യയുടെ അഭ്യര്‍്ത്ഥന. തുടര്‍ന്ന് പൊലീസ് ഇയാളെ നാട്ടിലേക്ക് തിരിച്ചയക്കുകയായിരുന്നു.
പുതുക്കാട് വരാക്കര ചുക്കിരിക്കുന്നില്‍ ഇടതുകര കനാലിന് കുറുകെയുള്ള പാലം അപകടാവസ്ഥയില്‍.
അറുപത് വര്‍ഷത്തോളം പഴക്കമുള്ള പാലത്തിന്റെ അടിഭാഗത്തുള്ള കോണ്‍ക്രീറ്റ് അടര്‍ന്ന് വീണ നിലയിലാണ്. പാലത്തിനുള്ളിലെ കമ്പികള്‍ തുരുമ്പെടുത്ത് പുറത്ത് വന്നിരിക്കുകയാണ്. കാലപഴക്കം എത്തിയ പാലം അറ്റകുറ്റപണികള്‍ നടത്താന്‍ പോലും ഇറിഗേഷന്‍ അധികൃതര്‍ തയ്യാറാകുന്നില്ലെന്ന ആക്ഷേപമുണ്ട്. നാട്ടുകാര്‍ നിരവധി തവണ പരാതിപ്പെട്ടിട്ടും അധികൃതര്‍ യാതൊരു നടപടിയും ഇതുവരെ സ്വീകരിച്ചിട്ടില്ല. സ്‌കൂള്‍ വാഹനങ്ങള്‍ ഉള്‍പ്പെടെ നിരവധി വാഹനങ്ങളാണ് ദിനംപ്രതി പാലത്തിലൂടെ കടന്നുപോകുന്നത്. ടിപ്പര്‍ലോറികളും മറ്റ് ഭാരവാഹനങ്ങളും കടന്നു പോകുന്നതും പാലത്തിന്റെ അപകടാവസ്ഥക്ക് കാരണമാകുന്നുണ്ട്. കനാലില്‍ ഇപ്പോള്‍ വെള്ളമില്ലാത്തതിനാല്‍ അടിയന്തരമായി പാലം നിര്‍മ്മിക്കണമെന്നാണ് നാട്ടുകാരുടെ ആവശ്യം.
കൊടകര ഒന്നേകാല്‍ കോടി രൂപ ചെലവഴിച്ച് കൊടകര ഗ്രാമപഞ്ചായത്തിലെ 12-ാം വാര്‍ഡില്‍ നബാര്‍ഡ് സഹായത്തോടെ നവീകരിച്ച ചെറുവത്തൂര്‍ചിറയുടെ സമര്‍പ്പണം വെള്ളിയാഴ്ച നടക്കുമെന്ന് ഗ്രാമപഞ്ചായത്ത് പ്രസിഡന്റ് പി.ആര്‍.പ്രസാദന്‍ കൊടകരയില്‍ അറിയിച്ചു.
വൈകുന്നേരം 5ന് ചിറ പരിസരത്ത് നടക്കുന്ന ചടങ്ങില്‍ കൃഷി മന്ത്രി വി.എസ്.സുനില്‍കുമാര്‍ ഉദ്ഘാടനം നിര്‍വഹിക്കും. ബി.ഡി.ദേവസി എം.എല്‍.എ. അധ്യക്ഷത വഹിക്കും. പഞ്ചായത്ത് സ്റ്റാന്റിംഗ് കമ്മിറ്റി ചെയര്‍പേഴ്‌സന്‍ വിലാസിനി ശശി, അംഗം അല്‍ഫോണ്‍സ തോമസ് എന്നിവരും വാര്‍ത്താസമ്മേളനത്തില്‍ പങ്കെടുത്തു.
അന്തിക്കാട് തൃപ്രയാര്‍ ഗവണ്‍മെന്റ് ആശുപത്രിയുടെ പുതിയ കെട്ടിടത്തിന്റെ നിര്‍മ്മാണ പ്രവൃത്തികള്‍ അവസാന ഘട്ടത്തിലേക്ക്.
ഏപ്രില്‍ അവസാനത്തോടെ ആശുപത്രിയുടെ പ്രവര്‍ത്തനം ഈ കെട്ടിടത്തിലേയ്ക്ക് മാറ്റാന്‍ സാധിക്കുമെന്ന് ഗീതഗോപി എം.എല്‍.എ. പറഞ്ഞു. വളരെ ശോചനീയാവസ്ഥയിലായിരുന്ന ആശുപത്രിക്ക് പുതിയ കെട്ടിടം നിര്‍മ്മിക്കാന്‍ എം.എല്‍.എ.യുടെ ആസ്തി വികസന ഫണ്ടില്‍ നിന്ന് രണ്ട് കോടി രൂപയാണ് അനുവദിച്ചത്.
തൃശൂര്‍ നിരോധിത പുകയില ഉല്‍പ്പന്നങ്ങളുമായി യുവാവിനെ തൃശൂര്‍ ഈസ്റ്റ് പോലീസ് അറസ്റ്റ് ചെയ്തു.
അരിമ്പൂര്‍ കുന്നത്തങ്ങാടി കൂനമൂച്ചില്‍ വീട്ടില്‍ പവീഷാണ് അറസ്റ്റിലായത്. അഞ്ഞൂറോളം പായക്കറ്റ് പുകയില ഉല്‍പ്പനങ്ങള്‍ പ്രതിയില്‍ നിന്ന് കണ്ടെടുത്തു.
അന്തിക്കാട് മേള പ്രവേശനത്തിന്റെ അമ്പതാം വര്‍ഷവും മേളപ്രമാണത്തിന്റെ മുപ്പത്തി അഞ്ചാം വര്‍ഷവും ആഘോഷിക്കുന്ന പത്മശ്രീ പെരുവനം കുട്ടന്‍മാരാരെ അന്തിക്കാട് വടക്കേക്കര ശ്രീ മഹാവിഷ്ണു ക്ഷേത്ര ഉപദേശക സമിതിയുടെ നേതൃത്വത്തില്‍ ആദരിച്ചു.
ക്ഷേത്രം തന്ത്രി പഴങ്ങാപറമ്പ് നന്ദന്‍ നമ്പൂതിരി പൊന്നാടയണിയിച്ചു. കൃഷ്ണവിഗ്രഹവും അദ്ദേഹത്തിന് സമ്മാനമായി നല്‍കി. അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം.കിഷോര്‍ കുമാര്‍, ക്ഷേത്രം ഉപദേശക സമതി പ്രസിഡന്റ് അന്തിക്കാട് പത്മനാഭന്‍, സെക്രട്ടറി എ.വി.രാമചന്ദ്രന്‍ എന്നിവര്‍ ചടങ്ങില്‍ പങ്കെടുത്തു
കുന്നംകുളം ചൊവ്വന്നൂര്‍ ബ്ലോക്ക് പഞ്ചായത്തിന്റെ ബജറ്റ് അവതരിപ്പിച്ചു.
45 കോടി 74 ലക്ഷത്തി 97 ആയിരത്തി 97 രൂപ വരവും, 45 കോടി 74 ലക്ഷത്തി 77 ആയിരത്തി 797 രൂപ ചിലവും, 19,300 രൂപ നീക്കിയിരിപ്പും പ്രതീക്ഷിക്കുന്ന ബജറ്റ് വൈസ് പ്രസിഡന്റ് ഉഷ പ്രഭുകുമാറാണ് അവതരിപ്പിച്ചത്. പഴഞ്ഞി ഹെല്‍ത്ത് സെന്ററിന്റെ പശ്ചാത്തല വികസനത്തിന് സമ്പൂര്‍ണ്ണ മാസ്റ്റര്‍ പ്ലാന്‍ തയ്യാറാക്കാന്‍ ബജറ്റില്‍ നിര്‍ദ്ദേശമുണ്ട്. പാര്‍പ്പിട സൗകര്യങ്ങള്‍ ഒരുക്കുന്നതിനു ഒരു കോടിയില്‍പരം രൂപ വകയിരുത്തി. പ്രസിഡണ്ട് എ.വി.സുമതി അധ്യക്ഷത വഹിച്ചു.
ചാവക്കാട് ചാവക്കാട് താലൂക്ക് ആശുപത്രിയിലേക്ക് എം.എല്‍.എ ഫണ്ടില്‍ നിന്ന് അനുവദിച്ച ഓട്ടോമാറ്റിക് കെമിക്കല്‍ അനലൈസറിന്റെയും ഓപ്പറേറ്റിങ്ങ് മൈക്രോസ്‌കോപ്പിന്റെയും വിതരണോദ്ഘാടനം നടന്നു.
കെ.വി.അബ്ദുള്‍ഖാദര്‍ എം.എല്‍.എ ഉദ്ഘാടനം ചെയ്തു. നഗരസഭാധ്യക്ഷന്‍ എന്‍.കെ.അക്ബര്‍ അധ്യക്ഷത വഹിച്ചു. ഉപാധ്യക്ഷ മഞ്ജുഷ സുരേഷ്, ഡോ.എ.എ.മിനിമോള്‍, എ.എ.മഹേന്ദ്രന്‍ എന്നിവര്‍ സംസാരിച്ചു.
ചാവക്കാട് മാനസിക വൈകല്യം, ഓട്ടിസം, സെറിബ്രല്‍ പാള്‍സി തുടങ്ങി വിവിധ വൈകല്യങ്ങള്‍ക്കടിമപ്പെട്ട കുട്ടികളുടെ രക്ഷിതാക്കള്‍ക്ക് ചാവക്കാട് ബോധവല്‍ക്കരണ ക്ലാസ് നടത്തി
ഇത്തരം കുട്ടികളെ മാനസിക സംഘര്‍ഷം ഒഴിവാക്കി സമൂഹത്തിന്റെ മുഖ്യധാരയിലേക്കെത്തിക്കാനാണ് ക്ലാസ് സംഘടിപ്പിച്ചത്. ചാവക്കാട് ബ്ലോക്ക് പഞ്ചായത്ത് വൈസ് പ്രസിഡന്റ് സുബൈദ വെളുത്തേടത്ത് ഉദ്ഘാടനം ചെയ്തു. ഐ.സി.ഡി.എസ് പ്രൊജക്ട് ഓഫീസര്‍ ശോഭ അധ്യക്ഷത വഹിച്ചു. ഐ.സി.ഡി.എസ് സൂപ്പര്‍വൈസര്‍മാരായ സുബിത, ആരതി, ശാന്ത എന്നിവര്‍ സംസാരിച്ചു. ഡോ.കെ.എസ്.ശാഗിന, അജു വര്‍ഗീസ് എന്നിവര്‍ ക്ലാസെടുത്തു.
വളര്‍ക്കാവ് ഫുട്‌ബോള്‍ കോച്ചിങ്ങിന് എത്തിയ വിദ്യാര്‍ത്ഥിയെ പ്രകൃതി വിരുദ്ധ പീഡനത്തിനിരയാക്കിയ സംഭവത്തില്‍ ഫുട്‌ബോള്‍ കോച്ചിനെ ഒല്ലൂര്‍ സി.ഐ. അറസ്റ്റ് ചെയ്തു.
വളര്‍ക്കാവ് സ്വദേശി പുത്തന്‍ വീട്ടില്‍ കുട്ടന്‍ എന്ന് വിളിക്കുന്ന വാസുദേവനെയാണ് സി.ഐ-കെ.കെ സജിവിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
ചേലക്കര ചേലക്കര നിയോജക മണ്ഡലത്തില്‍ പുതുതായി തെരെഞ്ഞെടുക്കപ്പെട്ട ബൂത്തു പ്രസിഡന്റുമാരുടെ സ്വീകരണ യോഗം ചേലക്കരയില്‍ നടന്നു.
ഡി.സി.സി. പ്രസിഡന്റ് ടി.എന്‍. പ്രതാപന്‍ യോഗം ഉദ്ഘാടനം ചെയ്തു. ബ്ലോക്ക് കോണ്‍ഗ്രസ് പ്രസിഡന്റ് ടി.എം.കൃഷ്ണന്‍ അദ്ധ്യക്ഷത വഹിച്ചു. മുന്‍ ഡി.സി.സി. പ്രസിഡന്റ് പി.എ.മാധവന്‍, ടി.വി. ചന്ദ്രമോഹനന്‍, ജോസ് വള്ളൂര്‍ തുടങ്ങിയവര്‍ സംസാരിച്ചു.
ചെറുതുരുത്തി ആറങ്ങോട്ടുകരയില്‍ വാഹനമിടിച്ച് കാട്ടുപന്നി ചത്തു.
ഇന്നലെ രാത്രി ആറങ്ങോട്ടുകര സത്യന്‍ തിയറ്ററിനു സമീപത്താണ് പന്നിയെ വാഹനം ഇടിച്ചത്. രാത്രിയില്‍ പന്നി റോഡ്മുറിച്ചു കടക്കുന്നതിനിടെയായിരുന്നു സംഭവം. നാട്ടുകാര്‍ ഉടനെ തന്നെ അടുത്തുള്ള ഫോറസ്റ്റ് ഓഫീസില്‍ വിവരം അറിയിച്ചതിനെ തുടര്‍ന്ന് ഉദ്യോഗസ്ഥരെത്തത്തി പന്നിയുടെ ജഡം കുഴിച്ചുമൂടി.
കയ്പമംഗലം കയ്പമംഗലത്ത് ചരക്ക് ലോറിക്കടിയില്‍പ്പെട്ട് സൈക്കിള്‍ യാത്രക്കാരന്‍ മരിച്ചു.
കൊപ്രക്കളം കിഴക്ക് തോട്ടുങ്ങള്‍ 65 വയസുള്ള ഭാസ്‌ക്കരനാണ് മരിച്ചത്. ക്ഷീരകര്‍ഷകനായ ഭാസ്‌ക്കരന്‍ പാല്‍ വില്പ്പന കഴിഞ്ഞ് തിരികെ സൈക്കിളില്‍ വീട്ടിലേക്ക് വരുമ്പോള്‍ ഇന്ന് രാവിലെ എട്ടോടെയായിരുന്നു അപകടം. കല്ലില്‍ സൈക്കിള്‍ തട്ടിയതിനെ തുടര്‍ന്ന് പുറകില്‍ നിന്ന് വന്ന ചരക്ക് ലോറിക്ക് അടിയിലേക്ക് ഭാസ്‌കരന്‍ വീഴുകയായിരുന്നു. ഭാസ്‌കരന്റെ തലയിലൂടെ ലോറിയുടെ പിന്‍ ചക്രം കയറിയിറങ്ങി. ചതഞ്ഞരഞ്ഞ മൃതദേഹം പോലീസെത്തിയാണ് കൊടുങ്ങല്ലൂര്‍ താലൂക്ക് ആശുപത്രിയിലേക്ക് മാറ്റിയത്. സംഭവത്തെ തുടര്‍ന്ന് ലോറി െ്രെഡവര്‍ കൊല്ലം കുണ്ടറ സ്വദേശി സുരേന്ദ്രന്‍ പിള്ളയെ പോലീസ് കസ്റ്റഡിയിലെടുത്തു. കൊല്ലത്ത് നിന്ന് ഗുജറാത്തിലേക്ക് ചരക്ക് കയറ്റി പോവുകയായിരുന്നു ലോറി. മതിലകം പോലീസ് മേല്‍നടപടികള്‍ സ്വീകരിച്ചു.
വടക്കാഞ്ചേരി എഞ്ചിന്‍ തകരാറിലായതിനെ തുടര്‍ന്ന് ചെന്നൈ-ആലപ്പി ട്രെയിന്‍ നിര്‍ത്തിയിട്ടതിനാല്‍ 5 മണിക്കൂറോളം റെയില്‍ ഗതാഗതം തടസപ്പെട്ടു.
ഇന്ന് പുലര്‍ച്ചെ 5.10നാണ് വടക്കാഞ്ചേരി റെയില്‍വേ സ്റ്റേഷന്‍ കഴിഞ്ഞ് പത്താംകല്ലില്‍ ട്രെയിന്റെ എഞ്ചിന്‍ ഭാഗങ്ങള്‍ ട്രാക്കിലേക്ക് വീണത്. തുടര്‍ന്ന് ട്രെയിന്‍ നിര്‍ത്തിയിടുകയായിരുന്നു. എറണാകുളത്ത് നിന്ന് മറ്റൊരു എഞ്ചിന്‍ കൊണ്ടുവന്ന് ഏഴരയോടെ കമ്പാര്‍ട്ടുമെന്റുകള്‍ നീക്കം ചെയ്തു. റെയില്‍വേ ഉദ്യോഗസ്ഥര്‍ സ്ഥലത്തെത്തി എഞ്ചിന്‍ തകരാര്‍ പരിഹരിക്കാനുള്ള ശ്രമം തുടരുകയാണ്. സംഭവത്തെ തുടര്‍ന്ന് ഷൊര്‍ണൂര്‍-തൃശൂര്‍ റെയില്‍വേ ലൈനിലെ ട്രെയിന്‍ ഗതാഗതം പൂര്‍ണമായും തടസപ്പെട്ടു. സ്റ്റേഷനില്‍ നിന്നു അല്‍പം മുന്നോട്ട് നീങ്ങിയ ഉടനെയാണ് തകരാര്‍ ഉണ്ടായത്. എന്നതിനാല്‍ ട്രെയിനിന്റെ വേഗം കുറവായിരുന്നു. ഇത് മൂലം വന്‍ ദുരന്തം ഒഴിവായി.
ഗുരുവായൂര്‍ ഗുരുവായൂര്‍ ശ്രീകൃഷ്ണ കോളേജില്‍ തുടരുന്ന ഡിസോണ്‍ കലോത്സവത്തില്‍ 161 പോയിന്റുമായി കൊടകര സഹൃദയ കോളജ് മുന്നിട്ടുനില്‍ക്കുന്നു.
149 പോയിന്റുമായി തൃശൂര്‍ ശ്രീകേരള വര്‍മ്മ രണ്ടാം സ്ഥാനത്തും 146 പോയിന്റുമായി ഇരിങ്ങാലക്കുട ക്രൈസ്റ്റ് കോളേജ് മൂന്നാം സ്ഥാനത്തുമുണ്ട്. ഇന്ന് 5 വേദികളിലായി മൈം, തിരുവാതിരക്കളി, നാടന്‍പാട്ട് എന്നിങ്ങനെയുള്ള കലാമത്സരങ്ങളാണ് നടക്കുന്നത്. കലോത്സവം ഇന്ന് വൈകീട്ട് സമാപിക്കും.
തൃശൂര്‍ ഇന്ത്യന്‍ കോഫി ഹൗസ് ഭരണസമിതിയുടെ തൃശൂരിലെ തൊഴിലാളികളുടെ ഉപരോധം തുടരുന്നു.
അഡ്മിനിസ്‌ട്രേറ്റര്‍ എസ്.ബിന്ദു ഇന്ന് രാവിലേയും കോഫീ ഹൗസ് ആസ്ഥാനമായ ഇന്ത്യന്‍ കോഫീ ബോര്‍ഡ് വര്‍ക്കേഴ്‌സ് കോ-ഓപ്പറേറ്റീവ് സൊസൈറ്റി ഓഫീസിലെത്തിയെങ്കിലും തൊഴിലാളികളുടെ ഉപരോധത്തെ തുടര്‍ന്ന് അകത്ത് പ്രവേശിക്കാന്‍ സാധിച്ചില്ല. തൃശൂര്‍ ഈസ്റ്റ് പോലീസ് സ്ഥലത്തെത്തിയിട്ടുണ്ട്. തൊഴിലാളികളുടെ ഉപരോധത്തിന് ഐക്യദാര്‍ഢ്യം പ്രഖ്യാപിച്ച് കോണ്‍ഗ്രസ് നേതാവ് ഐ.പി.പോള്‍, ബി.ജെ.പി നേതാവ് സുരേന്ദ്രന്‍ ഐനിക്കുന്നത്ത് എന്നിവരും സ്ഥലത്ത് എത്തി. കഴിഞ്ഞ ദിവസങ്ങളിലും അഡ്മിനിസ്‌ട്രേറ്ററായ ജില്ലാ വ്യവസായ കേന്ദ്രം സീനിയര്‍ കോ-ഓപ്പറേറ്റീവ് ഇന്‍സ്‌പെക്ടര്‍ എസ്.ബിന്ദു എത്തിയിരുന്നുവെങ്കിലും ബലപ്രയോഗത്തിലൂടെ ഓഫീസില്‍ പ്രവേശിക്കേണ്ടെന്ന് തീരുമാനിച്ച് മടങ്ങുകയായിരുന്നു. ഭരണസമിതി പിരിച്ചു വിട്ടതിനെതിരെ തൊഴിലാളികള്‍ ഹൈക്കോടതിയില്‍ സമര്‍പ്പിച്ച ഹര്‍ജി ഈ മാസം 27നാണ് പരിഗണിക്കുക.
ചെറുതുരുത്തി ചെറുതുരുത്തി മേഖലയിലെ രണ്ടിടങ്ങളില്‍ നിന്നായി 5 കിലോ കഞ്ചാവുമായി പിടികൂടിയ 3 പേരെ ഇന്ന് കോടതിയില്‍ ഹാജരാക്കും.
കുന്നംകുളം ഡിവൈ.എസ്.പി.-വിശ്വംഭരന് ലഭിച്ച രഹസ്യ വിവരത്തെ തുടര്‍ന്നാണ് ഒന്നര കിലോ കഞ്ചാവുമായി പുതുശേരി ലക്ഷംവീട് കോളനിയില്‍ അത്തിക്കപറമ്പില്‍ ബനേഷ് ഇന്നലെ പിടിയിലായത്. ഇയാളെ ചോദ്യം ചെയ്തതില്‍ നിന്ന് ലഭിച്ച വിവരത്തെ തുടര്‍ന്ന് പോലീസ് നടത്തിയ തിരച്ചിലിലാണ് കൊച്ചിന്‍ പാലത്തിന് സമീപത്ത് നിന്ന് മൂന്നര കിലോ കഞ്ചാവുമായി കോഴിക്കോട് സ്വദേശി പൂനത്തില്‍ വീട്ടില്‍ സമീര്‍ സാലു, കലാമണ്ഡലം ലക്ഷം വീട് കോളനി സ്വദേശി പാളയംകോട്ടുകാരന്‍ വീട്ടില്‍ ഷെജീര്‍ എന്നിവര്‍ പിടിയിലായത്. ആന്ധ്രയില്‍ നിന്ന് കേരളത്തിലേക്ക് കഞ്ചാവ് കടത്തുന്ന സംഘത്തിലെ പ്രധാന കണ്ണികളാണ് പിടിയിലായതെന്ന് പോലീസ് പറഞ്ഞു.
തൃശൂര്‍ തൃശൂര്‍ ശ്രീകേരളവര്‍മ്മ കോളേജില്‍ നിന്ന് വിരമിക്കുന്ന അധ്യാപകര്‍ക്ക് യാത്രയയപ്പ് നല്‍കി.
യാത്രയയപ്പ് സമ്മേളനം കൊച്ചിന്‍ദേവസ്വം ബോര്‍ഡ് പ്രസിഡന്റ് ഡോ.എം.കെ.സുദര്‍ശന്‍ ഉദ്ഘാടനം ചെയ്തു. കോളേജ് പ്രിന്‍സിപ്പാള്‍ ഡോ.സി.എം.ലത അധ്യക്ഷത വഹിച്ചു. സ്റ്റാഫ് ക്ലബ് പ്രസിഡന്റ് പ്രൊഫ.ടി.കെ. രാമകൃഷ്ണന്‍, കൊച്ചിന്‍ ദേവസ്വം ബോര്‍ഡ് സെക്രട്ടറി വി.എ.ഷീജ, ദേവസ്വം കമ്മീഷണര്‍ ആര്‍.ഹരി, കെ.എന്‍.പരമേശ്വരന്‍, ഡോ.എന്‍.എം.നാരായണന്‍ തുടങ്ങിയവര്‍ സംസാരിച്ചു. വിരമിക്കുന്ന അധ്യാപകരായ സി.കെ.പ്രസന്നന്‍, ഇ.എസ്.സതീശന്‍, ഷീലാ ഫ്രാന്‍സീസ്, പി.വി.ശ്രീദേവി, വി.ഇന്ദിര തുടങ്ങിയവര്‍ക്ക് ഡോ.എം.കെ.സുദര്‍ശന്‍ ഉപഹാരങ്ങള്‍ നല്‍കി
എരുമപ്പെട്ടി വടക്കാഞ്ചേരി-കുന്നംകുളം റോഡില്‍ എരുമപ്പെട്ടി മങ്ങാട് തോട്ടുപാലത്ത് നില്‍ക്കുന്ന ഉണങ്ങിയ മരം വഴിയാത്രക്കാര്‍ക്ക് ഭീഷണിയാകുന്നു.
കാലപ്പഴക്കം മൂലം നിലംപൊത്താനായി നില്‍ക്കുന്ന മരം തൊട്ടടുത്തുള്ള വീടുകള്‍ക്കും ഭീഷണി സൃഷ്ടിക്കുന്നുണ്ട്. നിരവധി ശാഖകളുള്ള മരമായതിനാല്‍ കാറ്റ് വീശുമ്പോള്‍ ചില്ലകള്‍ പൊട്ടിവീണ് അപകടങ്ങള്‍ ഉണ്ടാകുന്നതും പതിവായിരിക്കുകയാണ്. നിത്യേന നൂറു കണക്കിന് വാഹനങ്ങളാണ് ഇതുവഴി കടന്നു പോകുന്നത്. കാലപ്പഴക്കം മൂലം മരത്തിന്റെ തടി ഭാഗം പൂര്‍ണ്ണമായും ദ്രവിച്ച നിലയിലാണ്. ഏത് നിമിഷവും കടപുഴകിയോ, പൊട്ടിവീണോ അപകടമുണ്ടാവുന്ന സ്ഥിതിയിലായ മരം മുറിച്ച് മാറ്റണമെന്ന് നാട്ടുകാര്‍ നിരവധി തവണ പരാതിപ്പെട്ടിട്ടും അധികൃതര്‍ നടപടിയൊന്നും സ്വീകരിക്കുന്നില്ലെന്ന് ആക്ഷേപമുണ്ട്.
തൃശൂര്‍ കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ രജത ജൂബിലി സമ്മേളനം 23, 24 തിയ്യതികളില്‍ തൃശൂരില്‍ നടക്കുമെന്ന് സംഘാടകര്‍ തൃശൂരില്‍ വാര്‍ത്താസമ്മേളനത്തില്‍ അറിയിച്ചു.
ശ്രീശങ്കര ഹാളില്‍ നടക്കുന്ന സമ്മേളനം വ്യവസായ വകുപ്പ് മന്ത്രി എ.സി.മൊയ്തിന്‍ ഉദ്ഘാടനം ചെയ്യും. രണ്ട് ദിവസങ്ങളിലായി നടക്കുന്ന സമ്മേളനത്തില്‍ തൊള്ളായിരത്തോളം പ്രതിനിധികള്‍ പങ്കെടുക്കും. സ്റ്റേറ്റ് സര്‍വ്വീസ് പെന്‍ഷനേഴ്‌സ് യൂണിയന്‍ ജില്ലാ പ്രസിഡന്റ് സി.ഡി.ലോനപ്പന്‍, സെക്രട്ടറി കെ.ആര്‍ പ്രഭാകരന്‍, സംസ്ഥാന സെക്രട്ടറി വി.വി പരമേശ്വരന്‍, എ.പി ജോസ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ സൗജന്യ കുടിവെള്ള വിതരണ പദ്ധതിയുമായി സി.പി മുഹമ്മദ് മെമ്മോറിയല്‍ ചാരിറ്റബിള്‍ ട്രസ്റ്റ് രംഗത്ത്.
തദ്ദേശ സ്വയം ഭരണ സ്ഥാപനങ്ങളുമായി സഹകരിച്ചാണ് ദാഹജലം എന്ന പേരില്‍ പദ്ധതി നടപ്പിലാക്കുന്നതെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. കോ-ഓര്‍ഡിനേറ്റര്‍ ടി.എം നിസാബ്, എന്‍.എസ് നിഘിലേഷ്, നാസര്‍ അബ്ദുള്ള, ഹിലാല്‍ കുരിക്കള്‍, എം.എ ശിഹാബ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
തൃശൂര്‍ വിവിധ ആവശ്യങ്ങള്‍ ഉന്നയിച്ച് സ്‌കൂള്‍ പാചക തൊഴിലാളികള്‍ വിദ്യഭ്യാസ മന്ത്രിയുടെ ഓഫീസിലേക്ക് ഞായറാഴ്ച മാര്‍ച്ച് നടത്തും.
മിനിമം വേജസ് കമ്മിറ്റി ശിപാര്‍ശകള്‍ ഉടന്‍ നടപ്പിലാക്കുക, വേനലവധിക്കാലത്ത് പ്രത്യേക വേതനം അനുവദിക്കുക തുടങ്ങിയ ആവശ്യങ്ങളുന്നയിച്ചാണ് മാര്‍ച്ച്. ശ്രീധരന്‍ തേറമ്പില്‍ ജി.ഷാനവാസ് ഐ.എ റപ്പായി, എ.പി തോമസ്, റോസി റപ്പായി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
വടക്കാഞ്ചേരി കെ.എസ്.ഇ.ബി വര്‍ക്കേഴ്‌സ് അസോസിയേഷന്‍ - സി.ഐ.ടി.യു വടക്കാഞ്ചേരി ഡിവിഷന്‍ സമ്മേളനം നടന്നു.
സി.ഐ.ടി.യു ജില്ലാ സെക്രട്ടറി യു.പി.ജോസഫ് ഉദ്ഘാടനം ചെയ്തു. ഏരിയാ പ്രസിഡന്റ് പി.എന്‍.സുരേന്ദ്രന്‍, കെ.എസ്.ഇ.ബി.വര്‍ക്കേഴ്‌സ് അസോസിയേഷന്‍ സംസ്ഥാന ജോയിന്റ് സെക്രട്ടറി കെ.ജയപ്രകാശ്, സംസ്ഥാന വൈസ് പ്രസിഡന്റുമാരായ സി.മധു, സി.ആര്‍.ചന്ദ്രശേഖരന്‍ എന്നിവര്‍ സംസാരിച്ചു. ഡിവിഷന്‍ സെക്രട്ടറി എസ്.അനില്‍കുമാര്‍, പ്രസിഡന്റ് സി.വി.ജോയ് തുടങ്ങിയവര്‍ പങ്കെടുത്തു.
എരുമപ്പെട്ടി സമഗ്ര ആരോഗ്യ പരിരക്ഷയുടെ എരുമപ്പെട്ടി പഞ്ചായത്ത്തല ശില്പശാല നടന്നു.
എരുമപ്പെട്ടി സാമൂഹികാരോഗ്യ കേന്ദ്രത്തില്‍ നടന്ന ശില്പശാല ഗ്രാമപഞ്ചായത്ത് പ്രസിഡന്റ് മീനാശലമോന്‍ ഉദ്ഘാടനം ചെയ്തു. വൈസ് പ്രസിഡന്റ് കെ.ഗോവിന്ദന്‍ കുട്ടി അധ്യക്ഷനായി. ക്ഷേമകാര്യ സ്റ്റാന്റിംഗ് കമ്മറ്റി ചെയര്‍മാന്‍ എന്‍.കെ.കബീര്‍, ഹെല്‍ത്ത് സൂപ്പര്‍വൈസര്‍ പ്രകാശ്, ഹെല്‍ത്ത് ഇന്‍സ്‌പെക്ടര്‍ മൊയ്തീന്‍ കുട്ടി തുടങ്ങിയവര്‍ സംസാരിച്ചു.
തൃശൂര്‍ നെഹ്‌റു കോളേജ് ഗ്രൂപ്പ് ചെയര്‍മാന്‍ പി,കൃഷ്ണദാസിനെ അറസ്റ്റ് ചെയ്തതുമായി ബന്ധപ്പെട്ട ഹൈക്കോടതി പരമാര്‍ശം ഏത് സാഹചര്യത്തിലാണ് ഉണ്ടായതെന്ന് പരിശോധിക്കുമെന്ന് റൂറല്‍ എസ്.പി എന്‍. വിജകുമാര്‍ പറഞ്ഞു.
കേസില്‍ പോലീസ് യാതൊരു കൃത്രിമ തെളിവുകളും ഉണ്ടാക്കിയിട്ടില്ല. കേസുമായി ബന്ധപ്പെട്ട് മൊഴി ഹൈക്കോടതിക്ക് പരിശോധിക്കാമെന്നും റൂറല്‍ എസ്.പി പറഞ്ഞു.
തൃശൂര്‍ ജാതിവ്യവസ്ഥയെ മുറുകെ പിടിക്കുന്ന പ്രത്യയശാസ്ത്രമുള്ളവരുടെ കൈകളിലാണ് ഇന്ന് രാജ്യഭരണം എത്തിച്ചേര്‍ന്നിരിക്കുന്നതെന്നു സി.പി.എം സംസ്ഥാന സെക്രട്ടേറിയറ്റംഗം ബേബി ജോണ്‍ പറഞ്ഞു.
പന്തിഭോജനത്തിന്റെ നൂറാം വാര്‍ഷികത്തോടനുബന്ധിച്ച് കേരള ലളിതകലാ അക്കാദമിയുടെ ആഭിമുഖ്യത്തില്‍ പന്തിഭോജനം എന്ന വിഷയത്തില്‍ തൃശൂരില്‍ സംഘടിപ്പിച്ച പ്രഭാഷണ പരമ്പരയില്‍ സംസാരിക്കുകയായിരുന്നു ബേബിജോണ്‍. ശ്രീനാരായണ ഗുരു ജാതി ചോദിക്കരുത്, ജാതി പറയരുത് എന്ന് പഠിപ്പിച്ചുവെങ്കിലും അനുചരന്‍മാര്‍ ജാതി ചോദിക്കണം, ജാതി പറയണം എന്ന് പ്രഘോഷിക്കുകയാണ്. ഒന്നുമല്ലായിരുന്ന മനുഷ്യനെ എന്തോ ആക്കുന്നതിനുള്ള പരിശ്രമമായിരുന്നു പന്തിഭോജനത്തിലൂടെ സഹോദരന്‍ അയ്യപ്പന്‍ നടത്തിയത്. നേടിയ നന്മകള്‍ തച്ചു തകര്‍ക്കുന്ന പുതിയ പ്രവണതയും പുതിയ രൂപങ്ങളും ഈ കാലഘട്ടത്തിന്റെ പ്രത്യേകതയാെണന്ന് ബേബി ജോണ്‍ പറഞ്ഞു. ലളിത കലാ അക്കാദമി നിര്‍വ്വാഹക സമിതിയംഗം കവിതാ ബാലകൃഷ്ണന്‍ അധ്യക്ഷത വഹിച്ചു. തുടര്‍ന്ന് വിവിധ കലാപരിപാടികള്‍ അരങ്ങേറി. പന്തിഭോജനത്തോടനുബന്ധിച്ച് ഈ മാസം 28 വരെ ചിത്രകലാ ക്യാമ്പ്, പ്രഭാഷണങ്ങള്‍, കലാവിഷ്‌കാരങ്ങള്‍ എന്നിവ ഉണ്ടാകും.
തൃശൂര്‍ കുതിരാനിലെ തുരങ്ക നിര്‍മ്മാണം തടസപ്പെട്ടതിനെ തുടര്‍ന്ന് ജില്ലാ ഭരണകൂടം ഹൈക്കോടതിയെ സമീപിക്കും.
ഏതാനും ദിവസം മുന്‍പ് കുതിരാനിലെ തുരങ്ക നിര്‍മ്മാണ പ്രവൃത്തികള്‍ നാട്ടുകാര്‍ തടഞ്ഞിരുന്നു. ഹൈക്കോടതി ഉത്തരവിന് വിപരീതമായാണ് കുതിരാനില്‍ പാറപൊട്ടിക്കുന്നതെന്ന് ആരോപിച്ചാണ് നാട്ടുകാര്‍ തുരങ്ക നിര്‍മ്മാണ പ്രവൃത്തികള്‍ തടഞ്ഞത്. ഇതേപ്പറ്റി ജില്ലാ ഭരണകൂടം ഹൈക്കോടതിയെ സമീപിച്ച് റിപ്പോര്‍ട്ട് നല്‍കും, ഇത് സംബന്ധിച്ച് അഡ്വക്കറ്റ് ജനറലിന്റെ ഉപദേശവും തേടും. നഷ്ടപരിഹാര തുക വിതരണം ചെയ്യുന്നത് വൈകുന്നത് സംബന്ധിച്ച് ചൊവ്വാഴ്ച കുതിരാനില്‍ നേരിട്ടെത്തി നാട്ടുകാരുമായി ചര്‍ച്ച നടത്തുമെന്ന് എ.ഡി.എം - സി.കെ അനന്തകൃഷ്ണന്‍ അറിയിച്ചു.
തൃശൂര്‍ പ്രശസ്ത നാടകങ്ങളെ ആസ്പദമാക്കിയുള്ള ചലച്ചിത്ര മേള തൃശൂരില്‍ അരങ്ങേറി.
രംഗചേതനയുടെ ആഭിമുഖ്യത്തില്‍ പി.ഡബ്ല്യൂ.ഡി. റസ്റ്റ് ഹൗസ് ഹാളിലാണ് രണ്ടു ദിവസമായി നാടക ചലച്ചിത്ര മേള ഒരുക്കിയത്. വയലാ ട്രസ്റ്റിന്റേയും നവചിത്ര ഫിലിം സൊസൈറ്റിയുടെയും സഹകരണത്തോടെയായിരുന്നു മേള. ലോക നാടക ക്ലാസിക്കുകള്‍ എന്ന പ്രഭാഷണ പരമ്പരയുടെ ഭാഗമായാണ് നാടക ചലച്ചിത്രമേള സംഘടിപ്പിച്ചത്.
കൊടുങ്ങല്ലൂര്‍ കൊടുങ്ങല്ലൂര്‍ താലൂക്കിന്റെ തീരപ്രദേശത്ത് കടലേറ്റം.
ഇരുപത്തിയഞ്ചോളം വീടുകള്‍ താമസയോഗ്യമല്ലാതായി. ആറ് വീടുകള്‍ പൂര്‍ണ്ണമായും വെള്ളത്തിലായി. തിങ്കളാഴ്ച്ച വൈകീട്ട് നാല് മണിയോടെ ചെറിയ തോതില്‍ ആരംഭിച്ച കടലേറ്റം രാത്രിയോടെ രൂക്ഷമായി. അഴീക്കോട് മുനക്കല്‍, മണപ്പാട്ട് ചാല്‍, ലൈറ്റ് ഹൗസ്, അറപ്പക്കടവ്, പുതിയ റോഡ്, കാര വാ - കടപ്പുറം തുടങ്ങിയ പ്രദേശ ങ്ങളിലാണ് രാത്രിയിലും കടലേറ്റം ശക്തമായി തുടര്‍ന്നത്. കടലേറ്റത്തിന്റെ ലക്ഷണം കണ്ടതിനെ തുടര്‍ന്ന് കരയില്‍ വെച്ചിരുന്ന വഞ്ചികളും, മത്സ്യ ബന്ധന ഉപകരണങ്ങളും തൊഴിലാളികള്‍ സുരക്ഷിത കേന്ദ്രങ്ങളിലേക്ക് മാറ്റിയതിനാല്‍ നാശനഷ്ടം ഒഴിവായി.
തൃശൂര്‍ ഗായത്രി സഹസ്രനാമം സി.ഡി.പ്രകാശനം പാറമേക്കാവ് പുഷ്പാഞ്ജലി ഹാളില്‍ നടന്നു.
അഡ്വ.തേറമ്പില്‍ രാമകൃഷ്ണന്‍ ചടങ്ങ് ഉദ്ഘാടനം ചെയ്തു. പാറമേക്കാവ് ദേവസ്വം പ്രസിഡന്റ് കെ.സതീഷ് മേനോന്‍ അധ്യക്ഷത വഹിച്ചു. സ്വാമി ഭൂമാനന്ദ തീര്‍ത്ഥ സി.ഡി.പ്രകാശനം നിര്‍വ്വഹിച്ചു. വെള്ളിനേഴി ഹരി, പാറമേക്കാവ് ദേവസ്വം സെക്രട്ടറി ജി.രാജേഷ്, പ്രൊഫ.എം.മാധവന്‍കുട്ടി, വാസുദേവന്‍ പോറ്റി, സംഗീതജ്ഞന്‍ അനന്തപത്മനാഭന്‍, അഡ്വ.പി.എസ്.ഈശ്വരന്‍, അഡ്വ.ടി.എസ്. മായാദാസ് എന്നിവര്‍ പങ്കെടുത്തു.
കൊടകര ജനാധിപത്യവിശ്വാസികളെ ഭയപ്പെടുത്തുന്നതാണ് യു.പി.യിലെ തെരഞ്ഞെടുപ്പുഫലമെന്ന് മന്ത്രി എം.എം. മണി പറഞ്ഞു.
ഇ.എം.എസ്. എ.കെ.ജി. ദിനാചരണത്തിന്റെ ഭാഗമായി സി.പി.എം. കൊടകര ഏരിയ കമ്മിറ്റി സംഘടിപ്പിച്ച പൊതുയോഗം കൊടകര ഫ്‌ളൈ ഓവര്‍ ജംഗ്ഷനില്‍ ഉദ്ഘാടനം ചെയ്യുകയായിരുന്നു അദ്ദേഹം. സി.പി.എം.ഏരിയ സെക്രട്ടറി ടി.എ.രാമകൃഷ്ണന്‍ അധ്യക്ഷത വഹിച്ചു. ജില്ല സെക്രട്ടേറിയറ്റംഗം കെ.കെ.രാമചന്ദ്രന്‍, പി.ആര്‍.പ്രസാദന്‍, പി.കെ.ശിവരാമന്‍ തുടങ്ങിയവര്‍ സംസാരിച്ചു.
ഒല്ലൂര്‍ സി.പി.എം ഒല്ലൂര്‍ ഏരിയ കമ്മിറ്റിയുടെ നേതൃത്വത്തില്‍ സംഘടപ്പിച്ച ഇ.എം.എസ് - എ.കെ.ജി ദിനാചരണം മന്ത്രി എം.എം മണി ഉദ്ഘാടനം ചെയ്തു.
സി.ഐ.ടി.യു സംസ്ഥാന വൈസ് പ്രസിഡന്റ് എം.എം വര്‍ഗീസ് ഉദ്ഘാടനം ചെയ്തു. സി.പി.എം ഒല്ലൂര്‍ ഏരിയ സെക്രട്ടറി കെ.പി പോള്‍, ഡെപ്യൂട്ടി മേയര്‍ വര്‍ഗീസ് കണ്ടംകുളത്തി തുടങ്ങിയവര്‍ പങ്കെടുത്തു.
കൊടുങ്ങല്ലൂര്‍ മുസിരിസ് പൈതൃക ഭൂമിയെന്നറിയപ്പെടുന്ന കൊടുങ്ങല്ലൂര്‍ നഗരത്തിന്റെ വികസന കാര്യത്തില്‍ ഇടതുമുന്നണിയും നഗരസഭ ചെയര്‍മാനും തികഞ്ഞ പരാജയമായി മാറിയിരിക്കുകയാണെന്ന് ബി.ജെ.പി. സംസ്ഥാന ജനറല്‍ സെക്രട്ടറി എ.എന്‍. രാധാകൃഷ്ണന്‍ പറഞ്ഞു.
നഗരസഭയിലെ സെക്രട്ടറിയടക്കമുള്ള ഉദ്യോഗസ്ഥരുടെ മാസങ്ങളായി ഒഴിഞ്ഞുകിടക്കുന്ന തസ്തികകള്‍ നികത്തണമെന്ന് ആവശ്യപ്പെട്ട് ബി.ജെ.പി. കൗണ്‍സിലര്‍മാര്‍ ഒരുമാസമായി നടത്തിവരുന്ന റിലേ സത്യഗ്രഹ സമരത്തിന്റെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സമസ്തമേഖലകളിലും നഗരസഭ ഭരണം പരാജയമാണെന്നും ഭരണമുന്നണിയില്‍ പോലും അഭിപ്രായ ഐക്യമില്ലെന്നും രാധാകൃഷ്ണന്‍ പറഞ്ഞു. നഗരസഭ പ്രതിപക്ഷ നേതാവ് വി.ജി. ഉണ്ണികൃഷ്ണന്‍ അധ്യക്ഷനായി.
ഗുരുവായൂര്‍ സംസ്ഥാനത്ത് ഈ വര്‍ഷം പവര്‍കട്ട് ഉണ്ടാകില്ലെന്ന് വൈദ്യൂതി മന്ത്രി എം.എം.മണി പറഞ്ഞു.
ഗുരുവായൂര്‍ നിയോജക മണ്ഡലത്തിലെ സമ്പൂര്‍ണ്ണ വൈദ്യൂതികരണ പ്രഖ്യാപനം നിര്‍വ്വഹിച്ച് സംസാരിക്കുകയായിരുന്നു മന്ത്രി. കേരളത്തില്‍ മുമ്പെങ്ങുമില്ലാത്തവിധം ഊര്‍ജ പ്രതിസന്ധി നേരിട്ടുകൊണ്ടിരിക്കുകയാണ്. എഴുപത്തഞ്ച് ശതമാനത്തോളം വൈദ്യൂതി പണംകൊടുത്ത് വാങ്ങിക്കുകയാണ് ചെയ്യുന്നത്. കൂടുതല്‍ വൈദ്യൂതി വാങ്ങേണ്ടി വന്നാലും പവര്‍ കട്ട് ഏര്‍പ്പെടുത്തി കേരളത്തിലുള്ളവരെ ബുദ്ധിമുട്ടിക്കാന്‍ ഈ സര്‍ക്കാര്‍ ഉദേശിക്കുന്നില്ലെന്നും മന്ത്രി പറഞ്ഞു. കെ.വി.അബ്ദുള്‍ഖാദര്‍ എം.എല്‍.എ അധ്യക്ഷത വഹിച്ചു. 704 പേര്‍ക്കാണ് പദ്ധതിയില്‍ കണക്ഷന്‍ നല്‍കിയത്. സമ്പൂര്‍ണ്ണമായി വൈദ്യുതീകരിക്കുന്നതിനായി 37 ലക്ഷം രൂപ ചെലവിട്ടു. ഇതില്‍ പകുതി വിഹിതം എം.എല്‍.എയുടെ വികസന ഫണ്ടാണ്. ശേഷിക്കുന്ന പകുതി കെ.എസ്.ഇ.ബി വഹിച്ചു. നഗരസഭ അധ്യക്ഷരായ പ്രൊഫ പി.കെ.ശാന്തകുമാരി, എന്‍.കെ.അക്ബര്‍, വിവിധ പഞ്ചായത്ത് പ്രസിഡന്റുമാരായ എ.ഡി.ധനീപ്, മറിയു മുസ്തഫ, കെ.ജെ.ചാക്കോ, പി.എം.മുജീബ്, കെ.വി.അശോകന്‍, ആര്‍.പി.ബഷീര്‍, ജില്ലാ പഞ്ചായത്തംഗങ്ങള്‍ തുടങ്ങിയവര്‍ സംസാരിച്ചു.
പാവറട്ടി കേരളത്തില്‍ മുടങ്ങിക്കിടക്കുന്ന വൈദ്യുതി പദ്ധതികള്‍ പുനരാരംഭിക്കുന്നതിന് മുന്‍ഗണന നല്‍കുമെന്നു വൈദ്യുതി വകുപ്പ് മന്ത്രി എം.എം. മണി പറഞ്ഞു.
മണലൂര്‍ നിയോജകമണ്ഡലത്തിലെ സമ്പൂര്‍ണ്ണ വൈദ്യുതികരണ പ്രഖ്യാപനം നിര്‍വഹിച്ചു സംസാരിക്കുകയായിരുന്നു മന്ത്രി. ആവശ്യത്തിന് വൈദ്യുതി ഉല്‍പാദിപ്പിക്കാന്‍ കഴിഞ്ഞില്ലെങ്കില്‍ വ്യവസായം, കൃഷി തുടങ്ങി എല്ലാമേഖലകളും തകരുമെന്നും എം.എം. മണി കൂട്ടിച്ചേര്‍ത്തു. മുരളി പെരുനെല്ലി എം.എല്‍.എ അധ്യക്ഷനായിരുന്നു. ജില്ലാ പഞ്ചായത്ത് പ്രസിഡണ്ട് ഷീല വിജയകുമാര്‍, ഗുരുവായൂര്‍ നഗരസഭാദ്ധ്യക്ഷ പ്രൊഫ. പി.കെ. ശാന്തകുമാരി, മുല്ലശ്ശേരി ബ്ലോക്ക് പഞ്ചായത്ത് പ്രസിഡണ്ട് ലതി വേണുഗോപാല്‍, അന്തിക്കാട് ബ്ലോക്ക് പഞ്ചായത്ത് പ്രസിഡണ്ട് പി.സി. ശ്രീദേവി, മുല്ലശേരി പഞ്ചായത്ത് പ്രസിഡണ്ട് എ.കെ. ഹുസൈന്‍ തുടങ്ങിയവര്‍ സംസാരിച്ചു.
കൊടുങ്ങല്ലൂര്‍ കൊടുങ്ങല്ലൂര്‍ അഴീക്കോട് കൊട്ടിക്കല്‍ രംഗചേതന സംഘടിപ്പിക്കുന്ന 28-ാമത് അഖില കേരള ഫുട്‌ബോള്‍ ഫെസ്റ്റിവലിന്റെ മുന്നോടിയായി വാഹന പ്രചാരണ റാലി നടത്തി.
കൊടുങ്ങല്ലൂര്‍ എസ്.ഐ-ഇ.ആര്‍.ബൈജു ഫ്‌ളാഗ് ഓഫ് ചെയ്തു. ക്ലബ് പ്രസിഡന്റ് സി.വി.പ്രവീദ് അധ്യക്ഷത വഹിച്ചു. ഷായി അയ്യാരില്‍, കെ.കെ.അനില്‍കുമാര്‍, നിസാര്‍ കൊട്ടിക്കല്‍ എന്നിവര്‍ സംസാരിച്ചു.
ചാവക്കാട് ചാവക്കാട് താലൂക്ക് ആശുപത്രിയില്‍ ആരോഗ്യപ്രവര്‍ത്തകര്‍ക്കും അംഗന്‍വാടി അധ്യാപകര്‍ക്കും വേണ്ടി മാതൃശിശു സംരക്ഷണ പരിപാടിയുടെ ഭാഗമായി ബോധവല്‍ക്കരണ സെമിനാര്‍ നടത്തി.
ആശുപത്രി സൂപ്രണ്ട് ഡോ. എ.എ. മിനിമോള്‍ ഉദ്ഘാടനം ചെയ്തു. ഡോ. ജി.എസ്. ജയദേവന്‍ അധ്യക്ഷത വഹിച്ചു. മുല്ലശേരി പബ്‌ളിക് ഹെല്‍ത്ത് നേഴ്‌സിങ്ങ് സൂപ്പര്‍വൈസര്‍ ജാന്‍സി എം. ജോര്‍ജ്ജ്, ഹെല്‍ത്ത് ഇന്‍സ്‌പെക്ടര്‍ സി.വി. അജയകുമാര്‍, പി.എ. സന്തോഷ് കുമാര്‍ എന്നിവര്‍ സംസാരിച്ചു.
കയ്പമംഗലം കയ്പമംഗലം ഗവണ്‍മെന്റ് ഫിഷറീസ് സ്‌കൂള്‍ നൂറിന്റെ നിറവിലേക്ക്. ശതാബ്ദി ആഘോഷങ്ങള്‍ക്ക് ചൊവ്വാഴ്ച തുടക്കമാകും.
ബ്രിട്ടീഷ് സര്‍ക്കാരിന്റെ അവഗണനയില്‍ അക്ഷരങ്ങള്‍ അന്യമായിരുന്ന കയ്പമംഗലത്തിന്റെ കടല്‍തീരത്ത് 1918-ല്‍ ആരംഭിച്ച സ്‌കൂളാണ് ഇന്ന് കയ്പമംഗലം ഫിഷറീസ് വൊക്കേഷണല്‍ ഹയര്‍ സെക്കണ്ടറി സ്‌കൂളായി തലയുയര്‍ത്തി നില്ക്കുന്നത്. മത്സ്യത്തൊഴിലാളികളുടെ ക്ഷേമത്തിനായി അന്നത്തെ മദ്രാസ് ഗവണ്മെന്റ് ആരംഭിച്ച ഫിഷറീസ് ഡിപ്പാര്‍ട്ട്‌മെന്റിന്റെ അസിസ്റ്റന്റ് ഡയറക്ടറായിരുന്ന റാവു ബഹദൂര്‍ വി.വി.ഗോവിന്ദന്റെ നേതൃത്വത്തില്‍ എലിമെന്ററി സ്‌കൂളായാണ് സ്ഥാപനം പ്രവര്‍്ത്തനം തുടങ്ങിയത്. അന്നത്തെ എഴുത്താണിക്കുന്നില്‍ എഴുത്തുപള്ളിക്കൂടം പ്രവര്‍ത്തകനായിരുന്ന അയ്യപ്പന്‍്കുഞ്ഞി സംഭാവനയായി നല്കിയ സ്ഥലത്തായിരുന്നു സ്‌കൂളിന്റെ ആരംഭം. എന്നാല്‍, മത്സ്യത്തൊഴിലാളികളെ മുന്നില്‍കണ്ട് തുടങ്ങിയ സ്‌കൂളില്‍ അവരുടെ കുട്ടികളെ എത്തിക്കുക എന്നത് ഭഗീരഥ പ്രയത്‌നമായി അവശേഷിച്ചു. അധ്യാപകരുടെ കഠിന പ്രയത്‌നത്തിനൊടുവിലാണ് കുട്ടികള്‍ വര്‍ധി്ച്ചു തുടങ്ങിയത്. എങ്കിലും ഉയര്‍ന്ന വിദ്യാഭ്യാസത്തിനു കാത്തുനില്‍ക്കാതെ 15 വയസാകുമ്പോഴേക്കും കുട്ടികള്‍ പാരമ്പര്യ തൊഴിലായ മീന്‍പിടിത്തത്തിലേക്ക് പൊയ്‌ക്കൊണ്ടിരുന്നു. എങ്കിലും, 1921 ല്‍ സ്‌കൂളില്‍ എട്ടുവരെ ക്ലാസ്സുകള്‍ ഉണ്ടാക്കി ഹയര്‍ എലിമെന്ററി സ്‌കൂളായി ഉയര്‍്ത്തി. 1960 ല്‍ സ്‌കൂളിനു സമീപത്തു വെച്ച് നടന്ന ധീവര സഭയുടെ പ്രഥമ സമ്മേളനത്തില്‍ അന്നത്തെ മുഖ്യമന്ത്രി പട്ടം താണുപിള്ളയും അഞ്ചു മന്ത്രിമാരും പങ്കെടുത്തു. സമ്മേളനത്തില്‍ വന്ന ചര്‍ച്ചയുടെ കൂടി ഭാഗമായാണ് 1962 ല്‍ ഫിഷറീസ് വിഭാഗം കൂടി ഉള്‍പ്പെടുത്തിയ ഹൈസ്‌കൂളായി ഗവണ്‍മെന്റ് ഫിഷറീസ് സ്‌കൂള്‍ മാറിയത്. 1991ല്‍ സ്‌കൂളില്‍ വി.എച്ച്.എസ്.ഇ അനുവദിച്ചു. അക്വാകള്‍ച്ചര്‍, ഫിഷ് പ്രോസസിംഗ് തുടങ്ങിയവയാണ് വൊക്കേഷണല്‍ വിഭാഗത്തില്‍ ആദ്യം അനുവദിച്ചത്. 2000 -ഓടെയാണ് സ്‌കൂളിനെ ഹയര്‍ സെക്കണ്ടറിയായി അപ്‌ഗ്രേഡ് ചെയ്തത്. പക്ഷെ, സ്ഥല പരിമിതി മൂലം ആ വര്‍ഷം പ്ലസ്ടു ആരംഭിക്കാന്‍ കഴിഞ്ഞില്ല. തുടര്‍ന്ന് ടി.എന്‍.പ്രതാപന്‍ എം.എല്‍.എ യുടെ പ്രാദേശിക വികസന ഫണ്ടില്‍ നിന്നു തുക അനുവദിച്ച് കെട്ടിടം പണി പൂര്‍ത്തിയാക്കി 2004 ല്‍ പ്ലസ്ടുവിന് തുടക്കം കുറിച്ചു. സ്‌കൂളിന്റെ ഒരു വര്‍ഷം നീണ്ടുനില്‍്ക്കുന്ന ശതാബ്ദി ആഘോഷങ്ങള്‍ ചൊവ്വാഴ്ച ഉച്ചതിരിഞ്ഞ് 3ന് നടക്കുന്ന ചടങ്ങില്‍ മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും.
മാള തിരുമുക്കുളം ശ്രീദുര്‍ഗ ഭഗവതി ക്ഷേത്രത്തിലെ ഉപദേശക സമിതിയുടേയും അഖിലഭാരത നാരായണീയ പ്രചാരണ സഭയുടേയും സഹകരണത്തോടെ ശ്രീമദ് നാരായണീയ ത്രയാഹ സത്രം നടത്തുന്നു.
ഈ മാസം 25 ന് തുടങ്ങുന്ന സത്രത്തിന് ഗുരുവായൂര്‍ മുന്‍ മേല്‍ശാന്തി മൂര്‍ക്കന്നൂര്‍ ശ്രീഹരി നമ്പൂതിരിയാണ് യജ്ഞാചാര്യന്‍. സത്രത്തിലേക്കുള്ള കൊടിമര ഘോഷയാത്ര 24 ന് ഐരാണിക്കുളം മഹാദേവ ക്ഷേത്രത്തില്‍ നിന്ന് ആരംഭിക്കും. തുടര്‍ന്ന് കൊടിയേറ്റ ചടങ്ങുകള്‍ തുടങ്ങും. ഭാരവാഹികളായ ജയശ്രീ ശിവരാമന്‍, ശോഭന നിധിന്‍, ആര്‍.വേണുഗോപാല്‍ നായര്‍, പി.നാരായണന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
ഗുരുവായൂര്‍ ഗുരുവായൂര്‍ സെന്റ് ആന്റണീസ് പള്ളിയുടെ കപ്പേളയില്‍ വിശുദ്ധ യൗസേപ്പിതാവിന്റെ മരണ തിരുനാള്‍ ആഘോഷിച്ചു.
ദിവ്യബലിക്ക് ഫാ. സനോജ് അറങ്ങാശേരി മുഖ്യകാര്‍മികനായി. തുടര്‍ന്ന് കപ്പേളയിലേക്ക് പ്രദക്ഷിണവും ഉണ്ടായി. വികാരി ഫാ. ജോസ് പുലിക്കോട്ടില്‍ നേര്‍ച്ച ഭക്ഷണം ആശിര്‍വദിച്ചു.
നെല്ലായി നെല്ലായില്‍ റോഡ് മുറിച്ചുകടക്കുന്നതിനിടയില്‍ ചരക്കുലോറിയിടിച്ച് മധ്യവയസ്‌ക്കന് പരിക്കേറ്റു.
നന്തിക്കര സ്വദേശി പൂയത്ത് വീട്ടില്‍ വിദ്യാധരനാണ് പരിക്കേറ്റത്. നെല്ലായി നോര്‍ത്ത് ജംഗ്ഷനു സമീപം ലിങ്ക് റോഡിലാണ് അപകടം. തലയ്ക്ക് പരിക്കേറ്റ വിദ്യാധരനെ നെല്ലായി ജീവന്‍ രക്ഷാവേദി പ്രവര്‍ത്തകര്‍ ഉടനെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
കുന്നംകുളം കുന്നംകുളം ഗുരുവായൂര്‍ റോഡില്‍ ഹെഡ് പോസ്റ്റാഫീസ് പരിസരം വഴിയോര കച്ചവടക്കാരുള്‍പ്പെടെയുള്ളവര്‍ കയ്യേറി.
നഗരത്തില്‍ നിന്ന് ഏറെ മാറിയുള്ള ഈ പോസ്‌റ്റോഫീസിലേക്കെത്തുന്നവര്‍ക്ക് ബൈക്ക് പോലും നിര്‍ത്തിയിടാന്‍ ഇവിടെ ഇടമില്ല. വഴിയോരകച്ചവടക്കാരും പരിസരത്തെ കടകളിലുള്ളുവരും, മറ്റും റോഡരികില്‍ വാഹനം പാര്‍ക്ക് ചെയ്യുന്നതിനാല്‍ പ്രദേശത്ത് വന്‍ തിരക്കാണ്. നഗരസഭ കൗണ്‍സിലര്‍മാരുടേയും ചില പ്രാദേശിക രാഷ്ട്രീയ നേതാക്കളുടേയും ഒത്താശയോടെയാണ് ഇത്തരം അനധികൃത കയ്യേറ്റം നടക്കുന്നതെന്ന് ആക്ഷേപമുണ്ട്.
ചാവക്കാട് വിവിധ ആവശ്യങ്ങളുന്നയിച്ച് കടപ്പുറം പഞ്ചായത്ത് ഓഫീസിനു മുന്നില്‍ എസ്.ഡി.പി.ഐ നിരാഹാരം സമരം നടത്തി.
പൊതു കിണറുകള്‍ സംരക്ഷിക്കുക അമിത ജലചൂഷണം നടത്തുന്ന ഐസ് ഫാക്ടറികള്‍ അടച്ചുപൂട്ടുക, കറുകമാട് ശുദ്ധജല പദ്ധതി നടപ്പിലാക്കുക എന്നീ ആവശ്യങ്ങളുന്നയിച്ചായിരുന്നു സമരം. എസ്.ഡി.പി.ഐ സംസ്ഥാന സെക്രട്ടറി പി.കെ.ഉസ്മാന്‍ ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് കെ.എച്ച്.ഷാജഹാന്‍ അധ്യക്ഷത വഹിച്ചു.
കൊടുങ്ങല്ലൂര്‍ ഇടതുപക്ഷ സര്‍ക്കാര്‍ അധികാരത്തിലെത്തി പത്ത്മാസം കഴിഞ്ഞിട്ടും മദ്യനയം വ്യക്തമാക്കാത്ത നിലപാട് ദുരൂഹമാണെന്ന് ജില്ലാ ടോഡി ആന്റ് അബ്കാരി മസ്ദൂര്‍ സംഘം വാര്‍ഷിക സമ്മേളനം കുറ്റപ്പെടുത്തി.
കൊടുങ്ങല്ലൂരില്‍ നടന്ന സമ്മേളനം സംസ്ഥാന സെക്രട്ടറി പി.എസ്. ശശി ഉദ്ഘാടനം ചെയ്തു. ജില്ലാ പ്രസിഡന്റ് കെ.മോഹന്‍ദാസ് അധ്യക്ഷത വഹിച്ചു. ബി.എം.എസ്.ജില്ലാ സെക്രട്ടറി എം.കെ.ഉണ്ണികൃഷ്ണന്‍, എ.സി.കൃഷ്ണന്‍, ടി.സി.സേതുമാധവന്‍ എന്നിവര്‍ സംസാരിച്ചു.
ചാവക്കാട് എടക്കഴിയൂര്‍ തെക്കെമദ്രസക്ക് പടിഞ്ഞാറ് നിര്‍മ്മിച്ച കാനയില്‍ പ്രദേശത്തുള്ള കടകളിലെ മാലിന്യം തള്ളുന്നതായി പരാതി.
ദുര്‍ഗന്ധം വമിക്കുന്നതു മൂലം ജനജീവിതം ദുസ്സഹമായി. മാലിന്യം നിറഞ്ഞ് കാനകള്‍ മൂടിക്കിടക്കുകയാണ്. മഴ പെയ്താല്‍ സ്ഥിതി കൂടുതല്‍ രൂക്ഷമാകുമെന്ന് നാട്ടുകാര്‍ പറയുന്നു. പരാതിയെ തുടര്‍ന്ന് പുന്നയൂര്‍ ഹെല്‍ത്ത് ഇന്‍സ്‌പെക്ടര്‍ പി.ആര്‍. രജിത്ത് കുമാര്‍ സ്ഥലം സന്ദര്‍ശിച്ചു. മാലിന്യം തള്ളുന്നവര്‍ക്കെതിരെ ശക്തമായ നടപടിയെടുക്കുമെന്ന് ഹെല്‍ത്ത് ഇന്‍സ്‌പെക്ടര്‍ അറിയിച്ചു.
ഇരിങ്ങാലക്കുട ഇരിങ്ങാലക്കുട നഗരസഭ 18ാം വാര്‍ഡി്ല്‍ അറവുശാലയ്ക്ക് സമീപം സ്വകാര്യ വ്യക്തിയുടെ പറമ്പില്‍ ഏകദേശം 30 മീറ്റര്‍ ഉയരത്തില്‍ ഒറ്റ രാത്രികൊണ്ട് മൊബൈല്‍ ടവര്‍ ഉയര്‍ന്നു.
സമീപവാസികള്‍ പ്രക്ഷോഭത്തിനിറങ്ങിയതോടെ ടവര്‍നിര്‍മ്മാണത്തിന് നല്‍കിയ അനുമതി നഗരസഭ അധികൃതര്‍ പിന്‍വലിച്ചു. രണ്ട് ക്രെയിനുകളുടെ സഹായത്തോടെയാണ് മൊബൈല്‍ ടവര്‍ നിലത്തിറക്കിയത്. മൊബൈല്‍ ടവര്‍ നിലത്തിറക്കിയതോടെ സമീപവാസികള്‍ പടക്കം പൊട്ടിക്കുകയും പ്രക്ഷോഭത്തിന് സഹായിച്ചവര്‍ക്ക് അനുകൂലമായി മുദ്രാവാക്യം വിളിക്കുകയും ചെയ്തു. ഇത് കൂട്ടായ്മയുടെ വിജയമാണെന്ന് പ്രക്ഷോഭത്തിന് നേതൃത്വം നല്‍കിയ മുന്‍ നഗരസഭ കൗണ്‍സിലര്‍ ബെന്നി വിന്‍സന്റ്, സമീപവാസികളായ റീത്ത സെബാസ്റ്റ്യന്‍, ജോജി കിഴക്കേപീടിക തുടങ്ങിയവര്‍ പറഞ്ഞു.
കൊടകര സര്‍വ്വശിക്ഷ അഭിയാന്റെ ആഭിമുഖ്യത്തില്‍ നടത്തുന്ന ബാലോത്സവത്തിന്റെ ജില്ലാതല ഉദ്ഘാടനം കോടാലി ജി.എല്‍.പി.സ്‌കൂളില്‍ നടന്നു.
ജില്ലാ പഞ്ചായത്തംഗം സി.ജി.സിനി ഉദ്ഘാടനം ചെയ്തു. കൊടകര ബ്ലോക്ക് പഞ്ചായത്ത് വൈസ് പ്രസിഡന്റ് മോഹനന്‍ ചള്ളിയില്‍ അധ്യക്ഷത വഹിച്ചു. മറ്റത്തൂര്‍ ഗ്രാമപഞ്ചായത്ത് വൈസ് പ്രസിഡന്റ് ബീന നന്ദകുമാര്‍, എസ്.എസ്.എ. ജില്ല പ്രോജക്ട് ഓഫീസര്‍ ഡോ. എന്‍.ജെ.ബിനോയ്, പ്രധാനാധ്യാപകന്‍ ജോസ് മാത്യു എന്നിവര്‍ സംസാരിച്ചു.
പാവറട്ടി മുല്ലശേരി ഗ്രാമപഞ്ചായത്തിലെ വിദ്യാലയങ്ങളുടെ മികവ് ഉത്സവവും സെമിനാറും പെരുവല്ലൂര്‍ ഗവണ്‍മെന്റ് യു.പി സ്‌കൂളില്‍ നടന്നു.
മുരളി പെരുനെല്ലി എം.എല്‍.എ മികവുത്സവം ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡണ്ട് എ.കെ.ഹുസൈന്‍ അധ്യക്ഷനായിരുന്നു. ബ്ലോക്ക് പ്രോഗ്രാം ഓഫീസര്‍ കെ രണദിവ, ഉപജില്ലാ വിദ്യാഭ്യാസ ഓഫീസര്‍ പി. മണികണ്ഠലാല്‍, പ്രധാനാദ്ധ്യാപകന്‍ സി.ടി.ജാന്‍സി, ജനപ്രധിനിധികള്‍ തുടങ്ങിയവര്‍ സംസാരിച്ചു. തുടര്‍ന്ന് 'പൊതു വിദ്യാഭ്യാസത്തിന്റെ പ്രസക്തി' എന്ന വിഷയത്തെ കുറിച്ച് സെമിനാറും ഉണ്ടായി.
കൊടുങ്ങല്ലൂര്‍ ശ്രീനാരായണപുരം പടിഞ്ഞാറെ വെമ്പല്ലൂരില്‍ റവന്യു ഉദ്യോഗസ്ഥര്‍ക്ക് നേരെ കയ്യേറ്റം.
വില്ലേജ് ഓഫീസര്‍ ജോയ് മാത്യു, ഫീല്‍ഡ് അസിസ്റ്റന്റ് ഷാബി മോന്‍ എന്നിവരെയാണ് കാറിലെത്തിയ സംഘം കയ്യേറ്റം ചെയ്തത്. തിങ്കളാഴ്ച ഉച്ചതിരിഞ്ഞ് മൂന്നോടെ വാഴൂര്‍ ബീച്ച് റോഡിലായിരുന്നു സംഭവം. റവന്യു റിക്കവറി കളക്ഷന്‍ കഴിഞ്ഞ് മടങ്ങുകയായിരുന്ന ഉദ്യോഗസ്ഥരെ ഇന്നോവ കാറിലെത്തിയ സംഘം തടഞ്ഞു നിര്‍ത്തി അസഭ്യം പറയുകയും കയ്യേറ്റം ചെയ്യുകയുമായിരുന്നു. നാട്ടുകാര്‍ എത്തും മുന്‍പെ കാറിലെത്തിയവര്‍ രക്ഷപെട്ടു. കൊടുങ്ങല്ലൂര്‍ പോലീസ് കേസെടുത്തു
ഇരിങ്ങാലക്കുട ഇന്‍ഡോര്‍ ജംപിങ്ങ് സൗകര്യമുള്ള ഇന്ത്യയിലെ ആദ്യത്തെ കോളേജായി ഇരിങ്ങാലക്കുട െ്രെകസ്റ്റ് കോളേജ് മാറിയതായി അധികൃതര്‍ അറിയിച്ചു.
വജ്രജൂബിലി ആഘോഷിക്കുന്ന െ്രെകസ്റ്റ് കോളേജ് വളര്‍ന്നു വരുന്ന കായികതാരങ്ങള്‍ക്കായി മഴക്കാലത്തും, വേനല്‍ക്കാലത്തും പരീശീലനം നടത്തുവാന്‍ കഴിയുന്ന വിധത്തില്‍ 11 ലക്ഷം രൂപയോളം ചെലവഴിച്ചാണ് ഇന്‍ഡോര്‍ ജംപിങ്ങ് സൗകര്യം ഒരുക്കിയിട്ടുള്ളത്. ജംപിങ്ങ് പിറ്റിന്റെ ഉദ്ഘാടനം ചൊവ്വാഴ്ച വൈകീട്ട് 4.30ന് സ്‌പോര്‍ട്‌സ് കൗണ്‍സില്‍ പ്രസിഡന്റ് ടി. പി.ദാസന്‍ നിര്‍വ്വഹിക്കുമെന്ന് ഭാരവാഹികള്‍ അറിയിച്ചു.
ചാലക്കുടി മഴ കനിഞ്ഞതോടെ പശ്ചിമഘട്ട മലനിരകള്‍ക്ക് കാട്ടുതീയുടെ ഭീഷണിയില്‍ നിന്ന് താല്‍ക്കാലിക മോചനം.
നാട്ടില്‍ ഒന്നുരണ്ടു തവണ മഴപെയ്തപ്പോള്‍, അതിരപ്പള്ളിയിലും മറ്റും അങ്ങിനെയായിരുന്നില്ല. പലദിവസങ്ങളിലും ഇവിടെ മഴ തിമിര്‍ത്തു. മലക്കപ്പാറ, ഷോളയാര്‍ എന്നിവിടങ്ങളിലായിരുന്നു കനത്തമഴ. കഴിഞ്ഞ ദിവസവും ഈപ്രദേശത്ത് സാമാന്യം ശക്തമായ മഴ ലഭിച്ചു. മലക്കപ്പാറയിലെ ഉയര്‍ന്ന പാറക്കെട്ടുകളില്‍ നിന്നു നീര്‍ച്ചാലുകള്‍ പ്രവഹിച്ചു തുടങ്ങിയത് കുളിരുള്ള കാഴ്ചയായി. വരണ്ടു കിടന്ന കാട്ടില്‍ വെള്ളമെത്തിയതോടെ പച്ചപ്പും പ്രകടമായി. ഇപ്പോള്‍ വാഴച്ചാല്‍ മുതല്‍ കിഴക്കോട്ടുള്ള ഭാഗങ്ങളില്‍ എല്ലാ സമയവും തണുത്ത കാറ്റും വീശുന്നു. മലക്കപ്പാറയിലാണ് കുളിര്‍ക്കാറ്റ് ശക്തം. കാടും മരങ്ങളും വീണ്ടും തളിര്‍ത്തതോടെ കാട്ടുതീയ്ക്ക് താല്‍ക്കാലിക അറുതിയായെന്ന് വനപാലകര്‍ പറയുന്നു. ഇതോടെ വന്യമൃഗങ്ങളും വെള്ളം തേടിയുള്ള താഴോട്ടുള്ള വരവിനും കുറവുണ്ടായി. ഇതുകൊണ്ടുതന്നെ ഇത്രയും നാള്‍ റോഡരികില്‍ പ്രത്യക്ഷപ്പെട്ടിരുന്ന ആനകളുടെ എണ്ണത്തിനും കുറവുണ്ട്. ഇനിയും മഴയുണ്ടാകുമെന്നാണ് നാട്ടുകാരുടെ പ്രതീക്ഷ.
ചാവക്കാട് നഗരസഭ ജനകീയാസൂത്രണ പദ്ധതിയുടെ ഭാഗമായി ഭിന്നശേഷിയുള്ളവര്‍ക്ക് സൗജന്യമായി സ്‌കൂട്ടര്‍ വിതരണം ചെയ്തു.
6 ലക്ഷത്തോളം രൂപ ചെലവഴിച്ച് 9 ഗുണഭോക്താക്കള്‍ക്കാണ് സ്‌കൂള്‍ നല്‍കിയത്. കെ.വി.അബ്ദുള്‍ഖാദര്‍ എം.എല്‍.എ. ഉദ്ഘാടനം ചെയ്തു. നഗരസഭാധ്യക്ഷന്‍ എന്‍.കെ.അക്ബര്‍ അധ്യക്ഷത വഹിച്ചു. ഉപാധ്യക്ഷ മഞ്ജുഷ സുരേഷ്, സ്ഥിരം സമിതി അധ്യക്ഷരായ എ.സി.ആനന്ദന്‍, എം.ബി.രാജലക്ഷ്മി, എ.എ.മഹേന്ദ്രന്‍ എന്നിവര്‍ സംസാരിച്ചു.
കൊടകര 'ദി ഹോപ്പ് ' എന്ന പേരില്‍ പ്രവര്‍ത്തിക്കുന്ന ചാരിറ്റി സംഘടനയുടെ ആഭിമുഖ്യത്തില്‍ ചൊവ്വാഴ്ച കിഡ്‌നി രോഗി പ്രത്യാശസംഗമം സംഘടിപ്പിക്കുമെന്ന് ഭാരവാഹികള്‍ കൊടകരയില്‍ അറിയിച്ചു.
കൊടകരയിലെ ഇമ്മാനുവേല്‍കൃപ അഗതിമന്ദിരത്തില്‍ വൈകീട്ട് 5ന് നടക്കുന്ന സംഗമത്തില്‍ കൊടകര ഫൊറോന വികാരി ഫാ.ഡോ.ജോണ്‍സന്‍ ജി.ആലപ്പാട്ട് മുഖ്യപ്രഭാഷണം നടത്തും.. കിഡ്‌നി ഫെഡറേഷന്‍ ഡയറക്ടര്‍ അഡ്വ.എ.ഡി.ബെന്നി, നടന്‍ സ്ഫടികം ജോര്‍ജ്, കിഡ്‌നി ദാനം ചെയ്ത ഫാ.ഡോ.വര്‍ഗീ്‌സ് പെരേപ്പാടന്‍ തുടങ്ങിയവര്‍ പങ്കെടുക്കും. വാര്‍ത്താസമ്മേളനത്തില്‍ 'ദി ഹോപ്പ് ' രക്ഷാധികാരി ഫാ.ഡോ.ജോണ്‍സന്‍ ജി.ആലപ്പാട്ട്, പ്രസിഡന്റ് ബെര്‍ളി സെബാസ്റ്റ്യന്‍, സെക്രട്ടറി സന്തോഷ് പല്ലിശേരി, ട്രഷറര്‍ ബിജു തൃശൂര്‍ എന്നിവര്‍ പങ്കെടുത്തു.
ഇരിങ്ങാലക്കുട ഇരിങ്ങാലക്കുട ഠാണാവില്‍ നിന്ന് ആരംഭിക്കുന്ന കോളനി റോഡ് ടാര്‍ ചെയ്തത് മണിക്കൂറുകള്‍ക്കകം പൊളിച്ചുനീക്കി.
പരിശോധനയില്‍ ഉദ്യോഗസ്ഥര്‍ അപാകത കണ്ടെത്തിയതിനെ തുടര്‍ന്നാണ് നടപടി. തിങ്കളാഴ്ച്ച രാവിലെ ടാര്‍ ചെയ്ത ഭാഗത്തിനെ കുറിച്ച് പരാതി ലഭിച്ചതിനെ തുടര്‍ന്ന് മുനിസിപ്പല്‍ എന്‍ജിനീയരുടെ നേതൃത്വത്തില്‍ ഉദ്യോഗസ്ഥര്‍ സംഭവ സ്ഥലം പരിശോധിക്കുകയും അപാകത കണ്ടെത്തുകയുമായിരുന്നു. ഇതിനെ തുടര്‍ന്ന് ഈ ഭാഗം പൊളിച്ചുനീക്കാന്‍ കോണ്‍ട്രാക്ടറോട് ആവശ്യപ്പെടുകയും ചെയ്തു. നിലവാര തകര്‍ച്ചയാണോ മറ്റു സാങ്കേതിക തകരാറുകളാണോ ടാര്‍ ഇളകിയതിന് പുറകിലെന്ന് അന്വേഷണത്തിലൂടെ മാത്രമേ അറിയാനാകൂവെന്ന് ഉദ്യോഗസ്ഥര്‍ അറിയിച്ചു..
കയ്പമംഗലം എടത്തിരുത്തി പഞ്ചായത്തുതല വിദ്യാഭ്യാസ സമിതി രൂപീകരണ യോഗം ഇ.ടി.ടൈസന്‍ എം.എല്‍.എ ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് ബൈന പ്രദീപ് അധ്യക്ഷത വഹിച്ചു. മതിലകം ബി.ആര്‍.സി ബി.പി.ഒ- ടി.എസ്.സജീവന്‍ പദ്ധതി വിശദീകരണം നടത്തി. വൈസ് പ്രസിഡന്റ് എ.വി.സതീഷ്, വിവിധ സ്റ്റാന്റിംഗ് കമ്മിറ്റി അധ്യക്ഷരായ രഞ്ജിനി സത്യന്‍, ഗീത മോഹന്‍ദാസ് തുടങ്ങിയവര്‍ സംസാരിച്ചു.
അന്തിക്കാട് അന്തിക്കാട് വടക്കേക്കര ശ്രീ മഹാവിഷ്ണു ക്ഷേത്രത്തിലെ ഉത്സവത്തിന് ക്ഷേത്രം തന്ത്രി പഴങ്ങാപറമ്പ് ഉണ്ണികൃഷ്ണന്‍ നമ്പൂതിരി കൊടിയേറ്റി.
പത്മശ്രീ പെരുവനം കുട്ടന്‍മാരാര്‍, പഴങ്ങാപറമ്പ് നന്ദന്‍ നമ്പൂതിരി, അന്തിക്കാട് ഗ്രാമപഞ്ചായത്ത് പ്രസിഡണ്ട് കെ.എം.കിഷോര്‍ കുമാര്‍ തുടങ്ങിയവര്‍ പങ്കെടുത്തു.
കയ്പമംഗലം പെരിഞ്ഞനം ഗ്രാമപഞ്ചായത്തില്‍ ബജറ്റ് അവതരിപ്പിച്ചു.
11 കോടി 78 ലക്ഷത്തി അറുപത്തി ആറായിരത്തി തൊള്ളായിരം രൂപ വരവും 10 കോടി 13 ലക്ഷത്തി 5,800 രൂപ ചിലവും പ്രതീക്ഷിക്കുന്ന ബജറ്റാണ് വൈസ് പ്രസിഡന്റ് സായിദ മുത്തുക്കോയ തങ്ങള്‍ അവതരിപ്പിച്ചത്. ഗ്രാമപഞ്ചായത്ത് പ്രസിഡന്റ് കെ.കെ.സച്ചിത്ത് അധ്യക്ഷത വഹിച്ചു.
ചേര്‍പ്പ് ദേശീയത എന്ന പദം ഉയര്‍ത്തി മതേതര ഇടങ്ങളെ വിഭജിക്കുവാനാണ് ഹിന്ദുത്വവാദികള്‍ ശ്രമിക്കുന്നതെന്ന് കവി ഗോപീകൃഷ്ണന്‍ അഭിപ്രായപ്പെട്ടു.
വെളിച്ചം സാംസ്‌കാരികവേദി ചേര്‍പ്പില്‍ സംഘടിപ്പിച്ച 'ദേശീയത - ചരിത്രവും വര്‍ത്തമാനവും എന്ന വിഷയത്തില്‍ സംസാരിക്കുകയായിരുന്നു അദ്ദേഹം. വെളിച്ചം വേദി പ്രസിഡന്റ് ജോണ്‍സണ്‍ ചിറമ്മല്‍ അധ്യക്ഷനായി. പി.ജെ.ബേബി, ടി.ഒ.വര്‍ഗീസ്, എ.എം.സുബ്രഹ്മണ്യന്‍ എന്നിവര്‍ സംസാരിച്ചു.
ചേലക്കര സംസ്ഥാന ഫെസ്റ്റിവല്‍ കോ-ഓര്‍ഡിനേഷന്‍ കമ്മിറ്റിയുടെയും, അന്തിമഹാകാളന്‍കാവ് വേല കോ-ഓര്‍ഡിനേഷന്‍ കമ്മിറ്റിയുടെയും നേതൃത്വത്തില്‍ വെടിക്കെട്ട് വിശദീകരണ പൊതുയോഗം സംഘടിപ്പിച്ചു.
ചേലക്കര അന്തിമഹാകാളന്‍കാവ് വേല ഉള്‍പ്പെടെ കേരളത്തിലെ വെടിക്കെട്ട് അനിശ്ചിതത്വത്തിലായതില്‍ പ്രതിഷേധിച്ചായിരുന്നു യോഗം. ഫെസ്റ്റിവല്‍ കോഓര്‍ഡിനേഷന്‍ കമ്മിറ്റി സംസ്ഥാന ജനറല്‍ സെക്രട്ടറി വത്സന്‍ ചമ്പക്കര പൊതുയോഗം ഉദ്ഘാടനം ചെയ്തു. വേല കോ-ഓര്‍ഡിനേഷന്‍ കമ്മിറ്റി ചെയര്‍മാന്‍ രാജേഷ് നമ്പ്യാത്ത് അധ്യക്ഷനായിരുന്നു. ഫെസ്റ്റിവല്‍ കോ-ഓര്‍ഡിനേഷന്‍ കമ്മിറ്റി സംസ്ഥാന ചീഫ് കോ-ഓര്‍ഡിനേറ്ററും, തിരുവമ്പാടി ദേവസ്വം സെക്രട്ടറിയുമായ പ്രൊഫ. എം. മാധവന്‍കുട്ടി വിഷയാവതരണം നടത്തി. ബി.ജെ.പി. ജില്ലാ പ്രസിഡന്റ് എ. നാഗേഷ്, ഡി.സി.സി ജനറല്‍ സെക്രട്ടറിയും, ജില്ലാ പഞ്ചായത്ത് അംഗവുമായ ഇ. വേണുഗോപാലമേനോന്‍ എന്നിവര്‍ പങ്കെടുത്തു.
പുതുക്കാട് കല്ലൂര്‍ കോട്ടായിയില്‍ വയോധികയെ വീടിനുള്ളില്‍ പൊള്ളലേറ്റ് മരിച്ച നിലയില്‍ കണ്ടെത്തി.
കോട്ടയില്‍ കുന്നത്ത് വേലായുധന്‍ ഭാര്യ 76 വയസ്സുള്ള ജാനകിയാണ് മരിച്ചത്.
പുന്നയൂര്‍ക്കുളം വടക്കേകാട്, പുന്നയൂര്‍ പഞ്ചായത്തുകളെ തമ്മില്‍ ബന്ധിപ്പിക്കുന്ന ആലാപാലം അണ്ടിക്കോട്ട് കടവ് റോഡ് ചൊവ്വാഴ്ച്ച ജില്ലാ പഞ്ചായത്ത് പ്രസിഡന്റ് ഷീലാ വിജയകുമാര്‍ ഉദ്ഘാടനം ചെയ്യും.
47 ലക്ഷം രൂപ ചിലവില്‍ ജില്ലാപഞ്ചായത്താണ് റോഡ് നിര്‍മ്മാണം പൂര്‍ത്തീകരിച്ചത്.
ചാവക്കാട് സാമൂഹിക വനവത്കരണത്തിന്റെ ഭാഗമായി ചാവക്കാട് ബീച്ച് മുതല്‍ എടക്കഴിയൂര്‍ വരെയുള്ള കടല്‍ത്തീരത്ത് വെച്ചുപിടിപ്പിച്ച മരങ്ങള്‍ വ്യാപകമായി മുറിച്ചു കടത്തുന്നതായി പരാതി.
പകല്‍ സമയങ്ങളില്‍ വലിയ മരങ്ങള്‍ വെട്ടിവീഴ്ത്തി രാത്രിയില്‍ കടത്തി കൊണ്ടുപോവുകയാണെന്ന് പറയുന്നു. സാമൂഹികവനം വകുപ്പിന്റെ നേതൃത്വത്തില്‍ ലക്ഷകണക്കിന് രൂപ ചെലവിട്ടാണ് കടല്‍തീരത്ത് ജൈവ വേലിയായി കാറ്റാടിമരങ്ങള്‍ വെച്ചു പിടിപ്പിക്കാന്‍ ആരംഭിച്ചത്. പതിറ്റാണ്ടുകള്‍ പഴക്കമുള്ള കാറ്റാടി മരങ്ങളാണ് മുറിച്ചു കടത്തുന്നതെന്ന് നാട്ടുകാര്‍ പറയുന്നു. മരങ്ങള്‍ മുറിച്ചു മാറ്റുന്നവര്‍ക്കെതിരെ ശക്തമായ നടപടി സ്വീകരിക്കണമെന്ന ആവശ്യം ശക്തമായി.
മാള പുത്തന്‍ചിറ ഗ്രാമപഞ്ചായത്ത് പ്രസിഡന്റിന് നല്‍കിയിരുന്ന പിന്തുണ പിന്‍വലിക്കാന്‍ യു.ഡി.എഫ്.തീരുമാനിച്ചു.
സി.പി.എം വിട്ട കെ.വി.സുജിത്ത്‌ലാല്‍ പ്രസിഡന്റ് സ്ഥ